తిరుమల: అఖిలాండ కోటి బ్రహ్మాండ నాయకుడు కొలువైన తిరుమల వెంకన్న సన్నిధిలో భక్తుల రద్దీ సాధారణంగా ఉంది. ఏడుకొండలవాడి దర్శనానికి భక్తులు 9 కంపార్ట్‌మెంట్లలో వేచి ఉన్నారు. శ్రీనివాసుడిని సర్వదర్శనానికి 6 గంటలు, ప్రత్యేక ప్రవేశ దర్శనానికి 2 గంటలు, కాలినడకన వచ్చే భక్తులకు 2 గంటల సమయం పడుతుందని టీటీడీ అధికారులు ఓ ప్రకటనలో తెలిపారు. కాగా బుధవారం ఒక్కరోజే 65,350 మంది భక్తులు స్వామివారిని దర్శించుకున్నారు. 27,251 మంది తలనీలాలు సమర్పించారు. శ్రీవారి హుండీ ఆదాయం బుధవారం రూ. 3.71 కోట్లుగా ఉంది. ఇవాళ సాయంత్రం నుంచి భక్తుల రద్దీ మరింత పెరిగే అవకాశముంది.