janasena

పవన్ తీరు చూసి జనం నవ్వుతున్నారు: మంత్రి

Updated By ManamWed, 07/18/2018 - 08:53

ganta, pawan అమరావతి: జనసేన అధినేత పవన్ కల్యాణ్‌ను మరీ చిన్నపిల్లాడిలా మాట్లాడుతున్నారని, ఆయన తీరును చూసి జనం నవ్వుకుంటున్నారని ఏపీ మంత్రి గంటా శ్రీనివాసరావు మరోసారి పవన్‌పై ఫైర్ అయ్యారు. ప్రజలకు ఏదో చేయడానికి అన్నీ వదిలేసుకుని వచ్చానని పదేపదే చెబుతున్న పవన్ మాటలు ఉత్తవేనని అన్నారు. 

రైల్వే జోన్ కోసం టీడీపీ విశాఖలో దీక్ష చేస్తున్న సమయంలోనే ఉత్తరాంధ్ర పర్యటనలో ఉన్న పవన్, ఆ దీక్షకు ఎందుకు మద్దతివ్వలేదని ప్రశ్నించారు. మోదీని చూసి పవన్, జగన్ ఇద్దరు భయపడుతున్నారని గంటా వ్యాఖ్యానించారు.



పవన్ చేతికి 99టీవీ.. ఆనందంలో అభిమానులు

Updated By ManamFri, 07/13/2018 - 18:13

99TV taken over by Janasena Chief Pawan Kalyan

హైదరాబాద్: తెలుగు రాష్ట్రాల్లో ఇప్పుడున్న ప్రతి పార్టీకి ఓ సొంత చానెల్ ఉందన్న విషయం మనందరికీ తెలిసిందే. అయితే జనసేన పార్టీకి మాత్రం తన గొంతుక వినిపించేందుకు ఎలాంటి చానెల్ లేదు. అంతేకాదు ఒకానొక సమయంలో కొన్ని చానెళ్లు ఆయనపై వరుస వ్యతిరేక కథనాలు ప్రసారం చేయడం.. వాటిపై పవన్ దుమ్మెత్తి పోయడం ఆ తర్వాత నోటీసుల పర్వం కొనసాగడం ఇవన్నీ తెలిసిన విషయాలే. దీంతో తమ పార్టీ వాయిస్ వినిపించేందుకు చానెల్ కావాలని నిర్ణయించుకున్న పవన్ 99 టీవీని కొనేశారు. కాగా గత కొద్దిరోజులుగా జనసేన ముఖ్యనేత తోట చంద్రశేఖర్, పవన్ ఇద్దరు భాగస్వామ్యంతో 10టీవీ కొంటున్నారని అప్పట్లో పెద్ద ఎత్తున వార్తలు వచ్చిన సంగతి తెలిసిందే. అయితే వాటన్నింటికీ ఫుల్‌స్టాప్ పెట్టేసిన పవన్.. తాజాగా 99టీవీని కొనుగోలుచేస్తున్నట్లు పార్టీ శ్రేణులు ప్రకటించేశాయి. శుక్రవారం మధ్యాహ్నం హైదరాబాద్‌లోని 99టీవీ హెడ్‌ఆఫీస్‌‌లో పూజా కార్యక్రమాలు కూడా జరిపారు.

మొత్తానికి చూస్తే.. ఇప్పటి వరకూ వామపక్షాల గొంతు వినిపిస్తున్న ఈ చానెల్.. ఇకపై అచ్చంగా జనసేన వాయిస్ ప్రసారం కానుందన్న మాట. చానెల్ కొన్నట్లు తెలుసుకున్న పవన్ అభిమానులు, జనసేన కార్యకర్తలు ఆనందంలో మునిగితేలుతున్నారు. పవన్ అభిమానులు వరల్డ్ వైడ్‌గా పెద్ద ఎత్తున అభిమానులున్న సంగతి తెలిసిందే. దీంతో అభిమానులే ఈ చానెల్‌ను ముందుకు నడిపిస్తారన్న నమ్మకం కూడా పవన్‌కు తోడవ్వడంతో ఇక వెనుక ముందు ఆలోచించకుండా చానెల్ కొనేశారని సమాచారం.

ఇక చానెల్‌లో.. పనిచేస్తున్న పెద్ద తలకాయల విషయానికొస్తే.. మొత్తం యాజమాన్యం మారుతోంది గనుక.. అందులోని పెద్ద స్థాయి వారిని కూడా మార్చేసి తమకు అనుకూలంగా వారిని అపాయింట్ చేసుకోవాలని చూస్తున్నట్లు సమాచారం. కాగా ఈ చానెల్‌కు ఎడిటర్ మీడియా ఇండస్ట్రీలో పండిపోయిన ఓ వ్యక్తిని అపాయింట్ చేస్తారని తెలుస్తోంది. ఈ మొత్తం వ్యవహారంలో జనసేన ముఖ్యనేత తోట చంద్రశేఖర్ కీలక పాత్ర పోషించారని సమాచారం.



పవన్ కంటికి ఆపరేషన్ సక్సెస్

Updated By ManamFri, 07/13/2018 - 09:03

pawan  హైదరాబాద్: గత కొంత కాలంగా కంటి కురుపుతో బాధపడుతున్న నటుడు, జనసేన అధినేత పవన్ కల్యాణ్‌కు బుధవారం జరిగిన శస్త్రచికిత్స విజయవంతమైంది. హైదరాబాద్‌లోని ఎల్వీప్రసాద్‌ ఆసుపత్రిలో చిన్న శస్త్రచికిత్స ద్వారా పవన్ కంటికి ఉన్న కురుపును వైద్యులు తొలగించారు. గురువారం సాయంత్రం పవన్‌ను డిశ్చార్జి చేశారు. ఈ సందర్భంగా రెండు రోజులు విశ్రాంతి తీసుకోవాలని పవన్‌కు వైద్యులు సూచించినట్లు సమాచారం.

అయితే కొద్దిరోజుల కిందట పవన్ ఎడమ కంటిపై కురుపు ఏర్పడింది. అయినప్పటికీ నల్లని అద్దాలు వాడుతూ ప్రజా పోరాటయాత్రలో పాల్గొన్నారు. ఇదిలా ఉంటే ఈనెల 16 నుంచి తూర్పుగోదావరి ప్రజాపోరాట యాత్రలో పవన్‌ పాల్గొనాల్సి ఉంది. ఆ పోరాటంలో పవన్ పాల్గొంటాడని జనసేన వర్గాలు భావిస్తున్నాయి.



జగన్ ఎఫెక్ట్.. నిర్ణయం మార్చుకున్న పవన్!

Updated By ManamThu, 07/12/2018 - 11:29

Janasena Chief Pawan Tour Cancelled With The Effect Of YSRCP Chief Jagan Padayatra

తూర్పుగోదావరి: వైసీపీ అధినేత, ఏపీ ప్రధాన ప్రతిపక్షనేత వైఎస్ జగన్ మోహన్‌రెడ్డి తలపెట్టిన ‘ప్రజా సంకల్ప యాత్ర’ తూర్పు గోదావరి జిల్లాలో విజయవంతంగా సాగుతోంది. ప్రజా సమస్యలను తెలుసుకుంటూ.. ప్రభుత్వం లోటుపాటులను ఎత్తిచూపుతూ జగన్ పాదయాత్ర సాగిస్తున్నారు. మరోవైపు ‘జనసేన పోరాట యాత్ర’ పేరిట ఆ పార్టీ అధినేత పవన్ కల్యాణ్ కూడా యాత్ర సాగిస్తున్నారు. ఇద్దరు కోస్తా ఆంధ్రాలోనే యాత్రలు చేస్తున్నారు. ఇప్పటికే విశాఖ, విజయనగరం, శ్రీకాకుళంలో పర్యటన ముగించుకున్న పవన్ కల్యాణ్... ఇక మిగిలున్న, తన సామాజిక వర్గం ఎక్కువగా ఉన్న ఉభయ గోదావరి జిల్లాల్లో పర్యటించాలని నిర్ణయించారు. అయితే ప్రస్తుతం వైఎస్ జగన్ తూర్పుగోదావరి జిల్లాలో పాదయాత్ర సాగిస్తుండటంతో పవన్‌కు పోలీసులు పలు సూచనలు చేశారు. ఓ వైపు జగన్.. మరోవైపు పవన్ యాత్ర చేస్తే ఇద్దరికీ ఒకేసారి భద్రత కల్పించడం సాధ్యం కాని పని తేల్చిచెప్పారని తెలుస్తోంది. అంతేకాదు వీలైనంత వరకు కొద్దిరోజుల పాటు మీ యాత్రను ఉభయ గోదావరి జిల్లాల్లో వాయిదా వేసుకుంటే మంచిదని పోలీసులు.. పవన్‌కు సూచించారని సమాచారం. దీంతో నిర్ణయం మార్చుకున్న పవన్ కల్యాణ్ ‘జనసేన పోరాట యాత్ర’ను వాయిదా వేసుకున్నారు.

ఈ నెల 16వ తేదీ నుంచి ఆయన యాత్ర ప్రారంభమవుతుందని విశ్వసనీయ వర్గాల సమాచారం. జగన్ పాదయాత్ర తూర్పుగోదావరి జిల్లాల్లో సాగుతుండటంతో పవన్ కల్యాణ్.. తూర్పుగోదావరి జిల్లా నుంచి తన పోరాట యాత్రను ప్రారంభించే అవకాశముందని పార్టీ శ్రేణులు చెబుతున్నాయి. కాగా ఈ విషయంపై అధికారికంగా ప్రకటన వెలువడాల్సి ఉంది. కాగా ఇప్పటి వరకూ పవన్ పర్యటించిన నియోజకవర్గాల్లో పెద్ద ఎత్తున నేతలు జనసేన కండువా కప్పుకున్న విషయం తెలిసిందే. ఎన్నికలు దగ్గర పడుతుండటంతో పార్టీని బలోపేతం చేసుకునేందుకు పవన్ విశ్వ ప్రయత్నాలు చేస్తున్నారని దీన్ని బట్టి అర్థం చేసుకోవచ్చు. యాత్రలో భాగంగానే ఎవరెవరికి అసెంబ్లీ, పార్లమెంట్ టికెట్లు ఇవ్వాలని పవన్ వ్యూహ రచనలు కూడా చేస్తున్నారని తెలుస్తోంది.



పవన్‌కు అంత సీన్ లేదు: జవహర్

Updated By ManamTue, 07/10/2018 - 12:20
  •     పెన్‌డ్రైవ్ ప్రభావంతోనే పవన్ యూటర్న్

  •     మోగా ఫ్యామిలీలో పేరుపొందినోళ్లు ఎవ్వరూ లేరు

  •     టీడీపీని గెలిపించే సత్తా పవన్‌కు ఉంటే..

  •     చిరంజీవి ఎందుకు సీఎం కాలేదు

  •     బీజేపీ డైరెక్షన్‌లో జగన్, వపన్‌ల డ్రామా

minister jawahar

కుప్పం : జనసేన అధ్యక్షుడు, సినీ హీరో పవన్ కల్యాణ్‌పై  ఎక్సైజ్ శాఖామంత్రి జవహర్ తీవ్రస్థాయిలో ధ్వజమెత్తారు. పవన్ ఎక్కడ పోటీచేసినా ఓడించి తీరుతామని.. ఆంధ్రప్రదేశ్ కుటుంబ వ్యవస్థపై కనీస గౌరవంలేని ఆయన ముఖ్యమంత్రి చంద్రబాబుపై ఇష్టారాజ్యంగా మాట్లాడుతూ, వ్యక్తిగత విషయాల జోలికొస్తే తాము వ్యక్తిగతంగా మాట్లాడాల్సి వస్తుందని  హెచ్చరించారు.  మంత్రి జవహర్ సోమవారం కుప్పం, శాంతిపురం మండలాల్లో పర్యటించారు.

ఈ సందర్భంగా మీడియాతో మాట్లాడిన ఆయన.. బీజేపీ, వైఎస్సార్‌సీపీ, జనసేన పార్టీలపై తీవ్రస్థాయిలో విమర్శలు గుప్పించారు. ప్రధానంగా పవన్‌ను టార్గెట్‌ చేస్తూ సంచలన వ్యాఖ్యలు చేశారు. పవన్ ఎక్కడ నిలబడినా ఓడించి తీరుతామని స్పష్టం చేశారు. మహిళలపట్ల కనీస గౌరవం, కుటుంబ వ్యవస్థపై విశ్వాసంలేని పవన్ రాజకీయాల్లోకొచ్చి ఏం వెలగబెడుతాడంటు ప్రశ్నించారు.

అన్నా, తమ్ముళ్లు ఇద్దరూ ప్రజలను మోసంచేసి హోల్‌సేల్‌గా ఒకరు అమ్ముకుంటే .. రీటెల్‌గా ఇంకొకడు అమ్ముకుంటున్నాడంటు విమర్శించారు. పవన్‌కు సంబంధించిన  కీలకమైన పత్రాలతో పాటు మరికొన్ని వీడియోలు కేంద్రం చేతిలో ఉన్నాయని, అందుకే బీజేపీ ఆడించినట్లు ఇందులో భాగంగానే చంద్రబాబు, లోకేష్‌పై అవినీతి ఆరోపణలు చేస్తున్నారని మండిపడ్డారు.

‘తాము నోరుతెరచి వ్యక్తిగతంగా వెళితే ఎక్కడికి పవన్ పారిపోతావో తెలియదు.. గతంలో విదేశాలకు వెళ్లావేమో ఈసారి అండమాన్‌కు పారిపోతావంటూ’హెచ్చరించారు. టీడీపీని తానే గెలిపించాననే పవన్ తన అన్నయ్య చిరంజీవిని ఎందుకు గెలిపించలేదని ప్రశ్నించారు. పవన్ ప్రభావం ఏమీ ఉండదని యువరాజ్యం పేరుతో పంచెలు కట్టుకుని తిరిగి ఏం సాధించావ్ అంటు ప్రశ్నించారు. పవన్ కల్యాణ్ ... గాలి కల్యాణ్‌గా పేరుకుతగ్గట్టుగా సార్థక నామధేయుడుగా మిగిలిపోతాడే తప్ప సాధించేదేమీ ఉండదన్నారు. చంద్రబాబును వ్యక్తిగతంగా టార్గెట్‌చేసి మాట్లాడితే టీడీపీ కార్యకర్తలు, నేతలు సైతం అదే తరహాలో స్పందిస్తారని, పవన్ పద్దతిగా వుండాలని హితవు పలికారు.

కుటుంబ ప్రయోజనంతప్పా మెగా ఫ్యామెలీలో పేరుపొందినోడు ఎవడైనా ఉన్నాడా..? ఒక్కడిని చూపించు అంటూ..? అంటు మంత్రి జవహర్ ప్రశ్నించారు. మొగల్తూరు ప్రజలు చిరంజీవిని ఎందుకు ఓడించారో చెప్పాలన్నారు. పవన్ కుటుంబ పరిస్థితే బాగలేదని, వ్యక్తిగతంగా వెళ్లడం తనకు ఇష్టం లేదని.. ఆడవాళ్లను బట్టలు మార్చినట్టు మార్చే పవన్..  చంద్రబాబుపట్ల అనుచిత వ్యాఖ్యలు చేయడం సరికాదన్నారు.

రాజకీయాలపై అవగాహన లేని పవన్  అయోమయంలో ఉన్నాడని, సభలకు, సమావేశాలకు జనం వస్తున్నారు కాబట్టి తానే సీఎం అయిపోతాననే భ్రమలో కొట్టుకుపోతున్నాడన్నారు. ఆంధ్రప్రదేశ్‌లో పవన్ ప్రభావం ఏమీ ఉండదన్నారు. బీజేపీ డైరెక్షన్‌లో జగన్, పవన్‌ల డ్రామాలు ఆడుతున్నారన్నారు.  జగన్‌ది ప్రజాసంకల్ప యాత్ర కాదని.. పదవి కోసం చేపడుతున్న యాత్రంటు మంత్రి వ్యంగ్యాస్త్రాలు సంధించారు. సీఎం అయిపోతామనే జగన్ పగటి కలలు ఎన్నటికీ నెరవేరదని.. కేసుల నుండి బయటపడేందుకే బీజేపీతో లాలూచీ అంటూ దుయ్యబట్టారు. 



సీఎం.. రాజీనామా చేసి రండి

Updated By ManamSat, 07/07/2018 - 02:02
  • జోన్ కోసం విశాఖలో రైళ్లను స్తంభింపచేద్దాం

  • ఈ పోరాటంలో జగన్ కూడా కలసి రావాలి

  • ముగ్గురూ కేంద్రంపై పోరాటం చేస్తాం: పవన్ 

  • కేంద్రాన్ని, ప్రధానిని ఎదిరించే ధైర్యం ఉంది

  • ముఖ్యమంత్రికి ఉందా? మోదీ అంటే భయం

  • తగరపువలస బహిరంగ సభలో జనసేనాని

pavanవిశాఖపట్నం: విశాఖపట్నం రైల్వే జోన్ కోసం ముఖ్యమంత్రి పదవికి చంద్రబాబు నాయుడు రాజీనామా చేసి వస్తే, ఆయనతో కలసి విశాఖలోనే రైళ్లను స్తంభింపచేస్తానని పవన్ ప్రకటించారు. ఈ పోరాటంలో ప్రతిపక్ష నేత జగన్‌మోహన్ రెడ్డి కూడా కలిసి రావాలని  అన్నారు. ముగ్గురం కలిసే కేంద్రంపై పోరాటం చేస్తామన్నారు. తగరపువలస నుంచి ముఖ్యమంత్రికి, జగన్‌కు తాను బహిరంగ సవాల్ చేస్తున్నాని అన్నారు. శుక్రవారం భీమిలి నియోజకవర్గంలో జనసేన పోరాటయాత్రలో పాల్గొన్నారు. తగరపువలసలో నిర్వహించిన బహిరంగ సభలో పవన్ ప్రసంగించారు. ‘‘ముఖ్యమంత్రి, ఆయన పార్టీ నాయకులు నాకు కొన్ని ప్రశ్నలు వేశారు. విశాఖ రైల్వే జోన్‌పై మీ వైఖరి ఏమిటి అని. నా వైఖరి చెబుతాను. జోన్‌పై ముఖ్యమంత్రికి, వారి ఎంపీలకు ఉన్న చిత్తశుద్ధి ఏమిటి? ఈ మధ్యనే ఓ వీడియో వచ్చింది. ఎంపీలు అవంతి శ్రీనివాస్, మురళీమోహన్ జోన్ గురించి చులకనగా మాట్లాడారు. వారికి  జనం అంటే అంత చిన్నచూపా? వాళ్లు చేసే దీక్షల్ని, డ్రామాల్ని నమ్మాలా? రైల్వే జోన్ సాధనకు ముఖ్యమంత్రి, ఆయన ఎంపీలు రాజీనామాలు చేసి వస్తే అందరం కలిసే విశాఖ రైల్వే లైన్ మీద కూర్చొని పోరాడదాం. ప్రత్యేక హోదా ముగిసిన అధ్యాయం అని సుప్రీం కోర్టులో కేంద్రం చెప్పింది. నా వైఖరి ఏమిటి అని అంటున్నారు. హోదా కావాలి అని తొలి నుంచి పోరాడుతున్నది జనసేన పార్టీయే. తిరుపతి మీటింగ్‌లోనే కేంద్రాన్ని ఎదిరించి మాట్లాడాను. కాకినాడలో మీటింగ్ పెడితే అర్ధరాత్రి ప్యాకేజీ ప్రకటించారు. అవి పాచిపోయిన లడ్డూలు అని చెప్పాను. ఆ పాచిపోయిన లడ్డూలే కావాలని టీడీపీ పాలకులు తీసుకున్నారు. ఇప్పుడు మాటలు మార్చి హోదా కోసం దీక్షలు అంటున్నారు. కేంద్రాన్ని, ప్రధానిని ఎదిరించే ధైర్యం నాకు ఉంది. ముఖ్యమంత్రికి ఆ ధైర్యం ఉందా? స్వయంగా చూశాను ఆయనకు ప్రధాని మోదీ అంటే భయం’’ అని పవన్ అన్నారు. 

కార్మికులకు జనసేన అండ..
భీమిలి నియోజకవర్గంలో మూతపడ్డ చిట్టివలస జూట్ మిల్లును పవన్ పరిశీలించారు. జూట్ మిల్లు సమస్యలపై కార్మికులతో మాట్లాడారు. ఈ సందర్భంగా కార్మికులు తమ కష్టాలను వెల్లడించారు. 2014లో చిట్టివలస జూట్ మిల్లు సమస్య తెలిసుంటే టీడీపీకి మద్దతు ఇచ్చినందుకు మిల్లు తెరపించాలని షరతు పెట్టేవాడినని పవన్ అన్నారు. ఇప్పటికైనా మించిపోయింది లేదని, కార్మికులకు అండగా జనసేన ఉంటుందని హామీ ఇచ్చారు.

భూనిర్వాసితులందరూ ఐక్యంగా పోరాడాలి
భూనిర్వాసితులు అందరూ ఒకే వేదికైపెకి వచ్చి ఐక్యంగా పోరాటం చేయాలని పవన్ కల్యాణ్ పిలుపునిచ్చారు. ఒక్కో ప్రాజెక్టు భూనిర్వాసితులు విడివిడిగా కాకుండా, అన్ని ప్రాజెక్టుల వాళ్లు ఐక్యంగా పోరాడితేనే ప్రభుత్వంలో కదలిక వస్తుందని అన్నారు. ఆంధ్రప్రదేశ్‌లో మహారాష్ట్ర తరహా రైతు ఉద్యమం అవసరమని పేర్కొన్నారు. 2013 భూసేకరణ చట్టం అమలు కోసం పోరాటం చేద్దామని, ఇందుకోసం ఐక్యకార్యాచరణ సమితి ఏర్పాటు చేస్తున్నామని ప్రకటించారు. రాజధాని ప్రాంతం ఉండవల్లి నుంచే పోరాటం మొదలుపెడతామని అన్నారు. శుక్రవారం విశాఖపట్నంలో ఆంధ్రప్రదేశ్ భూనిర్వాసితుల సభను పవన్ నిర్వహించారు. ఈ సమావేశంలో పవన్ మాట్లాడుతూ.. రాష్ట్రంలో ప్రాజెక్టుల పేరుతో వేలాది ఎకరాల భూములు సేకరిస్తూ, రైతులకు కనీసం పరిహారం, పునరావాసం ఇవ్వకుండా ప్రభుత్వం అన్యాయం చేస్తోందని అన్నారు. పరిశ్రమల పేరుతో భూములు తీసుకుని, వాటిని ఏర్పాటు చేయరని, స్థానికులకు ఉద్యోగాలు రావని, రైతులను వ్యవసాయం చేసుకోనీయరని, ఇదేం దారుణమని ప్రశ్నించారు. భూములు కోల్పోయిన రైతులు గుళ్లో ప్రసాదాలు తింటూ బతుకుతున్నారని ఆవేదన వ్యక్తం చేశారు. ఈ సమావేశంలో ప్రొఫెసర్ చలం, ప్రొఫెసర్ కె.వి.రమణ, అనుమోలు గాంధీ, బొలిశెట్టి సత్యనారాయణ, శాంతిప్రసాద్, పలు ప్రాంతాలకు చెందిన రైతులు, భూనిర్వాసితులు పాల్గొన్నారు. 

నేడు సాగరతీరంలో భారీ కవాతు
ఆంధ్రప్రదేశ్‌కు ప్రత్యేక హోదా సాధనకు, విభజన హామీల అమలుకు జనసేన పెద్ద ఎత్తున నిరసన కార్యక్రమం చేపట్టనుంది. శనివారం విశాఖపట్నం సాగర తీరాన జనసేన ఆధ్వర్యంలో భారీ కవాతు నిర్వహించనుంది. ఈ కవాతులో పాల్గొనేందుకు పెద్ద ఎత్తున తరలి రావాలని జనసేన పిలుపు నిచ్చింది. శనివారం మధ్యాహ్నం 3 గంటలకు సముద్ర తీరాన కవాతు ప్రారంభంమవుతుందని వెల్లడించింది. పవన్ ముందుండి కవాతులో పాల్గొంటారని తెలిపింది. 



తప్పు జరుగుతోంది: పవన్

Updated By ManamFri, 07/06/2018 - 17:59

Pawan kalyan, Janasena, AP farmersహైదరాబాద్: రాక్షసుల్లా రైతుల భూముల్ని లాక్కొని వారి కుటుంబాలను రోడ్డుపైకి తెస్తున్నారని జనసేన అధ్యక్షులు పవన్ కల్యాణ్ ఆవేదన వ్యక్తం చేశారు. శుక్రవారం ఉదయం విశాఖపట్నంలో ఆంధ్రప్రదేశ్ భూ నిర్వాసితుల జనసభను నిర్వహించారు. ఈ సందర్భంగా పవన్ మాట్లాడుతూ.. మహారాష్ట్ర తరహా రైతు ఉద్యమం అవసరమన్నారు. 2013 భూసేకరణ చట్టం అమలుకు పోరాటం చేద్దామని పిలుపునిచ్చారు. ఐక్య కార్యాచరణ సమితిని ఏర్పాటు చేయాల్సి ఉందని పవన్ తెలిపారు.

ఉండవల్లి నుంచే పోరాటం మొదలుపెడదామన్నారు. ఏపీలో పలు ప్రాజెక్టుల పేరుతో వేల ఎకరాల భూములు సేకరిస్తూ రైతుకు కనీస పరిహారం, పునరావాసం ఇవ్వకుండా ప్రభుత్వం అన్యాయం చేస్తోందన్నారు. తప్పు జరుగుతోందని, న్యాయం చేయమంటే అభివృద్ధి నిరోధకులని ముద్రవేస్తారా? అని ప్రశ్నించారు. భూములు కోల్పోయిన రైతులు గుళ్లలో ప్రసాదాలు తిని బతుకుతున్నారని వాపోయారు. ఐక్యంగా పోరాటం చేస్తేనే పాలకుల్లో కదిలిక వస్తుందని పవన్ చెప్పారు. కాగా, భూ నిర్వాసితుల జనసభకు రాజధాని ప్రాంతం అమరావతి భూ నిర్వాసితులు, రైతులు హాజరయ్యారు. 



రేపు విశాఖలో జనసేన నిరసన కవాతు

Updated By ManamFri, 07/06/2018 - 13:33

Janasenaవిశాఖపట్నం: ప్రత్యేకహోదా, విభజన హామీల అమలులో కేంద్ర, రాష్ట్ర ప్రభుత్వాలు ఏపీకి చేసిన అన్యాయానికి నిరసనగా జనసేన పార్టీ శనివారం విశాఖలో నిరసన కవాతుకు పిలుపునిచ్చింది. మధ్యాహ్నం 3గంటల నుంచి ఈ కవాతు ప్రారంభం కానుండగా.. జనసేన అధినేత పవన్ కల్యాణ్‌ ఈ కార్యక్రమానికి సారధ్యం వహించనున్నారు.

బీచ్‌ రోడ్డులోని కాళీమాత గుడి వద్ద నుంచి ప్రారంభం కానున్న ఈ కవాతు వైఎంసీఏ వద్ద ముగియనుంది. ఈ మేరకు ఓ ప్రకటనను ఇచ్చిన జనసేన.. కవాతుకు మద్దతుగా రాష్ట్ర వ్యాప్తంగా కార్యకర్తలు వచ్చి జయప్రదం చేయాలని కోరింది.



‘మెగా’ ఫొటో వెనుక కథ చెప్పిన పవన్

Updated By ManamFri, 07/06/2018 - 10:01

తన అన్నలు చిరంజీవి, నాగబాబు అక్క, చెల్లితో తీసుకున్ ఓ ఫొటోను జనసేన అధినేత పవన్ కల్యాన్ గురువారం సోషల్ మీడియాలో అభిమానులు చేశారు. ఈ సందర్భంగా ఆ ఫొటో వెనుక ఉన్న కథను కూడా చెప్పారు. అప్పుడు మేము నెల్లూరులో ఉన్నాం. నేను ఏడో తరగతి చదువుతున్నా. చాలా కాలం బ్రాంకెటిస్‌తో బాధపడ్డా. దాని నుంచి బయటపడ్డాక ఈ ఫొటో తీసుకున్నాం అంటూ పవన్ తెలిపారు. మరోవైపు ఈ ఫొటోపై మెగాభిమానులు సంతోషం వ్యక్తం చేస్తున్నారు. మెగా ఫొటో అంటూ వారు ఆ ఫొటోను షేర్ చేస్తున్నారు. ఇదిలా ఉంటే వచ్చే ఎన్నికల్లో ఏపీలో పోటీ చేయాలనుకుంటున్న పవన్ కల్యాణ్ తన ప్రచారంలో వేగాన్ని పెంచారు. అధికార పార్టీ లోపాలను ఎత్తిచూపుతూ ఆయన ప్రచారాన్ని కొనసాగిస్తున్నారు.



ఇష్టం వచ్చినట్లు దోపిడి చేస్తామంటే చూస్తూ ఊరుకోం

Updated By ManamThu, 07/05/2018 - 14:34

Pawan Kalyan అమరావతి: పిచ్చి పిచ్చి వేశాలు వేయొద్దంటూ టీడీపీ నేతలను జనసేన అధినేత పవన్ కల్యాణ్ హెచ్చరించారు. టీడీపీ ఎమ్మెల్యేలంటే ఏమైనా పైనుంచి దిగొచ్చారా? అని ప్రశ్నించిన పవన్.. వాళ్లకు మేమేమైనా బానిసలమా? అంటూ ప్రశ్నించారు. ప్రజాసేవ కోసం వచ్చినవారు, రాజ్యాంగ పరిధికి లోబడి ఉండాలని పవన్ అన్నారు. ఇష్టం వచ్చినట్టు దోపిడీ చేస్తామంటే... చేతులు కట్టుకుని కూర్చోబోమని పవన్ ఘాటు వ్యాఖ్యలు చేశారు.

అన్నీ వదులుకుని రాజకీయాల్లోకి వచ్చానని, పోతే ప్రాణాలే పోతాయని ధైర్యంగా అడుగువేశానని పవన్ ఈ సందర్భంగా చెప్పారు. మౌనంగా చూస్తూ కూర్చుంటే విశాఖలోని డాల్ఫిన్ కొండలను కూడా టీడీపీ నేతలు ఆక్రమించుకుంటారని అన్నారు. తప్పు చేస్తున్నవారిని తానెందుకు ప్రశ్నించకూడదని నిలదీశారు. ఇక రాజకీయ నాయకులు తలచుకుంటే ఒక్క సంతకంతో తలరాతలు మార్చేయవచ్చని తెలిపారు. తెలంగాణలో ఓ పెన్ను పోటుతో ఉత్తరాంధ్రకు చెందిన 23 వెనుకబడిన కులాలను జాబితా నుంచి తొలగించారని... అదే విధంగా ఏపీలో టీడీపీ నేతల సంతకాలతో ప్రజల తలరాతలు మారిపోతున్నాయని పవన్ చెప్పారు.





Related News