nepal

కుప్పకూలిన హెలికాప్టర్..

Updated By ManamSat, 09/08/2018 - 17:04
  • నేపాల్‌లో ప్రమాదం.. దట్టమైన ఫారెస్ట్‌లో ఘటన

  • అదృశ్యమైన చాపర్‌లో ఏడుగురు ప్రయాణికులు..

  • పైలట్ సహా ఆరుగురు ప్రయాణికులు దుర్మరణం..

  • ఒక మహిళ‌ను రక్షించిన సహాయక సిబ్బంది  

  • ఖాట్మాండుకు 50 కిలోమీటర్ల దూరంలో మిస్సింగ్ 

Missing chopper, crashes, Nepal, air traffic control towerఖాట్మాండు: అదృశ్యమైన అల్టిట్యూడ్ ఎయిర్‌లైన్‌ హెలికాప్టర్ కుప్పకూలింది. ఈ ప్రమాదంలో పైలట్ సహా ఆరుగురు ప్రయాణికులు దుర్మరణం పాలయ్యారు. సెంట్రల్ నేపాల్‌లోని ఖాట్మాండుకు 50 కిలోమీటర్ల దూరంలో ధాడింగ్ జిల్లాలో శనివారం ఉదయం ఈ ప్రమాదం చోటుచేసుకున్నట్టు అధికారులు వెల్లడించారు. ఖాట్మాండులోని గోర్ఖా జిల్లా శామగాన్ మీదుగా వెళ్తున్న చాపర్.. ఎయిర్ ట్రాఫిక్ కంట్రోల్‌ టవర్‌తో ఉదయం 8.05 గంటల ప్రాంతంలో సంబంధాలు తెగిపోయినట్టు ఖాట్మాండు పోస్టు నివేదించింది. ప్రమాద సమయంలో హెలికాప్టర్‌లో జపాన్ పర్యాటకుడు సహా ఏడుగురు ప్రయాణికులు ఉన్నారు. వారిలో ఆరుగురు నేపాలీయులుగా అల్టిట్యూడ్ ఎయిర్ ప్రైవేట్ లిమిటెడ్ మేనేజింగ్ డైరెక్టర్ నిమ నురు షేర్పా పేర్కొన్నారు. పైలట్ సహా ఆరుగురు ప్రయాణికులు మృతిచెందగా, ఒక మహిళ ప్రయాణికురాలిని అధికారులు రక్షించారు. 

ధాడింగ్ జిల్లాలో ఖాట్మాండుకు 50 కిలోమీటర్ల దూరంలో చాపర్ కుప్పకూలినట్టు స్థానిక మీడియా నివేదించింది. అదృశ్యమైన హెలికాప్టర్ సత్యవతి అనే దట్టమైన అడవిలో కుప్పకూలినట్టు నేపాల్ పౌర విమానాయ అధికారులు ధృవీకరించారు. 5500 అడుగుల లోతున్న అల్టిట్యూడ్ అటవీ ప్రాంతంలో కుప్పకూలిన చాపర్ కోసం గాలించేందుకు సహాయక చర్యలు చేపట్టనప్పటికీ.. వాతావరణం అనుకూలించడం లేదని అధికారులు తెలిపారు. షెడ్యూల్ ప్రకారం.. హెలికాప్టర్ నేపాల్ రాజధాని ఖాట్మాండులో ఉదయం 8.18 గంటల ప్రాంతంలో చేరుకోవాల్సి ఉందని, అంతలోనే ఈ ప్రమాదం జరిగిందని త్రిభువన్ అంతర్జాతీయ విమానాశ్రయం జనరల్ మేనేజర్ రాజ్ కుమార్ ఛెత్రి తెలిపారు. 



నేపాల్ పర్యటనకు బయల్దేరిన ప్రధాని మోదీ

Updated By ManamThu, 08/30/2018 - 08:35
  • రెండు రోజుల పాటు 4వ బిమ్ స్టెక్ సదస్సు 

  • పాల్గొనున్న వివిధ దేశాల ప్రధానులు, వివిఐపీలు

PM Narendra Modi, Nepal, BIMSTEC Summit, VVIP guestsఖాట్మాండు: ప్రధాని నరేంద్ర మోదీ గురువారం నేపాల్ పర్యటనకు బయల్దేరారు. రెండు రోజుల పాటు నేపాల్‌లో పర్యటించనున్న మోదీ.. 4వ బిమ్ స్టెక్ సదస్సులో పాల్గొననున్నారు. ప్రధాని హోదాలో మోదీ నేపాల్‌లో పర్యటించడం ఇది నాల్గోసారి. ఈ రోజు ఉదయమే ప్రత్యేక విమానంలో నేపాల్‌ పర్యటనకు బయల్దేరిన ఆయన ఉదయం 8 గంటల ప్రాంతంలో త్రిభువన్ అంతర్జాతీయ విమానశ్రయానికి చేరుకోనున్నారు. అలాగే బంగ్లాదేశ్ ప్రధాని షేక్ హసీనా వజీద్, థాయి ప్రధాని ప్రయూత్ చాన్-ఒ-ఛా ఇరువురు కూడా ఖాట్మాండుకు ఉదయం 10.15లకు చేరుకొనే అవకాశం ఉంది.

ఖాట్మాండులో జరుగనున్న 4వ బిమ్ స్టెక్ సదస్సులో పాల్గొనేందుకు వివిధ దేశాల నుంచి  వివిఐపీలు వస్తున్న నేపథ్యంలో నేపాల్ అంతర్జాతీయ విమానాశ్రయం, త్రిభువన్ అంతర్జాతీయ విమానాశ్రయాలను రెండెన్నర గంటల పాటు మూసివేయనున్నట్టు ఏయిర్ ట్రాఫిక్ కంట్రోలర్ రూమ్ (ఏటీఆర్) పేర్కొంది. నేపాల్ స్థానిక కాలమానం ప్రకారం.. ఉదయం 8.30 గంటల ప్రాంతంలో విమానాశ్రయంలో విమానాల సర్వీసులను నిలిపివేశారు. ఇప్పటికే నేపాల్‌లో భారీ భద్రతను కట్టదిట్టం చేశారు. 



రాజకీయ సుస్థిరత దిశగా నేపాల్

Updated By ManamThu, 03/15/2018 - 17:21
bhandari

ఖాట్మాండు: రాజకీయ సుస్థిరత దిశగా నేపాల్ అడుగులు వేస్తోంది. నేపాల్ తొలి మహిళా అధ్యక్షురాలైన బిద్యా దేవి బండారి రెండోసారి ఆ దేశ అధ్యక్ష పీఠాన్ని అధిరోహించారు. నేపాల్ అధ్యక్ష ఎన్నికల్లో వామపక్ష కూటమి అభ్యర్థిగా బరిలోకి దిగిన ఆమె...74 శాతం ఓట్లతో ఘన విజయం సాధించారు. ఆమె సమీప ప్రత్యర్థి, నేపాల్ కాంగ్రెస్ పార్టీకి చెందిన కుమారి లక్ష్మీ రాయ్ కేవలం 25 శాతం ఓట్లు సాధించారు. బండారికి 39,275 ఓట్లు పోల్ కాగా...రాయ్‌కి 11,730 ఓట్లు దక్కాయి. ఫెడరల్ నేపాల్‌కు ఎన్నికైన తొలి అధ్యక్షురాలిగా...నేపాల్ అధ్యక్షురాలిగా రెండోసారి ఎన్నికైన తొలి వ్యక్తి బిద్యా దేవి బండారి కావడం విశేషం.

నేపాల్ అధ్యక్షురాలిగా ప్రమాణస్వీకారం చేసిన బిద్యా దేవి బండారికి భారత రాష్ట్రపతి రాంనాథ్ కోవింగ్ అభినందనలు తెలిపారు. ఇరు దేశాల మధ్య పలు రంగాల్లో ద్వైపాక్షిక సంబంధాలు బలోపేతం కావాలని ఆకాంక్షించారు. బిద్యా దేవి బండారి నాయకత్వంలో నేపాల్ దేశం అభివృద్ధి వైపుగా ముందుకు సాగాలని ఆకాంక్షించారు.



నేపాల్ సంద‌ర్శ‌న ఓ అంద‌మైన అనుభూతి

Updated By ManamSun, 09/17/2017 - 16:37

ప్రపంచంలో ఎత్తయిన (8వేల మీటర్లు దాటిన) పది పర్వత శిఖరాల్లో ఎనిమిది నేపాల్ భూభాగంలోనే ఉన్నాయి. దీంతో పర్వతారోహకులకు ప్రియమైన దేశంగా నేపాల్ మారిపోయింది. యావత్ దేశం పర్వత ప్రాంతం కావడంతో పర్యాటకులు భారీగానే నేపాల్ సందర్శనకు వెళుతుంటారు. పర్యాటకుల ద్వారా వచ్చే ఆదాయమే ఈ దేశానికి కీలకం. హిందూ, బౌద్ధ వారసత్వ విశేషాలతో భారత్, చైనా మధ్యలో ఉన్న ఈ చిన్ని దేశాన్ని సందర్శించాలంటే...


భారతీయులు నేపాల్ వెళ్లాలంటే వీసా అక్కర్లేదు. కేవలం పాస్ పోర్టు ఉంటే చాలు. బెంగళూరు నుంచి నేపాల్ రాజధాని కాట్మండుకు విమానంలో వెళ్లాలంటే టికెట్ ధరలు 7,644 రూపాయల నుంచి ఉన్నాయి. హైదరాబాద్ నుంచి కూడా ఇవే స్థాయిలో ధరలు ఉన్నాయి. చెన్నై నుంచి అయితే 6,600 రూపాయలకే ప్రయాణించవచ్చు. నేపాల్ పొరుగునే ఉన్న దేశం కనుక రోడ్డు, రైలు మార్గం ద్వారానూ నేపాల్ సరిహద్దుకు చేరుకుని పర్యటన ప్రారంభించవచ్చు. ఢిల్లీ నుంచి ఉత్తరప్రదేశ్ లోని గోరఖ్ పూర్ వరకు రైళ్లు అందుబాటులో ఉన్నాయి. రైలు చార్జీ స్లీపర్ లో వెళ్లేందుకు సుమారు 500 రూపాయలుగా ఉంది. (ఈ ధరలు ఎప్పటికప్పుడు మారుతుంటాయని గమనించగలరు.) గోరఖ్ పూర్ లో దిగి కారు లేదా జీప్ లేదా బస్సులో నేపాల్ సరిహద్దు ప్రాంతమైన సునౌలి వరకు వెళ్లాలి. ఇందుకు సుమారు 3 గంటల సమయం పడుతుంది. 

సరిహద్దు దాటి నేపాల్లోకి ప్రవేశించిన తర్వాత తిరిగి జీపు మాట్లాడుకుని కాట్మండు చేరుకోవచ్చు. బస్సులు కూడా అందుబాటులో ఉంటాయి. బస్సులో ప్రయాణానికి 9 నుంచి 12 గంటల సమయం పడుతుంది. చార్జీ 150 రూపాయల నుంచి 250 రూపాయల వరకు ఉంటుంది. వారణాసి నుంచి కూడా వెళ్లవచ్చు. రైల్లో వారణాసి చేరుకుంటే... అక్కడి నుంచి తిరిగి సునౌలికి చేరుకోవాలి. అక్కడి నుంచి నేపాల్లోకి ప్రవేశించి కాట్మండుకు వెళ్లవచ్చు. 

ధరలు తక్కువే
నేపాలీ రూపీ విలువ భారతీయ కరెన్సీతో పోలిస్తే 62 పైసలతో సమానం. ఒక రోజు విడిదికి 400 రూపాయల స్థాయి నుంచి ెటల్స్ ఉన్నాయి. మంచి ెటల్లో బస చేయాలంటే 800 రూపాయల వ్యయం చేయాల్సి ఉంటుంది. నేపాల్లో ఖాట్మండు మినహా మిగిలిన ప్రాంతాల్లో 500 రూపాయల నోట్లు మార్పిడి చాలా కష్టం. పర్యటనకు ఖర్చయ్యే మొత్తాన్ని నేపాలీ రూపాయల్లోకి మార్చుకోవాలి. అందులోనూ 10, 20, 50 రూపాయల నోట్ల రూపంలోనే దగ్గర ఉంచుకోవడం నయం. బస్సుల్లో నిలబడేందుకు కూడా చోటు ఉండదు కనుక ట్యాక్సీలను మాట్లాడుకోక తప్పదు. ట్యాక్సీల్లో ప్రారంభ చార్జీ 200 నేపాలీ రూపాయలు ఉంటుంది. ఆ తర్వాత ప్రతి కిలోమీటర్ కు 45 రూపాయలు వసూలు చేస్తారు. ఒక రోజు పర్యటనకు గాను సుమారు 2 వేల నుంచి రెండున్నర వేల రూపాయల ఖర్చు అవుతుందని ఒక అంచనా. భోజనం ధర సుమారు 150 రూపాయలు. వాటర్ బాటిల్ 30 రూపాయలు. 

టూర్ ప్యాకేజీలు
థామస్ కుక్ నాలుగు రోజుల కాట్మండు పర్యటన ప్యాకేజీని 15 వేల రూపాయలకు అందిస్తోంది. రానుపోను, విమానయానం, అల్పాహారం, ెటల్లో బస, సైట్ సీయింగ్ సదుపాయాలు కల్పిస్తారు. యాత్రా సంస్థ డాజ్లింగ్ నేపాల్ పేరుతో ఏడు రోజుల టూర్ ప్యాక్ ను 37 వేల రూపాయలకు అందిస్తోంది. రానుపోను విమానం లేదా రైలు ప్రయాణ చార్జీలను పర్యాటకులు స్వయంగా భరించాల్సి ఉంటుంది. విమానాశ్రయం నుంచి తీసుకెళ్లి టల్లో బస, సందర్శక క్షేత్రాలను చూపించడం, బ్రేక్ ఫాస్ట్, డిన్నర్ వసతులకే ప్యాకేజీ పరిమితం.  కాట్మండులో మూడు రాత్రులు, ఫొఖారాలో రెండు, చిత్వాన్ లో ఒక రాత్రి విడిది ఉంటుంది. 

నేపాల్లో చూడాల్సినవి... 
పరమశివుడు స్వయంభువుగా కొలువైన ఉన్నదే పశుపతినాథ్ దేవాలయం. కాట్మాండులో బాగ్మతీ నదీ తీరంలో ఉన్న ఈ ఆలయంలోకి హిందువులకు మాత్రమే ప్రవేశం. సీతాదేవి జన్మస్థానంగా చెప్పబడే జానక్ పూర్ సందర్శన కూడా పర్యటనలో భాగం చేసుకోవాలి. దీనికి మిథిలానగరమనే పేరు కూడా ఉంది. జనకమహారాజుకు సీతాదేవి భూమిలో ఓ పెట్టెలో లభించినది ఇక్కడేనన్నది ఓ నమ్మకం. గౌతమ బుద్ధుడు, వర్ధమాన మహావీరుడు (జైన మతస్థుల చివరి తీర్థంకరుడు), కూడా జానక్ పూర్ లో నివసించినట్టు చరిత్ర. ఇక్కడి రాజప్రాసాదంలో జానకీదేవి మందిరాన్ని కూడా చూడవచ్చు. 

ఫెవా తాల్ సరస్సు పక్కనే ఉన్న ఫొఖారా పట్టణం ప్రముఖ పర్యాటక ప్రాంతాల్లో ఒకటి. నాటు పడవలో విహరిస్తూ అన్నపూర పర్వత శిఖరాల అందాలను చూడడం వాహ్వా అనిపిస్తుంది. కాట్మాండ్ కు సమీపంలోని నాగర్ కోట్ కూడా ప్రముఖ పర్యాటక ప్రాంతం.  వేడిగా, తియ్యగా, మసాలాతో కూడిన చియా పానీయాన్ని ఒక్కసారైనా రుచిచూడాల్సిందే. ఇది నేపాల్ జాతీయ పానీయం. 

ఎవరెస్ట్ (8,848 మీటర్లు), కాంచన్ జంగ (8,586 మీటర్లు), లోట్సే (8,516 మీటర్లు), మకాలు (8,485 మీటర్లు), చోఓయు(8,201 మీటర్లు),  దౌలగిరి (8,167 మీటర్లు), మనస్లు (8,163), అన్నపూర? (8,109 మీటర్లు) వంటి అత్యంత ఎత్తయిన పర్వత శిఖరాలు ఇక్కడ ఉన్నాయి.  వీటిని చూసి వచ్చేందుకు అనువుగా రవాణా వసతులు కూడా ఉన్నాయి. 

10 రోజుల అన్నపూర 
శాంక్చురీ ట్రెక్ ఇక్కడ పాప్యులర్. సెప్టెంబర్, నవంబర్ మాసాల్లో, మార్చి, ఏప్రిల్ మాసాల్లో ఇక్కడ ట్రెకింగ్ కు అనుకూలం. ట్రెక్కింగ్ అంటే దూరంగా జరిగే వారు కూడా ఒకసారి నాగర్ కోట్ ను సందర్శిస్తే పర్వతారోహణ చేయాలని ఉబలాటపడతారు. అలాగే, నేపాలీ రాజ కుటుంబం లోగడ నివసించిన దర్బార్ స్క్వేర్ ప్రస్తుతం సందర్శకులకు అందుబాటులో ఉంది. 2008 వరకు నేపాల్ రాచరిక పాలనలో ఉంది. నారాయణ్ హితి ప్యాలస్ దీనికి కేంద్రంగా ఉండేది. ప్రస్తుతం ఇది మ్యూజియంగా సందర్శ కులకు కనువిందు చేస్తోంది. తెల్లటి వర్ణంలో ఉండే బౌద్ధనాథ్ స్థూపం యునెస్కో ప్రపంచ వారసత్వ కట్టడాల జాబితాకెక్కింది. దీనితోపాటు  స్వయం భునాథ్ స్తూపం బౌద్ధులకు సంబంధించి ప్రముఖ ప్రదేశంగా ఉంది. స్వయంబునాథ్ స్థూపాన్ని 20 కిలోల బంగారం తొడుగుతో ఆకర్షణీయంగా తీర్చిదిద్దారు. 
 
కాట్మండుకు పది కిలోమీటర్ల దూరంలో భక్తపూర్ ఉంది. 1702 కాలం నాటి పొడవైన న్యాటపోల ఆలయాన్ని ఇక్కడ చూడవచ్చు. దర్బార్ స్క్వేర్, రాయల్ ప్యాలస్, ఆర్ట్ గ్యాలరీ తదితర విశేషాలు కూడా ఉన్నాయి. ఇక అధిక సంఖ్యలో ఆలయాలతో కూడిన పఠాన్ ప్రాంతం కూడా సందర్శనీయ స్థలాల్లో ఒకటి. 1,700 చదరపు కిలోమీటర్ల పరిధిలో విస్తరించి ఉన్న లాంగ్ టాంగ్ నేషనల్ పార్క్ పర్యాటకులు చూడతగినది. ఎత్తయిన పర్వత ప్రాంతంలో మంచు, జలపాతాలు, వ క్షాలతో చూడచక్కగా ఉంటుంది. మొత్తానికి నేపాల్ సందర్శన ఓ అందమైన అనుభూతిగా మిగులుతుంది. 





Related News