murugadoss

‘సర్కార్’ వివాదం.. ‘అమ్మ’ వస్తువులు దగ్ధం

Updated By ManamSun, 11/11/2018 - 13:04

Vijay Fansవిజయ్ హీరోగా మురగదాస్ తెరకెక్కించిన ‘సర్కార్’ విడుదల తరువాత కూడా వివాదాల్లో చిక్కుకుంది. ఈ చిత్రంలో తమిళనాడు దివంగత ముఖ్యమంత్రి జయలలితను తప్పుగా చూపారని, అలాగే ప్రభుత్వం చేపట్టిన కొన్ని పథకాలపై విమర్శలు చేశారని అన్నాడీఎంకే కార్యకర్తలు ఆందోళన చేశారు. దీంతో సినిమాలోని అభ్యంతకరమైన సీన్లను తొలగించేందుకు నిర్మాతలు అంగీకరించడంతో వివాదం సద్దుమణిగింది.

అయితే తమ అభిమాన హీరో మూవీ పట్ల అన్నాడీఎంకే నేతలు వ్యవహరించిన తీరుపై విజయ్ అభిమానులు ఆగ్రహం వ్యక్తం చేస్తున్నారు. విజయ్ చెప్పింది నిజమేనంటూ సర్కార్ చిత్రంలో చూపిన విధంగా.. జయలలిత ఇచ్చిన ఉచిత కంప్యూటర్లు, గ్రైండర్లు, మిక్సీలు, టేబుల్ ఫ్యాన్లు, ఇతర వస్తువులను మంటల్లో వేశారు. వాటికి సంబంధించిన వీడియోలు ప్రస్తుతం సోషల్ మీడియాలో వైరల్‌గా మారాయి.



‘సర్కార్‌’లో ‘అమ్మ’ను కించపరిచే సీన్లు.. తమిళనాట నిరసనలు

Updated By ManamThu, 11/08/2018 - 09:04

Sarkarవిజయ్ హీరోగా మురగదాస్ తెరకెక్కించిన ‘సర్కార్’ మంచి టాక్‌ను తెచ్చుకొని బాక్సాఫీస్ వద్ద కలెక్షన్ల వర్షం కురిపిస్తోంది. అయితే సినిమా విడుదలకు ముందు ఈ చిత్రం పలు వివాదాల్లో చిక్కుకోగా.. విడుదల తరువాత మరో కొత్త వివాదంలో చిక్కుకుంది. రాజకీయాలు, ఓటు హక్కు నేపథ్యంలో తెరకెక్కించిన ఈ చిత్రంతో దివంగత ముఖ్యమంత్రి జయలలితను తప్పుగా చూపారంటూ అన్నాడీఎంకే మంత్రులు మండిపడుతున్నారు. 

ఆ సన్నివేశాలను వెంటనే తొలగించాలని డిమాండ్ చేస్తూ.. పలు ప్రాంతాల్లో నిరసనలకు దిగారు. ఆ సన్నివేశాలపై కోర్టును ఆశ్రయిస్తామని హెచ్చరిస్తున్నారు. దీంతో చిత్ర యూనిట్‌కు మరో సమస్య పడ్డట్లు అయ్యింది. అయితే విజయ్ గత చిత్రం మెర్సల్‌లో కూడా భారత ప్రభుత్వ వ్యవస్థ, జీఎస్టీపై చిత్రీకరించిన సన్నివేశాలను తొలగించిన విషయం తెలిసిందే.



‘సర్కార్’ కథ లీక్.. భాగ్యరాజ్ రాజీనామా

Updated By ManamSat, 11/03/2018 - 11:28

Sarkar, Bhagyarajకోలీవుడ్ స్టార్ హీరో విజయ్‌తో మురగదాస్ తెరకెక్కించిన మూడో చిత్రం ‘సర్కార్’. సెట్స్ మీదకు వెళ్లినప్పుడు అంతా బాగానే ఉన్నప్పటికీ.. ఆ తరువాత ఈ చిత్రానికి పలు అడ్డంకులు ఎదురయ్యాయి. ఈ చిత్ర ఫస్ట్‌లుక్ పోస్టర్‌‌ను మొదలకొని.. కొన్ని సన్నివేశాలు లీక్ అవ్వడం, ఆ తరువాత ‘సర్కార్’ కథ తనదంటూ వరుణ్ రవీంద్రన్ అనే అసిస్టెంట్ డైరక్టర్ కోర్టులో పిటిషన్ వేయడం.. ఇలా పలు ఇబ్బందులు వచ్చాయి. ఈ క్రమంలో మురగదాస్ ఎంతో గోప్యంగా ఉంచిన ‘సర్కార్’ కథను రచయితల సంఘం అధ్యక్షుడు భాగ్యరాజ్ బయటపెట్టడంతో ఆ దర్శకుడిని చాలా ఇబ్బంది పెట్టింది.

మరోవైపు ‘సర్కార్’ కథను బయటపెట్టినందుకు భాగ్యరాజ్ తన అధ్యక్ష పదవికి రాజీనామా చేశారు. ఈ సందర్భంగా మాట్లాడుతూ.. ‘‘కోర్టుకు వెళ్లకుండా సమస్యను పరిష్కరించుకోమని మురగదాస్‌ను కోరాను. కానీ ఆయన ఒప్పుకోలేదు. వేరే దారి లేక సర్కార్ కథను బయటపెట్టా. నేను తప్పు చేశా. సన్ పిక్చర్స్‌కు క్షమాపణలు చెప్పా. ఇప్పుడు దక్షిణ చిత్ర పరిశ్రమ రచయితల సంఘం అధ్యక్షుడి పదవికి రాజీనామా చేశా’’ అని ఆయన అన్నారు. అయితే ఆయన రాజీనామా లేఖను సమ్మతించమని సంఘం జనరల్ సెక్రటరీ మనోజ్ కుమార్ పేర్కొన్నారు. అయితే సర్కార్ కథ విషయంలో భాగ్యరాజ్, వరుణ్‌కు మద్దతిచ్చిన విషయం తెలిసిందే.



కోర్టులోనే తేల్చుకుంటా: మురగదాస్

Updated By ManamSun, 10/28/2018 - 13:01

Murugadossకోలీవుడ్ స్టార్ దర్శకుడు మురగదాస్‌కు కోపం వచ్చింది. దీంతో తనపై ఆరోపణలు చేసిన వ్యక్తిపై కోర్టులో తేల్చకుంటా అంటూ స్పష్టం చేశాడు ఈ దర్శకుడు. వివరాల్లోకి వెళ్తే విజయ్ హీరోగా మురగదాస్ సర్కార్ అనే చిత్రాన్ని తెరకెక్కించాడు. ఈ చిత్రం నవంబర్ 6న ప్రేక్షకుల ముందుకు రానుంది. అయితే ఈ కథ తనదంటూ వరుణ్ రాజేంద్రన్ అనే వ్యక్తి మురగదాస్‌పై కేసు వేశాడు.

దీనిపై స్పందించిన మురగదాస్.. ఇదంతా పబ్లిసిటీ కోసమే చేస్తున్నాడని అన్నారు. ఇంకా చిత్రం విడుదల కాకుండానే ఈ కథ ఆయనది ఎలా అంటాడని ప్రశ్నించిన మురగదాస్, ఈ విషయాన్ని తాను కోర్టులోనే తేల్చుకుంటానని తెలిపాడు. అయితే వరుణ్ మాత్రం రూ.30లక్షల నగదు, టైటిల్స్‌లో స్టోరీ క్రెడిట్ ఇవ్వాలని డిమాండ్ చేసినట్లు సమాచారం. కాగా సర్కార్ చిత్రంలో విజయ్ సరసన కీర్తి సురేశ్ నటించగా.. వరలక్ష్మీ, రాధా రవి తదితరులు కీలక పాత్రలలో కనిపించనున్నారు. మురగదాస్, విజయ్ కాంబినేషన్లో మూడో చిత్రంగా వస్తున్న ఈ మూవీపై కోలీవుడ్‌లో భారీ అంచనాలు ఉన్నాయి.



విజయ్ ‘సర్కార్‌’కు సెన్సార్ పూర్తి

Updated By ManamThu, 10/25/2018 - 15:19

Sarkarవిజయ్ హీరోగా మురగదాస్ తెరకెక్కించిన చిత్రం ‘సర్కారు’. దీపావళి కానుకగా నవంబర్ 6న ప్రేక్షకుల ముందుకు రానున్న ఈ చిత్రానికి సెన్సార్ పూర్తి అయ్యింది. చిత్రాన్ని చూసిన సెన్సార్ సభ్యులు ‘యు/ఎ’ సర్టిఫికేట్‌ను ఇచ్చారు. దీంతో ప్రమోషన్లలో మరింత వేగాన్ని పెంచనుంది చిత్రయూనిట్. ఇక ఈ చిత్రంలో విజయ్ సరసన కీర్తి సురేశ్ నటించగా.. వరలక్ష్మి శరత్ కుమార్, రాధా రవి తదితరులు కీలక పాత్రలలో కనిపించనున్నారు. సన్ పిక్చర్ నిర్మించిన ఈ చిత్రానికి ఏఆర్ రెహమాన్ సంగీతం అందించాడు. మురగదాస్, విజయ్ కాంబినేషన్లో వస్తున్న హ్యాట్రిక్ చిత్రం కావడంతో ఈ మూవీపై కోలీవుడ్‌లో భారీ అంచనాలు ఉన్నాయి.



‘సర్కార్’ టీజర్‌కు ముహూర్తం ఫిక్స్

Updated By ManamWed, 10/10/2018 - 15:20

Sarkarవిజయ్ హీరోగా మురగదాస్ తెరకెక్కించిన చిత్రం ‘సర్కార్’. కీర్తి సురేశ్ ఇందులో హీరోయిన్‌గా నటించగా.. వరలక్ష్మి శరత్ కుమార్, ప్రేమ్ కుమార్, యోగి బాబు తదితరులు కీలక పాత్రలలో కనిపించనున్నారు. కాగా ప్రస్తుతం పోస్ట్ ప్రొడక్షన్ పనులను జరుపుకుంటున్న ఈ చిత్ర టీజర్‌కు ముహూర్తం ఫిక్స్ అయ్యింది. దసరా కానుకగా ఈ నెల 19న టీజర్‌ను విడుదల చేయనున్నట్లు చిత్ర యూనిట్ తెలిపింది. కాగా విజయ్, మురగదాస్ కాంబినేషన్‌లో ఇదివరకు వచ్చిన ‘కత్తి’, ‘తుపాకి’ చిత్రాలు భారీ విజయాలను సాధించడంతో సర్కార్‌పై మంచి అంచనాలు ఉన్నాయి. ఇక ఈ చిత్రానికి ఏఆర్ రెహమాన్ సంగీతం అందించగా.. నవంబర్ 6న ప్రేక్షకుల ముందుకు రానుంది.



విజయ్ మూవీలో గెస్ట్ రోల్‌లో టాప్ డైరెక్టర్

Updated By ManamWed, 09/12/2018 - 13:30

NOTA 1విజయ్ హీరోగా ఆనంద్ శంకర్ తెరకెక్కిస్తున్న చిత్రం ‘నోటా’. తెలుగు, తమిళ్‌లో ప్రేక్షకుల ముందుకు రానున్న ఈ చిత్ర షూటింగ్ క్లైమాక్స్‌కు వచ్చేసింది. ఇప్పటికే విడుదలైన ఈ చిత్ర టీజర్ అందరినీ ఆకట్టుకోగా.. తాజాగా మరో ఇంట్రస్టింగ్ న్యూస్‌తో చిత్రంపై మరింత అంచనాలను పెంచేశాడు దర్శకుడు. అదేంటంటే ఇందులో టాప్ డైరక్టర్ మురగదాస్ అతిథిపాత్రలో కనిపించనున్నాడు. ఒక కీలక పాత్రలో ఆయన నటించనున్నాడు. ఈ విషయాన్ని దర్శకుడు కన్ఫర్మ్ చేశాడు.

‘‘నా గురువును ఈ రోజు నేను డైరెక్ట్ చేస్తున్నా. ఎంత అద్భుతమైన క్షణం’’ అంటూ కామెంట్ పెట్టాడు. కాగా మురగదాస్ దగ్గర ఆనంద్ శంకర్ అసిస్టెంట్‌గా పనిచేసిన విషయం తెలిసిందే. ఇక పొలిటికల్ థ్రిల్లర్‌గా తెరకెక్కుతున్న ఈ చిత్రంలో విజయ్ సరసన మెహ్రీన్ నటిస్తుండగా.. త్వరలో ప్రేక్షకుల ముందుకు రానుంది.

 



విజయ్ `స‌ర్కార్` షూటింగ్ పూర్తి

Updated By ManamTue, 09/04/2018 - 15:27

Sarkar‘తుపాకీ’, ‘క‌త్తి’ సినిమాల త‌ర్వాత విజ‌య్‌, ఎ.ఆర్‌.ముర‌గ‌దాస్ కాంబినేష‌న్‌లో తెర‌కెక్కుతున్న సినిమా `స‌ర్కార్‌`. ఈ సినిమా షూటింగ్ కార్య‌క్ర‌మాల‌ను ప్యాచ్ వ‌ర్క్ స‌హా పూర్తి చేసుకుంది. ఇక పోస్ట్ ప్రొడ‌క్ష‌న్ వ‌ర్క్స్ మ‌రో ప‌క్క జ‌రుగుతున్నాయి. అయితే ఈ సినిమాను దీపావ‌ళి సంద‌ర్భంగా నవంబ‌ర్ 7న విడుద‌ల చేయాల‌నుకుంటున్నారు. అలాగే.. అక్టోబ‌ర్ 2న ఆడియో విడుద‌ల కానుంది. కాగా ఈ సినిమా పొలిటిక‌ల్ బ్యాక్‌డ్రాప్‌లో ఉంటుంది. విజ‌య్ ఇందులో ముఖ్య‌మంత్రి పాత్ర‌లో కూడా క‌నిపిస్తారు. ఇప్పుడే విజ‌య్ రాజ‌కీయాల్లోకి రావాల‌ని ఆయ‌న అభిమానులు గ‌ట్టిగా కోరుకుంటున్నారు. ఈ స‌మ‌యంలో ఇలాంటి సినిమా విజ‌య్‌కు ఎలాంటి స‌మ‌స్య‌ల‌ను తెచ్చిపెడుతుందో చూడాలి. 



విజయ్ ‘సర్కార్‌’కు తప్పని లీకుల గోల

Updated By ManamTue, 08/14/2018 - 12:57

Sarkarలీకు రాయుళ్లు మళ్లీ రెచ్చిపోతున్నారు. ఆ ఇండస్ట్రీ, ఈ ఇండస్ట్రీ అని తేడా లేకుండా ప్రతి ఇండస్ట్రీలో సినిమాలను లీక్ చేస్తున్నారు. రెండు రోజుల క్రితం టాలీవుడ్‌లో విజయ్ దేవరకొండ నటించిన గీత గోవిందం చిత్రంలోని కొన్ని సన్నివేశాలు లీక్ అవ్వగా.. తాజాగా కోలీవుడ్‌లో విజయ్ సినిమా పాట లీక్ అయ్యింది. విజయ్ ప్రస్తుతం మురగదాస్ దర్శకత్వంలో సర్కార్‌లో నటిస్తుండగా.. అందులో హీరో ఎంట్రీ సాంగ్‌కు సంబంధించిన క్లిప్ సోషల్ మీడియాలో వైరల్ అయిపోయింది.

ఈ సాంగ్ షూటింగ్ లాస్ వేగాస్‌లో జరుగుతోంది. శోభి మాస్టర్ కొరియోగ్రఫీ చేస్తుండగా.. భారీ బడ్జెట్‌తో సాంగ్‌ను తెరకెక్కిస్తున్నారు. ఇక ఈ పాటకు సంబంధించిన క్లిప్ లీక్ అవ్వడంతో చిత్ర యూనిట్ భద్రతను మరింత కట్టుదిట్టం చేయనుంది. ఇక సన్ పిక్చర్స్ నిర్మిస్తున్న ఈ చిత్రం దీపావళి కానుకగా ప్రేక్షకుల ముందుకు రానుంది.



మురగదాస్ నేను గుర్తున్నానా..?: శ్రీరెడ్డి

Updated By ManamWed, 07/11/2018 - 12:29
sri reddy

ఇన్ని రోజులు టాలీవుడ్ సెలబ్రిటీలనే టార్గెట్ చేసిన నటి శ్రీరెడ్డి తాజాగా కోలీవుడ్‌ టాప్ డైరక్టర్‌పై కామెంట్లు చేసింది. తమిళ టాప్ డైరక్టర్ మురగదాస్ పేరును ప్రస్తావించిన శ్రీరెడ్డి.. ‘‘హాయ్ మురగదాస్ గారు. ఎలా ఉన్నారు. మీకు గ్రీన్ పార్క్ హోటల్ గుర్తుందా..? వెలిగొండ శ్రీనివాస్ ద్వారా మనమిద్దరం కలిశాం. నాకు ఓ పాత్ర ఇస్తానని నువ్వు మాటిచ్చావు. కానీ ఇంతవరకు ఎలాంటి అవకాశం ఇవ్వలేదు. మీకు చాలా గ్రేట్ సర్’’ అంటూ కామెంట్ పెట్టింది. మరి ఈ వ్యాఖ్యలపై మురగదాస్ స్పందిస్తారో లేదో చూడాలి.

 

Hi Tamil director murugadas ji..h r U??U remember green park hotel??we met through veligonda Srinivas..U promised me a...

Posted by Sri Reddy on Tuesday, July 10, 2018

 





Related News