petrol

తగ్గిన పెట్రోల్, డీజిల్ ధరలు 

Updated By ManamSun, 11/04/2018 - 11:41

Petrol, diesel prices, dip across India, Delhi, Dieselఢిల్లీ: పెట్రోల్‌, డీజిల్‌ ధరలు ఆదివారం మరోసారి తగ్గాయి. అంతర్జాతీయంగా ముడి చమురు ధరలు తగ్గుతున్న నేపథ్యంలో దేశీయంగా కూడా చమురు ధరలు తగ్గుముఖం పడుతున్నాయి. దేశ రాజధాని ఢిల్లీలో నేడు లీటరు పెట్రోల్‌పై 21పైసలు, లీటరు డీజిల్‌పై 17పైసలు తగ్గింది. దీంతో పెట్రోల్‌ ధర లీటరుకు రూ.78.78గా, లీటరు డీజిల్‌ ధర రూ.73.36కు చేరుకున్నాయి. శనివారం పెట్రోల్‌ ధర రూ.78.99గా, డీజిల్‌ ధర రూ.73.35గా ఉన్నాయి.

ఢిల్లీలో గత 15రోజుల్లో పెట్రోల్‌ ధర రూ.3.48పైసలు తగ్గగా డీజిల్‌పై రూ.2 మేర తగ్గింది. ముంబైలో నేడు లీటరు పెట్రోల్‌ ధర 21పైసలు తగ్గి రూ.84.28కి చేరింది. లీటరు డీజిల్‌ ధర 18పైసలు తగ్గి రూ.76.88గా ఉంది. అలాగే చెన్నై, కోల్‌కతాలో వరుసగా పెట్రోల్‌ ధరలు రూ.81.84గా, రూ.80.68గా ఉన్నాయి. డీజిల్‌ ధరలు రూ.77.55గా, రూ.75.22కు చేరుకున్నాయి.



పెట్రోల్@ 87.44

Updated By ManamSat, 10/13/2018 - 03:05
  • మళ్లీ పెరిగిన పెట్రోల్, డీజిల్ ధరలు

  • హైదరాబాద్‌లో లీటర్ ధర పెంపు

petrolహైదరాబాద్: ఆయిల్ ధరలు సామాన్యులకు చుక్కలు చూపిస్తున్నాయి. శుక్రవారం మరోసారి పెట్రోల్, డీజిల్ ధరలు పెరిగాయి. ఢిల్లీలో పెట్రోల్‌పై 12 పైసలు పెరిగి లీటరు పెట్రోల్ ధర రూ.82.48 ఉండగా, డీజిల్ 28 పైసలు పెరిగి రూ.74.90కి చేరుకుంది. ముంబైల్ లీటర్ పెట్రోల్ రూ.87.94 కాగా, డీజిల్ ధర రూ.78.51కి చేరుకుంది. హైదరాబాద్‌లో లీటరు పెట్రోల్ ధర రూ.87.44 కాగా, డీజిల్ ధర రూ.81.74కు చేరింది. పెట్రోల్, డీజిల్‌పై గత వారం రూ.2.50 పైసలు చొప్పున కేంద్రం ఎక్సైజ్ డ్యూటీ తగ్గించింది. రాష్ట్ర ప్రభుత్వాలు సైతం ఇదే మొత్తంలో వ్యాట్ తగ్గించాలని కేంద్ర మంత్రి అరుణ్ జైట్లీ విజ్ఞప్తి చేశారు. ఎన్డీఏ పాలిత 13 రాష్ట్రాల తో పాటు గవర్నర్ పాలనలో ఉన్న జమ్మూకశ్మీర్ వెంటనే వ్యాట్ తగ్గింపును ప్రకటించాయి. అయితే కేంద్రం ఎక్సైజ్ డ్యూటీ తగ్గించినప్పటికీ ఆయిల్ ధరలు క్రమం తప్పకుండా పెరుగుతుం డడంతో ఇబ్బందులు షరామాములుగానే మారాయని వాహనదారులు ఆవేదన వ్యక్తం చేస్తున్నారు.



మరింత పెరిగిన పెట్రోల్, డీజిల్ ధరలు

Updated By ManamFri, 10/12/2018 - 10:42

Pwtrol, Dieselకేంద్రం ఉపశమన చర్యలు తీసుకున్నా.. రోజురోజుకు పెరుగుతున్న పెట్రోల్ ధరలు వాహనాదారులను తీవ్ర అసహనానికి గురి చేస్తున్నాయి. తాజాగా శుక్రవారం లీటర్ పెట్రోల్‌పై 12 సైసలు, డీజిల్‌పై 28పైసలు పెరిగింది. ఈ నేపథ్యంలో హైదరాబాద్‌లో లీటర్ పెట్రోల్ ధర రూ.87.44గా ఉండగా.. డీజిల్ రూ.81.41గా పెరిగింది. అలాగే ఢిల్లీలో పెట్రోల్ ధర రూ.82.48, డీజిల్ ధర రూ.74.90గా ఉండగా.. ముంబైలో పెట్రోల్ ధర రూ.87.94, డీజిల్ ధర రూ.78.51గా ఉంది. మరోవైపు ధరలు ఆకాశాన్ని అంటుతుండటంతో ప్రత్యామ్నాయ మార్గాలను వెతుక్కుంటున్నారు ప్రజలు.



నాలుగు రాష్ట్రాల్లో రూ.5 తగ్గింపు!

Updated By ManamThu, 10/04/2018 - 20:25
  • కేంద్రం నిర్ణయానికి అదనంగా రూ.2.50 తగ్గింపు

  • మహారాష్ట్ర, గుజరాత్, ఛత్తీస్‌గఢ్, బిహార్ నిర్ణయం

Petrol, diesel prices down by Rs 5 in all BJP-ruled states

న్యూఢిల్లీ: వాహనదారులకు ఊరటనిస్తూ కేంద్ర ప్రభుత్వం లీటర్ పెట్రోల్‌పై రూ.2.50 తగ్గించిన నేపథ్యంలో.. నాలుగు రాష్ట్ర ప్రభుత్వాలు మరో కీలక నిర్ణయం తీసుకున్నాయి. కేంద్రంతో సమానంగా తాము కూడా రూ.2.50 తగ్గించనున్నామని మహారాష్ట్ర, గుజరాత్, ఛత్తీస్‌గఢ్, బిహార్ ప్రకటించాయి. దాంతో ఆ రాష్ట్రాల్లోని వినియోగదారులపై రూ.5 మేరకు భారం తగ్గనుంది.  

లీటరు పెట్రోల్, డీజిల్ ధరలపై ఎక్సైజ్ డ్యూటీని రూ.1.50, ఆయిల్ మార్కెటింగ్ కంపెనీలు రూపాయిని తగ్గిస్తున్నట్టు ఆర్థిక మంత్రి అరుణ్‌జైట్లీ ప్రకటించారు. ఎక్సైజ్ డ్యూటీ తగ్గడంతో, వెంటనే రాష్ట్రాలు సెతం పెట్రోల్, డీజిల్‌పై ఉన్న వ్యాట్‌ను తగ్గించాలని సూచించారు. ఈనేపథ్యంలో మహారాష్ట్ర,గుజరాత్, మధ్యప్రదేశ్, ఛత్తీస్‌గఢ్ ప్రభుత్వాలు వెంటనే ధరలను తగ్గించాయి. తమ ప్రభుత్వం కూడా పెట్రోల్, డీజిల్‌పై రూ.2.50 తగ్గించాలని నిర్ణయించిందని గుజరాత్ సీఎం విజయ్ రూపాని ప్రకటించారు. కేంద్రం ఎక్సైజ్ డ్యూటీ తగ్గింపు, తమ వ్యాట్ తగ్గింపుతో మొత్తంగా తమ రాష్ట్రంలో పెట్రోల్, డీజిల్ ధరలు ఐదు రూపాయల మేర తగ్గనున్నట్టు పేర్కొన్నారు. 

మహారాష్ట్ర సీఎం దేవేంద్ర ఫడణవీస్ కూడా ఇదే నిర్ణయం తీసుకున్నారు.‘పెట్రోల్, డీజిల్‌పై రూ.2.50 ధర తగ్గించినందుకు ప్రధాని నరేంద్ర మోదీకి, కేంద్ర మంత్రి అరుణ్‌జైట్లీకి కృతజ్ఞతలు. ఇది సామాన్య ప్రజానీకానికి అతిపెద్ద ఊరట. మహారాష్ట్ర ప్రభుత్వం కూడా సామాన్య ప్రజానీకానికి లీటరు పెట్రోల్‌కు అదనంగా మరో రూ.2.50 ఊరట ఇవ్వాలని నిర్ణయించింది. అంటే మొత్తంగా మా రాష్ట్రంలో లీటరు పెట్రోల్ ధర రూ.5 తగ్గుతుంది’’ అని రుపానీ పేర్కొన్నారు. తమ రాష్ట్రంలోనూ పెట్రోల్, డీజిల్ ధరలను రూ.2.50 తగ్గిస్తున్నట్లు ఛత్తీస్‌గఢ్ ముఖ్యమంత్రి రమణ్ సింగ్ వెల్లడించారు. 



రూ.5 తగ్గించాలనుకున్నాం.. కానీ: జైట్లీ

Updated By ManamThu, 10/04/2018 - 15:54
  • పెట్రోల్, డీజిల్‌పై రూ.2.50 తగ్గించిన కేంద్రం

  • పెట్రో ఉత్పత్తులపై కేంద్రం లీటర్‌కు రూ.1.50 మేర ఎక్సైజ్ సుంకం తగ్గింపు

  • ఆయిల్ కంపెనీలు రూ.1 తగ్గింపు

  • రాష్ట్రాలు కూడా రూ.2.5 తగ్గించాలని జైట్లీ సూచన

Arun Jaitley

న్యూఢిల్లీ : వాహనదారులకు స్వల్ప ఊరట లభించింది. మండుతున్న చమురు ధరలపై కేంద్రం ఎట్టకేలకు సామాన్య మానవుడికి కొద్దిపాటి ఊరట కలిగించే నిర్ణయం తీసుకుంది. పెట్రో ఉత్పత్తులపై ఉన్న ఎక్సైజ్ సుంకాన్ని లీటర్‌కు రూ.1.50 మేర కేంద్ర ప్రభుత్వం తగ్గించింది. అలాగే మరో రూపాయిని ఆయిల్ కంపెనీలు భరించనున్నట్లు  కేంద్ర ఆర్థిక మంత్రి అరుణ్ జైట్లీ వెల్లడించారు. దీంతో మొత్తంగా లీటర్‌కు రూ.2.50 మేర ధర తగ్గనుంది. ఎక్సైజ్ సుంకాన్ని తగ్గిస్తూ కేంద్ర నిర్ణయంతో రూ.10,500 కోట్ల భారం పడనున్నట్లు జైట్లీ తెలిపారు.

ఈ సందర్భంగా అరుణ్ జైట్లీ మాట్లాడుతూ అంతర్జాతీయ మార్కెట్‌లో క్రూడ్ ఆయిల్ ధరలు పెరుగుతున్నాయన్నారు. ఎక్సైజ్ సుంకాన్ని రూ.5 తగ్గించాలనుకున్నప్పటికీ సాధ్యం కాలేదని ఆయన తెలిపారు. చమురు ఉత్పత్తులపై రాష్ట్రాలు కూడా సుంకాలు తగ్గించుకోవాలని సూచించారు.  కేంద్రం రూ.2.50 తగ్గించిందని, రాష్ట్ర ప్రభుత్వాలు కూడా ఆ మేరకు నిర్ణయం తీసుకోవాలని ...లేఖలు రాయనున్నట్లు జైట్లీ పేర్కొన్నారు. 



మళ్లీ పెరిగిన ఇందన ధరలు..

Updated By ManamSun, 09/30/2018 - 12:04

Petrol Prices, 10 Paise Across Metro Cities, Petrol, diesel pricesన్యూఢిల్లీ: పెట్రోల్‌, డీజిల్‌ ధరలు ఆదివారం కూడా పెరిగాయి. నాలుగు మెట్రో నగరాల్లో కలిపి మొత్తం 17 పైసలు చొప్పున పెరిగింది. దేశరాజధాని ఢిల్లీలో లీటర్‌ పెట్రోల్‌ ధర రూ.83.49కు చేరుకుంది. ఢిల్లీలో ఈరోజు పెట్రోల్‌ 9 పైసలు పెరగగా, కోల్‌కతా, ముంబైలో 10పైసలు పెరిగింది. కోల్‌కతా లీటర్ పెట్రోల్ ధర రూ.85.30, ముంబై లీటర్ పెట్రోల్ ధర రూ.90.84, చెన్నై పెట్రోల్ ధర రూ. 86.80 పలుకుతోంది.

ఇండియన్ ఆయిల్ కార్పొరేషన్ (ఐఓసీ) వెబ్‌సైట్ ప్రకారం.. న్యూఢిల్లీలో లీటర్ డీజిల్ ధర రూ.74.79గా ఉంది. ఇక అత్యధిక ధరలు ఉండే ముంబైలో డీజిల్‌ ధర రూ.79.40, కోల్‌కతాలో డీజిల్‌ రూ.76.64గా ఉంది. అంతర్జాతీయ మార్కెట్లో ముడి చమురు ధరలు పెరుగుతున్న నేపథ్యంలో పెట్రోల్‌ ధరలు పెరుగుతున్నట్లు ఆయిల్‌ కంపెనీలు చెబుతున్నాయి. పెరిగిన పెట్రోల్, డీజిల్ ధరలు ఈ రోజు ఉదయం 6 గంటల నుంచి అమల్లోకి వచ్చాయి. 
Petrol Prices, 10 Paise Across Metro Cities, Petrol, diesel prices



మళ్లీ పెరిగిన పెట్రోల్, డీజిల్ ధరలు

Updated By ManamSun, 09/23/2018 - 13:41
 petrol and diesel prices up again

న్యూఢిల్లీ : పెట్రో ధరల పెరుగుదల కొనసాగుతూనే ఉంది.  ఆదివారం కూడా పెట్రోల్, డీజిల్ ధరలు స్వల్పంగా పెరిగాయి. వాణిజ్య రాజధాని ముంబయిలో లీటర్ పెట్రోల్  ధర రూ.90 చేరువకు దగ్గరగా ఉంది. పెట్రోల్ ధర రూ.89.97 కాగా, రూ. డీజిల్ రూ 78.53గా నమోదు అయ్యాయి. ఇక ఢిల్లీలోనూ పెట్రోల్ ధరలు పెరిగాయి.

లీటర్‌ పెట్రోల్‌ 82.61, కాగా డీజిల్‌ ధర 73.77గా ఉంది.  గత కొంతకాలంగా పెట్రోలు ధరలు భారీగా పెరుగుతున్న విషయం తెలిసిందే. అలాగే  హైదరాబాద్‌లో పెట్రోల్‌ రూ.87.57, డీజిల్‌ రూ.80.40, విజయవాడ పెట్రోల్‌ ధర రూ. 86.95,డీజిల్‌ రూ 79.51గా నమోదు అయింది.



పెళ్లి గిఫ్ట్‌గా పెట్రోల్

Updated By ManamMon, 09/17/2018 - 12:33

Friends present petrol as wedding giftచెన్నై: రోజురోజుకు పెట్రోల్ ధరలు పెరిగిపోతున్నాయి. దీంతో సామాన్యులు చాలా ఇబ్బందులు పడుతున్నారు. ఈ ఇబ్బందులు కొత్త దంపతులకు రాకూడదనుకున్నారో ఏమో తెలీదు కానీ.. పెళ్లి కొడుకు స్నేహితులు వినూత్నంగా ఆలోచించారు. తమ స్నేహితుడి పెళ్లికి గిఫ్ట్‌గా ఐదు లీటర్ల పెట్రోల్ క్యాన్‌ను బహుమతిగా ఇచ్చారు. దీంతో అక్కడున్న వారందరూ సంభ్రమాశ్చర్యాలకు లోనయ్యారు. ఈ ఘనట తమిళనాడులో జరిగింది.

తమిళనాడులోని చిదంబరంలో ఆదివారం ఓ జంటకి పెళ్లి అవ్వగా.. పెళ్లి కొడుకు స్నేహితులు 5లీటర్ల పెట్రోల్‌ను బహుకరించారు. ఈ బహుమానంపై పెళ్లికూతురు, పెళ్లికొడుకు కూడా ఆనందం వ్యక్తం చేశారు. అయితే పెట్రోల్ ధరలను అదుపు చేయడంలో కేంద్ర ప్రభుత్వ వైఫల్యంపై సర్వాత్రా విమర్శలు వస్తున్న విషయం తెలిసిందే.



మండిపోతున్న పెట్రోల్, డీజిల్ ధరలు

Updated By ManamMon, 09/17/2018 - 10:16

Petrol, Dieselన్యూఢిల్లీ: దేశవ్యాప్తంగా పెట్రోల్, డీజిల్ ధరలు రోజురోజుకు పెరిగిపోతున్నాయి. ముంబైలో లీటర్ పెట్రోల్ ధర రూ.89.44, డీజిల్ రూ.77.58లతో ఆల్‌టైమ్ రికార్డుకు చేరింది. ఇక రాజధాని ఢిల్లీలో లీటర్ పెట్రోల్ రూ.82.06, డీజిల్ రూ.73.78.. హైదరాబాద్‌లో పెట్రోల్ రూ.85.88, డీజిల్ రూ.78.98.. విజయవాడలో లీటర్ పెట్రోల్ ధరలు రూ.86.82, డీజిల్ రూ.78. 28గా ఉన్నాయి. మరోవైపు రోజురోజుకు పెరుగుతున్న డీజిల్, పెట్రోల్ ధరలపై ఆగ్రహం వ్యక్తం చేస్తున్న ప్రజలు.. ప్రత్యామ్నాయ మార్గాలను వెతుకుతున్నారు.



విమానమైన విత్తనం

Updated By ManamSat, 09/15/2018 - 01:09
  • జత్రోఫా చమురుతో ఎగురుతున్న స్పైస్‌జెట్ విమానం  

ప్రతిరోజూ సగటు భారతీయుడు గుండెలు అరచేతిలో పెట్టుకుని ఈ ‘పెట్రోబాంబు’ దాడి నుంచి తనను తాను కాపాడుకోవడానికి నానాతంటాలు పడుతుంటాడు. దేశం ఎదుర్కొంటున్న పెట్రో సమస్యలకు శాశ్వత పరి ష్కారం అంటూ ఏదీ దొర క్కపోయినా, తాత్కాలిక ఉపశమనం అయినా దొరికి తే చాలునని భావించే వారికి ‘సహజఇంధనం’ ఒక వరంలా కని పిస్తోంది. మొక్కలు, జంతు వుల నుంచి సేకరించే ఇంధనాన్ని సహజ ఇంధ నం అంటారు. సహజ ఇంధన ఉత్పత్తి పెంచే ఆలోచనలో భాగంగానే 2003లో ఛత్తీస్‌గఢ్ ముఖ్యమంత్రి ‘జత్రో ఫా’ సాగును ఒక ఉద్యమ స్థాయిలో ప్రారంభించారు. కేంద్రప్రభుత్వం  వృక్షసంబంధిత సహజ ఇంధనంగా జత్రోఫాను 2009లో గుర్తించింది. సంప్రదాయ డీజిల్‌కు 20 శాతం జత్రోఫా చమురును కలపడం ద్వారా 2017 నాటికి బయోడీజిల్ ఉత్పాదనను మరింతగా పెంచాలని నేషనల్ బయోడీ జిల్ మిషన్ నిర్ణయించింది. 

image


‘జత్రోఫా కర్కాస్’ అనేది మెక్సికో, అమెరికాల్లో విరివి గా కనిపించే ఒక మొక్క. అయితే ఇది భారతదేశంలోని బంజరు భూముల్లో చక్కగా పెరుగుతుందని తెలుసుకున్న తరువాత బయో డీజిల్ తయారీకి జత్రోఫాను ఉపయోగించడం ఎక్కువైంది. బయో డీజిల్ ఉత్పాదనకు జత్రోఫా చక్కటి వనరు. అందుకే దేశవ్యాప్తంగా జత్రోఫా సాగును ప్రోత్సహిస్తున్నారు. వ్యవసాయభూముల్లో కాకుం డా బంజరు భూముల్లో అతి తక్కువ ఖర్చుతో జత్రోఫా సాగు సాధ్యమవుతుండడంతో రైతులకు ఇది కల్పవృక్షమే అయింది. జత్రో ఫా వినియోగం ఎంతటి చక్కటి ఫలితాలను ఇచ్చిందంటే పదమూ డేళ్ళ క్రితం బిలాస్‌పూర్ దగ్గర ఘట్‌పెరా అనే గ్రామంలో జత్రోఫా సాగు ప్రారంభమైంది. దేశంలో 2018 నాటికల్లా ఇంధన స్వాతం త్య్రాన్ని సాధించాలన్న లక్ష్యంతో ఈ సాగు మొదలైంది. ఫలితంగా డెహ్రాడూన్ నుంచి ఢిల్లీకి సహజ ఇంధనంతో నడిచే మొదటి స్పైస్ జెట్ విమానాన్ని ప్రారంభించడం సాధ్యమైంది. ఘట్‌బెరా పొలాల నుంచి జత్రోఫా విత్తనాల్ని రాయ్‌పూర్‌కు పంపుతారు. అక్కడ విత్తనాల నుంచి చమురును సేకరించి, డెహ్రాడూన్‌లోని ‘ఇండియన్ ఇన్‌స్టిట్యూట్ ఆఫ్ పెట్రోలియం’ సంస్థకు పంపుతారు. 

జత్రోఫా మొక్క తక్కువ నీటితో చక్కగా పెరుగుతుంది. వర్షాభావ ప్రాంతాల్లో, కరవు పరిస్థితుల్లో, నిస్సారమైన భూముల్లో కూడా ఈ మొక్కలు ఆరోగ్యంగా పెరుగుతాయి. ఈ మొక్కల్ని పెంచడం ద్వారా భూమి కోతకు గురికాకుండా కాపాడుకోవచ్చు.  భారతీయ గ్రామీణులకు జత్రోఫా సాగు చక్కని ఉపాధిని కల్పిస్తోం ది. దీనికి చీడపీడల సమస్య కూడా తక్కువే. ఇన్ని లాభదాయక లక్షణాలున్న ఈ జత్రోఫా సాగు రైతుల్ని బాగా ఆకర్షిస్తోంది. తమ పొలాల్లో పండించిన విత్తనాలతో ఆకాశంలో విమానం ఎగురు తుండడాన్ని గర్వంగా భావిస్తున్నారు ఘట్‌పెరా గ్రామస్తులు. సహజ ఇంధన రంగంలో ఇలాంటి మరిన్ని శుభపరిణామాలకు స్వాగతం పలికితే, సగటు భారతీయునికి సింహస్వప్నమైన పెట్రోలు, డీజిల్ ధరల పెరుగుదల బాధ తప్పుతుంది.





Related News