palak lalwani

పోస్ట్ ప్రొడక్షన్‌లో ‘క్రేజీ క్రేజీ ఫీలింగ్’

Updated By ManamWed, 09/12/2018 - 17:46
crazy crazy feeling

విజ్ఞత ఫిలిమ్స్ పతాకంపై నూతలపాటి మధు నిర్మిస్తోన్న చిత్రం  ‘క్రేజీ క్రేజీ ఫీలింగ్’ . సంజయ్ కార్తీక్ దర్శకుడు.  విష్వంత్ , పల్లక్ లల్వాని జంటగా నటిస్తున్నారు . షూటింగ్ పూర్తి చేసుకున్న ఈ చిత్రం నిర్మాణాంతర కార్యక్రమాలు జరుపుకుంటోంది . ఈ సందర్బంగా దర్శకుడు సంజయ్ మాట్లాడుతూ .. కేరింత , మనమంతా చిత్రాలతో ప్రేక్షకులను ఆకట్టుకున్న విష్వంత్ హీరోగా , పల్లక్ లల్వాని హీరోయిన్ గా ఈ చిత్రం తెరకెక్కుతోంది . ప్రేమికుల మధ్య వుండే ఫీలింగ్స్ ని వినోదాత్మకంగా చూపిస్తున్నాం. వెన్నెల కిశోర్ పాత్ర ఆకట్టుకుంటుంది . 

నిర్మాత మధు మాట్లాడుతూ .. ప్రేమ, ఫీల్, వినోదం ఈ మూడు అంశాలకు ప్రాధాన్యతనిస్తూ దర్శకుడు సంజయ్ యూత్ ఫుల్ ఫామిలీ ఎంటర్టైనర్ గా క్రేజీ క్రేజీ ఫీలింగ్ ని రూపొందిస్తున్నారు . ప్రసాద్ లాబ్స్ , రామానాయుడు స్టూడియోల్లో నిర్మాణాంతర కార్యక్రమాలు జరుగుతున్నాయి . విడుదలయ్యేంత వరకే చిన్న సినిమా, విజయం సాధించి పెద్ద సినిమా అవుతుందని ఆశాభావాన్ని వ్యక్తం చేశారు. విష్వంత్ , పల్లక్ లల్వాని ,వెన్నెల కిశోర్ , ఫిదా ఫేమ్ శరణ్య, సుమన్, పోసాని తదితరులు నటించిన ఈ చిత్రానికి సంగీతం భీమ్స్ సిసిరోలియో, సాహిత్యం సురేష్ ఉపాధ్యాయ , కాసర్ల శ్యామ్ , కెమెరా సుభాష్ దొంతి , ఆర్ట్ నాగు , కొరియోగ్రఫీ రాజకిరణ్, చార్లీ.



 అనుష్క శెట్టి, సాయిపల్లవిలా చేయాలి- పాలక్

Updated By ManamMon, 02/19/2018 - 21:16

palakరంజిత్, పాలక్ లల్వానీ జంటగా నటించిన చిత్రం ‘జువ్వ’. త్రికోటి దర్శకుడు. భరత్ సోమి నిర్మాత. ఫిబ్రవరి 23న సినిమా విడుదలవుతోంది.

ఈ సందర్భంగా హీరోయిన్ పాలక్ లల్వానీ మాట్లాడుతూ‘‘’అబ్బాయితో అమ్మాయి’ సినిమా తర్వాత దర్శకుడు త్రికోటిగారు నన్ను ఈ సినిమా కోసం సంప్రదించారు. కథ వినగానే బాగా నచ్చింది. ‘జువ్వ’లో నెక్స్‌ట్ డోర్ అమ్మాయిగా కనపడతాను. సింపుల్‌గా ఉంటుంది. హీరో రంజిత్ మంచి కో-స్టార్. సినిమా ప్రారంభం నుండి పూర్తి అయ్యేటప్పటికీ పెర్‌ఫార్మెన్స్ పరంగా ఎంతో ఇంప్రూవ్ అయ్యాడు. సినిమా జయాపజయాలు నటులపై ప్రభావాన్ని చూపవని అనుకుంటాను. అనుష్క శెట్టి, సాయిపల్లవి చేసేటువంటి డిఫరెంట్, స్ట్రాంగ్ క్యారెక్టర్స్‌ను చేయాలనుకుంటున్నాను. అయితే ప్రస్తుతం నేను ప్రారంభ దశలోనే ఉన్నాను. హీరోయిన్‌గా మంచి పొజిషన్‌కు చేరుకున్న తర్వాత మంచి పాత్రలను ఎంచుకోవడానికి ప్రయత్నిస్తాను. ప్రస్తుతం నా దర్శకులను నమ్మే సినిమాలు చేస్తున్నాను. ప్రస్తుతం జి.వి.ప్రకాష్‌తో ఓ సినిమాను, ‘కేరింత’ ఫేమ్ విశ్వాంత్‌తో మరో సినిమాను కూడా పూర్తి చేశాను. వాటి పోస్ట్ ప్రొడక్షన్ కార్యక్రమాలు జరుగుతున్నాయి’’ అన్నారు. 





Related News