manam news

టుడే టాప్ న్యూస్..

Updated By ManamWed, 08/22/2018 - 20:37

http://www.manamnews.com

22/08/2018 నాడు జరిగిన సంఘటనలు సూటిగా సుత్తి లేకుండా మూడు ముక్కల్లో అందిస్తోంది..       www.manamnews.com

 

:- పాక్‌పై కన్నెర్రజేసిన అమెరికా
న్యూ ఢిల్లీ:
ఉగ్రవాదంపై పాక్‌ ద్వంద వైఖరిని అగ్రరాజ్యమైన అమెరికా తీవ్రంగా ఖండించింది. పాకిస్థాన్‌లో ఉగ్రవాద శిబిరాలు నేటికీ ఉన్నాయని అమెరికా కుండ బద్ధలు కొట్టింది. ఉగ్రవాదులకు పాక్ స్వర్గధామం అని అమెరికా వ్యాఖ్యానించింది. ఉగ్రవాదులపై పాకిస్థాన్ కఠినంగా వ్యవహరించాలని అగ్రరాజ్యం హెచ్చరించింది.

:- జమ్మూలో మళ్లీ రెచ్చిపోయిన ఉగ్రమూకలు
శ్రీనగర్:
జమ్ము- కశ్మీర్‌లో ఉగ్రమూకలు మరోసారి రెచ్చిపోయాయి. పోలీసుల్ని టార్గెట్ చేస్తూ ఉగ్రవాదులు కాల్పులు జరిపారు. ఈ ఘటనలో పుల్వామాలో ఫయాజ్ అహ్మద్ అనే పోలీస్ అధికారి కన్నుమూశారు. కుల్గామ్‌లో ఉదయం పోలీసును ఉగ్రమూకలు చంపాయి. ఈ కాల్పులకు ధీటుగా నిలబడ్డ ఇండియన్ పోలీసులు ఓ టెర్రరిస్ట్‌ను మట్టుబెట్టారు. కాగా పుల్వామాలో బీజేపీ కార్యకర్త దారుణ హత్యకు గురైన సంగతి తెలిసిందే. పాక్, ఐసిస్ జెండాలు ప్రదర్శిస్తూ వీధుల్లోకి అల్లరి మూకలు రెచ్చగొట్టాయి.

:- మూడో టెస్ట్‌లో భారత్ ఘన విజయం
నాటింగ్‌హోమ్:
మూడో టెస్ట్‌లో భారత్ ఘన విజయం సాధించింది. 203 పరుగుల తేడాతో టీమిండియా గెలుపొందింది. స్కోర్ విషయానికొస్తే.. భారత్ తొలి ఇన్నింగ్స్ 329, రెండో ఇన్నింగ్స్ 352/7(డిక్లరేషన్). ఇంగ్లండ్ తొలి ఇన్నింగ్స్ తొలి ఇన్నింగ్స్ 161, రెండో ఇన్నింగ్స్ 317 పరుగులు. భారత్ బ్యాంటింగ్ విషయానికొస్తే.. కోహ్లీ 103, పుజారా 72, పాండ్యా 52 (నాటౌట్), ధవన్ 44 పరుగులు చేశారు. ఇంగ్లండ్ బ్యాటింగ్ విషయానికొస్తే.. బట్లర్ 106, స్టోక్స్ 62, రషీద్ 20 (నాటౌట్), కుక్ 17 పరుగులు చేశారు. కాగా ఐదో రోజు కేవలం పదే పది నిమిషాల్లో 17 బంతుల్లో మ్యాచ్ ముగిసింది. 

:- కేరళ కోసం టీమిండియా పెద్ద మనసు
న్యూ ఢిల్లీ:
భారత్ విజయంలో కెప్టెన్ కోహ్లీ కీలక పాత్ర పోషించారు. కోహ్లీ స్కోర్.. మొదటి ఇన్నింగ్స్ 97, రెండో ఇన్నింగ్స్ 103 పరుగులు చేశాడు. విరాట్‌కు మ్యాన్ ఆఫ్ ది మ్యాచ్ దక్కింది. మొత్తం 5 టెస్టుల్లో 2-1 ఆధిక్యంలో ఇంగ్లండ్ ఉంది. మ్యాచ్‌ ప్రైజ్‌మనీనీ మొత్తం కేరళ వరద బాధితులకు ఇస్తున్నట్లు టీమిండియా ప్రకటించింది. కాగా 2007 తర్వాత తొలిసారి ఇంగ్లండ్ గడ్డపై భారత్‌కు టెస్ట్ విజయం దక్కింది. ఆగస్ట్ 30న సౌతాంఫ్టన్‌లో భారత్-ఇంగ్లండ్ నాలుగో టెస్ట్ జరగనుంది. సెప్టెంబర్ 7న లండన్‌లో భారత్-ఇంగ్లండ్ ఐదో టెస్ట్ జరగనుంది. 

:- పీవీ సింధు మరో సంచలనం
హైదరాబాద్:
భారత స్టార్‌ షట్లర్‌, తెలుగు తేజం పీవీ సింధు మరోసారి వార్తల్లోకెక్కారు. ఫోర్బ్స్‌ జాబితాలో సింధు చోటు దక్కించుకుంది.  ప్రపంచంలో అత్యధిక మొత్తంలో సంపాదిస్తోన్న క్రీడాకారిణీల జాబితాను బుధవారం సాయంత్రం విడుదల చేయడం జరిగింది. ఈ జాబితాలో సింధు ఏడో స్థానంలో నిలిచింది. కాగా.. భారత్‌ నుంచి టాప్‌-10లో నిలిచిన ఏకైక క్రీడాకారిణి సింధు కావడం విశేషం. ఇదిలా ఉంటే..  టెన్నిస్‌ క్రీడాకారిణులు కాకుండా కేవలం ఇద్దరు మాత్రమే ఈ జాబితాలో టాప్‌-10లో నిలిచారు. ఆ ఇద్దరిలో సింధు పేరు ఉండటం ఉండటం విశేషం. ఈ సందర్భంగా పలువురు అభిమానులు ఆమెకు కంగ్రాట్స్ తెలిపారు.

:- కొచ్చి ఎయిర్‌పోర్ట్ పున: ప్రారంభం మరింత ఆలస్యం
కేరళ:
రాష్ట్రంలోని కొచ్చి ఎయిర్‌పోర్ట్ పున: ప్రారంభం మరింత ఆలస్యమవుతోంది. ఈ నెల 26కు బదులుగా 29న ప్రారంభించనున్నట్లు సంబంధిత అధికారులు ఓ ప్రకటనలో స్పష్టం చేశారు. 90% మంది ఎయిర్‌పోర్టు సిబ్బంది వరదబాధితులే కావడంతో ఆలస్యమవుతోందని స్పష్టం చేశారు.

:- గవర్నర్‌తో చంద్రబాబు భేటీ
అమరావతి:
తెలుగు రాష్ట్రాల ఉమ్మడి గవర్నర్ నరసింహన్‌తో సీఎం చంద్రబాబు భేటీ అయ్యారు. గురువారం నాడు జరగనున్న ఉపరాష్ట్రపతి కార్యక్రమాల్లో పాల్గొనేందుకు గవర్నర్ ఏపీకి వచ్చారు. ఏపీ కేబినెట్‌లో మైనార్టీలకు అవకాశం కల్పించాలని చంద్రబాబు భావిస్తున్నారు. త్వరలోనే మంత్రి వర్గ విస్తరణ ఉంటుందని ప్రభుత్వ వర్గాలు చెప్పకనే చెబుతున్నాయి. ఈ నేపథ్యంలో భేటీతో ప్రాధాన్యత సంతరించకుంది. కాగా.. ఏపీలో పెండింగ్ ప్రాజెక్టులు, పోలవరం పంచాయితీలపైనా గవర్నర్‌తో చంద్రబాబు చర్చించే అవకాశాలు మెండుగా ఉన్నాయి.

:- వరదలతో రూ. 600 కోట్ల నష్టం
అమరావతి:
భారీ వర్షాలతో ఓ వైపు కేరళ.. మరో వైపు ఉభయ గోదావరి జిల్లాలో అతలాకుతలమవుతున్న సంగతి తెలిసిందే. వరద ఉధృతిని స్వయంగా తెలుసుకోవడానికి సీఎం చంద్రబాబు ఈ రెండు జిల్లాల్లో ఏరియల్ సర్వే నిర్వహించారు. ఈ సందర్భంగా మీడియాతో మాట్లాడిన ఆయన.. రెండు జిల్లాల్లో వరదలతో రూ. 600 కోట్ల నష్టం వాటిల్లిందని తెలిపారు. 6,600 హెక్టార్లలో పంట నష్టం జరిగిందన్నారు. హెక్టార్‌కు రూ. 25వేల నష్ట పరిహారం అందిస్తామని రైతన్నలకు చంద్రబాబు హామీ ఇచ్చారు. తూర్పుగోదావరి జిల్లాలోని 19 మండల్లాల్లో 45 గ్రామాలకు వరద తాకిడి ఉందన్నారు. ఎర్రకాలువ ముంపు సమస్యకు త్వరలో శాశ్వత పరిష్కారానికి ప్రయత్నాలు చేస్తామన్నారు. 

:- పోలవరం కేంద్రం తీసుకున్నా అభ్యంతరం లేదు
అమరావతి:
పోలవరం కోసం కేంద్రం నుంచి రూ. 2,600 కోట్లు రావాల్సి ఉందని.. కేంద్రం నిర్మాణ బాధ్యతలు తీసుకున్నా మాకేం అభ్యంతరం లేదని సీఎం చంద్రబాబు స్పష్టం చేశారు. రాష్ట్రంలో 57 ప్రాధాన్యత ప్రాజెక్టులు చేపట్టామని అందులో ఇప్పటికే 16 పూర్తయ్యాయని చెప్పుకొచ్చారాయన.

:- ఎల్లుండి టీఆర్ఎస్ కీలక సమావేశం
హైదరాబాద్:
ఈ నెల24న సీఎం కేసీఆర్ అధ్యక్షతన టీఆర్ఎస్ రాష్ట్ర కమిటీ, శాసనసభాపక్షం, పార్లమెంటరీ పార్టీ సంయుక్త సమావేశం జరపాలలని పార్టీ అధిష్ఠానం నిర్ణయం తీసుకుంది. కాగా.. బుధవారం సాయంత్రం ప్రారంభమైన ఈ సమావేశంలో ముందస్తు ఎన్నికలు, ప్రగతి నివేదన చర్చిస్తున్నట్లు తెలుస్తోంది. ఈ సమావేశంలో ప్రగతి నివేదన సభ, పెండింగ్ హామీలు, పథకాల అమలుపై చర్చిస్తున్నట్లు సమాచారం. ముందస్తు ఎన్నికలపై మంత్రుల అభిప్రాయాన్ని కూడా సేకరిస్తున్నట్లుగా తెలుస్తోంది.

:-  చిరుకు బర్త్ డే విషెస్ చెప్పిన నారా లోకేశ్ 
అమరావతి:
మెగాస్టార్ 64వ పుట్టినరోజు సందర్భంగా మంత్రి నారా లోకేష్ శుభాకాంక్షలు తెలిపారు. ట్విట్టర్ వేదికగా ఆయన చిరంజీవికి అభినందనలు తెలిపారు. ‘చిరంజీవిగారికి పుట్టినరోజు శుభాకాంక్షలు. మీరు పూర్తి ఆయురారోగ్యాలతో ఉండాలి. మీ విజయాలు వచ్చే యేడాది కూడా ఇలాగే కొనసాగాలని కోరుకుంటున్నాను. మీరు సంకల్పించనవన్నీ నెరవేరాలని ఆశిస్తున్నాను’ అని ట్వీట్ చేశారు.

:- పొత్తుపై ఫస్ట్ టైం పెదవి విప్పిన రేవంత్
హైదరాబాద్:
కాంగ్రెస్-టీడీపీ పొత్తు పెట్టుకుంటాయని పెద్దఎత్తున ప్రచారం జరుగుతున్న సంగతి తెలిసిందే. ఈ వ్యవహారంపై కాంగ్రెస్ నేత రేవంత్ రెడ్డి మాట్లాడుతూ.. పొత్తులపై అధిష్ఠానానిదే తుది నిర్ణయమని స్పష్టం చేశారు. టీఆర్ఎస్-బీజేపీ రెండూ దగ్గరవుతున్నాయని ఈ సందర్భంగా ఆయన చెప్పుకొచ్చారు. టీఆర్ఎస్‌ను టీడీపీ శత్రువుగా చూస్తున్నట్లు కనిపిస్తోందన్నారు. అయితే పొత్తు గురించి తమను ఎవరూ టీడీపీ నుంచి సంప్రదించలేదన్నారు.

:- క్వారీ నిర్వహకుడు దొరికాడు..
కర్నూలు:
జిల్లాలోని హత్తిబెళగల్ క్వారీలో జరిగిన పేలుళ్లలో సుమారు 12మంది కన్నుమూసిన సంగతి తెలిసిందే. ఈ ఘటన జరిగిన క్షణం నుంచి క్వారీ నిర్వహకుడు, టీడీపీ నేత శ్రీనివాస్ చౌదరి పరారీలో ఉన్నారు. ఆయన కోసం కొన్ని రోజులుగా గాలిస్తున్న పోలీసులకు శ్రీనివాస్ దొరికాడు. పోలీసులు తమ కస్టడీకి తీసుకున్నట్లు మీడియాకు తెలిపారు. కాగా గురువారం నాడు క్వారీలో జరిగిన ప్రమాదంపై ప్రత్యేక పోలీసు బృందాలు దర్యాప్తు చేయనున్నాయి. శ్రీనివాస్‌తో పాటు మరో ఐదుగురు పోలీసుల కస్టడీలో ఉన్నారు.    

:- రానున్న నాలుగ్రోజుల్లో వర్షాలు
హైదరాబాద్:
వాయువ్య బంగాళాఖాతంలో మరోసారి ఉపరితల ఆవర్తనం ఏర్పడింది. దీంతో రానున్న నాలుగు రోజుల్లో బంగాళాఖాతంలో అల్పపీడనం ఏర్పడే అవకాశాలు మెండుగా ఉన్నాయని వాతావరణ  శాఖ స్పష్టం చేసింది. తెలంగాణలో తేలికపాటి నుంచి ఓ మోస్తారు వర్షాలు కురవనున్నాయి. నేడు, రేపు, ఎల్లుండి పలుచోట్ల వర్షాలు కురుస్తాయని వాతావరణ శాఖ చెబుతోంది. రాగల 3 రోజుల్లో కోస్తాంధ్ర, రాయలసీమలో అక్కడక్కడా ఓ మోస్తారు వర్షాలు పడతాయి. 

:- సింగరేణి కార్మికులకు శుభవార్త
హైదరాబాద్:
సింగరేణి కార్మికులు సీఎం కేసీఆర్ శుభవార్త అందించారు. బక్రీద్ పండుగ నాడు శుభవార్త అందించడంతో కార్మికులు హర్షం వ్యక్తం చేస్తున్నారు. సింగరేణి లాభాల్లో కార్మికులకు 27 శాతం వాటా ఇస్తున్నట్లు సర్కార్ ప్రకటించింది. గతేడాది కంటే రెండు శాతం పెంచుతున్నట్లు కేసీఆర్ ప్రకటించారు. సింగరేణి అధికారుల పీఆర్పీ బకాయిలు వెంటనే చెల్లిస్తామని స్పష్టం చేయడం జరిగింది. సింగరేణి కార్మికులకు హైదరాబాద్‌లో ఇళ్ల నిర్మాణానికి స్థలాలు కేటాయింపు త్వరలో జరుగుతుందని సీఎం చెప్పుకొచ్చారు. సింగరేణిలోని అందరికీ రూ. 10 లక్షల వరకు వడ్డీలేని ఇంటి రుణాలు ఇస్తామన్నారు.

:- హైదరాబాద్ చేరుకున్న వాజ్‌పేయి చితాభస్మం కలశాలు
హైదరాబాద్:
మాజీ ప్రధాని అటల్ బిహారీ వాజ్‌పేయి చితాభస్మం కలశాలు హైదరాబాద్‌కు చేరుకున్నాయి. శంషాబాద్ ఎయిర్‌పోర్టు నుంచి బీజేపీ రాష్ట్ర కార్యాలయానికి బీజేపీ నేతలు ర్యాలీగా తీసుకొచ్చారు. ఈ కార్యక్రమానికి తెలుగు రాష్ట్రాల బీజేపీ అధ్యక్షులతో పాటు పలువురు సీనియర్ నేతలు, ఎమ్మెల్యేలు, ఎంపీలు, ఎమ్మెల్సీలు హాజరయ్యారు.

:- తిరుమల శ్రీవారి సమాచారం
తిరుమల:
అఖిలాండ కోటి బ్రహ్మాండ నాయకుడు కొలువైన తిరుమల శ్రీవారి సన్నిధిలో 18 కంపార్ట్‌మెంట్లలో భక్తులు వేచి ఉన్నారు. వెంకన్న దర్శనానికి 10 గంటలు పట్టనుందని టీటీడీ అధికారులు ఓ ప్రకటనలో తెలిపారు. 

ఉధృతంగా ప్రవహిస్తున్న గోదావరి
నిర్మల్:
జిల్లాలోని బాసర వద్ద గోదావరి ఉధృతంగా ప్రవహిస్తున్నది. స్నాన ఘట్టాల కింది మెట్లను గోదారి వరద ప్రవాహం తాకింది. ఇదిలా ఉంటే భద్రాచలం దగ్గర గోదావరి తగ్గుముఖం పట్టింది. ప్రస్తుతం 48.7 అడుగులు నీటిమట్టం ఉన్నది. మరోవైపు.. శ్రీశైలం జలాశయానికి వరద నీరు ఎక్కువగా రావడంతో మరో గేటు ఎత్తివేయడం జరిగింది. మొత్తం 4 గేట్లు 10 అడుగుల మేర ఎత్తి దిగువ సాగర్‌కు నీటి విడుదల చేయడం జరిగింది. 

:- ప్రోటోకాల్ రగడ.. తెలుగు తమ్ముళ్ల ఆగ్రహం
విజయవాడ:
జిల్లాలో నిర్మించిన స్కూల్ ఆఫ్ ప్లానింగ్ అండ్ ఆర్కిటెక్చర్ పరిపాలనా భవనాన్ని ఉపరాష్ట్రపతి వెంకయ్యనాయుడు గురువారం నాడు ప్రారంభించనున్నారు. అయితే ఇందుకు సంబంధించిన ఆహ్వానపత్రికలో లోకల్ ఎంపీ కేశినేని నానితో పాటు ప్రజాప్రతినిధుల పేర్లు లేకపోవడంతో తెలుగు తమ్ముళ్లు తీవ్ర ఆగ్రహం వ్యక్తం చేస్తున్నారు. ఎంపీ పేరును ఆహ్వానపత్రికలో ఎందుకు చేర్చలేదని టీడీపీ నాయకులు నిర్వాహకులపై సూటి ప్రశ్నలు సంధించారు. ప్రొటోకాల్ పాటించకపోవడం మంచి పద్ధతి కాదని మండిపడుతున్నారు. ఇదిలా ఉంటే రేపు జరగబోయే ప్రారంభోత్సవంలో ఆందోళన చేపట్టాలని టీడీపీ నాయకులు యోచిస్తున్నట్లు సమాచారం.



టుడే టాప్ న్యూస్

Updated By ManamSun, 08/19/2018 - 20:05

19/07/2018 Top News | Manam Top News

19/08/2018 నాడు జరిగిన సంఘటనలు సూటిగా సుత్తి లేకుండా మూడు ముక్కల్లో... 

www.manamnews.com

 

 

:- కేరళకు మరోసారి సీఎం సాయం..
భువనేశ్వర్:
భారీ వరదలతో అతలాకుతలమైన కేరళకు మరోసారి తనవంతుగా ఒడిశా సీఎం నవీన్ పట్నాయక్ సాయం చేశారు. ఇప్పటికే ఐదు కోట్ల రూపాయల ఆర్థిక సాయాన్ని ప్రకటించిన సీఎం.. తాజా మరో ఐదు కోట్ల రూపాయలు ఆర్థికసాయం చేస్తున్నట్లు ప్రకటించారు. దీంతో పాటు 8 కోట్ల విలువచేసే పాలిథీన్ షీట్స్, 244 మంది అగ్నమాపక దళ సిబ్బందిని, 75 బోట్లను ప్రత్యేక విమానంలో కేరళకు తరలించి నవీన్ పెద్ద మనసు చాటుకున్నారు.

:- గోవా మరో కేరళ కానుందా..?
పనాజీ:
కేరళలో లాగా గోవాకు భారీ వరద ముప్పు పొంచి ఉందని.. ముందు జాగ్రత్తలు తీసుకోవాలని ప్రముఖ పర్యావరణవేత్త మాధవ్ గాడ్గిల్ సంచలన ప్రకటన చేశారు. ఏమాత్రం అప్రమత్తంగా వ్యవహరించకపోతే కేరళలో మాదిరిగానే గోవాలో కూడా జల ప్రళయం సంభవించే అవకాశం ఉందని ఆయన స్పష్టం చేశారు. అపరిమిత లాభాల కోసం ఆశపడి పర్యావరణపరమైన ముందు జాగ్రత్తలు తీసుకోవడం లేదని ఆయన ఆవేదన వ్యక్తం చేశారు.
 
:- కేరళ నష్టం 2 లక్షల కోట్ల రూపాయలు!
తిరువనంతపురం:
ప్రకృతి కన్నెర్రజేయడంతో కేరళ కోలుకోలేనంతగా దెబ్బతింది.! కాగా.. గత కొద్దిరోజులు కురిసిన భారీ వర్షాలు, వరదల వల్ల సంభవించిన నష్టం రూ. 2 లక్షల కోట్లు ఉండవచ్చని అధికారులు అంచనా వేస్తున్నారు. రాష్ట్రంలో లక్ష కిలోమీటర్ల మేర రోడ్లు ధ్వంసమయ్యాయి. 16 వేల కిలోమీటర్ల మేర పీడబ్ల్యూడీ రోడ్లు, 82 వేల కిలోమీటర్ల మేర లోకల్ రోడ్లు దెబ్బతిన్నాయి. 134 వంతెనలు ధ్వంసమయ్యాయి. రోడ్లు, వంతెనల నష్టమే రూ. 13,800 కోట్లుగా ఉంటుందని తెలుస్తోంది. అయితే ఎంత మేరకు  నష్టం వాటిల్లిందనేది అధికారికంగా ప్రకటన వెలువడాల్సి ఉంది.

:- కేసీఆర్ సర్కార్ ఆర్థిక సాయంకు కేరళకు చేరింది!
తిరువనంతపురం:
గత కొద్దిరోజులుగా వరదలతో అతలాకుతలమైన కేరళ రాష్ట్రానికి తెలంగాణ రాష్ట్ర ప్రభుత్వం తరఫున 25 కోట్ల రూపాయిలు ఇస్తున్నట్లు సీఎం కేసీఆర్ ప్రకటించిన సంగతి తెలిసిందే. ఈ ఆర్థిక సాయాన్ని అందించేందుకు హోంమంత్రి నాయిని నర్సింహారెడ్డి తన బృందంతో తిరువనంతపురం వెళ్లిన ఆయన.. 25 కోట్ల రూపాయల చెక్కు,  తన నెల జీతంతో పాటు, పురపాలక, ఐటీ శాఖ మంత్రి కేటీఆర్ నెల జీతాన్ని కేరళ ముఖ్యమంత్రి పినరయి విజయన్‌కు అందించారు.

:- భారీ వర్షాలకు చంద్రబాబు సమీక్ష
అమరావతి:
ఆంధ్రప్రదేశ్‌లో కురుస్తున్న భారీ వర్షాలు, వరదలపై సీఎం చంద్రబాబు నాయుడు సమీక్ష నిర్వహించారు. లోతట్టు ప్రాంతాల ప్రజలను సురక్షిత ప్రాంతాలకు చేర్చాలని అధికారులను ఈ సందర్భంగా సీఎం ఆదేశించారు. విపత్తు నిర్వహణ శాఖ సూచనలకు అనుగుణంగా పనిచేయాలన్నారు. ప్రాజెక్టుల్లో వరద పరిస్థితిపై ప్రజలను అప్రమత్తం చేయాలని బాబు అధికారులను ఆదేశించారు. మరీ ముఖ్యంగా రైతులు విషసర్పాల భారీన పడకుండా అవగాహన కల్పించాలని ఈ సందర్భంగా సీఎం చెప్పుకొచ్చారు.

:- కాకినాడలో దారుణం
తూర్పుగోదావరి:
జిల్లాలోని కాకినాడలో దారుణం చోటుచేసుకుంది. దైవకార్యమని నమ్మించి బాలికపై పాస్టర్ అత్యాచారం చేశాడు. 15 ఏళ్ల బాలికపై మూడు నెలలుగా జాఘవా నిహార్ అనే పాస్టర్ అత్యాచారానికి పాల్పడ్డాడు. ఎవరికైనా చెబితే నాశనమైపోతావని భయపెట్టి ఈ ఘాతుకానికి పాల్పడ్డాడు. విషయం బాధితురాలు తల్లిదండ్రులకు చెప్పడంతో స్థానికంగా పోలీస్ స్టేషన్‌లో ఫిర్యాదు చేశారు. పాస్టర్‌పై పోక్సో, కిడ్నాప్, రేప్‌ కేసులు నమోదు చేసినట్లు పోలీసులు తెలిపారు.

:- అనంతలో మరో ఘోర ప్రమాదం
అనంతపురం:
జిల్లాలో మరో ఘోర ప్రమాదం చోటుచేసుకుంది. హిందూపురంలోని స్టీల్ ఫ్యాక్టరీలో ఆదివారం సాయంత్రం బాయిలర్ పేలింది. ఈ ఘటనలో 9మందికి తీవ్ర గాయాలయ్యాయి. వీరిలో నలుగురి పరిస్థితి విషమంగా ఉంది. మెరుగైన వైద్యం కోసం క్షతగాత్రులను హిందూపురం నుంచి బెంగళూరుకు తరలించారు. కాగా ఈ ఘటనలో గాయపడ్డవారిలో ఐదుగురు మహిళలు ఉన్నారు.

:- ముందస్తు ఎన్నికలు రాబోతున్నాయ్!
హైదరాబాద్:
తెలంగాణలో ముందస్తు ఎన్నికలు రాబోతున్నాయని టీపీసీసీ చీఫ్ ఉత్తమ్ కుమార్‌రెడ్డి చెప్పుకొచ్చారు. నాలుగు రాష్ట్రాలతో పాటు తెలంగాణకు ఎన్నికలు వస్తాయని.. ఇందుకు కాంగ్రెస్ పార్టీ నేతలు, కార్యకర్తలు సిద్ధంగా ఉండాలని ఈ సందర్భంగా ఆయన పిలుపునిచ్చారు. త్వరలోనే శాసనసభ రద్దు కాబోతోందన్నారు. ఈ క్రమంలో త్వరలోనే ‘ఇంటింటికి కాంగ్రెస్’ కార్యక్రమం నిర్వహిస్తున్నట్లు ఉత్తమ్ తెలిపారు.

:- శ్రీశైలం జలాశయానికి కొనసాగుతున్న వరద
కర్నూలు:
జిల్లాలోని శ్రీశైలం జలాశయంలోకి వరద కొనసాగుతున్నది. ఆరు గేట్లు ద్వారా నీటిని అధికారులు దిగువకు వదిలారు. కాగా పూర్తిస్థాయి నీటిమట్టం 885 అడుగులు, ప్రస్తుతం 882 అడుగు అడుగులు ఉన్నాయి. పూర్తి స్థాయి నీటి నిల్వ 215 టీఎంసీలు, ప్రస్తుతం 198 టీఎంసీల నీళ్లు ఉన్నాయి.

:- అత్తింటి వద్ద కోడలు ఆందోళన
హైదరాబాద్:
నగరంలోని సరూర్‌నగర్‌లో అత్తింటి వద్ద అనూష అనే మహిళ ఆందోళన చేపట్టింది. గత కొద్దిరోజులుగా తనను పట్టించుకోకుండా.. దూరంగా ఉన్న భర్త మరో పెళ్లి చేసుకుంటున్నట్లు తెలుసుకున్న భార్య ఆందోళనకు దిగింది. కాగా భర్త శ్రీనివాస్ ఇప్పటికే ఇద్దరితో వివాహం జరిగినట్లు అనూష ఆరోపిస్తోంది. ఈ ఘటనకు సంబంధించి మరింత సమాచారం తెలియాల్సి ఉంది.

:- వాయువ్య బంగాళాఖాతంలో అల్పపీడనం
అమరావతి:
వాయువ్య బంగాళాఖాతంలో అల్పపీడనం ఏర్పడింది. అల్పపీడనానికి అనుబంధంగా ఉపరితల ఆవర్తనం తోడైంది. దీంతో రానున్న 24 గంటల్లో తెలుగు రాష్ట్రాల్లో విస్తారంగా వర్షాలు కురుస్తాయని వాతావరణ శాఖ ఓ ప్రకటనలో తెలిపింది. తెలంగాణ, కోస్తాంధ్రల్లో తేలికపాటి నుంచి ఓ మోస్తారు వరకు వర్షాలు కురుస్తాయి.  రాయలసీమలో అక్కడక్కడ వర్షాలు కురిసే అవకాశముంది. 

:- పెరుగుతున్న పాముకాటు బాధితులు
కృష్ణా:
జిల్లాలోని అవనిగడ్డ ప్రభుత్వ ఆస్పత్రికి పాము కాటు బాధితులు క్యూ కడుతున్నారు. గత నాలుగు నెలలుగా 250 మంది పాము కాటుకు గురయ్యారు. కాగా శనివారం ఒక్కరోజే పాము కాటు 22మంది, ఇవాళ 10మంది ఆస్పత్రిలో చేరారు. స్థానిక, మండల పీహెచ్‌సీలలో మందుల కొరత కారణంగా అవనిగడ్డ ఆస్పత్రికి పాము కాటు బాధితులు పెరిగారు. 

:- అవనిగడ్డ పాము కాట్ల ఘటనపై సర్కార్ స్పందన
అమరావతి:
కృష్ణా జిల్లాలో అవనిగడ్డ పాము కాట్ల ఘటనపై ఏపీ ప్రభుత్వం స్పందించింది. ఈ వ్యవహారంపై సీఎం చంద్రబాబు నాయుడు ఆరా తీసి.. మండల ఆస్పత్రుల్లో మందులు అందుబాటులో ఉంచాలని అధికారులను ఆయన ఆదేశించారు. బాధితులకు సత్వర వైద్యం అందించి ఆదుకోవాలన్నారు.

:- లేడీ కానిస్టేబుల్ ఆత్మహత్య
నిర్మల్:
జిల్లాలోని కడెం పీఎస్‌లో దారుణం చోటు చేసుకుంది. మధురేఖ అనే కానిస్టేబుల్ ఆత్మహత్య చేసుకుంది. పోలీస్ క్వార్టర్స్‌లోనే లేడీ కానిస్టేబుల్ ఆత్మహత్యకు యత్నించింది. విషయం తెలుసుకున్న పోలీసులు ఆస్పత్రికి తరలిస్తుండగా మార్గమధ్యలోనే మృతి చెందింది. అయితే ఆమె ఎందుకు ఆత్మహత్య చేసుకుందనే విషయాలు తెలియాల్సి ఉంది. కేసు నమోదు చేసుకున్న పోలీసులు దర్యాప్తు చేస్తున్నారు.



టుడే టాప్ న్యూస్..

Updated By ManamFri, 08/17/2018 - 19:46

17/08/2018 Today Top News

17/08/2018న జరిగిన సంఘటనలు సూటిగా సుత్తి లేకుండా మీకోసం అందిస్తోంది www.manamnews.com

 

:- అటల్ జీ అంత్యక్రియలు ముగింపు
న్యూ ఢిల్లీ: మాజీ ప్రధాని అటల్ బిహారీ వాజ్‌పేయి అంత్యక్రియలు ముగిశాయి. దేశ రాజధాని ఢిల్లీలోని రాష్ట్రీయ స్మృతి స్థల్‌లో వాజ్‌పేయి అంత్యక్రియలు ప్రభుత్వ లాంఛనాలతో నిర్వహించడం జరిగింది. భౌతికకాయంపై మంచి గంధపు చెక్కల చితిపై వాజ్ పేయి పార్ధివ దేహానికి దత్త పుత్రిక నమిత భట్టాచార్య నిప్పంటించారు. కాగా.. బీజేపీ అగ్రనేతలు, అభిమానులు, ఆయన కుటుంబసభ్యులు వాజ్‌పేయికి కన్నీటీ వీడ్కోలు పలికారు. 

:- పాక్ ప్రధానిగా ఇమ్రాన్ ఎన్నిక
పాకిస్థాన్:
పాక్ 22వ ప్రధానిగా టీఐ పార్టీ చీఫ్ ఇమ్రాన్ ఖాన్ ఎన్నికయ్యారు. శుక్రవారం సాయంత్రం అసెంబ్లీలో జరిగిన ఓటింగ్‌లో ఇమ్రాన్‌ ఖాన్‌కు 176 ఓట్లురాగా.. పీఎంఎల్ ఎన్ పార్టీకి చెందిన షాబాజ్ షరీఫ్‌కు 96 ఓట్లు మాత్రమే వచ్చాయి. దీంతో ఇమ్రాన్ ఖాన్ ప్రమాణ స్వీకారానికి అడ్డంకులు లేకుండా పోయింది. కాగా ఈ ఫలితాలను  కొత్తగా ఎన్నికైన స్పీకర్ అసద్ క్వైసర్ మీడియాకు వెల్లడించారు. కాగా... స్పీకర్ ఓటింగ్ ఫలితాలను వెల్లడిస్తున్న సమయంలో సభలో ఉద్రిక్త వాతావరణం నెలకొంది. ఈ ఎంపిక సరైంది కాదని, దీనికి మేం ఒప్పుకోమని.. పీఎం నవాజ్ షరీఫే అంటూ ఆ పార్టీ సభ్యులతో నినాదాలు, నిరసనలతో హోరెత్తించారు. కాగా తనను ఎన్నుకున్నందుకు అందరికీ ధన్యవాదాలు తెలిపారు. ఇదిలా ఉంటే శనివారం నాడు ప్రధానిగా ఇమ్రాన్ ప్రమాణం స్వీకారం చేయనున్నారు.

:- మిత్రుడి కోసం పాక్‌కు సిద్ధూ..!
లాహోర్:
పాక్ ప్రధానిగా ఇమ్రాన్ ఖాన్ శనివారం నాడు ప్రమాణ స్వీకారం చేయనున్నారు. ఈ కార్యక్రమానికి మాజీ ఇండియన్ క్రికెటర్, పంజాబ్ మంత్రి నవ్‌జ్యోత్ సింగ్ సిద్ధూ పాక్‌కు వెళ్లారు. వాఘా సరిహద్దు ద్వారా ఆయన లాహోర్‌లో అడుగుపెట్టిన ఆయన శనివారం నాడు ఇస్లామాబాద్‌కు వెళ్లనున్నారు. ఈ సందర్భంగా మీడియాతో మాట్లాడిన ఆయన.. ఇండియా దూతగా ఓ ప్రేమ సందేశంతో తాను పాకిస్థాన్ వచ్చానని.. ఇక్కడికి ఓ రాజకీయ నేతగా రాలేదన్నారు. కేవలం ఓ స్నేహితుడిగా వచ్చానని.. నా స్నేహితుడి సంతోషంలో పాలుపంచుకోవడానికి వచ్చాను ఈ సందర్భంగా సిద్ధూ స్పష్టం చేశారు.

:- కేరళ వరదలకు 324 మంది బలి
తిరువునంతపురం:
గత కొద్దిరోజులుగా కురుస్తున్నభారీ వర్షాలకు కేరళ అతలాకుతలమవుతోంది. ఈ వరదలతో రాష్ట్రంలో మరణ మృదంగం మ్రోగుతోంది. ఎడతెరిపిలేని వర్షాలకు జనజీవనం అస్తవ్యస్తమవ్వగా.. రాకపోకలు పూర్తిగా నిలిచిపోయాయి. వేలాది ఇళ్లు నేలమట్టమవ్వడం గమనార్హం. మరోవైపు రంగంలోకి దిగిన 16ఆర్మీ, 42నేవీ బృందాలుగా సహాయక చర్యలు చేపడుతున్నాయి. ఇప్పటికే నాలుగు వేల మందిని ఎన్డీఆర్ఎఫ్ కాపాడినట్లు తెలుస్తోంది. కాగా ఇప్పటి వరకూ 324 మృతి చెందారని తెలుస్తోంది. 13 జిల్లాల్లో ఇంకా రెడ్ అలర్ట్ కొనసాగింది. ఈ భారీ వర్షాలకు ప్రాణ, ఆస్తి నష్టం భారీగానే వాటిల్లిందని చెప్పుకోవచ్చు. కాగా ఇంకా రెండ్రోజుల పాటు ఈ వర్షాలు కురిసే అవకాశాలున్నాయని వాతావరణ శాఖ హెచ్చరించింది.

:- రేపు కేరళలో మోదీ పర్యటన
తిరువనంతపురం:
శనివారం నాడు ప్రధాని నరేంద్ర మోదీ కేరళలో పర్యటించనున్నారు. గత కొద్దిరోజులుగా భారీ వర్షాలతో అతలాకుతలమవుతున్న కేరళ పర్యటించి సహాయక చర్యలపై ఆరా తీయనున్నారు. ఈ విషయమై ఇప్పటికే కేరళ సీఎంకు.. ప్రధాని ఆఫీస్ నుంచి అధికారులు సమాచారం అందించారు. కేంద్రం నుంచి అన్ని విధాలా సాయం అందుతుందని ఈ సందర్భంగా కేరళ ప్రజలకు మోదీ హామీ ఇచ్చారు.  

:- వాజ్‌పేయికి నివాళులు అర్పించలేదని దాడి
ఔరంగాబాద్: 
మాజీ ప్రధాని అటల్ బిహారీ వాజ్‌పేయి మృతికి సంతాపం ప్రకటించడానికి నిరాకరించినందుకు ఔరంగాబాద్‌లో కార్పొరేటర్‌ను చితకబాదారు. వివారాల్లోకెళితే.. ఏఐఎంఐఎంకు చెందిన సయ్యద్ మతిన్‌.. అటల్‌జీ మృతికి సంతాపం ప్రకటించడాన్ని వ్యతిరేకించారు. దీంతో ఆగ్రహంతో ఊగిపోయిన శివసేన, బీజేపీ కార్పొరేటర్లు.. మతిన్‌పై దాడి చేశారు. ఈ విషయాన్ని సామ్నా పత్రిక వెలుగులోకి తెచ్చింది. స్థానిక సమాచారం రంగంలోకి దిగిన పోలీసులు మతిన్‌ను విడిపించారు. గాయాలపాలైన ఆ కార్పొరేటర్‌ను అత్యవసర చికిత్సకోసం స్థానికంగా ఉన్న ఆస్పత్రి తరలించారు. ఈ ఘటనతో తీవ్ర ఆగ్రహానికి లోనైన ఏఐఎంఐఎం మద్దతుదారులు బీజేపీ నేత భావురావ్ దేశ్‌ముఖ్‌కు చెందిన కారును ధ్వంసం చేశారు. దాడిలో డ్రైవర్‌కు గాయాలైనట్లు తెలుస్తోంది.

:- ఎన్నారై ముష్కరుల దాడి.. హఠాన్మరణం 
ఢిల్లీ:
సెలవులొచ్చాయి కదా  అని పిల్లలతో సరదాగా గడపాలనుకున్న ఆయన అనంతలోకాలకు చేరుకున్నారు. ఇండియాకు వచ్చిన ఎన్నారైపై ముష్కరులు దాడికి దిగారు.. దీంతో తీవ్ర భయాందోళనకు గురైన ఆయన గుండెపోటుతో తుదిశ్వాస విడిచారు. ఈ సంఘటన దేశ రాజధాని ఢిల్లీ శివారు ప్రాంతమైన గుర్గావ్‌లోని బుధవారం చోటుచేసుకోగా ఆలస్యంగా వెలుగుచూసింది. బాలయ్య అనే ఎన్నారైకు టెక్సాస్‌లో ఓ ఐటీ కంపెనీ ఉంది. సుమారు పాతికేండ్లుగా అమెరికాలో స్థిరపడ్డ ఆయన ఇటీవలే పిల్లలతో కలిసి ఇండియాకు వచ్చారు. టీనేజీ కుమారున్ని స్విమ్మింగ్‌కు తీసుకువెళదామని బయలుదేరుతుండగా ఇంటి వాచ్‌మెన్‌గా పనిచేస్తున్న ప్రదీప్‌సింగ్‌ను దారి అడిగారు. ఆయన రాంగ్ అడ్రస్ చెప్పడంతో ఇద్దరి మధ్య మాటల యుద్ధం జరిగింది. విషయం తెలుసుకున్న ఇంటి ఓనర్ అక్కడి చేరుకొని మా వ్యక్తిని ఎందుకొడుతన్నావ్ అంటూ బాలయ్యపై దాడికి దిగారు. ఓనర్, వాచ్‌మెన్ ఇద్దరూ ఆయనపై దాడి చేయడంతో ఆస్పత్రికి తరలిస్తుండగా మార్గమధ్యలోనే బాలయ్య మ‌ృతి చెందారు. 

:- మంగళగిరి ఎయిమ్స్‌కు వాజ్‌పేయి పేరు?
గుంటూరు:
మంగళగిరి ఎయిమ్స్‌కు మాజీ ప్రధాని, దివంగత నేత వాజ్‌పేయి పేరు పెట్టాలని కేంద్ర ప్రభుత్వాన్ని ఏపీ సర్కార్ కోరింది.  ఏసీతో ఆయనకున్న ప్రత్యేక అనుబంధం నేపథ్యంలో ఎయిమ్స్‌కు వాజ్‌పేయి పేరు పెట్టాలని కేంద్రాన్ని ప్రభుత్వం కోరింది. అయితే ఈ విషయంపై కేంద్రం నుంచి ఇంకా ఎలాంటి సమాచారం లేదు. కాగా తెలుగు రాష్ట్రాల్లో ఎన్‌టీ రామారావు, సీఎం చంద్రబాబులతో అటల్‌జీకి విడదీయరాని అనుబంధం ఉందన్న విషయం తెలిసిందే.

:- ఇంటికి పంపించాల్సిన బాధ్యత బాబుదే!
తూర్పుగోదావరి:
రోడ్డుపైకి లాక్కొచ్చిన మా కాపు జాతిని తిరిగి ఇంటికి పంపించాల్సిన బాధ్యత సీఎం చంద్రబాబుదేనని మాజీ మంత్రి, కాపు ఉద్యమనేత ముద్రగడ పద్మనాభం చెప్పుకొచ్చారు. ఉద్యోగాల నోటిఫికేషన్‌లో మా వాటా మాకివ్వాలి.. అలాగే తహశీల్దార్ కార్యాలయాల్లో బీసీ-ఎఫ్ సర్టిఫికెట్ ఇచ్చేలా చూడాలని సర్కార్‌ను ఆయన కోరారు. మాకు ఇచ్చిన హామీలు ప్రభుత్వం తక్షణమే అమలు చేయాలన్నారు. కాపు రిజర్వేషన్లకు బీసీలు, కేంద్రం అడ్డంకి అనే మాటలు పదే పదే చెప్పకుండా ఇచ్చిన మాటను నిలబెట్టుకోవాలని ఏపీ ప్రభుత్వాన్ని ముద్రగడ కోరారు.

:- వెంకన్న సన్నిధిలో భారీ కుంభకోణం!
తిరుమల: తిరుమల వెంకన్న సన్నిధిలో భారీ కుంభకోణం వెలుగుచూసింది. ఆన్‌లైన్‌లో టికెట్లు పొంది భక్తులకు అధిక ధరలకు అమ్ముతున్న కొందరు కేటుగాళ్లను విజిలెన్స్ అధికారులు పట్టుకున్నారు. నకిలీ ఆధార్ నంబర్లతో శ్రీవారి సేవాటికెట్లు అమ్ముతున్న ప్రభాకర్ అనే వ్యక్తిని శుక్రవారం సాయంత్రం అధికారులు పట్టుకున్నారు.

ఆర్థిక సేవా టికెట్లు ఆన్‌లైన్ లాటరీ ద్వారా పారదర్శకంగా జారీ అవుతున్నాయని ఇన్ని రోజులూ టీటీడీ అధికారులు పెద్దగా పట్టించుకోలేదు. అయితే తాజా కుంభకోణంలో అధికారులు అవాక్కయ్యారు. విజిలెన్స్‌కు పట్టుబడిన వారిని ప్రస్తుతం విచారిస్తున్నారు. అసలు ఆ ప్రభాకర్ అనే వ్యక్తి వెనుక ఎవరున్నారు..? కొండపైనున్న అధికారులు ఎవరైనా ఆయనకు సహకరిస్తున్నారా..? అనే కోణంలో విచారణ జరుగుతోంది.

:-  కనకాయిలంక కాజ్‌వే మునగ
తూర్పుగోదావరి:
జిల్లాలోని చాకలిపాలెం వద్ద కనకాయిలంక కాజ్‌వే వరద నీటితో మునిగిపోయింది. దీంతో అటుగా వెళ్లే జనజీవనం పూర్తిగా స్థంభించిపోయింది. తూర్పు, పశ్చిమ గోదావరి జిల్లాలను ఈ కాజ్‌వే కలుపుతుంది. దీంతో అయినవిల్లి మండలంలోని లంక గ్రామాలు నీట మునిగాయి. పి. గన్నవరం మండలంలో పలుచోట్ల పంటపొలాలు నీట మునిగాయి. 

:- శ్రీశైలం జలాశయానికి భారీ వరద
కర్నూలు:
జిల్లాలోని శ్రీశైలం జలాశయానికి భారీ వరద నీరు వచ్చి చేరింది. పూర్తిస్థాయి నీటి మట్టం 885 అడుగులు కాగా ప్రస్తుతం 878 అడుగులు ఉంది. పూర్తి స్థాయి నీటి నిల్వ 215 టీఎంసీలు కాగా.. ప్రస్తుతం 181 టీఎంసీలు ఉంది. రేపు లేదా ఎల్లుండి శ్రీశైలం జలాశయం గేట్లు ఎత్తే అవకాశాలున్నట్లు తెలుస్తోంది. 

:- తిరుమలలో రోడ్డు ప్రమాదం
తిరుమల:
నగరంలోని ఔటర్ రింగ్‌రోడ్డులో రోడ్డు ప్రమాదం సంభవించింది. ఎదురెదురుగా వస్తున్న టెంపో-ఆర్టీసీ బస్సు ఢీకొన్నాయి. ఈ ప్రమాదంలో ఆరుగురు భక్తులకు గాయాలయ్యాయి. అత్యవసర చికిత్సకై బాధితులను స్థానికంగా ఉన్న ఆస్పత్రికి తరలించి వైద్యం అందిస్తున్నారు. గాయపడ్డ వారు తూర్పుగోదావరి జిల్లా అమలాపురం వాసులని తెలిసింది.



టుడే టాప్ న్యూస్..

Updated By ManamWed, 08/15/2018 - 21:42

15/08/2018 TOP NEWS

15/08/2018 అనగా పంద్రాగస్టు నాడు జరిగిన సంఘటనలు సూటిగా సుత్తి లేకుండా అందిస్తోంది    www.manamnews.com

 

:- కాబూల్‌లో మరో ఘోరం.. 25 మంది మృతి
కాబూల్: ఆఫ్గన్ మరోసారి రక్తమోడింది. పశ్చిమ కాబూల్‌ సమీపంలోని ఓ స్కూల్లో ఆత్మహుతి దాడి జరిగింది. ఈ ఘటనలో సుమారు 25 మందికిపైగా మృతి చెందగా.. మరో 35 మంది గాయపడ్డారు. ఈ దాడికి పాల్పడింది తాము కాదని తాలిబన్ ప్రకటించుకుంది. కాగా ఈ ఘటనకు సంబంధించి మరింత సమాచారం తెలియాల్సి ఉంది.

:- అటల్‌జీ ఆరోగ్యం విషమం..
ఢిల్లీ:
మాజీ ప్రధాని అటల్‌ బిహారీ వాజ్‌పేయి(93) ఆరోగ్య పరిస్థితి మరింత క్షీణించింది. గత కొన్నాళ్లుగా మూత్రపిండ సంబంధిత వ్యాధులతో బాధపడుతున్న వాజ్‌పేయి ఎయిమ్స్‌లో చికిత్స పొందుతున్నారు. రెండు రోజలుగా ఆయనకు వెంటిలేటర్‌పైనే వైద్యులు చికిత్స అందిస్తున్నారు. వాజ్‌పేయి ఆరోగ్యం అత్యంత విషమంగా ఉండటంతో ఢిల్లీతో పాటు అన్ని రాష్ట్రాల్లో బీజేపీ తన అధికారి కార్యక్రమాలన్నింటినీ వాయిదా వేసుకుంది. కాగా ఇప్పటికే ప్రధాని నరేంద్ర మోదీ.. బీజేపీ జాతీయ అధ్యక్షుడు అమిత్‌ షా ఎయిమ్స్‌కు వెళ్లి వాజ్‌పేయిని పరామర్శించారు. డాక్టర్లను అడిగి వాజ్‌పేయి ఆరోగ్యపరిస్థితిపై ఆరాతీశారు.

:- కేరళలో రెడ్ అలర్ట్
తిరువునంతపురం:
కేరళలో భారత వాతావరణ శాఖ  దక్షిణ కన్నడ, హసన్, చిక్‌మగళూరు, కొడగు, శివమొగ్గ జిల్లాల్లో రెడ్ అలర్ట్ ప్రకటించింది. గత కొద్దిరోజులుగా కురుస్తున్న భారీ వర్షాలకు కేరళ అతలాకుతలమవుతోంది. రైలు, బస్సు సర్వీసులను నిలిపివేస్తున్నట్లు అధికారులు ఓ ప్రకటనలో స్పష్టంచేశారు. ఇదిలా ఉంటే.. నాలుగురోజులపాటు కొచ్చి ఎయిర్‌పోర్టును మూసివేశారు.  ఈ సందర్భంగా సీఎం పినరయి అత్యవసర మంత్రి వర్గ సమావేశాన్ని ఏర్పాటుచేసి వివరాలు అడిగి తెలుసుకున్నారు. కాగా వరదల వల్ల ఇప్పటి వరకూ 44మందికి పైగా మృతి చెందారు.

:- పంద్రాగస్టు వేడుకల్లో పాటపాడిన సీఎం
న్యూఢిల్లీ:
పంద్రాగస్టు వేడుకల్లో భాగంగా ఢిల్లీ ముఖ్యమంత్రి అరవింద్ పాట పాడారు. ఢిల్లీలోని ఛత్రసాల్ స్టేడియంలో నిర్వహించిన కార్యక్రమంలో..  "హమ్ హోంగే కామ్యాబ్(అవరోధాల్ని అధిగమిద్దాం)" అని పాట పాడారు. కాగా.. పాటలు పాడటంలో తన నైపుణ్యాన్ని ప్రదర్శించడం కేజ్రీవాల్‌కు ఇదే మొదటిసారి కాదు. 2013లో సీఎంగా ప్రమాణస్వీకారం చేసినప్పుడు, 2017లో కేజ్రీవాల్ తొలిసారిగా తన ట్విటర్ ఖాతాలో పాడారు.

:- జయలలిత బయోఫిక్‌కు సర్వం సిద్ధం!
ప్రస్తుతం సినీ ఇండస్ట్రీలో బయోపిక్‌ల ట్రెండ్ నడుస్తోంది. ఇప్పటికే సావిత్రి బయోపిక్ వచ్చిన సంగతి తెలిసిందే. తాజాగా మరో ఎన్టీఆర్ బయోపిక్‌ రెడీ అవుతోంది.  అలనాటి నటి, దివంగత ముఖ్యమంత్రి జయలలిత జీవితాన్ని సినిమా రూపంలో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఈ బయోపిక్‌కు సంబంధించిన వివరాలను తరణ్ ఆదర్శ్ తన ట్విట్టర్‌లో పోస్ట్ చేశారు.

:- మన అమరావతి సెల్ఫీ పాయింట్ ప్రారంభం
విజయవాడ:
జిల్లాలోని ప్రకాశం బ్యారేజ్ వద్ద ‘మన అమరావతి’ సెల్ఫీ పాయింట్‌ను సీఎం చంద్రబాబు ప్రారంభించారు. కృష్ణా ఘాట్ వద్ద సెల్ఫీలకు చిరునామాగా ‘మన అమరావతి’ పాయింట్ ఉంటుందన్నారు. వచ్చే ఐదు, పదేళ్లలో అమరావతిని ఉత్తమ నగరంగా నిలుపుతామని చెప్పారు.

:- టీడీపీ మహిళా ఎమ్మెల్యేకు షాకిచ్చిన టీటీడీ
తిరుమల:
అఖిలాండ కోటి బ్రహ్మాండ నాయకుడు కొలువైన తిరుమల వెంకన్నసన్నిధిలో జరుగుతున్న మహాసంప్రోక్షణకు హాజరుకావాలని వెళ్లిన ఎమ్మెల్యే సుగుణమ్మకు టీటీడీ అధికారులు షాకిచ్చారు!. మహాశాంతియాగంలో పాల్గొనేందుకు వచ్చిన ఆమెకు అనుతివ్వకుండా వెనక్కి పంపేశారు. స్థానిక ఎమ్మెల్యేను అనుమతించకపోవడంలో సుగుణమ్మ తీవ్ర ఆగ్రహం వ్యక్తం చేశారు. దీంతో టీటీడీ అధికారుల తీరుకు నిరసనగా తిరుమల మహాద్వారం వెలుపల ఎమ్మెల్యే బైఠాయించారు. ఉన్నతాధికారులు సమాధానం చెప్పే వరకు ఇక్కడ్నుంచి కదిలేది లేదన్నారు.

:- టీటీడీ ఎమ్మెల్యే తండ్రి కారులో భారీ చోరీ
కర్నూలు:
కడప జిల్లాలోని రాజంపేటకు చెందిన టీడీపీ ఎమ్మెల్యే మేడా మల్లిఖార్జున రెడ్డి తండ్రి, టీటీడీ బోర్డ్ మెంబర్ మేడా రామకృష్ణారెడ్డి భారీ చోరీ జరిగింది. కారులో ఉన్న రూ. 50 లక్షలు బ్యాగుతో డ్రైవర్ పరారయ్యాడు. కర్నూలు డాబా వద్ద ఈ ఘటన చోటుచేసుకుంది. డాబా వద్ద భోజనం చేయడానికి ఆపగా ఈ డబ్బుతో డ్రైవర్ పారిపోయాడు. డాబా నుంచి నేరుగా కర్నూలు పోలీస్ స్టేషన్‌కు వెళ్లిన మేడా రామకృష్ణారెడ్డి పోలీసులకు ఫిర్యాదు చేశారు. కేసు నమోదు చేసుకున్న పోలీసులు డ్రైవర్ కోసం గాలిస్తున్నారు.      

:- ప్రపంచలోనే పెద్ద పథకం
హైదరాబాద్: ‘ఆయుష్మాన్‌భవ’
అనేది ప్రపంచంలోనే చాలా పెద్ద పథకమని బీజేపీ ఎమ్మెల్యే కిషన్ రెడ్డి చెప్పుకొచ్చారు. ఆరోగ్యశ్రీ నిర్వీర్యం అవుతున్న తరుణంలో ‘ఆయుష్మాన్‌భవ’ పూర్తిగా ఉపయోగపడుతుందన్నారు. పథకాన్ని అమలు చేయాలని రాష్ట్ర ప్రభుత్వాన్ని ఆయన కోరారు. భారతదేశ 72వ స్వాతంత్ర్య వేడుకల్లో భాగంగా ప్రధానమంత్రి నరేంద్ర మోదీ ఈ పథకాన్ని ప్రారంభించారు. దేశ ప్రజల ఆరోగ్యం కోసం ఆయుష్మాన్ భవ పథకాన్ని ప్రవేశపెడుతున్నట్లు ఆయన స్పష్టంచేశారు. ఈ పథకం ద్వారా దేశంలోని పేద ప్రజలందరికీ ఉచిత వైద్యం
అందనుంది. 

:- రాహుల్‌కు తెలిస్తే.. ఉత్తమ్ పదవి హుష్!
హైదరాబాద్‌:
బూత్‌ కమిటీలను ఏర్పాటు చేయకుండానే.. ఏర్పాటు చేసినట్లుగా టీపీసీసీ చీఫ్‌ ఉత్తమ్‌కుమార్‌రెడ్డి రాహుల్‌ గాంధీని మోసగించారని కాంగ్రెస్‌ను వీడి కారెక్కిన దానం నాగేందర్‌ వ్యాఖ్యానించారు. ఈ విషయం రాహుల్‌కు తెలిస్తే ఉత్తమ్‌ పదవి ఊడడం ఖాయమేనని చెప్పారు. కేవలం కిరాయిగాళ్లతోనే సభ నడిపించి షో చేశారని చెప్పుకొచ్చారు.

:- ఆమ్రపాలి ఆఫీస్‌లో దెయ్యం..!
వరంగల్:
 ఇదేంటని ఆశ్చర్యపోతున్నారా..? అవును మీరు వింటున్నది నిజమే.. వరంగల్ అర్బన్ కలెక్టర్ ఆమ్రపాలి నోట దెయ్యం మాటలు వినిపించాయి. కలెక్టర్ అయ్యిండి దెయ్యాలు, భూతాలనే మాటలు ఎందుకు మాట్లాడతారనే సందేహం వచ్చింది కదూ. ఆమె మాటల్లోనే.." ఆగస్టు 10న వరంగల్‌ కలెక్టరేట్‌ క్యాంపు కార్యాలయం నిర్మాణానికి పునాదిరాయి వేసి 133 ఏళ్లు నిండింది. నేను నివాసముంటున్న బంగ్లాలోని ఫస్ట్ ఫ్లోర్లో దెయ్యం ఉన్నట్లు నాకు పాత కలెక్టర్లు చెప్పారు. నాకు రాత్రి వేళ అక్కడ పడుకోవద్దని సలహా కూడా ఇచ్చారు. ఆ గదిలో దెయ్యం ఉందన్న భయంతో అక్కడ పడుకోవడానికి సాహసించను. అంతేకాదు వర్షం పడితే నా నివాసంలో వర్షపు నీరు లీకు అవుతోంది.. గిన్నెలు, బకెట్లు పెట్టుకోవాల్సి వస్తోంది" అని ఆమె చెప్పుకొచ్చారు. ఆమ్రపాలి చేసిన వ్యాఖ్యలు నెట్టింట్లో హాట్ టాపిక్ అయ్యాయి. ప్రభుత్వం ఇకనైనా స్పందించి తగు చర్యలు తీసుకుంటే మంచిదని విశ్లేషకులు అభిప్రాయపడుతున్నారు.

:- దళితులపై కేసులు ఎత్తేయండి..!
నెల్లూరు:
జిల్లాలోని రాపూరులో కొద్దిరోజుల క్రితం ద‌ళితులు - పోలీసుల మ‌ధ్య చోటుచేసుకున్న సంగతి తెలిసిందే. ఈ వివాదంపై జ‌న‌సేన రాజ‌కీయ వ్య‌వ‌హారాల‌ క‌మిటీ (ప్యాక్) ఈరోజు చ‌ర్చించింది. కొందరు ప్రతినిధులు తమ నియోజకవర్గాల్లో పనిచేస్తున్న ఒకరిద్దరు అధికారులను తమ గుప్పిట్లో పెట్టుకొని.. లా అండ్ ఆర్డర్‌‌ను తమ చేతుల్లోకి తీసుకోవడం వల్ల ఇలాంటి సంఘటనలు చోటుచేసుకుంటున్నాయని జనసేనాధిపతి పవన్ తీవ్ర ఆగ్రహం వ్యక్తం చేశారు. రాపూరు ఘటనలో- ఒక దళిత కులస్తుల్లోని రెండు కుటుంబాల మ‌ధ్య జ‌రిగిన సివిల్ వివాదంలో పోలీసుల జోక్యం వ‌ల్ల‌నే ఈ ఘ‌ట‌న  జఠిలమైందని.. తక్షణమే దళితులపై ఉన్న కేసులను ఎత్తేయాలని పవన్ డిమాండ్ చేశారు.

:- వ్యభిచారం పేరిట మోసం.. అత్తా అల్లుళ్ల గుట్టు రట్టు
కృష్ణా :
విజయవాడలో వ్యభిచారం పేరిట ఆన్‌లైన్లో మోసం చేస్తున్న ముఠా గుట్టు రట్టైంది. సోషల్ మీడియాలో యువతుల ఫేక్ ఫొటోలు పెట్టి.. ఓ ముఠా దోచుకుంటోంది. ఓ యువతి తన ఫొటో ఆన్‌లైన్‌లో చూసి పోలీసులకు ఫిర్యాదు చేయడంతో రంగంలోగి దిగిన పోలీసులు ఈ వ్యవహారం నడుపుతున్న రాజేశ్వరి, ఆమె అల్లుడ్ని అరెస్ట్ చేశారు. కాగా ఇలా ఫేక్ ఫొటోలుపెట్టి కొందరి నుంచి రూ.20లక్షలు వసూలు చేసినట్లుగా తెలుస్తోంది. అత్తాఅల్లుళ్లు ఇద్దరికి కోర్టు 14 రోజుల రిమాండ్ విధించింది.



టుడే టాప్ న్యూస్..

Updated By ManamTue, 08/14/2018 - 22:45

14/08/2018 Top News

14/08/2018 నాడు జరిగిన సంఘటనలు సూటిగా సుత్తి లేకుండా వీక్షకుల కోసం అందిస్తోంది.. http://www.manamnews.com

 

:- దేశ ప్రజలకు స్వాతంత్ర్య దినోత్సవ శుభాకాంక్షలు
న్యూఢిల్లీ: భారత 72వ స్వాతంత్ర్యదినం (ఆగస్టు 15, 2018) పురస్కరించుకుని రాష్ట్రపతి రామ్‌నాథ్‌కోవింద్‌ దేశ ప్రజలకు శుభాకాంక్షలు తెలిపారు. మంగళవారం సాయంత్రం జాతినుద్దేశించి ఆయన ప్రసంగిస్తూ.. దేశంలో ఇటీవల హింసాత్మక ఘటనలు పెరిగిపోతున్న నేపథ్యంలో ‘ హింస కన్నా అహింసే ఎంతో శక్తిమంతమైంది’ అన్న జాతిపిత మహాత్మాగాంధీ వ్యాఖ్యల్ని ఆయన గుర్తు చేశారు. సమాజంలో హింసకు ఏమాత్రం తావులేదని స్పష్టం చేశారు.

:- జమిలీ ఎన్నికలు అసాధ్యం
ఢిల్లీ: దేశ వ్యాప్తంగా ఒకేసారి జమిలి ఎన్నికలను నిర్వహించాలనుకున్న ప్రధాని మోదీ, అమిత్ షాల ఆశలు అడియాసలయ్యాయి. కేంద్రం తీసుకున్న ఈ నిర్ణయంపై ఈసీ స్పందించింది. జమిలి ఎన్నికలను నిర్వహించడం సాధ్యం కాదని చీఫ్ ఎలక్షన్ కమిషనర్ ఓపీ రావత్ తేల్చి చెప్పారు. దేశ వ్యాప్తంగా ఒకేసారి ఎన్నికలు నిర్వహించాలంటే... దానికి రాజ్యాంగ సవరణ చేయాల్సి ఉంటుందని తెలిపారు. జమిలి ఎన్నికలను నిర్వహించాలంటే... వివిధ శాసనసభల గడువును తగ్గించడమో లేదా పెంచడమో చేయాల్సి ఉంటుందన్నారు.

:- చంద్రబాబుకు ట్రాఫిక్‌లో చిక్కులు తప్పలేదు!
విజయవాడ: ఏపీ సీఎం చంద్రబాబుకు ట్రాఫిక్‌లో చిక్కుకుపోయారు. మంగళవారం రాత్రి గన్నవరం ఎయిర్‌పోర్ట్‌కు బయల్దేరిన సీఎం బెంజ్ సర్కిల్‌ వద్ద ట్రాఫిక్‌లో చిక్కుకుపోయారు.  సుమారు 15 నిమిషాలపాటు ఆయన ట్రాఫిక్‌ రద్దీలోనే ఉండిపోయారని సమాచారం. దీంతో రంగంలోకి దిగిన పోలీసులు ట్రాఫిక్ క్లియర్ చేసి సీఎం కాన్వాయ్‌ను పంపించారు. బుధవారం జరిగే స్వాతంత్ర్య దినోత్సవాల్లో భాగంగా జాతీయ జెండా ఆవిష్కరించేందుకు చంద్రబాబు శ్రీకాకుళం వెళ్తుండగా ఈ ఘటన చోటుచేసుకుంది.

:- హాట్ కేకుల్లా అమ్ముడుబోయిన బాండ్లపై లోకేశ్ స్పందన
అమరావతి: అమరావతి బాండ్లకు అనూహ్య స్పందన రావడంపై లోకేశ్ స్పందించారు. రూ.1300కోట్ల బాండ్లకు గంటలో రూ.2వేల కోట్ల లావాదేవీలు జరిగాయని ట్విట్టర్‌లో స్పష్టం చేశారు. నాలుగేళ్లలో రాజధాని అభివృద్ధికి కేంద్రం రూ.1500కోట్లు మాత్రమే ఇచ్చిందని.. అయితే సీఆర్డీఏ మాత్రం కేవలం ఒకే ఒక్క గంటలోనే రూ.2వేల కోట్లు సేకరించగలిగిందని స్పష్టం చేశారు.

:- ముగిసిన రాహుల్ రెండ్రోజుల పర్యటన
హైదరాబాద్: కాంగ్రెస్ పార్టీ అధ్యక్షుడు రాహుల్ గాంధీ రెండ్రోజులు పర్యటన ముగిసింది. తొలి రోజు మహిళా సంఘాలతో సమావేశం జరిపి, శేరిలింగంపల్లి బహిరంగసభ.. రెండో రోజు పత్రికా సంపాదకులతో సమావేశం, పారిశ్రామికవేత్తలతో మీటింగ్‌తో పాటు, సరూర్ నగర్‌లో ఏర్పాటు చేసిన కాంగ్రెస్ పార్టీ బహిరంగసభలో ప్రసంగించి.. అటు నుంచి నేరుగా శంషాబాద్‌ ఎయిర్‌పోర్టుకు చేరుకున్నారు. 

:- రాహుల్‌పై దానం కౌంటర్లు
హైదరాబాద్: సీఎం కేసీఆర్‌కు ఎంత ఆదరణ ఉందో రాహుల్ గాంధీ ఇంటింటికీ తిరిగి తెలుసుకోవాలని హస్తంను వీడి కారెక్కిన దానం నాగేందర్ చెప్పుకొచ్చారు. కేసీఆర్ కుటుంబం గురించి మాట్లాడే నైతిక హక్కు కాంగ్రెస్ పార్టీ నేతలకు లేదన్నారు. సామాజిక న్యాయం గురించి రాహుల్ మాట్లాడటం విడ్డూరంగా ఉందని దానం విమర్శలు గుప్పించారు.

:- కృష్ణయ్య కాంగ్రెస్ గూటికెళ్తారా..?
హైదరాబాద్: తెలంగాణ పర్యటనలో బిజీబీజీగా ఉన్న రాహుల్ గాంధీని... టీడీపీ ఎమ్మెల్యే, బీసీ నాయకుడు ఆర్. కృష్ణయ్య కలిశారు. మంగళవారం మధ్యాహ్నం తాజ్ కృష్ణాలో రాహుల్ ‌ కలిసి మూడు గంటల పాటు ఆయన కలిసి ఉన్నట్టు సమాచారం. కాగా, చట్టసభల్లో బీసీ రిజర్వేషన్ల అంశమై మాట్లాడేందుకు రాహుల్ ని తాను కలిశానని అనంతరం మీడియాతో మాట్లాడిన కృష్ణయ్య స్పష్టం చేశారు. అయితే ఆయనతో కొందరు కాంగ్రెస్ కీలక నేతల మంతనాలు జరిపారని త్వరలోనే కాంగ్రెస్ కప్పుకోనున్నారని తెలుస్తోంది. ఇదిలా ఉంటే..  తాజ్ కృష్ణా నుంచి గన్ పార్క్ వద్దకు రాహుల్ తమ పార్టీ నేతలతో కలిసి ప్రజా చైతన్య బస్సులో వెళ్లగా.. వారితో పాటు కృష్ణయ్య కూడా ఆ బస్సులో ఎక్కడంతో చర్చనీయాంశమైంది.  

:- మైనింగ్ అక్రమాలపై చంద్రబాబు సర్కార్ స్పందన
గుంటూరు: జిల్లాలోని మైనింగ్ అక్రమాలపై గత కొద్దిరోజులు వైసీపీ నేతలు పోరాటం చేస్తున్న సంగతి తెలిసిందే. దీంతో దిగొచ్చిన సర్కార్ ఎట్టకేలకు స్పందించింది. గనుల శాఖ డిప్యూటీ డైరెక్టర్ పాపారావును సస్పెన్షన్ చేస్తున్నట్లు ప్రకటించింది. ఈ అక్రమాల విచారణను సీఐడీకి అప్పగిస్తున్నట్లు సర్కార్ స్పష్టం చేసింది. కాగా కేసు పక్కదారి పట్టించేందుకు ఇలా అధికారులు, డ్రైవర్లపై వేటు వేస్తున్నారని ప్రతిపక్షం మండిపడుతోంది. కాగా గురజాల ఎమ్మెల్యే యరపతినేనికి హైకోర్టు నోటీసులు జారీ చేసిన విషయం తెలిసిందే.

:- కట్టుకున్న ఆలిని కాటికిపంపాడు!
పశ్చిమగోదావరి: జిల్లాలోని ఏలూరులో దారుణం జరిగింది. కట్టుకున్న ఆలిని కడతేర్చాడో భర్త. తాళ్లూరి రాంబాబు, నాగలక్ష్మీ దంపతులు హాయిగా జీవితం గడుపుతున్న వీరి మధ్య ‘అనుమానం’ అనే పెనుభూతం చొరబడింది. మంగళవారం రాత్రి ఇద్దరి మధ్య చిన్నపాటి గొడవ జరిగింది.. అదికాస్త ఘర్షణకు దారితీయడంతో ఇంట్లోవున్న రోకలిబండతో కొట్టి భార్యను చంపేశాడు భర్త. దీంతో ఇద్దరు ఆడబిడ్డలు రోడ్డున పడ్డ పరిస్థితి. స్థానిక సమాచారం మేరకు ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. 

:- గోల్కొండ కోటకు ఖాకీ ‘కంచె’
హైదరాబాద్: స్వాతంత్ర్య దినోత్సవ వేడుకలకు గోల్కొండ కోట అందంగా ముస్తాబయ్యింది. బుధవారం ఉదయం సీఎం కేసీఆర్ ఇక్కడ జెండా ఎగరవేయనుండటంతో భారీ భద్రత ఏర్పాటు చేశారు. మరీ ముఖ్యంగా కోట సమీపంలోని సమస్యాత్మక ప్రాంతాలు ఉండటంతో పోలీసులు భద్రతను కట్టుదిట్టం చేయడం జరిగింది. అంతేకాదు..  బాంబ్ స్క్వాడ్ బృందాలతో అడుగడుగునా తనిఖీలు చేపట్టారు. ఈ వేడుకల కోసం మొత్తం 900 మంది పోలీసులతో పెద్ద ఎత్తున భద్రతాచర్యలు చేపట్టారు.

:- కేవీపీ వాస్తవాలు తెలుసుకో..!
గుంటూరు: కాంగ్రెస్ రాజ్యసభ సభ్యుడు కేవీపీ ఇటీవల ఏపీ ప్రభుత్వానికి లేఖ రాసిన సంగతి తెలిసిందే.  ఈ లేఖపై ఏపీ స్పీకర్‌ కోడెల శివప్రసాద్ ఘాటుగా స్పందించారు. కేవీపీ కంటే తనకే రాజకీయ అనుభవం ఎక్కువని చెప్పుకొచ్చారు. పోలవరం పూర్తవ్వాలంటే ఉండాల్సింది చిత్తశుద్ధి కానీ..  రాజకీయాలు కాదని కేవీపీకి స్పీకర్ కౌంటరిచ్చారు. పోలవరం ఇప్పటికే 57 శాతం పూర్తయిందన్నారు. కేవీపీ వాస్తవాలు తెలుసుకుని మాట్లాడాలని సూచించారు.

:- జనసేనది కాపీ పేస్ట్.. మేనిఫెస్టో..!
అమరావతి: జనసేన అధినేత పవన్ కల్యాణ్.. మేనిఫెస్టో విజన్ డాక్యుమెంట్‌ను విడుదల చేసిన సంగతి తెలిసిందే. దీనిపై సర్వాత్రా విమర్శలు వస్తున్నాయి. విషయం తెలిసిందే. ఈ మేనిఫెస్టోపై మంత్రి యనమల రామకృష్ణుడు స్పందిస్తూ.. ఈ విజన్ డాక్యుమెంట్‌లో ఉన్నవి మచ్చుతునకలు కాదని.. కాపీ తునకలని విమర్శించారు. ఈ పన్నెండు అంశాలు చాలా వరకు అమల్లోనే ఉన్నాయని ఆయన చెప్పుకొచ్చారు.



టుడే టాప్ న్యూస్..

Updated By ManamSun, 08/05/2018 - 22:02

Today Top news 05/08/2018

05/08/2018 నాడు జరిగిన సంఘటనలు సూటిగా సుత్తి లేకుండా వీక్షకుల కోసం అందిస్తోంది.. manamnews.com

 

:- స్విస్‌లో కుప్పకూలిన విమానం.. 
స్విస్‌లో మరో విమానం కుప్పకూలింది. ఈ ఘటనలో  19మంది ప్రయాణికులతో పాటు ముగ్గురు పైలట్లు ఘటనాస్థలిలోనే మరణించినట్లు సమాచారం. కూలిన జేయూ-52నంబరు విమానం అని స్థానిక ఎయిర్‌లైన్స్‌ సంస్థ అయిన జేయూ-ఎయిర్‌ తన అధికారిక వెబ్‌సైట్‌లో స్పష్టం చేసింది. 

:- ఈ నెల 11న 20 మందితో ఇమ్రాన్ ప్రమాణం
పాక్ కొత్త ప్రధానిగా పాకిస్థాన్‌ తెహ్రీక్‌ ఎ ఇన్సాఫ్‌(పీటీఐ) పార్టీ అధినేత ఇమ్రాన్‌ఖాన్‌ పేరును సోమవారం అధికారికంగా ప్రకటించనుంది. ఈ నెల 11న ఇమ్రాన్‌తో పాటు 20మంది సభ్యులు ప్రమాణం చేయనున్నట్లు విశ్వసనీయ వర్గాల సమాచారం. 

:- బీజేపీ ఎంపీ కారు ధ్వంసం
మహారాష్ట్ర :
గత కొద్దిరోజులుగా రిజర్వేషన్ల కోసం మహారాష్ట్రలో మరాఠాలు చేస్తున్న ఆందోళనలు, బంద్‌లు, రాస్తారోకోలు చేస్తున్న సంగతి తెలిసిందే.  నిరసనలో భాగంగా  ఆదివారం నాడు బీజేపీ ఎంపీ హీనా గవిట్ కారును ఆందోళనకారులు ధ్వంసం చేశారు. జిల్లా కలెక్టర్ కార్యాలయం నుంచి హీనా కారు వెలుపలికి వచ్చిన టైంలో నిరసనకారులు దాడికి దిగి ధ్వంసం చేశారు. దాడి జరిగిన సమయంలో హీనా కారులోనే ఉన్నారు. అయితే ఆమె సురక్షితంగా బయటపడ్డారని జిల్లా ఎస్పీ రామ్ కుమార్ తెలిపారు. దాడికి పాల్పడిన వారిలో కొందర్ని అరెస్ట్ చేశామని ఎస్పీ మీడియాకు వివరించారు.

:- ధోనీతో అమిత్ షా భేటీ.. కీలక చర్చ
న్యూ ఢిల్లీ:
టీమిండియా మాజీ కెప్టెన్ మహేంద్ర సింగ్ ధోనీతో బీజేపీ జాతీయ అధ్యక్షుడు అమిత్ షా భేటీ అయ్యారు. సుమారు అరగంటపాటు జరిగిన ఇద్దరి మధ్య చర్చలో పలు కీలక విషయాలు మాట్లాడారు. అంతేకాదు రానున్న ఎన్నికల్లో బీజేపీకి మద్దతు పలకాలని ధోనీని ఈ సందర్భంగా ఆయన కోరినట్లు తెలుస్తోంది. కాగా..  2019 ఎన్నికల నేపథ్యంలో సంపర్క్ సే సమర్థన్ కార్యక్రమాన్ని బీజేపీ చేపట్టిన సంగతి తెలిసిందే.

:- దేశంలో ఎక్కడాలేని విధంగా పీడీఏ కుంభకోణం
విజయవాడ:
భారతదేశంలో ఎక్కడాలేని విధంగా ఏపీలో పీడీఏ కుంభకోణం జరిగిందని బీజేపీ ఎంపీ జీవీఎల్ నర్సింహన్ సంచలన వ్యాఖ్యలు చేశారు. రూ. 53వేల కోట్లు స్వాహా అయ్యాయని..దీనిపై రాష్ట్ర ప్రభుత్వంలో బెరుకు కనపడుతోందని ఎద్దేవా చేశారాయన. కాగ్ రిపోర్టులో ఏపీ ప్రభుత్వం చేసిన ఘాతుకం స్పష్టంగా ఉందని రెండ్రోజులుగా ఆయన చెబుతున్నారు. వీటిపై స్పందించకుండా అవినీతి దొంగల మాదిరిగా వ్యక్తిగత విమర్శలు గుప్పించడం తగవన్నారు.

:-  పీడీ ఖాతాలపై బహిరంగ చర్చకు జీవీఎల్‌ సిద్ధమా..?
అమరావతి:
పీడీ ఖాతాలపై ఇంత చెప్పినా రాజ్యసభ సభ్యుడైన జీవీఎల్‌ నరసింహరావుకు అర్థంకాకపోవడం బాధాకరమని ప్రణాళిక సంఘం ఉపాధ్యక్షుడు కుటుంబరావు చెప్పుకొచ్చారు. ఆయన తన సమయం కేటాయించగలిగితే ట్యూషన్‌ చెప్పడానికి తాను సిద్ధంగా ఉన్నానన్నారు. కాదు కూడదు తాను పట్టిన కుందేలుకు మూడే కాళ్లు అన్నట్లు జీవీఎల్‌ నరసింహరావు వ్యవహరిస్తే.. పీడీ ఖాతాలపై బహిరంగ చర్చకు తాను సిద్ధమేనన్నారు. సోమవారం నాడు(ఆగష్టు 6, 2018)న అమరావతి రండి..  ప్రజల సమక్షంలోనే చర్చిద్దామని ఆయన ఓపెన్ చాలెంజ్ చేశారు. ఎక్కడైనా ఒక్క రూపాయి ప్రభుత్వ ఖజానా నుంచి దుర్వినియోగం అయినట్లు నిరూపిస్తే ప్రణాళిక సంఘం ఉపాధ్యక్ష పదవికి రాజీనామా చేయడానికి తాను సిద్ధంగా ఉన్నానని.. నిరూపించకపోతే సర్వేల పేరుతో బ్లాక్‌మెయిల్‌ రాజకీయాలు చేసి తెచ్చుకున్న రాజ్యసభ సభ్యత్వానికి రాజీనామా చేసేందుకు జీవీఎల్‌ సిద్ధమా? అని ఈ సందర్భంగా ఎద్దేవా చేశారు.

:- ఆంధ్రాలో అడ్రస్‌లేని వారు విమర్శిస్తారా..?
అమరావతి:
బీజేపీ ఎంపీ జీవీఎల్ నరసింహరావు అడ్రస్ అసలు ఆంధ్రప్రదేశ్ లోనే లేదని.. ఆధార్, పాస్‌పోర్ట్ ఎక్కడ ఉన్నాయో ఆయనకే తెలియదని టీడీపీ ఎంపీ కేశినేని తీవ్ర విమర్శలు గుప్పించారు. అలాంటి వ్యక్తి ఈ రోజు రాష్ట్రానికి వచ్చి పచ్చి అబద్ధాలు మాట్లాడితే ఊరుకోమన్నారు. ఏపీలో రూ.లక్ష కోట్ల అవినీతి జరిగిందని ఆరోపిస్తున్న జీవీఎల్.. దమ్ముంటే దాన్ని నిరూపించాలని నాని సవాల్ విసిరారు.

:- దుర్గమ్మ సాక్షిగా చీర మాయం..
విజయవాడ:
కనకదుర్గమ్మ అమ్మవారికి ఇటీవల అలంకరించిన ఖరీదైన చీర గల్లంతయింది. ఈ చీర విలువ రూ. 18వేలు. ఉత్సవ విగ్రహానికి అలంకరించిన కొద్దిసేపటికే చీర కనిపించకుండా పోయింది.  ఉండవల్లికి చెందిన పద్మజ అనే భక్తురాలు మహామంటపంలో అమ్మవారికి మొక్కుబడిగా చెల్లించారు. ఈ విషయమై ఆలయ అధికారులకు, పోలీసులకు ఫిర్యాదుగా చేయగా సీసీటీవీ దృశ్యాలను ఆలయ అధికారులు పరిశీలిస్తున్నారు. కాగా చీర విగ్రహం నుంచే మాయమైందని తెలుస్తోంది.

:- పేలుడు ఘటనలో మృతదేహాల గుర్తింపు
కర్నూలు:
జిల్లాలో జరిగిన భారీ పేలుళ్లలో మరణించిన వారిని గుర్తించడం జరిగింది. మృతులంతా ఒరిస్సా, జార్ఖండ్ రాష్ట్రాలకు చెందినవారిగా అధికారులు నిర్ధారణకు వచ్చారు. 48 గంటల తర్వాత మృతదేహాలను గుర్తించడం పట్ల విమర్శలు వెల్లువెత్తుతున్నాయి. అంబులెన్సులో వారి స్వస్థలాలకు మృతదేహాలను తరలిస్తున్నారు. కాగా ఇంత వరకూ నష్టపరిహారం కేటాయించకపోవడం గమనార్హం. క్వారీ యజమాని శ్రీనివాస చౌదరి ఇంకా పరారీలోనే ఉన్నాడు. ఈ ఘటనలో గాయపడ్డ ఇద్దరి పరిస్థితి విషమంగా ఉండగా.. మరో నలుగురు తీవ్రగాయాలతో కోలుకుంటున్నారు. 

:- జనసేనలోకి మాజీ మంత్రి ముత్తా!
హైదరాబాద్‌:
మాజీ మంత్రి, తూ.గో జిల్లా కాకినాడకు చెందిన పారిశ్రామికవేత్త ముత్తా గోపాలకృష్ణ జనసేన తీర్థం పుచ్చుకోనున్నారు. జనసేన పార్టీ కార్యాలయంలో అధ్యక్షుడు పవన్ కల్యాణ్‌తో ప్రత్యేకంగా భేటీ అయిన గోపాలకృష్ణ... పవన్ కోరిక మేరకు త్వరలోనే జనసేనలో చేరుతున్నట్లు స్పష్టం చేశారు. జనసేన పార్టీ రాజకీయ వ్యవహారాల కమిటీలో ముత్తాకు ప్రత్యేక స్థానం కల్పిస్తామని పవన్ తెలిపారు.

:- ఈ నెల 14న జనసేన ప్రి-మేనిఫెస్టో విడుదల
హైదరాబాద్:
ఈ నెల 14న ప్రి-మేనిపెస్టో విడుదల చేయనున్నట్లు జనసేన పార్టీ ఓ ప్రకటనలో స్పష్టం చేసింది. జనసేన పొలిటికల్ అఫైర్స్ కమిటీతో సుధీర్ఘంగా చర్చించిన అనంతరం ఈ ప్రకటన చేయడం జరిగింది. ఫిన్లాండ్‌లో సక్సెస్ అయిన విద్యావిధానలను మేనిఫెస్టోలో టాప్ ప్రియారిటీ ఇవ్వనున్నారు. ఈ సందర్భంగా ఏడు జిల్లాలకు సంస్థాగత నిర్మాణ కమిటీలను జనసేన ఏర్పాటు చేయడం జరిగింది.

:- ఇంజక్షన్ వికటించిన ఘటనపై రిమ్స్ రియాక్షన్
శ్రీకాకుళం: ఇంజక్షన్ వికటించిన ఘటనలో బాధితులకు మెరుగైన వైద్యం అందిస్తున్నామని రిమ్స్ డైరెక్టర్ మీడియాకు వివరించారు. శనివారం కేజీహెచ్‌కు తరలించిన వారిలో ముగ్గురి మృతి చెందారని.. మిగతా నలుగురిలో ఒకరు ఆస్పత్రి నుంచి వెళ్లిపోయారని ఆయన చెప్పారు. ప్రస్తుతం 12మంది రిమ్స్‌లో చికిత్స పొందుతున్నారు. 

:- రిమ్స్ ఘటనపై మంత్రి కళా స్పందన
శ్రీకాకుళం:
రిమ్స్ ఘటన దురదృష్టకరమని మంత్రి కళా వెంకట్రావు చెప్పుకొచ్చారు. ఘటనపై విచారణకు ఐదుగురు సభ్యులతో కమిటీ వేశామని.. విచారణ పూర్తయ్యాక తగు చర్యలు తీసుకుంటామన్నారు. రాష్ట్రవ్యాప్తంగా ఆ ఇంజక్షన్లను వాడొద్దని సూచించామన్నారు. ఒక వేళ మెడిసిన్ కంపెనీది తప్పుంటే చర్యలు తీసుకుంటామన్నారు. 

:- విశాఖలో పోలీసుల స్పెషల్ డ్రైవ్
విశాఖ:
జిల్లాలో బైక్ రేసింగ్, ర్యాష్ డ్రైవింగ్‌పై పోలీసులు స్పెషల్ డ్రైవ్ నిర్వహించారు. తల్లిదండ్రుల సమక్షంలో పలువురు యువకులకు కౌన్సిలింగ్ నిర్వహించారు. మరోసారి పట్టుబడితే కఠిన చర్యలు తప్పవని పోలీసులు హెచ్చరించారు.

:- బొటానికల్ గార్డెన్ గర్భిణి హత్యకేసులో అప్డేట్
హైదరాబాద్:
తెలుగు రాష్ట్రాల్లో సంచలనం సృష్టించిన గర్భిణి హత్య కేసులో నిందితులపై పీడియాక్ట్ విధించినట్లు సైబరాబాద్ పోలీసులు మీడియాకు వివరించారు. కాగా గతేడాది నగరంలోని బొటానికల్ గార్డెన్‌లో ఓ మహిళ మృతదేహం గోనెసంచిలో లభ్యమైన విషయం తెలిసిందే. యూపీ, బీహార్‌కు చెందిన ముగ్గురు నిందితులు మమత, వికాస్, అమ్మర్‌కాంత్‌లపై పీడియాక్ట్ విధించడం జరిగింది. వీరిని అత్యంత ప్రమాదకరమైన వ్యక్తులు పోలీసులు గుర్తించారు.  

:- మల్టిప్లెక్స్ థియేటర్లలో కొనసాగుతున్న దాడులు
హైదరాబాద్:
నగరంలోని మల్టిప్లెక్స్ థియేటర్లలో లీగల్ మెట్రాలజీ దాడులు కొనసాగుతున్నాయి. వీవీఆర్, ప్రసాద్, మల్టీప్లెక్స్‌లలో అధికారులు ఆకస్మిక తనిఖీలు నిర్వహించారు. మీడియాకు అనుమతి లేదంటూ కవరేజీకి వచ్చిన విలేకర్లను సిబ్బంది అడ్డుకుంది.

:- రాహుల్ పర్యటనను అడ్డుకుంటాం
హైదరాబాద్:
కాంగ్రెస్ జాతీయాధ్యక్షుడు రాహుల్ గాంధీ హైదరాబాద్‌లోని ఓయూ క్యాంపస్‌కు రానున్నారు. అయితే ఆయన పర్యటనను అడ్డుకుంటామని టీఆర్ఎస్‌వి హెచ్చరించింది. ప్రశాంత వాతావరణమైన ఓయూ వాతావరణఆనికి ఆటంకం కలిగించడానికే రాహుల్ పర్యటిస్తున్నారని విమర్శలు వినవస్తున్నాయి.

:- కొనసాగుతున్న ఉపరితల ఆవర్తనం
హైదరాబాద్:
దక్షిణ ఒడిశా ప్రాంతాల్లో ఉపరితల ఆవర్తన కొనసాగుతున్నది. బంగాళాఖాతంలో 48 గంటల్లో అల్పపీడనం ఏర్పడే అవకాశాలు మెండుగా ఉన్నాయి. దీంతో తెలంగాణ, కోస్తాంధ్ర, రాయలసీమలో మూడ్రోజులపాటు ఓ మోస్తారు వర్షాలు కురిసే అవకాశముంది.

:- మంత్రి కేటీఆర్‌కు మరో అంతర్జాతీయ ఆహ్వానం
హైదరాబాద్:
తెలంగాణ ఐటీ మంత్రి కేటీఆర్‌కు మరో అంతర్జాతీయ ఆహ్వానం అందింది. తమ దేశంలో పర్యటించాల్సిందిగా యునైటెడ్ అరబ్ ఎమిరేట్స్ ప్రభుత్వం మంత్రి కేటీఆర్‌కు.. ఆదేశ విదేశీ వ్యవహారాల శాఖ మంత్రి అబ్దుల్లాబిన్ జహెడ్ అల్ నాహ్యన్ లేఖ పంపారు.

:- యువతి వ్యవహారంలో గండ్ర వెంకటరమణారెడ్డిపై కేసు నమోదు

వరంగల్ అర్బన్: కాంగ్రెస్ సీనియర్ నేత, మాజీ చీఫ్ విప్ గండ్ర వెంకటరమణారెడ్డిపై ఓ యువతి వ్యవహారంలో సుబేదారి పోలీసులు కేసు నమోదు చేశారు. విజయలక్ష్మి అనే యువతి ఫిర్యాదు మేరకు ఆయనపై కేసు నమోదు చేయడం జరిగింది. నాలుగేండ్లుగా తనతో సంసారం చేసి, ఇప్పుడు మొహం చాటేస్తున్నాడని వాపోయింది. ఇదేమని నిలదీస్తే న్యూసెన్స్ కేసుపెట్టి పోలీసులతో అరెస్టు చేయించాడని కన్నీరుమున్నీరైంది. కాగా ఈ కేసు ఎంతటిదాకా వెళ్తుందో వేచి చూడాల్సిందే మరి.



అక్రమ సంబంధం బెడిసికొట్టడంతో చివరికిలా..

Updated By ManamFri, 03/30/2018 - 18:19

Man Records Selfie Video Before Committing Suicide in Vizag

విశాఖపట్నం (క్రైమ్): ఇద్దరు భార్య భర్తల మధ్య మూడో వ్యక్తి ఎంట్రీ ఇచ్చేస్తున్నాడు. తప్పు భార్య చేసిందా? మూడో వ్యక్తి చేశాడా అన్నది పక్కనపెడితే.. వారు చేసేది సభ్యసమాజం సిగ్గుతో తలదించుకోవాల్సిన పనని తెల్సి వారికి అడ్డొస్తున్నాడని భర్తను పొట్టనుపెట్టుకుంటున్నారు. మూడు పూవులు ఆరు కాయలుగా సాగిన అక్రమ సంబంధాలు అంతే రీతిలో తెంచుకునిపోయి ఇరు కుటుంబాలు రోడ్డున పడే స్థితికి తెస్తున్నాయి. ముఖ్యంగా తెలుగు రాష్ట్రాల్లో అక్రమ సంబంధాల వ్యవహారాలు చాలా ఎక్కువయ్యాయి. ప్రత్యేకంగా ఉదాహరణలు కూడా చెప్పనక్కర్లేదు. సినిమాలు, సీరియల్స్ ప్రభావం జనాల మీద ఎంతుందో ఏమోగానీ.. రీల్ ‌‌చూసింది చూసినట్లుగానే రియల్ జీవితంలో తూ.చ తప్పుండా పాటించేస్తున్నారు. దీంతో రోజు రోజుకు నేరాలు ఘోరాల సంఖ్య అమితంగా పెరిగిపోతోంది. తాజాగా ఇలాంటి ఘటనే విశాఖపట్నం జిల్లా అనకాపల్లిలో చోటు చేసుకుంది.

అక్రమ సంబంధం బెడిసికొట్టడంతో చివరికిలా..విశాఖ జిల్లాలో సెల్ఫీ సూసైడ్ కలకలం రేపింది. విశాఖలోని అనకాపల్లిలో అక్రమ సంబంధం బెడిసికొట్టడంతో రాజశేఖర్ తీవ్ర మనస్థాపానికి గురై రైలు కిందపడి ఆత్మహత్య చేసుకున్నాడు. శుక్రవారం మధ్యాహ్నం రైలు కింద తలపెట్టి ఆత్మహత్య చేసుకున్నాడు. విషయం తెలుసుకున్న కుటుంబీకులు, బంధువులు కన్నీరుమున్నీరయ్యారు. ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

అసలేం జరిగింది..
అనకాపల్లికి చెందిన రాజశేఖర్‌కు ఐదేళ్ల క్రితమే వివాహమైంది. పెళ్లై ఐదేళ్లయినా పిల్లలు లేకపోవడంతో ఆయన మనస్తాపానికి గురయ్యాడని తెలుస్తోంది. ఈ క్రమంలో అశ్విని అనే యువతితో ఏర్పడ్డ పరిచయం వివాహేతర సంబంధానికి దారితీసింది. అయితే అప్పటికే అశ్వినికి పెళ్లైంది.. పాప కూడా ఉంది. అయితే ‘నీకు ఎలాగో పిల్లలు లేరు కదా నా బిడ్డను నీ బిడ్డ అనుకొని పెంచుకో’అని రాజశేఖర్‌తో తాళి కట్టించుకుంది అశ్విని. కొంత కాలం వీరిద్దరూ అన్యోన్యంగా జీవించినా అంతే స్పీడ్‌తో బెడిసికొట్టింది. ఈ క్రమంలో తనకు జన్మినిచ్చిన తల్లిని.. తాళ్లికట్టిన భార్యను పూర్తిగా నిర్లక్ష్యం చేశాడు. ఆఖరికి ఇంటికి కూడా వెళ్లడం మానేశాడు. ఒకనొక సమయంలో ఎందుకు ఇంటికి రావట్లేదని తల్లి, భార్య, మేనమామ నిలదీశారు. అయితే వారితో దురుసుగా వ్యవహరించి గొడపవపడి మరీ అశ్వినీ దగ్గరికే వెళ్లిపోయాడు. అశ్వినితో ఉంటున్నప్పటికీ ఆమె వేరొకరితో తరుచుగా ఫోన్‌లో మాట్లాడుతుండటంతో అనుమానం పెంచుకున్నాడు. ఆమెపై ఆంక్షలు విధించడంతో ఎదురుతిరిగిన అశ్వని ప్లేట్ మార్చేసి పోలీస్ స్టేషన్ మెట్లెక్కింది. తాళికట్టిన ప్రియుడిపై (భర్త) ఫిర్యాదు చేయడంతో తీవ్ర మనస్తాపానికి గురైన రాజశేఖర్ ఆత్మహత్య చేసుకున్నాడు. ఆత్మహత్యకు ముందు సెల్ఫీ వీడియోలో జరిగిందంతా చెబుతూ ఆవేదనతో తన మిత్రులకు వాట్సాప్‌లో వీడియో షేర్ చేసి రైలు కిందపడ్డాడు రాజశేఖర్. 

సెల్ఫీ వీడియోలో ఏముందంటే..
" అమ్మా.. నన్ను క్షమించు.. 
ఇంకా తప్పులు చేస్తూ మిమ్మల్నందర్నీ రోడ్డుమీదికి లాగలేను. చిన్నప్పట్నుంచి తండ్రి లేకపోయినా సరే నన్ను చాలా బాగా పెంచావు. డబ్బుల్లోనే నన్ను పెంచారు. మీరు కడుపుకు తినకుండా నాకు పెట్టారు అవన్నీ నాకు తెలుసమ్మా. నాకు ప్రతిదీ తెలిసినప్పటికీ తప్పులు మీద తప్పులు చేశాను. కనీసం మీకు ఒక పూట అన్నం కూడా నేను పెట్టలేదు. పుట్టినప్పట్నుంచి ఈ రోజు వరకూ ఒక్క చీర కూడా నీకు కొనిపెట్టలేదు అమ్మా. ఎంతసేపూ అమ్మాయి.. అమ్మాయి (అశ్విని) అని చెప్పి అక్కడికే వెళ్లాను. ఆ అమ్మాయి నీకు పిల్లలు లేరు నా కూతుర్ని పెంచుకో.. నన్ను పెళ్లి చేసుకోమని చెప్పి తాళి కూడా కట్టించుకుంది. అయితే కొద్దిరోజులకే నువ్వెవరు? నీకు నాకు సంబంధమేంటి? అంటూ నామీద పోలీసులకు ఫిర్యాదు చేసింది. అమ్మాయిని నమ్మి చాలా మోసపోయానమ్మా. నిన్ను ఇంకా బాధపెట్టదలుచుకోలేదు. అమ్మా.. నీతో ఇప్పటికే చాలా అప్పులు చేయించాను.. స్టేషన్ల చుట్టూ తిప్పించాను. ఇకపై నిన్ను రోడ్లపైకి.. స్టేషన్ల దగ్గరికి లాగలేను. ఇంకా నేను బతికి కూడా నీకు మనశ్శాంతి లేకుండా చేశానమ్మా. వచ్చే జన్మ అంటూ ఉంటే నీకు మంచి కొడుకునై పుడతానమ్మా" అంటూ తన అమ్మకు రాజశేఖర్ కంటతడి పెట్టి చెప్పాడు.

ఎప్పుడూ వెదవలాగే బతికానమ్మా..
"మామయ్యా.. అమ్మ మీరిద్దరూ నన్ను క్షమించండి..
మామయ్యా.. నన్ను కొడుకు కంటే ఎక్కవగా చూసుకున్నావ్. నేను బతికినన్నాళ్లు మిమ్మల్ని బాధపెట్టాను. భర్తగా భార్యకు న్యాయం చేయలేపోయాను. అల్లుడిగా.. మేనల్లుడిగా మీకూ నేను మంచి చేయలేదు. అమ్మకీ మంచి కొడుగ్గా బతకలేదు. ఎప్పుడూ వెదవ పనులు చేస్తూ.. బయటివాళ్లను నమ్ముకుంటూ వెదవ మీద వెదవ అనిపించుకుంటూనే బతికాను"అని తీవ్ర ఆవేదనకు లోనయ్యాడు.

Man cheated by second wife, records suicide in selfieతాళికట్టిన అశ్విని గురించి...
"అల్లం అశ్విని నువ్.. నాతో, నా జీవితంతో కాదు.. నా మనసుతో ఆడుకున్నావ్.
మా ఆయనకు విడాకులిచ్చేశాను.. తను నా లైఫ్‌లో లేడని.. వెంకన్నపాలెంలో వేరే అమ్మాయితో ఉంటున్నాడు, అమ్మవాళ్లు చోడవరంలో ఉంటున్నారని అని మీ ఇంటికీ తీసుకెళ్లావ్.. మాట్లాడించావ్ ఇలా అన్నీ చేశావ్.. చివరికీ తాళి కూడా కట్టించుకున్నావ్. పాపతో డాడీ.. డాడీ అని పిలిపించావ్. నేను చాలా ఆనందపడ్డాను. ఏ పిల్లయినా ఒకటే నాకు పిల్లలు లేరు కదా నా పిల్లేలే అనుకున్నాను. రెండుసార్లు అబార్షన్ చేయించుకున్నావ్.. ఎందుకని అడిగితే ఇప్పుడు కూతురుంది కదా కొడుకునిస్తా అన్నావ్. ఇప్పుడు వేరొకరితో మాట్లాడుతున్నావ్.. ఎందుకిలా చేస్తున్నావని రోడ్డు మీద నిలదీస్తే నాపై పోలీసులకు ఫిర్యాదు చేశావ్. ఎందుకని అడిగితే చిత్రహింసలు పెడుతున్నా అంటున్నావ్. చూడు అశ్వనీ.. నేను బతకలేక చావట్లేదు. మా అమ్మకు మంచి కొడుకుగా బతకలేను. ఈ రోజు వరకు మా అమ్మకు ఏమీ చేయలేదు. నేను బతకడం వల్ల నీకు మనశ్శాంతి ఉండదు. 

అశ్విని నాజీవితంలోకి వచ్చి నాతో తాళి కట్టించుకుని హైదరాబాద్, అరకు, వైజాగ్‌లో ఇష్టానుసారంగా ఎక్కడపడితే అక్కడికి తిరిగి నువ్వు లేకపోతే నేను చచ్చిపోతాను అని చెప్పి.. ప్రమాణాలు చేసింది. నాకు ఇంట్లో అమ్మమ్మ తప్ప ఇంకెవ్వరూ ఎక్కువ కాదు. నీతోనే కాపురం  చేస్తానని మాటిచ్చి.. నాతో ఆడుకుని ఈ రోజు నన్నిలా చేసింది" అని కంట తడిపెట్టాడు రాజశేఖర్.

Man Records Selfie Video Before Committing Suicide in Vizag



‘మనం’తో ఘనంగా టెక్నో ఉస్మానియా-2కె 2018

Updated By ManamThu, 03/22/2018 - 18:27

manamహైదరాబాద్: ఉస్మానియా యూనివర్సిటీలో ‘మనం’ దినపత్రిక నిర్వహిస్తున్న టెక్నో ఉస్మానియా-2కె 2018 ఈవెంట్ మొదటి రోజు ఘనంగా జరిగింది. ఎన్‌ఫ్యాబ్ ఇండస్ట్రీస్ డైరెక్టర్ జీవీ సేతు రామన్ ఈ కార్యక్రమానికి ముఖ్య అతిథిగా హాజరయ్యారు. ఎన్‌ఎఫ్‌సీ హైదరాబాద్ డిప్యూటీ చీఫ్ ఎగ్జిక్యూటివ్ మిసెస్ షీలా కూడా ప్రాసెస్ ఇండస్ట్రీస్‌లో ప్రస్తుతమున్న పరిస్థితులపై ఆమె మాట్లాడారు. అనంతరం సాయంత్రం జరిగిన సాంస్కృతిక కార్యక్రమాల్లో యువతీయువకులు ఉత్సాహంగా పాల్గొన్నారు. విద్యార్థినీవిద్యార్థులు మోడ్రన్ దుస్తుల్లో చేసిన ఫ్యాషన్ షో అలరించింది. టెక్ నైట్స్ టచ్ ది స్కై పేరుతో కూడా ఈవెంట్ కొనసాగనుంది.



మన శరీరంలో దాగున్న అద్భుతాలు

Updated By ManamTue, 02/13/2018 - 18:36

human bodyశాస్త్ర, సాంకేతిక రంగాల్లో దూసుకుపోతున్నా.. చంద్రమండలాన్ని దాటి.. అంతరిక్షంలో చక్కర్లు కొడుతున్నా మనిషి మేధస్సుకు అంతుచిక్కని అద్భుతంలో ఈ అనంత విశ్వంలో కోకొల్లలు.. ఇప్పటికి మనకి తెలిసింది సముద్రంలో ఇసుక రేణువంత మాత్రమే.. ఇంకా తెలియాల్సింది.. తెలుసుకోవాల్సింది ఎంతో ఉంది. అలాంటి వాటిలో ఒకటి మానవ శరీరం. భగవంతుని అద్భుత సృజనాత్మకతకు గీటురాయి మనిషి శరీర నిర్మాణం. పుట్టుక నుంచి మరణం వరకు ఎన్నో ఏళ్ల పాటు అవిశ్రాంతంగా పనిచేసే ఒక అలుపు లేని మెషిన్ హ్యూమన్ బాడీ. దీని గురించి కొన్ని ఆసక్తికరమైన, నమ్మలేని నిజాలు మీకోసం.

* శరీరం నుంచి తలను తప్పిస్తే.. తల 15 నిమిషాల వరకు స్పృహలోనే ఉంటుందట.
* నిద్రపోతున్నప్పుడు మన ముక్కు వాసన గుర్తించలేదు.
* జీర్ణాశయంలో ఉండే ఆమ్లము రేజర్ బ్లెడ్‌లను కూడా కరిగించగలదట.
* మన గుండె ఒక్క రోజులో ఉత్పత్తి చేసే శక్తితో ఓ ట్రక్‌ని సుమారు 30 కిలోమీటర్ల వరకు నడిపించగలదు.
* మనం తిన్నది అరగడానికి మన శరీరంలో ఏ రసాయనాలు సాయపడతాయో.. మనం మరణించిన 3 రోజులకి అవే మనల్ని తినేస్తాయట
* కెమెరాతో మన కంటిని పోలిస్తే.. అది 576 పిక్సెల్స్‌ ఉంటుందట.
* మన నాలుక 100 కోట్లకు పైగా రుచులను గుర్తించగలదు.
* మన బెడ్‌పై ఉండే దుమ్ములో సగం మన చర్మం విసర్జించిందే.
* ఒక్క అంగుళం చర్మం మీద సుమారు 3 కోట్లకు పైగా బాక్టీరియా ఉంటుందట.
* మెదడు ఏదైనా అవయవానికి సమాచారం పంపిస్తే.. అది గంటకు 268 మైళ్ల వేగంతో ప్రయాణిస్తుందట.
* కొన్ని లక్షల కంప్యూటర్లలో స్టోర్ చేయగలిగినంత మెమొరీని దాచవచ్చట.
* ఊపిరితిత్తులను పూర్తిగా విడదీస్తే.. అది 50 నుంచి 75 చదరపు మీటర్ల విస్తీర్ణంలో పరచుకుంటుందట. అంటే అది దాదాపు ఓ టెన్నిస్ కోర్ట్ వైశాల్యంతో సమానం.



ప్రభుత్వం, ప్రజల మధ్య వారధి ‘మనం’

Updated By ManamSun, 01/14/2018 - 22:08

క్యాలెండర్ ఆవిష్కరణలో ప్రభుత్వ చీఫ్ విప్ కొప్పుల ఈశ్వర్

koppula eswar

వెల్గటూర్, జనవరి 14( మనం న్యూస్): ‘మనం’ దినపత్రిక దినదినాభివృద్ధి చెందాలని ప్రభుత్వ చీఫ్ విప్, ధర్మపురి ఎమ్మెల్యే కొప్పుల ఈశ్వర్ పేర్కొన్నారు. ప్రభుత్వానికి, ప్రజలకు మధ్య ‘మనం’ వారధిగా పని చేస్తూ అనతి కాలంలోనే ప్రజా దరణ పొందిందని అన్నారు. ఆదివారం ఆయన ఇక్కడ ‘మనం’ దినపత్రిక క్యాలెండర్‌ను ఆవిష్కరించారు. ఈ సందర్భంగా మాట్లాడుతూ.. కొత్త పత్రికే అయినప్పటికీ ప్రధాన పత్రికలతో సమానంగా అన్ని వార్తలను సమగ్రంగా అందిస్తోందని కొనియాడారు. ప్రజా సమస్యలను వెలికితీయడంలో ‘మనం’ ఎంతో ముందుందని ప్రశంసించారు. ఈ కార్యక్రమంలో స్థానిక టీఆర్‌ఎస్ నేతలు, ప్రజా ప్రతినిధులు, ‘మనం’ పత్రిక విలేకరి శ్రీనివాస్ తదితరులు పాల్గొన్నారు. 





Related News