venkaiah naidu

ప్రపంచ యువనికపై భారత్ మార్క్

Updated By ManamSat, 11/03/2018 - 23:00
  • చైతన్యం, ఆర్థికవృద్ధిలో దూసుకెళ్తోంది  

  • ప్రపంచంలోనే వేగంగా అభివృద్ధి

  • హరారేలో ఉపరాష్ట్రపతి వెంకయ్య

venkayaన్యూఢిల్లీ: భారత్ చైతన్యం మరియు ఆర్థికాభివృద్ధి వెరసి, అంతర్జాతీయ యవనికపై భారతదేశ ప్రాధాన్యతను మరింత పెంచాయని ఉపరాష్ట్రపతి ఎం.వెంకయ్యనాయుడు తెలిపారు. 8.2% వృద్ధి రేటుతో ప్రపంచలోనే అత్యంత వేగంగా అభివృద్ధి చెందుతున్న ప్రధాన ఆర్థిక వ్యవస్థగా భారత్ చోటు సంపాదించుకుంటోందని ఆయన తెలిపారు. జింబాబ్వే భారతరాయబారి ఎం.మసాకుయ్ హరారేలో నిర్వహించిన భారతీ యుల సమావేశంలో ఉపరాష్ట్రపతి వెంకయ్య ప్రసంగించారు. సామాజిక న్యా యం మరియు సాధికారత శాఖ కేంద్ర సహాయమంత్రి కృష్ణన్ పాల్ గుర్జర్ సహా పలువురు భారత ప్రతినిధులు ఈ కార్యక్రమానికి హాజరయ్యారు. జింబాబ్వేలో భారతీయుల సంఖ్య తక్కువే అయినప్పటికీ, పరిశ్రమ స్థాపన ద్వారా దేశాభివృద్ధి కీలక పాత్ర పోషిస్తున్నారని, వారు రెండు దేశాల మధ్య వంతెనగా వ్యవహరిస్తున్నారని ప్రశంసించారు. కష్టపడి పనిచేయడం, శాంతి, ప్రేమ, కలుపుగోలు తత్వం లాంటివి వివిధ దేశాల్లోని భారతీయులకు గౌర వాన్ని తీసుకురావడంతో పాటు దేశ ఔన్నత్యాన్ని మరింత ఇనుమడింపజేస్తు న్నాయని ఉపరాష్ట్రపతి తెలిపారు. జింబాబ్వేతో భారతదేశంస్నేహపూర్వక సంబంధాలను కలిగి ఉందని, రెండు దేశాల్లోని వైవిధ్యమైన సంస్కృతులు ఓ గొప్ప సాంస్కృతిక వారసత్వాన్ని ప్రోది చేస్తున్నాయని తెలిపారు. భారత దేశంలో వేగంగా చోటు చేసుకుంటున్న మార్పులను జింబాబ్వేలోని భారతీ యులు గమనించాలని, దేశంలో వ్యాపారానికి అనుకూలమైన వాతావరణం ఏర్పడుతోందని, పురాతన నిబంధనలు సరళీకరించి, సరికొత్త విధానాలను ప్రవేశ పెడుతున్నారని ఉపరాష్ట్రపతి తెలిపారు. 21వ శతాబ్దం ఆసియా, ఆఫ్రికా శతాబ్ధంగా పిలవబడుతోందని, భారతదేశంలో ఇందులో కీలక పాత్ర పోషిస్తోందని తెలిపారు. ప్రపంచంలో ఎక్కడ జీవిస్తున్నా భారతదేశ అభివృద్ధిఅందులో వారి పాత్ర ప్రవాసుల మీద ప్రభావం చూపుతుందని, ఇలాంటి అభివృద్ధిలో అందరూ భాగస్వాములు కావాలని ఆయన ఆకాంక్షించారు.



విద్యా విధానంలో మార్పులు అవసరం

Updated By ManamWed, 10/24/2018 - 23:56

imageహైదరాబాద్ః ప్రస్తుత విద్యావిధానం సమూలంగా మారాల్సిన అవసరం ఉందని, మార్కుల కోసం విద్య అనే పరిస్థితిని వదిలి జీవితంలో  ఎదగడానికి విద్య అనే ఆలోచన పెరగాల్సి ఉందని ఉపరాష్ట్రపతి ఎం. వెంకయ్యనాయుడు సూచించారు. పిల్లల సిలబస్ మారాలని, ప్రస్తుతం ఉన్న సిలబస్‌ను సగానికి తగ్గించి, ఆటాపాటలు, ప్రకృతిలో గడపడం లాంటి వాటికి ప్రాధాన్యతను ఇవ్వడం, చిన్న తనం నుంచే భారతీయ సంస్కృతి పట్ల అవగాహన కల్పించడం లాంటి వాటి ద్వారా పిల్లలను ఉత్తమ పౌరులుగా తీర్చిదిద్దాలని సూచించారు.

భారతీయ విద్యాభవన్‌లో జరిగిన కార్యక్రమంలో ఉపరాష్ట్రపతి వెంకయ్య నాయుడు ముఖ్యఅతిధిగా పాల్గొన్నారు. ఉప ముఖ్యమంత్రి మహమూద్ అలీ  కూడా ఈ కార్యక్రమానికి హజరయ్యారు. ఈ సందర్భంగా వెంకయ్యనాయుడు మాట్లాడారు. భారతీయ విద్యా సంస్థ్ధకు   వచ్చి పిల్లలతో ముచ్చటించడం తనకెంతో ఆనందంగా ఉంటుందని అన్నారు. 1938లో మున్షి అధ్యర్యంలో ఆరంభమైన ఈ విద్యాభవన్,  భారతీయ విద్యా చరిత్రలో  కీలక పాత్ర పోషించిందని తెలిపారు. ఈ వారసత్వాన్ని పిల్లలు  వినియోగించుకొని, భవిష్యత్ నిర్మాతలుగా ఎదగాలని ఆకాంక్షించారు. భారత దేశంలో యువత సంఖ్య ఎక్కువని, దేశ జనాభాలోని 65 శాతం మంది 35 ఏళ్ల లోపు వారేనని ఆయన తెలిపారు. సాటిమనిషికి సాయం చేయడం ద్వారా జీవితంలో ఉన్నత వ్యక్తులుగా ఎదగ గలరని తెలిపారు. సాయం అంటే ఒక చెట్టును నాటడం, మిత్రుని గణిత సమస్యను తీర్చడం, ఆకలితో  ఉన్న వ్యక్తికి ఆహారం అందించడం లాంటివి మనల్ని ఉన్నతులుగా తీర్చిదిద్దుతుందని, ప్రతి ఒక్కరూ ధైర్యం, దయ,  నాయకత్వం లక్షణాలు కలిగి ఉండడం ద్వారా ఉత్తమ పౌరులుగా ఎదుగుతారని ఆయన తెలిపారు.

 చదవడం అంటే పరీక్షలు మాత్రమే కాదని, ఆచరణాత్మక జ్ఞానాన్ని  పెంపొందించుకోవాలని సూచించారు. ప్రతి పిల్లవాడు ప్రత్యేకమైన వ్యక్తే అని, వారిలో నైపుణ్యాన్ని గుర్తించే బాధ్యత ఉపాధ్యాయులదే అని తెలిపారు. పాఠశాలల్లో  పిల్లలు సంతోషంగా చదువుకోవాలని, అనవసరమైన ఒత్తిడి పెట్టి, వారి మీద విద్యను రుద్దడం ద్వారా ప్రయోజనం ఉండదని ఉప రాష్ట్రపతి  తెలిపారు. పిల్లకు వ్యాయామం కూడా అవసరమని, దీని కోసం అదనపు విద్యా ప్రణాళికలను ప్రోత్సహించాలని, పిల్లలకు కళలు, సాహిత్య కార్యక్రమాల ఆసక్తి పెంపొందించాలని, ప్రకృతి పరిరక్షణలో నేటి నుంచే వారిని భాగస్వాములుగా తీర్చి దిద్దాలని సూచించారు. స్వచ్ఛభారత్,  మొక్కల పెంపకం లాంటి కార్యక్రమాల వైపు పిల్లల్ని ప్రోత్సహించడం ద్వారా వారు ఉత్తమ పౌరులుగా ఎదగగలరని ఆకాంక్షించారు. ఈ తరంలో విద్య అంటే టెక్నాలజీ కూడా అని, అయితే అది మన జ్ఞానాన్ని పెంపొందించుకోవడానికి తప్ప ఇతర అంశాలకు వినియోగించకూడదని సూచించారు.
 



బెల్జియంలో దోసె, వెంకయ్య ట్వీట్ 

Updated By ManamSun, 10/21/2018 - 11:27
Venkaiah Naidu Tucks Into Dosa At Saravana Bhavan In Belgium

బెల్జియం : విదేశాలకు వెళ్లినా కొంతమంది తమ ఆహారపు అలవాట్లను వదులుకోరు. ఇక తమకు నచ్చిన ఫుడ్ అందుబాటులో ఉంటే ఇంక చెప్పేదేముంది. సింపుల్‌గా లాగించేస్తారు. తాజాగా ఉప రాష్ట్రపతి వెంకయ్య నాయుడు కూడా అదే చేశారు. బెల్జియం రాజధాని బ్రసెల్స్‌లో జరుగుతున్న 12వ ఆసియా-ఐరోపా సదస్సులో పాల్గొనేందుకు బెల్జియం వెళ్లిన ఆయన... అక్కడ శరవణ భవన్‌లో క్రిస్పీ దోసె తిన్నారు. వెంకయ్యతో పాటు ఆయనతో వచ్చిన అధికారులు, బెల్జియంకు భారత రాయబారిగా వున్న గాయత్రి కుమార్ ఇస్సార్ కూడా దోసె టేస్ట్ చేశారు. ఇందుకు సంబంధించి వెంకయ్య తన ట్విట్టర్‌లో ఫోటోలు షేర్ చేశారు.

కాగా మూడు రోజుల పర్యటనలో భాగంగా వెంకయ్య నాయుడు పలువురు దేశాధినేతలతో భేటీ అయ్యారు. గ్రీస్‌ ప్రధాని అలెక్సిస్‌ సైప్రస్‌, పోర్చుగల్‌ ప్రధాని ఆంటోనియో కోస్టా, బెల్జియం రాజు ఫిలిప్ ను మర్యాదపూర్వకంగా కలిశారు. గ్రీస్‌, పోర్చుగల్‌ దేశాలతో భారత ఆర్థిక సంబంధాలు మరింత మెరుగుపడాలని వెంకయ్య ఆకాంక్షించారు. కలిసికట్టుగా భవిష్యత్‌ను నిర్మించుకోవాల్సిన అవసరం ఉందని ఆయన అభిప్రాయపడ్డారు. అంతకు ముందు వెంకయ్య...మహాత్మాగాంధీ విగ్రహానికి నివాళులు అర్పించారు.



దేశ భవిష్యత్ కోసం ప్రణాళికలు చేయండి

Updated By ManamMon, 10/08/2018 - 11:26

Venkaiah Naiduవరంగల్: దేశంలో 65శాతం మంది యువత ఉన్నారని.. వారందరూ దేశ భవిష్యత్ కోసం ప్రణాళికలు చేయండి అంటూ ఉప రాష్ట్రపతి వెంకయ్యనాయుడు పిలుపునిచ్చారు. నిట్‌ వజ్రోత్సవాలను ప్రారంభించిన వెంకయ్యనాయుడు అనంతరం మాట్లాడుతూ.. పరస్పర సహకారతోనే అభివృద్ధి సాధ్యమని అన్నారు. దేశ అభివృద్ధి కోసం పన్నుల వసూలు తప్పనిసరి అని.. పన్నుల వసూలు కోసం అత్యాధునిక టెక్నాలజీని వాడుకోవాలని చెప్పారు. దేశంలో ఇంకా 20శాతం మంది పేదరికంలోనే ఉన్నారని చెప్పారు. బతుకమ్మ పండుగలో ఓ సందేశముందని చెప్పిన వెంకయ్యనాయుడు.. అందరికీ బతుకమ్మ శుభాకాంక్షలను తెలిపారు.



విశాఖ పెద్ద దిక్కును కోల్పోయింది

Updated By ManamSun, 10/07/2018 - 15:52

Venkaiah Naiduవిశాఖపట్నం: టీడీపీ ఎమ్మెల్సీ, గీతం యూనివర్సిటీ అధినేత ఎంవీవీఎస్ మూర్తి మృతదేహానికి ఉపరాష్ట్రపతి వెంకయ్యనాయుడు, ముఖ్యమంత్రి చంద్రబాబు నాయుడు నివాళులు అర్పించారు. ఈ సందర్భంగా వెంకయ్యనాయుడు మాట్లాడుతూ.. మూర్తి మరణం నమ్మలేకపోతున్నా. పది మందికి ఉపయోగపడేలా జీవితాన్ని మల్చుకున్న వ్యక్తి ఆయనని కొనియాడారు. ఉన్నత ప్రమాణాలతోనే మూర్తి విద్యా సంస్థలను నెలకొల్పారని, రాజకీయాల్లో ఉన్నప్పటికీ స్థాయికి తగ్గి ఎప్పుడూ వ్యవహరించలేదని పేర్కొన్నారు. తనను ఎంతగానో అభిమానించే వ్యక్తిని కోల్పోయానని, విశాఖపట్నం ఓ పెద్ద దిక్కును కోల్పోయింది అంటూ ఆయన భావోద్వేగానికి లోనయ్యారు.

ఇక ఏపీ సీఎం చంద్రబాబు నాయుడు మాట్లాడుతూ.. మూర్తి పార్టీ ఆవిర్భావం నుంచి ఎంతో అంకిత భావంతో పనిచేశారని పేర్కొన్నారు. ముక్కు సూటిగా మాట్లాడటం, ఉన్నది ఉన్నట్లుగా చెప్పడం మూర్తి నైజమని, పార్టీ కష్టాల్లో ఉన్నప్పుడు కూడా అండగా నిలిచారని తెలిపారు. మూర్తి వంటి సీనియర్‌ను కోల్పోవడం పార్టీకి తీవ్ర నష్టమని, తెలుగుదేశం పార్టీ ఓ పెద్ద దిక్కును కోల్పోయిందని అన్నారు. ఆయన ఆత్మకు శాంతి కలగాలని కోరుకుంటానని, ఆయన కుటుంబానికి అండగా ఉంటామని చెప్పారు.



ఆ మూడు రంగాలు అత్యంత కీలకమైనవి: వెంకయ్యనాయడు

Updated By ManamSun, 10/07/2018 - 11:24

Venkaiah Naiduహైదరాబాద్: దేశంలో విద్య, వైద్యం, వ్యవసాయ రంగాలు అత్యంత కీలకమైనవని ఉపరాష్ట్రపతి వెంకయ్యనాయుడు ఉద్ఘాటించారు. రంగారెడ్డి జిల్లా ముచ్చింతల్‌ స్వర్ణభారత్‌ ట్రస్ట్‌లో జరిగిన రైతునేస్తం పురస్కారాల పంపిణీ కార్యక్రమంలో వెంకయ్యనాయుడు ముఖ్య అతిథిగా పాల్గొన్నారు. ఈ సందర్భంగా ఉచిత వైద్య శిబిరాన్ని ఆయన ప్రారంభించారు. అనంతరం మాట్లాడుతూ.. ఏ ఒక్కరికీ ఆసుపత్రికి రావాల్సిన అవసరం ఉండకూడదని అన్నారు. వ్యాధులు సోకకుండా ప్రజలను చైతన్యవంతుల్ని చేయాలని సూచించారు. ప్రజల జీవనశైలి మారిపోయిందని, పట్టణాల్లో శారీరక శ్రమ, కష్టపడేతత్వం తగ్గిపోయిందని వెంకయ్యనాయుడు అభిప్రాయపడ్డారు. ఈ కార్యక్రమంలో భాజపా నేతలు కిషన్‌రెడ్డి, కామినేని శ్రీనివాస్‌ తదితరులు పాల్గొన్నారు.



వెంకన్న సేవలో వెంకయ్య

Updated By ManamTue, 09/25/2018 - 23:21
  • కుటుంబ సభ్యులతో కలసి దర్శనం

  • ప్రజలు సిరిసంపదలు, సుఖ సంతోషాలతో ఉండాలని శ్రీవారికి ఉప రాష్ట్రపతి ప్రార్థన

venkaiah-naiduతిరుమల: దేశ ప్రజలందరూ సిరి సంపదలతో, సుఖశాంతులతో ఉండేలా అశీర్వదించాలని శ్రీవేంకటేశ్వరస్వామి వారిని ప్రార్థించానని భారత ఉప రాష్ట్రపతి వెంకయ్య నాయుడు తెలిపారు. మంగళవారం ఉదయం తిరుమల శ్రీవారిని ఉప రాష్ట్రపతి తన కుటుంబ సభ్యులతో కలిసి  దర్శించుకున్నారు. సామాన్య భక్తుడి లాగా వైకుంఠం క్యూ కాంప్లెక్స్ నుంచి మహాద్వారం వద్దకు చేరుకున్న ఉప రాష్ర్టపతికి టీటీడీ ఈవో అనిల్ కుమార్ సింఘాల్, తిరుమల జేఈవో కె.ఎస్.శ్రీనివాసరాజు, అర్చకులు కలిసి ఇస్తికఫాల్ స్వాగతం పలికారు. వెంకయ్య కుటుంబ సభ్యులతో కలిసి శ్రీవారిని దర్శించుకున్నారు. ఆ తరువాత శ్రీవకుళామాత, విమాన వేంకటేశ్వర స్వామి, భాష్యకార్లు, శ్రీ యోగ నరసింహస్వామివారిని దర్శించుకున్నారు. అనంతరం రంగనాయకుల మంటపంలో వేదపండితులు వారికి వేదాశీర్వచనం చేశారు. ఈ సందర్భంగా ఉప రాష్ట్రపతికి ఈవో అనిల్‌కుమార్ సింఘాల్, జేఈవో కె.ఎస్.శ్రీనివాసరాజు కలిసి శ్రీవారి తీర్థప్రసాదాలు, చిత్రపటం, 2019 టీటీడీ డైరీ, క్యాలెండర్‌ను అందజేశారు.శ్రీవారి దర్శనానంతరం ఆలయం వెలుపల వెంకయ్య నాయుడు మీడియాతో మాట్లాడుతూ.. తన ఇష్టదైవమైన శ్రీ వేంకటేశ్వరస్వామి వారి దర్శనం సంతోషాన్ని, ఆనందాన్ని ఇస్తుందన్నారు. ఉప రాష్ట్రపతిగా బాధ్యతలు స్వీకరించి ఏడాది పూర్తయిన సందర్భంగా తిరుమలకు వచ్చి శ్రీవారిని దర్శించుకున్నట్టు చెప్పారు. భారత ప్రజలకు సేవలందించేందుకు మరింత శక్తిని, సామర్థ్యాన్ని, ఓర్పును ప్రసాదించాలని స్వామివారిని కోరుకున్నానన్నారు. అనేక సంవత్సరాలుగా సామాన్య భక్తుడిలాగా తిరుమలకు వచ్చి స్వామివారిని దర్శించుకుంటున్నానని తెలిపారు. ప్రపంచది వ్యాప్తంగా నానాటికీ శ్రీవేంకటేశ్వరస్వామివారి దర్శనం కోసం ఆసక్తి పెరుగుతోందన్నారు. ప్రముఖులు, నాయకులు, ప్రజాప్రతినిధులు తమ రాకపోకలను కొంత తగ్గించుకొని సామాన్య ప్రజలకు ఎక్కువ అవకాశం కల్పించేలా చర్యలు తీసుకోవాలని టీటీడీ యాజమాన్యానికి, అధికారులకు సూచించానని తెలిపారు. ఈ కార్యక్రమంలో మంత్రి  ఎన్.అమరనాథరెడ్డి, జిల్లా కలెక్టర్ పి.ఎస్.ప్రద్యుమ్న, తిరుపతి అర్బన్ ఎస్పీ అభిషేక్ మహంతి, టీటీడీ ఇన్‌చార్జి సీవీఎస్‌వో శివకుమార్‌రెడ్డి ఇతర అధికారులు పాల్గొన్నారు.



సహనశీలత హిందూత్వ లక్షణం

Updated By ManamMon, 09/10/2018 - 22:32
  • ఆ పదాన్ని అస్పృశ్యతగా మార్చే ప్రయత్నం

  • హిందూత్వ విలువలను రక్షించాలి

  • మాతృభాష.. సంస్కృతిని కాపాడుకోవాలి

  • ఉప రాష్ట్రపతి వెంకయ్య నాయుడు

  • ప్రపంచ హిందూ మహాసభల ముగింపు

venkaiah-naiduషికాగో: ‘హిందూ’ అనే పదాన్ని ‘అస్పృశ్యం’గా, ‘సహించలేనిది’గా మార్చేందుకు కొంతమంది ప్రయత్నిస్తున్నారని ఉప రాష్ట్రపతి వెంకయ్యనాయుడు అన్నారు. ఇలాంటి దురభిప్రాయాలను దూరం చేయాలంటే స్వామి వివేకానంద లాంటివాళ్లు నేర్పిన నిజమైన హిందూత్వ విలువలను రక్షించుకోవాల్సిన అవసరం ఉందని ఆయన నొక్కిచెప్పారు. అమెరికాలోని షికాగోలో జరుగుతున్న రెండో ప్రపంచ హిందూ మహాసభల ముగింపు సదస్సులో ఆయన కీలకోపన్యాసం చేశారు. భారతదేశం విశ్వజనీన సహనశీలతను నమ్మిందని, అన్ని మతాలను ఆమోదించిందని ఆయన చెప్పారు. మొత్తం 60 దేశాల నుంచి 250 మంది వక్తలతో పాటు 2500 మంది ప్రతినిధులు కూడా ఈ సదస్సులో పాల్గొన్నారు. స్వామి వివేకానంద 1893లో ఇదే నగరంలో చేసిన చారిత్రక ఉపన్యాసం 125వ వార్షికోత్సవాన్ని పురస్కరించుకుని మూడు రోజుల పాటు ప్రపంచ హిందూ మహాసభలను నిర్వహించారు. పంచుకోవడం, సంరక్షించడం (షేర్ అండ్ కేర్) అనేవి హిందూ తత్వంలోని మూలసూత్రాలని వెంకయ్యనాయుడు చెప్పారు. హిందూమతం గురించి బోలెడంత తప్పుడు సమాచారం ప్రచారంలో ఉందని అన్నారు. అసలైన దృక్కోణం ఏమిటన్నది తెలిస్తే అప్పుడు ఇలాంటి తప్పుడు సమాచారాలు ప్రచారం కాకుండా ఉంటాయని, తప్పుడు అభిప్రాయాలు కూడా దూరం అవుతాయని ఆయన అన్నారు. సమాజంలోకి కొన్ని బలహీనతలు చొచ్చుకొచ్చాయని, వీటిని  సంస్కర్తలే దూరం చేయాలని సూచించారు. ఇతరుల అనుభవాల గురించి కూడా తెలుసుకుని, వాళ్ల తత్వాన్ని మెరుగుపరిచేందుకు ప్రయత్నించాలని వెంకయ్య నాయుడు తెలిపారు. భారతీయ సంస్కృతి, మతం ఇతర వర్గాలలోని సుగుణాలను తీసుకునే స్వేచ్ఛ ఇచ్చాయని గుర్తుచేశారు. ప్రపంచమంతా వసుధైక కుటుంబం అన్న భావన హిందూ మతంలోనే ఉందని, అలాగే ప్రపంచంలోని సజీవ, నిర్జీవ పదార్థాలన్నింటిలో భగవంతుడు ఉన్నాడని చెబుతుందని, భిన్నత్వంలో ఏకత్వాన్ని నమ్ముతుందని ఆయన తెలిపారు. ప్రకృతితో కలిసిమెలిసి ఎలా బతకాలో కూడా హిందూమతం చెబుతుందన్నారు. ఇలాంటి అమూల్యమైన వారసత్వాన్ని కాపాడుకోవడమే అసలైన జాతీయత అని ఉప రాష్ట్రపతి వివరించారు. మహిళలను గౌరవించడం, వారికి సాధికారత కల్పించడం హిందూమతంలోని మరో కీలకాంశమని వెంకయ్యనాయుడు చెప్పారు. 

1893 సెప్టెంబరు 11వ తేదీన స్వామి వివేకానంద షికాగోలో తన ప్రసంగంలో చెప్పినట్లుగా.. భారతదేశం ఈ ప్రపంచానికే సహనం, విశ్వ ఆమోదాలను నేర్పించిందని అన్నారు. విజ్ఞాన మాధుర్యాన్ని ఈ ప్రపంచానికి అందించగలిగినది భారతదేశమేనని తెలిపారు. భారతీయులుగా మనమంతా నేర్చుకున్న విలువలు.. మన వ్యక్తిగత అభివృద్ధికి మూలస్తంభాలుగా నిలుస్తాయని, దాంతోపాటు సమష్టి పురోగతికి ఉపయోగపడతాయని అన్నారు. ప్రకృతి వనరులు, పర్యావరణాన్ని కాపాడే విలువలు కూడా ఉన్నాయన్నారు. మరింత భరణీయ విశ్వాన్ని సృష్టించడానికి సహాయపడతామని తెలిపారు. ఒకప్పుడు భారతదేశానికి ‘విశ్వగురువు’గా పేరుండేదని గుర్తుచేశారు. గతంలో ఎన్నడూ లేనన్ని మార్పులకు గురవుతున్న ప్రపంచంలో మనకు ఒక మంచి చుక్కాని, ఆధ్యాత్మిక దిక్సూచి కావాలని.. వాటిని భారతదేశం ఈ ప్రపంచానికి ఇవ్వగలదని చెప్పారు. చేదుతో నిండిపోయిన ఈ ప్రపంచానికి భారతదేశం వివిధ పుష్పాల నుంచి వేర్వేరు తేనెటీగలు సేకరించిన విజ్ఞాన మాధుర్యాన్ని అందించగలదని విశ్లేషించారు. ఈ ప్రపంచం ఎప్పుడు సంఘర్షణలకులోనైనా, ముక్కలు చెక్కలవుతుందన్న భయాలు తలెత్తినా, విద్వేషం, నిర్హేతుకమైన పక్షపాతాలకు లోనైనా భారతదేశమే ఈ ప్రపంచానికి లేపనం పూస్తుందని, రెండు వేల ఏళ్లకు పైగా తన సాంస్కృతిక ప్రపంచపు పరిమళాలను అందిస్తోందని వెంకయ్య నాయుడు వివరించారు. ఈ కార్యక్రమాన్ని ‘ప్రపంచ హిందూ మహాసభలు’ అంటున్నారని, కానీ అసలు హిందూయిజం అంటే ఏంటని ఆయన ప్రశ్నించారు. డాక్టర్ సర్వేపల్లి రాధాకృష్ణన్ చెప్పినట్లుగా హిందూమతాన్ని నిర్వచించడం అసాధ్యం కాకపోయినా, చాలా కష్టమేనని, దాన్ని తగినంతగా వివరించడం కూడా కష్టమేనని ఆయన అన్నారు. ప్రపంచంలోని ఇతర మతాల్లా కాకుండా.. హిందూ మతం ఏ ప్రవక్తనూ నమ్మదని, ఏ ఒక్క దేవుడినీ పూజించదని, ఎవరో ఒకరికి సాగిలబడదని, ఏదో ఒక తత్వాన్ని మాత్రమే నమ్మదని, ఒకే రకమైన మతాచారాలు, కార్యక్రమాలను అమలుచేయదని అన్నారు.  ప్రపంచంలోని ఏ మతం.. ఏ తెగకు సంబంధించిన సంకుచిత సంప్రదాయాలతో అది సంతృప్తి చెందదని స్పష్టం చేశారు. అది ఒక జీవన మార్గమని మాత్రమే చెప్పగలం తప్ప మరేమీ కాదని రాధాకృష్ణన్ చెప్పిన అంశాలను వెంకయ్యనాయుడు ఈ సందర్భంగా గుర్తుచేశారు. హిందువులు ప్రతి మతాన్నీ స్వాగతిస్తారని అన్నారు. సదస్సుకు వచ్చిన ప్రతి ఒక్కరూ తమ మాతృభాషను, తమ సంస్కృతిని కాపాడుకోవాలని వెంకయ్యనాయుడు కోరారు. మాతృభాషను మరువద్దని పిలుపునిచ్చారు. తదుపరి ప్రపంచ హిందూ మహాసభలు 2022 నవంబరులో బ్యాంకాక్‌లో జరుగుతాయి. సభ ముగింపు సందర్భంగా చేసిన ప్రకటనలో, 2018 సెప్టెంబరు 11వ తేదీని ‘స్వామి వివేకానంద డే’గా ఇల్లినాయిస్ గవర్నర్ ప్రకటించారు. 



వివేకానందుడు నడయాడిన నేలలో..

Updated By ManamTue, 09/04/2018 - 22:36
  • ఏడు నుంచి షికాగోలో ప్రపంచ హిందూ మహాసభలు

  • ఈ నెల 9 వరకు మూడు రోజులుపాటు నిర్వహణ

  • 80 దేశాల నుంచి 2,500 మంది ప్రతినిధులు హాజరు

  • కీలక ఉపన్యాసం చేయనున్న ఆర్‌ఎస్‌ఎస్ చీఫ్ భాగవత్

  • పాల్గొననున్న ఉప రాష్ట్రపతి వెంకయ్యనాయుడు

world-hindu-congressవాషింగ్టన్:  అది 1893వ సంవత్సరం. అమెరికాలోని షికాగోలో సెప్టెంబరు 11-27 మధ్య ప్రపంచ మత మహాసభలు జరిగాయి.  ఈ సభల్లో భారత ప్రతినిధిగా హాజరైన స్వామి వివేకానంద.. హిందూ మతం గొప్పతనాన్ని ప్రపంచానికి చాటిచెప్పారు. ఇతర మతాల్లోని అసహనాన్ని వేలెత్తి చూపారు. తన మతంలోని పరమత సహనాన్ని వెలుగెత్తిచాటారు. ఇప్పుడే అదే చోట.. ఈ నెల 7-9 మధ్య ప్రపంచ హిందూ మహాసభలు జరగనున్నాయి. దీనికి 80 దేశాల నుంచి 2,500 మంది ప్రతినిధులు హాజరుకానున్నారు. సమావేశాల్లో ఆర్‌ఎస్‌ఎస్ చీఫ్ మోహన్ భాగవత్ కీలక ఉపన్యాసం చేయనున్నారు. ‘‘సమిష్ఠిగా ఆలోచిద్దాం.. ధైర్యంగా సాధిద్దాం’’ అనే అంశంపై ప్రసంగించనున్నారు. భారత ఉప రాష్ట్రపతి వెంకయ్యనాయుడుతోపాటు ఇతర ప్రముఖులు కూడా కార్యక్రమానికి హాజరుకానున్నారు. మహాసభల నిర్వాహకుడు ఐఐటీ గ్రాడ్యుయేట్ అయినస్వామి విజ్ఞాననంద్ సోమవారం వాషింగ్టన్‌లో మీడియాతో మాట్లాడుతూ మహాసభ వివరాలను వెల్లడించారు. హిందూ సమాజాన్ని మరింత సంఘటిత పరిచేందుకు, సమాజం ప్రయోజనాలపైనా, ప్రపంచవ్యాప్తంగా ఇతర మతాల్లోని పీడితుల గురించి చర్చించడమే లక్ష్యంగా సభలను నిర్వహిస్తున్నామని విజ్ఞాననంద్ తెలిపారు. అంతేకాని.. ఇది మతరమైన కార్యక్రమంగా భావించకూడదని చెప్పారు. ‘‘ఇది మతపరమైనది కాదు. తత్వజ్ఞాన సంబంధమైనది కాదు. ప్రస్తుత ఆధునిక సమాజంలో ప్రపంచంలోని అన్ని సమాజాలు ఎదుర్కొంటున్న సమస్యలపై ఇక్కడ చర్చిస్తాం. మూడు రోజుల సమావేశాల్లో 250 మంది ప్రసంగిస్తారు’’ అని విజ్ఞాననంద్ తెలిపారు. mohan bhagawathసమావేశాల్లో ఆర్థికం, విద్య, మీడియా, వ్యవస్థలు, రాజకీయాలు, మహిళలు, యువత అంశాలపై చర్చలు ఉంటాయన్నారు. విలువలు, సృజనాత్మకత, ప్రపంచవ్యాప్తంగా హిందూ సమాజంలో ఔత్సాహిక స్ఫూర్తిపై దృష్టి కేంద్రీకరిస్తామన్నారు. ప్రపంచవ్యాప్తంగా ఉన్న హిందువులు తమ మనోభావాలను పంచుకునేందకు, వెల్లడించేందుకు ‘వరల్డ్ హిందూ కాంగ్రెస్’ ఒక పరికరంగా ఉపయోగపడుతుందని సమావేశాల సమన్వయకర్త అభయ ఆస్థాన  పేర్కొన్నారు. ప్రస్తుతం ఆయన అమెరికా విశ్వహిందూ పరిషత్ అధ్యక్షులుగా ఉన్నారు. 21వ శతాబ్దంలో ఎదురవుతున్న సమస్యలు, వాటి పరిష్కార మార్గాలపైనా చర్చిస్తామన్నారు. ఆర్‌ఎస్‌ఎస్ చీఫ్ మోహన్ భాగవత్‌తోపాటు టిబెటన్ల ఆధ్యాత్మిక గురువు దలైలామా, శ్రీశ్రీ రవిశంకర్, సురినాం ఉపాధ్యక్షుడు అశ్విన్ అధిన్, ఆర్‌ఎస్‌ఎస్ జాయింట జనరల్ సెక్రటరీ దత్తాత్రేయ హొసబళే, ఎంఐటీ ప్రొఫెసర్ ఎస్‌పీ కొథారి, పారిశ్రామికవేత్త రాజు రెడ్డి, స్వామి పరమాత్మనంద సరస్వతి తదితరులు పాల్గొని ప్రసంగిస్తారని చెప్పారు. వీరితో పాటు ప్రముఖ ఆర్థిక వేత్తలు అమెరికా-ఇండియా వ్యూహాత్మక భాగస్వామ్య ఫోరం అధ్యక్షుడు ముఖేశ్ అఘి, నీతి అయోగ్ వైస్ చైర్మన్ అరవింద్ పనగరియా, మహింద్రా గ్రూప్ ప్రెసిడెంట్ దిలీప్ సుందరం, వాల్‌మార్ట్ ప్రతినిధి డేనియల్ బ్రాంట్, ఫెడరల్ ఎక్స్‌ప్రెస్‌కు ఎందిన రాజేశ్ సుందరం, ఎమర్సన్ ఎలక్ట్రిక్‌కు చెందిన ఈద్ మోన్సేర్ హాజరవుతారన్నారు. ప్రముఖ కళాకారులు అనుపమ్‌ఖేర్, వివేక్ అగ్నిహోత్రి, మధూర్ భండార్కర్ తదితరులు పాల్గొన్నారు.

తొలిసారి అమెరికాకు వెంకయ్య
ఉప రాష్ట్రపతి పదవి చేపట్టిన తర్వాత వెంకయ్యనాయుడు తొలిసారి అమెరికా పర్యటనకు వెళ్లనున్నారు. ప్రపంచ హిందూ కాంగ్రెస్ సమావేశాల్లో ఆయన పాల్గొని ప్రసంగించనున్నారు. వివేకానందుడి బోధనల సమకాలీనత, ప్రపంచం ప్రస్తుతం ఎదుర్కొంటున్న సమస్యల పరిష్కారానికి అవి ఎలా మార్గదర్శిగా నిలవనున్నాయో అనే అంశంపై వెంకయ్యనాయుడు ప్రసంగించారు.  



ఫిరాయింపుదార్లపై కఠినం

Updated By ManamTue, 09/04/2018 - 22:36
  • ఎన్నికల వివాదాలకు కోర్టులు.. ప్రత్యేకంగా ఏర్పాటు చేయాలి

  • పార్టీ ఫిరాయిస్తే రాజీనామా.. దానిని రాజ్యాంగబద్ధం చేయాలి

  • అన్ని కులాలవారికీ ‘కోటా’ అందాలి.. దామాషా పద్ధతిలో రిజర్వేషన్లు

  • పార్టీలు, సభ్యులు ఆలోచించాలి.. ఉప రాష్ట్రపతి వెంకయ్యనాయుడు

  • ఈ నెల 11తో పదవిలో ఏడాది.. ‘పీటీఐ’ వార్తా సంస్థకు ఇంటర్వ్యూ

venkaiahన్యూఢిల్లీ: పార్లమెంట్‌లోని ఎగువసభ అయిన రాజ్యసభ గౌరవాన్ని పునరుద్ధరించడమే ప్రస్తుతం తనముందున్న ప్రధాన కర్తవ్యమని ఉప రాష్ట్రపతి వెంకయ్యనాయుడు పేర్కొన్నారు. సభలో తప్పుగా వ్యవహరించినవారిపై చర్యలకు సంబంధించి నిబంధనల్లో మార్పులు  తేవాల్సిన అవసరం ఉందన్నారు. పార్టీ ఫిరాయింపుల చట్టాన్ని మరింత కఠినతరం చేయాల్సి ఉందన్నారు. ఈ నెల 11తో ఉప రాష్ట్రపతి పదవి చేపట్టి ఏడాది పూర్తవుతున్న సందర్భంగా ఆయన మంగళవారం పీటీఐ వార్తా సంస్థకు ప్రత్యేక ఇంటర్వ్యూ ఇచ్చారు. పార్టీ ఫిరాయించినవారిపై సదరు పార్టీ అభ్యర్థులు ఎవరైనా ఫిర్యాదు చేస్తే.. ఆ వివాదాన్ని మూడు నెలల్లోగా పరిష్కరించేలా ఎన్నికల అధికారికి అధికారం ఇవ్వాల్సి ఉందని వెంకయ్యనాయుడు అభిప్రాయపడ్డారు. ఎన్నికల సంబంధ వివాదాల పరిష్కారానికి ప్రత్యేక కోర్టులను నెలకొల్పాల్సిన అవసరం ఉందన్నారు. పార్టీని వీడిన అభ్యర్థులు చట్టసభల్లో తమ సభ్యత్వాన్ని కూడా వదులుకోవాల్సి ఉందన్నారు. చట్టసభకు కూడా రాజీనామా చేయడం కనీస నైతిక బాధ్యత అని, కానీ దీనిని కొందరు పాటిస్తున్నారని, కొందరు పాటించడం లేదని అన్నారు. కాబట్టి ఈ బాధ్యతను రాజ్యాంగబద్ధం చేయాల్సి ఉందన్నారు. ప్రస్తుతం ఉన్న ఫిరాయింపు వ్యతిరేక చట్టంలో సంబంధిత చట్టసభ సభ్యుడిపై చర్యలకు ఎలాంటి కాలపరిమితి లేదు. అలాగే.. పార్టీ సభ్యుల్లో రెండింట మూడో వంతు మంది పార్టీ ఫిరాయిస్తే.. వారిపై చర్యలకు ఎలాంటి అధికారం లేదు. ఈ నేపథ్యంలో ఇలా పార్టీని ఫిరాయించిన వారి సంరక్షణకు సంబంధించి చట్టంలో కొన్ని మార్పులు చేయాల్సి ఉందన్నారు. అయితే ఇది ఏకాభిప్రాయ సాధనద్వారానే చేపట్టాలన్నారు. రాజ్యసభ నిబంధనల సవరణకు సంబంధించి నియమించిన కమిటీ ఇప్పటికే ప్రాథమిక నివేదిక సమర్పించిందని, తుది నివేదిక వచ్చే నెలలో సమర్పిస్తుందన్నారు.
venkaiah

పార్టీ ఫిరాయింపుదార్లపై చర్యలకు ఎలాంటి కాలపరిమితి లేకపోవడంతో కొన్నిసార్లు వారిపై చర్యలకు ఐదేళ్లు కూడా పడుతోందని అన్నారు.  ఇది సమంజసం కాదని, అయితే ఈ నిబంధనను అన్ని పార్టీలు తమకు అనుకూలంగా ఉపయోగించుకుంటున్నాయన్నారు. ఫిరాయింపు నిరోధక చట్టంలో లోపాలను సరిచేయాల్సిన ఉందన్నారు. శాసన మండళ్ల ఏర్పాటు పైనా పార్టీల మధ్య ఏకాభిప్రాయం రావాల్సి ఉందని, ఇవి ప్రత్యక్ష ఎన్నికల్లో ఎన్నికకాని వారికి పునరావాస కేంద్రాలుగా ఉపయోగపడుతున్నాయనే అపవాదు ఉందన్నారు. అయితే మండళ్లపై తనకంటూ ప్రత్యేక అభిప్రాయం లేదన్నారు. క్రమశిక్షణ ఉండటం అందరికీ ముఖ్యమని అన్నారు. చైనా విధానాలను తాను అంగీకరించనని, కానీ క్రమశిక్షనే వారిని ఈ స్థాయికి తెచ్చిందని గుర్తించుకోవాలన్నారు.  క్రమశిక్షణ అంటే సానుకూల జీవన విధానం అని, అది అన్నింటా ఉపయోగపడుతుందన్నారు. అది ఒక్క పార్లమెంట్ వ్యవహారాలకే పరిమితం కాదన్నారు. చట్టసభల్లో అన్ని కులాలకు సమాన ప్రాతినిధ్యం లభించాల్సి ఉందన్నారు. రిజర్వేషన్లు ఉన్నప్పటికీ ఆ సామాజిక వర్గంలోని కొన్ని కులాల వారికే అధిక ప్రయోజనాలు అందుతున్నాయనే భావన మిగతా కులాలలో ఉందన్నారు. ‘‘రిజర్వేషన్లు కొనసాగాల్సిందే. వాటిని ముట్టుకోకూడదు. అయితే అన్ని కులాలవారికి కోటా ఫలితాలు అందాలి. అన్ని సామాజిక వర్గాలు, అందులోని వర్గాలు, ఉప వర్గాల వారికి దామాషా పద్ధతిలో రిజర్వేషన్ సౌకర్యం కలగాలి. దీనిని ప్రజలే కోరుకుంటున్నారు. ఈ అంశంపై రాజకీయపార్టీలు, చట్టసభ సభ్యులు ఆలోచన చేయాలి’’ అని వెంకయ్యనాయుడు సూచించారు. తన హయాంలో రెండు ముఖ్యమైన ఘటనలు జరిగాయని, ఒకటి శరద్‌యాదవ్ సభ్యత్వం రద్దు, రెండోది చీఫ్ జస్టిస్ దీపక్ మిశ్రాపై అభిశంసన తీర్మానానికి అనుమతించకపోవడమని పేర్కొన్నారు. ఈ రెండింటిపై నిర్ణయాలపై తనకు సంతృప్తి కలిగిందన్నారు. ఈ ఏడాదిలో దేశవ్యాప్తంగా 60 ప్రాంతాలను సందర్శించానని, 313 కార్యక్రమాల్లో పాల్గొన్నానని, మొత్తం 29 రాష్ట్రాల్లో 28 రాష్ట్రాల్లో పర్యటించానని, 56 వర్సిటీలో, 21 సాంకేతిక పరిశోధన కేంద్రాల్లో ప్రసంగించానని, ‘‘భారత్ అనుసంధానం’’ కార్యక్రమంలోనే భాగంగా పర్యటించనన్నారు.





Related News