jr ntr

నేరుగా మార్కెట్లోకే..

Updated By ManamTue, 09/18/2018 - 03:20

imageఎన్టీఆర్ హీరోగా త్రివిక్రమ్ దర్శకత్వంలో రూపొందుతున్న సినిమా ‘అరవింద సమేత’. హారిక అండ్ హాసిని క్రియేషన్స్ పతాకంపై ఎస్.రాధాకృష్ణ (చినబాబు) ఈ చిత్రాన్ని నిర్మిస్తున్నారు. ఈ చిత్రంలో ఎన్టీఆర్ సరసన పూజా హెగ్డే హీరోయిన్‌గా నటిస్తోంది. ఈ సినిమా ఆడియో ఈనెల 20 విడుదల కానుంది. అయితే ఎప్పటిలా ఫంక్షన్ చేయ కుండా నేరుగా ఆన్‌లైన్‌లో ఈ పాటలను విడుద ల చేయాలని నిర్ణయించారు.

ఈ విషయాన్ని చిత్ర యూనిట్ సోషల్ మీడియా ద్వారా తెలియజేస్తూ ‘‘అరవింద సమేత’ ఆడియోను సెప్టెంబర్ 20న నేరుగా మార్కెట్‌లోకి విడుదల చేస్తున్నాం. ఆ తర్వాత ఈ సినిమాకి సంబంధించిన ప్రీ రిలీజ్ వేడుక నిర్వహించడం జరుగుతుంది’’ అని తెలిపింది. జగపతిబాబు, సునీల్, నాగబాబు తదితరులు కీలక పాత్రలు పోషిస్తున్నారు. శరవేగంగా షూటింగ్ జరుపుకుంటున్న ఈ చిత్రాన్ని అన్ని కార్యక్రమాలు పూర్తిచేసి విజయదశమి సందర్భంగా విడుదల చేయడానికి నిర్మాతలు సన్నాహాలు చేస్తున్నారు.
 



అరవింద సమేత..చవితి శుభాకాంక్షలు

Updated By ManamWed, 09/12/2018 - 18:03
  • 20న అరవింద సమేత ఆడియో విడుదల

Aravinda sametha audio function on september 20

హారికా, హాసిని ప్రొడక్షన్స్‌లో దర్శకుడు త్రివిక్రమ్ డైరెక్షన్‌లో వస్తున్న ఈ సినిమా ఆడియో ఈ నెల 20న విడుదల చేసేందుకు చిత్ర యూనిట్ సన్నహాలు చేస్తోంది. ఈ చిత్రంలో ఎన్టీఆర్ సరసన పూజా హెగ్డే కథనాయికగా నటిస్తుంది. ఈ పోస్టర్‌లో ఎన్టీఆర్ నవ్వుతూ... స్టైలిష్‌గా కనువిందు చేయడంతో ఫ్యాన్స్ ఫుల్ ఖుష్ అవుతున్నారు.

ఇక అరవింద సమేత’. ‘వీర రాఘవ’ అనేది ట్యాగ్ లైన్‌తో వస్తున్న ఆ చిత్రంలో ఎన్టీఆర్ సరసన పూజా హెగ్డే హీరోయిన్‌గా నటిస్తోంది. రాయలసీమ ఫ్యాక్షన్ నేపథ్యంలో తెరకెక్కుతున్న ఈ సినిమా అక్టోబర్ 11న అంటే సరిగ్గా నెల రోజుల తర్వాత  ప్రేక్షకుల ముందుకు రాబోతోంది.



సీతయ్య రెడీ!

Updated By ManamSun, 09/02/2018 - 12:31
nandamuri Harikrishna

ఏలూరు : తెలుగుదేశం పార్టీ సీనియర్ నాయకుడు, సినీ నటుడు నందమూరి హరికృష్ణ జయంతి సందర్భంగా ఆయన విగ్రహం తయారైంది. రోడ్డు ప్రమాదంలో హరికృష్ణ ఆకస్మిక మరణంతో ఆయన కుటుంబంలో విషాదం నెలకొన్న విషయం తెలిసిందే. అంతేకాకుండా తన పుట్టినరోజుకు ఎలాంటి హంగూ, ఆర్భాటాలు చేయవద్దని, ఆ డబ్బును కేరళ వరద బాధితులకు పంపాలంటూ హరికృష్ణ బతికుండగానే ...అభిమానులకు లేఖ రాశారు కూడా.

కాగా పశ్చిమ గోదావరి జిల్లా పెనుమంట మండలం పెనుగొండ శివారు గరువులో అచ్చం హరికృష్ణను మరిపించేలా విగ్రహాన్ని సిద్ధం చేశారు. ఈ విగ్రహాన్ని హీరో జూనియర్ ఎన్టీఆర్‌కు అందచేయనున్నారు.  హరికృష్ణలో ఉట్టిపడే రాజసం విగ్రహంలో కనబడేలా తయారు చేసినట్లు వారు తెలిపారు.

మరోవైపు హరికృష్ణ జయంతి సందర్భంగా ఆయనను ఏపీ సీఎం చంద్రబాబు స్మరించుకున్నారు. చైతన్య రథసారథి, తన ఆత్మీయుడైన హరికృష్ణ ఇక లేరన్న నిజాన్ని ఇప్పటికీ నమ్మలేకపోతున్నట్లు ఆయన ట్విట్ చేశారు. 



ఇక రాజకీయం..

Updated By ManamSun, 09/02/2018 - 06:00
  • త్వరలో ఎన్టీఆర్ పొలిటికల్ ఎంట్రీ!.. పొలిట్‌బ్యూరో సభ్యత్వం ఇచ్చే చాన్స్

  • నందమూరి వారసుడిగా ఆరంగేట్రం.. ఎన్టీఆర్ క్రేజ్ కోసం టీడీపీ ప్రయత్నం

  • తారక్ జోరుతో పవన్‌కు చెక్ పడేనా.. ఆసక్తిగా మారనున్న జూనియర్ నిర్ణయం

అమరావతి: నందమూరి హరికృష్ణ మరణంతో ఖాళీ అయిన టీడీపీ పొలిట్‌బ్యూరో పదవిని ముఖ్యమంత్రి చంద్రబాబు నాయుడు ఎవరికిస్తారనేది చర్చనీయాంశంగా మారింది. హరికృష్ణ వారసుల్లో కల్యాణ్‌రామ్‌కు లేదా జూనియర్ ఎన్‌టీఆర్‌లలో ఒకరికి ఇవ్వాలని యోచిస్తున్నట్లు సమాచారం. పెద్ద కొడుకు కల్యాణ్‌రామ్‌కు పొలిట్‌బ్యూరో పదవి ఇవ్వడం సమంజసమే అయినా.. జనంలో బాగా క్రేజ్ ఉన్న జూనియర్ ఎన్టీఆర్‌కు ఇస్తే ప్రయోజనంగా ఉంటుందని టీడీపీ వర్గాలు భావిస్తున్నాయి. బావ, బావమరుదులైన చంద్రబాబు, హరికృష్ణ మధ్య అవినాభావ సంబంధం ఉందని అటు పార్టీలోనూ, ఇటు వారి కుటుంబాల్లోనూ చెప్పుకుంటారు.

image


చంద్రబాబుకు ముందు నుంచి వెన్నుదన్నుగా హరికృష్ణ నిలబడ్డారు. మొదటిసారి చంద్రబాబు సీఎం అవ్వడానికి హరికృష్ణ బాగా సహకరించారు. ఈ క్రమంలోనే హరికృష్ణకు బాబు పలు పదవులు కట్టబెట్టారు. పార్టీలో హరికృష్ణ లేని లోటును ఎన్టీఆర్‌తో పూడ్చాలని చూస్తున్నారు. 2009 సార్వత్రిక ఎన్నికల్లో టీడీపీకి మద్దతుగా జూనియర్ ఎన్టీఆర్ కూడా ఉమ్మడి రాష్ట్రంలో ప్రచారం చేశారు. ప్రచారం మధ్యలో ఉండగా ఆయన రోడ్డు ప్రమాదంలో గాయపడ్డారు. ఆ తర్వాత వైఎస్ రాజశేఖర్‌రెడ్డి ప్రభావం, దానికితోడు ప్రజారాజ్యం కూడా బరిలో ఉండటంతో ప్రభుత్వ వ్యతిరేక ఓటు చీలి.. కాంగ్రెస్ పార్టీ మరోసారి అధికారంలోకి వచ్చింది. వైఎస్సార్ రెండోసారి ముఖ్యమంత్రి అయ్యారు. రాష్ట్ర విభజన నేపథ్యంలో రాజ్యసభ సభ్యుడిగా హరికృష్ణ పార్లమెంట్‌లో సమైక్యవాణి గట్టిగా వినిపించారు. విభజనను వ్యతిరేకిస్తూ ఆ పదవికి రాజీనామా కూడా చేశారు. టీడీపీ పోలిట్‌బ్యూరో సభ్యుడిగానే మరణించారు. 

హరికృష్ణ అంత్యక్రియల్లోనూ భౌతికకాయంపై చంద్రబాబు నాయుడు పార్టీ జెండాను కప్పి పార్టీ వ్యక్తిగానే వీడ్కోలు పలికారు. అదే స్ఫూర్తితో హరికృష్ణ వారసుడ్ని పార్టీలోకి క్రీయాశీలకంగా ఆహ్వానించనున్నట్లు తెలుస్తోంది. 2019లో జరిగే ఎన్నికల్లో సార్వత్రిక ఎన్నికలలో ఎన్‌టీఆర్ సేవలు పార్టీకి ఎంతో లాభిస్తాయి. గత ఎన్నికల్లో టీడీపీకి మద్దతిచ్చిన పవన్‌కల్యాణ్ ఇప్పుడు పార్టీకి వ్యతిరేకంగా మారారు. రానున్న ఎన్నికల్లో సినీ హీరో పవన్‌ను తట్టుకోవడానికి తమ పార్టీలోనూ హీరో ఉంటే బాగుంటుందని టీడీపీ భావిస్తున్నది. ఇప్పటికే నందమూరి బాలకృష్ణ టీడీపీ ఎమ్మెల్యేగా ఉన్నారు. అయినా హరికృష్ణ కుటుంబం నుంచి కూడా వారసుడ్ని తీసుకువస్తే నందమూరి కుటంబమంతా టీడీపీకి అండగా ఉందనే సంకేతాలు కూడా ప్రజల్లోకి వెళతాయి.

నందమూరి వారసులను చంద్రబాబు దూరంగా పెడుతున్నారనే కొంతమంది అపోహలు సమసిపోయే అవకాశం ఉంది. ఎన్టీఆర్ క్రేజ్ కూడా పార్టీ గెలుపునకు తోడవుతుంది. అయితే ఈ అంశంపై జూనియర్ ఎన్టీఆర్ ఆలోచన, నిర్ణయం ఎలా ఉంటాయనేది తెలియాల్సి ఉంది. పదేళ్ల క్రితం జరిగిన సార్వత్రిక ఎన్నికల్లో టీడీపీ తరఫున ఎన్టీఆర్ ప్రచారం చేసినా.. ఆ తర్వాత మహానాడు, తదితర పార్టీ కార్యక్రమాల్లో పాల్గొనలేదు. ముఖ్యమంత్రిగా చంద్రబాబు నాయుడు ప్రమాణస్వీకారం, అమరావతి శంకుస్థాపనకు కూడా ఎన్టీఆర్ హాజరుకాలేదు. అయితే ప్రస్తుత పరిస్థితుల నేపథ్యంలో పొలిట్‌బ్యూరో పదవి పొందేందుకు ఎన్టీఆర్ సమ్మతి తెలుపుతారని పార్టీ నేతలు భావిస్తున్నారు. అయితే అప్పుడే రాజకీయాలపై ఆసక్తి లేదు. కొన్నేళ్లు సినీరంగంలోనే ఉండాలనే ఆశ కూడా జూనియర్‌కు ఉన్నట్లు సమాచారం. మొత్తానికి ఎన్టీఆర్ పొలిటికల్ ఎంట్రీకి ఆయన నిర్ణయమే కీలకం కానున్నది. 



నందమూరి హరికృష్ణ అంత్యక్రియలు పూర్తి

Updated By ManamThu, 08/30/2018 - 16:13
  • తెలంగాణ ప్రభుత్వ అధికార లాంఛనాలతో హరికృష్ణ అంత్యక్రియలు

  • తండ్రి చితికి నిప్పంటించిన కుమారుడు కల్యాణ్ రామ్

  • అశ్రు నయనాలతో తుడి వీడ్కోలు...

Harikrishna funeral హైదరాబాద్ : రోడ్డు ప్రమాదంలో దుర్మరణం పాలైన నందమూరి హరికృష్ణ అంత్యక్రియలు తెలంగాణ ప్రభుత్వ లాంఛనాలతో గురువారం పూర్తయ్యాయి. కుటుంబసభ్యులు, అభిమానులు, సన్నిహితుల కన్నీటి వీడ్కోలు మధ్య  హైదరాబాద్ జూబ్లీహిల్స్ మహాప్రస్థానంలో అంత్యక్రియలు ముగిశాయి. కుమారుడు కల్యాణ్ రామ్ తండ్రి చితికి నిప్పంటించారు.  అంతకు ముందు పోలీసులు గౌరవ సూచికంగా తుపాకీలతో మూడు రౌండ్లు గాలిలోకి పేల్చారు.

నందమూరి కుటుంబసభ్యులు, ఏపీ ముఖ్యమంత్రి చంద్రబాబు నాయుడుతో పాటు దగ్గుబాటి వెంకటేశ్వరరావు, బాలకృష్ణ, లోకేష్,  టీడీపీ నేతలు, టాలీవుడ్ ప్రముఖులు, ఎన్టీఆర్ అభిమానులు హరికృష్ణకు కడసారి నివాళులు అర్పించి, తుది వీడ్కోలు పలికారు. మరోవైపు మోహదీపట్నం నుంచి జూబ్లీహిల్స్ వరకూ సాగిన అంతిమయాత్రలో హరికృష్ణ అమర్ రహే నినాదాలతో మార్మోగింది.



మహాప్రస్థానంలో హరికృష్ణ అంత్యక్రియలు

Updated By ManamWed, 08/29/2018 - 16:33
  • కుటుంబసభ్యులు కోరినచోట అంత్యక్రియలు: తలసాని

Nandamuri Harikrishna death-kcr

హైదరాబాద్ : నందమూరి హరికృష్ణ అంత్యక్రియలు ఆయన కుటుంబసభ్యుల అభీష్టం మేరకే జరుగుతాయని సినిమాటోగ్రఫీ శాఖ మంత్రి తలసాని శ్రీనివాస్ యాదవ్ తెలిపారు. కాగా హరికృష్ణ అంత్యక్రియలు జూబ్లీహిల్స్‌లోని మహాప్రస్థానంలో జరగనున్నాయి.  నందమూరి హరికృష్ణ అంత్యక్రియల సందర్భంగా  ఆయన సందర్శనార్థం వచ్చే అభిమానులకు  ఎలాంటి అసౌకర్యం కలగకుండా అన్ని  ఏర్పాట్లు చేస్తున్నట్లు మంత్రి కేటీఆర్ తెలిపారు. 

గురువారం సాయంత్రం నాలుగు గంటల నుంచి హరికృష్ణ అంతిమయాత్ర ప్రారంభం అవుతుంది. ప్రభుత్వ అధికార లాంఛనాలతో అంత్యక్రియలు నిర్వహించనున్నారు. అయితే అంతకు ముందు హరికృష్ణ అంత్యక్రియలు ... మొయినాబాద్‌లోని ఫామ్‌హౌస్‌లో నిర్వహిస్తారనే వార్తలు వెలువడ్డాయి. చివరికి మహాప్రస్థానంలోనే అంత్యక్రియలు చేయనున్నట్లు తెలుస్తోంది. 



రేపు నందమూరి హరికృష్ణ అంత్యక్రియలు

Updated By ManamWed, 08/29/2018 - 12:55
  • మోహదీపట్నంలోని నివాసానికి హరికృష్ణ భౌతికకాయం

  • తెలంగాణ రాష్ట్ర ప్రభుత్వ అధికార లాంఛనాలతో అంత్యక్రియలు

Nandamuri Harikrishna death: Telangana government orders state funeral

హైదరాబాద్: రోడ్డు ప్రమాదంలో దుర్మరణం చెందిన నందమూరి హరికృష్ణ అంత్యక్రియలు గురువారం నిర్వహించనున్నారు. మొయినాబాద్‌ మండలం ముర్తజగూడలో ఫామ్‌హౌస్‌లో అంత్యక్రియలు జరపనున్నారు. గతంలో  పెద్ద కుమారుడు జానకిరాం అంత్యక్రియలు జరిగిన చోటే హరికృష్ణకు కుటుంబసభ్యులు అంత్యక్రియలు చేయనున్నారు.

కాగా హరికృష్ణ మృతదేహానికి కామినేని ఆస్పత్రిలో ప్రభుత్వ వైద్యులు పోస్టుమార్టం పూర్తిచేశారు. అనంతరం అంబులెన్స్‌లో హరికృష్ణ పార్ధీవదేహాన్ని రోడ్డు మార్గంలో హైదరాబాద్‌కు తరలిస్తున్నారు. మోహదీపట్నంలోని నివాసానికి భౌతికకాయాన్ని తీసుకు వెళుతున్నారు. అంబులెన్స్‌లో హరికృష్ణ పార్థీవదేహం పక్కన ఆయన సోదరుడు రామకృష్ణ, ముందు వాహనంలో తనయులు కళ్యాణ్‌రామ్, జూనియర్ ఎన్టీఆర్‌తోపాటు దర్శకుడు త్రివిక్రమ్ ఉండగా మరో వాహనంలో ఏపీ సీఎం చంద్రబాబు,  బాలకృష్ణ, లోకేశ్ తదితరులు వస్తున్నారు.

ప్రభుత్వ అధికార లాంఛనాలతో హరికృష్ణ అంత్యక్రియలు
మరోవైపు హరికృష్ణ అంత్యక్రియలు రాష్ట్ర ప్రభుత్వ అధికార లాంఛనాలతో జరగనున్నాయి. ఆయన కుటుంబసభ్యులతో మాట్లాడి ఏర్పాటు చేయాలని ముఖ్యమంత్రి కేసీఆర్ బుధవారవం ప్రభుత్వ ప్రధాన కార్యదర్శికి సూచించారు.



కేరళకు సినీప్రముఖుల విరాళాలు..

Updated By ManamSun, 08/19/2018 - 13:52
  • తమిళ నటుడు విజయ్ రూ. 14 కోట్లు విరాళం..

Tollywood actors, donate relief fund, Kerala state, Jr NTR, akkineni nagarjuna (472), Vikram, Tamil actor Vijayతిరువనంతపురం: వరద బీభత్సంతో తీవ్రంగా నష్టపోయిన కేరళకు విరాళాల వెల్లువ కొనసాగుతోంది. కేరళను ఆదుకునేందుకు పలు రాష్ట్రాలు ముందుకొచ్చి విరాళాలను ప్రకటించగా, సినీ ప్రముఖలు, క్రీడాకారులు సైతం తమవంతు సాయాన్ని అందించేందుకు ముందుకొస్తున్నారు. ఇప్పటికే టాలీవుడ్ మా మూవీ అసోసియేషన్ రూ. 10లక్షల వరకు కేరళకు వరద సాయాన్ని ప్రకటించగా తెలుగు సినీ అగ్రహీరోలు సైతం తమ వంతు సాయాన్ని అందించారు. తాజాగా అక్కినేని నాగార్జున, ప్రభాస్‌, తారక్‌, కల్యాణ్‌ రామ్‌, మహేశ్‌బాబు కేరళ ముఖ్యమంత్రి సహాయనిధికి విరాళాలు ప్రకటించారు. నాగార్జున, అమల రూ.28 లక్షలు, ప్రభాస్‌ రూ.25 లక్షలు, ఎన్టీఆర్‌ రూ.25 లక్షలు, కల్యాణ్‌ రామ్‌ రూ.10 లక్షలు, విక్రమ్‌ రూ.35 లక్షలు, మహేశ్‌బాబు రూ.25 లక్షలు విరాళాలు అందించారు.

ప్రముఖ తమిళ నటుడు విజయ్ ఏకంగా రూ.14 కోట్లు విరాళంగా ప్రకటించినట్లు సోషల్‌మీడియాలో ప్రచారం జరుగుతోంది. అయితే దీనిపై విజయ్‌ నుంచి అధికారిక ప్రకటన రావాల్సి ఉంది. అలాగే కేరళ బాధితుల కోసం సామాన్య పౌరులు కూడా తమకు తోచినంత సాయం అందిస్తున్నారు. కాగా, ఎడతెరిపి లేకుండా కురుస్తున్న భారీ వర్షాల కారణంగా కేరళ రాష్ట్ర ప్రజలు అల్లాడిపోతున్నారు. వరదలు ఉధృతి కారణంగా కొండ చరియలు విరిగిపడటం వంటి పలు ప్రమాదాల్లో ఇప్పటివరకు 300 మందికిపైగా మృత్యువాతపడ్డారు.



ఎన్టీఆర్ ఫ్యాన్స్‌కు గుడ్‌న్యూస్..

Updated By ManamThu, 08/09/2018 - 20:44

Jr NTR, Director Trivikram, Aravindha Sametha,  Young tiger, first look of Jr NTR, New Teaser releaseయంగ్ టైగర్ ఎన్టీఆర్ అభిమానులకు శుభవార్త. మాటల మాంత్రికుడు త్రివిక్రమ్‌ దర్శకత్వంలో ఎన్టీఆర్‌ హీరోగా నటిస్తున్న తాజా చిత్రం ‘అరవింద సమేత వీర రాఘవ’ త్వరలో ఓ టీజర్‌ను విడుదల చేసేందుకు సిద్ధమవుతోంది. స్వాతంత్ర్య దినోత్సవం సందర్భంగా ఈ సినిమా టీజర్‌ను విడుదల చేయనున్నారు. ఈ మేరకు చిత్ర బృందం ఓ ప్రకటన విడుదల చేసింది. ‘‘చివరకు మీరంతా ఎంతో ఆసక్తిగా ఎదురుచూస్తున్న వార్త. యంగ్‌టైగర్‌ ఎన్టీఆర్‌ ‘అరవిందసమేత’ టీజర్‌ను ఆగస్టు 15న విడుదల చేయనున్నాం. సమయాన్ని త్వరలోనే వెల్లడిస్తాం’’ అని చిత్ర నిర్మాణ సంస్థ హారిక హాసిని క్రియేషన్స్‌ పేర్కొంది. ఈ చిత్రంలో తారక్‌ సరసన అందాల ముద్దుగుమ్మ పూజా హెగ్డే హీరోయిన్‌గా నటిస్తోంది. రామోజీ ఫిలిం సిటీలో ఈ చిత్రానికి సంబంధించి కీలక సన్నివేశాల్ని తెరకెక్కిస్తున్నారు. 

15 రోజులకు పైగా ఈ చిత్రం షెడ్యూల్‌ షూటింగ్ ఇక్కడే సాగనుంది. అనంతరం పొలాచ్చిలో తదుపరి చిత్ర షూటింగ్ జరగనున్నట్లు సమాచారం. రాయలసీమ నేపథ్యంలో సాగే ఈ చిత్రంలో అదే యాసలో తారక్‌ డైలాగ్‌లు ఉండనున్నాయి. రాయలసీమ యాసలో తారక్ చెప్పే డైలాగ్‌లు అభిమానులు సహా ప్రేక్షకులను ఎంతో ఆకట్టుకుంటాయని చిత్ర యూనిట్ అభిప్రాయపడుతోంది. వెండితెరపై మరోసారి తారక్.. తన సిక్స్‌ ప్యాక్‌తో మెరవనున్నారు. ఈ చిత్రం కోసం తారక్.. చాలా రోజుల నుంచి నిపుణుల సమక్షంలో శిక్షణ తీసుకుంటున్న విషయం తెలిసిందే. దసరా పండుగ సందర్భంగా ఈ చిత్రాన్ని ప్రేక్షకుల ముందుకు తీసుకోచ్చే యోచనలో చిత్రబృందం ఉంది. 



‘సెలెక్ట్’ అంబాసడర్ జూనియర్ ఎన్టీఆర్

Updated By ManamSat, 07/14/2018 - 00:04

imageహైదరాబాద్: హైదరాబాద్ కేంద్రంగా ఉన్న సరికొత్త మొబైల్ రిటైల్ గొలుసుకట్టు దుకాణాల సముదాయం సెలెక్ట్‌కు నటుడు జూనియర్ ఎన్టీఆర్ బ్రాండ్ అంబాసడర్‌గా వ్యవహరించనున్నారు. కంపెనీ లోగోను శుక్రవారంనాడు హైదరాబాద్‌లో ఆయన ఆవిష్కరించారు. సెలెక్ట్‌తో కలిసి పని చేయనుండటం చాలా సంతోషంగా ఉందని ఎన్టీఆర్ అన్నారు. సెలెక్ట్ మొబైల్ దుకాణాలు అద్వితీయమైన కొనుగోలు అనుభూతిని అందిస్తాయని ఆయన చెప్పారు. సెలెక్ట్ మొదటి మూడు స్టోర్‌లను తిరుపతిలో ఈ ఏడాది మే 2న ప్రారంభించింది. దేశం మొత్తం మీద 500 స్టోర్‌లను నిర్వహించాలని లక్ష్యంగా పెట్టుకున్నట్లు ఆ సంస్థ తెలిపింది. మొదటి దశలో 200 స్టోర్‌లను ప్రారంభించనున్నట్లు సెలెక్ట్ వెల్లడించింది. ఈ నెల 20న హైదరాబాద్‌లో మొత్తం 30 స్టోర్‌లను ప్రారంభించనున్నట్లు అది పేర్కొంది.  





Related News