మ్యూచువల్ ఫండ్ అంటే ఏమిటి?

Updated By ManamSun, 04/15/2018 - 23:03
image

imageన్యూఢిల్లీ: మ్యూచువల్ ఫండ్ అంటే ఒకే ఆర్ధిక లక్ష్యం కలిగి ఉన్న అనేక పెట్టుబడిదారుల పొదుపులను కూడకట్టడం కోసం ఏర్పడిన ట్రస్టు. ఒకే లక్ష్యం అనగా డబ్బును ఇన్వెస్ట్ చేయాలి దాని పై రాబడి రావాలి అని అనుకునే వారందరి దగ్గరి నుండి డబ్బును సేకరించి వివిధ పెట్టుబడి సాధనాలలో అనగా షేరు మార్కెట్ , బాండ్స్ ,ప్రభుత్వ సేక్యూరిటిలు ,డిబెంచర్లు , బంగారం ,డేట్స్ మొదలగు వాటిలో పెట్టుబడి పెడతారు. మ్యూచువల్ అని పేరు లోనే ఉన్నట్టుగా, కలిసి కట్టుగా పెట్టుబడి పెట్టడం . మ్యూచువల్ ఫండ్ లలో పెట్టుబడి పెట్టడానికి అదనపు డబ్బు ఉన్న వాళ్ళెవరైన , కొంచం డబ్బు అంటే కొన్ని వందల రూపాయల నుండి మొదలుకొని మీ పొదుపు సామర్ధ్యానికి అనుగుణంగా మ్యూచువల్ ఫండ్‌లలో పెట్టుబడి పెట్టవచ్చు. ఈ మ్యూచువల్ ఫండ్‌లు ,పెట్టుబడికి సంబంధించిన వివిధ రకాల ఫండ్‌లలో మీ డబ్బును పెట్టుబడి పెట్టి మ్యూచువల్ ఫండ్ పథకాల యూనిట్లను కొంటారు.వీటిని ప్రపంచంలో కొన్ని భాగాలలో మ్యూచువల్ ఫండ్ లేదా యూనిట్ ట్రస్టు అని అంటారు. 

ఎవరికీ ఐతే స్టాక్ మార్కెట్ నందు అనుభవం లేదో , షేర్ల ధరలను క్రమం తప్పకుండా పరిశీలించడానికి సమయం కేటాయించాలేరో ,ఒకే రంగం లోని షేర్లు కొంటే నష్టపోతాం కాని, వివిధ రంగాల షేర్లు కొనడానికి అధిక డబ్బు లేదు కదా అని అనుకొనేవారు ,పెట్టుబడి పై రిస్కు ఎక్కువగా తీసుకోలేని వారు, పెట్టుబడి పై అధిక రిస్కు తీసుకోగలరు కాని అనుభవం లేకపోవడం, ఇలాంటి వారందరికి మ్యూచువల్ ఫండ్ అనుకూలముగా ఉంటుంది. ఇలాంటి వారందరూ మ్యూచువల్ ఫండ్‌లో పెట్టుబడి పెడితే మార్కెట్ నిపుణులు లేదా ఫండ్ మేనేజర్లు వాటిని వివిధ మ్యూచువల్ ఫండ్ పథకాల యందు పెట్టుబడిగా పెడతారు.

ఫండ్ మేనేజర్లు పెట్టుబడిని వివిధ మ్యూచువల్ ఫండ్ పథకాలలో అనగా షేరు మార్కెట్ మొదలుకొని వివిధ రకాల పెట్టుబడి సాధనాలలో పెట్టుబడిగా పెడతారు..మీరు పెట్టుబడిగా పెట్టిన డబ్బు ఆధారంగా మీకు యూనిట్లు కేటాయిస్తారు . ఈ విధంగా పెట్టిన పెట్టుబడుల ద్వారా వచ్చిన ఆదాయంను అనగా షేర్లలో పెట్టుబడి పెడితే వచ్చే డివిడెండ్ ,షేరు ధర పెరగడం వళ్ళ కలిగే లాభం , ఇదే విధంగా వివిధ పధకాల ద్వారా వచ్చే ఆదాయం మరియు ఈ పథకాల వలన కలిగిన మూలధనం (క్యాపిటల్) లోని పెరుగుదల ను మీ వద్ద గల యూనిట్ ల ఆధారంగా మీకు పంచుతారు. లేదంటే మీరు మీ యూనిట్లను స్టాక్ మార్కెట్ లో కూడా అమ్ముకోవచ్చు. ఈ విధంగా మ్యూచువల్ ఫండ్ , సామాన్య మానవునికి బాగా అనుకూలమైన పెట్టుబడి, ఎందుకంటే, ఇది వివిధి రకాల, వృత్తిపర నిపుణల ద్వారా నిర్వహించబడుతూ ,సెక్యూరిటీలలో తక్కు వ ఖర్చుతో,తక్కువ పెట్టుబడితో పెట్టుబడి చేయడానికి అవకాశం కలిగిస్తుంది

English Title
What is a mutual fund?



Related News