వారంతంలో నష్టాలు

stock market
  • వరుసగా రెండో రోజు పడిపోయిన సూచీలు

  • ప్రారంభంలో లాభాలను నిలుపుకోలేకపోయిన సెనెక్స్, నిఫ్టీ

  • ఎటకేలకు 36 స్టాయిని నిలుపుకున్న సెన్సెక్స్

  • 10,800 మార్క్‌ను కాపాడుకోలేకపోయిన నిఫ్టీ

  • ఐటీ, ఆటో రంగాల్లో అమ్మకాలతో తప్పని నష్టాలు

  • మిశ్రమంగా ముగిసిన అంతర్జాతీయ సూచీలు

ముంబై: దేశీ స్టాక్ మార్కెట్ వరుసగా రెండో రోజు నష్టాల్లోనే ముగిసింది. లాభాల్లో ప్రారంభమైన బెంచ్‌మార్క్ ఇండెక్స్‌లు తర్వాత ఆ లాభాలను నిలుపుకోలేకపోయాయి. చివరకు సెన్సెక్స్ 97 పాయింట్ల నష్టంతో 36,009 వద్ద, నిఫ్టీ 26 పాయింట్ల నష్టంతో 10,794 వద్ద క్లోజయ్యాయి. నిఫ్టీ 10,800 స్థాయిని రక్షించుకోలేకపోయింది. సెన్సెక్స్ మాత్రం 36,000 స్థాయిని కాపాడుకుంది. సెన్సెక్స్ ఒకానొక సమయంలో 36,000 స్థాయి కిందకు పడిపోయింది. అయితే చివరకు నష్టాలను తగ్గించుకుంది. ఆసియా మార్కెట్ల లాభాల కారణంగా ఉదయం మన మార్కెట్ లాభాల్లోనే ప్రారంభమైంది. అయితే తర్వాత ఐటీ, ఆటో, బ్యాంక్ షేర్లలో అమ్మకాలు వెల్లువెత్తడంతో ఇండెక్స్‌లు నష్టాల్లోకి జారుకున్నాయి. నిఫ్టీ 50లో ఐటీసీ, యూపీఎల్, విప్రో, ఐఓసీ, హిందాల్కో, ఓఎన్‌జీసీ, ఏసియన్ పెయింట్స్, ఇన్ఫోసిన్, వేదాంత, హెచ్‌డీఎఫ్‌సీ షేర్లు లాభాల్లో ముగిశాయి. ఇండస్‌ఇండ్ బ్యాంక్, టాటా మోటార్స్, భారతీ ఇన్‌ఫ్రాటెల్, టీసీఎస్, యస్ బ్యాంక్, గెయిల్, ఎల్‌అండ్‌టీ, టాటా స్టీల్, ఎస్‌బీఐ షేర్లు పడిపోయాయి. ఇండస్‌ఇండ్ బ్యాంక్, టాటా మోటార్స్ షేర్లు 3 శాతానికి పైగా నష్టపోయాయి. భారతీ ఇన్‌ఫ్రాటెల్, టీసీఎస్ షేర్లు 2 శాతానికి పైగా పడిపోయాయి. ఐటీసీ, యూపీఎల్, విప్రో షేర్లు 1 శాతానికి పైగా లాభపడ్డాయి. ఇంట్రాడేలో నిఫ్టీ 10,739 పాయింట్ల కనిష్ట స్థాయిని, 10,850 పాయింట్ల గరిష్ట స్థాయిని తాకింది. ఇక సెన్సెక్స్ 35,840- 36,214 పాయింట్ల శ్రేణిలో కదలాడింది. సెక్టోరల్ ఇండెక్స్‌లు మిశ్రమంగా ముగిశాయి. నిఫ్టీ ఫైనాన్షియల్ సర్వీసెస్, నిఫ్టీ ఎఫ్‌ఎంసీజీ మినహా మిగతా ఇండెక్స్‌లన్నీ పడిపోయాయి. నిఫ్టీ రియల్టీ, నిప్టీ పీఎస్‌యూ బ్యాంక్, నిప్టీ ఆటో ఇండెక్స్‌లు ఎక్కువగా నష్టపోయాయి. 

సంబంధిత వార్తలు