manam kutumbam

సరికొత్తగా..

Updated By ManamSat, 11/17/2018 - 01:05

kutumbamజావా మోటార్ సైకిల్స్.. మూడు దశాబ్దాల క్రితం భారత్‌లో ఎంతో ప్రాచుర్యం పొందాయి. అప్పట్లో జావా బైకులకు ఎంతో క్రేజ్ ఉండేది. మన రోడ్లపై గంభీరమైన సౌండుతో దర్జాగా తిరిగేవి. సినిమాల్లో తప్పనిసరిగా కనిపించేవి. చెకోస్లొవేకియాకి చెందిన ఈ బ్రాండు బైకులు 1960లో భారత మార్కెట్‌లోకి వచ్చాయి. వీటికి డిమాండ్ రావడంతో వాహన ప్రియుల కోసం వివిధ మోడల్ బైకులను దేశీయంగా తయారు చేశారు. ఈ క్రమంలో యెజ్డీ మోటర్ బైకు మార్కెట్‌లోకి వచ్చింది. అప్పటి తరం వారికి ఈ బైకులను నడపడం ఎంతో సరదా. కాగా ఆటో మొబైల్ రంగంలో విప్లవాత్మక మార్పులు రావడం.. కొత్త బైకులు మార్కెట్‌లోకి రావడంతో వీటికి ఆదరణ తగ్గింది. దాదాపు రెండు దశాబ్దాల క్రితం భారత్‌లో జావా బ్రాండ్ కార్యకలాపాలు నిలిచిపోయాయి. 

image


 సుదీర్ఘ విరామం తర్వాత జావా బ్రాండ్ మోటర్ సైకిల్స్ మళ్లీ భారత్ మార్కెట్‌లోకి వచ్చేశాయి. ఆటోమొబైల్స్ దిగ్గజం మహీంద్రా అండ్ మహీంద్రా అనుబంధ సంస్థ ‘క్లాసిక్ లెజెండ్స్’ నూతన అధ్యయనానికి శ్రీకారం చుట్టింది. నేటి తరం వారి కోసం సరికొత్త మోడల్ బైకులను భారత మార్కెట్‌లోకి తీసుకువచ్చింది. అత్యుత్తమమైన ఇటాలియన్ ఇంజినీరింగ్ సామర్థ్యం కలిగిన వారి భాగస్వామ్యంతో రూపొందించారు. ముంబైలోని మెహబూబ్ స్టూడియోస్‌లో జరిగిన కార్యక్రమంలో వీటిని విడుదల చేశారు. జావా, జావా ఫార్టీ టూ, జావా పెరక్ పేరుతో మూడు మోడల్స్‌ను ఆవిష్కరించారు. ఈ నెల 15వ తేదీ నుంచి ఆన్‌లైన్‌లో బుకింగ్స్‌ను అందుబాటులో ఉంచారు. వచ్చే నెల 7వ తేదీ నుంచి కస్టమర్లకు అందించనున్నారు. దేశ వ్యాప్తంగా 105 డీలర్ షిప్‌లున్న ఈ బైకులు మధ్యప్రదేశ్‌లోని ఇండోర్ దగ్గర ఉన్న మహీంద్రా ప్లాంటులో తయారు చేస్తున్నారు. మహీంద్రా గ్రూప్‌కు 60 శాతం వాటాలు ఉన్నాయి. ఆవిష్కరణ కార్యక్రమంలో మహీంద్రా అండ్ మహీంద్రా గ్రూప్ చైర్మన్ ఆనంద్ మహీంద్రా, క్లాసిక్ లెజెండ్స్ ప్రైవేట్ లిమిటెడ్, ఫి క్యాపిటల్ వ్యవస్థాపకుడు అనుపమ్ థరేజా, రుస్తోంజీ గ్రూపు ఎండీ, చైర్మన్ బొమన్ ఇరానీ, క్లాసిక్ లెజెండ్స్ ప్రైవేట్ లిమిటెడ్ సీఈవో ఆశీష్ జోషి పాల్గొన్నారు.
 

jawa

ప్రత్యేకమైన శబ్దం
శబ్దం అనేది భావావేశాలను, ప్రధానంగా మోటార్ సైకి ల్ ప్రియుల విషయంలో మరింతగా ప్రభావితం చేస్తుంది. కొత్త జావా 4 స్ట్రోక్ శబ్దం ఇటలీలోని వెరోనా నగరానికి తీసుకువెళ్తుంది. మేవరిక్ సౌండ్ ఇంజినీర్ల బృందంతో కలిసి అన్ని దశల్లో సంయుక్తంగా కృషి చేసి జావాకు ప్రత్యేకమైన శబ్దంతో వాహన ప్రియులను ఆకట్టుకునేలా రూపొందించారు. 

జావా మోడల్
ధర: 1,64,000
కలర్స్: జావా మెరూన్, జావా గ్రే, జావా బ్లాక్
కెపాసిటీ: 293 సీసీ 
టైప్: సింగిల్ సిలిండర్, 4 స్ట్రోక్, లిక్విడ్ కూల్డ్, డీఓహెచ్‌సీ ఇంజిన్
ఫ్రేమ్: డబుల్ క్రాడిల్
కెర్బ్ వెయిట్: 170 కేజీ
ట్యాంకు కెపాసిటీ: 14 లీటర్లు

జావా ఫార్టీ టూ మోడల్ 
ధర: 1,55,000
కలర్స్: 6
కెపాసిటీ: 293 సీసీ 
టైప్: సింగిల్ సిలిండర్, 4 స్ట్రోక్, లిక్విడ్ కూల్డ్, డీఓహెచ్‌సీ ఇంజిన్
ఫ్రేమ్: డబుల్ క్రాడిల్
కెర్బ్ వెయిట్: 170 కేజీ
ట్యాంకు కెపాసిటీ: 14 లీటర్లు

జావా పెరెక్ మోడల్
ధర: 1,89,000
కెపాసిటీ: 334 సీసీ
టైప్: లిక్విడ్ కూల్డ్, సింగిల్ సిలిండర్, డీఓహెచ్‌సీ ఇంజిన్ 



సైలెంట్ కిల్లర్

Updated By ManamWed, 11/14/2018 - 05:53

నవ ంబరు 14ను ‘డయాబెటిక్ డే’గా జరుపుకుంటారు. డయాబెటిక్స్ ప్రాణాంతకంగా మారడంతో ‘సైలెంట్ కిల్లర్’గా కూడా మధుమేహానికి పేరువచ్చింది. షుగర్ పేషెంట్లలో అవగాహన పెంచేందుకు 1991 నుంచి డయాబెట్స్ డేను ప్రపంచవ్యాప్తంగా జరుపుతున్నారు. ‘ద ఫ్యామిలీ అండ్ డయాబెట్స్’ అనే థీమ్‌తో 2018-2019 వల్డ్ డయాబెట్స్ డేను నిర్వహిస్తుండడం విశేషం. 

image

సైడ్ ఎఫెక్ట్స్
బ్లడ్ షుగర్ లెవెల్స్‌లో నిరంతరంగా జరిగే హెచ్చుతగ్గుల దుష్ప్రభావం శరీరంలోని అన్ని అవయ వాలపై తీవ్రంగా ఉంటుంది. హై బీపీ, హార్ట్ అటాక్, కిడ్నీ ఫెయిల్యూర్ ఆఖరుకి కంటి చూపు కూడా పోయే ప్రమాదం ఉంటుంది. ప్రతి మూడు గంటలకోమారు పోషకాలతో కూడిన తాజా ఆహారాన్ని కొద్ది పరిమాణంలో తీసుకోవడం తప్పనిసరి.  ఇన్సులిన్ లేదా మాత్రలు ఉపయోగించేవారైతే వీటి సైడ్ ఎఫెక్ట్ మూత్రపిండాలపై అత్యధికంగా ఉంటుందని గుర్తుంచుకోవాలి. గ్యాస్ట్రైటిస్ వంటి మరిన్ని రోగాల బారిన పడకుండా ఉండేలా జాగ్రత్తపడటం అత్యవసరం. డయాబెటిక్ రెటీనోపతి వంటి అంశాలపై షుగర్ బాధితులు పూర్తి సమాచారాన్ని తెలుసుకుని జాగ్రత్తలు తీసుకోకపోతే శాశ్వతంగా కంటి చూపు కోల్పోతారు. 
 

image

ప్రొటీన్-రొటీన్
పోషకాలు పుష్కలంగా ఉన్న చియా సీడ్స్, పొద్దుతి రుగుడు గింజలు, గుమ్మడి విత్తనాలు, అవిసెలు, క్వినోవా వంటి వాటితో ఇంట్లోనే ప్రొటీన్ పొళ్లు చేసుకుని వీటిని రొటీన్‌లో చేర్చుకోవడం చాలా ముఖ్యమైన అంశం. బయట అమ్మే ప్రొటీన్ పౌడర్లు, ప్రొటీన్ షేక్‌ల కంటే ఇంట్లో మనం తయారుచేసుకునేవి చాలా ఆరోగ్యకరం, చవక కూడా. రోజూ క్రమం తప్పకుండా గుప్పెడు బాదంలతో పాటు వాల్‌నట్స్, పిస్తా, హ్యాజెల్‌నట్స్ వంటివి తీసుకోవడంతో షుగర్ పేషెంట్లు నీరసాన్ని దరిచేరనీయకుండా మంచి కొలెస్ట్రాల్ అడ్డుకుంటుంది. 

విరుగుడు ఇదే
హెల్తీ లైఫ్‌స్టైల్‌ను అలవరచుకోవడం ఒక్కటే డయాబెట్స్‌కు విరుగుడు. శరీర బరువు విపరీతంగా పెరగకుండా చూసుకోవడం కూడా ఇందులో కీలక అంశం. ఫిట్‌నెస్‌పై దృష్టిసారించి, శరీరంలో ప్రొటీన్ నిల్వలు పడిపోకుండా చూసుకోవడానికి అత్యధిక ప్రాధాన్యత ఇవ్వాలి. శారీరక శ్రమను పెంపొందించుకోవడంతో మధుమేహాన్ని అదుపులో ఉంచచ్చు.  ద్రాక్ష, అరటి వంటి పళ్లకు దూరంగా ఉంటూనే.. యాపిల్, ఆరెంజ్, జామ, ఆప్రికాట్, బెర్రీ వంటి పళ్లను తీసుకోవడం మంచిది. ఇక సీజన్ ఏైదె నా నీరు మాత్రం చాలా ఎక్కువ తీసుకోవాల్సి ఉంటుంది. బ్లడ్ షుగర్ లెవెల్స్ విపరీతంగా పెరిగినప్పుడు డీహైడ్రేషన్ ప్రమాదం ఎక్కువ..అందుకే వీరు మంచి నీరు చాలా ఎక్కువగా తీసుకోవాలి. మన దేహంలోని అదనపు గ్లూకోజ్‌ను ఈ నీరు మూత్రం ద్వారా బయటికి వెళ్లేలా చేస్తుంది. యాంటీఆక్సిడెంట్లు అధికంగా ఉన్న లెమన్ టీ, హెర్బల్ టీలు సేవించడం, బ్లాక్ టీ లేదా బ్లాక్ కాఫీతో కూడా మీ మెటబాలిజం వృద్ధిచెందుతుంది. ఇందులో కాలరీలు నామమా త్రంగా మాత్రమే ఉంటాయి కనుక పుదీన, అల్లం, తులసి, పసుపు, నిమ్మకాయ, దాల్చిన చెక్క, లవంగాలు వంటి పదార్థాలు కూడా చేర్చి టీ తయారు చేసుకోవడం మరీ మంచిది. మీ జీర్ణకోశాన్ని శుద్ధి చేయడంలోనూ ఇటువంటి టీలు సహకరి స్తాయి. కీరా, టమోటా వంటి పచ్చి కూరగాయల సలాడ్లు రోజు ఓ కప్పు తీసుకో వడంతో మీలో రోగనిరోధక శక్తి మరింత పెరుగు తుంది. 

image

ఫైబర్‌తో నిశ్చింత
మధుమేహ వ్యాధిగ్రస్తులు ఆహారం విషయంలో ప్రత్యేక శ్రద్ధ తీసు కోవాలి. బ్లడ్ షుగర్ లెవెల్స్ స్థిరంగా ఉండేందుకు ఫై బర్ అ ధి కంగా ఉన్న ఆహార పదార్థాలను ఎంపిక చేసుకోవాలి.  పీచు పదా ర్థాలు జీర్ణమయ్యేందుకు ఎక్కువ సమయం పడుతుంది కనుక శరీరా నికి అవసరమైన గ్లూకోజ్ నె మ్మదిగా అందేలా చేస్తుంది. అందుకే ఓట్స్, కంది, లెగ్యూమ్స్, బీన్స్, పాలకూర వంటి ఆకుకూరలు, లెట్యూస్, క్యాబేజ్  వంటి వాటితో పాటు తృణధాన్యాలు ఆహారంలో ఉండేలా చూసుకోవాలి. సలా డ్లు ఎక్కువగా తీసుకోవాలి.  జ్యూస్‌లకు బదులుగా పచ్చి కూరగాయలు, పళ్లు, మొలకల సలాడ్లతో మధుమేహాన్ని అదుపులో ఉంచుకోవచ్చు. 

image

బీపీ చూసుకోండి
డయాబెటిక్ ఉందంటే ఆ వెంటనే హై బీపీ బెడదకూడా మొదలయ్యే ప్రమాదముంది. దీంతో హైపర్‌టెన్సివ్ ఎమర్జెన్సీలైన స్ట్రోక్, చెస్ట్ పెయిన్, హార్ట్ ఫెయిల్యూర్ వంటివి ఎదుర్కోవాల్సి వస్తుంది. అందుకే తరచూ మీ షుగర్ లెవెల్ చెక్ చేసుకుంటూ, బీపీ అదుపులో ఉందో లేదో జాగ్రత్తగా చెక్ చేసుకోండి. శారీరకంగా ఎంత వ్యాయామాలు చేసినా, సరైన పోషకాహారం తీసుకున్నా.. మానసికం ప్రశాంతంగా లేకపోతే మాత్రం మధుమేహం అదుపులోకి రాదు. కనుక శారీరకంగా, మానసికంగా కూడా మీరు తీవ్ర ఒత్తిడి నుంచి బయటపడగలిగితేనే షుగర్ అదుపులో ఉంటూ.. అత్యంత సాధారణ జీవితం గడిపేలా చేస్తుంది.



గోల్డ్ ఐస్ క్రీం

Updated By ManamTue, 11/13/2018 - 03:25

బ్రౌనీలు, ఫెరెరో రోషర్, క్యారమిలైజ్డ్ ఆల్మండ్స్, నట్స్, హాట్ ఫడ్జ్, బెల్జియం డార్క్ చాక్లెట్  ఐస్ క్రీం వెరైటీలపై 24 క్యారెట్ గోల్డ్ ఫాయిల్ వేసి సర్వ్ చేస్తారు. దీని ధర వెయ్యి రూపాయలు. పలు టూరిస్టు ప్లేసుల్లో ఈ గోల్డ్ లీఫ్ ఐస్ క్రీంలు అందుబాటులోకి తేవడం ట్రెండింగ్ బిజినెస్‌గా మారింది.

image


హాంకాగ్, జపాన్, సింగపూర్, అబూ దబిలకు వెళ్లే టూరిస్టులు తప్పకుండా అక్కడి గోల్డ్ ఐస్ క్రీం ఎంజాయ్ చేసి సోషల్ నెట్‌వర్క్‌ల్లో అప్‌లోడ్ చేస్తారు. మోస్ట్ ఎక్స్‌పెన్సివ్ డెజర్ట్‌గా పేరుగాంచిన ఈ ఐస్ క్రీంలు తినడం, వాటి ఫొటోలు, వీడియోలు అప్‌లోడ్ చేయడం స్టేటస్ సింబల్‌గా మారింది.

image

గోల్డ్ కోన్‌లు తింటూ వీడియోలు, సెల్ఫీలు తీసుకోవటాన్ని సెలబ్రిటీలు కూడా ఎంజాయ్ చేస్తున్నారు. హైదరాబాద్‌లోని హ్యూబర్ అండ్ హోల్లీలో గ్లోడ్ స్టడెడ్ ఐస్ క్రీమ్ లభిస్తుంది. 



50శాతం పూర్తి

Updated By ManamTue, 11/13/2018 - 00:41

అయోధ్యలో మందిర నిర్మాణానికి కావాల్సిన 50శాతం పనులు పూర్తైనట్టు.. ఇక జనవరిలో వెలువడాల్సిన తుది తీర్పు కోసం తాము వేచి చూస్తున్నట్టు రామ జన్మభూమి న్యాస్ స్పష్టంచేస్తోంది. అయోధ్యలోని కరసేవకపురంలో 1990 నుంచి మందిర నిర్మాణానికి అవసరమైన స్తంభాల తయారు సాగుతోంది. దేశవ్యాప్తంగా పలు ప్రాంతాల నుంచి వచ్చిన శిల్పులు ఇక్కడే భారీ స్థంభాలు చెక్కుతున్నారు. మందిర నమూనాకు అను గుణంగా రామ్ లల్లాకు గుడి నిర్మించాలని నిర్మోహీ అఖారా భావి స్తోంది.

image

రెడీ టు మూవ్
ఇక్కడ తయారైన స్తంభాలు తీసుకెళ్లి అసెంబుల్ చేస్తే చాలు మందిర నిర్మాణం చకచకా అయిపోతుందని కరసేవకపురంలోని వర్క్‌షాప్ ఇన్‌ఛార్జ్ అన్నూ భాయ్ సోంపురా వెల్లడించారు. ‘రెడీ టు మూవ్ బ్లాక్స్’ అనే ఇంజినీరింగ్ టెక్నాలజీతో నిర్మాణం చాలా సులువుగా పూర్తవుతుంది కనుక ఈ విధానాన్నే న్యాస్ అనుసరిస్తోంది. 268 అడుగుల పొడవు, 140 అడుగుల వెడల్పు, 128 అడుగుల ఎత్తుతో రామజన్మ భూమిలో రాముడికి మందిర నిర్మాణం జరగాలన్న సంకల్పంతో న్యాస్ సిద్ధమైంది.

image


నిర్మాణంలో 212 స్తంభాలుండగా, ప్రతి ఫ్లోర్‌లో 106 స్తంభాలుండనున్నాయి. ప్రతి స్తంభంలో 16 విగ్రహాలు అత్యంత సుందరంగా కనిపిస్తాయి. స్వచ్ఛందంగా వచ్చిన నిధులతోనే స్థంభాల పనులు న్యాస్ చేపట్టింది. మొదట్లో ఇక్కడ రోజూ 150 మంది శిల్పులు ఉదయం నుంచి సాయంత్రం వరకూ పనిచేసేవారు. అమావాస్య రోజు తప్పితే నిత్యం ఇక్కడ పని జరుగుతూనే ఉంటుంది.

విశ్వహిందూ పరిషత్‌కు అనుబంధంగా పనిచేసే రామజన్మభూమి న్యాస్.. రామ మందిర నిర్మాణానికి కనీసం ఐదేళ్ల సమయం పడుతుందని స్పష్టంచేసింది. రాజస్థాన్, ఆగ్రా నుంచి ప్రత్యేకంగా తెచ్చిన పింక్ శ్యాండ్ స్టోన్, మక్రానా మార్బుల్ జాతి రాళ్లతో మొలచిన స్తంభాలు సిద్ధంగా ఉంచారు. ఇక్కడి వర్క్‌షాప్‌ను నిత్యం వేలాది మంది టూరిస్టులు సందర్శిస్తూ ఉంటారు.



కష్టపడటానికి ఎప్పుడూ సిద్ధమే..

Updated By ManamSun, 11/11/2018 - 05:45

imageపేరు, ప్రతిష్టలున్నాయి.. డబ్బులు సంపాదించామా? అని కాదు.. మన ఉన్నతికి దోహదపడ్డ సమాజానికి ఏదో ఒకటి చేయాలని ఆలోచించే వారు చాలా తక్కువ మంది ఉంటారు. అలాంటి తక్కువ మందిలో ఒకరు కన్నడ హీరో యష్. ఈ యువ కథానాయకుడు డిసెంబర్ ‘కె.జి.ఎఫ్’సినిమాతో  ప్రేక్షకులను పలకరించబోతున్నారు. కన్నడ సినిమాల్లోనే భారీ బడ్జెట్ చిత్రంగా దక్షిణాది భాషల్లోనే కాదు.. హిందీలో కూడా విడుదలవుతుంది. అయితే వరుస విజయాలు సాధించి ఎంత గొప్ప స్థాయికి చేరుకున్నా.. ఒదిగి ఉండటమే తనకు ఇష్టమంటున్న యష్‌తో మనం ఎక్స్‌క్లూజివ్ ఇంటర్వ్యూ..
 

image

నటుడిగా 11 ఏళ్ల ప్రయాణం ఎలా అనిపిస్తుంది?
ఇన్నేళ్ల ప్రయాణం ఎలా జరిగిందనేది తెలియదు. చాలా ఫాస్ట్‌గా జరిగిపోయింది. నాకు మాత్రం నిన్న మొన్న జరిగినట్లుగా ఉంది. ఈ ప్రయాణంలో చాలా విషయాలను నేర్చుకున్నాను. ఇంకా చాలా దూరం ప్రయాణించాల్సి ఉంది. 

సినిమాల్లోకి రావాలనుకున్న సమయంలో ఇంట్లోవాళ్లు ఏమన్నారు?
నాకు చిన్నప్పట్నుంచి సినిమాల్లో నటించాలనే ఆసక్తి ఎక్కువ. అందువల్ల ఎలాగైనా సినిమాల్లోకిimage రావాలనుకున్నాను. పదవ తరగతి పూర్తి కాగానే సినిమా రంగంలోకి వెళతాను అని ఇంట్లో చెబితే.. ముందు వాళ్లు భయపడ్డారు. ముందు డిగ్రీ చదవమన్నారు. నేను ఇంటర్ పూర్తి కాగానే ఇంట్లో వాళ్లకు చెప్పకుండా బెంగళూరుకి వచ్చేశాను. ఫ్యాన్సీ డ్రెస్ కాంపిటీషన్ చేస్తే వచ్చే ప్రేక్షకుల  చప్పట్లు, ఈలలంటే చిన్నప్పట్నుంచి ఆసక్తి. అందరూ మనల్ని చూస్తారు. అభినందిస్తారు.. మన వైపు అటెన్షన్ ఉంటుంది. అలాంటి ఫీల్డ్‌లో ఉండాలనుకునేవాడిని. అలా మెల్లగా సీరియల్స్‌లో అడగుపెట్టాను. అటు నుండి సినిమా రంగంలోకి ఎంట్రీ ఇచ్చి నాకంటూ ఓ గుర్తింపు సాధించుకున్నాను. 

సినిమాల్లో మీకంటూ గుర్తింపు వచ్చిన తర్వాత ఇంట్లో వాళ్ల రెస్పాన్స్ ఏంటి?
ఇంట్లో వాళ్లకి సంతోషమే. అయితే ఎప్పుైడెనా ఎక్కువ వర్క్ టెన్షన్ పడుతుంటే మాత్రం నిన్ను హీరో అవమని మేం చెప్పామా? అని అంటుంటారు(నవ్వుతూ...). ఇంత స్థానాన్ని ఇచ్చింది మాత్రం ప్రేక్షకులే. సినిమా బావుందా? లేదా? అని మాత్రమే ప్రేక్షకులు ఆలోచిస్తారు. ఎలాంటి నేపథ్యం నుండి వచ్చారు? కులమతాలేంటి? అని ఆలోచించరు. అందుకని వాళ్ల కోసం ఎంత కష్టైమెనా పడటానికి ఎప్పుడూ సిద్ధమే

సక్సెస్‌ఫుల్ జర్నీ వెనుక సీక్రెట్ ఏంటి?
సినిమా కథ వినేటప్పుడు ఓ ప్రేక్షకుడిగా కథను వింటాను. అలాంటి సినిమా చేయాలి.. ఇలాంటి సినిమా చేయాలనే ఆలోచనలేం ఉండవు. ఓ సినిమాను చూస్తే చూడటానికి నాకు బాగా అనిపిస్తుందా? కుటుంబంతో కలిసి సినిమా చూడొచ్చా? అని ఆలోచిస్తాను.
 
ఒత్తిడిని ఎలా అధిగమిస్తారు?
imageఒత్తిడి ఉండదు అని చెబితే అది అబద్ధమే అవుతుంది. ఓ నటుడిగా దాన్ని ఎవరూ కమ్ చేయాల్సిదంతే. నా సక్సెస్‌ఫుల్ మూవీస్ గురించి నేను ఎక్కువగా మాట్లాడను. ఎందుకంటే.. దాని గురించే ఆలోచిస్తుంటే అక్కడే ఉండిపోతాను. అక్కడే వదిలేస్తాను.   

కథల ఎంపిక సమయంలో ఆ ఆలోచనా విధానం ఎలా ఉంటుంది?
ఒక కాన్వాస్‌లో సినిమా చేసేటప్పుడు అన్ని విషయాలను ఆలోచించాలి. ఉదాహరణకు ‘కె.జి.ఎఫ్’ సినిమా విషయానికి వస్తే సినిమాను ఎంత గ్రాండ్‌గా చూపిస్తామనే విషయాన్ని పరిగణనలోకి తీసుకోవాలి. నటన పరంగా మన బెస్ట్  ఎంత చేయగలమో అంతా చేయాలి. 

ఇతర హీరోలతో కాంపీటీషన్ గురించి ఏమంటారు?
కాంపీటీషన్‌గా తీసుకుంటాం. అయితే అది హెల్దీగానే ఉంటుంది. ఏ హీరో అయినా బాగా చేస్తే అప్రిషియేట్ చేస్తాం. మనం ఇంకా బాగా చేయాలని అనుకుంటాం. కాంపీటీషన్ అనేది హెల్దీగానే ఉండాలి. అప్పుడే ఇండస్ట్రీ బావుంటుంది. ఇండస్ట్రీ మనకు భూమితో సమానం. భూమి బలంగా ఉన్నప్పుడే కదా.. దానిపై ఉన్న మనమంతా బావుంటాం. 

తెలుగు నుండి అవకాశాలు రాలేదా? స్ట్రయిట్ తెలుగు సినిమా చేస్తారా?
ఒకట్రెండు ఆఫర్స్ వచ్చాయి. కానీ అంత ఇంట్రెస్టింగ్‌గా అనిపించలేదు. ఆ సమయంలో కన్నడ సినిమాలో బిజీగా ఉన్నాను. మంచి ఎగ్జయిట్‌మెంట్ పాయింట్ ఉన్న యూనివర్సల్ కాన్సెప్ట్ వస్తే తప్పకుండా చేస్తాను. 

మీ స్నేహితుడు విశాల్ గురించి చెప్పండి?
నేను, విశాల్ సహా ఇప్పటి యువ కథానాయకులందరూ సినిమాలకు భాషా పరమైన హద్దులను imageచేరిపేయాలనుకుంటున్నాం. మన వేర్వేరు భాషల్లో మాట్లాడుకుంటామేమో కానీ.. సినిమాకు భాష లేదనేది నా అభిప్రాయం. సినిమా ఇండస్ట్రీనంతా ఓ తాటిక్రిందకు తేవాలనేదే యువ హీరోల ప్రయత్నం. నేను, విశాల్ అలాంటి ప్రయత్నంలో భాగంగా కలిసిమెలిసి ఉంటున్నాం. ఉదాహరణకు విశాల్ ‘పందెంకోడి 2’ ఆడియోకి నేను వెళ్లాను. ఈరోజు నా సినిమా ట్రైలర్ విడుదలకు విశాల్ అతిథిగా వచ్చారు. 

తెలుగులో మీకు నచ్చిన హీరో ఎవరు?
నాకు రావ్‌ుచరణ్ అంటే ఇష్టం. ఆయన వర్కింగ్ స్టయిల్‌ను ఇష్టపడతాను. ఆయన కూడా బెంగళూరుకు వచ్చినప్పుడు నా గురించి బాగా చెప్పారు కూడా. అలాగే ఆయన నటించిన సినిమాలతో పాటు ఇతర తెలుగు హీరోలు చేసిన సినిమాలు కూడా రెగ్యులర్‌గా చూస్తుంటాను. 
‘కె.జి.ఎఫ్’ సినిమా చేసేటప్పుడు బడ్జెట్ గురించి 

ఆలోచించారా?
image‘కె.జి.ఎఫ్’ సినిమా విషయంలో నిర్మాత విజయ్‌ుగారే అసలు హీరో. ఇలాంటి బిగ్ కాన్వాస్ మూవీ చేయాలని నేను, విజయ్ అనుకున్నాం. ఆ సమయంలో దర్శకుడు ప్రశాంత్‌ను కలిశాం. అప్పటికే ఆయన ‘ఉగ్రం’తో మంచి విజయాన్ని సాధించారు. 

మేం ఆయన్ని అప్రోచ్ కాగానే ఆయన కె.జి.ఎఫ్ లైన్ గురించి చెప్పారు. మాకు నచ్చింది. అయితే సినిమా ఇంత భారీ రేంజ్‌కు వెళుతుందని ముందుగా అనుకోలేదు. ముందుగా కన్నడలో మాత్రమే సినిమాను చేయాలనుకుని షూటింగ్ స్టార్ట్ చేశాం. షూటింగ్ సగంలో ఉండగా.. తెలుగు, తమిళ, మలయాళ, హిందీ భాషల్లో కూడా సినిమాను విడుదల చేయాలని అనుకున్నాం. సినిమా విడుదల కావడానికి మూడేళ్ల సమయం పడుతుందని అనుకోలేదు.

దేవుడ్ని నమ్ముతా..
దేవుడ్ని నమ్ముతాను. ఉదాహరణకు ఓ రంగంలోని ముగ్గురు వ్యక్తులు దేవుడి గుడికి వెళ్లారనుకుందాం. ముగ్గరు మేం ఉన్నతంగా ఉండాలనే దేవుడ్ని కోరుకుంటారు. మరి అప్పుడు దేవుడు ఏం చేస్తాడు?. ఎవరు కష్టపడితే వారికే తన శక్తిని ప్రసాదిస్తాడు. కష్టపడకపోతే దేవుడు కూడా ఏమీ చేయలేడు. 

ఫిట్‌నెస్ కోసం...
ఫిట్‌నెస్ కోసం జిమ్ చేస్తాను. అయితే రెగ్యులర్‌గా వర్కవుట్స్ చేయను. సినిమా షూటింగ్ ఉన్నప్పుడు కచ్చితంగా జిమ్‌కి వెళతాను. లేకుంటే కాస్త రిలాక్స్‌డ్‌గా ఉంటాను. అలాగే స్పెషల్ డైట్ తీసుకుంటాను. 
    
మీ టూ గురించి...
మీ టూ అనేది మంచి ఉద్యమమే. హారాష్‌మెంట్ చేయడం తగదు. అయితే అది పక్క దారి పట్టకుండా చూసుకోవాలి.image ఎవైరెనా స్త్రీలతో తప్పుగా ప్రవర్తిస్తే అక్కడే వాడ్ని కొట్టి రావాలి. అలాగే మీ టూలో అందరూ మాట్లాడుతున్నారు కదా.. మనమూ మాట్లాడాలని అనుకోకూడదు. సమస్యలను ఫేస్ చేసిన వాళ్లు ధైర్యంగా ముందుకు రావాలి.
 
నీటి సమస్యను  తీర్చా...
కొప్పల్ జిల్లాలో నీటి కరువు వచ్చినప్పుడు అక్కడి ప్రజలు పడుతున్న ఇబ్బందులు చూసి యషో మార్గ ఫౌండేషన్‌ను స్టార్ట్ చేశాను. ఆ సమయంలో ఏదైనా నీటి సమస్య వస్తే నీకున్న పేరు కూడా పోతుందని కొంత మంది అన్నారు. అయితే పాజిటివ్‌గా ముందుకెళ్లాను.మా ఫౌండేషన్ ద్వారా 250 గ్రామాల నీటి సమస్యను తీర్చాం. 100 ఏకరాల్లో ఓ చెరువును తవ్వించాను. దాని ద్వారా ఇప్పుడు 20 గ్రామాలకు నీటి సమస్య తీరుతుంది. 

చాలా ఎగ్జయిట్‌గా ఉన్నా...
డిసెంబర్‌లో నాకు రెండు పెద్ద విశేషాలున్నాయి. ఒకటి కన్నడ సినిమాల్లోనే భారీ బడ్జెట్ మూవీ ‘కె.జి.ఎఫ్’ విడుదలవుతుంది. మరొకటి తండ్రి కాబోతున్నాను. ఓ కొత్తఫేజ్‌లోకి అడుగు పెట్టబోతున్నందుకు ఎగ్జయిట్‌మెంట్‌తో వెయిట్ చేస్తున్నాను. హ్యాపీగా ఉన్నాను. 

 



సరైనోళ్లు

Updated By ManamSat, 11/10/2018 - 00:30

imageపెద్దల వద్ద పెరిగిన పిల్లల ప్రవర్తన చక్కగా ఉంటుంది.. ఇలా పెరిగిన వాళ్లే సరైనోళ్లు. అమెరికన్ అకాడమీ ఆఫ్ పీడియాట్రిక్స్ (ఏఏపీ) కూడా తాజాగా ఇదే తేల్చింది. తల్లిదండ్రుల సమక్షంలో పెరిగిన పిల్లలకు, అమ్మమ్మా-తాతయ్య, నాన్నమ్మ-తాతయ్య వద్ద పెరిగిన పిల్లలకు మధ్య చాలా వ్యత్యాసాలు కొట్టొచ్చినట్టు కనిపిస్తున్నాయని చిన్న పిల్లల వైద్య నిపుణులు గట్టిగా చెబుతున్నారు. ఇంట్లో పెద్దవారుంటే గారాబంగా పెరిగే పిల్లలు కాస్త అల్లరి ఎక్కువ చేస్తారన్నది నిజమే కానీ.. వీరి చేతుల్లో గడిపిన బాల్యం భవిష్యత్‌లో మంచి బాటలకు పునాదులు వేస్తుంది.  
 

image

బిజీలో పడి..
దీనికి ప్రధాన కారణం పేరెంట్స్ ఇద్దరూ బిజీ, రొటీన్ జీవితంలో పడిపోయి పిల్లలకు అవసరమైనంత సమయం కేటాయించలేక.. వారితో ఎక్కువ సమయం గడపలేకపోవడమే. ఆఖరుకి చిన్నారుల చిన్న చిన్న సరదాలు కూడా తీరకుండా అటకెక్కడంతోనే పసితనం మాయమవుతుండడం నగరాల్లో కనిపించే సాధారణ సన్నివేశంగా మారిపోయింది. రేయింబవళ్లు తమ మనవళ్లు, మనవరాళ్ల కంటి ముందే ఉంటూ.. అన్ని అవసరాలను ఇట్టే క్షణాల్లో తీర్చే పెద్దల వద్ద చిన్నారులకున్న స్వేచ్ఛ చాలా ఎక్కువ.  దీంతో పిల్లలంతా వీరివద్ద చాలా ఫ్రీగా మెలుగుతూ, బాల్యాన్ని చక్కగా ఆస్వాదిస్తారు.
 

image


 ఉదయం లేచిన దగ్గరి నుంచి, రాత్రి పడుకునే వరకూ ఆటలు, పాటలు, మాటలు, కథలు, చిరుతిండ్లు.. ఇలా ఒక్కటేమిటి అన్ని రకాల సందడిని మానసికంగా పెద్దలు ఎంజాయ్ చేస్తుంటే గ్రాండ్ చిల్డ్రన్ కూడా వీరి సురక్షితమైన చేతుల్లో హ్యాపీగా ఇట్టే పెరుగుతారని ఏఏపీ కూడా బల్లగుద్ది మరీ చెబుతోంది.

మూడు తరాలు
నిజానికి తల్లిదండ్రులకు కూడా ఇది చాలా బరువును తగ్గిస్తుంది. తమ బాధ్యతలు పంచుకోవడానికి ఇంట్లో పెద్దలు సహకరిస్తారు కనుక వీళ్లకు కూడా రిలీఫ్ లభిస్తుంది. మూడు తరాలు కలిసి ఉంటున్న ఇంట్లో ఎమోషనల్ సపోర్ట్ అన్ని వయసుల వారికి ఈజీగా దొరుకుతుంది కనుక పిల్లలకు సరదాగా బాల్యం గడిచిపోతుందని ఏఏపీ అంచనా వేసింది. ’గ్రాండ్ ఫ్యామిలీస్’ సరైన జీవన విధానమని పాశ్చాత్య దేశాల్లో పీడియాట్రీషియన్లు నేటి తరానికి చెవులో ఇల్లు కట్టుకుని చెప్పడాన్ని పనిగా పెట్టుకున్నారు. ఈమేరకు స్పెషల్ కౌన్సిలింగ్ కూడా ఇస్తున్నారు. ఇందుకు ఆన్‌లైన్‌లో కూడా గ్రూపులు ఏర్పాటు చేస్తూ నవతరంలో ఉమ్మడి కుటుంబాలను పునరుద్ధరించే పనిలో మానసిక నిపుణులు కూడా నిమగ్నమై ఉన్నారు. 
 

image

 



రోడ్డు రోలర్‌పై ప్రేమతో...

Updated By ManamFri, 11/09/2018 - 02:02

imageఆమె దగ్గర 10 డ్రైవింగ్ లైసెన్సులున్నాయి.. అంతేకాదు కేరళాలో మొట్టమొదటి మహిళా రోడ్ రోలర్ డ్రైవర్‌గా షినీ వినోద్ సరికొత్త రికార్డు సృష్టించారు. డ్రైవింగ్ అంటే తనకు ప్రాణమని.. అందుకే ఎప్పటికప్పుడు మరిన్ని వాహనాల డ్రైవింగ్ నేర్చుకోవడంతో పాటు వాటిని నడిపేందుకు అవసరమైన లైసెన్సులను కూడా సంపాదిస్తున్నారు. 

మోహన్ లాల్ సినిమా..
ఎవరైనా విమానం, క్రూజ్, కారు, బుల్లెట్..ఇలాంటి వాహనాలతో ప్రేమలో పడతారు.. వీటిని డ్రైవ్image చేయాలనుకుంటారు.. కానీ విచిత్రంగా ఆమెకు మాత్రం రోడ్డు రోలర్‌పై కళ్లుపడ్డాయి. అంతే తన ప్రేమకు కాస్త ఆసక్తిని జోడించి, సాహసోపేతమైన అడుగులు వేసి, తన కలను సాకారం చేసుకున్నారు. ఇద్దరు పిల్లల తల్లి అయిన 38 ఏళ్ల షినీ వినోద్ బాల్యంలో మోహన్‌లాల్ సినిమా ‘వెళ్లనకలుడే నాడు’లో రోడ్ రోలర్‌ను చూసినప్పటినుంచీ తనకు రోడ్డు రోలర్‌పై ఆసక్తి పెరిగిందని చెబుతారు. భర్త బిజినెస్ మ్యాన్ కావడంతో తన డ్రైవింగ్ ప్యాషన్‌ను తీర్చుకునేందుకు ఈమెకు ఆర్థిక ఇబ్బందులు లేవు.

imageటూ వీలర్‌తో మొదలు, ట్రాక్టర్లు, ఎక్స్‌కవేటర్లు, క్రేన్లు, ట్రాక్టర్లు..ఇంకా ఇప్పుడు రోడ్ రోలర్లు కూడా నడిపేందుకు ఈమెవద్ద లైసెన్సులు ఉండటంతో షైని స్టార్ డ్రైవర్‌గా ప్రత్యేక గుర్తింపు పొందారు. ప్రస్తుతం 12 నెలల ట్రాక్టర్ మెకానిక్ కోర్సు చేస్తున్న ఈమె తన చదువుకు మాత్రం 10వ తరగతి తరువాత ఫుల్‌స్టాప్ పెట్టేసింది. స్కూల్ డేస్‌లో చురుగ్గా ఉంటూ, స్పోర్ట్స్ పట్ల మక్కువ చూపిన షినీ.. షాట్‌పుట్ క్రీడాకారిణిగా రాష్ట్రస్థాయిలో రాణించారు కూడా. ముగ్గురు అక్కచెల్లెళ్లని మగపిల్లలతో సమానంగా తమ తండ్రి పెంచారని, చిన్నప్పుడు ఆయన వాడిన బండితోనే తనకు చక్రాలపైఅంతులేని ప్రేమగా మారిందని ఆమె సగర్వంగా చెబుతారు.

ఇక పెళ్లయ్యాక భర్త కూడా తనలోని ఉత్సాహాన్ని ప్రోత్సహించడంతోనే పలు రకాల వాహనాలు నడపడాన్నిimage వ్యసనంగా పెట్టుకున్నట్టు షినీ చెబుతారు. వారం రోజుల వ్యవధిలోనే ఎక్స్‌కవేటర్ డ్రైవింగ్ నేర్చుకున్నట్టు.. కానీ తనకు హార్వెస్ట్ మెషీన్ నడపడం అంటే ఎక్కడలేని ఆనందాన్ని ఇచ్చే పనిగా వివరిస్తారు. నిజానికి ఇది నడిపేందుకు ఎటువంటి లైసెన్స్ అక్కర్లేదు కానీ హార్వెస్ట్ మెషీన్‌ను డ్రైవ్ చేస్తూ పనిచేయడంలో చాలా సంతోషం దాగుంటుందని చెబుతారు. తన నెక్ట్స్ టార్గెట్ 14 వీలర్ అని చెబుతారు. ప్రస్తుతం గవర్నమెంట్ ఐటీఐలో ఇన్‌స్ట్రక్టర్‌గా కూడా పనిచేస్తూ..ఇంటినీ, తన ప్రవృత్తినీ బ్యాలెన్స్ చేసుకుంటూ సాగిపోతున్నారు. 


 



నృత్య చక్రం

Updated By ManamFri, 11/02/2018 - 02:13

డ్యాన్స్ ఆన్ వీల్స్
imageవాళ్లు డ్యాన్స్ చేశారంటే స్టాండింగ్ ఒవేషన్ ఇవ్వక తప్పదు.. క్లాసిక్, వెస్ట్రన్, బాలీవుడ్, మైథాలజీ, సోషియల్ మెలోడ్రామా.. ఇలా ఏ అంశాన్ని ప్రదర్శించినా ఒళ్లు పులకరించి,  పరవశించేలా చేయడం వీరి గొప్పతనం. సయ్యద్ సలాఉద్దీన్ పాషా అనే యువకుడికి వచ్చిన మెరుపులాంటి ఆలోచన విశ్వవిఖ్యాతమై అసంఖ్యాకమైన అభిమానులను ఆకట్టుకుంది. యోగా, సంప్రదాయ నృత్య రీతుల సమ్మేళనాన్ని పాషా బృందం ఎంతో సృజనాత్మకంగా ప్రదర్శించి ఆహుతులను రంజింపచేస్తుంది.

గీతా ఆన్ వీల్స్
‘భగవద్గీత ఆన్ వీల్స్’ పేరుతో వీరు ఇచ్చిన స్టేజ్ షో రోమాలు నిక్కబొడుచుకునేలా చేసింది. విశ్వరూప దర్శనాన్ని ఈ బృందం కళ్లకు కట్టినట్టు హృద్యంగా ఆవిష్కరించి శెభాష్ అనిపించుకుంది. ఈ నాట్యాన్ని ప్రత్యక్షంగా చూసినవారంతా ఆశ్చర్యచకితులై సంభ్రమాశ్చర్యాలకు గురయ్యారు.  వెయ్యి మందికి పైగా మానసిక వికలాంగులతో పాటు కుంటి, గుడ్డి, చెవిటి వారు పాషా వద్ద నాట్యాన్ని అభ్యసించి ఆరంగేట్రం చేసి రాణిస్తుండడం విశేషం. భరతనాట్యం, సూఫీ డ్యాన్స్, కథాకళి, రామాయణ, మార్షల్ ఆర్ట్స్ అన్నింటినీ చక్రాల కుర్చీపై నుంచే అభినయించే మెరికల్లాంటిimage కళాకారులు పాషా చేతుల్లో ప్రాణం పోసుకున్నారు. శిష్యబృందంతో కలిసి ఇప్పటికే దేశవిదేశాల్లో 10,000కు పైగా స్టేజ్ షోలు ఇచ్చి తన ప్రత్యేకతను ఆయన చాటుకున్నారు. మానసికంగా, శారీరకంగా ఫిట్‌గా ఉన్న గురు పాషా వీల్ చైర్‌లో కూర్చునే నృత్యాన్ని బోధిస్తారు. నిరుపేద విద్యార్థులను ఎంపిక చేసుకుని వారికి ఉచితంగానే విద్య, ఆహారం అందిస్తూ ఇలాంటి సాంస్కృతిక విద్యను ఆశ్రమంలో కల్పించడం ఈయన విశిష్ఠతను చాటుతుంది. తన దర్శకత్వంలో రూపొందిన ‘రామాయణ ఆన్ వీల్’లో ఏకంగా 300 మంది దివ్యాంగులు స్టేజ్‌పై ప్రదర్శిస్తారు. తన విద్యార్థుల్లో ఒకరైన గుల్షన్ కుమార్ అనే 22 ఏళ్ల విద్యార్థి గిన్నిస్ బుక్ ఆఫ్ వల్డ్ రికార్డ్ సైతం సాధించాడని.. ఇలాంటి విద్యార్థులు తన వద్ద చాలామంది ఉన్నారని సగర్వంగా ఆయన చెప్పుకుంటారు. సంస్కృతంలో పండితుడు కూడా అయిన పాషా తన మత విశ్వాసాలకు ఇవేవీ అడ్డురావని చెబుతారు. మైసూరు వద్ద ఆనేకల్‌లో పుట్టి పెరిగిన పాషా ఢిల్లీ కేంద్రంగా ఈ కార్యక్రమాలు చేపడుతున్నారు. మహాభారత ఆన్ వీల్స్, రుమి ఆన్ వీల్స్, ఫ్రీడం ఆన్ వీల్స్ వంటి నృత్య రూపకాలు చూసినవారంతా షాక్ తిన్నారు. 

యోగా కూడా..
imageగురు పాషాగా పాప్యులర్ అయిన డ్యాన్స్ మాస్టర్ అంగవైక ల్యంతో బాధపడుతున్నవారి జీవితాల్లో ‘కళా’ కాంతులు నింపేలా శ్రమిస్తున్నారు. పంచభూతాల్లోనూ బ్యాలెన్స్ చేయడమే యోగా ద్వారా ఢిపరెంట్లీ ఏబుల్డ్ నేర్చుకోవాల్సిన సారాంశమని.. యోగాతో ఆత్మవిశ్వాసం రెట్టింపు అవుతుందని.. పద్మాసన, శవాసన, నీటిలో ప్రాణాయామం, శీర్షాసన, మయూరాసనతో పాటు అన్ని రకాల ఆసనాలు అందరికీ నేర్పడం నాట్య శిక్షణలో భాగం అంటారు. చక్రాల కుర్చీలోనే ఆసనాలన్నింటినీ విద్యార్థులు అద్భుతంగా వేసేలా డాక్టర్ పాషా తీర్చిదిద్దారు.

ఎబిలిటీ అన్‌లిమిటెడ్
‘ఎబిలిటీ అన్‌లిమిటెడ్ ఫౌండేషన్’ అనే స్వచ్ఛంద సంస్థను ప్రారంభించి డ్యాన్స్ థెరపీని అందిస్తూ మానసిక, శారీరక వికలాంగులకు గురు పాషా ‘యోగిక్ డ్యాన్స్’ను నేర్పుతూ.. ప్రేక్షకులను అలరిస్తున్నారు. ప్రతి విద్యార్థికీ కౌన్సిలింగ్ ఇస్తూ, వారి తల్లిదండ్రులకు సైతం సమయం కేటాయించడం పాషా ప్రత్యేకత. కుటుంబ సహకారం లేనిదే పిల్లలు ఏం సాధించలేరు కనుక విద్యార్థుల తల్లిదండ్రులతో చర్చించడం చాలా ముఖ్యమైన పనిగా ఆయన భావిస్తారు. దివ్యాంగుల జీవితంలో చక్రాల కుర్చీ అంటే వారి శరీరంలో ఓ భాగం. కనుక నృత్యంలో, అభినయంలో కూడా ఇది సహజంగానే భాగమవుతుంది..అందుకే నృత్య రీతులు దర్శకత్వం చేయడంలో చక్రాల కుర్చీని ఒక అవయవంగా భావించి స్టెప్స్ కంపోజ్ చేయడం పాషా సక్సెస్ సీక్రెట్. 

విశ్వవ్యాప్తం
మూడు దశాబ్దాల తరువాత ఇప్పుడు ఈ సంస్థను అంతర్జాతీయంగా విస్తరించేందుకు డాక్టర్ పాషా చొరవimage తీసుకున్నారు. ప్రపంచం నలుమూలలా ఉన్న దివ్యాంగులందరికీ ఈ ఇన్నోవేటివ్ థెరపిటిక్ వీల్‌చైర్ డ్యాన్స్ అందుబాటులోకి తేవడం తన ఏకైక లక్ష్యమనే మాస్టార్.. సంప్రదాయ నృత్య రీతులను గురు శిష్య పరంపర ద్వారానే నేర్చుకోవడం సాధ్యమైనట్టే.. వీల్‌చైర్ క్లాసికల్ డ్యాన్స్‌కు కూడా ఇదే పరంపర అవసర మని నొక్కి చెబుతారు. మనదేశంతో పాటు మలేషియా, అమెరికా, ఫిన్‌ల్యాండ్, మాస్కో, ఒమన్, యూఏఈ, ఇటలీ, కెనడాల్లోనూ వీరు ఇప్పటికే పలుమార్లు వ ర్క్‌షాపులు నిర్వహించారు.



కేవ్‌మ్యాన్ డైట్ 

Updated By ManamThu, 11/01/2018 - 01:34

imageడైటింగ్, డైట్ కంట్రోల్, ఫిట్నెస్, హెల్త్.. వంటి సబ్జెక్టుల్లో తరచూ వినిపించే మాట ‘కేవ్‌మ్యాన్ డైట్’.  దీన్నే‘పాలియో డైట్’, ‘స్టోన్ ఏజ్ డైట్’గా కూడా పిలుస్తారు.  ఫిట్నెస్ ఫ్రీక్‌లంతా ఇప్పుడు మళ్లీ ఆదిమ మానవుడి ఆహారాన్ని తీసుకునేందుకే ప్రాధాన్యత ఇస్తూ.. ‘గో బ్యాక్ కు నేచర్’ అన్న పిలుపు ఇస్తున్నారు. ఇది మన ఒంటికే కాదు మన చుట్టూ ఉన్న వాతావరణానికి కూడా చాలా మంచిది. 

imageపాలియోలిథిక్ డైట్‌ను వాడుక భాషలో కేవ్‌మ్యాన్ డైట్ అని వ్యవహరిస్తున్నారు. మన శరీరం డీ టాక్స్ కావాలన్నా, చక్కని శరీరాకృతి పొందాలన్నా, శరీరాకృతిని కాపాడుకోవాలన్నా ఈ ఫార్ములాను పాటించాల్సిందేనని కొందరు న్యూట్రిషనిస్టులు సూచిస్తున్నారు. అంటే పళ్లు, కూరగాయలు, మాంసాన్ని పెద్దగా వండకుండా తినాలి. ముఖ్యంగా నూనెలు వంటివి వేసి.. ఎక్కువ ఉష్ణోగ్రత వద్ద వేయించడం, అతిగా ఉడి కించడం చేయకుండా ఆరగించాలి.  దీంతో ఈ ఆహారపదార్థాల్లోని పోషకాలు మన శరీరంలోకి పూర్తిగా వచ్చి చేరతాయి. అతిగా ఉడికించడం, ఫ్రై చేయడం వల్ల వాటిలోని సహజమైన పోషకాలు నశిస్తాయి. పీచు పదార్థాలు, పిండి పదార్థాలు, ప్రొటీన్లు, మినరల్సు ఇలా అన్నీ మనకు దక్కాలంటే మనం తినే తిండిని వండే విధానంలో మార్పులు తీసుకురావాలి. ఇందుకు కేవ్‌మ్యాన్ డైట్ తోడ్పడుతుంది.

ప్రొటీన్
అత్యధికంగా ప్రొటీన్, ఫైబర్ ఉన్న ఈ తరహా ఆహారాన్ని తింటే బరువు తగ్గడంతో పాటు ఉత్సాహంగా, నవయవ్వనంగానూ ఉంటారు. యాంటీ-ఏజింగ్‌గా పనిచేసే ఈ డైట్ మిమ్మల్ని ఆరోగ్యంగా ఉంచుతూనే..ఎప్పుడూ చలాకీగా ఉండేలా ఉత్సాహాన్ని నింపుతుంది. 
 

image



నోరూరించేలా..
మన శరీరంలోని జీవక్రియలను సరైన దిశలో నడిపించేలా చేసే ఆదిమ మానవుడి ఆహారం రుచికరంగానూ ఉంటుంది. ఉప్పు, కారం, నూనెలు, మసాలాలు లేకుండా లేదా అతి తక్కువగా వేసుకుని తినచ్చు కానీ నాన్ స్టిక్ పాత్రలు, కుక్కర్లు, మైక్రోవేవ్లు కాకుండా కుదిరితే నిప్పులు లేదా మంటపై చేసుకోవడం అత్యుత్తమ విధానంగా భావిస్తారు. బార్బిక్యూలు వంటివి తయారు చేయాలంటే ఎలెక్ట్రిక్ స్టవ్‌లు కాకుండా అచ్చమైన నిప్పు కణికలపై చేస్తే వచ్చే ఘుమఘుమలు, కమ్మదనం రుచి మొగ్గలను పరవశించేలా చేస్తాయి. ఇలాంటి మెనూ తినేటప్పుడు మీకు కెలరీల లెక్కలు చూసుకోవాల్సిన అవసరం లేదు..పైపెచ్చు కడుపునిండా మీకు నచ్చినవి ఆరగించి తృప్తిగా జీవితం గడపచ్చు. కానీ దీంతో డయేరియా, తలనొప్పి, క్యాల్షియం లేమి వంటి సైడ్ ఎఫెక్టులు ఉంటాయన్న వాదన ఉన్నప్పటికీ ప్రయోగాత్మకంగా మాత్రం ఇవేవీ రుజువు కాలేదు.
 
మెడిటరేనియన్‌లానే..
అన్ని రకాల కూరగాయలు, ఆకుకూరలు, పళ్లు మీరు యథేచ్చగా లాగించవచ్చు. ఇందులో ఆలివ్ ఆయిల్, కొబ్బరి, పామ్ ఆయిల్ వంటి నూనె గింజలు, గుడ్లు, చేపలు, మాంసం, కాయలు, దుంపలు కేవ్‌మ్యాన్ డైట్ మెనూలో ఉంటాయి. అంటే మనకు నచ్చిన వంటలు వండుకునే క్ర మంలో విడి నూనెలు వాడకుండా నూనె గింజలనే వీటితో పాటు వేసి వండుకుని తింటే ఆరోగ్యానికి శ్రీరామ రక్ష. ఈ నూనెల్లో ఎటువంటి కల్తీలు ఉండవు పైగా అప్పటికప్పుడు ఇవి చేసుకుని తినడమే కాబట్టి రుచిలోనూ తాజాదనం కనిపిస్తుంది. ప్రాసెస్డ్, ఇన్‌స్టంట్ ఫుడ్ తినడం వల్లే వచ్చే అనారోగ్యాలు దరిచేరరాదంటే మన ఆహారపు అలవాట్లలో ఇలాంటి మార్పులు తీసుకురా వాల్సిందే. మధ్యదరా ప్రాంతంలో ఇలాంటి ఆహారాన్నే తింటారు కనుక మిడటరేనియన్ ఫుడ్ ఆరోగ్యానికి మంచిదని ఇటీవలి కాలం లో దీనికి మార్కెట్లో విపరీతమైన డిమాండ్ పుట్టుకొచ్చింది.
 

image

సెలబ్రిటీల డైట్
కేవ్‌మ్యాన్ డైట్ ఇప్పుడు సెలబ్రిటీ డైట్‌గా మారింది. ‘పవర్ డైట్’గా దీన్ని భావించేవారి సంఖ్య విపరీతంగా పెరగడంతో దీనిపై పెద్ద ఎత్తున పరిశోధనలు సాగుతున్నాయి. ఈ డైట్‌లో ధాన్యాలు, పాల ఉత్పత్తులు, ప్రాసెస్డ్ ఫుడ్, చక్కెర ఉండవు కనుక వీటిని ఇష్టపడేవారికి కేవ్‌మ్యాన్ డైట్ ఫాలో కావడం పెద్ద చాలెంజ్. ఇక ఈ వంటలు వండే విధానాలు ఇంటర్నెట్‌లో పుంఖాలు పుంఖాలుగా అందుబాటులో ఉన్నాయి. జ్యూసులు కాకుండా పళ్లు-కూరగాయల సలాడ్లు, నట్స్, కాల్చిన దుంపలు, కూరగాయలు ఇందులో ప్రధానంగా ఉంటాయి. సింగర్, యాక్టర్ మిలీ సైరస్, హిప్ హాప్ స్టార్ కెన్యే వె స్ట్, అమెరికా మాజీ అధ్యక్షుడు బిల్ క్లింటన్ గ్లామర్ రహస్యం కూడా ఇదే. తెలుగులో విభిన్న పాత్రలు పోషించిన బాలీవుడ్ నటుడు హర్షవర్ధన్ రాణే కేవలం కేవ్‌మ్యాన్ డైట్‌నే ఆరగిస్తారు. సెలబ్రిటీలు కొందరు కొన్ని రోజులపాటు ఈ డైట్‌ను ఫాలో అవుతున్నారు. దీంతో చాలా ఈజీగా, వేగంగా మేకోవర్‌లో మార్పు తీసుకురావచ్చు. జీవితకాలంపాటు ఆదిమ మానవుడి ఆహారం తినడం సాధ్యం కాకపోయినా తరచూ వారం, పది రోజులపాటు ఇలాంటి మెనూ ఫాలో కావడంతో శారీరకంగా, మానసికంగా మీరు కోరుకున్న మార్పులు సాధించి, జీవితాన్ని ఆనందంగా ఆస్వాదించే అవకాశం దక్కుతుంది.



నో షేవింగ్ నవంబర్

Updated By ManamTue, 10/30/2018 - 06:00

imageనవంబరు నెలలో 30 రోజుల పాటు పురుషులు గ్రూమింగ్‌కు దూరంగా ఉండే ఉద్యమాన్నే ‘మువంబరు’గా పిలుస్తున్నారు.  అంటే నవంబరు నెల్లో మూమెంట్ అని అర్థం. సెలబ్రిటీలతో పాటు సామాన్యులు మువంబరుతో మమేకమై కేన్సర్‌పై అవగాహన పెంచే ఉద్యమంలో భాగ మవుతున్నారు. 

 

నో షేవ్
‘బియర్డ్ సీజన్’గా, ‘నో షేవ్ మంత్’గా కూడా మువంబరును వ్యవహరిస్తున్నారు.  నవంబరులో మీసం, గడ్డం, క్రాపు పెంచుకుంటూ నెల రోజులపాటు ఏమాత్రం ట్రిమ్ చేసుకునే అవకాశం లేకుండా ఉండాలి. నెలంతా షేవింగ్, గ్రూమింగ్ మానేయాలి.

image


ఒక నెలలో సెలూన్‌కు అయ్యే ఖర్చు మొత్తాన్ని కేన్సర్‌పై పోరాటం చేస్తున్న ఎన్జీఓకు విరాళంగా ఇవ్వడం ఇందులో ఆంతర్యం.  అదేంటి..హెయిర్ కటింగ్, షేవింగ్ చేయించుకునేందుకు వేలల్లో డబ్బు ఖర్చవుతుందా అని అనుమానించకండి. ఎందుకంటే ‘టోనీ అండ్ గై’, ‘జావేద్ హబీబ్’ వంటి ప్రముఖ సెలూన్లలో హెయిర్ కటింగ్‌కు వేల రూపాయలు ఖర్చవుతుంది.

ఇక ఇక్కడికి వచ్చాక ఫేషియల్స్, హెయిర్ కలర్, హెయిర్ స్టైలింగ్ వంటివన్నీ మామూలే.  వెరసి వీటన్నింటికీ పెద్ద మొత్తమే ఖర్చవుతుంది కనుక గ్రూమింగ్ ఖర్చు మొత్తాన్ని డొనేట్ చేస్తే చాలా పెద్ద మొత్తమే పోగవుతుంది. అందుకే గత కొన్నేళ్లుగా అంతర్జాతీయంగా ఈ ఉద్యమం సరికొత్త పుంతలు తొక్కుతూ క్యాన్సర్‌పై అన్ని ప్రముఖ వేదికలపై పోరాటాన్ని చేసే వీలు కల్పిస్తోంది.

జుట్టెందుకు?
imageసాధారణంగా క్యాన్సర్ బారిన పడ్డవారికి ట్రీట్‌మెంట్‌లో భాగంగా శరీరంలోని జుట్టంతా రాలిపోతుంది. దీనికి సూచనగా నవంబర్‌లో గ్రూమింగ్‌కు దూరంగా ఉండాలని ‘నో షేవ్ డాట్ ఓఆర్‌జీ’ పిలుపునివ్వడంతో ప్రముఖులు ఈ ఉద్యమంలో పాలుపంచుకుంటున్నారు. హాలీవుడ్, బాలీవుడ్ హీరోలు దీనిపై పోరాటానికి చొరవ చూపుతున్నారు. రణవీర్ సింగ్ వంటి బాలీవుడ్ హీరోలు వేసిన తొలి అడుగులతో ఇప్పుడీ ఉద్యమం నెటిజన్లలో చర్చనీయాంశంగా మారి..మరింత అవగాహన కల్పిస్తోంది. షారూఖ్ ఖాన్, అమీర్ ఖాన్, సంజయ్ దత్, అభిషేక్ బచ్చన్, హతిక్ రోషన్, షాహిద్ కపూర్, జాన్ అబ్రహం వంటి ఎంతోమంది బాలీవుడ్ సెలబ్రిటీలు నో షేవ్ నవంబరులో చురుగ్గా పాల్గొంటూ ఎప్పటికప్పుడు ఫొటోలను అప్‌లోడ్ చేస్తూ ఈ ఉద్యమానికి మనదేశంలో మంచి పాప్యులారిటీ తెస్తున్నారు.

యాక్సెసరీస్
imageనో షేవ్ నవంబర్‌లో భాగంగా షర్టులు, బ్రాస్లెట్స్ వంటి ఇతర యాక్సెసరీస్ కూడా మార్కెట్లో లిమిటెడ్ ఎడిషన్ పేరుతో సందడి చేస్తున్నాయి.  వీటి విక్రయాలపై వచ్చే లాభాలను ఎన్జీఓకు ముట్టజెబుతారు. ఇది వెబ్-బేస్డ్ ఎన్జీఓ కావడం వల్ల ప్రపంచ వ్యాప్తంగా ఉన్న సామాన్యులు, ప్రముఖులు ఇందులో పాల్గొంటున్న తీరును అందరూ గమనించవచ్చు. ఔత్సాహికులు వ్యక్తిగతంగా లేదా ఓ సమూహంగా మారి ఈ ఉద్యమంపై తమ ఫీడ్‌బ్యాక్‌ను వెబ్‌సైట్లో పేర్కొనవచ్చు. గ్రూమింగ్ లేకుండా ఉన్న ఫొటోలు, వీడియోలు అప్‌లోడ్ చేయడంతో నెటిజన్లు క్యాన్సర్‌పై చర్చించడం మొదలుపెడతారు.

 ఇందుకు నోషేవ్‌డాట్ ఓఆర్‌జీ పేరుతో నెటిజన్లు లాగిన్ అయి రిజిస్టర్ చేసుకుని సభ్యత్వం పొందవచ్చు. సోషల్ నెట్‌వర్క్ సైట్లలో లైకులు, ట్వీట్లు, రీట్వీట్లు వంటివి చేస్తూ నెటిజన్లలో అవగాహన పెంచేలా ఈ ఉద్యమం ఏటా మరింత బలోపేతమవుతోంది. ఫండ్ రైజింగ్‌కు ఇది చక్కని మార్గం కావడంతో ప్రపంచం నలుమూలల నుంచి మంచి స్పందన వస్తోంది. క్యాన్సర్ రోగులకు వైద్యంతో సహా ఇతరత్రా సహాయ సహకారాలు అందించేందుకు ఈ మొత్తాన్ని వినియోగిస్తున్నారు. క్యాన్సర్ ప్రివెన్షన్, ఎడ్యుకేషన్, రీసెర్చ్‌పై అంతర్జాతీయ స్థాయిలో పనిచేసేలా నవంబరు ఉద్యమం సహకరిస్తోంది.

image


 





Related News