Bus driver

54కి చేరిన మృతులు: బస్సు డ్రైవర్ మృతి

Updated By ManamTue, 09/11/2018 - 19:34
  • కొండగట్టు బస్సు బోల్తా పడ్డ ఘటన.. 

  • ఆస్పత్రిలో చికిత్స పొందుతూ శ్రీనివాస్ మృత్యువాత

Bus Driver, Kondagattu Bus, Driver Srinivas జగిత్యాల: కొండగట్టు ఘాట్ రోడ్ వద్ద జరిగిన ఘోర రోడ్డుప్రమాదంలో మృతిచెందినవారి సంఖ్య 54కు చేరింది. బస్సు బోల్తా పడిన ఘటనలో తీవ్రంగా గాయపడ్డ డ్రైవర్ శ్రీనివాస్ ఆస్పత్రిలో చికిత్స పొందుతూ మృతిచెందాడు. ఆగస్టు 15న ఉత్తమ ఆర్టీసీ అవార్డును శ్రీనివాస్ అందుకున్నాడు. బస్సుప్రమాదంలో మృతిచెందినవారిలో 32 మంది మహిళలు, 15మంది పురుషులు, నలుగురు చిన్నారులు ఉన్నారు.

ప్రమాదంలో గాయపడ్డ మరో 37 మందికి కరీంనగర్, హైదరాబాద్‌లో చికిత్స అందిస్తున్నారు. ప్రమాద సమయంలో బస్సులో 80మందికి పైగా ప్రయాణికులు ఉన్నట్టు పోలీసులు వెల్లడించారు. 30 మృతదేహాలకు పోస్టుమార్టం పూర్తి చేసిన అనంతరం సంబంధిత బంధువులకు అప్పగించినట్టు తెలిపారు. మృతుల సంఖ్య పెరిగే అవకాశం ఉంది. 



వీడియో: బైక్ రైడర్‌ను నడిరోడ్డుపై ఈడ్చుకెళ్లిన బస్సు డ్రైవర్

Updated By ManamSun, 06/17/2018 - 15:35

Bus driver, Middle of the road, Bike rider, Traffic, Hassan districtనడిరోడ్డుపై ట్రాఫిక్‌లో ఆర్టీసీ బస్సు డ్రైవర్ ఓ బైక్ రైడర్‌ను కొట్టుకుంటూ తీసుకెళ్లాడు. ఈ ఘటన కర్ణాటక రాష్ట్రంలోని హాసన్ జిల్లాలో ఎవికె కాలేజీ ఎదుట చోటుచేసుకుంది. ఏం జరిగిందో తెలియదు గానీ, అందరూ చూస్తుండగానే రోడ్డుపక్కన ఫుట్‌పాత్‌ వద్ద నుంచి ఆ యువకుడి చొక్కా పట్టుకొని కొట్టుకుంటూ బస్సులోకి లాక్కెళ్లారు. అందులో ఒక డ్రైవర్ వద్ద ఉన్న ప్యాసెంజర్ టికెట్ మిషన్ సరిచేసుకుంటూ యువకుడిని కొడుతున్నట్టు వీడియోలో కనిపిస్తోంది. ఇంతకీ ఆ యువకుడు ఏం చేశాడో.. బస్సు డ్రైవర్ ఎందుకు అతన్ని కొట్టుకుంటూ ఈడ్చుకెళ్తున్నాడో కారణం తెలియనప్పటికీ.. ఈ ఘటనకు సంబంధించిన వీడియో మాత్రం ప్రస్తుతం సోషల్ మీడియాలో వైరల్ అవుతోంది. ఇదే ఆ వీడియో.. 



గొయ్యిలో పడ్డ ఆర్టీసీ బస్సు: ఇద్దరు మృతి

Updated By ManamSun, 03/25/2018 - 11:38

Tamilnadu RTC bus, Bus driver, Crane fulls bus చిత్తూరు: తమిళనాడు ఆర్టీసీ బస్సు ప్రమాదానికి గురైంది. రేణిగుంట-చంద్రగిరి మార్గంలో అదుపుతప్పి గొయ్యిలో పడింది. ఈ ఘటన చిత్తూరు జిల్లాలోని పేరూరు మండలం పాతకాల్వ వద్ద ఆదివారం ఉదయం చోటుచేసుకుంది. బస్సు ప్రమాదంలో బస్సు డ్రైవర్‌ సహా ఇద్దరు మృతి చెందారు. మరో ఐదుగురికి తీవ్ర గాయాలయ్యాయి. తమిళనాడులోని సేలం నుంచి తిరుపతి వస్తుండగా బస్సుకు ప్రమాదం చోటుచేసుకుంది. గాయపడిన వారిని చికిత్స నిమిత్తం స్థానిక ఆస్పత్రికి తరలించారు. గొయ్యిలో పడిన ఆర్టీసీ బస్సును క్రేన్‌ సహాయంతో పోలీసులు బయటకు తీశారు. పూర్తి వివరాలు తెలియాల్సి ఉంది.





Related News