amith shah

నక్సలిజం అంతం

Updated By ManamSun, 11/11/2018 - 00:03
  • ఛత్తీస్‌గఢ్‌లో దాదాపుగా లేనే లేదు

  • అది విప్లవ సాధనం కాదు

  • ఛత్తీస్‌గఢ్ ఈసారీ బీజేపీదే

  • విద్యుత్ ఉత్పత్తికి కేంద్రం

  • సిమెంటు తయారీకి కూడా..

  • బీజేపీ అధ్యక్షుడు అమిత్ షా

  • పార్టీ మేనిఫెస్టో విడుదల

amithరాయ్‌పూర్: ఛత్తీస్‌గఢ్‌లో నక్సలిజాన్ని రమణ్‌సింగ్ ప్రభుత్వం దాదాపుగా మొత్తం తుడిచిపెట్టేసిందని బీజేపీ జాతీయాధ్యక్షుడు అమిత్ షా ప్రశంసించారు. నక్సలిజాన్ని విప్లవ సాధనంగా చూసిన ఒక పార్టీ.. రాష్ట్రానికి ఎలాంటి మేలు చేయలేదన్నారు. బీజేపీ నేతృత్వంలోని ఛత్తీస్‌గఢ్ ప్రభుత్వం రాష్ట్రాన్ని విద్యుత్, సిమెంటు ఉత్పత్తులకు కేంద్రంగా చేసిందని ప్రశంసించారు. సోమవారం జరగనున్న తొలివిడత ఎన్నికలకు సంబంధించిన పార్టీ మేనిఫెస్టోను విడుదల చేసిన తర్వాత ఆయన విలేకరులతో మాట్లాడారు. ఛత్తీస్‌గఢ్‌లో తాము వరుసగా నాలుగోసారి కూడా గెలుస్తామన్న ధీమాను ఆయన వ్యక్తం చేశారు. తమ పార్టీ అభిప్రాయం ప్రకారం విప్లవం అంటే సమాజంలో అణగారిన వర్గాలకు, పేదలకు గ్యాస్ కనెక్షన్లు, విద్యుత్ సదుపాయం, విద్య, ఉద్యోగాలను ఇవ్వడమని అమిత్ షా అన్నారు. వరుసగా మూడుసార్లు అధికారంలో కొనసాగిన ర మణ్ సింగ్ ప్రభుత్వం అభివృద్ధి విషయంలో పాత రికార్డులన్నింటినీ చెరిపేసిందని చెప్పారు. కాంగ్రెస్ పార్టీ ఈ దేశాన్ని 55 ఏళ్లు పాలించిందని, కానీ బీజేపీ మాత్రమే సమాజంలోని చిట్టచివరి వ్యక్తికి కూడా అభివృద్ధి ఫలాలు అందేలా చేస్తోందని అన్నారు. తాము ఇచ్చిన హామీలన్నింటినీ నెరవేరుస్తామని తెలిపారు. రమణ్ సింగ్ గత ఎన్నికల్లో ఇచ్చిన హామీలన్నీ పూర్తి చేశారని, ఇప్పుడు కూడా రాష్ట్రాభివృద్ధికి కట్టుబడి ఉంటామని అన్నారు. ఇంతకుముందు బీమారూ రాష్ట్రంగా పేరొందిన ఛత్తీస్‌గఢ్‌లో ఇప్పుడు విద్యుత్, సిమెంటు ఉత్పాదనకు కేంద్రంగా మారిందని చెప్పారు. రాష్ట్రంలో పలు అభివృద్ధి పథకాలను ఉపాధి హామీ పథకంతో అవినీతి లేకుండా అనుసంధానం చేసిన ఘనత రమణ్‌సింగ్ సర్కారుదేనని అమిత్ షా ప్రశంసించారు.



కాషాయ తెలంగాణ చేస్తాం

Updated By ManamThu, 10/25/2018 - 01:35
  • అమిత్‌షా, మోదీ జోడితోనే దేశానికి రక్షణ : పరిపూర్ణనందస్వామి

laxmanహైదరాబాద్: ఎన్నికల్లో  మెజార్టీ సీట్లు సాధించి కాషాయ తెలంగాణగా చేస్తామని బీజేపీ నాయ కులు స్వామి పరిపూర్ణనంద ధీమా వ్యక్తం చేశారు. ఈగెలుపుతో దేశ ప్రజల దృష్టి తెలం గాణపై పడుతుందని, పేదప్రజలకు న్యాయం జరుగుతుందని చెప్పారు. బుధవారం తమ పార్టీ కార్యాలయంలో ఏర్పాటు చేసిన మీడియా సమావేశంలో మాట్లాడుతూ ప్రధాని మోదీ, అమిత్‌షాతోనే దేశరక్షణ సాధ్యమన్నారు. భారతీయ జనతాపార్టీని వాజ్‌పేయ్, అద్వానీ దేశమంతా విస్తరించి 1996లో మొదటిసారిగా అధికారం కైవసం చేసుకున్నారని చెప్పారు. వారి తరువాత కమలం వికసించేలా మోదీ, అమిత్‌షాలు శ్రమిస్తూ కేంద్రంలో పూర్తి మెజార్టీతో అధికారం సాధించడంతో పాటు 20 పైగా రాష్ట్రల్లో విజయకేతనం ఎగురవేశారని ప్రసంశించారు. ఆర్‌ఆర్‌ఎస్‌తో కలిసి తాను ఎన్నో ప్రజా సేవ కార్యక్రమాలు నిర్వహిం చానని, ఉభయ తెలుగు రాష్ట్రాల్లో పేదరికం ఎక్కువగా ఉందని, వారి అభివృద్దికి తనవంతు పాత్ర పోషించాలనే సంకల్పం పెరిగిందన్నారు. కానీ ఆ అభివృద్ధి అధ్యాత్మిక కార్యక్రమాలతో సాధ్యం కాదని , రాజకీయాల ద్వారా పేదలను ఆదుకోవచ్చనే భావనతో కమలం పార్టీలో చేరినట్లు పేర్కొన్నారు. చేరే ముందు తన తల్లి, తండ్రి, గురువు  ఆశీస్సులు తీసుకున్నానని, ఆ తరువాతే ఢిల్లీలో పార్టీ చీఫ్ అమిత్‌షా ఆధ్వర్యంలో చేరినట్లు ప్రకటించారు. వారు కూడా తనకు స్వాగతం పలికి తెలుగు రాష్ట్రాల్లో పార్టీ బలోపేతానికి సేవలందించాలని కోరడంతో తనకు ఎంతో ఆనందం కలిగిందన్నారు. చార్మినార్ భాగ్యలక్ష్మి అమ్మవారి కరుణ కటాక్షంతో సమాజానికి సేవ చేయాలనే ఉత్సాహం పెరిగిందన్నారు. టీఆర్‌ఎస్ పార్టీ దారుసలాం రాజకీయం చేస్తుందని, బీజేపీ లాల్ దర్వాజ రాజకీయం చేస్తుందన్నారు. రాష్ట్ర అధ్యక్షులు డా.లక్ష్మన్ ఆధ్వర్యం పార్టీ బలోపేతం అవుతుందని, ఆయన సూచనలు, సలహాల మేరకు తాను ప్రచారం నిర్వహిస్తానని చెప్పారు. రాజకీయ వ్యుహాల్లో ఆయనకు సాటిలేరని, ఈ ఎన్నికల్లో వచ్చే  ఫలితాలు దేశ రాజకీయాలను తారుమారు చేస్తాయని ఉద్ఘాటించారు. నగర బహిష్కరణ తనకు అమిత్‌షాతో ఆవిష్కరణ చేసిందని, దేశ రక్షణ, ప్రజల సంక్షేమమే ధ్యేయంగా సేవలందిస్తానని వెల్లడించారు. తెలంగాణ బీజేపీలో బేధాభిప్రాయాలు ఉన్నాయనే మాటలు  అవాస్తమని, అందరు కలిసి పనిచేసి పార్టీని అధికారంలోకి తీసుకొస్తామని వ్యాఖ్యానించారు. అనంతరం నాగార్జునసాగర్ నియోజకవర్గానికి చెందిన నిమ్మల ఇందిరాగౌడ్ ఆధ్వర్యంలో 200మంది కార్యకర్తలు చేరారు. అదే విధంగా నిజామాబాద్ జిల్లా కమాన్‌పూర్ జడ్పీటీసీ సభ్యులు మేకల సంపత్‌కుమార్‌యాదవ్ 500 మంది అనుచరులతో కమలం తీర్థం పుచ్చుకున్నారు. ఈసందర్భంగా రాష్ట్ర పార్టీ నాయకులు ఉదయం స్వామిజీకి  విమానాశ్రయంలో పెద్ద ఎత్తున ఘనస్వాగతం పలికారు. ఊరేగింపుగా పార్టీ కార్యాలయానికి తీసుకొచ్చి పూలమాలతో సత్కారించారు.

28 నుంచి యువమోర్చా సమ్మేళనం:  డా.లక్ష్మన్
ఎన్నికల ప్రచారంలో భాగంగా ఈనెల 28నుంచి మూడు రోజుల పాటు నగరంలో యువమోర్చా సమ్మేళనం నిర్వహిస్తు న్నట్లు పార్టీ అధ్యక్షులు లక్ష్మణ్ వెల్లడించారు. ఈ కార్యక్రమానికి పార్టీ జాతీయ అధ్యక్షులు అమిత్‌షాతో పాటు పలువురు కేంద్రమంత్రులు హాజరవుతున్నట్లు చెప్పారు. అదే విధంగా మూడు బహిరంగ సభలు ఏర్పాటు చేస్తున్నామని, సూర్యాపేట, నిజామాబాద్, హైదరాబాద్ జిల్లాలో పెద్ద ఎత్తున జన సమీక రణ చేసి తమ సత్తాచాటుతామన్నారు. మేనిఫెస్టోలో అడ్డగోలు హామీలిస్తూ ప్రజలను మభ్యపెట్టేందుకు టీఆర్‌ఎస్, మహాకూ టమి నేతలు  ఎత్తులువేస్తున్నారని ఆరోపించారు. దేశంలో ప్రజ లు మార్పు కావాలని కోరుకుంటున్నారని.. అది బీజేపీతోనే సా ద్యమైతుందని, త్వరలో జరిగే ఎన్నికల్లో ప్రజలు బీజేపీకి పట్టం కడితే అభివృద్ది ఏమిటో చూపిస్తామన్నారు. మోస పూరిత వాగ్దానాలు చేసే పార్టీలను తరిమికొట్టాలని సూచించారు.



త్వరలోనే సంచలన నిర్ణయం ప్రకటిస్తా: స్వామి

Updated By ManamMon, 10/08/2018 - 18:07

Swami Paripoornananda, Amith shah, Ram Madhav, Delhi tourన్యూఢిల్లీ: శ్రీపీఠం అధిపతి స్వామి పరిపూర్ణానంద ఢిల్లీబాటపట్టారు. ఉత్తరప్రదేశ్‌లో యోగి ఆదిత్యానాథ్‌ తరహాలో తెలంగాణలో స్వామి పరిపూర్ణానంద సీఎం అభ్యర్థిగా బీజేపీ బరిలోకి దింపే అవకాశముందని ప్రచారం సాగుతున్న నేపథ్యంలో స్వామి ఢిల్లీ పర్యటన ప్రాధాన్యం సంతరించుకుంది. సోమవారం ఢిల్లీలో పర్యటించిన పరిపూర్ణానంద బీజేపీ పెద్దలను కలుసుకున్నారు. బీజేపీ ప్రధాన కార్యదర్శి రామ్ మాధవ్‌తో సమావేశమైన స్వామిజీ.. అనంతరం బీజేపీ జాతీయ అధ్యక్షుడు అమిత్ షా‌ను కలిశారు. అమిత్ షా నివాసంలో సాయంత్రం ఏకాంతంగా భేటీ అయిన స్వామిజీ.. రాష్ట్రంలోని తాజా రాజకీయ పరిస్థితులపై చర్చించినట్టు తెలుస్తోంది.

ఈ భేటీలో స్వామిజీ భవిష్యత్ కార్యాచరణ గురించి కూడా అమిత్ షా అడిగి తెలుసుకున్నట్టు తెలుస్తోంది. అమిత్ షాతో భేటీ ముగిసిన అనంతరం స్వామిజీ మీడియాతో మాట్లాడుతూ.. ‘‘అమిత్ షా ఆదేశాల మేరకు భవిష్యత్‌లో కార్యక్రమాలు ఉంటాయనేది వెల్లడిస్తా. నా ఆసక్తి ప్రదానం కాదు. అమిత్ షా ఆలోచనలు, నిర్ణయాలు, అభిప్రాయాల మేరకు ప్రచారం లాంటిది ఉంటుంది. నవరాత్రులు అయిపోయాక దీనిపై పూర్తిగా చర్చిస్తాం. ఆధ్యాత్మికం, రాజకీయం, సామాజికం వేరు కాదు కదా? త్వరలోనే సంచలన నిర్ణయం ప్రకటిస్తా’’ అని స్వామి పరిపూర్ణానంద స్పష్టం చేశారు. 



కుటుంబ పార్టీకి వణుకు

Updated By ManamSun, 09/16/2018 - 23:09
  • అమిత్‌షా సభ విజయవంతం.. బీజేపీ రాష్ట్రాధ్యక్షులు లక్ష్మణ్  

imageహైదరాబాద్: కుటుంబ పార్టీ(టీఆర్‌ఎస్)కి వణుకు పుట్టించే విధంగా బీజేపీ సభ నిర్వహించినట్టు ఆ పార్టీ అధ్యక్షుడు లక్ష్మణ్ అన్నారు. ఆదివారం బీజేపీ రాష్ట్ర కార్యాలయంలో విలేకర్ల సమావేశంలో ఆయన మాట్లాడారు. అమిత్ షా సభ విజయవంతమవడంతో ప్రత్యర్థి గుండెల్లో రైళ్లు పరిగెత్తుతున్నాయని ఎద్దేవా చేశారు. అమిత్ షా సభకు స్వచ్ఛందంగా ప్రజలు తరలివచ్చారని తెలిపారు. డబ్బులు ఇచ్చి సభలకు జనాలను అధికార పార్టీ తీసుకువచ్చిన ఎక్కడా స్పందన లేదని విమర్శించారు.

టీఆర్‌ఎస్‌కు రాష్ట్రంలో బీజేపీనే ప్రత్యామ్నాయం అని అభిప్రాయం వ్యక్తం చేశారు. బీజేపీకి అధికారం ఇవ్వాలన్న భావన ప్రజల్లో వ్యక్తమవుతోందన్నారు. అమిత్ షా మీటింగ్‌తో తమకు ఆత్మవిశ్వాసం పెరిగిందన్నారు. అసద్ ఇంట్లో కూర్చొని అర్థం లేని ట్విట్ చేశారన్నారు. అక్టోబర్ లోపు 50 బహిరంగ సభలు నిర్వహిస్తామని పేర్కొన్నారు. హుజుర్‌నగర్‌లో తెలంగాణ విమోచన దినోత్సవం నిర్వహిస్తున్నట్టు తెలిపారు.



'అక్కడ మోదీ సర్కారు.. ఇక్కడ బీజేపీ సర్కార్..'

Updated By ManamSat, 09/15/2018 - 17:05
  • బీజేపీకి మద్దతు ఇవ్వాలని ప్రజలను కోరిన షా

  • తెలంగాణ అభివృద్ధి కోసం గ్రామగ్రామం వెళ్తాం

  • బీజేపీ సర్కార్ లేకున్నా ఫెడరల్ స్ఫూర్తికి గౌరవం ఇచ్చాం 

  • మీడియా సమావేశంలో అమిత్ షా స్పష్టీకరణ

Amith Shah, BJP, BJP govt, Narendra Modi govt, Telangana State  హైదరాబాద్: తెలంగాణ రాష్ట్ర అభివృద్ధి కోసం గ్రామం గ్రామం వెళ్తామని, పార్టీ కార్యకర్తలంతా సిద్ధంగా ఉన్నారని బీజేపీ జాతీయ అధ్యక్షుడు అమిత్ షా చెప్పారు. రాష్ట్రంలో బీజేపీ సర్కార్ లేకపోయినా ఫెడరల్ స్ఫూర్తికి గౌరవం ఇచ్చామని తెలిపారు. శనివారం హైదరాబాద్‌కు వచ్చిన ఆయన బీజేపీ కార్యాలయంలో మీడియా సమావేశంలో మాట్లాడారు. ఈ సందర్భంగా అమిత్ షా మాట్లాడుతూ.. బీజేపీ మద్దుతు ఇవ్వమని రాష్ట్ర ప్రజలను కోరుతున్నానని, కేంద్రంలో మోదీ సర్కారు.. తెలంగాణలో బీజేపీ సర్కార్‌ ఉండాలని కోరుకుంటున్నట్టు చెప్పారు. తెలంగాణకు మోదీ సర్కారు అనేకం చేసిందని, ఓబీసీ కమిషన్‌కి రాజ్యాంగ హోదా ఇచ్చిందని తెలిపారు. ఓబీసీలను కాంగ్రెస్ మోసం చేస్తే మోదీ న్యాయం చేశారని షా గుర్తు చేశారు. రాజ్యసభలో కాంగ్రెస్ ఎందుకు ఓబీసీ బిల్ ఆపిందో చెప్పాలని ప్రశ్నించారు. 

ఎయిమ్స్‌కు 1200 కోట్లు, ట్రైబల్ , వేతర్నిటీ, జయశంకర్ యూనివర్సిటీ, ముద్రలోన్స్ 14వేల కోట్లు ఇచ్చామని మిగతా వాటితో అన్ని కలిపి 2 లక్షల 70వేల కోట్లు కేంద్ర ప్రభుత్వం ఇచ్చిందన్నారు. తెలంగాణలో కాళేశ్వర ప్రాజెక్టకు అన్ని విధాల సహకరించామని, బీజేపీ ఇచ్చిన మూడు రాష్ట్రాలు అభివృద్ధి దిశగా వెళ్తున్నాయని అన్నారు. కాంగ్రెస్, సీపీఐ, టీడీపీల పొత్తును ప్రజలు హర్షించారని తెలిపారు.

2018లో అయినా దళిత సీఎంను చేస్తారా?
2014 ఎన్నికల్లో దళిత సీఎంను చేస్తారని చెప్పిన కేసీఆర్..2018లో అయినా దళిత సీఎంను చేస్తారా? అని ప్రశ్నించారు. రెండు లక్షల డబుల్ బెడ్ రూమ్ ఏమైందని, కనీసం ప్రధాని ఆవాసా యోజన చేసినా ఇల్లు పూర్తయ్యేవిని అన్నారు. కేంద్ర కేబినెట్ రైతులకు ఒకటిన్నర రేట్ల మద్దతు ధర పెంపునకు ఆమోదం తెలిపిందని అమిత్ షా స్పష్టం చేశారు. 



సార్వత్రిక తంత్రం

Updated By ManamWed, 09/12/2018 - 00:55

image‘2019లో మేం గెలిచినట్లయితే, 50 ఏళ్ళ దాకా మేమే అధికారంలో ఉంటాం. మమ్మల్నెవ్వరూ తొలగించలేరు’ అని ఆదివారం నాడు బీజేపీ జాతీయ కార్యవర్గ సమావేశంలో అమిత్‌షా మాటలు దేశంలో నడుస్తున్న పాలనా స్వభావాన్ని, అప్రకటిత ఎమర్జెన్సీ పరిస్థితులు కొనసాగుతున్న వైనాన్ని ప్రతిబింబిస్తున్నాయి. బీజేపీ అధ్యక్షుడిగా షా ప్రజాస్వామిక ఆదర్శాలను మాట వరసకు కూడా ప్రస్తావించలేదు సరిగదా ఓటర్లను టక్కరితనంతో (జుమ్లాలతో) ఆకట్టుకోవడం ఉత్తమోత్తమమైనదిగా ఆయన మాటలు వెల్ల డిస్తున్నాయి. రాజకీయాలంటే అధికారంలోకి రావడం, అధికారాన్ని సుసి ్థరం చేసుకోవడం మినహా, ప్రజల ప్రయోజనాల కోసం రాజకీయ నాయ కులు కృషి చేయాలన్న భావనకు ఆయన ఆమడ దూరంలో ఉన్నారని ఆ ప్రసంగం తెలియజేస్తోంది. దివంగత ప్రధాని వాజ్‌పేయి సూచించిన మా ర్గంలో ప్రతికార్యకర్తా నడవాలని, ‘అజేయ్‌భారత్.. అటల్ బీజేపీ’ నినాదం తో ముందుకు పోనున్నామని, వచ్చే ఎన్నికల్లో తమ పార్టీని ఎదిరించే రాజ కీయ పక్షమే లేదని, ఆత్మవిశ్వాసంతో ఎన్నికలకు వెళ్తున్నామని ఆయన ధీమా వ్యక్తం చేశారు. మోదీ-షా ద్వయం మాటల్లో ఆత్మ విశ్వాసం కంటే అహంకారమే ప్రధానంగా ధ్వనిస్తోంది. 2019లో జరుగబోయే సార్వత్రిక ఎన్నికల వ్యూహం కోసం జరిగిన బీజేపీ జాతీయ బైఠక్ ఆద్యంతం మోదీ- షా ద్వయం చుట్టూతానే పరిభ్రమించింది. సంకీర్ణ భాగస్వామ్య పక్షాలు లేకుండానే నిర్వీర్యంగా ఉన్న ప్రతిపక్షాల కూటమితో తలపడుతున్నామనే అతి విశ్వాసం ఆ సమావేశంలో ప్రతిబింబించింది. నరేంద్ర మోదీ కేంద్రం గా అధ్యక్ష తరహా ఎన్నికల ప్రచార పర్వానికి బీజేపీ శ్రీకారం చుట్టింది. అసంఘటితంగా, భిన్న భావజాలాలతో పొంతనలేని ఐక్యతతో కూడిన ప్రతిపక్షానికి, మోదీ ప్రజాదరణకు మధ్య ప్రధాన పోటీ నడుస్తున్నట్లు ఆ పార్టీ భావిస్తోంది. రాబోయే సార్వత్రిక ఎన్నికల్లో నరేంద్ర మోదీ పాలనా విశేషాలను వివరిస్తూ, అజేయమైన భారత నిర్మాణానికి, దృఢమైన బీజేపీని ఎంచుకోవాలన్న నినాదంతో ఓటర్ల ముందుకు వెళ్లాలని బీజేపీ జాతీయ కార్యవర్గ సమావేశం తీర్మానించింది. 

2014లో ‘వికాస్’ వేదికపై అధికారంలోకి వచ్చిన బీజేపీ, ఆ తర్వాత దేశవ్యాప్తంగా జరిగిన శాసనసభ ఎన్నికల్లో వరుస విజయాలు సాధించడం ద్వారా దేశ సమాఖ్య నిర్మాణంపై తన పట్టును మరింత బిగించింది. 20 రాష్ట్రాల అసెంబ్లీలో, పార్లమెంట్‌లోనూ ఎన్డీఏ మెజారిటీలో ఉండడంతో రా బోయే ఎన్నికల్లో మోదీ అభివృద్ధి మంత్రం మళ్లీ పనిచేస్తుందన్న ఆశాభా వం ఆ సమావేశంలో బలంగా వ్యక్తమైంది. మోదీ పాలనలో అడుగంటిన అభివృద్ధి, హక్కుల హననం, విద్వేషకాండతో సమాజంలో నెలకొన్న అభ ద్రత కారణంగా ప్రజాదరణ రోజురోజుకు పడిపోతున్న వాస్తవాన్ని కప్పి పెట్టి ఆయనను తిరుగులేని నేతగా ప్రజల ముందుంచడానికి బీజేపీ ప్రయ త్నాలు మొదలుపెట్టింది. ఆయిల్ ధరలు భరించలేనంతగా పెరగడం, ఎన్న డూ లేనంతగా రూపాయి విలువ క్షీణించడం (డాలర్‌తో రూపాయి మార కం విలువ 72.23కు చేరుకోవడం), వ్యవసాయ సంక్షోభం తీవ్రతరం కావ డం (ఆరెస్సెస్ అనుబంధ సంఘం ‘భారతీయ కిసాన్ సంఘ్’ సైతం మోదీ ని విమర్శించింది), ఏడాదికి కోటి ఉద్యోగాల కల్పన, పెద్దనోట్ల రద్దు, జీఎ స్టీ, ద్రవ్యరేట్ల సవరణలతో ఆర్థిక వ్యవస్థ అస్తవ్యస్తం కావడం, నేపాల్ సహా దౌత్య సంబంధాలు సంక్షోభంలో కూరుకుపోవడం, యూనివర్సిటీలు, వి ద్యా సంస్థల కాషాయీకరణపై నిరసనోద్యమాలు, అర్బన్ నక్సల్స్, దేశద్రో హులు పేరుతో మేధావులను, హక్కుల కార్యకర్తలపై దాడులు, రాఫెల్ యుద్ధ విమానాల కొనుగోలు ఒప్పందంలో పారదర్శకత లోపించి, అనిల్ అంబానీ కంపెనీ ప్రయోజనాలకు అనుకూలంగా నిర్ణయాలు తీసుకొన్నట్లు విమర్శలు, నీరవ్ మోదీ, మెహుల్ చోక్సీ తదితరుల రూ.13వేల కోట్ల బ్యాంక్ స్కాం, అంతకుముందు విజయ్ మాల్యా, లలిత్ మోదీ తదితర ఆ ర్థిక నేరస్తులను దేశానికి రప్పించి న్యాయ విచారణ చేపట్టడంలో పక్షపాత ధోరణి, నల్ల కుబేరుల భరతం పడతామని ఎన్నికల జుమ్లాలు, సుప్రీం కో ర్టు తదితర న్యాయ వ్యవస్థలను తమకు అనుగుణంగా తీర్పులు ఇచ్చే వి ధంగా తెరవెనుక చర్యలు వెలుగులోకి రావడం, సుప్రీంకోర్టు న్యాయమూ ర్తులు ‘ప్రజాస్వామ్యం ప్రమాదం’లో పడిందని మీడియా కాన్ఫరెన్స్‌లో వి మర్శించడం తదితర లొసుగులను సమీక్షించి, భవిష్యత్ కార్యాచరణ ప్రణా ళిక రూపొందించడంలో బీజేపీ జాతీయ కార్యవర్గ సమావేశం విఫలమైంది.
 
నరేంద్ర మోదీ నాలుగున్నరేళ్ళ పాలనా కాలంలో ప్రజల ఆశలూ ఆవిర య్యాయి. ఏ ఒక్క రంగంలోనూ ఆశించిన మార్పు కనిపించడంలేదు. పారి శ్రామిక ఉత్పత్తి స్తంభించింది. వ్యవసాయ రంగం తీవ్ర సంక్షోభంలో కూరు కుపోయింది. లక్షలాది అసంఘటిత రంగ కార్మికుల ఉపాధి మార్గాలు అడు గంటాయి. సేవా రంగంతోపాటు భారత ఆర్థిక వ్యవస్థలోని ప్రతి రంగం మాంద్యంలో కూరుకుపోయింది. వెయ్యికోట్లకు పైగా ఖర్చు చేసి మోదీ 50 పైగా విదేశీ పర్యటనలు చేసినా, అంతర్జాతీయ సంబంధాల్లో ఎలాంటి గణ నీయమైన ప్రగతిని సాధించలేదు. భౌగోళిక రాజకీయాల్లో చైనాతో పోటీ పడేందుకు అమెరికా, దాని మిత్ర దేశం ఇజ్రాయిల్‌తో ఆర్థిక, రక్షణ రంగా ల్లో బలమైన బంధాలను ఏర్పరచుకోవడంతో భారత్‌కు అదనంగా లాభిం చలేదు సరిగదా, దశాబ్దాలుగా పాటిస్తున్న ‘అలీన విధానానికి’ దూరం కావ డంతో అంతర్జాతీయంగా అప్రతిష్ఠను మూటగట్టుకుంది. మోదీ విదేశాంగ విధానం చైనాకు లాభించింది. పర్యవసానంగా అంతర్జాతీయ ఇస్లామిక్ ఉగ్రవాదానికి భారత్ టార్గెట్ అవడంతో దేశ అంతరంగిక భద్రతకు ప్రమా దం ఏర్పడింది. ‘వ్యాపం’ నుంచి ‘రాఫెల్’ దాకా కుంభకోణాల్లో కాంగ్రెస్ ను బీజేపీ అధిగమించింది. అమిత్‌షా నుంచి గాలి జనార్ధన్‌రెడ్డి, సుష్మా స్వరాజ్ నుంచి పంకజ్ ముండే వరకు బీజేపీలో అవినీతి మకిలి అంటని నేతలున్నారా? బిర్లా సహారా డైరీలో సాక్షాత్తు ప్రధాని మోదీ అవినీతి ఆరోపణలు ఎదుర్కొంటుంటే ప్రజలను మరోసారి ఎన్నికల జుమ్లాతో మ భ్యపెట్టేందుకు అటల్‌జీ పేరును బీజేపీ ముందుకు తీసుకొస్తోంది. మోది- షా ద్వయం అటల్‌జీ పట్ల ఇన్నాళ్లూ వ్యవహరించిన తీరు ప్రజలకు తెలియ దన్నట్లు వ్యవహరిస్తోంది. మోది ప్రభుత్వ పాలనా వైఫల్యాలు, నిరంకుశ, ఆశ్రిత పక్షపాత విధానాల వల్ల ఏర్పడిన ప్రజావ్యతిరేకతను సంఘటితం చేసి అధికారంలోకి వచ్చే శక్తి సామర్థ్యాలు ప్రతిపక్షాలకు లేకపోవచ్చు. రోజు రోజుకూ దిగనాసిల్లుతున్న ప్రజల జీవన ప్రమాణాల పునాదిగా మోదీ ప్ర భుత్వంపై ఏర్పడిన ప్రజా వ్యతిరేకత రాబోయే సార్వత్రిక ఎన్నికల్లో బీజేపీ ని ఏ మేరకు అజేయంగా నిలుపుతుందో సందేహమే!



అజేయ భారత్.. అటల్ బీజేపీ

Updated By ManamSun, 09/09/2018 - 22:38
  • వచ్చే ఎన్నికల్లో కమలం నినాదం.. కార్యవర్గ సమావేశంలో మోదీ పిలుపు

  • దివంగత వాజ్‌పేయికి అత్యున్నత గౌరవం.. ఆయన పాటించిన విలువలకు కట్టుబడ్డాం

  • కేంద్ర మంత్రి రవిశంకర్ ప్రసాద్ వ్యాఖ్య.. వచ్చే 50 ఏళ్లు అధికారం బీజేపీదే: అమిత్‌షా

modiన్యూఢిల్లీ: వచ్చే లోక్‌సభ ఎన్నికల్లో ‘అజేయ భారత్..అటల్ బీజేపీ’ నినాదంతో ప్రజల్లోకి కమలదళం వెళ్లనుంది. ఢిల్లీలో  ఆదివారం రెండోరోజు పార్టీ జాతీయ కార్యవర్గ సమావేశాల ముగింపు సదస్సులో ప్రధాని నరేంద్రమోదీ పాల్గొని ప్రసంగించారు. దివంగత ప్రధాని వాజ్‌పేయి సూచించిన మార్గంలో ప్రతి కార్యకర్తా నడవాలని సూచించారు. పార్టీ విలువలకు, దేశ పురోభివృద్ధికి కట్టుబడి ఉన్నామని, బీజేపీ పాలనలో దేశం పురోభివృద్ధి సాధిస్తోందని పేర్కొన్నారు. పార్టీ వ్యవస్థాపకుడు అటల్ బిహారి వాజ్‌పేయికి అత్యున్నత గౌరవం కల్పిస్తూ వచ్చే ఎన్నికల్లో ‘అజేయ భారత్.. అటల్ బీజేపీ’ నినాదంలో ముందుకు పోనున్నామని చెప్పారు.వచ్చే ఎన్నికల్లో బీజేపీని ఎదిరించే పార్టీయే లేదని, ఆత్మవిశ్వాసంతో ఎన్నికలకు  వెళ్తున్నామని పేర్కొన్నారు. పరోక్షంగా రాహుల్‌గాంధీ నాయకత్వాన్ని ప్రస్తావిస్తూ.. వచ్చే ఎన్నికల్లో ప్రతిపక్షాల్లోని ఏ చిన్న పార్టీ కూడా కాంగ్రెస్ నాయకత్వాన్ని అంగీకరించే స్థితిలో లేవని ఎద్దేవా చేశారు. విపక్షాలు ఏకతాటిపై నిలబడలేవని, ఇందుకు అనేక అంశాల్లో బీజేపీ సాధించిన విజయాలే నిదర్శనమన్నారు. వచ్చే ఎన్నికల్లో ఘన విజయం సాధిస్తామని, దేశంలోని 125 కోట్ల మంది మద్దతు బీజేపీకే ఉందన్నారు. 

వచ్చే 50 ఏళ్లు అధికారం బీజేపీదే: అమిత్‌షా
వచ్చే లోక్‌సభ ఎన్నికల్లో బీజేపీ ఘన విజయం సాధిస్తుందని, అంతేగాక వచ్చే 50 ఏళ్లు బీజేపీనే అధికారంలో ఉంటుందని ఆ పార్టీ జాతీయాధ్యక్షుడు అమిత్‌షా పేర్కొన్నారు. పార్టీ కార్యవర్గ సమావేశంలో రెండోరోజు ఆదివారం పార్టీ ప్రతినిధులను ఉద్దేశించి మాట్లాడుతూ.. రెండోసారి బీజేపీ అధికారంలోకి రావడం ఖాయమని ఉద్ఘాటించారు.

నవభారతం నిర్మిస్తాం
తమ కాషాయ పార్టీని ఓడించాలన్న ప్రతిపక్షం కలలు కల్లలుగానే మిగిలిపోతాయని బీజేపీ కుండ బద్దలుకొట్టింది. 2022 నాటికల్లా నవభారతాన్ని నిర్మించాలన్న లక్ష్యానికి పార్టీ కట్టుబడి ఉండాలని తీర్మానం చేసింది. ప్రతిపక్షానికి ఒక నాయకుడూ లేడు.. ఒక విధానమూ లేదని, మరోవైపు ప్రధానమంత్రి నరేంద్రమోదీ మాత్రం దేశంలోనే అత్యంత ప్రాచుర్యం పొందిన నాయకుడని చెప్పింది. ఢిల్లీలో జరుగుతున్న పార్టీ జాతీయ కార్యవర్గ సమావేశాలలో రాజకీయ తీర్మానాన్ని సీనియర్ నాయకుడు, హోం మంత్రి రాజ్‌నాథ్ సింగ్ ప్రవేశపెట్టారు. సమావేశానంతరం వివరాలను కేంద్రమంత్రి ప్రకాష్ జావడేకర్ మీడియాకు వెల్లడించారు. గత నాలుగేళ్లలో అనేక అభివృద్ధి పనులు చేశామని, 2022నాటికి నవభారతాన్ని నిర్మిస్తామని అన్నారు. ప్రభుత్వానికి ఒక దూరదృష్టి ఉందని, ప్రభుత్వం ఏం చేసిందో కనపడుతోందని తెలిపారు. 2022 నాటికి దేశంలో ఉగ్రవాదం, కులతత్వం, మతతత్వం ఉండవని, ఏ ఒక్కరూ ఇళ్లు లేకుండా ఉండరని ఆయన చెప్పారు. ప్రతిపక్షానికి ఒక ఎజెండా అంటూ ఏమీ లేదని, కేవలం ప్రధాని మోదీని ఆపడమే వారి లక్ష్యమని విమర్శించారు. 2019లో మరింత మెజారిటీతో బీజేపీ నెగ్గుతుందన్నారు. 



వాజ్‌పేయికి తుది వీడ్కోలు..

Updated By ManamFri, 08/17/2018 - 15:27
  • బీజేపీ ప్రధాన కార్యాలయం నుంచి అంతిమ యాత్ర.. ముగిసిన అంత్యక్రియలు

  • రాష్ట్రీయ స్మృతి స్థల్‌ వద్ద ప్రభుత్వ లాంఛనాలతో తుదివీడ్కోలు

  • పాల్గొన్న విదేశీ ప్రముఖులు, బీజేపీ అగ్రనేతలు

Atal Bihari Vajpayee's funeral, BJP HQ to Smriti Sthal, PM Narendra modi, amith shah (1426)న్యూఢిల్లీ: మాజీ ప్రధాని అటల్‌ బిహారీ వాజ్‌పేయి అంత్యక్రియలు ముగిశాయి. యమునా నదీ తీరంలోని రాష్ట్రీయ స్మృతి స్థల్‌ వద్ద ప్రభుత్వ లాంఛనాలతో వాజ్‌పేయికి తుది వీడ్కోలు పలికారు. వాజ్‌పేయి దత్తపుత్రిక నమిత భట్టాచార్య ఆయన చితికి నిప్పుంటించారు. వాజ్‌పేయి అంత్యక్రియల్లో ప్రధాని నరేంద్ర మోదీ, రాష్ట్రపతి రామ్‌నాధ్ కోవింద్, ఉపరాష్ట్రపతి వెంకయ్య నాయుడు, స్పీకర్ సుమిత్రా మహాజన్, మాజీ ప్రధాని మన్మోహన్ సింగ్, కాంగ్రెస్ అధ్యక్షుడు రాహుల్ గాంధీ పాల్గొన్నారు. ఢిల్లీలోని దీన్‌దయాళ్‌ మార్గ్‌లోని బీజేపీ ప్రధాన కార్యాలయం నుంచి అంతిమయాత్ర ప్రారంభమైంది. ఈ అంతిమ యాత్రలో ప్రధాని నరేంద్ర మోదీ, అమిత్ షా సహా పలువురు అగ్రనేతలు పాల్గొన్నారు. 
Atal Bihari Vajpayee's funeral, BJP HQ to Smriti Sthal, PM Narendra modi, amith shah (1426)వాజ్‌పేయి పట్ల అమితమైన గౌరవభావం కలిగిన ప్రధానమంత్రి నరేంద్రమోదీతో పాటు బీజేపీ జాతీయ అధ్యక్షుడు అమిత్‌ షా, ఎల్‌కే అద్వానీ, మధ్య ప్రదేశ్ సీఎం, మహారాష్ట్ర సీఎం సహా బీజేపీ అగ్రనేతలు వాజ్‌పేయి పార్థివదేహం వెంట నడుస్తూ అంతిమ యాత్రలో పాల్గొన్నారు. మరోవైపు వాజ్‌పేయి అంత్యక్రియల్లో పాల్గొనేందుకు భారత్‌కు  పాక్ బృందం వస్తుండగా.. విదేశీ ప్రముఖులు భూటన్ రాజు జిగ్మే ఖేసర్, నేపాల్, శ్రీలంక, బంగ్లాదేశ్ విదేశాంగ మంత్రులు సైతం ఆయన అంతిమ యాత్రలో పాల్గొంటున్నారు. 

Atal Bihari Vajpayee's funeral, BJP HQ to Smriti Sthal, PM Narendra modi, amith shah (1426)

విజయ్ ఘాట్ వద్ద మెమోరియల్ ఏర్పాటు.. 
విజయ్ ఘాట్ పక్కన 1.5 ఎకరాల్లో వాజ్‌పేయి మెమోరియల్ ఏర్పాటు చేశారు. వాజ్‌పేయి అంతిమ యాత్రలో ఆయన్ను కడసారి చూసేందుకు భారీసంఖ్యలో బీజేపీ కార్యకర్తలు, అభిమానులు తరలివచ్చారు. వాజ్‌పేయి మృతికి సంతాపంగా 15 రాష్ట్రాలు సెలవుదినంగా ప్రకటించగా.. కేంద్రంతో పాటు బీజేపీ పాలిత రాష్ట్రాల్లో వారం రోజుల పాటు సంతాప దినాలుగా ప్రకటించారు. ఏపీలోనూ 7 రోజుల పాటు సంతాప దినాలు జరుపుకోనున్నారు. అంతకుముందు వాజ్‌పేయి నివాసం నుంచి బీజేపీ కార్యాలయానికి చేరుకున్న నరేంద్ర మోదీ, బీజేపీ అగ్రనేత ఎల్‌.కె.అద్వానీ, పలువురు కేంద్రమంత్రులు, అమిత్‌ షా, బీజేపీ అగ్రనేతలు వాజ్‌పేయి భౌతికకాయానికి నివాళులర్పించారు.

వాజ్‌పేయి అంతిమ యాత్ర ఫొటోలు



మరింత క్షీణించిన వాజ్‌పేయి ఆరోగ్యం

Updated By ManamThu, 08/16/2018 - 09:47

Vajpayeeన్యూఢిల్లీ: మాజీ ప్రధాని అటల్ బిహారి వాజ్‌పేయి ఆరోగ్యంపై ఎయిమ్స్ డాక్టర్లు తాజా బులెటిన్‌ను విడుదల చేశారు. వాజ్‌పేయి ఆరోగ్యం చాలా క్షీణించిందని, ప్రస్తుతం వెంటిలేటర్‌పై చికిత్సను అందిస్తున్నట్లు వైద్యులు పేర్కొన్నారు. మూత్రపిండాలు, మూత్రనాళానికి సంబంధించిన ఇన్‌ఫెక్షన్‌తో వాజ్‌పేయి బాధపడుతున్నారని, 24గంటల్లో ఆరోగ్యం చాలా క్షీణించిందని పేర్కొన్నారు. మరోవైపు ఆయన ఆరోగ్యం గురించి తెలుసుకున్న ప్రధాని మోదీ, బుధవారం ఆసుపత్రికి వెల్లి వాజ్‌పేయిని పరామర్శించారు. ఆయన ఆరోగ్యంపై ఎప్పటికప్పుడు వైద్యులను అడిగి తెలుసుకుంటున్నారు. ఆయనతో పాటు బీజేపీ జాతీయధ్యక్షుడు అమిత్ షా, ఢిల్లీ సీఎం కేజ్రీవాల్ తదితరులు ఆసుపత్రికి వెళ్లి వాజ్‌పేయిని పరామర్శిస్తున్నారు.



మమతను పడగొడతాం

Updated By ManamSat, 08/11/2018 - 22:30
  • ఆమె పతనాన్ని శాసిస్తాం.. అందుకే ఇక్కడికి వచ్చా..

  • కోల్‌కతా సభలో అమిత్‌షా.. మాకు దేశమే ప్రథమ ప్రాధాన్యం

  • టీఎంసీకి ఓటుబ్యాంకే ముఖ్యం

  • ఎన్‌ఆర్‌సీపై అనవసర రాద్ధాంతం.. దీదీ, రాహుల్‌పై తీవ్ర ధ్వజం

imageకోల్‌కతా: పశ్చిమబెంగాల్ ముఖ్యమంత్రి మమతా బెనర్జీ నేతృత్వంలోని పార్టీని కూకటివేళ్లతో పెకిలించివేస్తామని, ఆమె పతనాన్ని శాసిస్తామని బీజేపీ జాతీయ అధ్యక్షుడు అమిత్‌షా పేర్కొన్నారు. అందుకే తాను కోల్‌కతా కు వచ్చానని నిప్పులు చెరిగారు. కోల్‌కతాలో శనివారం జరిగిన బహిరంగ సభలో మమతా బెనర్జీతోపాటు కాంగ్రెస్ అధ్యక్షుడు రాహుల్‌గాం ధీపై అమిత్‌షా తీవ్రస్థాయిలో విరుచుకుపడ్డారు. బంగ్లాదేశ వలసదారులు మమతకు పెద్ద ఓటు బ్యాంకు అని, అందుకే జాతీయ పౌరసత్వ జాబి తా(ఎన్‌ఆర్‌సీ)పై ఆమె రాద్ధాంతం చేస్తున్నారని పేర్కొన్నారు. కాంగ్రెస్ అధ్యక్షుడు రాహుల్‌గాంధీ కూడా ఓటు బ్యాంకును కాపాడుకునేందుకు ఆరోపణలు చేస్తున్నారన్నారు. కానీ.. తమకు దేశమే ప్రధాన్యమని, ఓటు బ్యాంకు కాదని తేల్చిచెప్పారు. ఎన్‌ఆర్‌సీ నుంచి 40 లక్షల మంది బంగ్లాదేశ్ వలసదారులను తొలగించడంపై మమతా ఆరోపణలు చేస్తున్నారు.

బంగ్లాదేశ్ నుంచి అక్రమంగా తరలివచ్చిన వలసదారులను వెనక్కి తరమడమే తమ లక్ష్యమని సుస్పష్టం చేశారు.image మమత, రాహుల్ ఎంతగా ప్రయత్నించినా ఎన్‌ఆర్‌సీ ప్రక్రియ ఆగబోదని అన్నారు. ఎన్‌ఆర్‌సీతో హింస చెలరేగుతుందని, పౌర యుద్ధానికి దారితీయొచ్చని మమతా బెనర్జీ వ్యాఖ్యానించడం ద్వారా విద్వేషాలను రెచ్చగొడుతున్నారని అన్నారు. పౌరసత్వంపై కోర్టు తీర్పును ఎలాగైనా అమలు పరుస్తామని, ఎవరెన్ని అడ్డంకులు సృష్టించినా అమలు చేసి తీరుతామని అమిత్‌షా స్పష్టం చేశారు. బంగ్లాదేశీ అక్రమ వలసదారులు దేశంలో ఉండాలని మమత ఎందుకు కోరుకుంటున్నారో చెప్పాలని డిమాండ్ చేశారు. దేశ భద్రత ముఖ్యమో, ఓటు బ్యాంకు ముఖ్యమో మమతా బెనర్జీ, రాహుల్‌గాంధీ తేల్చిచెప్పాలని అన్నారు. తమ పార్టీకి మాత్రం దేశమే ముఖ్యమని అన్నారు. పశ్చిమబెంగాల్‌లో దాదాపు 42 లోక్‌సభ స్థానాలు ఉన్నాయి.

గత ఎన్నికల్లో ఈ రాష్ట్రం నుంచి రెండు స్థానాల్లో మాత్రమే బీజేపీ విజయం సాధించింది. 2019 ఎన్నికల్లో ఈ రాష్ట్రంలో ఎలాగైన అత్యధికంగా సీట్లు సాధించాలని బీజేపీ భావిస్తోంది. ఇందులో భాగంగా అమిత్‌షా ర్యాలీ నిర్వహించారు. ఈ ర్యాలీ తొలుత మమత సర్కారు తొలుత అనుమతివ్వకపోయినా చివరకు మంజూరు చేసింది

నల్లజెండాలతో కాంగ్రెస్ నిరసన
అమిత్‌షా పర్యటన సందర్భంగా యూత్ కాంగ్రెస్ నేతలు నల్లజెండాలు ప్రదర్శించి నిరసన తెలిపారు. ఈ ఘటన కోల్‌కతాలోని నేతాజీ సుభాష్ చంద్రబోస్ అంతర్జాతీయ విమానాశ్రయంలో చోటు చేసుకుంది. విమానాశ్రయం నుంచి బయటకు వస్తున్న అమిత్‌షాకు కొందరు నల్ల జెండాలు చూపి.. ప్రధాని మోదీకి వ్యతిరేకంగా, ఆయనకు వ్యతిరేకంగా నినాదాలు చేశారు. మోటార్‌సైకిళ్లపై వచ్చిన కార్యకర్తలు అమిత్‌షా కాన్వాయ్‌ను అడ్డుకునేందుకు యత్నించారు. పోలీసుల జోక్యంతో గొడవ సద్దుమణిగింది.





Related News