hollywood

లైంగిక వేధిపుల కేసు: లొంగిపోయిన నిర్మాత 

Updated By ManamSat, 05/26/2018 - 10:29

Harvey  హాలీవుడ్ తారలను లైంగికంగా వేధించినట్లు ఆరోపణలు ఎదుర్కొన్న ప్రముఖ హాలీవుడ్ నిర్మాత హార్వీ వీన్‌స్టీన్ శుక్రవారం న్యూయార్క్ పోలీసుల ముందు లొంగిపోయాడు. ఉదయాన్నే స్టేషన్‌కు వచ్చిన వెయిన్ స్టీన్ తమ దగ్గర లొంగిపోయారని పోలీసులు తెలిపారు. ఆ తరువాత అతడిని కోర్టులో హాజరు పరచగా, రూ.6.7కోట్ల పూచీకత్తుతో కోర్టు హార్వీకి బెయిల్‌ను మంజూరు చేసింది.

అయితే హార్వీ తమను లైంగికంగా వేధించాడని ప్రముఖ నటీనటులు ఏంజెలినా జోలీ, సల్మా హయక్ సహా 80మందికిపైగా అతడిపై ఆరోపణలు చేశారు. కానీ వీన్‌స్టీన్ వాటిని ఖండిస్తూ వచ్చాడు. తాను ఎవరినీ లైంగికంగా వేధించలేదని ఆయన చెబుతూ వచ్చాడు. అయితే తాజాగా స్వయంగా వచ్చి పోలీసుల ముందు లొంగిపోవడం గమనర్హం.



హాలీవుడ్ సీక్వెల్స్.. రిలీజ్ సెంటిమెంట్‌

Updated By ManamThu, 05/17/2018 - 20:42

avataarఓ సినిమా ఘ‌న‌విజ‌యం సాధిస్తే.. దానికి కొన‌సాగింపుగా సీక్వెల్ పేరుతో మ‌రిన్ని సినిమాలు రావ‌డం స‌హ‌జం. టాలీవుడ్‌లో ఇలాంటి ట్రెండ్ ఇటీవ‌ల కాలంలో పుంజుకుంటే.. కోలీవుడ్‌లోనూ, బాలీవుడ్‌లోనూ మ‌న కంటే ముందే ఈ ట్రెండ్ స‌క్సెస్‌ఫుల్‌గా మొద‌లైంది. ఇక సినిమాల‌కు పుట్టినిల్లు అయిన హాలీవుడ్ గురించి చెప్పాలంటే.. అస‌లు ఈ త‌ర‌హా సినిమాలు రావ‌డం మొద‌లైందే అక్క‌డ‌నే చెప్పాలి. విజ‌య‌వంత‌మైన సినిమాకి సీక్వెల్ రావ‌డం స‌హ‌జ‌మైనా.. మొద‌టి భాగం ఏ నెల‌లో విడుద‌లైందో స‌రిగ్గా అదే నెల‌లో సీక్వెల్‌ సినిమాలు రావ‌డం అరుదు. అయితే గ్లోబ‌ల్ బాక్సాఫీస్‌ను షేక్ చేసిన ‘జురాసిక్‌ వరల్డ్‌’, 'అవ‌తార్' చిత్రాల సీక్వెల్‌లు మాత్రం తొలి భాగం విడుద‌లైన నెల‌లోనే తెర‌పై సంద‌డి చేసేందుకు ముస్తాబ‌వుతున్నాయి. 'జురాసిక్ వ‌రల్డ్' సీక్వెల్స్‌ హాలీవుడ్ వేస‌వి సీజ‌న్‌ను టార్గెట్ చేసుకుని జూన్‌లో విడుద‌ల‌వుతుంటే.. 'అవ‌తార్' సీక్వెల్స్ క్రిస్మ‌స్ సీజ‌న్‌ను టార్గెట్ చేసుకుని డిసెంబ‌ర్‌లో రిలీజ్ అవుతున్నాయి. కాస్త ఆ వివ‌రాల్లోకి వెళితే..

‘జురాసిక్‌ పార్క్‌’ సిరీస్‌లో భాగంగా ఇప్పటి వరకు నాలుగు సినిమాలు ప్రేక్ష‌కుల ముందుకు వచ్చాయి. అవే.. ‘జురాసిక్‌ పార్క్‌’ (1993), ‘ది లాస్ట్‌ వరల్డ్‌: జురాసిక్‌ పార్క్‌’ (1997), ‘జురాసిక్‌ పార్క్‌-3’ (2001), ‘జురాసిక్‌ వరల్డ్‌’ (2015). ఈ సిరీస్‌లో ఐదో చిత్రంగా ‘జురాసిక్‌ వరల్డ్‌: ది ఫాలెన్‌ కింగ్‌డమ్‌’ (2018) రాబోతోంది. ఇంకా చెప్పాలంటే.. ‘జురాసిక్‌ వరల్డ్‌’కి సీక్వెల్‌గా ‘జురాసిక్‌ వరల్డ్‌: ది ఫాలెన్‌ కింగ్‌డమ్‌’ రూపొందింది. జె.ఎ. బయోనా దర్శకత్వం వహించిన ఈ సినిమా జూన్ 22న ప్రపంచ వ్యాప్తంగా విడుదల కానుంది. అలాగే ‘జురాసిక్ వరల్డ్‌’లో మూడో చిత్రంగా రాబోతున్న ‘జురాసిక్‌ వరల్డ్ 3’ (2021) కూడా జూన్ నెల‌లోనే తెర‌పైకి రానుంది. అంటే జూన్ నెల‌లోనే 'జురాసిక్‌ వరల్డ్' సీక్వెల్స్ సంద‌డి చేయ‌నున్నాయ‌న్న‌మాట‌. విశేష‌మేమిటంటే.. ‘జురాసిక్‌ వరల్డ్‌’ కూడా జూన్ నెల‌లోనే సంద‌డి చేసింది. ఒక‌విధంగా.. ‘జురాసిక్‌ వరల్డ్‌’ సంద‌డంతా జూన్ నెల‌కే ప‌రిమిత‌మ‌వుతోంద‌న్న‌మాట‌.

ఇక జేమ్స్ కామెరాన్ ఎపిక్ సైన్స్ ఫిక్ష‌న్ 'అవ‌తార్‌' విష‌యానికి వ‌స్తే.. 2009లో క్రిస్మ‌స్ కానుక‌గా డిసెంబ‌ర్ నెల‌లో సంద‌డి చేసిందీ చిత్రం. పండోర అంటూ ఓ కొత్త ప్ర‌పంచాన్ని ప‌రిచ‌యం చేసిన ఈ సినిమా గ్లోబ‌ల్ బాక్సాఫీస్ వ‌ద్ద స‌రికొత్త రికార్డులు సృష్టించింది. అలాంటి ఈ సినిమాకి సీక్వెల్స్ రూపొందించే ప‌నిలో ఉన్నారు జేమ్స్‌. విశేష‌మేమిటంటే.. ఈ సినిమాల‌న్నిటిని కూడా డిసెంబ‌ర్ నెల‌లోనే విడుద‌ల చేసేందుకు ఆయ‌న ప్లాన్ చేశారు. 'అవ‌తార్ 2'ను 2020 డిసెంబ‌ర్‌లోనూ.. 'అవ‌తార్ 3'ను 2021 డిసెంబ‌ర్‌లోనూ విడుద‌ల చేయ‌నున్నారు. ఇవి విడుద‌ల‌య్యాక నాలుగు, ఐదు భాగాల‌ను కూడా ప్లాన్ చేసే దిశ‌గా జేమ్స్ ఉన్నారు. 2024 డిసెంబ‌ర్‌లో 'అవ‌తార్ 4'ను.. 2025 డిసెంబ‌ర్‌లో 'అవ‌తార్ 5'ను రిలీజ్ చేసే అవ‌కాశ‌మున్న‌ట్లు ఆ మ‌ధ్య కొన్ని వార్త‌లు వ‌చ్చాయి. ఈ చిత్రాలే కాకుండా.. మ‌రికొన్ని హాలీవుడ్ చిత్రాలు కూడా ఇదే బాట‌లో వెళుతుండ‌డం విశేషం.



చ‌రిత్ర తిర‌గ‌రాస్తున్న 'అవెంజ‌ర్స్ - ఇన్ఫినిటీ వార్‌'

Updated By ManamSat, 05/05/2018 - 15:58

avengers'అవెంజ‌ర్స్‌' (2012), 'అవెంజ‌ర్స్ - ఏజ్ ఆఫ్ అల్ట్రాన్' (2015) సిరీస్‌లో మూడో చిత్రంగా వచ్చిన 'అవెంజ‌ర్స్ - ఇన్ఫినిటీ వార్‌'.. గత శుక్రవారం (ఏప్రిల్ 27న) ప్రపంచవ్యాప్తంగా విడుదలైన సంగ‌తి తెలిసిందే. థానోస్ లాంటి పవర్ ఫుల్ గ్రహాంతర వాసిని ఎదుర్కోవడానికి కెప్టెన్ అమెరికా, థోర్‌, ఐర‌న్ మ్యాన్‌, బ్లాక్ పాంథ‌ర్‌, స్పైడ‌ర్ మ్యాన్‌, హ‌ల్క్‌ లాంటి సూప‌ర్ హీరోలు చేసిన సాహసాల నేప‌థ్యంలో ఈ యాక్ష‌న్‌ ఎంటర్‌టైనర్ తెర‌కెక్కింది. విడుదలైన రోజునుంచి ప్రపంచవ్యాప్తంగా కలెక్షన్ల సునామీని సృష్టిస్తూ.. కేవలం 11 రోజుల్లోనే $1 బిలియన్ ఫీట్‌ను సాధించే దిశగా పరుగులు తీస్తోంది ఈ చిత్రం. ఈ రికార్డు ఇంతవరకు ‘స్టార్ వార్స్‌ - ద ఫోర్స్ అవేక‌న్స్’ (12 రోజులు) పేరు మీద ఉండగా.. ఇప్పుడు 'అవెంజ‌ర్స్ - ఇన్ఫినిటీ వార్‌' ఈ రికార్డును అధిగమించి అత్యంత వేగంగా $1 బిలియన్‌ను రాబట్టిన చిత్రంగా చరిత్ర సృష్టించబోతోంది.



'అవెంజ‌ర్స్ - ఇన్ఫినిటీ వార్' రివ్యూ

Updated By ManamThu, 04/26/2018 - 17:40

avengersచిత్రం- అవెంజ‌ర్స్ - ఇన్ఫినిటీ వార్ (తెలుగు డ‌బ్బింగ్‌)
న‌టీన‌టులు - జోష్ బ్రోలిన్‌, రాబ‌ర్ట్ డౌనీ జూనియ‌ర్‌, క్రిస్ హెమ్స్ వ‌ర్త్‌, మార్క్ రుప్ఫ‌లో, క్రిస్ ఎవాన్స్‌, స్కార్లెట్ జాన్స‌న్‌, బెనెడిక్ట్ కుంబ‌ర్ బ్యాచ్‌, ఛాద్విక్ బోస్‌మేన్‌, ఎలిజ‌బెత్ ఓల్‌సెన్‌, జోయ్ స‌ల్డానా త‌దిత‌రులు
సంగీతం - అలాన్ సిల్వెస్ట్రీ
ఛాయాగ్రహ‌ణం -ట్రెంట్ ఒప‌లోచ్‌
ద‌ర్శ‌క‌త్వం - ఆంటోనీ రూస్సో, జో రూస్సో
నిర్మాణ సంస్థ - మార్వెల్ స్టూడియోస్‌
విడుద‌ల తేది - 27 ఏప్రిల్ 2018
నిడివి - 149 నిమిషాలు

ఒక సూప‌ర్ హీరో తెర‌పై క‌నిపిస్తేనే క‌ళ్ళు తిప్పుకోలేని ప‌రిస్థితి. అలాంటిది.. మ‌నకు తెలిసిన సూప‌ర్ హీరోలంద‌రూ తెర‌పై క‌నిపిస్తే.. అది మాట‌ల‌కు అంద‌ని అనుభూతి. ఇక ఈ సూప‌ర్ హీరోలంద‌రూ అత్యంత శ‌క్తిశాలి అయిన ప్ర‌తినాయ‌కుడితో పోరాడుతుంటే.. అది వ‌ర్ణ‌న‌ల‌కు అంద‌ని అనుభ‌వ‌మే. ఇలాంటి అనుభూతిని అందించేందుకు మార్వెల్ స్టూడియోస్ చేసిన భారీ బ‌డ్జెట్ ప్ర‌య‌త్న‌మే 'అవెంజ‌ర్స్ - ఇన్ఫినిటీ వార్‌'. 2012లో వ‌చ్చిన 'అవెంజ‌ర్స్‌', 2015లో వ‌చ్చిన 'అవెంజ‌ర్స్ - ఏజ్ ఆఫ్ అల్ట్రాన్' సిరీస్‌లో మూడో చిత్రంగా ఈ సినిమా శుక్ర‌వారం ప్రేక్ష‌కుల ముందుకు రానుంది. ఈ చిత్రం తెలుగు డ‌బ్బింగ్ వెర్ష‌న్‌పై 'మ‌నం' అందిస్తున్న ప్రివ్యూ తాలుకూ స‌మీక్ష మీ కోసం..

క‌థాంశం
avengersథానోస్ (జోష్ బ్రోలిన్‌) టైటాన్ గ్ర‌హానికి చెందిన వాసి. త‌మ‌ గ్ర‌హంలోని ప్ర‌జ‌లు స‌రైన వ‌న‌రులు లేక‌పోవ‌డం వ‌ల్ల ప‌డుతున్న ఇబ్బందుల‌ను చూసి.. వారి సంఖ్య‌ను స‌గానికి సగం త‌గ్గిస్తే ప‌రిష్కారం దొరుకుతుంద‌ని భావిస్తాడు. అందుకోసం ఊచ‌కోత‌కు కూడా వెనుకాడ‌డు. ఈ ఊచ‌కోత‌ను త‌మ గ్ర‌హానికే ప‌రిమితం చేయ‌కుండా.. విశ్వ‌మంతా కొన‌సాగించాల‌నుకుంటాడు. విశ్వంలోని జ‌నాభాని స‌గానికి త‌గ్గించ‌డం కోసం థానోస్ త‌న సైన్యంతో బ‌రిలోకి దిగుతాడు. అలాగే.. ఆత్మ‌, శ‌క్తి, బుద్ధి, కాల‌.. ఇలా ఆరు ర‌కాల అనంత మ‌ణులు త‌న వ‌శ‌మైతే.. ఈ ప్ర‌య‌త్నానికి విశ్వంలోని మ‌రెవ‌రూ అడ్డురార‌ని ఆ దిశ‌గా ప్ర‌య‌త్నాలు చేస్తుంటాడు. ఒక‌వైపు.. ఆ మ‌ణుల‌ను సొంతం చేసుకునే ప్రాసెస్‌లో థానోస్ ఉంటే.. మ‌రోవైపు థానోస్‌ను ఎదుర్కోవ‌డానికి అవెంజ‌ర్స్ (సూప‌ర్ హీరోల కూట‌మి) సిద్ధ‌మ‌వుతారు. మ‌రి.. థానోస్ సైన్యానికి, అవెంజ‌ర్స్‌కు మ‌ధ్య జ‌రిగే ఈ పోరులో ఎవ‌రు విజ‌యం సాధించారు?  థానోస్‌కు ఆరు మ‌ణులు వ‌శ‌మ‌య్యాయా?  లేదా? అనేది తెలియాలంటే సినిమా చూడాల్సిందే.

విశ్లేష‌ణ‌
ఊహాజ‌నిత ప్ర‌పంచానికి చెందిన పాత్ర‌ల‌తో సినిమాలు తీసేట‌ప్పుడు.. ఆయా చిత్రాల‌కు బోలెడంత స్వేచ్ఛ ఉంటుంది. అంతేగాకుండా.. మ్యాజిక్స్ త‌ప్ప లాజిక్స్‌కు స్కోప్‌లేని ఈ త‌ర‌హా స‌బ్జెక్ట్‌లు.. సాధ్య‌మైనంత వ‌ర‌కు ప్రేక్ష‌కుల‌ను విజువ‌ల్స్‌తో విస్మ‌యానికి గురిచేయ‌గ‌లిగితే చాలు.. విజ‌యం ఖాయం. అందుకే.. సాదాసీదా క‌థ‌లతోనూ 'బాహుబ‌లి' వంటి సినిమాలు అద్భుతాలు సృష్టించాయి. ఇక సినిమాల‌కు పుట్టిల్లు అయిన హాలీవుడ్‌లో అయితే.. ఈ త‌ర‌హా చిత్రాలు కోకొల్ల‌లు. అందుకే.. మార్వెల్ స్టూడియోస్‌ సంస్థ గ‌త ప‌దేళ్ళుగా సూప‌ర్ హీరోల చిత్రాల‌తో సంచ‌ల‌న విజ‌యాల‌ను న‌మోదు చేసుకుంటోంది. ఇక‌.. సూప‌ర్ హీరోలంతా ఒకే సినిమాలో ఉంటే.. ఆ సినిమా క్రేజ్ ఎలా ఉంటుందో.. ఇప్ప‌టికే అవెంజ‌ర్స్ రెండు భాగాలు నిరూపించాయి. మూడో చిత్రంలోనూ ఆ మ్యాజిక్ రిపీట్ చేశారు ద‌ర్శ‌కులు.

కెప్టెన్ అమెరికా, థోర్‌, ఐర‌న్ మ్యాన్‌, బ్లాక్ పాంథ‌ర్‌, స్పైడ‌ర్ మ్యాన్‌, హ‌ల్క్‌.. ఇలా ప‌లు సూప‌ర్ హీరో పాత్ర‌ల‌తో బోలెడంత యాక్ష‌న్‌కు స్కోప్ ఇచ్చారు. ఇక ప్ర‌తినాయ‌కుడి పాత్ర థానోస్ కూడా చాలా ప‌వ‌ర్‌ఫుల్‌గా ఉండ‌డంతో.. సినిమా మ‌రింత ర‌స‌వ‌త్త‌రంగా త‌యార‌య్యింది. సూప‌ర్ హీరోల యాక్ష‌న్ సీక్వెన్స్‌.. అలాగే వాకాండాలో చోటుచేసుకునే ప‌తాక స‌న్నివేశాల్లోని యుద్ధాలు క‌ట్టిప‌డేస్తాయి. అదేవిధంగా.. థానోస్‌, త‌న ద‌త్త పుత్రిక‌ గ‌మోరా (జోయ్ స‌ల్డానా) మ‌ధ్య వ‌చ్చే ఎమోష‌న‌ల్ సీన్స్ హృద‌యానికి హ‌త్తుకునేలా ఉంటాయి. బ్యాక్‌గ్రౌండ్ స్కోర్‌, విజువ‌ల్స్‌, ఛాయాగ్ర‌హ‌ణం, నిర్మాణ విలువ‌లు.. ఇలా అన్ని అంశాల్లోనూ సినిమా ఉన్న‌తంగా ఉంది.

ఇక‌ న‌ట‌న విష‌యానికి వ‌స్తే.. ప్ర‌తి ఒక్క‌రూ త‌మ పాత్ర‌ల‌కి న్యాయం చేశారు. ఇక థానోస్ పాత్ర‌కి రానా అందించిన వాయిస్ ఓవ‌ర్.. ఆ పాత్ర‌కి మ‌రింత ప్ల‌స్ అయ్యింది. 'నీ శ్వాస కూడా మోసం చేస్తోంది', 'క‌ఠిన నిర్ణ‌యాల‌కు సంక‌ల్ప బ‌లం బాగుండాలి', 'వాస్త‌వం నిరాశ‌ప‌రుస్తుంది.. అదే వాస్త‌వం' వంటి డైలాగులు బాగున్నాయి.  తెలుగు నేటివిటీ తీసుకురావ‌డం కోసం.. 'బ‌హు ప‌రాక్‌', 'పిచ్చ స‌చ్చినోళ్ళు' వంటి ప‌ద ప్ర‌యోగాలు చేయ‌డం బాగుంది. అలాగే గెలాక్సీకి చెందిన ఓ పాత్ర బాహుబ‌లి పేరుని ప్ర‌స్తావించ‌డం.. అదే పాత్ర మ‌రో చోట తొడ‌గొట్ట‌డాలు, త‌ల న‌రుక్కోవ‌డాలు అంటూ తెలుగు సినిమాల తాలుకూ వాతావ‌ర‌ణాన్ని గుర్తు చేయ‌డం బాగుంది. ఓవ‌రాల్‌గా.. టార్గెట్ ఆడియ‌న్స్ (పిల్ల‌లు)కు ఈ సూప‌ర్ హీరోల చిత్రం విందు భోజ‌న‌మే. పిల్ల‌లు మెచ్చే సినిమా అంటే.. పెద్ద‌లు కూడా రావాలి కాబ‌ట్టి.. అస‌లే అడ్వాన్స్ బుకింగ్ రూపంలో ఇప్ప‌టికే సంచ‌నాలు సృష్టిస్తున్న ఈ సినిమా.. ఘ‌న‌విజ‌యం సాధిస్తుంద‌న‌డంలో ఎలాంటి అతిశ‌యం లేదు. అయితే.. సూప‌ర్ హీరోల కంటే థానోస్‌నే హైలెట్ చేసిన ఈ సినిమా.. త‌రువాతి భాగంలో అయినా సూప‌ర్ హీరోల అభిమానుల‌ను పూర్తి స్థాయిలో అల‌రిస్తుందేమో చూడాలి.

ప్ల‌స్ పాయింట్స్‌
థానోస్ పాత్ర 
రానా డ‌బ్బింగ్‌
క‌ళ్ళు చెదిరే గ్రాఫిక్స్‌
వార్ సీక్వెన్స్‌
నేప‌థ్య సంగీతం 
నిర్మాణ విలువ‌లు

మైన‌స్ పాయింట్స్‌
అక్క‌డ‌క్క‌డ గంద‌ర‌గోళం
స్లో నేరేష‌న్‌

చివ‌ర‌గా:  ఇది.. థానోస్‌ వార్‌
రేటింగ్‌: 4/5



‘టైటానిక్’ రికార్డుని బ‌ద్ద‌లుగొట్టిన‌ ‘బ్లాక్ పాంథ‌ర్‌’

Updated By ManamMon, 04/09/2018 - 23:45

black pantherమార్వెల్ కామిక్స్ ఆధారంగా తెర‌కెక్కిన అమెరిక‌న్ సూప‌ర్ హీరో ఫిలిమ్ ‘బ్లాక్ పాంథ‌ర్‌’. రియాన్ కూగ్లేర్ ద‌ర్శ‌క‌త్వం వ‌హించారు. ఫిబ్ర‌వ‌రి 16న విడుద‌లైన ఈ సినిమా ప్ర‌పంచ‌వ్యాప్తంగా సినీ ప్రేమికుల‌ను విశేషంగా ఆక‌ట్టుకుంటోంది. క‌లెక్ష‌న్‌ల‌లో కూడా దూసుకుపోతూ.. బాక్సాఫీస్ ద‌గ్గ‌ర స‌త్తా చాటుతోంది. ఇప్ప‌టివ‌ర‌కు $1.29 బిలియ‌న్ క‌లెక్ష‌న్‌ల‌ను సాధించి ప్ర‌పంచంలో టాప్ 10 చిత్రాల్లో ఒక‌టిగా నిలిచింది. అంతేగాకుండా.. నార్త్ అమెరిక‌న్ బాక్సాఫీస్ వ‌ద్ద టాప్ 3లో స్థానం సంపాదించింది. ‘స్టార్ వార్స్: ది ఫోర్స్ అవేక‌న్స్’ ($936.7) మొద‌టి స్థానంలో ఉండ‌గా.. ‘అవ‌తార్’ ($760.5) రెండో స్థానంలో నిలిచింది. అంత‌కుముందు మూడో స్థానంలో ‘టైటానిక్’ ($659.4) ఉంటే.. ఇప్పుడు  'టైటానిక్‌'ను వెన‌క్కినెట్టి ‘బ్లాక్ పాంథ‌ర్’ ($665.4) ఆ మూడో స్థానాన్ని ఆక్ర‌మించుకుంది.



'జురాసిక్‌ వరల్డ్‌: ది ఫాలెన్‌ కింగ్‌డమ్‌’ వ‌చ్చేస్తోంది  

Updated By ManamThu, 04/05/2018 - 20:09

jurassic world ‘జురాసిక్‌ పార్క్‌’ సిరీస్‌లో భాగంగా ఇప్పటి వరకు నాలుగు సినిమాలు ప్రేక్ష‌కుల ముందుకు వచ్చాయి. అవే.. ‘జురాసిక్‌ పార్క్‌’ (1993), ‘ది లాస్ట్‌ వరల్డ్‌: జురాసిక్‌ పార్క్‌’ (1997), ‘జురాసిక్‌ పార్క్‌-3’ (2001), ‘జురాసిక్‌ వరల్డ్‌’ (2015). ఈ సిరీస్‌లో ఐదో చిత్రంగా ‘జురాసిక్‌ వరల్డ్‌: ది ఫాలెన్‌ కింగ్‌డమ్‌’ (2018) రాబోతోంది. ‘జురాసిక్‌ వరల్డ్‌’కి సీక్వెల్‌గా ఈ మూవీ రూపొందింది. జె.ఎ. బయోనా దర్శకత్వం వహించారు. ఫ్రాంక్ మార్షల్, పాట్రిక్ క్రౌలీ, బెలెన్ అటియెంజా నిర్మాతలుగా వ్య‌వ‌హ‌రిస్తున్నారు. క్రిస్ ప్రాట్, బ్రైస్ డల్లాస్‌ హోవర్డ్‌, బి.డి.వాంగ్‌, జేమ్స్ క్రోమ్వేల్, టెడ్ లేవినె, జెఫ్ గోల్డ్‌బ్లమ్‌, కెవిన్ లైన్ ప్ర‌ధాన‌ పాత్రల్లో నటించారు. ఇప్పటికే విడుదలైన ట్రైలర్ ప్రేక్షకులను ఆకట్టుకుంటోంది. కాగా ఈ సినిమా జూన్ 7న యుకెలో రిలీజ్ కానుండగా.. జూన్ 22న యుకె మినహా ప్రపంచ వ్యాప్తంగా విడుదల కానుంది.

ఇదిలా ఉంటే.. జురాసిక్ సిరీస్‌లో ఆరో సినిమాగానూ.. ‘జురాసిక్ వరల్డ్‌’లో మూడో చిత్రంగానూ మ‌రో సినిమా రాబోతోంది. అదే.. ‘జురాసిక్‌ వరల్డ్‌ 3’. కొలిన్ ట్రేవోరౌ ఈ సినిమాకి దర్శకత్వం వహించబోతున్నారు. జూన్ 11, 2021న ఈ సినిమా తెర‌పైకి రానుంది.  

 



'ద‌ సౌండ్ ఆఫ్ మ్యూజిక్' ఫ్యామిలీ అమేజింగ్‌.. ఆర్జీవీ కామెంట్‌

Updated By ManamSun, 04/01/2018 - 14:46

sound of musicబెస్ట్ పిక్చ‌ర్‌, బెస్ట్ డైరెక్ట‌ర్‌, బెస్ట్ మ్యూజిక్‌, బెస్ట్ సౌండ్ రికార్డింగ్‌, బెస్ట్ ఫిల్మ్ ఎడిటింగ్‌.. ఇలా ఐదు విభాగాల్లో అకాడ‌మీ (ఆస్కార్) అవార్డ్స్ పొందిన ఆంగ్ల చిత్రం 'ద‌ సౌండ్ ఆఫ్ మ్యూజిక్‌'. 1965లో విడుద‌లైన ఈ మ్యూజిక‌ల్ డ్రామాలో వాన్ ట్రాప్ ఫ్యామిలీ చేసిన సంద‌డి అంతా ఇంతా కాదు. రాబ‌ర్ట్ వైస్ నిర్మించి ద‌ర్శ‌క‌త్వం వ‌హించిన ఈ సినిమాలో జూలీ ఆండ్రూస్‌, క్రిస్టోఫ‌ర్ ప్ల‌మ్మ‌ర్ ప్ర‌ధాన పాత్ర‌ల్లో న‌టించారు.

ఇదిలా ఉంటే.. వాన్ ట్రాప్ ఫ్యామిలీ దిగిన ఫొటో ఆర్డ‌ర్‌లోనే దాదాపు యాభై ఏళ్ళ త‌రువాత ఆ టీమ్ ఫ్యామిలీ ఫొటో దిగింది. దీనిని సంచ‌ల‌న ద‌ర్శ‌కుడు రామ్‌గోపాల్ వ‌ర్మ ఈ రోజు (ఆదివారం) త‌న ట్విట్ట‌ర్ ఖాతాలో షేర్ చేశారు. మ‌ళ్ళీ 50 ఏళ్ళ త‌రువాత అదే ఆర్డ‌ర్‌లో వాన్ ట్రాప్ ఫ్యామిలీ ఫొటో దిగ‌డం అమేజింగ్ అంటూ ఆయ‌న వ్యాఖ్యానించారు.



సీక్వెల్ మ్యాజిక్ రిపీట్ చేస్తుందా?

Updated By ManamSat, 03/31/2018 - 19:03

mamma miaస‌రిగ్గా ప‌దేళ్ళ క్రితం విడుద‌లై.. సంచ‌ల‌న విజ‌యం సాధించిన హాలీవుడ్ మూవీ ‘మామ్మా మియా’. మెరిల్ స్ట్రీప్‌, పియర్స్ బ్రోస్నాన్ (జేమ్స్ బాండ్), అమందా మిషెల్లీ సెఫ్రైడ్ ప్రధాన పాత్రల్లో న‌టించిన ఈ సినిమాకి ఇప్పుడు సీక్వెల్ రాబోతోంది. అదే.. ‘మామ్మా మియా - హియ‌ర్ వి గో ఎగైన్‌’. మొద‌టి భాగానికి ఫిల్లిడా లాయిడ్ ద‌ర్శ‌క‌త్వం వ‌హించ‌గా.. రెండో భాగానికి ఓ.ఐ. పార్కర్ దర్శకత్వం వహిస్తున్నారు. తొలి చిత్రాన్ని నిర్మించిన జూడీ క్రేమ‌ర్‌, గ్యారీ గోయిట్జ్‌మ‌న్‌ ఈ సీక్వెల్‌ను కూడా నిర్మిస్తున్నారు. దాదాపు 52 మిలియ‌న్ డాల‌ర్ల‌తో రూపొందిన ఈ మ్యూజిక‌ల్ రొమాంటిక్ కామెడీ ఫిల్మ్‌.. గ్లోబ‌ల్ బాక్సాఫీస్ వ‌ద్ద‌ 615.7 మిలియ‌న్ డాల‌ర్లు ఆర్జించింది. మ‌రి కొత్త చిత్రం ఏ స్థాయిలో విజ‌యం సాధిస్తుందో చూడాలి.

ఆస‌క్తిక‌ర‌మైన విష‌య‌మేమిటంటే.. ప‌దేళ్ళ క్రితం ‘మామ్మా మియా’ ఏ నెల‌లో విడుద‌లైందో.. స‌రిగ్గా అదే నెల‌లో ఈ సీక్వెల్ రాబోతోంది. ‘మామ్మా మియా’ జూలై 18న విడుద‌ల కాగా.. ఈ సీక్వెల్ ఈ జూలై 20న ప్రేక్ష‌కుల ముందుకు రానుంది. ఈ రెండు చిత్రాల్లో ప్ర‌ధాన పాత్ర పోషించిన అమందా ఈ సినిమాపై చాలా ఆశ‌లే పెట్టుకుంది.



ఏంజెలీనా మ‌ళ్ళీ డేటింగ్ చేస్తోంది

Updated By ManamWed, 03/28/2018 - 18:34

angelina jolieహాలీవుడ్ న‌టి ఏంజెలీనా జోలీ, ఆమె భర్త (హాలీవుడ్ నటుడు) బ్రాడ్ పిట్ రెండు సంవత్సరాల క్రితమే విడిపోయిన సంగ‌తి తెలిసిందే. ప్రస్తుతం ఏంజెలీనా ఓ రియల్ ఎస్టేట్ ఏజెంట్‌తో డేటింగ్ చేస్తున్న‌ట్టు సమాచారం. కొంచెం ఓల్డ్ లుక్‌లో అందంగా కనిపించే ఆ ఏజెంట్‌ అంత ప్రముఖమైన వ్యక్తి కాదు.. సొసైటీలో త‌క్కువ‌ ప్రొఫైల్‌లో ఉన్న వ్యక్తి అని తెలుస్తోంది.

ఓ ప్రముఖ హాలీవుడ్‌ వెబ్‌సైట్ కథనం ప్రకారం.. ఆ వ్యక్తి లాస్ ఏంజిల్స్‌కు చెందినవాడని.. ఏంజెలీనా ఆరుగురు పిల్లల (పిట్ - మెడాక్స్ (16), జ‌హారా (13), పాక్స్ (14), షిలా (11), 9 సంవ‌త్స‌రాల క‌వ‌ల‌లు నాక్స్, వివిన్నీ) కోసం ఎక్కువ సమయం కేటాయించడానికి అక్క‌డ‌కి వస్తున్న స‌మ‌యంలో.. వారిద్దరి మధ్య సంబంధం ఏర్పడి ఉండొచ్చంటూ వివరించింది. గతంలో బ్రాడ్ పిట్‌తో కూడా ఏంజెలీనా అచ్చం ఇలానే డేటింగ్ చేసి.. భార్యాభర్తలుగా కొంత‌కాలం పాటు కలిసున్నారని ఈ వెబ్‌సైట్ గుర్తుచేసింది.



టాప్ 5లో 'బ్లాక్ పాంథ‌ర్‌'

Updated By ManamMon, 03/26/2018 - 17:36

black pantherబ్లాక్ పాంథ‌ర్‌.. ఫిబ్ర‌వ‌రి 16న విడుద‌లైన ఈ హాలీవుడ్ మూవీ ప్ర‌పంచ‌వ్యాప్తంగా వ‌సూళ్ళ వ‌ర్షం కురిపిస్తోంది. ఇప్ప‌టికే బిలియ‌న్ డాల‌ర్ల క్ల‌బ్‌లో చేరిన 33వ చిత్రంగా నిలిచిన 'బ్లాక్ పాంథ‌ర్‌'.. తాజాగా మ‌రో రికార్డుని కూడా సొంతం చేసుకుంది. నార్త్ అమెరికాలోని ఆల్ టైమ్ బాక్సాఫీస్ చార్ట్స్‌లో టాప్ 5లో స్థానం ద‌క్కించుకుంది. 'స్టార్ వార్స్ ది ఫోర్స్ ఎవేన్స్' 936 మిలియ‌న్ డాల‌ర్ల‌తో మొద‌టి స్థానంలో ఉంటే.. 'అవ‌తార్' 760 మిలియ‌న్ డాల‌ర్ల‌తో రెండో స్థానంలోనూ.. 'టైటానిక్' 659 మిలియ‌న్ డాల‌ర్ల‌తో మూడో స్థానంలోనూ.. 'జురాసిక్ వ‌రల్డ్' 652 మిలియ‌న్ డాల‌ర్ల‌తో నాలుగో స్థానంలో ఉన్నాయి. 'బ్లాక్ పాంథ‌ర్' 631 మిలియ‌న్ డాల‌ర్ల‌తో ఐదో స్థానంలో నిలిచింది. రియాన్ కూగ్ల‌ర్ ద‌ర్శ‌క‌త్వంలో రూపొందిన ఈ అమెరిక‌న్ సూప‌ర్‌హీరో మూవీలో ఛాద్విక్ బోస్‌మ‌న్‌, మైఖేల్ బి.జోర్డాన్ ముఖ్య పాత్ర‌ల్లో న‌టించారు.   





Related News