arun jaitley

‘సవాళ్లే అవకాశాలవుతాయి’

Updated By ManamSat, 09/29/2018 - 01:16

imageన్యూఢిల్లీ: ప్రపంచ వాణిజ్య యుద్ధం మొదట్లో అనిశ్చితిని సృష్టిస్తే సృష్టించి ఉండవచ్చుకానీ, పెద్ద వాణిజ్య, వస్తూత్పత్తి కేంద్రంగా ఇండియాకు అది క్రమంగా ద్వారాలు తెరవడం ప్రారంభించవచ్చని ఆర్థిక మంత్రి అరుణ్ జైట్లీ అన్నారు. నైతిక విధానాలను అనుసరించవలసిందిగా ఆయన వ్యాపార సంస్థలకు పిలుపునిచ్చారు. నమ్మదగని సంస్థలకు ఇన్‌సాల్వెన్సీ అండ్ బ్యాంక్ప్ట్స్రీ కోడ్ తలుపులు మూసేస్తుంది కనుక, సంస్థలు వాటి వంతు పన్నులను చెల్లించి తీరాలని జైట్లీ కోరారు. పి.హెచ్.డి చాంబర్ ఆఫ్ కామర్స్ వార్షిక సదస్సులో జైట్లీ ప్రసంగించారు. కొన్ని ప్రపంచ ధోరణులు ఇండియాపై ప్రతికూల ప్రభావం చూపే మాట నిజమేనని. కానీ, మున్ముందు అవి దేశం వేగంగా వృద్ధి చెందేందుకు బాటలు పరుస్తాయని మంత్రి అన్నారు. ‘‘సవాల్ కాస్త ఎప్పుడు అవకాశంగా మారుతుందో కనిపెట్టేందుకు మనం పరిస్థితిని నిశితంగా గమనిస్తూ ఉండాలి’’ అని ఆయన వీడియో కాన్ఫరెన్స్ ద్వారా చేసిన ప్రసంగంలో అన్నారు. 

అమెరికా-చైనాల మధ్య వాణిజ్య యుద్ధం వల్ల యంత్రాలు, యంత్ర పరికరాలు, ఎలక్ట్రికల్ వస్తువులు, వాహనాలు, ట్రాన్స్‌పోర్ట్ పార్టులు, రసాయనాలు, ప్లాస్టిక్స్, రబ్బరు వస్తువులు వంటి భారతీయ ఉత్పత్తులు అమెరికా మార్కెట్లలో మరింత పోటీదాయకమైనవిగా తయారవు తాయని నిపుణులు చెబుతున్నారు. కాగా, పెరుగుతున్న చమురు ధరలు కూడా ఆర్థిక వ్యవస్థకు ఒక సవాల్‌గా పరిణమించాయని జైట్లీ అన్నారు. భారత్ చమురు అవసరాలలో 81 శాతం భాగానికి దిగుమతులపైనే ఆధారపడుతోంది. ముడి చమురు దిగుమతిలో ఇండియా మూడవ పెద్ద దేశంగా ఉంది. పెరుగుతున్న అంతర్జాతీయ ముడి చమురు ధరలు, దేశంలో పటిష్టమైన డిమాండ్ వాతావరణం దృష్య్యా పెట్రోల్, డీజిల్ వంటి ఇంధన ధరలను పెంచేస్తున్నాయి. ప్రపంచ చమురులో సగ భాగానికి గీటురాయిగా నిలిచే బ్రెంట్ ధర గత ఐదు వారాల్లో పీపాకు 71 డాలర్ల నుంచి 80 డాలర్లకు పెరిగిపోయింది.
 
ఈ రకమైన సవాళ్ళు ఉన్నప్పటికీ, రానున్న రోజులు, సంవత్సరాలలో వృద్ధి చెందేంగుకు ఇండియాకు గొప్ప అవకాశాలు వస్తాయని నిశ్చితంగా చెప్పగలనని మంత్రి అన్నా రు. నైతిక విధానాలు పాటింటే వ్యాపార సంస్థలు కొన సాగేందుకు ఇప్పుడు ఎక్కువ అవకాశం ఉందని జైట్లీ చెప్పా రు. పన్నులు చెల్లించేవారు చెల్లిస్తూనే ఉన్నారని,  చెల్లించ నివారి భారాన్ని తెచ్చి చెల్లించేవారిపై మోపకూడదని ఆయన అన్నారు. కనుక, పన్నులు ఎగవేసేవారిని పన్ను పరిధిలోకి తీసుకురావడం అత్యంత నైతిక విధానాల్లో ఒకటవుతుందని అన్నారు. భారతీయ వ్యాపార సంస్థలపై ఐ.బి.సి నూతన నైతిక సూత్రాలను విధించిందని అన్నారు. రుణ దాతల నుంచి రుణాలు తీసుకున్నప్పుడు వడ్డీ చెల్లించి తీరాలి. రుణాలిచ్చిన తర్వాత రుణ దాతలు నిద్ర లేని రాత్రులు గడిపే పరిస్థితి ఉండకూడదని జైట్లీ వ్యాఖ్యానించారు. నైతికంగా వ్యవహరించడం వల్లనే సత్ఫలితాలు వస్తాయనే సంస్కృతిని తీసుకువచ్చేందుకు ప్రయత్నిస్తున్నట్లు చెప్పారు. భారతీయ వ్యాపార సంస్థలు దీన్ని ప్రోత్సహించాలన్నారు.



ముందే తెలుసా?

Updated By ManamSun, 09/23/2018 - 22:42
  • ఆగస్టు 30నే రాహుల్ గాంధీ ట్వీట్.. తొలి ప్రకటనను ఖండించిన హోలాండే

  • ప్రభుత్వ లాబీయింగ్ గురించి తెలియదట.. కాంగ్రెస్ కంటే తక్కువకే జెట్ల కొనుగోలు

  • లెక్కల్లో తేడాలుంటే కాగ్ చూసుకుంటుంది.. రఫేల్ కొనుగోలు ఒప్పందం రద్దు కాదు

  • రక్షణదళాలకు అవి అత్యంత అవసరం.. ఆర్థికమంత్రి అరుణ్ జైట్లీ స్పష్టీకరణ

rahul gandhiన్యూఢిల్లీ: ఫ్రాన్సు మాజీ అధ్యక్షుడు ఫ్రాంకోయిస్ హోలాండే తాను చెప్పిన విషయాన్ని తానే ఖండిస్తున్నారని.. రిలయన్స్ సంస్థను డసాల్ట్‌కు ఆఫ్‌సెట్ భాగస్వామిగా నిర్ణయించడంలో ఫ్రెంచి ప్రభుత్వం గానీ, భారత ప్రభుత్వం గానీ అసలు కలగజేసుకోలేదని కేంద్ర ఆర్థికమంత్రి అరుణ్‌జైట్లీ స్పష్టం చేశారు. రఫేల్ జెట్ ఫైటర్ల కొనుగోలు ఒప్పందంపై గత కొన్ని రోజులుగా జరుగుతున్న వివాదంపై ఆయన ఆదివారం స్పందించారు. భారత ప్రభుత్వమే రిలయన్స్ పేరును ప్రతిపాదించిందంటూ హోలాండే ఒక ఫ్రెంచి వెబ్‌సైట్‌కు ఇచ్చిన ఇంటర్వ్యూలో చెప్పినప్పటి నుంచి ఈ అంశంపై వివాదం చెలరేగుతున్న విషయం తెలిసిందే. ప్రధాని మోదీ అవినీతికి పాల్పడ్డారని ప్రతిపక్షాలు ఆరోపించడంతో పాటు రక్షణ మంత్రి నిర్మలా సీతారామన్ రాజీనామాకు డిమాండ్ చేశాయి. ఈ అంశంపై ఒక టీవీ ఇంటర్వ్యూలో జైట్లీ స్పందించారు. చూడబోతే రాహుల్‌గాంధీ, హోలాండే ప్రకటనల మధ్య ఏదో ‘జుగల్‌బందీ’ ఉన్నట్లుందని ఆయన ఎద్దేవా చేశౠరు. ఫ్రాన్సులో రఫేల్ ఒప్పందంపై బాంబులు పేలబోతున్నాయని  ఆగస్టు 30న రాహుల్ గాంధీ ట్వీట్ చేశారని, ఆయనకు ఇదంతా ముందే ఎలా తెలిసిందని ప్రశ్నించారు. వారిద్దరి మధ్య మిలాఖత్ గురించి తన వద్ద ఆధారాలు ఏమీ లేవు గానీ, ఇలా ముందే చెప్పడంతో అందరికీ అనుమానాలు తలెత్తుతున్నాయని అన్నారు. ముందుగా హోలాండే నుంచి ఒక ప్రకటన వస్తుందని, తర్వా త ఆయనే దాన్ని ఖండిస్తారని, కానీ రాహుల్ గాంధీ మాత్రం దీనంతటి గురించి 20 రోజుల ముందే ఊహిస్తారని జైట్లీ ఎద్దేవా చేశారు. రఫేల్ జెట్ ఫైటర్ల కొనుగోలు ఒప్పందాన్ని రద్దుచేసే ప్రసక్తి లేదని, అది దేశ రక్షణ దళాలకు అత్యంత అవసరమని అవి వ చ్చి తీరుతాయని స్పష్టం చేశారు. 

కాగ్ చూసుకుంటుంది
ఈ ఒప్పందం అచ్చంగా ప్రభుత్వానికి- ప్రభుత్వానికి మధ్య జరిగిందని, చరిత్రలోనే అత్యంత స్వచ్ఛమైన, అవినీతి లేని ప్రభుత్వం న రేంద్రమోదీ ప్రభుత్వమని జైట్లీ అన్నారు. 2004-14 సంవత్సరాల మధ్య ఉన్న యూపీఏ ప్రభుత్వం అత్యంత అవినీతిమయమని మండిపడ్డారు. విమానాలను ఎక్కు వ ధరకు కొన్నామా లేదా అన్న విషయాన్ని కాగ్ పరిశీలిస్తుందని, యూపీఏ ప్రభుత్వం చేసిన బేరం కంటే తక్కువ ధరకే తాము కొనుగోలు చేశామని అన్నారు. రక్షణ ప్రయోజనాల రీత్యా కొనుగోలు ధరను బయట పెట్టకూడదన్ని ప్రభుత్వ నిర్ణయమన్నారు. అంకెలన్నీ కాగ్ వద్ద ఉన్నాయని, కాంగ్రెస్ కూడా తమ లెక్కలను కాగ్‌కు సమర్పించిందని, అందవల్ల కాగ్ విచారణ తర్వాత నిజానిజాలు ఏంటో బయటకు వస్తాయని చెప్పారు. భారతీయ సైనికుల ప్రయోజనా లను మోదీ పణంగా పెట్టారంటూ రాహుల్‌గాంధీ ఒక పనికిమాలిన ఆరోపణ చేశారని జైట్లీ అన్నారు. యూపీఏ హయాంలో ఆయుధాల సేకరణలో ఆలస్యం చేయడం వల్ల మన సైన్యం పోరాటపటిమ తగ్గిందని, ఇప్పుడు ఎన్డీయే అవే ఆయుధాలను తక్కువ ధరకు కొనుగోలు చేస్తోందని స్పష్టం చేశారు. హోలాండే తొలి ప్రకటనతో కాంగ్రెస్ పార్టీకి మంచి ఆయుధం దొరికినట్లయింది. ఫ్రాన్సు మాజీ అధ్యక్షుడు స్వయం గా.. ప్రధాని మోదీని దొంగ అంటున్నారని, ఆయన ప్రకటన సారాంశం ఇదేనని, మరి దీన్ని ఖండిస్తారా, అంగీకరిస్తారా అంటూ రాహుల్‌గాంధీ సవాలు చే శారు. ఎన్డీయే ప్రభుత్వ అవినీతిని ఈ ఉదంతం స్పష్టంగా చూపిస్తోందని ఆయన ఆరోపించారు.

అసభ్య పదజాలం తగదు
రాహుల్‌గాంధీ ముందుగా ఊహించిన విధంగానే ఫ్రాన్సు మాజీ అధ్యక్షుడు మాట్లాడారని, ఈ వ్యవహారంపై కాంగ్రెస్ నాయకులు అసభ్య పదజాలం ఉపయోగిస్తున్నారని కూడా జైట్లీ అన్నారు. ఏదైనా విషయాన్ని బయటపెట్టాలంటే పద్ధతి ఇది కాదని చెప్పారు. మీరు కావాలంటే వెళ్లి ఎవరినైనా కౌగలించుకుని, తిరిగొచ్చి కన్ను కొడతారని, తర్వాత 4-6-10 సార్లు అబద్ధాలు చెబుతారని అంటూ రాహుల్‌గాంధీ పేరు ప్రస్తావించకుండా విమర్శించారు. ఏదైనా మాట్లాడితే మన తెలివి బయటపడాలని, కానీ అసభ్య పదజాలం ప్రయోగం ప్రపంచంలోనే అతిపెద్ద ప్రజాస్వామ్య దేశమైన భారతదేశంలో శోభను ఇవ్వదని సూచించారు. 

హోలాండే.. ఏది నిజం
భారత ప్రభుత్వం సూచించడం వల్లే రిలయన్స్ డిఫెన్స్ సంస్థతో డసాల్ట్ ఏవియేషన్ ఒప్పందం చేసుకుందంటూ హోలాండే చేసిన ఆరోపణలతోనే మొత్తం వివాదం తలెత్తిందని చెప్పారు. కానీ, ఆ తర్వాత సెప్టెంబరు 22న (శనివారం) హోలాండే చేసిన మరో ప్రకటనలో.. భారత ప్రభుత్వం ఎప్పుడైనా రిలయన్స్ డిఫెన్స్ సంస్థ కోసం లాబీయింగ్ చేసిందేమో తనకు తెలియదని చెప్పారని, ఏ కంపెనీ అయినా తన భాగస్వామిని తానే ఎంచుకుంటుందని అన్నారని.. మరి ఈ రెండు ప్రకటనల్లో ఏది నిజమో ఆయనకే తెలియాలని అన్నారు. హోలాండే తొలుత చేసిన ప్రకటనను ఫ్రెంచి ప్రభుత్వం, డసాల్ట్ ఏవియేషన్ రెండూ ఖండించాని గుర్తుచేశారు. ఆఫ్‌సెట్ కాంట్రాక్టులకు సంబంధించిన నిర్ణయాలను డసాల్ట్ లాంటి సంస్థలే తీసుకుంటాయి తప్ప అందులో ప్రభుత్వ జోక్యం ఏమీ ఉండబోదని ఫ్రెంచి ప్రభుత్వమే చెప్పిందని అన్నారు. తాము పలు ప్రభుత్వ రంగ, ప్రైవేటు సంస్థలతో ఇప్పటికి చాలా ఒప్పందాలు చేసుకున్నట్లు డసాల్ట్ సంస్థే స్వయంగా ప్రకటించిందని తెలిపారు. హోలాండే తన రెండో ప్రకటనను కెనడాలోని మాంట్రియల్‌లో ఏఎఫ్‌పీ వార్తాసంస్థతో చేశారని.. దాంతో ఆయన మొదట చేసిన ప్రకటనలో వాస్తవం ఎంతనేది అనుమానస్పదంగా మారిందని చెప్పారు. పైగా హోలాండే చెప్పినట్లు ఇది భాగస్వామ్యం కాదని, అసలు జెట్‌ఫైటర్లు భారతదేశంలో తయారు కావని.. వాళ్లు కేవలం 36 ఫైటర్ జెట్ విమానాలను సరఫరా చేస్తారని వివరించారు. ఆఫ్‌సెట్ కాంట్రాక్టు అనేది డసాల్ట్ కంపెనీ మన దేశంలో పెట్టే పెట్టుబడులకు సంబంధించినదని చెప్పారు. 2016 సంవత్సరంలో 36 రఫేల్ ఫైటర్ జెట్ల కొనుగోలు ఒప్పందం జరిగినపుడు ఫ్రాన్స్ అధ్యక్షుడిగా హోలాండే ఉండేవారు.



పిచ్చిమారాజు తప్పుడు కూతలు

Updated By ManamThu, 09/20/2018 - 22:04
  • రాహుల్‌గాంధీపై అరుణ్‌జైట్లీ విమర్శలు

  • రఫేల్ ఒప్పందంపై ఆయనవన్నీ అబద్ధాలే

  • ఇలాంటివాళ్లు ప్రజాజీవితానికి అనర్హులు

  • ఫేస్‌బుక్ పోస్ట్‌లో మండిపడ్డ ఆర్థిక మంత్రి

jaitelyన్యూఢిల్లీ:  కాంగ్రెస్ అధ్యక్షుడు రాహుల్ గాంధీ రఫేల్ యుద్ధవిమానాల కొనుగోలు ఒప్పందంపైన, 15 పారిశ్రామిక సంస్థలకు రుణమాఫీలపైన అబద్ధాలు ప్రచారం చేస్తున్నారని కేంద్ర ఆర్థిక మంత్రి అరుణ్ జైట్లీ మండిపడ్డారు. ‘ఫాల్స్‌హుడ్ ఆఫ్ ఎ క్లౌన్ ప్రిన్స్’ అనే పేరుతో రాసిన ఫేస్‌బుక్ పోస్టులో రాహుల్‌ను అరుణ్ జైట్లీ తీవ్రంగా విమర్శించారు. ఇలాంటి వాళ్లు ప్రజా జీవితానికి అనర్హులని కూడా వ్యాఖ్యానించారు. ‘‘రఫేల్ ఒప్పందంపై మీరు అబద్ధాలు చెప్పారు, ఎన్‌పీఏలపై కూడా అబద్ధాలు చెప్పారు. కట్టుకథల ఆధారంగా ప్రశ్నించే మీ తత్వం సరికాదు. తప్పుడు ప్రచారాలనే సహజ లక్షణంగా మార్చుకునే మీలాంటి వాళ్లు అసలు ప్రజా జీవనంలో భాగం పంచుకోడానికి అనర్హులు’’ అని ఆయన ఆ పోస్టులో మండిపడ్డారు. ‘‘ప్రజా జీవనం అనేది ఒక సీరియస్ వ్యవహారం. ఇదేమీ నవ్వులాట కాదు. దాన్ని కేవలం ఒక కౌగిలింత, కన్నుకొట్టడం లేదా తప్పుడు విషయాలను పదేపదే ప్రచారం చేయడానికి దిగజార్చకూడదు. మనది ప్రపంచంలోనే అతిపెద్ద ప్రజాస్వామ్యం. ఒక ‘పిచ్చి మారాజు’ తప్పుడు ప్రచారాలతో కలుషితం కావడానికి ప్రజాజీవితాన్ని అనుమతించాలా అన్న విషయాన్ని ఇందులో తీవ్రంగా ఆలోచించాల్సిందే’’ అని కూడా అరుణ్‌జైట్లీ రాశారు.



రూపాయి స్థిరీకరణకు చర్యలు

Updated By ManamSat, 09/15/2018 - 21:42

imageన్యూఢిల్లీ: రూపాయి పతనానికి ముకుతాడు వేసే ప్రయత్నంలో భాగంగా కేంద్ర ప్రభుత్వం కొన్ని చర్యలను ప్రకటించింది. అత్యవసరం కాని దిగుమతులను అరికట్టడం, ఎగుమతులకు ప్రోత్సాహకాలు కల్పించడం కూడా వాటిలో ఉన్నాయి. ఆర్థిక వ్యవస్థ స్థితిగతులను సమీక్షించేందుకు ముఖ్యంగా, డాలర్‌తో రూపాయి మారకం విలువ రూ. 72 స్థాయికి పతనమవడంతో, ప్రధాన మంత్రి నరేంద్ర మోదీ శుక్రవారంనాడు ఆర్థిక మంత్రి అరుణ్ జైట్లీ, రిజర్వ్ బ్యాంక్ ఆఫ్ ఇండియా (ఆర్.బి.ఐ) గవర్నర్ ఉర్జిత్ పటేల్, ఆర్థిక మంత్రిత్వ శాఖకు చెందిన సీనియర్ అధికారులు, ఇతర ప్రభుత్వ అధికారులతో సమావేశమైన తర్వాత, ఈ చర్యలను ప్రకటించారు.

రూపాయి కొద్దిగా కోలుకుని డాలర్‌తో దాని మారకం విలువ శుక్రవారంనాడు రూ 71.85 వద్ద ముగిసింది. విదేశీ కరెన్సీలో చెల్లించాల్సిన మొత్తాలు, జమలకు మధ్యనున్న తేడాను కరెంట్ అకౌంట్ లోటు అంటారు. చమురు ధరలు ఇప్పటికే చాలా హెచ్చు స్థాయిలో ఉండడం వల్ల  ఈ లోటు జి.డి.పిలో 2.9 శాతంగా అధికంగా ఉండవచ్చని భయాందోళనలున్నా యి. అదే సమయంలో, అటువంటి పరిస్థితి రిటైల్ ద్రవ్యోల్బణంపై ప్రభావం చూపవచ్చని భయపడుతున్నా రు. పెట్రోల్, డీజిల్ ధరలు ఇప్పటికే వేగంగా పైకి ఎగబా కుతున్నాయి. ఆర్థిక పరిస్థితిని చక్కదిద్దేందుకు ఆర్థిక మంత్రి అరుణ్ జైట్లీ ఐదు నిర్ణయాలు ప్రకటించారు.

అప్రధానమైన వస్తువుల దిగుమతిని నిరోధించడం వాటిలో ఒకటి. ఆ వస్తువులు నిర్దిష్టంగా ఏవైనవీ తర్వాత ప్రకటిస్తారు. ఒక సింగిల్ కార్పొరేట్ గ్రూప్ కార్పొరేట్ బాండ్ పోర్ట్‌ఫోలియోలో విదేశీ పోర్ట్‌ఫోలియో ఇన్వెస్టర్ల ఇన్వెస్ట్‌మెంట్‌పై 20 శాతంగా పరిమితిని తొలగించే అంశాన్ని సమీక్షించడం. కార్పొరేట్ బాండ్‌కు చెందిన ఏ ఇష్యూలోనైనా మదుపు చేసేందుకు 50 శాతం పరిమితి ఉంది. దాన్ని కూడా తొలగించే అంశాన్ని పరిశీలించడం. ప్రస్తుత ఆర్థిక సంవత్సరంలో జారీ చేసిన మసాలా బాండ్లపై పన్ను లేకుండా చేయడం. భారతీయ బ్యాంకులపై ఉన్న ఆంక్షలను తొలగించడం. మసాలా బాండ్ల అండర్‌రైటింగ్‌పై ఉన్న ఆంక్షలను తొలగించడం కూడా వాటిలో భాగంగా ఉంది. వస్తూత్పత్తి సంస్థలు (ఒక ఏడాదిలో తిరిగి చెల్లించే విధంగా) 5 కోట్ల డాలర్ల వరకు రుణాల సదుపాయాన్ని వినియోగించుకునే అవకాశం కల్పించడం. మౌలిక వసతుల కల్పన రుణాలకు ఉన్న తప్పనిసరి హెడ్జింగ్ నియమాన్ని సమీక్షించడం. ఈ ఏడాది మొత్తం మీద రూ. 6.24 లక్షల కోట్లను లక్ష్యంగా పెట్టుకోగా ఇప్పటికే 86.5 శాతం మేర రుణ సమీకరణ జరిగింది. ఏప్రిల్-జూలై కాలంలో ద్రవ్య లోటు రూ. 5.40 లక్షల కోట్లుగా ఉందని కంట్రోలర్ జనరల్ ఆఫ్ అకౌంట్స్ ఆగస్టు 31న వెల్లడించారు. ఈ చర్యలు 10 బిలియన్ డాలర్ల వరకు ప్రభావం చూపగలవని, రూపాయికి కొంత స్థిరత్వాన్ని తీసుకురా గలవని ప్రభుత్వం ఆశిస్తోంది. మరికొన్ని చర్యలు కూడా పరిశీలనలో ఉన్నాయని ఎప్పుడు అవసరమైతే అప్పుడు వాటిని తీసుకోవడం జరుగుతుందని జైట్లీ స్పష్టం చేశారు. ద్రవ్య లోటును అదుపులో ఉంచేందుకు ప్రభుత్వం కృషి చేస్తోందని, అది లక్ష్యానికి లోబడే ఉండగలదని నమ్మకం ఉందని ఆయన చెప్పారు. 

ఈ ఏడాది భారతీయ రూపాయి అధ్వానమైన ఏషియన్ కరెన్సీగా తయారైంది. స్థూల జాతీయోత్పత్తి (జి.డి.పి)లో వృద్ధి పటిష్టంగా ఉన్నప్పటికీ, కరెన్సీ ఈ ఏడాది సుమారు 12 శాతం బలహీనపడింది. చమురు ధరలు అధికంగా ఉండడం, ప్రవర్థమాన మార్కెట్లలో విస్తృతంగా చోటుచేసుకున్న అమ్మకాలు అందుకు కొంత పురికొల్పాయి. భారతదేశపు కరెంట్ అకౌంట్ లోటు పెరుగుతూ వస్తోంది. ఆరు త్రైమాసికాలలో మొదటిసారిగా ఏప్రిల్-జూన్ కాలంలో విదేశీ మారక ద్రవ్య చెల్లింపుల స్థితి క్లిష్టపరిస్థితుల్లో పడింది.



అవును మాల్యా చెప్పింది వాస్తవమే...

Updated By ManamThu, 09/13/2018 - 17:49
subramanian Swamy says order to downgrade Mallya notice came from

న్యూఢిల్లీ : కేంద్ర ఆర్థిక మంత్రి అరుణ్ జైట్లీతో మాట్లాడానంటూ లిక్కర్ కింగ్ విజయ్ మాల్యా చేసిన వ్యాఖ్యలు తీవ్ర దుమారం రేపుతుంటే...మరోవైపు బీజేపీ రాజ్యసభ సభ్యుడు సుబ్రహ్మణ్యస్వామి అది వాస్తవమేనంటూ మరో బాంబ్ పేల్చారు. బ్యాంకులకు కోట్లాది రూపాయిలు ఎగ్గొట్టి విదేశాల్లో తలదాచుకుంటున్న మాల్యాను భారత్‌కు రప్పించే అంశంపై లండన్‌లోని ఓ కోర్టులో విచారణ కొనసాగుతున్న విషయం తెలిసిందే. ఈ కేసు విచారణ నిమిత్తం కోర్టుకు హాజరైన మాల్యా తాను భారత్ విడిచే ముందు జైట్లీతో రుణాల్ని చెల్లించే విషయంలో చర్చించినట్టు వ్యాఖ్యలు చేశారు. 

ఇదే విషయంపై సుబ్రహ్మణ్యస్వామి ట్విట్టర్ వేదికగా స్పందించారు. తాను లండన్ వెళ్లిపోతున్నానంటూ విజయ్ మాల్యా పార్లమెంటులో కేంద్ర ఆర్ధికమంత్రి అరుణ్ జైట్లీకి చెప్పిన విషయం ‘తిరుగులేని వాస్తవమని’, మాల్యాపై విడుదలైన లుక్‌అవుట్ నోటీసును ‘బలహీనపర్చింది’ కూడా అంతే నిజమని స్వామి కుండబద్దలు కొట్టారు.  

మాల్యా విదేశాలకు ‘వెళ్లకుండా అడ్డుకోండి’ అంటూ సీబీఐ జారీ చేసిన లుక్‌అవుట్ నోటీసును ‘వెళ్లిపోతే చెప్పండి’ అని మార్చినట్టు తనకు సమాచారం ఉందని, ఆర్ధిక శాఖలో ఎవరో ఈ మేరకు ఆదేశించినట్టు తెలిసిందంటూ ఆ వ్యక్తి ఎవరు?’ అని సుబ్రహ్మణ్య స్వామి ట్విట్టర్‌ వేదికగా ప్రశ్నలు సంధించారు. ఈ విషయంలో ఇప్పటికే ప్రతిపక్షం కాంగ్రెస్ పార్టీకి మాల్యా వ్యాఖ్యలతో అధికార పక్షంపై గట్టి అస్త్రం దొరికినట్లు అయింది. దీంతో సోషల్ మీడియాలో కూడా జైట్లీ, విజయ్ మాల్యామధ్య స్నేహ బంధం అంటూ పెద్ద ఎత్తున ప్రచారం చేస్తోంది. 

జైట్లీ రిజైన్ చేయాలి: రాహుల్
మరోవైపు ఏఐసీసీ అధ్యక్షుడు రాహుల్ గాంధీ కూడా దూకుడు పెంచారు. ఆర్థిక మంత్రి  జైట్లీ వెంటనే తన పదవికి రాజీనామా చేయాలని డిమాండ్ చేశారు. దేశం విడిచి వెళ్ళే ముందు రుణాల చెల్లింపుపై  జైట్లీతో తాను  చర్చించానని  మాల్యా నిన్న లండన్‌లో చెప్పిన విషయం దేశ రాజకీయాల్లో కలకలం రేపుతోంది. విజయ్ మాల్యాకు తాను అపాయింట్ మెంట్ ఇవ్వలేదని, పార్లమెంటులోనే విజయ్ మాల్యాని కలిశానని అరుణ్ జైట్లీ ఇచ్చిన వివరణ కూడా వివాదాస్పదంగా మారింది. ఓ పారిశ్రామికవేత్త రుణ చెల్లింపు వ్యవహారాన్ని చాలా నిర్లక్ష్యంగా  జైట్లీ డీల్ చేశారని కూడా కాంగ్రెస్‌ ఆరోపిస్తోంది. 



జైట్లీతో మాట్లాడా.. బాకీలన్నీ తీర్చేస్తా: మాల్యా

Updated By ManamWed, 09/12/2018 - 19:51

Finance Minister, Vijay Mallya, Lies, Arun Jaitleyన్యూఢిల్లీ: మనీలాండరింగ్ కేసులో బ్యాంకులకు వేల కోట్లు ఎగొట్టి విదేశాలకు చెక్కేసిన లిక్కర్ కింగ్, కింగ్‌ఫిషర్ అధినేత విజయ్ మాల్యా అందరి బాకీలు పూర్తిగా తీర్చివేస్తానని స్పష్టం చేశాడు. మాల్యాను భారత్‌కు రప్పించే అంశంపై లండన్‌లోని ఓ కోర్టులో విచారణ కొనసాగుతోంది. ఈ విచారణలో భాగంగా కోర్టుకు వచ్చిన మాల్యా మీడియాతో మాట్లాడారు. ‘రుణాల చెల్లింపులపై కర్ణాటక హైకోర్టులో ప్రతిపాదించాను. ఈ ఏడాది జూన్‌ 22న కర్ణాటక హైకోర్టులో ఓ దరఖాస్తు దాఖలు చేశాను. కోర్టు అధీనంలో ఉన్న నా ఆస్తులను అమ్మేందుకు అనుమతించాలని కోరాను. ఆ ఆస్తులను అమ్మేసి అందరి బాకీలు తీర్చివేస్తాను’ అని మాల్యా చెప్పారు.

ఈ సందర్భంగా మాల్యా కేంద్ర ఆర్థిక మంత్రి అరుణ్ జైట్లీతో మాట్లాడిన అంశాన్ని ప్రస్తావించారు. రుణాలు తీసుకున్న అంశాన్ని సమర్థించుకున్న మాల్యా.. తాను భారత్ విడిచే ముందు జైట్లీతో రుణాల్ని చెల్లించే విషయంలో చర్చించినట్టు వ్యాఖ్యానించారు. మాల్యా వ్యాఖ్యలపై ఫేస్‌బుక్ వేదికగా స్పందించిన అరుణ్ జైట్లీ తీవ్రంగా ఖండించారు. మాల్యా చెప్పేవి అన్ని అబద్దాలుగా కొట్టిపారేశారు. తాను అసలు మాల్యాకు ఎప్పుడు అపాయింట్‌మెంట్ ఇవ్వలేదన్నారు. ఓసారి పార్లమెంట్ ఆవరణలో హడావుడిగా తనతో మాల్యా మాట్లాడినట్టు జైట్లీ పోస్ట్‌లో పేర్కొన్నారు.  



‘బ్రిటన్‌ను మించిపోతాం’

Updated By ManamThu, 08/30/2018 - 17:21
arun jaitley

న్యూఢిల్లీ: భారతదేశం వచ్చే ఏడాది బ్రిటన్‌ను వెనక్కి నెట్టి ప్రపంచంలో ఐదవ పెద్ద ఆర్థిక వ్యవస్థగా అవతరిస్తుందని భావిస్తున్నట్లు ఆర్థిక మంత్రి అరుణ్ జైట్లీ వెల్లడించారు. ‘ఈ ఏడాది పరిమాణం విషయంలో, మనం ఫ్రాన్స్‌ను అధిగమించాం. వచ్చే ఏడాది మనం బ్రిటన్‌ను అధిగమించే అవకాశం ఉంది.

అంటే, మనం ఐదవ పెద్ద ఆర్థిక వ్యవస్ధగా అవతరిస్తాం’ అని ఆయన చెప్పారు. ప్రపంచంలోని ఇతర ఆర్థిక వ్యవస్థలు తక్కువ రేటుతో వృద్ధి చెందుతున్నాయని తెలిపారు. వచ్చే 10-20 ఏళ్ళలో ప్రపంచంలోని టాప్ మూడు ఆర్థిక వ్యవస్థలలో ఒకటిగా పరిణమించే సామర్థ్యం ఇండియాకు ఉందని కూడా ఆయన గురువారమిక్కడ అన్నారు. 



రాజ్‌నాథ్, జైట్లీతో ముగిసిన కేసీఆర్ భేటీ

Updated By ManamSun, 08/26/2018 - 17:17

Arun jaitley, KCR, Delhi tour, Rajnath singh, Bifucation lawన్యూఢిల్లీ: కేంద్ర ఆర్థిక శాఖ మంత్రి అరుణ్ జైట్లీతో సమావేశం ముగిసింది. ఆదివారం ఢిల్లీ పర్యటనకు వెళ్లిన కేసీఆర్.. కేంద్ర హోంమంత్రి రాజ్‌నాథ్ సింగ్‌తో భేటీ అయ్యారు. ఈ సమావేశంలో విభజన చట్టంలో ఇప్పటికి పెండింగ్‌లో ఉన్న అంశాలను రాజ్‌నాథ్‌తో చర్చించారు. హైకోర్టు విభజనతోపాటు రెవెన్యూ పంపకాలు, షెడ్యూల్ 9,10లోని సంస్థలోని విభజన, గోదావరి, కృష్ణ నీటి పంపకాలు, కాళేశ్వరం ప్రాజెక్టు ఆర్థిక స్థాయి, బయ్యారం స్టీల్ ప్లాంట్, ఎన్టీపీసీ నాలుగు వేల మెగావాట్ల సామర్థ్యంతో బొగ్గు ఆధారిత విద్యుత్ ప్లాంట్ ఏర్పాటు వంటి అంశాలపై రాజ్‌నాథ్‌తో కేసీఆర్ చర్చించారు.
Arun jaitley, KCR, Delhi tour, Rajnath singh, Bifucation lawగతకొంతకాలంగా అనారోగ్యంతో బాధపడుతున్న అరుణ్ జైట్లీకి ఇంటికి నేరుగా కేసీఆర్ వెళ్లి పరామర్శించారు. ఈ సందర్భంగా కేసీఆర్ అరుణ్ జైట్లీతో సమావేశమయ్యారు. 15 నిమిషాలపాటు జైట్లీతో సమావేశం కొనసాగింది. ఈ చర్చలో ఎఫ్ఆర్‌బీఎం పరిమితి పెంపు, వెనుకబడిన జిల్లాలకు నిధుల విడుదలపై జైట్లీతో కేసీఆర్ చర్చించినట్టు సమాచారం. 



రాజ్‌నాథ్, జైట్లీతో కేసీఆర్ భేటీ

Updated By ManamSun, 08/26/2018 - 16:34

KCR, Rajanth singh, Arun Jaitley, Delhi tourన్యూఢిల్లీ: కేంద్ర హోం మంత్రి రాజ్‌నాథ్ సింగ్‌తో తెలంగాణ ముఖ్యమంత్రి కేసీఆర్ భేటీ అయ్యారు. ఢిల్లీ పర్యటనకు వెళ్లిన ఆయన ఆదివారం కేంద్ర హోమంత్రితోపాటు కేంద్ర ఆర్థిక శాఖ మంత్రి అరుణ్ జైట్లీతో సమావేశమయ్యారు. ఈ భేటీలో విభజన చట్టంలోని పెండింగ్ అంశాలపై చర్చించనున్నట్టు తెలుస్తోంది.

అదేవిధంగా షెడ్యూల్ 9, 10లోని సంస్థల విభజనపైనా, కృష్ణా, గోదావరి నీటి పంపకాలపైనా కేసీఆర్ చర్చించినట్టు తెలిసింది. రాష్ట్రానికి ఆర్థికపరంగా అవసరమైన విషయాలతో పాటు నిధుల విడుదలపై జైట్లీతో సీఎం చర్చించినట్టు తెలిసింది. కేసీఆర్ వెంట ఎంపీలు వినోద్, బూర నర్సయ్య గౌడ్ ఉన్నారు. 



తిరిగి బాధ్యతలు చేపట్టిన జైట్లీ

Updated By ManamThu, 08/23/2018 - 12:17

Arun Jaitley returns as Finance Minister three months after kidney transplantన్యూఢిల్లీ : మూడు నెలల విరామం అనంతరం అరుణ్ జైట్లీ  కేంద్ర ఆర్థిక మంత్రి బాధ్యతలు చేపట్టారు. ఈ ఏడాది మే నెలలో మూత్రపిండాల శస్త్రచికిత్స చేయించుకున్న ఆయన అప్పటి విశ్రాంతి తీసుకుంటున్న విషయం విదితమే. అయితే జైట్లీ ఇంటి నుంచే వీడియో కాన్ఫరెన్స్‌ ద్వారా సమావేశాలలో పాల్గొనేవారు. ఆపరేషన్‌ తర్వాత తొలిసారి జైట్లీ ఈ నెల తొమ్మిదిన జరిగిన రాజ్యసభ డిప్యూటీ ఛైర్మన్ ఎన్నికల ఓటింగ్‌లో పాల్గొన్నారు.

గురువారం ఉదయం సెంట్రల్ సెక్రటేరియట్‌లోని నార్త్ బ్లాక్‌లోని తన కార్యాలయానికి వచ్చిన జైట్లీకి తిరిగి ఆర్థికమంత్రిగా బాధ్యతలు అప్పగించారు. జైట్లీకి ఇన్‌ఫెక్షన్ సోకకుండా ఆయన కార్యాలయాన్ని రినోవేట్ చేశారు. కాగా జైట్లీ విశ్రాంతి తీసుకున్న సమయంలో తాత్కాలికంగా ఆర్థిక శాఖ బాధ్యతలను రైల్వే మంత్రి పీయూష్‌ గోయల్‌ స్వీకరించారు. 





Related News