supreme court

హక్కుల కార్యకర్తల అరెస్టు.. సుప్రీం తీర్పు వాయిదా

Updated By ManamThu, 09/20/2018 - 22:04

supreme-courtన్యూఢిల్లీ: బీమా కోరేగావ్ అల్లర్ల కేసులో అరెస్టయిన ఐదుగురు హక్కుల కార్యకర్తలను విడుదల చేయాలంటూ దాఖలైన కేసులో సుప్రీంకోర్టు తన తీర్పును రిజర్వులో పెట్టింది. హక్కుల కార్యకర్తలకు మావోయిస్టులతో సంబంధాలున్నాయనే ఆరోపణలపై ప్రత్యేక దర్యాప్తు బృందం (సిట్)ను ఏర్పాటు చేయాలా? వద్దా? అనే అంశంపై తుది తీర్పులో వెల్లడించింది. హక్కుల కార్యకర్తలను అరెస్టు చేయడాన్ని సవాలు చేస్తూ ప్రముఖ చరిత్రకారిని రోమిల్లా థాపర్, ఇతరులు వేసిన పిటిషన్‌పై చీఫ్ జస్టిస్ దీపక్ మిశ్రా, జస్టిస్ ఏఎం ఖాన్విల్కర్, జస్టిస్ డీవై చంద్రచూడ్‌తో కూడిన ధర్మాసనం గురువారం విచారించింది. కేసు విచారణ వివరాలను (కేస్ డైరీ)ని ఈ నెల 24న కోర్టుకు సమర్పించాలని పుణె పోలీసులను ధర్మాసనం ఆదేశించింది. హక్కుల కార్యకర్తల తరఫున సీనియర్ న్యాయవాదులు అభిషేక్ మను సింఘ్వీ, హరీశ్ సాల్వే, ప్రభుత్వం తరఫున అదనపు సొలిసిటర్ జనరల్ తుషార్ మెహతా కోర్టుకు తమ వాదనలు వినిపించారు. ఈ సందర్భంగా ఆసిక్తకర వాదనలు జరిగాయి.  హక్కుల కార్యకర్తల్లో ఒకరైన రోనా విల్సన్ ల్యాప్‌టాప్ నుంచి రికవరీ చేసిన లేఖలను తుషార్ మెహతా కోర్టుకు నివేదించారుజ హార్డ్ డిస్క్ నుంచి స్వాధీనం చేసుకున్న పత్రాలు ఫోర్జ్ చేసినవి కావని ఫోరెన్సిక్ సైన్స్ ల్యాబరేటరీ రిపోర్ట్ ఇచ్చిందని కోర్టుకు తెలిపారు. అయితే ఈ లేఖలతో మొత్తం ఐదుగురు అరెస్టయినవారికి ఎలాంటి సంబంధం ఉందని ధర్మాసనం ప్రశ్నించింది. క్రిమినల్ ప్రొసీజర్ కోడ్ ప్రకారం నిష్పాక్షికంగా ఈ కేసు దర్యాప్తు జరిగిందని స్పష్టం చేశారు. ఎఫ్‌ఐఆర్‌లో ఫిర్యాదుదారుడి తరఫున వాదనలు వినిపించిన సీనియర్ న్యాయవాది హరీశ్ సాల్వే  దర్యాప్తులో సంఘ విద్రోహ చర్యలు లేదా చట్ట వ్యతిరేక చర్యలున్నట్టు తేలితే, ఆ దర్యాప్తు కొనసాగించాల్సిందేన న్నారు. ఇక పిటిషనర్ల తరఫు వాదనలు వినిపించిన సీనియర్ న్యాయవాది అభిషేక్ మను సింఘ్వి  ఈ కేసులో దర్యాప్తు తీరును ఆక్షేపించారు. 



కార్తీ చిదంబరానికి ఊరట

Updated By ManamTue, 09/18/2018 - 11:50
karti chidambaram

ఢిల్లీ : కేంద్ర మాజీమంత్రి పి.చిదంబరం కుమారుడు కార్తీ చిదంబరానికి సుప్రీంకోర్టులో ఊరట లభించింది. ఆయన విదేశాలకు వెళ్లేందుకు న్యాయస్థానం మంగళవారం అనుమతి మంజూరు చేసింది. ఈ మేరకు 10రోజుల పాటు విదేశీ పర్యటనకు నియమ, నిబంధనలతో కూడిన అనుమతిని తెలిపింది.

కార్తీ చిదంబరం ఈ నెల 20వ తేదీ నుంచి 30 వరకూ విదేశీ పర్యటనకు వెళ్లనున్నారు.  ఐఎన్‌ఎక్స్‌ మీడియాకు ఎఫ్‌ఐపిబి క్లియరెన్స్‌ మంజూరు చేయడంలో అక్రమాలకు పాల్పడినట్లు  కార్తీ చిదంబరంపై కేసు నమోదు అయిన విషయం తెలిసిందే.

మరోవైపు ఎయిర్‌సెల్ మ్యాక్సిస్ కేసు తదుపరి విచారణను ఢిల్లీ పటియాలా కోర్టు ఈ నెల 25వ తేదీకి వాయిదా వేసింది. కాగా కార్తీ చిదంబరాన్ని అరెస్ట్ నుంచి మినహాయింపును సవాల్ చేస్తూ ఎన్‌ఫోర్స్‌మెంట్ డైరెక్టరేట్ కోర్టులో సవాల్ చేసింది.



సారిడాన్‌ అమ్మకాలకు గ్రీన్ సిగ్నల్

Updated By ManamMon, 09/17/2018 - 13:38
Supreme Court allows sale of Saridon

న్యూఢిల్లీ : సారిడాన్‌ అమ్మకాలకు సుప్రీంకోర్టు అనుమతి ఇచ్చింది. సారిడాన్‌తో పాటు మరో ఔషధాల అమ్మకాలకు ఉన్నత ధర్మాసనం సోమవారం గ్రీన్ సిగ్నల్ ఇచ్చింది. కాగా ఆరోగ్యానికి హానికరమైన  సుమారు  328 పెయిన్ కిల్లర్స్, ఫిక్స్‌డ్ కాంబినేషన్ ఉన్న మందులతో పాటు మరో ఆరు ఔషధాలను కేంద్ర ఆరోగ్య శాఖ బ్యాన్ చేసింది. 

కేంద్ర ఆరోగ్య శాఖ నిషేధం విధించినవాటిలో  పెయిన్ కిల్లర్ సారిడాన్, పాన్‌డెర్మ్ స్కిన్ క్రీం, గ్లుకోనార్మ్ పీజీ అనే కాంబినేషన్ డయాబెటిస్ డ్రగ్, యాంటీ బయోటిక్ లుపీడీక్లాక్స్, యాంటీ బ్యాక్టీరియల్ ట్యాక్సిమ్ ఏజెడ్ లాంటి ఔషధాలు ఉన్నాయి. అయితే కేంద్రం నిర్ణయంపై పలు ఫార్మా కంపెనీలు సుప్రీంకోర్టును ఆశ్రయించాయి. దీనిపై విచారణ జరిపిన న్యాయస్థానం సారిడాన్‌తో పాటు మరో రెండు మందుల అమ్మకాలకు అనుమతి ఇచ్చింది.



ఇస్రో శాస్త్రవేత్తకు ఊరట

Updated By ManamFri, 09/14/2018 - 15:51
  • నంబి నారాయణన్ నిర్దోషి

  • కేరళ పోలీసులపై విచారణ

  • రూ. 50 లక్షల పరిహారం

  • గూఢచర్యం ఆరోపణలు తప్పు

  • సుప్రీంకోర్టు తుది తీర్పు

Nambi Narayanan

న్యూఢిల్లీ : ఇస్రో గూఢచర్యం కేసులో ప్రముఖ శాస్త్రవేత్త నంబి నారాయణన్‌పై తప్పుడు ఆరోపణలు మోపి ఆయనను అరెస్టుచేసిన కేరళ పోలీసు అధికారులపై విచారణ చేయాలని సుప్రీంకోర్టు ఆదేశించింది. నారాయణన్‌ను అనవసరంగా ఇబ్బంది పెట్టినందుకుగాను ఆయనకు ఇవ్వాల్సిన పరిహారాన్ని రూ. 10 లక్షల నుంచి రూ. 50 లక్షలకు పెంచుతూ సుప్రీంకోర్టు ఉత్తర్వులు ఇచ్చింది. 1994లో గూఢచర్యం ఆరోపణలతో నారయణన్‌ను కేరళ పోలీసులు అరెస్టు చేశారు. తర్వాత 1996లో సీబీఐ ఈ కేసును విచారణకు తీసుకుని, నారాయణన్‌పై ఆరోపణలకు సాక్ష్యాలు ఏవీ లేవని చెప్పడంతో ఆయనను విడుదల చేశారు. 

సీబీఐ ప్రకటన తర్వాత ఈ కేసులో ఉన్న మరో ఇస్రో శాస్త్రవేత్త డి. శశికుమారన్ సహా నిందితులందరినీ నిర్దోషులుగా విడిచిపెట్టారు. అనంతరం నారాయణన్ జాతీయ మానవహక్కుల కమిషన్‌ను ఆశ్రయించి, తనను కేరళ పోలీసులు తీవ్ర మానసిక వేదనకు గురిచేశారని ఆరోపించారు. దాంతో 2001 మార్చి 14వ తేదీన కమిషన్ ఆయనకు తాత్కాలిక ంగా రూ. 10 లక్షల పరిహారం ఇవ్వాలంటూ ఆదేశించింది.

దానిపై ఆయన సుప్రీంకోర్టులో అప్పీలు చేశారు. కేరళ పోలీసులపై విచారణ గానీ, చర్యలు గానీ అక్కర్లేదంటూ కేరళ హైకోర్టు ఇచ్చిన తీర్పును కూడా నారాయణన్ సవాలు చేశారు. పోలీసుల చర్యలపై విచారణ జరిపేందుకు సుప్రీంకోర్టు ఒక కమిటీని నియమించింది. సుప్రీంకోర్టు రిటైర్డ్ న్యాయమూర్తి డీకే  జైన్ నేతృత్వంలోని కమిటీలో కేంద్ర ప్రభుత్వం, కేరళ ప్రభుత్వ అధికారులున్నారు. 



సుప్రీం నూతన ప్రధాన న్యాయమూర్తిగా జస్టిస్ గొగోయ్

Updated By ManamFri, 09/14/2018 - 09:46

Ranjan Gogoiన్యూఢిల్లీ: సుప్రీంకోర్టు నూతన ప్రధాన న్యాయమూర్తిగా జస్టిస్‌ రంజన్‌ గొగోయ్‌ నియమితులయ్యారు. ఈ మేరకు రాష్ట్రపతి రామ్‌నాథ్‌ కోవింద్‌ ఆమోదం తెలిపారు. అక్టోబర్‌ 3న జస్టిస్‌ గొగోయ్‌ సుప్రీం ప్రధాన న్యాయమూర్తిగా బాధ్యతలు చేపట్టనున్నారు. వచ్చే ఏడాది నవంబరు 17 వరకు ఆయన ఈ పదవిలో కొనసాగనున్నారు. కాగా ప్రస్తుత సీజేఐ దీపక్‌ మిశ్రా అక్టోబర్‌ 2న పదవీ విరమణ చేయనున్న సంగతి తెలిసిందే.



డ్రగ్స్ నియంత్రణపై కేసు విచారణ

Updated By ManamMon, 09/10/2018 - 23:37

 

  • ఫిబ్రవరికి వాయిదా వేసిన సుప్రీంకోర్టు   

imageన్యూఢిల్లీ: దేశంలో అంతర్జాతీయ సంబంధాలున్న డ్రగ్స్ కేసులపై విచారణను సుప్రీం ధర్మాసనం ఫిబ్రవరి నెలకు వాయిదా వేసింది. ఈ మేరకు సోమవారం సీబీఐ విచారణ జరిపించాలని కోరుతూ కేతిరెడ్డి జగదీశ్వర్ రెడ్డి దాఖలు చేసిన పిటిషన్ పై సుప్రీంకోర్టు ప్రధాన న్యాయమూర్తి జస్టిస్ దీపక్ మిశ్రా నేతృత్వంలోని త్రిసభ్య ధర్మాసనం సోమవారం విచారణను చేపట్టింది. మాదకద్రవ్యాల నియత్రణ, దాని దుష్ప్రభావాల అధ్యయనానికి వేసిన ఉన్నతస్థాయి కమిటీ నివేదిక సమర్పించకపోవడంపై కేంద్రాన్ని ధర్మాసనం ప్రశ్నించింది.

అయితే దాని కోసం మరో 8 వారాల సమయం కావాలని కేంద్రం తరఫున న్యాయవాది కోరారు. పలుమార్లు వాయిదా వేసిన సంగతి గుర్తు చేయగా... అధ్యయనానికి ఎదురవుతున్న అడ్డంకులపై వివరించడంతో 12 వారాల సమయాన్ని ధర్మాసనం ఇచ్చింది. తెలంగాణలోనూ డ్రగ్స్ దందాల్లో పలుకుబడి ఉన్న వ్యక్తులు, సినీ ప్రముఖులు ఉన్న నేపథ్యంలో ఒత్తిడులు వచ్చే అవకాశం ఉందని, నిష్పాక్షిక విచారణ కోసం కేసును సీబీఐకి అప్పగించాలని పిటీషన్‌ల్లో విజ్ఞప్తి చేశారు. దేశంలో డ్రగ్స్ వ్యాప్తి నివారణకు జాతీయ విధానం రూపొందించడానికి కావలసిన మార్గదర్శకాలను తయారుచేయాలని ఎయిమ్స్‌ని సుప్రీం కోర్టు ఆదేశించింది.

దీనికి మరికొంత సమయం కావాలని ఎయిమ్స్ కోరగా... అందుకు 12 వారాలలోగా మార్గదర్శకాలతో కూడిన జాతీయ విధానం రూపొందించి సుప్రీంకోర్టుకు సమర్పించాలని ధర్మాసనం ఆదేశించింది. కేసు తదుపరి విచారణను ఫిబ్రవరి నెలకు వాయిదా వేసింది.



ఆ ఆరుగురు!

Updated By ManamThu, 09/06/2018 - 16:53
  • సెక్షన్ 377 రద్దుకు 35  పిటిషన్లు

  • వాటిలో ఆరుగురు ప్రముఖులు

  • ఎల్జీబీటీల స్వేచ్ఛకు నిరంతర  పోరు

  • ఎట్టకేలకు ఫలించిన పోరాటం

  • సుప్రీం తీర్పుతో ఎల్జీబీటీల హర్షం

Section 377: Chef, activist, hotelier, researcher: Meet 6 petitioners who championed decriminalising

న్యూఢిల్లీ : తాము  ఆడవారితో కలిసి కాపురం  చేయాలా.. లేదా మగవారితో  కలిసుండాలా అన్న విషయం చెప్పడానికి అవతలి వాళ్లకు ఏం హక్కు ఉందని ప్రశ్నిస్తూ.. తమకు  ఇష్టం వచ్చినట్లు తాముంటామని  గొంతెత్తి చాటారు వారు. గే.. లేదా  లెస్బియన్‌గా ఉండేందుకు  తమకు హక్కు ఉందని  పోరాడారు. తమను ఎగతాళి చేయడం ఈ సమాజానికి తగని  పని అంటూ మండిపడ్డారు.

తమకూ మనోభావాలు ఉంటాయని, వాటిని  దెబ్బతీయడానికి ప్రయత్నిస్తే బెబ్బులిలా  తిరగబడతామని చెప్పారు. స్వలింగ సంపర్కులను  ‘తేడాగాళ్లు’ అనడం, వారిని  చిన్నచూపు చూడటం, పోలీసులు కూడా లంచాల కోసం వాళ్లను  వేధించడం లాంటి చాలా ఘటనలు  ఇన్నాళ్లూ జరిగాయి. సెక్షన్ 377  ప్రకారం స్వలింగ సంపర్కం  నేరం కావడం వల్లే ఇదంతా  జరిగింది. 

section 377

ఇప్పుడు సుప్రీంకోర్టు తీర్పుతో అవన్నీ దూరం కానున్నాయి. స్వలింగ సంపర్కులకూ ప్రాథమిక హ క్కులు ఉంటాయని,  వాళ్లు కూడా భారతదేశంలో  పౌరులేనని, అందువల్ల రాజ్యాం గం ప్రసాదించిన హక్కులను  వారికి కూడా ఇవ్వాలని వాదిస్తూ దాదాపు  35 మంది సుప్రీంకోర్టులో  వేర్వేరుగా పిటిషన్లు దాఖలు చే  శారు. వాటన్నింటినీ కలిపి సుప్రీం  కోర్టు రాజ్యాంగ ధర్మాసనం విచారించింది. మొత్తం 35 మందిలో  ప్రధానంగా ఆరుగురు ఈ  విషయంలో ఉధృతంగా పోరాటం చేశారు. సుప్రీంకోర్టుకు  తమ వాదనలను సమర్ధంగా వినిపించారు. అందుకే  సానుకూల తీర్పును సాధిం చగలిగారు. వాళ్లెవరో ఒకసారి  చూద్దాం...

గౌతమ్ యాదవ్: ఢిల్లీకి చెందిన హమ్‌సఫర్ అనే ట్రస్టుకు  ప్రోగ్రాం ఆఫీసర్. స్కూల్లో తనను  అందరూ ఏడిపించడం వల్ల  తాను 15 ఏళ్ల వయసులో డ్రాపౌట్  కావాల్సి వచ్చిందని ఆయన తెలిపారు. 2015 సంవత్సరంలో  తన లైంగిక ధోరణి కారణంగా దోపిడీ బెదిరింపులకు గురయ్యానని, పెళ్లి చేసుకోకపోవడం.. మరో పురుషుడితో సంబంధం పెట్టుకోవడం వల్ల  బంధువుల ఛీత్కారాలు ఎదుర్కొన్నానని పేర్కొన్నారు. 19 ఏళ్ల  వయసులో తనకు హెచ్‌ఐవీ ఉన్నట్లు తెలిసిందని, ఆ విషయాన్ని  బహిరంగంగా చెప్పానని అన్నారు.  తాను ఎదుర్కొన్న అంశాలను జాతి దృష్టికి తీసుకెళ్లాలనే పిటిషన్  దాఖలు చేసినట్లు తెలిపారు.

రీతు దాల్మియా: తనను తాను  లెస్బియన్ అని ప్రకటించుకున్న రీతు.. దివా అనే రెస్టారెంటు  చైన్ యజమాని. ఆ రెస్టారెంటుకు పలుమార్లు ఆహార విభాగంలో అవార్డులు లభించాయి. కోల్‌కతాలో జన్మించిన ఆమె,  20 ఏళ్ల వయసులోనే లండన్  వెళ్లి అక్కడ రెస్టారెంటు  ప్రారంభించారు. 1999లో  భారతదేశానికి తిరిగి వచ్చారు.

సెక్షన్ 377 విషయంలో ఢిల్లీ  హైకోర్టు తీర్పును సుప్రీం  రద్దుచేయడంతో రీతు సుప్రీంలో పిటిషన్ దాఖలు చేశారు. ‘‘మీకు మీరే పిటిషన్ దాఖలుచేస్తే  మీరు నేరస్తులని ప్రకటించుకున్నట్లవుతుంది. దానివల్ల మీకు ప్రమాదం పొంచి ఉంటుంది. కానీ  ఈ విషయంలో నేను ఏమీ చేయకపోతే దాని గురించి ఫిర్యాదుచేసే  హక్కు నాకుండదని తెలుసుకున్నాను’’ అని ఆమె అంటున్నారు.

కేశవ్ సూరి: సుప్రసిద్ధ లలిత్   సూరి హాస్పిటాలిటీ గ్రూపు  ఎగ్జిక్యూటివ్ డైరెక్టర్  కేశవ్ సూరి (33). ఐక్యరాజ్యసమితి  వాణిజ్య ప్రవర్తనా ప్రమాణాలను ఆమోదించిన 83 అంతర్జాతీయ కం పెనీలలో లలిత్ సూరి గ్రూప్ ఒకటి.  ఆర్లాండోలో ఒక నైట్‌క్లబ్‌లో పలువురు గేల మీద జరిగిన కాల్పుల ఘటన తనను వ్యక్తిగతంగాను, వృత్తిపరంగానే మేల్కొలిపిందని ఆయన చెప్పారు.  ప్రపంచ బ్యాంకు అంచనాల  ప్రకారం ఎల్జీబీటీలపై వివక్ష వల్ల  భారతదేశానికి వందల కోట్ల  డాలర్ల నష్టం జరుగుతోందని,  అందువల్ల ఇప్పటికైనా దీన్ని  మానాలని ఆయన తన పిటిషన్‌లో వాదించారు.

ఉర్వి: ఆంధ్రప్రదేశ్‌లోని అనంతపురం జిల్లాకు చెందిన ఉర్వి  (21) సుప్రసిద్ధ బాంబే ఐఐటీలో  పరిశోధక విద్యార్థిని. పిటిషన్‌లో  వేరే పేరు చెప్పిన ఉర్వి..  చిన్నతనం నుంచి పేదరికంలో  మగ్గిపోయిన ట్రాన్స్‌జెండర్  (లింగమార్పిడి చేయించుకున్న వ్యక్తి). తండ్రి  చిన్నవయసులోనే చనిపోవడంతో తల్లి కష్టపడి పెంచింది.  

ప్రజలు తమ అభిప్రాయాలను  స్వేచ్ఛగా చెప్పకుండా సెక్షన్  377 అడ్డుపడుతుందని, దాన్ని  రద్దుచేస్తే భవిష్యత్తు తరాలు తమను తాము  ఆమోదించుకునేందుకు వీలవుతుందని ఉర్వి తెలిపింది. ఆమెకు రెండు ప్రతిష్ఠాత్మక  జాతీయ సైన్సు ఫెలోషిప్‌లు  వచ్చాయి, ఇటీవలే జర్మనీలో  మాస్టర్స్ ప్రోగ్రాంకు ఎం పికైంది.

ఆరిఫ్ జాఫర్: యూపీలోని  లఖ్‌నవులో గల భరోసా  స్వచ్ఛంద సంస్థ  వ్యవస్థాపకుడు. 2001 జూలై నెలో  ఆయనను సెక్షన్ 377 కింద  అరెస్టు చేసి, 47 రోజుల పాటు జైల్లో ఉం చారు. ఆ సమయంలో తనను  తీవ్రంగా తిట్టి, చిత్రహింసలు పెట్టి,  అవమానాల పాలు చేశారని ఆయన ఆరోపించారు. 17 సంవత్సరాల తర్వాత ఈ కేసులో  తీర్పు వచ్చేలోపు తాను గే  కావడం వల్ల సమాజంలో తీవ్ర  అవమానాలు ఎదుర్కొన్నానని చెప్పారు. తనలా కేవలం సె క్షన్ 377 కారణంగా ఏ ఒక్కరూ  అవమానాలపాలు కూకూడదన్నదే తన  ఉద్దేశమని అన్నారు. తన తోటి  ఎల్జీబీటీ పౌరులు కూడా స్వేచ్ఛా  స్వాతంత్య్రాలు, గౌరవం, మర్యాదతో జీవించాలని కోరారు.

అక్కాయ్ పద్మశాలి: లింగమార్పిడి చేయించుకున్న అక్కాయ్  పద్మశాలి (32) హక్కుల కోసం పోరాటం చేసే కార్యకర్త. కర్ణాటక ప్రభుత్వం ప్రకటించే రాజ్యోత్సవ అవార్డు గ్రహీత. 2016లో మరో  ఇద్దరు లింగమార్పిడి మహిళలతో పాటు ఆమె సెక్షన్  377కు వ్యతిరేకంగా సుప్రీం కోర్టులో పిటిషన్ దాఖలు చేశారు. ఈ చట్టం.. తమకున్న గోప్యత హక్కును కాలరాసిందని ఆమె  చెప్పారు. ఈ చట్టం వల్ల లింగమార్పిడి చేయించుకున్నవారిపై ఎలాంటి ప్రభావం కలిగిందో అందరికీ చెబుతూ, దానిపై పోరాడటంలో ముందువరుసలో ఉన్నారు. 

సెక్షన్ 377ను రద్దు చేసేవరకు తాను  విశ్రమించబోనని చెప్పారు. తాము ‘తేడా’, ‘అసహజం’ అని చెప్పడానికి పోలీసులు ఎవరని ఆమె ప్రశ్నించారు. తమ లైంగిక సంబంధాలను తప్పుబట్టడానికి ఈ సమాజం ఎవరని నిలదీశారు. ప్రపంచంలోనే  అతిపెద్ద ప్రజాస్వామ్య దేశంలో ఉంటున్న మనం.. ఇలాంటి చట్టాలను  ఆమోదించలేమని ఆమె వాదించారు. 



అంబరాన్ని అంటిన ఎల్జీబీటీల సంబరాలు

Updated By ManamThu, 09/06/2018 - 13:40
Love, Equally: Supreme Court Ends Section 377

న్యూఢిల్లీ : స్వలింగ సంప్కరం నేరం కాదంటూసుప్రీంకోర్టు ఇచ్చిన చరిత్రాత్మక తీర్పుతో ఎల్జీబీటీల ఆనందం అంబరాన్ని అంటాయి. సెక్షన్ 377పై...ఇతరుల హక్కులను తగ్గించడం సామాజిక నైతికత కాదని, స్వలింగ సంపర్కాన్ని నేరంగా భావించడం అహేతుకం ఉన్నత న్యాయస్థానం అభిప్రాయపడిన విషయం తెలిసిందే. తాజా తీర్పుతో దేశవ్యాప్తంగా ఎల్జీబీటీలు సంతోషంతో స్వీట్లు పంచుకున్నారు. మరికొందరు డాన్సులు చేయగా,  బెలూన్స్ ఎగురవేసి ఆనందం వ్యక్తం చేసుకున్నారు. 

Love, Equally: Supreme Court Ends Section 377

మరోవైపు సుప్రీం తీర్పుకు మద్దతుగా పలువురు ప్రముఖులు ట్వీట్ చేశారు. ప్రముఖ బాలీవుడ్ డైరెక్టర్ కరణ్ కరణ్ జోహార్... ‘ ఇది చరిత్రాత్మకమైన తీర్పు.. చాలా గర్వంగా ఉంది. దేశానికి మళ్లీ ఆక్సిజన్ అందడం ప్రారంభమైంది’ అని ట్విట్ చేశారు. అలాగే ప్రముఖ రచయిత చేతన్ భగత్, కేంద్ర మాజీమంత్రి శశిధరూర్‌, నటుడు ఆయుష్మాన్ ఖురానా తదితరులు సుప్రీం తీర్పున స్వాగతించారు.



సెక్షన్ 377పై సుప్రీంకోర్టు సంచలన తీర్పు

Updated By ManamThu, 09/06/2018 - 12:01
Gay sex is legal, Supreme Court rules in unanimous judgment

న్యూఢిల్లీ : సెక్షన్ 377పై సుప్రీంకోర్టు గురువారం సంచలన తీర్పు వెల్లడించింది. స్వలింగ సంపర్కానికి ఉన్నత న్యాయస్థాపం చట్టబద్ధత కల్పించింది. స్వలింగ సంపర్కం నేరం కానే కాదని స్పష్టం చేసింది. ఇన్నాళ్లు వాళ్లంతా ద్వితీయశ్రేణి పౌరుల్లా దాక్కోవాల్సి వచ్చిందని, అందుకు ఈ సమాజం వారికి క్షమాపణ చెప్పాల్సిందేనని వ్యాఖ్యానించింది.

బ్రిటిష్ కాలం నాటి సెక్షన్ 377ను రద్దు చేస్తూ తీర్పు చెప్పింది. లైంగిక ధోరణి ఆధారంగా ఒకరి పట్ల వివక్ష చూపించడం అంటే.. రాజ్యాంగం వారికి ప్రసాదించిన ప్రాథమిక హక్కులను కాలరాయడమేనని ప్రధాన న్యాయమూర్తి జస్టిస్ దీపక్ మిశ్ర వ్యాఖ్యానించారు. తీర్పులోని ప్రధాన భాగాన్ని ఆయనే స్వయంగా చదివి వినిపించారు. ఇద్దరు వయోజనుల మధ్య పరస్పర అంగీకారంతో కూడిన లైంగిక సంబంధాలను నేరంగా పరిగణించే ఐపీసీ సెక్షన్ 377ను రద్దుచేస్తున్నట్లు ఆయన తెలిపారు. ఏ ఒక్క పౌరుడి ప్రాథమిక హక్కులను కాలరాయడానికీ సంఘ నీతిని ఉపయోగించకూడదని, సంఘనీతి అనే బలిపీఠంపై రాజ్యాంగ నైతికతను బలివ్వకూడదని జస్టిస్ దీపక్ మిశ్రా వ్యాఖ్యానించారు.

ఎల్‌జీబీటీ (లెస్బియన్, గే, బైసెక్సువల్, ట్రాన్స్‌జెండర్) వర్గాన్ని వేధించడానికి ఐపీసీ సెక్షన్ 377ను ఒక ఆయుధంలా వాడుతున్నారని ప్రధాన న్యాయమూర్తి విమర్శించారు. ఈ తీర్పు విషయంలో సుప్రీంకోర్టు రాజ్యాంగ ధర్మాసనంలో ఉన్న మొత్తం ఐదుగురు న్యాయమూర్తులు ఏకగ్రీవంగా ఒకే అభిప్రాయాన్ని వ్యక్తం చేయడం గమనార్హం. అయితే ఐదుగురు కలిసి నాలుగు వేర్వేరు తీర్పులు వెల్లడించారు. పరస్పర అంగీకారం ఉన్న, అంగీకారం లేని లైంగిక చర్యలకు మధ్య తేడాను సెక్షన్ 377 గమనించలేకపోయిందని వారు అన్నారు. అయితే ఈ తీర్పు తర్వాత కూడా జంతువులతో సంభోగాన్ని మాత్రం నేరంగానే పరిగణిస్తున్నారు. 

నేపథ్యం ఇదీ..
బ్రిటిష్ రాజ్యంలో 1553లో రూపొందించిన బగ్గరీ చట్టం ఆధారంగా సెక్షన్ 377ను రూపొందించారు. దీని ప్రకారం ఇద్దరు మగవాళ్లు లేదా ఇద్దరు ఆడవాళ్ల మధ్య లైంగిక కార్యకలాపాలను నేరంగా పరిగణిస్తారు. 2009 సంవత్సరంలో ఒకసారి ఈ అంశం ఢిల్లీ హైకోర్టులో విచారణకు వచ్చినపుడు ఆ కోర్టు సెక్షన్ 377ను కొట్టేసింది, స్వలింగ సంపర్కం నేరం కాదని చెప్పింది కూడా. కానీ, 2013 సంవత్సరంలో మళ్లీ సుప్రీంకోర్టు ఆ తీర్పును కొట్టేసి, కేవలం పార్లమెంటు మాత్రమే చట్టాలను మార్చాలని తెలిపింది. మరోసారి ఈ అంశం 2016లో సుప్రీంకోర్టు ముందు విచారణకు వచ్చింది. 

ఎల్జీబీటీ వర్గానికి చెందిన ఐదుగురు ప్రముఖులు దాఖలు చేసిన పిటిషన్‌ను విచారించేందుకు సుప్రీంకోర్టు అంగీకరించింది. వారు.. భరతనాట్య కళాకారుడు నవతేజ్ జోహార్, సాంస్కృతిక నిపుణులు అమన్ నాథ్, రెస్టారెంట్ల యజమానులు రితుదాల్మియా, ఆయేషా కపూర్, పాత్రికేయుడు సునీల్ మెహ్రా. కేసు విచారణకు ఐదుగురు న్యాయమూర్తులతో కూడిన రాజ్యాంగ ధర్మాసనాన్ని ఏర్పాటుచేశారు. జూలై 17వ తేదీన దీనిపై వాదనలు ముగిశాయి. అప్పుడు తీర్పును వాయిదా వేశారు. 

ఆ తర్వాత మధ్యలో చాలాసార్లు ఈ చట్టాన్ని దాదాపుగా రద్దు చేయచ్చన్న మాట వినిపిస్తూనే వచ్చింది గానీ, తుది తీర్పు మాత్రం గురువారం వెల్లడైంది. ఈ విషయంలో తాము ఎలాంటి నిర్ణయం తీసుకునేది లేదని, కోర్టు విజ్ఞతకే వదిలేస్తున్నామని ఎన్డీయే ప్రభుత్వం విచారణ సమయంలో తెలిపింది. అయితే ఇలాంటి విషయాల్లో ఇచ్చే తీర్పుల వల్ల ఇక వావి వరుసలు లేని శృంగారం లాంటి విపరీత చేష్టలకు ‘భాగస్వామిని ఎంచుకునే హక్కు’ వెళ్లకూడదని సూచించింది. 

చరిత్ర క్షమాపణ చెప్పాలి
ఇంతకాలం స్వలింగ శృంగారాన్ని నేరం అని చెప్పడం ద్వారా ఎల్జీబీటీ వర్గానికి చేసిన అన్యాయానికి గాను చరిత్ర వారికి క్షమాపణ చెప్పాలని సుప్రీం ధర్మాసనం వ్యాఖ్యానించింది. ఈ సందర్భంగా కోర్టు చేసిన కొన్ని వ్యాఖ్యలు ఇలా ఉన్నాయి..

  • ప్రముఖ జర్మన్ తత్వవేత్త చెప్పినట్లు.. ‘‘నేనేంటో అదే. అందువల్ల నన్ను నన్నుగానే చూడండి’. 
  • ఒకరి పేరుకు గుర్తింపు చాలా కీలకం. రాజ్యాంగం ప్రతి ఒక్క వ్యక్తి గుర్తింపు గురించి నొక్కి చెప్పారు. వ్యక్తుల గోప్యత అనేది రాజ్యాంగ మూలసూత్రం. 
  • ఎల్జీబీటీలకు కూడా ఇతర పౌరుల్లాగే సమాన హక్కులుంటాయి. 
  • వారి లైంగిక ధోరణిని సాకుగా చూపి వివక్ష చూపితే అది వారి ప్రాథమిక హక్కులను ఉల్లంఘించినట్లే. 
  • రాజ్యాంగం అనేది సజీవ పత్రం. సమాజంలోని అసమానతలు, అన్యాయంతో పోరాడేందుకు దాని వ్యావహారిక తాత్పర్యాన్ని చూసుకోవాలి.
  • ఏ ఒక్కరి ప్రాథమిక హక్కులను ఉల్లంఘించడానికి సాంఘిక నైతికతను ఉపయోగించకూడదు. సాంఘిక నైతికత అనే బలిపీఠంపై రాజ్యాంగ నైతికతను బలివ్వకూడదు.
  • అంగీకారంతో కూడిన, అంగీకారం లేని లైంగిక సంబంధాల మధ్య తేడాను గుర్తించడంలో సెక్షన్ 377 విఫలమైంది. ఎల్జీబీటీలపై వేధింపులకు అదో ఆయుధంగా మారింది, వారిపట్ల వివక్ష చూపుతోంది.
  • ఎల్జీబీటీలు కూడా గౌరవంతో జీవించే ప్రాథమిక హక్కు కలిగి ఉంటారు. అలాంటి వారికి చట్టపరమైన రక్షణ పొందే అధికారం ఉంది.
  • తమ లైంగిక ధోరణిని పూర్తిగా ప్రదర్శించే హక్కును ఎల్జీబీటీ వర్గానికి నిరాకరించడం అంటే, రాజ్యాంగం వారికి ప్రసాదించిన హక్కులను కాలరాయడమే. వారి గోప్యత హక్కును నిరాకరించడమే.
  • చరిత్ర ఎల్జీబీటీ వర్గానికి క్షమాపణలు చెప్పాల్సిందిఏ. ఇన్నాళ్లూ వాళ్లు భయంతో జీవించాల్సి వచ్చింది.

ఐపీసీ సెక్షన్ 377 అంటే..

ఐపీసీ సెక్షన్ 377... ఈ సెక్షన్ కింద ప్రకృతి విరుద్ధంగా జరిగే లైంగిక సంపర్కం నేరం. మగవాళ్ళు మగవాళ్లతో.. లేదా మహిళలు మహిళలతో శృంగారంలో పాల్గొనడం అనైతిక చర్యగా పరిగణిస్తారు. ఐపీసీ 377 సెక్షన్ కింద ‘అసహజమైన నేరాల’ (ఎవరైనా పురుషుడు, లేదా స్త్రీ, లేదా జంతువుతో అసహజ సంపర్కానికి) పాల్పడేందుకు ప్రయత్నించినా, పాల్పడినా వారికి యావజ్జీవిత జైలు శిక్ష, లేదా పదేళ్ల జైలు శిక్ష విధించే అవకాశం వుంది.

దీనితో పాటు భారీ జరిమానా కూడా విధించొచ్చు. స్వలింగ సంపర్కం నేరం కిందకే వస్తుందంటూ గతంలో(2013) అత్యున్నత న్యాయస్థానం తీర్పు ఇవ్వగా.. ఇప్పుడు ఆ తీర్పును సుప్రీంకోర్టు తాజాగా సమీక్షిస్తూ చరిత్రాత్మక తీర్పునిచ్చింది.



మావోయిస్టులతో సంబంధాలు

Updated By ManamWed, 09/05/2018 - 22:03
  • అందుకు పక్కా ఆధారాలున్నాయి

  • అందుకే హక్కుల కార్యకర్తల అరెస్టు

  • సుప్రీంకు మహారాష్ట్ర పోలీసుల వెల్లడి

  • నేటికి తదుపరి విచారణ వాయిదా

supremeన్యూఢిల్లీ: నిషేధిత మావోయిస్టు తీవ్రవాద సంస్థతో సంబంధాలు ఉన్నందునే ఐదుగురు హక్కుల కార్యకర్తలను అరెస్టు చేశామని సుప్రీంకోర్టుకు మహారాష్ట్ర పోలీసులు వెల్లడించారు. అంతేగానీ.. అసమ్మతి, విభిన్న అభిప్రాయాలు వెల్లడిస్తున్నందుకు కాదని తెలిపారు. బీమా కోరేగావ్ అల్లర్ల కేసులో హక్కుల కార్యకర్తల అరెస్టులను వ్యతిరేకిస్తూ ప్రముఖ చరిత్రకారిణి రొమిల్లా థాపర్ దాఖలు చేసిన పిటిషన్‌పై బుధవారం సుప్రీంకోర్టు విచారణ జరిపింది. మహారాష్ట్ర ప్రభుత్వ న్యాయవాది వాదిస్తూ.. అరెస్టు చేసిన ఐదుగురికి మావోయిస్టులతో సంబంధాలు ఉన్నాయనేందుకు పోలీసులు వద్ద తగిన సాక్ష్యాధారాలు ఉన్నాయన్నారు. సమాజంలో అశాంతి- గొడవలు సృష్టించేందుకు, భద్రతా బలగాలపై దాడులు చేసేందుకు వారు ప్రణాళికలు రచిస్తున్నారని తెలిపారు. అసమ్మతి గళం వినిపిస్తున్నందునే వారిని అరెస్టు చేశారని ప్రతివాదులు చేస్తున్న ఆరోపణల్లో నిజం లేదన్నారు. వారి ఆరోపణలను కొట్టిపారేసేందకు తమ వద్ద పూర్తి ఆధారాలు ఉన్నాయన్నారు. అరెస్టు చేసిన వారి కోసం ఆర్థిక వేత్తలు థాపర్, ప్రభాత్ పట్నాయక్, దేవకీ జైన్, సామాజిక వేత్త సతీష్ దేశ్‌పాండే, న్యాయ నిపుణుడు మజా దరువాలు  సుప్రీంకోర్టును ఆశ్రయించడం ఏమిటిని, వారితో వీరికి ఉన్న సంబంధాలేమిటని  మహా పోలీసులు న్యాయవాది ప్రశ్నించారు. ఈ విచారణతో వారికి ఎలాంటి సంబంధంలేదని కూడా వాదించారు. ఇరుపక్షాల వాదనలు విన్న కోర్టు విచారణను గురువారానికి వాయిదా వేసింది.  బీమా కోరెగావ్ అల్లర్లు, మావోయిస్టులతో సంబంధాలు, ప్రధానమంత్రి నరేంద్ర మోదీ హత్యకు భారీ కుట్ర  చేసారనే అభియోగాలతో విప్లవకవి వరవరరావుతోపాటు, సుధా భరద్వాజ్, గౌతం నావ్‌లాక్, తెల్తూంద్డే, వెర్నన్ గొన్జాల్వేస్‌ను పుణే పోలీసులు గతవారం అరెస్ట్ చేసిన సంగతి తెలిసిందే. పౌరహక్కుల నేతల అరెస్ట్‌ను ఖండిస్తూ.. ప్రముఖ చరిత్రకారిణి రొమిల్లా థాపర్‌తోపాటు మరో నలుగురు సుప్రీంకోర్టులో పిటిషన్ దాఖలు చేశారు. ఆ ఐదుగురిపై తప్పుడు చార్జిషీట్‌లు మోపారని.. దీనిపై స్వతంత్ర విచారణ చేపట్టాలని పిటిషన్‌లో పేర్కొన్నారు. వారందరిని వెంటనే విడుదల చేయాలని పిటిషన్‌లో కోరారు. దీనిపై విచారణ చేపట్టిన న్యాయస్థానం వారిని అరెస్ట్ చేయాల్సిన అవసరం లేదని.. సెప్టెంబరు 6 వరకు హౌజ్ అరెస్టులో ఉంచాలని పోలీసులను ఆదేశించిన విషయం తెలిసిందే.





Related News