tdp

మావోయిస్టుల దాడిలో అరకు ఎమ్మెల్యే కిడారి మృతి

Updated By ManamSun, 09/23/2018 - 13:19

Maoists attack Araku mla Kidari Sarveswara Rao in gramadharsani sabha

విశాఖ : విశాఖ జిల్లా అరకు ఎమ్మెల్యే కిడారు సర్వేశ్వరరావు మావోయిస్టుల కాల్పుల్లో మృతి చెందినట్లు సమాచారం. ఆదివారం గ్రామదర్శిని సభకు వెళ్లిన  ఆయనపై మావోయిస్టులు కాల్పులు జరిపినట్లు తెలుస్తోంది. డుంబ్రిగూడ మండలం తుంటంగి వద్ద మావోయిస్టులు ఎమ్మెల్యే కిడారితో పాటు, మరికొందరిపై కాల్పులు జరిపారు. వీరిద్దర్ని అతి సమీపంలో కాల్చి చంపినట్లు సమాచారం. దీంతో వారిద్దరూ ఘటనా స్థలంలోనే ప్రాణాలు విడిచినట్లు తెలుస్తుంది.

Kidari murderమావోయిస్టుల దాడి ఘటనపై ఎస్పీ రాహుల్ దేవ్ ఈ ఘటనపై స్పందించారు. ఎమ్మెల్యే కిడారిపై మావోయిస్టులు దాడి జరిపిన సమాచారం అందిందని, ఘటనా స్థలానికి సిబ్బంది బయల్దేరి వెళ్లిందన్నారు. కాగా ఈ దాడి ఘటనలో 50మంది మావోయిస్టులు పాల్గొన్నట్లు తెలుస్తోంది. 

ఇటీవలే కిడారి సర్వేశ్వరరావు వైఎస్సార్ సీపీ నుంచి టీడీపీలో చేరారు. కాగా ఎమ్మెల్యే కిడారిని తన వైఖరిని మార్చుకోవాలని మావోయిస్టులు పలుమార్లు హెచ్చరించారు. ఆయన 2014లో తొలిసారిగా శానససభ్యుడిగా ఎన్నికయ్యారు. ఎమ్మెల్యే కిడారికి భార్య , ఇద్దరు కుమారులు ఉన్నారు. 



మహాకూటమిలో టికెట్ల పోరు..

Updated By ManamSun, 09/23/2018 - 11:05
telangana assembly elections-mahakutami-manam telugu news

హైదరాబాద్ : మహాకూటమిలో టికెట్ల పోరు సాగుతోంది. టీఆర్‌ఎస్‌కు ధీటుగా ఎన్నికల్లో విజయం సాధించడమే లక్ష్యంగా కాంగ్రెస్, టీజేఎస్, టీడీపీ, సీపీఐతో ఏర్పడిన మహాకూటమిలో సీట్ల కేటాయింపులో అగ్రనేతలు తర్జనాభర్జనా పడుతున్నారు. టీడీపీ, సీపీఐ, టీజేఎస్ ఇప్పటికే టికెట్ల కోసం తమ అభ్యర్థులను మహాకూటమికి సిద్ధం చేసినప్పటికీ కాంగ్రెస్ కూడా తమ అభ్యర్థుల ప్రకటన కోసం కొన్ని రోజుల కింద నియోజవర్గానికి టికెట్ కోసం దరఖాస్తులను తీసుకుంది. దాదాపు వెయ్యికిపైగా దరఖాస్తులు కాంగ్రెస్‌కు అందడంతో అభ్యర్థుల విషయంలో కొత్త చిక్కు వచ్చిపడిందని అగ్రనేతలంటున్నారు. 

ప్రతి నియోజవర్గం నుంచి ముగ్గురు నుంచి నలుగురు పోటీకి దరఖాస్తు చేసుకున్నట్టు కాంగ్రెస్ పార్టీ వర్గాలు చెబుతున్నాయి. టీఆర్‌ఎస్‌కు ధీటుగా ప్రతి నియోజవర్గంలో గతంలో గెలిచిన నాయకులను పోటీలో నిలిపేలా కాంగ్రెస్ జాబితాను సిద్ధం చేస్తున్నట్టు సమాచారం. టీఆర్‌ఎస్ అభ్యర్థులను ప్రకటించి ప్రచారంలోకి వెళ్తుండటంతో కాంగ్రెస్ కూడా అభ్యర్థులను ప్రకటించేందుకు సిద్ధమవుతోంది. టీడీపీ, టీజేఎస్, సీపీఐ అభ్యర్థులతో పాటు కాంగ్రెస్ నాయకులను కలుపుకుని నియోజవర్గంలో గెలుపు గుర్రాలకు మాత్రమే సీట్లు కేటాయిస్తున్నట్టు తెలుస్తోంది.

అయితే ప్రతి నియోజవర్గం నుంచి వచ్చిన ముగ్గురు వరకు దరఖాస్తు చేసుకుని, సీటు తమకే దక్కేలా ప్రతినియోజకవర్గంలోనూ ప్రచారం ఊపందుకుంది. తమకే సీటు రావాలని మాజీ నేతలు సీట్ల కోసం ప్రచారం చేస్తుంటే, ఈ సారైనా తమకు సీటు ఇవ్వాలని కొత్తగా టికెట్‌ను ఆశిస్తున్నవారు ప్రచారం జోరుగా సాగిస్తున్నారు. సమాచార మాద్యమాలైన ఫేస్‌బుక్, వాట్సప్‌లో తమ నాయకుడికే ఈ నియోజకవర్గం సీటు రావాలంటూ ప్రచారం చేస్తున్నారు. మహాకూటమిలో టికెట్ ఎవరికి దక్కుతుందోనని అందరూ ఉత్కంఠగా ఎదురుచూస్తున్నారు. 



ఒక్క ఛాన్స్ ప్లీజ్...

Updated By ManamSat, 09/22/2018 - 13:01

ముందస్తు ఎన్నికల్లో పోటీ చేసేందుకు వివిధ పార్టీలకు చెందిన ఆశావాహులు వందల సంఖ్యలో క్యూకడుతున్నారు. అయితే అభ్యర్థులకు టికెట్లు జారీ చేసే విషయంలో ముఖ్యపాత్ర పోషించే వివిధ పార్టీలకు చెందిన జిల్లా అధ్యక్షులు సైతం టికెట్ల రేసులో ఉన్నారు. ఈ క్రమంలోనే టీఆర్‌ఎస్, టీటీడీపీ, బీజేపీ, కాంగ్రెస్ అధ్యక్షులు టికెట్ల కోసం హోరాహోరీగా ప్రయత్నాలను ముమ్మరం చేశారు. అయితే ఎవరికి టికెట్ లభిస్తుందనేది ఉత్కంఠగా మారింది. 
 
 

Political Leader Are Eagerly Waiting for party tickets

హైదరాబాద్ :  ప్రతిష్టాత్మకంగా మారిన ఎన్నికల ప్రక్రియ క్రమంగా ఊపందుకుంటున్నది. టీఆర్‌ఎస్ ఇప్పటికే అభ్యర్థులను ప్రకటించగా.. కొన్ని స్థానాలను మినహాయించింది. ఇక టీటీడీపీ, కాంగ్రెస్, బీజేపీ అభ్యర్థుల ఎంపిక ప్రక్రియను కొనసాగిస్తున్నాయి. అయితే ఆయా పార్టీలకు చెందిన జిల్లా అధ్యక్షులు పోటీకి సై అంటున్నారు. మహాకూటమి తరపున గెలుపు గుర్రాలను బరిలో దింపేందుకు ప్రణాళికలు రూపొందిస్తున్నాయి. 

ఈ క్రమంలోనే పార్టీల అధ్యక్షులుగా పనిచేస్తున్న నేతలకు టికెట్లు కేటాయిస్తారా? లేదా అన్నది ఆసక్తికరంగా మారింది.  అధ్యక్షుని హోదాలో పార్టీ అభివృద్ధి కోసం అహర్నిషలు పనిచేస్తున్న వారికి ఆయా పార్టీలు ఇంకా ఎమ్మెల్యే టికెట్ల కేటాయింపు పట్ల స్పష్టత రాకపోవడంతో శ్రేణుల్లో ఆందోళన నెలకొన్నది.  ఎలాగైనా తమకు ఎమ్మెల్యే టికెట్ కేటాయించాలని గ్రేటర్ పార్టీల అధ్యక్షులు  అధిష్టానాలపై ఒత్తిడి తెస్తున్నారు.

అధ్యక్షుడి హోదాలో...   
పార్టీ గ్రేటర్ అధ్యక్షుని హోదాలో ఏళ్ల తరబడి పార్టీ అభివృద్ధి కోసం, పార్టీ శ్రేణుల కోసం నిరంతరం పనిచేస్తున్న తమకు ఈ అసెంబ్లీ ఎన్నికల్లో ఎలాగైనా టికెట్  కేటాయించాలని వివిధ పార్టీలకు చెందిన  అధ్యక్షులు తమ పార్టీ అధిష్టానాలను కోరుతున్నారు. తమకు కేటాయించకపోతే తమ వారసులకైనా టికె ట్లు ఇప్పించుకునేందుకు ప్రయత్నాలు చేస్తున్నారు. బలమైన టీఆర్‌ఎస్‌ను ఎదుర్కునే సత్తా తమకే ఉందని అన్ని పార్టీల అధ్యక్షులు అధిష్టానం వద్ద తమ బలాన్ని నిరూపించుకునే ప్రయత్నం చేస్తున్నారు. 

అయితే టీఆర్‌ఎస్‌తో సహా ఏ పార్టీ కూడా ఇంత వరకు గ్రేటర్‌లో పనిచేస్తున్న అధ్యక్షులకు ఎమ్మెల్యే టికెట్ కేటాయించకపోవడం విశేషం. అయితే టీఆర్‌ఎస్‌ను ఓడించేందుకు కాంగ్రెస్, టీడీపీలు, సీపీఐలు మహాకూటమిగా ఏర్పడటంతో పొత్తుల్లో భాగంగా ఏ పార్టీ అధ్యక్షునికి టికె ట్ వస్తుందో ఎవరికి టికెట్ ఊడుతుందో ప్రశ్నార్ధకంగా మారింది. ఇక ఒంటరిగా పోటీ చేయనున్న బీజేపీ, టీజేఎస్  సైతం తమ పార్టీ గ్రేటర్ అధ్యక్షులుగా పనిచేస్తున్న వారికి ఎమ్మెల్యే టికెట్ ఇస్తాయా లేదా అన్నది ఆసక్తికరంగా మారింది.

మల్కాజిగిరిపై మైనంపల్లి గురి..
టీఆర్‌ఎస్ గ్రేటర్ అధ్యక్షునిగా పనిచేస్తున్న ఎమ్మెల్సీ మైనంపల్లి హన్మంతరావుకు మొదటి విడతలో ప్రకటించిన జాబితాలో ఎమ్మెల్యే అభ్యర్థిగా టికెట్ కేటాయించలేదు. మైనంపల్లి గత ఎన్నికల్లో మల్కాజిగిరి నుంచి ఇదే టీఆర్‌ఎస్ నుంచి ఎంపీగా పోటీ చేసి స్వల్ప ఓట్ల మెజార్టీతో ఓడిపోయారు. అయితే పార్టీ గ్రేటర్ అధ్యక్షుని హోదాలో ఆయన పార్టీ అభివృద్ధి కోసం నిరంతరం కృషి చేస్తుండడంతో ఈ సారి అసెంబ్లీ ఎన్నికల్లో ఎలాగైనా టికెట్ వస్తుందని మైనంపల్లి వర్గీయులు ధీమా వ్యక్తం చేస్తున్నారు. 

అయితే మైనంపల్లి మళ్లీ మల్కాజిగిరి నుంచే ఎమ్మెల్యే టికెట్‌ను ఆశిస్తున్నట్లు సమాచారం. పార్టీ అధినేత కేసీఆర్ గ్రేటర్‌లో అంబర్‌పేట, చార్మినార్, మలక్‌పేట, మేడ్చల్, ముషీరాబాద్, ఖైరతాబాద్, గోషామహల్,మల్కాజిగిరి స్థానాల్లో ఇంకా ఎమ్మెల్యే అభ్యర్థులను ప్రకటించకపోవడంతో మైనంపల్లిని ఎక్కడి నుంచి బరిలో దింపుతారన్నది ఆసక్తికరంగా మారింది. కాగా మైనంపల్లికి మల్కాజిగిరి టికెట్ ఖరారు చేసినట్లు పార్టీ వర్గాలు చర్చించుకోవడం కొసమెరుపు.

కాంగ్రెస్ నుంచి ఎవరికి?
కాంగ్రెస్ పార్టీ హైదరాబాద్ జిల్లా అధ్యక్షునిగా పనిచేస్తున్న మందడి అంజన్‌కుమార్ యాదవ్ ఈ సారి అసెంబ్లీ ఎన్నికల్లో తాను పోటీ చేస్తాడా లేదంటే తనయుడు అనిల్‌కుమార్ యాదవ్‌ను పోటీ చేయిస్తాడా అన్నది తేలాల్సి ఉన్నది. గతంలో సికింద్రాబాద్ పార్లమెంట్ నియోజకవర్గం నుంచి రెండు సార్లు ఎంపీగా పోటీ చేసి గెలుపొందిన అంజన్‌కుమార్‌యాదవ్‌ను ఈ సారి పార్టీ అధిష్టానం ఎమ్మెల్యేగా సికింద్రాబాద్ నుంచి పోటీ చేయాలని ఆదేశిస్తున్నట్లు సమచారం. అయితే మాత్రం సుముఖంగా లేడని పార్టీ వర్గాల్లో చర్చించుకుంటున్నారు. 

తాను గతంలో ఎంపీగా పోటీ చేసాను కాబట్టి ఈ సారి సైతం మళ్లీ ఎంపీగానే పోటీ చేస్తానని ఎమ్మెల్యే టికెట్ తన కుమారునికి ఇవ్వాలని పట్టుబడుతున్నారు. అయితే అనిల్‌కుమార్‌యాదవ్ తెలంగాణ యూత్ కాంగ్రెస్ రాష్ట్ర అధ్యక్షునిగా పని చేస్తుండడంతో ఆయనకు ఖచ్చితంగా టికెట్ వస్తుందని ఆయన వర్గీయులు ధీమా వ్యక్తం చేస్తున్నారు. అయితే టీఆర్‌ఎస్‌ను ఓడించేందుకు టీడీపితో జతక ట్టిన కాంగ్రెస్ పొత్తుల్లో భాగంగా అనిల్‌కుమార్‌కు ఎక్కడి నుంచి టికెట్ కేటాయిస్తారన్నది తేలాల్సి ఉంది. 

బీజేపి నుంచి రాంచందర్‌రావు?
కేంద్రంలో అధికారంలో ఉన్న బీజేపీ గత ఎన్నికల్లో టీడీపీతో కలిసి ఎన్నికల్లో పోటీ చేసింది. ఇందులో భాగంగా గ్రేటర్‌లో గోషామహల్, అంబర్‌పేట, ముషీరాబాద్, ఉప్పల్, ఖైరతాబాద్ స్థానాల్లో జెండా ఎగురవేసింది. అయితే ప్రస్తుతం టీడీపితో మైత్రి చెడడంతో బీజేపీ ఈ సారి ఎన్నికల్లో ఒంటరిగానే పోటీ చే స్తోంది. అయితే అన్ని స్థానాల్లో పోటీ చేయాలని బీజేపీ జాతీయ అధ్యక్షుడు సూచించడడంతో తాజా మాజీ బీజేపీ ఎమ్మెల్యేలు తమకు పట్టున్న ప్రాంతాలపై కన్నేశారు. అయితే బీజేపీ గ్రేటర్ అధ్యక్షునిగా ఉన్న ఎమ్మెల్సీ రామచందర్‌రావుకు పార్టీ అధిష్టానం టికెట్ ఇస్తుందా లేదా అన్నది సంశయంగా మారింది. 

రామచందర్‌రావు పట్టభద్రుల ఎమ్మెల్సీ ఎన్నికల్లో టీఆర్‌ఎస్ అభ్యర్థిపై విజయం సాధించి సంచలనం సృష్టించారు. అయితే ఈ సారి ఏ పార్టీతో పొత్తు లేకుండా బీజేపీ ఒంటరిగా బరిలోనికి దిగుతుండడంతో ఆ పార్టీ నుంచి టికెట్  ఆశించే ఆశావాహుల సంఖ్య తక్కువగానే ఉండడంతో రామచందర్‌రావుకు ఖచ్చితంగా టికెట్ కేటాయించనున్నట్లు పార్టీ నాయకులు చెబుతున్నారు. అయితే రామచందర్‌రావు మల్కాజిగిరి నియోజకవర్గం నుంచి పోటీ చేయాలన్న అంశంపై తన అనుచరులతో మంతనాలు జరుపుతున్నట్లు సమాచారం.

ముచ్చటగా మూడోసారి...
టీడీపి గ్రేటర్ అధ్యక్షునిగా పనిచేస్తున్న ఎం.ఎన్ శ్రీనివాస్‌రావు ముచ్చటగా మూడోసారి తమ పార్టీ నుంచి టికెట్ ఆశిస్తున్నారు. గత  ఎన్నికల్లో టీడీపి బీజేపితో పొత్తు పెట్టుకుని గ్రేటర్‌లో 10 స్థానాల్లో  ఎమ్మెల్యే అభ్యర్థులను గెలిపించుకుంది. ఈ అభ్యర్థుల విజయంలో గ్రేటర్ అధ్యక్షునిగా పనిచేసిన ఎం.ఎన్ శ్రీనివాస్ కీలక పాత్ర పోషించాడు. అయితే ఎన్నికల అనంతరం జరిగిన రాజకీయ పరిణామాల నేపథ్యంలో టీడీపి నుంచి గెలుపొందిన ఎమ్మెల్యేలు తెరాసలోనికి వెళ్లిపోవడంతో టీడిపి ఎమ్మెల్యేల శిబిరం ఖాళీ అయింది.

ప్రస్తుతం టీడిపి కాంగ్రెస్‌తో పొత్తు పెట్టుకుని మహాకూటమిగా ఏర్పడడంతో పొత్తుల్లో భాగంగా టీడీపీకి తక్కువ సీట్లు ఇస్తామని కాంగ్రెస్ చెబుతుడడంతో గ్రేటర్‌లో ఎన్ని స్థానాల్లో టీడీపీ పోటీ చేస్తుందో తెలియక పార్టీ కార్యకర్తలు అయోమయంలో పడుతున్నారు. అయితే తనకు ఖచ్చితంగా ఎమ్మెల్యే టికెట్ ఇవ్వాలని హైదరాబాద్ జిల్లా అధ్యక్షుడు శ్రీనివాస్‌రావు పట్టుబడుతుండటంతో పార్టీ అధిష్టానం అతనికి టికెట్ ఇస్తుందా లేదా మళ్లీ మొండిచేయే చూపిస్తుందా అన్నది వేచి చూడాల్సిందే.



టీటీడీపీ తొలి జాబితా సిద్ధం

Updated By ManamSat, 09/22/2018 - 09:02
TTDP

హైదరాబాద్: తెలంగాణలో సార్వత్రిక ఎన్నికల వేళ తొలి జాబితాను సిద్ధం చేసింది టీటీడీపీ. ఈ ఎన్నికల్లో కాంగ్రెస్, సీపీఐ, తెలంగాణ జనసమితితో టీడీపీ పొత్తు పెట్టుకున్న విషయం తెలిసిందే. ఈ నేపథ్యంలో తమ ప్రాభల్యం ఎక్కువగా ప్రాంతాలపై ఇప్పటికే ఓ అంచనాను వేసిన టీటీడీపీ.. తాజాగా తొలి జాబితాను సిద్ధం చేసింది. 

అభ్యర్థుల జాబితా
శేరిలింగంపల్లి – మొవ్వ సత్యనారాయణ
కూకట్‌పల్లి- మందాడి శ్రీనివాసరావు
సికింద్రాబాద్ – కూన వెంకటేష్‌గౌడ్
ఉప్పల్- వీరేందర్‌గౌడ్
ఖైరతాబాద్ -బి.ఎన్.రెడ్డి
సికింద్రాబాద్ కంటోన్మెంట్ – శ్రీనివాసరావు
రాజేంద్రనగర్-ఎమ్ భూపాల్‌రెడ్డి
సత్తుపల్లి – సండ్ర వెంకట వీరయ్య
సిట్టింగ్ ఎమ్మెల్యే ఖమ్మం – నామా నాగేశ్వరరావు
మిర్యాలగూడ -శ్రీనివాస్
కోదాడ – బొల్లం మల్లయ్యయాదవ్
ఆలేరు – శోభారాణి
పరకాల-రేవూరి ప్రకాష్‌రెడ్డి
ఆర్మూర్ – ఏలేటి అన్నపూర్ణ
హుజూరాబాద్ – ఇనగాల పెద్దిరెడ్డి
దేవరకద్ర – రావుల చంద్రశేఖర్‌రెడ్డి
మహబూబ్‌నగర్- చంద్రశేఖర్
మక్తల్ – కొత్తకోట దయాకర్‌‌రెడ్డి అభ్యర్థులుగా బరిలో దిగనున్నారు.



టీడీపీకి చదలవాడ పెద్ద ఝలక్

Updated By ManamFri, 09/21/2018 - 17:09
  •     విజయ దశమి రోజున పార్టీలో చేరే అవకాశాలు

  •     కాంగ్రెస్ పార్టీతో రాజకీయ జీవితం ప్రారంభం

  •     టీడీపీలో పలుమార్లు కృష్ణమూర్తికి ఆశాభంగం

  •     టీటీడీ పదవి ముగిశాక పార్టీకి దాదాపు దూరం

  •     చిరంజీవి కుటుంబస్నేహంతో పవన్‌కు చేరువ

  •     తిరుపతి అసెంబ్లీ టికెట్ ఆశిస్తున్న చదలవాడ

  •     వేగంగా మారుతున్న రాజకీయ సమీకరణాలు

chadalawada-krishnamurthy

తిరుపతి: తెలుగుదేశం పార్టీ సీనియర్ నాయకుడు, టీటీడీ మాజీ చైర్మన్ చదలవాడ కృష్ణమూర్తి పార్టీకి పెద్ద ఝలక్ ఇచ్చారు. జనసేన పార్టీ చీఫ్ పవన్ కల్యాణ్‌తో హైదరాబాద్‌లో నిన్న సమావేశమయ్యారు. పార్టీలో చేరేందుకు ఆయన ఇప్పటికే నిర్ణయం తీసుకున్నట్లు సమాచారం. విజయ దశమి రోజున అధికారికంగా చేరాలని ముహూర్తం కూడా ఖరారు చేసుకున్నట్లు తెలిసింది. చదలవాడ కృష్ణమూర్తి తిరుపతి శాసనసభా నియోజకవర్గం టికెట్టును ఆశిస్తున్నట్లు తెలుస్తోంది. తనకు తెలుగుదేశం పార్టీ టికెట్టు ఇచ్చే అవకాశాలు లేవని ఆయన అర్థం చేసుకున్నట్లు సమాచారం. దీంతో పార్టీ మారాలనే నిర్ణయానికి వచ్చారని తెలిసింది.  

చదలవాడ కృష్ణమూర్తి 2014 ఎన్నికల్లో కూడా టీడీపీ తరఫున పోటీ చేయాలని భావించారు. అయితే టీడీపీ అధ్యక్షుడు, ముఖ్యమంత్రి చంద్రబాబు నాయుడు ఆయనకు బదులుగా, కాంగ్రెస్ పార్టీ నుంచి తెలుగుదేశం పార్టీలోకి చేరిన ఎం.వెంకటరమణకు సీటు ఇచ్చారు. వెంకటరమణ గెలిచి.. ఏడాదిలోపే అనారోగ్యం తో మరణించారు. దాంతో అప్పుడైనా తనకు అవకాశం ఇవ్వాలని చదలవాడ కోరా రు. కానీ, పార్టీ మాత్రం ఆయనకు కాకుండా.. వెంకటరమణ భార్య సుగుణమ్మకు టికెట్ ఖరారుచేయగా ఆమె గెలిచారు. సీనియర్ నాయకుడైన చదలవాడకు టీటీడీ చైర్మన్ పదవి ఇస్తామని చంద్రబాబు హామీ ఇచ్చి.. దాన్ని ఆ తర్వాత నిలబెట్టుకున్నా రు.  రెండేళ్లపాటు ఆయన ఆ పదవిలో కొనసాగారు. 

ఆ కాలంలో ఆయన పనితీరుపై సీఎం ఏమాత్రం సంతృప్తి వ్యక్తం చేయలేదు. దాంతో.. పదవీకాలం ముగిసిన తర్వా త చదలవాడ కూడా పార్టీ కార్యకలాపాల విషయంలో ఒకింత నిర్లక్ష ్యం వహించారు. టీటీడీ చైర్మన్ పదవి నుంచి వైదొలగిన తర్వాత ఇక పార్టీ కార్యకలాపాల్లో ఆయన పెద్దగా పాల్గొన్న దాఖలాలు ఏమీ లేవు. ఒక రకంగా చెప్పాలంటే ఆయన అప్పటి నుంచి పార్టీకి దూరంగానే ఉంటున్నారు.  చదలవాడ కృష్ణమూర్తితో పాటు, ఆయన బావమరిది ఎన్.ప్రసాద్‌కు కూడా చిరంజీవి కుటుంబంతో సాన్నిహిత్యం ఉంది. ఆ సాన్నిహిత్యంతోనే చదలవాడ గురువారం హైదరాబాద్ వెళ్లి పవన్‌ను కలిసినట్లు తెలిసింది.  పార్టీలోకి రావడానికి పవన్ కల్యాణ్ కూడా అంగీకారం తెలపడంతో.. దసరా రోజున చేరుతానని ఈయన చెప్పినట్లు సమాచారం. 

కాంగ్రెస్‌తో మొదలై...
చదలవాడ కృష్ణమూర్తి తన రాజకీయ జీవితాన్ని కాంగ్రెస్ పార్టీతో ప్రారంభించారు. ఆయన 1994 శాసనసభా ఎన్నికల్లో తిరుపతి నుంచి పోటీ చేయాలని భావించా రు. అయితే అప్పటి కాంగ్రెస్ పార్టీ అధ్యక్షుడు పీవీ నరసింహారావు ఆయనకు శ్రీకాళ హస్తి స్థానాన్ని కేటాయించారు. శ్రీకాళహస్తిలో ఆయన ఓడి పోవడంతో, తిరుపతి సీటు దక్కించుకునేందుకు తెలుగుదేశం పార్టీలో చేరారు. 1999 ఎన్నికల్లో తెలుగుదేశం పార్టీ నుంచి పోటీచేసి గెలిచారు. 2003లో జరిగిన అలిపిరి దాడి సమయంలో చంద్రబాబు కాన్వాయ్‌లో చదలవాడ కృష్ణమూర్తి కూడా ఉన్నారు. తీవ్రంగా గాయపడిన చదలవాడ చెన్నై అపోలో ఆసుపత్రిలో చికిత్స పొందారు.  

2004 ఎన్నికల్లో పోటీ చేయడానికి ప్రయత్నించగా  ఆయన బావమరిది ఎన్‌వి.ప్రసాద్‌కు టికెట్ వచ్చింది. 2009లో కూడా చదలవాడ మరోసారి విఫలయత్నం చేశారు. ఆ ఎన్నికల్లో చిరంజీవి తిరుపతి నుంచి పోటీ చేసి గెలిచారు. పాలకొల్లు స్థానంలో ఓడిపోవడంతో తిరుపతి ఎమ్మెల్యేగానే ఆయన కొనసాగారు. తర్వాత ఆయన కాంగ్రెస్‌లో తన పార్టీని విలీనం చేయడంతో రాజ్యసభకు వెళ్లే అవకాశం వచ్చింది. ఫలితంగా 2012లో ఉప ఎన్నికలు వచ్చాయి. ఆ సమయంలో వైసీపీ అభ్యర్థి భూమన కరుణాకర్ రెడ్డిపై పోటీ చేసిన చదలవాడ.. ఆ ఎన్నికల్లో ఓడిపోయారు. ఇప్పుడు జనసేన పార్టీలో ఆయన రాజకీయ భవిష్యత్తు ఎలా ఉంటుందో వేచి చూడాల్సిందే.



మోసం చేయడంలో చంద్రబాబు దిట్ట..

Updated By ManamThu, 09/20/2018 - 18:02
parthasarathi

విజయవాడ : అగ్రిగోల్డ్ సమస్య పరిష్కారం విషయంలో రాష్ట్ర ప్రభుత్వం అసమర్థత స్పష్టంగా కనిపిస్తోందని వైఎస్సార్ సీపీ అధికార ప్రతినిధి కొలుసు పార్థసారధి అన్నారు. గురువారం ఆయన పార్టీ కార్యాలయంలో మీడియాతో మాట్లాడుతూ..‘నాలుగున్నరేళ్లుగా కల్లబొల్లి మాటలు చెప్పి, 200మందికి పైగా అగ్రిగోల్డ్ బాధితుల ఆత్మహత్యలకు చంద్రబాబు ప్రభుత్వమే కారణం. రాష్ట్రంలో 20 లక్షలమంది, దేశవ్యాప్తంగా 32లక్షలమంది అగ్రిగోల్డ్ బాధితులు ఉన్నారు. అప్పుల కంటే ఆస్తులు ఎక్కువగా ఉన్నా కుట్రతో గందరగోళం సృష్టిస్తున్నారు.

రూ.1180 కోట్లు ఇస్తే 14 లక్షల కుటుంబాల సమస్య తీరుతుంది, కానీ ప్రభుత్వం మాత్రం స్పందించడం లేదు. చంద్రబాబు సర్కార్ ఎందుకిలా దాగుడుమూతలు ఆడుతోంది?. దీనిపై సీబీఐ విచారణకి ఎందుకు భయపడుతున్నారు. బీజేపీ కూడా సమాధానం చెప్పాలి. అందరినీ మోసం చేయడంలో చంద్రబాబు దిట్ట. ఫీజు రీయింబర్స్‌మెంట్‌కి అర్థం తెలుసా? అర్హులైన విద్యార్థులకు ఫీజు మొత్తం చెల్లించాలి. సీపీఎస్ విధానం రద్దు చేయాలని ఉద్యోగులు కోరుతుంటే ఇప్పుడు కొత్తగా కమిటీ వేస్తారా?’ అని సూటిగా ప్రశ్నించారు. 



రోజాపై అనుచిత వ్యాఖ్యలు.. టీడీపీ ఎమ్మెల్యేకు షాక్

Updated By ManamTue, 09/18/2018 - 12:25

Roja, Bode Prasadఅమరావతి: సినీ నటి, నగరి ఎమ్మెల్యే రోజాపై అనుచిత వ్యాఖ్యలు, అసభ్యపదజాలంతో దూషించినందుకు గానూ టీడీపీ ఎమ్మెల్యే బోడె ప్రసాద్‌పై కేసు నమోదు చేయాలని హైకోర్టు ఆదేశాలు జారీ చేసింది. ఈ విషయంపై పోలీసులకు ఫిర్యాదు చేసినప్పటికీ.. వారు పట్టించుకోకపోవడంతో ఆమె హైకోర్టును ఆశ్రయించారు. విచారణ జరిపిన హైకోర్టు బోడె ప్రసాద్‌పై కేసు నమోదు చేయాలని ఆదేశించింది.

అయితే ఈ ఏడాది జూలైలో జరిగిన ఓ కార్యక్రమంలో బోడే ప్రసాద్ మాట్లాడుతూ.. తనపై రోజా చేస్తున్న పిచ్చి విమర్శలను ప్రజలు నమ్మరని అన్నారు. అంతటితో ఆగకుండా అదే రోజాను తాను ఓ వ్యభిచారి, బ్రోతల్ హౌస్ నడుపుతుందని అంటే కచ్చితంగా నమ్మేస్తారని అసభ్యంగా మాట్లాడారు. దీనిపై వైసీపీ నేతలు మండిపడిన విషయం తెలిసిందే.



ఎంపీనా..? ఎమ్మెల్యేనా..? అధిష్టానమే డిసైడ్ చేస్తుంది 

Updated By ManamMon, 09/17/2018 - 14:42

Ashok Gajapati Rajuఅమరావతి: తాను ఎంపీగా వెళ్లాలా..? లేక ఎమ్మెల్యేగా..? పోటీ చేయాలా అన్నది అధిష్టానమే నిర్ణయిస్తుందని మాజీ కేంద్రమంత్రి అశోక్ గజపతి రాజు అన్నారు. ముఖ్యమంత్రి చంద్రబాబునాయుడుతో భేటీ అనంతరం అశోక్ గజపతి రాజు మాట్లాడుతూ.. తనకైతే ఎంపీగా బరిలో నిలవాలనుందని, తన కుమార్తె ఎన్నికల్లో పోటీ చేసే విషయంలో ఏమీ చెప్పలేనని అన్నారు.

బాబ్లీ ఘనటలో ధర్మాబాద్ పోలీసులు టీడీపీ నేతలతో దారుణంగా వ్యవహరించారని, ఐదు రోజులు తాగునీటికి కూడా తీవ్ర ఇబ్బందులు పెట్టారని దుయ్యబట్టారు. తెలంగాణ రైతు హక్కుల కోసం టీడీపీ పోరాటం చేసిందని అశోక్ గజపతి రాజు అన్నారు. జాతీయ పార్టీలన్నీ ప్రజలకు దూరం అవుతున్నాయని, బీజేపీ ప్రజలకు న్యాయం చేయలేకపోయిందని చెప్పారు. ఇక తండ్రి పాలన తెస్తానని జగన్ చెబితే నమస్కారం పెడతామని, వైఎస్ఆర్ లాంటి దారుణ పాలన ఎవరికీ అవసరం లేదని అశోక్ గజపతిరాజు అన్నారు.



కార్మికుడిపై చింతమనేని దాడి.. కార్మిక సంఘాల ధర్నా

Updated By ManamSun, 09/16/2018 - 10:47

Chintamaneni Prabhakarఅమరావతి: ఏపీ ప్రభుత్వ చీఫ్ విప్ చింతమనేని ప్రభాకర్ మరోసారి వివాదంలో చిక్కుకున్నారు. ఏలూరు లిక్కర్ డిపోలో ఓ కార్మికుడిపై చింతమనేని దాడికి పాల్పడ్డాడు. ఈ నేపథ్యంలో ఆయనను అరెస్ట్ చేయాలని ఐఎఫ్టీయూ డిమాండ్ చేసింది. తన మాట వినకపోవడంతో కులం పేరుతో దూషిస్తూ చింతమనేని కొట్టారని ఐఎస్టీయూ ప్రధాన కార్యదర్శి కె.పొలారి ఆరోపించారు.

దాడికి పాల్పడ్డ చింతమనేనిపై ఎస్సీ, ఎస్టీ వేధింపుల కేసు నమోదు చేయాలని డిమాండ్ చేశారు. ఈ సందర్భంగా పొలారి మాట్టాడుతూ.. 27కేసుల్లో ముద్దాయిగా ఉన్న చింతమనేని ఏలూరు లిక్కర్ డిపోలోని హమాలీ కార్మికుడిపై దాడి చేయడాన్ని ఖండిస్తున్నట్లు పేర్కొన్నారు.



జయసుధకు కేటీఆర్ ఫోన్

Updated By ManamThu, 09/13/2018 - 09:41

KTR, Jayasudhaహైదరాబాద్, సెప్టెంబర్ 12(మనంప్రతినిధి) ః సహజనటి, మాజీ ఎమ్మెల్యే జయసుధకు టీఆర్‌ఎస్ పార్టీలో చేరాలని ఆహ్వానం అందింది. రాష్ట్ర మంత్రి కె తారకరామారావు ఇటీవల ఆమెకు స్వయంగా ఫోన్ చేసి తమ పార్టీలో చేరాలని ఆహ్వానించినట్లు సమాచారం. కేటీఆర్ ఆహ్వానంపై ఆలోచించి చెబుతానని జయసుధ చెప్పారు. ప్రస్తుతం తెలుగుదేశం పార్టీలో ఉన్న జయసుధ, క్రియాశీలక రాజకీయాలకు దూరంగా ఉన్నారు. గతంలో సికింద్రాబాద్ నుంచి కాంగ్రెస్ పార్టీ తరపున పోటీ చేసి గెలిచారు.  ఆ తర్వాత రాజకీ యాలకు దూరమయ్యారు. ఎమ్మెల్యేగా ప్రజల్లో  మంచిపేరు సంపాదించారు. తన వద్దకు వచ్చే ప్రజల సమస్యలను ఓపికగా విని వాటిని పరిష్కరించేందుకు ప్రయత్నించేవారని,గర్వం ఏ మాత్రం లేదనే పేరుంది. టీడీపీలో ఉన్నప్పటికీ రాజకీయాలకు దూరంగా ఉన్న ఆమెను టీఆర్‌ఎస్ పార్టీలో చేర్చుకుంటే  పార్టీకి కొంత ప్రయోజనం కలుగుతుందనే ఆలోచనతో టీఆర్‌ఎస్ లో చేరాలని కేటీఆర్ ఆహ్వానించినట్లు టీఆర్‌ఎస్ వర్గాలు చెప్పాయి. తెలంగాణ రాష్ట్రాన్ని అభివృద్ధిపథంలోకి తీసుకువెళుతున్నారని అమె కితాబిచ్చారు. 





Related News