telangana

30ఏళ్లు టీడీపీలో ఉన్నా.. వాళ్ల డ్రామాలన్నీ నాకు తెలుసు

Updated By ManamFri, 10/26/2018 - 11:38

Talasani Srinivasa Yadavహైదరాబాద్: వైజాగ్ విమానాశ్రయంలో దాడికి గురైన ఏపీ ప్రతిపక్షనేత వైఎస్ జగన్‌మోహన్ రెడ్డిని టీఆర్ఎస్ నేత తలసాని శ్రీనివాసయాదవ్ పరామర్శించారు. అనంతరం మాట్లాడుతూ.. జగన్‌పై దాడిని టీడీపీ రాజకీయం చేస్తోందని విమర్శించారు. జగన్‌పై దాడికి ప్రభుత్వం బాధ్యత వహించాలని, జగన్ వ్యవహారంలో టీడీపీ చిల్లర రాజకీయాలు చేస్తోందని మండిపడ్డారు. జగన్‌కు కేసీఆర్ ఫోన్ చేసి పరామర్శిస్తే తప్పేంటి అని ప్రశ్నించిన ఆయన చంద్రబాబుపై దాడి జరిగినప్పుడు విపక్షాలు పరామర్శించలేదా అంటూ తెలిపారు.

టీడీపీలో 30ఏళ్లు ఉన్నానని, వాళ్ల డ్రామాలు తనకు తెలుసని, బాబు ప్రెస్‌కాన్ఫరెన్స్ చూసి షాక్ అయ్యానని తలసాని సంచలన వ్యాఖ్యలు చేశారు. భ్రష్టుపట్టిన రాజకీయాలతో మీరు బాగుపడలేరని, తెలంగాణలో చిల్లర రాజకీయాలు చేస్తే ఊరుకోమని ఈ సందర్భంగా తలసాని హెచ్చరించారు. 



బీజేపీలో ముసలం

Updated By ManamThu, 10/25/2018 - 19:29
  • పాత వారికే టికెట్లు

  • డబ్బులేని వారికి నో చాన్స్..!

Telangana BJP leaders unhappy over ticket allotment

హైదరాబాద్  : ఆర్‌ఎస్‌ఎస్ భావజాలంతో క్రమశిక్షణతో వెలుతున్న బీజేపీలోనూ ముసలం మొదలైంది. పాతవారికే టికెట్ ఇస్తున్నట్టు నేతలు చెబుతుండటంతో పార్టీ కోసం కొన్నేండ్లుగా పనిచేస్తున్న నాయకుల పరిస్థితి అగమ్యగోచరంగా మారింది. అధికారంలోకి వచ్చేందుకు ఒంటరిగా బరిలోకి దిగుతున్న బీజేపీలోనూ సీట్లు దొరక్క అసంతృప్తి నేతల జాబితా రోజురోజుకీ పెరిగిపోతోంది. 

నేటి నుంచి ప్రారంభమౌతున్న యువభేరికి భారీగా కేంద్ర మంత్రులు హాజరవుతున్నప్పటికీ నేతల్లో సమన్వయం లోపించినట్టు సమాచారం. మొదటి జాబితాలో ఎందరో పేర్లు వినిపించినప్పటికీ వారికి ఎవరికీ సీట్లు దక్కకుండా సిట్టింగ్‌లకే కేటాయించడం చర్చనీయాంశంగా మారింది. బీజేపీ తొలిజాబితాలో తమకు సీటు దక్కుతుందని ఆశించిన వారికి నిరేశే మిగిలింది. దీంతో నేతల్లో అసంతృప్తి మొదలైనట్టు ఆరోపణలు వినిపిస్తున్నాయి. 

బీజేపీ జాబితాలో ఈ సారైనా తమకు టికెట్ దక్కుతుందనుకుంటే ఎవరికీ సీటు ఇవ్వకపోవడంపై సర్వాత్రా విమర్శలు వినిపిస్తున్నాయి. రానున్న ఎన్నికల కోసం సిద్ధమౌతున్న నేతల్లో తమకు సీటు రాలేదని తెలిసిన పలువురు నేతలు అసంతృప్తిని వ్యక్తం చేస్తున్నారు. అంబర్‌పేట నుంచి బరిలోకి దిగుతున్న కిషన్‌రెడ్డి ఇంతకు ముందు మూడు సార్లు పోటీ చేసి గెలవడంతో ఈ సారి పోటీపై మిశ్రమ ఫలితాలు వెళ్లడవుతున్నాయి. నియోజకవర్గంలో కొన్ని రోజులుగా ఇంటింటి పర్యటన నిర్వహిస్తున్నప్పటికీ ఆశించిన స్థాయిలో నేతలు పాల్గొనడంలేదనే విమర్శలు వినిపిస్తున్నాయి.

అన్ని పార్టీలకు ధీటుగా పోటీకి దిగుతున్నట్టు నేతలు చెబుతున్నప్పటికీ ఆశించిన స్థాయిలో క్యాడర్ బలంగా లేనట్టు తెలుస్తోంది. ముషిరాబాద్ నుంచి పోటీకి దిగుతున్న డా.లక్ష్మణ్ కూడా బస్తీబాట పట్టారు. ఎన్నికల కోసం ప్రచారం షురు చేసినప్పటికీ ముషీరాబాద్‌లోనూ మిశ్రమ ఫలితాలు వినిపిస్తున్నాయి. ప్రభుత్వం ఏర్పాటు చేసేది తామంటే తామని అన్ని పార్టీలు ధీమా వ్యక్తం చేస్తున్నాయి. 

గోషా మహల్ నుంచి పోటీకి  దిగుతున్న రాజాసింగ్‌కు కొంత మేరకు మద్దతు లభించినప్పటికీ ఆ నియోజకవర్గంలోనూ ఎన్నికల జోరు సాగుతుంది. ఉప్పల్ నుంచి బీజేపీ తరఫున బరిలోకి దిగుతున్న ఎన్వీఎస్‌ఎస్ ప్రభాకర్‌కు కూడా ఆ పార్టీ నేతల నుంచి అసంతృప్తి వ్యక్తమౌతున్నట్టు సమాచారం. గతంలో టీటీడీపీతో కలిసి పోటీ చేసిన బీజేపీ గ్రేటర్‌లో 15స్థానాలు గెలుచుకుంది. టీడీపీ పొత్తును విరమించుకోవడంతో బీజేపీకి కొంత మేర నష్టం కలిగినట్టు తెలుస్తోంది. 

అధికారంలోకి రావాలంటే ఆశించిన స్థాయిలో పార్టీ క్యాడర్ లేనట్టు సమాచారం. రానున్న ఎన్నికల్లో తమ ప్రభుత్వం జెండా ఎగురవేస్తుందని చెబుతున్నప్పటికీ పార్టీలో ముసలం మొదలైనట్టు సమాచారం. కేంద్రంలో ప్రభుత్వాన్ని ఏర్పాటు చేసి తెలంగాణలో జెండా ఎగురవేయాలనుకున్న అసంతృప్తి నేతలు పెరుగుతుండటం ఆపార్టీ నేతల్లో గందరగోలానికి కారణమౌతోంది. 



ఎన్నికల వ్యూహంపై కాంగ్రెస్ కసరత్తు

Updated By ManamTue, 10/23/2018 - 04:02

imageహైదరాబాద్: అసెంబ్లీ ఎన్నికల్లో అనుసరాంచాల్సిన వ్యూహం పై కాంగ్రెస్ కసరత్తు మొదలు పెట్టింది.  ఎన్నికలను ఎలా హ్యండిల్ చేయాలో అనే అంశంపై వార్ రూమ్ లో కాంగ్రెస్ పార్టీ కీలక సమావేశం జరిగింది. ఐదు రాష్ట్రాల అసెంబ్లీ ఎన్నికలలో సామాజిక వర్గాలకు సీట్ల కేటా యింపుపై చర్చ జరిగింది. గెలుపు గుర్రాలకే టికెట్టు ఇవ్వాలని సీనియర్లు అభిప్రాయపడ్డారని సమాచారం. సర్వేలన్నీ కూడా కాంగ్రెసుకు అనుకూలంగా ఉన్న నేపథ్యంలో ఆచి తూడి అడుగు వేయాలని నిర్ణయించారు. బీసీ, ఎస్సీ, ఎస్టీలకు సీట్ల కేటాయింపుపై ఎన్నికలు జరిగే రాష్ట్రాల నేతలతో అధిష్ఠానం చర్చలు జరిపింది. ఈ క్రమంలో తెలంగాణ కాంగ్రెస్ ఎస్సీ, ఎస్టీ నేతలతో సమీక్షా సమావేశం నిర్వహించారు. తెలంగాణ నుంచి మల్లు భట్టి విక్రమార్క, దామోదర రాజనర్సింహ, బలరాం నాయక్, మల్లు రవి సహా పలువురు నేతలు హాజ రయ్యారు.

అనంతరం దామోదర రాజనరసింహ మాట్లాడుతూ రాష్ట్రంలో 19 ఎస్సీ స్థానాల్లో అభ్యర్థుల గురించి, అక్కడ బలమైన నేతల ఎవరు అనే అంశాలపై చర్చించారని చెప్పారు. ఎస్సీలు, ఎస్టీ అభ్యర్థులతో విడివిడిగా భేటీ అయ్యారని అవసరమైన వారితో ప్రత్యేకంగా విడిగా మాట్లారాని తెలిపారు. సమర్థులైన అభ్యర్థులుంటే జనరల్ స్థానాల్లో అవకాశం క్పలించే విషయం కూడా చర్చకు వచ్చిందన్నారు. రాబోయే మేనిఫెస్టోలో కూడా ఎస్సీ ఎస్టీలకు న్యాయం జరుగుతుందని తెలిపారు. మాజీ ఎంపీ బలరాం నాయక్ మాట్లాడుతూ ఎస్టీలకు రిజర్వేషన్లు పెంచుతామని టీఆర్‌ఎస్ మోసం చేసిందని ఆ విషయాలను ప్రజల్లోకి ఆదివాసీలు, లంబాడాలు కలిసికట్టుగా తీసుకెళ్లాలని నిర్ణయించినట్లు చెప్పారు. రెండు వర్గాలతో కలిసి పనిచేసే అంశాలపై ప్రధానంగా దృష్టి పెట్టినట్లు చెప్పారు.  



నిరుద్యోగ భృతి

Updated By ManamWed, 10/17/2018 - 03:12
  • టీఆర్‌ఎస్ మేనిఫెస్టోలో అందరికీ తృప్తి కలిగించే అంశాలు

  •   యువతకు చేరువయ్యే యత్నం

  • రైతును రాజును చేస్తామన్న కేసీఆర్

telanganaహైదరాబాద్: టీఆర్‌ఎస్ అధినేత కేసీఆర్ అన్ని వర్గాలకు ప్రయోజనం కలిగించే అంశాలను మేనిఫెస్టోలో పెట్టారు. ఇప్పటి వరకు ప్రభుత్వంపై అసంతృప్తితో ఉన్న వర్గాలను  తెరాస వైపు మలుపుకొనే ప్రయత్నం చేశారు. యువకులు, రైతులు, వృద్ధులు, దివ్యాంగులు, మహిళా ఓటర్లను ఆకట్టుకునే ప్రయత్నం చేశారు.  పార్టీ మేనిఫెస్టో కమిటీతో సమావేశమైన తర్వాత విలేకరుల సమావేశంలో పాక్షిక మేనిఫెస్టోను వెల్లడించారు. ఇప్పటికే చేసిన పనులను వివరించడంతో పాటుగా భవిష్యత్‌లో ప్రభుత్వం చేయబోయే పనులను, అమలు జరపనున్న సంక్షేమ పథకాలను ఆవిష్కరించా రు. కాంగ్రెస్, తెదేపాపై తనదైన శైలిలో విరుచుకుపడ్డారు. విద్యావంతులైన నిరుద్యోగులను ఆకట్టుకొనేందుకు రూ. 3016ల నిరుద్యోగ భృతిని ప్రకటించారు. ఉద్యోగ నియామకాల మాటెత్తకుండా అర్హులైన నిరుద్యోగు లందరికీ భృతి ఇస్తామన్నారు.  ఎన్నికల్లో వ్యవసాయదారుల మద్దతును ఆశిస్తూ   రైతు బంధు పథకం కింద ఇప్పటికే ఇస్తున్న రూ. 8000లను రూ. 10 వేలకు పెంచుతామన్నారు. రైతులకు లక్ష రూపాయల రుణ మాఫీ ప్రకటించడంతో పాటుగా  రైతు సమన్వయ కమిటీలకు గౌరవ భృతి ఇస్తామన్నారు. దీంతో సుమారు 57 లక్షలకు పైగా రైతు కుటుంబాలు ఆర్ధిక ప్రయోజనం పొందుతాయని భావిస్తున్నారు. వికలాంగుల పింఛన్లను రూ. 3016కు, ఆసరా పింఛన్లను రూ. 2016లకు పెంచడం జరుగుతుందన్నారు. ఇప్పటికే కొనసాగుతున్న డబుల్ బెడ్ రూమ్ పథకాన్ని కొనసాగిస్తామని, ప్రభుత్వ ఉద్యోగుల సమస్యల పట్ల సానుకూలంగా స్పందించడం జరుగుతుందన్నారు. సమాజంలోని అన్ని వర్గాలను ఆకట్టుకొనే విధంగా ఎన్నికల పాక్షిక మేనిఫెస్టోను కేసీఆర్ ఆవిష్కరించారనే భావన కల్పించిప్పటికీ విపక్షాలు మాత్రం కేసీఆర్‌పై విరుచుకు పడకుండా ఉండలేక పోయాయి.  నిరుద్యోగులు ఇప్పటికే ప్రభత్వం పై ఆగ్రహంగా ఉన్నారని గుర్తించిన తెరాస అధినేత ఉద్యోగ నియామకాల విషయం పక్కకు పెట్టి నిరుద్యోగ భృతిని ప్రకటించారు. ఉపాధ్యాయ నియామకాల అంశం ప్రస్తావించకుండా దాట వేశారు.నిరుద్యోగ భృతితో అత్యుధికులనైన నిరుద్యోగులు తాత్కాలికంగా శాంతించే అవకాశం ఉందంటున్నారు. దాదాపు లక్ష ఉద్యోగ నియామకాలు జరపాలని భావించినప్పటికీ ప్రభుత్వం 40 వేలు కూడా భర్తీ చేయకపోవడంతో విద్యావంతులైన నిరుద్యోగులు ప్రభుత్వం పట్ల ఆగ్రహంగా ఉన్నారు, ఉస్మానియా విశ్వవిద్యాలయంలో అధికార పార్టీ అగుగుపెట్టలేని పరిస్థితి కొనసాగుతుంది. గ్రామీణ ఓటర్లపై గురి పెట్టిన కేసీఆర్  వృద్దులు, మహిళలు, దివ్యాంగుల  పింఛన్లను భారీగా పెంచడానికి హామీ ఇచ్చారు.  అగ్ర వర్గ నిరుపేదలను ఆదుకొనేందుకు కార్పోరేషన్లను ఏర్పాటు చేస్తామన్నారు. పార్టీ మేనిఫెస్టోను వెల్లడిస్తునే కాంగ్రెస్, తెదేపాపైన కేసీఆర్ విరుచుకుపడటం చర్చనీయాంశమైంది.  తెదేపా అధినేత చంద్రబాబునాయుడును  రాజకీయ కోణంలోనే బలహీన పర్చడానికి కేసీఆర్ ప్రయత్నించారనే విమర్శ గుప్పుమంటుంది. తెదేపా ఎన్నికల రంగంలో ఉండటం వల్లనే కేసీఆర్ మండిపడుతున్నారనే సంకేతాలు వెలువడుతున్నాయి.



22 నుంచి తెలంగాణలో ఈసీ బృందం పర్యటన

Updated By ManamTue, 10/16/2018 - 20:07
Election Commission to visit telangana on Oct 22

హైదరాబాద్: తెలంగాణలో ఎన్నికలు  జరగనున్న నేపథ్యంలో ఈ నెల 22న కేంద్ర ఎన్నికల  సంఘం బృందం  రాష్ట్రానికి రానుంది. మూడు రోజుల పాటు రాష్ట్రంలో పర్యటించి ఎన్నికల ఏర్పాట్లపై  సమీక్షించనుంది.  22న రాజకీయ పార్టీల ప్రతినిధులతో సమావేశం కానుంది.  అనంతరం సీఈవో, అధికారులతో  సమీక్ష నిర్వహించనుంది.

 23న అన్ని జిల్లాల కలెక్టర్లు, ఎస్పీలతో  సమావేశం జరగనుంది. 24న సీఎ్జస్, డీజీపీ, ఇతర ఉన్నతాధికారులతో భేటీ అవుతుంది. 22న  కేంద్ర ఎన్నికల సంఘం బృందం హైదరాబాద్ చేరుకున్న వెంటనే రాజకీయ పార్టీలు, సీఈవో, రాష్ట్ర పోలీసు నోడల్ అధికారులతో భేటీ కాబోతుంది. 23న ఉదయం డీఈవోలు, ఎస్పీలు, డిఐజిలు, ఐజిలతో భేటీ అవుతుంది. 24న సీఎస్‌తో పాటు డీజీ (ఐటి) ఎన్‌ఫోర్స్‌మెంట్‌తో  సమీక్ష నిర్వహిస్తారు. అనంతరం మీడియాతో మాట్లాడి ఢిల్లీకి బయలుదేరి వెళనుంది.



20న రాష్ట్రానికి రాహుల్

Updated By ManamMon, 10/15/2018 - 23:42
  • సన్నాహక సమావేశాల్లో నేతలు.. భారీ జనసమీకరణకు కసరత్తు

  • భైంసా, కామారెడ్డిలో ఏర్పాట్ల పర్యవేక్షణ.. కేసీఆర్‌ను తరిమికొట్టాలి: ఉత్తమ్ 

imageహైదరాబాద్ః తెలంగాణలో ఒక రోజు పర్యటన నిమిత్తం ఈ నెల 20న రాష్ట్రానికి వస్తున్న ఎఐసీసీ అధ్యక్షుడు రాహుల్ గాంధీ సభలను విజయవంతం చేసేందుకు టీపీసీసీ వ్యూహాత్మకంగా వెళుతోంది. టీఆర్‌ఎస్ సభలకు మించి ప్రజలను తరలించేందుకు ఏర్పాట్లు చేస్తున్నారు. రాహుల్ గాంధీ సభ ఏర్పాట్ల పరిశీలనకు సోమవారం టీపీసీసీ అధ్యక్షుడు ఎన్ ఉత్తమ్ కుమార్ రెడ్డి, సీఎల్పీ మాజీ నేత కె జానారెడ్డి, ప్రచార కమిటీ చైర్మన్ మల్లు భట్టి విక్రమార్క, ఎఐసీసీ కార్యదర్శులు బోసురాజు, శ్రీనివాసన్ క్రిష్ణన్, సలీం అహ్మద్, అదిలాబాద్ ఇంచార్జీ మాజీ మంత్రి సబితా ఇంద్రారెడ్డి, ఎఐసీసీ నేత శ్రీనివాస్ తదితరులు భైంసా, కామారెడ్డి పట్టణాలకు చేరుకుని ఏర్పాట్లను పరిశీలించారు.

ఈ సభలను ప్రతిష్టాత్మకంగా తీసుకోవాలని, జన సమీకరణపై ప్రత్యేక దృష్టి సారించాలని స్థానిక నేతలను కోరారు.సన్నాహక సమావేశాలను నిర్వహించారు. భైంసాలో మెయిన్‌రోడ్డులో ఉన్న స్థలాన్ని పరిశీలించారు. imageకామారెడ్డిలో ఆర్ట్ట్‌‌స కళాశాల మైదానాన్ని పరిశీలించారు. ఈ సందర్భంగా జరిగిన సమావేశాల్లో కాంగ్రెస్ రాష్ట్ర వ్యవహారాల ఇంచార్జీ డాక్టర్ రామచంద్ర కుంటియా, మండలిలో విపక్ష నాయకుడు మహ్మద్‌అలీ షబ్బీర్, ఎఐసీసీ కార్యదర్శి మధుయాష్కీ గౌడ్ ఇతర ముఖ్యనాయకులు పాల్గొన్నారు.ఈ సందర్భంగా ఉత్తమ్ మాట్లాడుతూ, రాబోయే ఎన్నికలు కేసీఆర్ కుటుంబానికి తెలంగాణ ప్రజలకు మధ్య జరుగుతున్నాయని, ఈ సమరంలో దద్దమ్మ కేసీఆర్ కుటుంబాన్ని తరిమికొట్టాలని పిలుపునిచ్చారు. చేతగాక 9 నెలల ముందుగానే  కాడివదిలేసిన కేసీఆర్‌కు బుద్ధిచెప్పాలని కోరారు. టీఆర్‌ఎస్ ప్రజావ్యతిరేక విధానాలను ఇంటింటా చాటాలని పిలుపునిచ్చారు. రాహుల్ సభలతో రాష్ట్రంలో పరిస్థితి పూర్తిగా కాంగ్రెస్ కు అనుకూలంగా మారబోతోందని, టీఆర్‌ఎస్ బడా నాయకులు రాహుల్ సమక్షంలో కాంగ్రెస్ లో చేరబోతున్నారని చెప్పారు.

వినోద్ విషయం పునఃపరిశీలించాలి: వీహెచ్
కాంగ్రెస్ పార్టీలో జి వెంకటస్వామి కుటుంబం అన్ని పదవులు అనుభవించిందని, టీఆర్‌ఎస్ లో చేరిన ఆయన కొడుకు జి వినోద్ తిరిగి కాంగ్రెస్ లో చేర్చుకునే అంశంపై పునః పరిశీలించాలని ఎఐసీసీ కార్యదర్శి వీహెచ్ కోరారు. చెన్నూరులో కాంగ్రెస్ పార్టీ బలంగా ఉందని చెప్పారు. వారికిష్టం వచ్చినప్పుడు పార్టీలు మారుతారు..,మళ్లీ వస్తారా ? అని సోమవారం ఇక్కడ ప్రశ్నించారు. ఇందిరాగాంధీ కాలి గోటికి కూడా కేసీఆర్ సరిపోరని విమర్శించారు. కేసీఆర్ కు లివర్ ఫెయిలైందని మేమెలా చెబుతామని ప్రశ్నించారు. జనసేన అధినేత వచ్చే ఎన్నికల్లో తటస్థంగా ఉండాలని, కేసీఆర్‌కు ప్రయోజనం కలిగించే విధంగా వ్యవహరించవద్దని వీహెచ్ కోరారు.

17 నుంచి ప్రచారంలోకి  - జగ్గారెడ్డి
ఈ నెల 17 నుంచి ఎన్నికల ప్రచారంలోకి వెళుతున్నట్లు మాజీ ఎమ్మెల్యే జగ్గారెడ్డి చెప్పారు. సంగారెడ్డి నుంచి తనతో పాటు తన సతీమణి నిర్మల కూడా నామినేషన్ దాఖలు చేయనున్నట్లు వెల్లడించారు.తన కూతురు జయారెడ్డి ప్రచారం ఈ నెల 17 తో ముగుస్తుందన్నారు.  కాంగ్రెస్ పార్టీ అధికారంలోకి వస్తే కక్ష సాధింపు చర్యలు ఉండవని చెప్పారు.ఈ విషయం పీసీసీ చీఫ్ ఉత్తమ్ కుమార్ రెడ్డి కూడా చెప్పినట్లు జగ్గారెడ్డి తెలిపారు. నిరుద్యోగులకు ప్రత్యేక బోర్డు ఏర్పాటుకు మేనిఫెస్టో కమిటీకి వినతిపత్రం సమర్పించినట్లు చెప్పారు.

కేసీఆర్ పద్దతి నచ్చకే కాంగ్రెస్‌లో చేరికలు: గజ్జల 
టీఆర్‌ఎస్ అధినేత కేసీఆర్ వ్యవహార ధోరణి నచ్చకనే పెద్ద సంఖ్యలో టీఆర్‌ఎస్ నేతలు కాంగ్రెస్ పార్టీలో చేరుతున్నారని టీపీసీసీ అధికార ప్రతినిధి గజ్జల కాంతం చెప్పారు. తెలంగాణ ప్రజలను మోసం చేసిన కేసీఆర్ కు ప్రజలు బుద్ధిచెప్పబోతున్నారని తెలిపారు.



కాంగ్రెస్‌లోకి టీఆర్‌ఎస్ ఎమ్మెల్సీ..?

Updated By ManamMon, 10/15/2018 - 12:20

Ramulu Naikహైదరాబాద్: ఎన్నికల సమయం దగ్గరపడుతుండగా టీఆర్‌ఎస్‌లో అసంతృప్తులు పెరిగిపోతున్నారు. ఈ క్రమంలో ఇప్పటికే పలువురు టీఆర్‌ఎస్ నేతలు కాంగ్రెస్‌లోకి చేరుతుండగా.. తాజాగా ఆ పార్టీ ఎమ్మెల్సీ రాములు నాయక్ కాంగ్రెస్ కండువా కప్పుకోనున్నట్లు సమాచారం.

ఇల్లందు నియోజకవర్గం నుంచి పోటీ చేయాలని భావిస్తున్న ఆయనకు టీఆర్‌ఎస్ మొండిచేయి చూపింది. దీంతో పార్టీ మారేందుకు ఆయన సన్నాహాలు చేసుకుంటున్నట్లు తెలుస్తోంది. ఈ క్రమంలో ఆదివారమే కాంగ్రెస్ సీనియర్ నేత కుంతియాను కలిసిన రాములు నాయక్, త్వరలోనే కాంగ్రెస్‌లోకి చేరనున్నట్లు సమాచారం. దీనికి సంబంధించి ఇవాళ మధ్యాహ్నం 3గంటలకు ఆయన మీడియా సమావేశం నిర్వహించనున్నారు.



కేసీఆర్ రాష్ట్రాన్ని అప్పులపాలు చేశారు

Updated By ManamMon, 10/15/2018 - 11:24

V.Hanumantha Raoహైదరాబాద్: నాలుగేళ్లలో తెలంగాణ రాష్ట్రాన్ని  కేసీఆర్ లక్షల కోట్ల రూపాయల అప్పుల ఊబిలో ముంచేశారని కాంగ్రెస్‌ సీనియర్‌ నేత, రాజ్యసభ మాజీ సభ్యుడు వి.హనుమంతరావు ఆరోపించారు. గత ఎన్నికల్లో తెరాసకు ఓటేసి తప్పు చేశామన్న భావన ప్రజల్లో ఉందని... అందుకే ఈ సారి కాంగ్రెస్‌కే ఓటేస్తారని ఆయన ఆశాభావం వ్యక్తం చేశారు. ఇందిరా విజయయాత్రలో భాగంగా ఎక్కడికెళ్లినా ప్రజల నుంచి అనూహ్య స్పందన లభిస్తోందని.. అన్నిచోట్ల టీఆర్‌ఎస్‌పై అసంత‌ృప్తి కనిపిస్తోందని తెలిపారు. ఇక మహాకూటమిలో టీడీపీ చేరినందుకు కేసీఆర్‌ తిడుతున్నారని.. తాను చేస్తే ఒప్పు.. మరొకరు చేస్తే తప్పా అంటూ వీహెచ్ మండిపడ్డారు.



తెలంగాణలో స్వైన్‌ఫ్లూ కలకలం.. ఒకరు మృతి

Updated By ManamSat, 10/13/2018 - 09:23

Swine Fluహైదరాబాద్: తెలంగాణలో మరోసారి స్వైన్‌ఫ్లూ కలకలం రేపుతోంది. ఫ్లూ లక్షణాలతో చాలామంది ఆసుపత్రులలో చేరుతుండగా.. గురువారం గాంధీ ఆసుపత్రిలో చికిత్స తీసుకుంటూ ఓ మహిళ మృతి చెందింది. మరో తొమ్మిది మందికి చికిత్స అందిస్తుండగా.. అందులో నలుగురి పరిస్థితి విషమంగా ఉందని వైద్యులు అన్నారు. అటు ఉస్మానియా ఆసుపత్రిలోనూ స్వైన్‌ఫ్లూ లక్షణాలతో రోగులు చికిత్స తీసుకుంటున్నారు. స్వైన్‌ఫ్లూ రోగులతో గాంధీ ఆసుపత్రిలోని నోడల్ సెంటర్ నిండిపోయింది. సరిపడా బెడ్‌లు కూడా లేకపోవడంతో రోగులు ఇబ్బందులు పడుతున్నారు. వాతావరణ పరిస్థితుల్లో మార్పుల వల్లే స్వైన్‌ఫ్లూ మళ్లీ విజృంభించిందని డాక్టర్లు చెబుతున్నారు. ఇప్పటివరకు రాష్ట్రంలో 50కి పైగా స్వైన్‌ఫ్లూ కేసులు నమోదైనట్లు సమాచారం.



‘యన్‌టిఆర్‌’తో టీటీడీపీ నేతల భేటీ

Updated By ManamThu, 10/11/2018 - 12:32

balakrishnaహైదరాబాద్: బాలకృష్ణ ప్రధానపాత్రలో దర్శకుడు క్రిష్ యన్‌టిఆర్ జీవితకథను తెరకెక్కిస్తున్నారు. ప్రస్తుతం ఈ షూటింగ్ హైదరాబాద్‌లోని సారథి స్టూడియోలో జరుగుతోంది. ఈ సందర్భంగా ఎన్టీఆర్ పార్టీ ప్రకటించే సన్నివేశాన్ని క్రిష్ తెరకెక్కిస్తున్నాడు. కాగా ఈ మూవీ షూటింగ్‌లో బాలకృష్ణను కలిశారు టీటీడీపీ నేతలు. ఇటీవల ఖమ్మం జిల్లాలో బాలకృష్ణ చేసిన ప్రచారానికి మంచి స్పందన వచ్చిందని, అందుకే మిగిలిన జిల్లాల్లో కూడా ప్రచారం చేయాల్సిందిగా ఆయనను కోరారు టీడీపీ నేతలు. ఎన్నికల తేదీ దగ్గరపడుతుండగా.. అన్ని పార్టీలు ప్రచారంలో వేగాన్ని పెంచాయి. అందులో భాగంగా టీడీపీ తరపున బాలయ్య ప్రచారం చేస్తే ఓటర్లు ప్రభావితం అవుతారని ఈ సందర్భంగా నేతలు తెలిపినట్లు సమాచారం. బాలకృష్ణను కలిసిన వారిలో ఎల్.రమణ, పెద్దిరెడ్డి, రావుల చంద్రశేఖర్ రెడ్డిలు ఉన్నారు. కాగా యన్‌‌టిఆర్ బయోపిక్ రెండు భాగాలుగా తెరకెక్కుతుండగా.. ఒకటి జనవరి 9, మరొకటి జనవరి 25న ప్రేక్షకుల ముందుకు రానుంది.





Related News