Kishan Reddy

జానారెడ్డిపై చర్యలు దురదృష్టకరం: కిషన్ రెడ్డి

Updated By ManamTue, 03/13/2018 - 11:56

Kishan Reddy హైదరాబాద్: అసెంబ్లీలో సోమవారం జరిగిన సంఘటన దురదృష్టకరమని.. ప్రజాస్వామ్య వ్యవస్థలో వీటికి స్థానం లేదని బీజేపీ ఎమ్మెల్యే కిషన్ రెడ్డి అన్నారు. కాంగ్రెస్ ఎమ్మెల్యేల సస్పెన్షన్‌పై మాట్లాడిన ఆయన.. అసెంబ్లీలో తీర్మానం ప్రవేశపెట్టేముందు ప్రతిపక్ష సభ్యుల్ని పిలిచి మాట్లాడితే బాగుండేదని అన్నారు. అయితే ఆందోళనకు సంబంధం లేని జానారెడ్డిపై చర్యలు తీసుకోవడం దురదృష్టకరమని ఆయన అన్నారు. జానారెడ్డి ప్రవర్తన, హుందాతనాన్ని పరిగణలోకి తీసుకోవాల్సిందని, ప్రతిపక్ష నాయకుడిని సస్పెండ్ చేయడాన్ని బీజేపీ వ్యతిరేకిస్తుందని పేర్కొన్నారు. అసహనం ప్రతిపక్షాలది కాదని, ప్రభుత్వానిదని.. ప్రభుత్వానికి ఇంత అసహనం పనికిరాదని తెలిపారు.



గులాబీ గూటికి ఎమ్మెల్యే కిషన్ రెడ్డి?

Updated By ManamWed, 03/07/2018 - 19:47

Kishan Reddyబీజేపీ సీనియర్ నేత, ఎమ్మెల్యే కిషన్ రెడ్డి గులాబీ గూటికి చేరనున్నట్లు పుకార్లు షికార్లు చేస్తున్నాయి. ఉద్యమ కాలంలో తెలంగాణలో బీజేపీకి ఓ ఊపు తీసుకురావడంలో కిషన్ రెడ్డి శ్రమ ఎంతో ఉంది. అయితే ఆ తర్వాత చోటుచేసుకున్న పరిణామాలతో తెలంగాణలో బీజేపీ ప్రభ మసకబారుతోంది. జాతీయ స్థాయి నాయకత్వం కూడా తగిన గుర్తింపు ఇవ్వకపోవడం పట్ల కిషన్ రెడ్డి గుర్రుగా ఉన్నట్లు తెలుస్తోంది. తెలంగాణలో ఇక బీజేపీ పుంజుకునే అవకాశాలు లేదని నిర్ణయానికి వచ్చిన కిషన్ రెడ్డి...ఇంతకాలం నమ్ముకున్న బీజేపీని వీడి కారెక్కడమే మంచిదన్న అభిప్రాయానికి వచ్చినట్లు సమాచారం. టీఆర్ఎస్‌లో చేరితే రాజకీయ భవిష్యత్తుకు ఢోకా ఉండదని భావిస్తున్న కిషన్...అందుకు సంబంధించి రంగం సిద్ధం చేసుకుంటున్నట్లు తెలుస్తోంది. త్వరలోనే ఆయన తన క్యాడర్‌తో భారీ ఎత్తున టీఆర్ఎస్‌లో చేరనున్నట్లు ప్రచారం జరుగుతోంది. 



యాక్టింగ్ రాదు.. రాజకీయంగా పనికిరాడు

Updated By ManamTue, 02/13/2018 - 15:27

Kishan Reddy, Pawan kalyanసినీ నటుడు, జనసేన పార్టీ అధినేత పవన్ కళ్యాణ్‌కు నటనే సరిగా రాదని బీజేపీ శాసనసభా పక్షనేత కిషన్‌ రెడ్డి సంచలన వ్యాఖ్యలు చేశారు. అలాగే రాజకీయ నాయకుడిగా కూడా పవన్ పనికిరారని ఆయన అన్నారు. పవన్‌ కల్యాణ్‌ హావభావాలు చూస్తే నవ్వొస్తుందని.. తన అన్న చిరంజీవిని అడ్డుపెట్టుకుని అతడు సినిమా స్టార్ అయ్యాడని చెప్పుకొచ్చాడు.

ఇప్పుడు కూడా మీడియా మద్దతుతో రాజకీయ నాయకుడు అవుదామనుకుంటుంన్నాడని విమర్శించారు. అంతేకాకుండా పవన్ కన్నా అతడి అన్న కుమారుడే మంచి నటుడని వ్యాఖ్యానించారు. కత్తి మహేశ్ లాంటి వాళ్లను మీడియానే పైకి లేపిందని ఆయన చెప్పారు.





Related News