savyasachi

చైతు మొద‌లెట్టేశాడు...

Updated By ManamSat, 06/16/2018 - 17:26

Akkineni Naga Chaitanya, Savyasachi, Chandoo Mondeti, VFX works, Nidhi Agarwalఅక్కినేని నాగచైత‌న్య హీరోగా చందు మొండేటి ద‌ర్శకత్వంలో తెర‌కెక్కుతోన్న చిత్రం `స‌వ్య సాచి`. ఈ సినిమా నిర్మాణాంత‌ర కార్యక్రమాలను జ‌రుపుకుంటోంది. ఈ చిత్రానికి సంబంధించి నాగ‌చైత‌న్య డ‌బ్బింగ్ స్టార్ట్ చేశాడు. మ‌కుట సంస్థ ఈ సినిమాకు విఎఫ్‌.ఎక్స్ ప‌నుల‌ను పర్యవేక్షిస్తోంది. జూలై 27న సినిమాను విడుద‌ల చేయ‌డానికి నిర్మాత‌లు ప్లాన్ చేస్తున్నారు. చైతు స‌ర‌స‌న నిధి అగ‌ర్వాల్ హీరోయిన్‌గా  న‌టిస్తుంది. మైత్రీ మూవీ మేక‌ర్స్ బ్యాన‌ర్‌పై ఈ సినిమాను నిర్మిస్తున్నారు. మాధ‌వ‌న్‌, భూమిక కీల‌క పాత్రల్లో న‌టిస్తున్నారు. యాక్షన్ ఎంట‌ర్‌టైన‌ర్‌గా రూపొందుతోన్న ఈ చిత్రంలో చైత‌న్య పాత్ర హైలెట్‌గా ఉంటుందని టాలీవుడ్ వర్గాల సమాచారం.  



రీమిక్స్ చేయ‌డం లేద‌న్న ర‌కుల్‌

Updated By ManamSun, 04/15/2018 - 18:53

rakulనాగ చైతన్య, నిధి అగర్వాల్ జంటగా చందు మొండేటి దర్శకత్వంలో రూపొందుతున్న‌ సినిమా ‘సవ్యసాచి’. మైత్రీ మూవీ మేకర్స్ నిర్మిస్తున్న ఈ సినిమా కోసం.. గతంలో నాగార్జున హీరోగా నటించిన ‘అల్లరి అల్లుడు’ చిత్రంలోని “నిన్ను రోడ్డు మీద చూసినది” అనే పాటను రీమిక్స్ చేస్తున్నట్టు దర్శకుడు ప్రకటించారు. ప్రకటన వెలువడిన దగ్గర నుంచి ఆ రీమిక్స్ సాంగ్‌లో రకుల్ ప్రీత్ సింగ్ నర్తించనున్నట్లు కథనాలు వచ్చాయి. ఇంతవరకు రకుల్ స్పెషల్ సాంగ్ చేయని కారణంగా.. ఆ కథనాలకి ఊపిరి వచ్చింది. కాని వాటిలో నిజం లేదనీ.. తను ఈ సినిమాలో నటించడం లేదని త‌న ట్విట్ట‌ర్ ఖాతాలో క్లారిటీ ఇచ్చేసింది ఈ భామ‌. ప్రస్తుతం రకుల్‌కు తెలుగులో సినిమాలు లేకపోయినా.. హిందీలో అజయ్ దేవగణ్‌ సినిమాతో పాటు.. తమిళంలో కార్తి, సూర్య, శివకార్తికేయన్ సినిమాలు చేస్తూ ఫుల్‌ బిజీగా ఉంది.



చైతుతో రకుల్ స్పెషల్ సాంగ్‌?

Updated By ManamSat, 04/14/2018 - 17:08

rakul‘రారండోయ్.. వేడుక చూద్దాం’ సినిమాలో అలరించిన జంట నాగ చైతన్య, రకుల్ ప్రీత్ సింగ్. మళ్ళీ ఈ జంట మరోసారి ప్రేక్షకులను ఆకట్టుకోవడానికి సిద్ధమ‌వుతోందా? అవున‌నే వినిపిస్తోంది టాలీవుడ్ స‌ర్కిల్స్ నుంచి. కాస్త వివరాల్లోకి వెళితే.. చందు మొండేటి దర్శకత్వంలో చైతు, నిధి అగర్వాల్ జంట‌గా ‘సవ్యసాచి’ అనే చిత్రం రూపొందుతున్న సంగ‌తి తెలిసిందే. ఈ సినిమా కోసం.. గతంలో నాగార్జున నటించిన ‘అల్లరి అల్లుడు’ చిత్రంలోని “నిన్ను రోడ్డు మీద చూసినది లగాయత్తు” అనే పాటను రీమిక్స్ చేయనున్నారు. ఈ రీమిక్స్ సాంగ్ కోసం.. రకుల్‌ను సంప్రదించిందంట చిత్ర బృందం. ఆమె కూడా సానుకూలంగా స్పందించింద‌ని స‌మాచారం. త్వ‌ర‌లోనే ర‌కుల్ ఎంట్రీపై క్లారిటీ వ‌స్తుంది. కాగా, ఒరిజ‌న‌ల్ సాంగ్‌లో ర‌మ్య‌కృష్ణ న‌ర్తించిన సంగ‌తి తెలిసిందే.



అప్పుడు 'మ‌గ‌ధీర‌'.. ఇప్పుడు 'స‌వ్య‌సాచి'

Updated By ManamThu, 04/12/2018 - 16:42

mmఒక సంగీత ద‌ర్శ‌కుడు స్వరపరచిన పాటను.. రీమిక్స్ పేరుతో మరో మ్యూజిక్ డైరెక్టర్ చేయడం త‌రుచుగా జ‌రిగిదే. అయితే.. తను స్వరపరచిన పాటను తనే రీమిక్స్ చేసుకునే అవ‌కాశం అతి త‌క్కువ కొద్దిమందికే దొరుకుతుంది. ‘మగధీర’ చిత్రంతో తొలిసారిగా అలాంటి అవ‌కాశం ద‌క్కించుకున్నారు స్వరవాణి కీరవాణి. బ్లాక్ బస్టర్ హిట్ ‘ఘరానా మొగుడు’ చిత్రంలోని “బంగారు కోడిపెట్ట” పాట‌ను.. ‘మగధీర’ కోసం ఇలా రీమిక్స్ చేసి మ‌రోసారి బ్లాక్ బస్టర్ విజయాన్ని అందుకున్నారు. మళ్ళీ 9 సంవత్సరాల గ్యాప్ తర్వాత అటువంటి మ్యాజిక్‌నే రిపీట్‌ చేయబోతున్నారు కీరవాణి.

ఆ వివరాల్లోకి వెళితే.. పాతికేళ్ళ క్రితం నాగార్జున హీరోగా కోదండరామిరెడ్డి దర్శకత్వంలో వచ్చిన ‘అల్లరి అల్లుడు’ (1993) చిత్రంలోని “నిన్ను రోడ్డు మీద చూసినది” పాటను.. ప్ర‌స్తుతం నాగచైతన్య, దర్శకుడు చందు మొండేటి కాంబినేషన్‌లో తెరకెక్కుతున్న ‘సవ్యసాచి’ కోసం రీమిక్స్ చేస్తున్నారు కీర‌వాణి. కీర‌వాణి స్వ‌ర‌క‌ల్ప‌న‌లో వేటూరి సుందరరామూర్తి రాసిన ఈ పాట, ఆ సినిమా రెండూ అప్పట్లో పెద్ద హిట్టు.

మ‌రి.. చిరు పాట‌ని చ‌ర‌ణ్ కోసం రీమిక్స్ చేసి విజ‌యం అందుకున్న కీర‌వాణి.. నాగ్ పాట‌ని చైతు కోసం రీమిక్స్ చేసిన సంద‌ర్భంలోనూ రిపీట్ చేస్తారేమో చూడాలి. కొసమెరుపేంటంటే.. ‘అల్లరి అల్లుడు’ చిత్రంలోని ఆ పాట.. 1969లో వచ్చిన హిందీ చిత్రం ‘ఆరాధన’లోని “మేరే సప్నోంకి రాణి” పాటని స్ఫూర్తిగా తీసుకుని రూపొందిన‌ది కావ‌డం.



మ‌రో తెలుగు చిత్రంలో మాధ‌వ‌న్‌?

Updated By ManamSun, 04/01/2018 - 15:56

madhavan'స‌ఖి', 'చెలి', 'ర‌న్' వంటి త‌మిళ అనువాద చిత్రాల‌తో తెలుగువారికి చేరువైన న‌టుడు మాధ‌వ‌న్‌. ప్ర‌స్తుతం నాగ‌చైత‌న్య క‌థానాయ‌కుడిగా న‌టిస్తున్న 'స‌వ్య‌సాచి'లో ప్ర‌తినాయ‌కుడిగా న‌టిస్తున్నారాయ‌న‌. జూన్ నెల‌లో ఈ సినిమా తెర‌పైకి రానుంది. ఇదిలా ఉంటే.. తాజాగా మ‌రో తెలుగు చిత్రానికి కూడా మాధ‌వ‌న్ అంగీకారం తెలిపార‌ని స‌మాచారం. గ‌తంలో 'వస్తాడు నా రాజు' సినిమాకు దర్శకత్వం వహించిన హేమంత్ మధుకర్ డైరెక్ష‌న్‌లో ఈ చిత్రాన్ని చేయ‌బోతున్నార‌ని తెలిసింది.

ఇందులో మాధ‌వ‌న్ హీరోగా న‌టించ‌నున్నార‌ని.. తెలుగుతో పాటు తమిళ హిందీ భాషల్లో ఈ సినిమా ఉంటుంద‌ని టాలీవుడ్ వ‌ర్గాలు పేర్కొంటున్నాయి. ఈ చిత్రానికి ప్రముఖ రచయిత గోపి మోహన్ కథ అందించనున్నారు. ప్రస్తుతం ప్రీ ప్రొడక్షన్ కార్య‌క్ర‌మాలు జ‌రుపుకుంటున్న ఈ చిత్రానికి సంబంధించిన పూర్తి వివ‌రాలు త్వరలోనే అధికారికంగా ప్రకటించబోతున్నారు.  



‘రంగస్థలం’తో ‘సవ్యసాచి’

Updated By ManamSat, 03/24/2018 - 16:57

savyasachiనాగచైతన్య, నిధి అగర్వాల్ జంటగా నటిస్తున్న చిత్రం ‘సవ్యసాచి’. మైత్రీ మూవీ మేకర్స్ నిర్మాణంలో చందు మొండేటి ఈ సినిమాని తెరకెక్కిస్తున్నారు. శరవేగంగా చిత్రీకరణ జరుపుకుంటున్న ఈ చిత్రం.. చివరి మజిలీకి చేరుకుంది. ఈ నేపథ్యంలో ఆఖరి షెడ్యూల్‌ను ఏప్రిల్ 12 నుంచి అమెరికాలో చిత్రీకరించనున్నారు.

ఇదిలా ఉంటే.. ఈ సినిమా టీజ‌ర్‌ను వచ్చే వారంలో అంటే ఈ నెల‌ 27న విడుదల చేయడానికి చిత్ర యూనిట్ ప్లాన్ చేస్తోంది. అంతేకాదు.. ఈ నెల 30న విడుదల కాబోతున్న ‘రంగస్థలం’ సినిమాలో ఈ టీజ‌ర్‌ను ప్రదర్శించే దిశగా ఆలోచనలు కూడా సాగుతున్నాయి. ‘రంగస్థలం’ చిత్రాన్ని నిర్మించింది కూడా మైత్రీ మూవీ మేకర్స్ కావడంతో.. ఈ ఆలోచనలు కార్యరూపం దాల్చేట‌ట్టే ఉన్నాయి.

జూన్ 15న విడుద‌ల కానున్న ‘సవ్యసాచి’లో తమిళ నటుడు మాధవన్, భూమిక కీలక పాత్రలు పోషిస్తుండ‌గా.. కీర‌వాణి సంగీతాన్ని అందిస్తున్నారు.



'స‌వ్య‌సాచి'.. ఫ‌స్ట్ పంచ్ అదిరింది

Updated By ManamFri, 03/16/2018 - 12:42

savyasachi''రెండు చేతుల్ని స‌మ‌ర్థంగా, శ‌క్తిమంతంగా వాడే వాళ్ళ‌ని స‌వ్య‌సాచి అంటారు. మ‌హాభార‌తంలో అర్జునుడి ఐదో పేరు స‌వ్య‌సాచి. ఎందుకంటే.. అర్జునుడు రెండు చేతుల‌తో ఒకే వేగంతో విలువిద్య ప్ర‌ద‌ర్శించ‌గ‌ల‌డు. అలాగే మా చిత్రంలో కూడా క‌థానాయ‌కుడు త‌న‌ రెండు చేతుల్ని స‌మ‌ర్థ‌వంతంగా వాడి ప‌రిస్థితుల‌ను, ప్ర‌త్య‌ర్థుల‌ను ఎదుర్కొంటాడు. అదెలాగ‌న్న‌ది తెలుసుకోవాలంటే 'స‌వ్య‌సాచి' చూడాల్సిందే'' అంటున్నారు చందు మొండేటి.

'కార్తికేయ‌', 'ప్రేమ‌మ్' వంటి విజ‌య‌వంతమైన చిత్రాల త‌రువాత ఆయ‌న ద‌ర్శ‌క‌త్వంలో రూపొందుతున్న‌ చిత్ర‌మిది. నాగ‌చైత‌న్య టైటిల్ రోల్‌లో క‌నిపించ‌నున్న ఈ చిత్రంలో నిధి అగ‌ర్వాల్ క‌థానాయిక‌గా న‌టిస్తుండ‌గా.. మాధ‌వ‌న్‌, భూమిక కీల‌క పాత్ర‌ల్లో క‌నిపించ‌నున్నారు. మైత్రీ మూవీ మేక‌ర్స్ నిర్మిస్తున్న ఈ చిత్రం ఫ‌స్ట్ లుక్ ఈ రోజు (శుక్ర‌వారం) విడుద‌లైంది. సినిమా థీమ్‌ను ఈ పోస్ట‌ర్‌లో చెప్పే ప్ర‌య‌త్నం క‌నిపించింది. కీర‌వాణి సంగీత‌మందిస్తున్న ఈ మూవీ జూన్ 14న తెర‌పైకి రానుంది.



అమెరికా వెళ్ళ‌నున్న 'స‌వ్య‌సాచి'

Updated By ManamTue, 01/30/2018 - 20:40

savyasachi'ప్రేమ‌మ్‌'తో మెమ‌ర‌బుల్ హిట్ అందుకున్నారు యువ క‌థానాయ‌కుడు నాగ‌చైత‌న్య‌, యువ ద‌ర్శ‌కుడు చందు మొండేటి. ప్ర‌స్తుతం ఈ ఇద్ద‌రి కాంబినేష‌న్‌లో 'స‌వ్య‌సాచి' పేరుతో ఓ సినిమా తెర‌కెక్కుతున్న సంగ‌తి తెలిసిందే. నిధి అగ‌ర్వాల్ హీరోయిన్‌గా న‌టిస్తున్న ఈ చిత్రంలో మాధ‌వ‌న్‌, భూమిక కీల‌క పాత్ర‌ల్లో క‌నిపించ‌నున్నారు. కీర‌వాణి సంగీత‌మందిస్తున్నారు. ప్ర‌స్తుతం ఈ సినిమా చిత్రీక‌ర‌ణ శ‌ర‌వేగంగా జ‌రుగుతోంది. ఇదిలా ఉంటే.. ఈ చిత్రానికి సంబంధించిన‌ కీల‌క‌ షెడ్యూల్‌ని అమెరికాలో చిత్రీక‌రించ‌నున్నార‌ని తెలిసింది. మార్చి నుంచి ఈ షెడ్యూల్ ప్రారంభం కానుంద‌ని.. కొన్ని వారాల పాటు కొన‌సాగే ఈ భారీ షెడ్యూల్‌తో సినిమా పూర్త‌వుతుంద‌ని స‌మాచారం. కాగా, మే నెల‌లో 'స‌వ్య‌సాచి' తెర‌పైకి రానుంది.



'ధ‌ర్మాభాయ్‌'గా నాగ‌చైత‌న్య‌?

Updated By ManamFri, 12/29/2017 - 11:12

nagaయువ క‌థానాయ‌కుడు నాగచైత‌న్య ప్ర‌స్తుతం 'స‌వ్య‌సాచి'తో బిజీగా ఉన్నాడు. ఆ చిత్రం త‌రువాత మారుతి ద‌ర్శ‌క‌త్వంలో 'శైల‌జా రెడ్డి అల్లుడు' (ప్ర‌చారంలో ఉన్న పేరు) చేయ‌నున్నాడు. దీంతో పాటు.. మ‌రో చిత్రానికి చైత‌న్య గ్రీన్ సిగ్న‌ల్ ఇచ్చాడ‌ని తెలిసింది. నాగార్జున‌తో 'ఢ‌మ‌రుకం' చిత్రాన్ని తెర‌కెక్కించిన శ్రీ‌నివాస్ రెడ్డి ద‌ర్శ‌క‌త్వంలో ఈ చిత్రం రూపొంద‌నుంద‌ని స‌మాచార‌మ్‌. ఆకుల శివ క‌థ‌ను అందిస్తున్న‌ ఈ సినిమాకి 'ధ‌ర్మాభాయ్' అనే పేరుని ప‌రిశీలిస్తున్నార‌ని టాలీవుడ్ వ‌ర్గాలు పేర్కొంటున్నాయి. త్వ‌ర‌లోనే దీనికి సంబంధించిన అధికారిక స‌మాచారం వెలువ‌డుతుంది. అన్న‌ట్టు.. సాయిధ‌ర‌మ్‌, వి.వి.వినాయ‌క్ కాంబినేష‌న్‌లో రానున్న చిత్రానికి కూడా 'ధ‌ర్మాభాయ్' పేరు ప‌రిశీల‌న‌లో ఉన్న సంగ‌తి తెలిసిందే.



'స‌వ్య‌సాచి'కి అక్క‌గా భూమిక‌

Updated By ManamThu, 12/28/2017 - 17:11

bhoomika'ప్రేమ‌మ్' వంటి విజ‌య‌వంత‌మైన చిత్రం త‌రువాత నాగ‌చైత‌న్య‌, చందు మొండేటి కాంబినేష‌న్‌లో ఓ సినిమా తెర‌కెక్కుతున్న సంగ‌తి తెలిసిందే. మాధ‌వ‌న్ ప్ర‌తినాయ‌కుడిగా న‌టిస్తున్న ఈ చిత్రం.. ప్ర‌స్తుతం శ‌ర‌వేగంగా షూటింగ్ జ‌రుపుకుంటోంది. ఇదిలా ఉంటే.. ఈ సినిమాలో సీనియ‌ర్ క‌థానాయిక భూమిక ఓ కీల‌క పాత్ర‌లో క‌నిపించ‌నుంద‌ని వార్త‌లు వినిపించాయి. భూమిక కూడా ఈ విష‌యాన్ని ధృవీక‌రించింది కూడా. కాగా, ఈ సినిమాలో చైతుకి అక్క పాత్ర‌లో భూమిక న‌టించ‌నుంద‌ని తెలిసింది. ఈ పాత్రే సినిమాలో కీల‌క మ‌లుపుల‌కి కార‌ణ‌మ‌వుతుంద‌ని చిత్ర వ‌ర్గాలు పేర్కొంటున్నాయి. నిధి అగ‌ర్వాల్ క‌థానాయిక‌గా న‌టిస్తున్న ఈ చిత్రానికి కీర‌వాణి సంగీత‌మందిస్తున్నారు.





Related News