bjp

గోవాలో కాంగ్రెస్‌కు షాక్

Updated By ManamTue, 10/16/2018 - 22:17
  • బీజేపీ గూటికి ఇద్దరు ఎమ్మెల్యేలు 

  • ఢిల్లీలో అమిత్ షాతో సమావేశం

  • మరికొందరు వస్తారని వెల్లడి

 Congressన్యూఢిల్లీ: గోవా అసెంబ్లీలో అతిపెద్ద పార్టీగా ఉన్న తమను ప్రభుత్వ ఏర్పాటుకు ఆహ్వానించాలని డిమాండ్ చేస్తున్న కాంగ్రెస్ పార్టీకి ఊహించని షాక్ తగిలింది. కాంగ్రెస్ పార్టీకి చెందిన ఇద్దరు ఎమ్మెల్యేలు సుభాష్ శిరోడ్కర్, దయానంద్ సటోపె ఆ పార్టీని వీడారు. మంగళవారం వీరిద్దరూ ఢిల్లీకి వెళ్లి బీజేపీ జాతీయ అధ్యక్షుడు అమిత్ షాను కలిశారు. అనంతరం తామిద్ద రూ బీజేపీలో చేరుతున్నట్టు ఎమ్మెల్యేలు ప్రకటిం చారు. అంతేగాక రాబోయే రోజుల్లో మరికొంత మంది కాంగ్రెస్ ఎమ్మెల్యేలు బీజేపీలో చేరుతారని బాంబు పేల్చారు. ఇద్దరు ముగ్గురు ఎమ్మెల్యేలు వస్తారని శిరోద్కర్ తెలిపారు. వీరిద్దరూ ఎమ్మెల్యే పదవులకు రాజీనామా చేశారు. గోవా అసెంబ్లీలో మొత్తం 40 సీట్లు ఉన్నాయి. కాంగ్రెస్‌కు 16 మంది ఎమ్మెల్యేలు ఉండగా, తాజాగా ఇద్దరు బీజేపీ గూ టికి చేరడంతో ఆ బలం 14కు పడిపోయింది. బీజే పీకి 14 మంది ఎమ్మెల్యేలు ఉండగా, ఎంజీపీ, జీఎఫ్‌పీలకు ముగ్గురు చొప్పున ఎమ్మెల్యేలు ఉన్నా రు. మరో ముగ్గురు ఇండిపెండెంట్లు, ఓ ఎన్‌సీపీ ఎమ్మెల్యే ఉన్నారు. కాగా తమ పార్టీకి చెందిన ఇద్ద రు ఎమ్మెల్యేలను బెదిరించి బీజేపీలో చేర్చుకున్నా రని కాంగ్రెస్ పార్టీ ఆరోపించింది. కాగా గత కొది ్దరోజులుగా ఢిల్లీలోని ఎయిమ్స్‌లో చికిత్స పొందు తున్న గోవా సీఎం మనోహర్ పారికర్ డిశ్చార్జి అయిన సంగతి తెలిసిందే. కొంతకాలంగా కేన్స ర్‌తో బాధపడుతున్న పారికర్ ప్రస్తుతం గోవాలోని తన ప్రైవేట్ నివాసంలో చికిత్స పొందుతున్నారు.



అయితే పాకిస్థాన్ వెళ్లి ఇమ్రాన్ కేబినెట్‌లో చేరు

Updated By ManamMon, 10/15/2018 - 09:16

Navjot Singhదక్షిణాది రాష్ట్రాలకు వెళ్లడం కంటే పాకిస్థాన్‌కు వెళ్లడం మేలంటూ కాంగ్రెస్ నేత సిద్ధూ చేసిన వ్యాఖ్యలపై సర్వత్రా విమర్శలు కొనసాగుతున్నాయి. సిద్ధూ తన వ్యాఖ్యలతో ఉత్తర, దక్షిణాది రాష్ట్రాల ప్రజల మధ్య విబేధాలు సృష్టిస్తున్నారంటూ బీజేపీ అధికార ప్రతినిధి సంబిత్ పాత్ర ఆగ్రహం వ్యక్తం చేశారు. సిద్ధూ మాటల్లో కుట్ర దాగి ఉందని.. నిజంగా అతడికి పాకిస్థాన్‌పై అంత ప్రేమ ఉంటే ఆ దేశంకు వెళ్లి ఇమ్రాన్ కేబినెట్‌లో చేరాలని సూచించారు.

మరోవైపు దక్షిణ భారతదేశాన్ని ఉద్దేశించి వివాదాస్పద వ్యాఖ్యలు చేసిన సిద్ధూతో పాటు, ఆ పార్టీ అధ్యక్షుడు రాహుల్ గాంధీ క్షమాపణలు చెప్పాలని బీజేపీ అధికార ప్రతినిధి జీవీఎల్ నరసింహారావు డిమాండ్ చేశారు. ఇక ఈ వ్యాఖ్యలపై అన్నాడీఎంకే అధికార ప్రతినిధి మురళీధరన్ శివలింగం స్పందిస్తూ.. అతడో కమెడియన్‌ అని, వాటిని పట్టించుకోవాల్సిన అవసరం లేదని తెలిపారు.



పద్మినీరెడ్డి యూ టర్న్, బీజేపీకి  ఉల్టా షాక్

Updated By ManamFri, 10/12/2018 - 12:50
padmini Reddy

హైదరాబాద్: కాంగ్రెస్‌కు గుడ్‌బై చెప్పి మధ్యాహ్నం  భాజపాలో చేరిన పద్మినీరెడ్డి రాత్రి 9 గంటల సమయంలో  బిజెపికి ఉల్టాషాక్ ఇచ్చి కాంగ్రెస్‌లోనే కొనసాగుతానని ప్రకటించింది. తెలంగాణ కాంగ్రెస్ మెనిఫెస్టో కమిటీ ఛైర్మన్ దామోదర రాజనర్సింహ సతీమణి పద్మినీరెడ్డి పార్టీ మారడం కాంగ్రెస్‌లో కలకలం రేపింది. దీంతో ఆమె మనసు మార్చుకున్నారు. కాంగ్రెస్‌లోనే కొనసాగుతానని ప్రకటించారు. తన భర్త రాజనర్సింహ సమక్షంలొ మళ్లీ కాంగ్రెస్ కండువా కప్పుకున్నారు.  

తాను బిజెపిలో చేరిన విషయం వాస్తవమేనని, ప్రస్తుతం మనసు మార్చుకున్నానని, ఇప్పుడు కాంగ్రెస్‌లోనే కొనసాగుతానని ప్రకటించారు. పద్మినీరెడ్డి నిర్ణయం మెదక్ జిల్లా రాజకీయాలను కుదిపివేసింది. భాజపాలో చేరి సంగారెడ్డి నివాసానికి చేరుకున్నప్పటి నుండి కాంగ్రెస్ శ్రేణుల నుండి ఊహించని విధంగా తీవ్ర వ్యతిరేకతను చవిచూడవలసి వచ్చింది. పార్టీలోనే కొనసాగాలని, భాజపాని వీడాలని పట్టుబట్టారు. 

దీంతో ఆమె మనసు మార్చుకున్నారు.  రాత్రి 9 గంటల సమయంలో తన నివాసంలో విలేకరుల సమావేశం ఏర్పాటు చేశారు. నా నిర్ణయాన్ని వెనక్కు తీసుకుంటున్నాను, కార్యకర్తల మనోవేదన చూసి నా నిర్ణయాన్ని వెనక్కు తీసుకుంటున్నా, ఈ స్ధాయిలో స్పందన వస్తుందని  ఊహించలేదు అని మూడు ముక్కల్లో విలేకరుల సమావేశాన్ని ముగించారు. దీంతో పద్మినీరెడ్డి తిరిగి కాంగ్రెస్‌లో చేరిందని కార్యకర్తలు సంబురాలు చేసుకున్నారు. పద్మినీరెడ్డి మనసు మార్చుకోవడంలో రాజకీయ దుమారం టీ కప్పులో తుఫాన్ గా చల్లారింది. బుధవారం పద్మినీరెడ్డి, రాజనర్సింహ మధ్య స్వల్ప  విబేధాలు చోటు చేసుకున్నాయని కార్యకర్తలు అంటున్నారు. 

అందుకోసమే ఆమె ఆకస్మాత్తుగా  పార్టీ మారాలని నిర్ణయించుకొని నేరుగా బిజేపి  కార్యాలయానికి వెళ్లి పార్టీలో చేరినట్టు పేర్కొంటున్నారు. తనకు టికెట్ విషయంలోనే అసంతృప్తితో పార్టీ మారాలనుకున్నట్లు ఆమె కాంగ్రెస్ కార్యకర్తలకు తెలిపారు. కాంగ్రెస్ పార్టీలో ఒకే కుటుంబానికి ఒకే సీటు అనే నిర్ణయం వల్లనే పార్టీ మారాలని భావించినట్లు తెలియచేశారు. చివరగా ఆమె యూ టర్న్ తీసుకోవడంలో ఆంతర్యమేమిటన్నది తెలియవలసి ఉంది. ఆమెకు కాంగ్రెస్ టికెట్ ఇస్తామన్నారా లేక భర్తకు తలనొప్పులు తేవద్దని భావించి తన నిర్ణయం మార్చుకున్నారా అనేది వెలుగులోకి రావలసి ఉంది.

ఇరకాటంలో దామోదర రాజనర్సింహ
కాంగ్రెస్ పార్టీలో అగ్రనాయకుడిగా ఎదిగిన దామోదర రాజనర్సిం హ్మ భార్య పద్మినీ రెడ్డి కాషాయ కండువా కప్పుకోవడంరాష్ట్ర రాజకీయాల్లో తీవ్ర చర్చనీయాంశంగా మారింది. భార్యాభర్తలు వేర్వేరు పార్టీలో ఉండటం ఏమిటని చర్చించుకుంటున్నారు. తన సతీమణి ప్రత్యర్ది పార్టీ లో చేరడం మున్ముందు దామోదరకు కొత్త సమస్యలు తలెత్తుతాయని పరిశీలకులు భావిస్తున్నారు. ప్రత్యర్ది పార్టీల విమర్శలకు ఆయన ఏ సమాధానం చెబుతారో అనేది చూడాల్సి ఉంది. బీజేపీలో చేరేందుకు భర్త అనుమతి తీసుకుని చేరారా? లేదా అనేది ఆసక్తికరంగా మారింది.



ఎంజే అక్బర్‌ పదవికి ఎసరు?

Updated By ManamThu, 10/11/2018 - 15:29
 MeToo Allegations: MJ Akbar To Take Call On Quitting

న్యూఢిల్లీ : ‘మీటూ’ ప్రకంపనలు కేంద్రానికి కూడా తాకాయి. దీంతో ఆరోపణలు ఎదుర్కొంటున్న విదేశాంగ శాఖ సహాయ మంత్రి ఎంజే అక్బర్‌కు ఉద్వాసన పలికేందుకు రంగం సిద్ధం అవుతోంది. ఓ వైపు పలువురు మహిళా జర్నలిస్టుల ఆరోపణలు, మరోవైపు విపక్షాల డిమాండ్‌తో ఎంజే అక్బర్‌‌కు పదవి గండం తప్పేలా లేదు. ఆయనను మంత్రివర్గం నుంచి తొలగించే సూచనలు కనిపిస్తున్నాయి. 

ప్రస్తుతం నైజీరియా పర్యటనలో ఉన్న ఎంజే అక్బర్‌ని మంత్రివర్గం నుంచి తప్పించే  అవకాశాలు ఉన్నట్లు సమాచారం. ఈ మేరకు మంత్రివర్గం నుంచి తనకు తానుగా తప్పుకోవాలని అక్బర్‌కు సంకేతాలు కూడా వెళ్లినట్లు తెలుస్తోంది. విదేశీ పర్యటన ముగించుకుని వచ్చిన అనంతరం ఎంజే అక్బర్ ‌రాజీనామాపై స్పష్టత వచ్చే అవకాశం ఉంది. 

మాజీ సంపాదకుడైన ఎంజే అక్బర్‌పై తొలిసారి ప్రియా రమణి అనే మహిళా జర్నలిస్ట్  లైంగిక ఆరోపణలు చేశారు.  అనంతరం అక్బర్ వద్ద పనిచేసిన సమయంలో తమను లైంగికంగా వేధించారని ఆ తర్వాత మరికొందరు మహిళలు కూడా వెల్లడించారు.

అయితే తనపై వచ్చిన ఆరోపణలకు మాత్రం ఎంజే అక్బర్ ఇప్పటివరకూ స్పందించలేదు.  ఇక విపక్ష పార్టీ కాంగ్రెస్ కూడా ఎంజే అక్బర్ తక్షణమే రాజీనామా చేయాలని డిమాండ్ చేస్తోంది. తనపై వచ్చిన ఆరోపణలకు ఆయన సంతృప్తికరమైన సమాధానం అయినా ఇవ్వాలి లేకుంటే బాధ్యత వహిస్తూ రాజీనామా అయినా చేయాలని కాంగ్రెస్ నేతలు డిమాండ్ చేస్తున్నారు. 



సంగారెడ్డి నుంచి పద్మినీరెడ్డి పోటీ?

Updated By ManamThu, 10/11/2018 - 13:50
  • జగ్గారెడ్డి వర్సెస్ పద్మినీరెడ్డి
Padmini Reddy to contest Sangareddy

హైదరాబాద్ : భారతీయ జనతా పార్టీలో చేరిన కాంగ్రెస్ సీనియర్ నేత దామోదర రాజనర్సింహ సతీమణి పద్మినీరెడ్డి సంగారెడ్డి నియోజకవర్గం నుంచి పోటీ చేయనున్నట్లు తెలుస్తోంది. అయితే భార్య బీజేపీలో చేరినట్లు సమాచారం అందుకున్న దామోదర రాజనర్సింహ  గజ్వేల్‌లో తన ఎన్నికల ప్రచారాన్ని అర్ధాంతరంగా ముగించుకొని గురువారం మధ్యాహ్నం హుటాహుటీన హైదరాబాద్ బయల్దేరారు. 

కాగా కుటుంబంలో ఒకరికి మాత్రమే సీటు ఇవ్వాలన్న కాంగ్రెస్ అధిష్టానం నిర్ణయం వల్లే పద్మినీరెడ్డి బీజేపీలో చేరినట్లు సమాచారం. జరగబోయే ఎన్నికల్లో ఆమె సంగారెడ్డి నుంచి పోటీ చేసేందుకు అనుమతి ఇవ్వాలని హైకమాండ్‌ను కోరడం, అందుకు ఫ్యామిలీ నుంచి ఒక్కరికి మాత్రమే టికెట్ కేటాయిస్తామని చెప్పడంతో పద్మినీరెడ్డి కాషాయ కండువా కప్పుకున్నారు.

గత కొంతకాలంగా ఆమె సామాజిక కార్యక్రమాల్లో చురుగ్గా పాల్గొంటున్న విషయం తెలిసిందే. ఇక సంగారెడ్డిలో కాంగ్రెస్ తరఫున జగ్గారెడ్డి బరిలో ఉన్న విషయం తెలిసిందే. ఈ నేపథ్యంలో పద్మినీరెడ్డి బీజేపీ నుంచి పోటీ చేయడం ప్రాధాన్యత సంతరించుకుంది.  మరోవైపు దామోదర రాజనర్సింహ కాంగ్రెస్ పార్టీ తరఫున ఆందోల్ నియోజకవర్గం నుంచి పోటీ చేయనున్నారు.

తెలంగాణలో కాంగ్రెస్‌కు షాక్...



తెలంగాణలో కాంగ్రెస్‌కు షాక్

Updated By ManamThu, 10/11/2018 - 12:44
  • తెలంగాణ రాజకీయాల్లో కొత్త ట్విస్ట్

  • బీజేపీలో చేరిన దామోదర సతీమణి

Padmini Reddy joins BJP

హైదరాబాద్ : ఎన్నికలు దగ్గరకొస్తున్న సమయంలో తెలంగాణ కాంగ్రెస్ పార్టీకి మరో ఎదురుదెబ్బ తగిలింది. కాంగ్రెస్ పార్టీ సీనియర్ నేత, మాజీ డిప్యూటీ సీఎం దామోదర రాజనర్సింహ సతీమణి పద్మినీ రెడ్డి భారతీయ జనతా పార్టీలో చేరారు. బీజేపీ రాష్ట్ర అధ్యక్షుడు లక్ష్మణ్, పార్టీ సీనియర్ నేత మురళీధరరావు సమక్షంలో గురువారం ఆమె బీజేపీలో చేరారు. ప్రధాని నరేంద్ర మోదీ నాయకత్వం పట్ల పద్మినీరెడ్డి నమ్మకాన్ని తాము స్వాగతిస్తున్నామని మురళీధరరావు అన్నారు.

padmini reddy

కాగా ప్రస్తుతం దామోదర రాజనర్సింహ కాంగ్రెస్ మేనిఫెస్టో కమిటీ ఛైర్మన్‌గా ఉన్నారు. ఆయన నియోజకవర్గ పర్యటనలో ఉండగా పద్మినీరెడ్డి బీజేపీ కార్యాలయంలో ప్రత్యక్షం కావడంతో  కాంగ్రెస్ వర్గాలు నివ్వెరపోయాయి. కాగా పద్మినీరెడ్డి కాంగ్రెస్ పార్టీ తరఫున సంగారెడ్డి టికెట్ ఆశించారు. అయితే ఆమెకు పార్టీ నుంచి స్పష్టమైన హామీ రాకపోవడంతో బీజేపీ తీర్థం పుచ్చుకున్నారు. తాజా పరిణామం మాత్రం కాంగ్రెస్ పార్టీలో కలకలం రేపుతోంది. అయితే పద్మినీరెడ్డి బీజేపీలో చేరిన వ్యవహారంపై రాజనర్సింహ ఇంకా స్పందించలేదు. 



మోదీ గాలిలో కేసీఆర్ కొట్టుకుపోతడు

Updated By ManamThu, 10/11/2018 - 06:37
  • కొడుకునో బిడ్డనో సీఎం చేయాలని ఆయన యత్నం

  • హామీలు నెరవేరలేదు ఆశలు తీరలేదు..  అది తెలంగాణ ద్రోహుల కూటమి

  • తెలంగాణలో పాగాకు బాబు కుయుక్తి..  కాంగ్రెస్ ఎక్కడుందో భూతద్దంలో చూడాలి

  • మతపరమైన రిజర్వేషన్లను అడ్డుకుంటాం.. అభివృద్ది జరగాలంటే బీజేపీని గెలిపించాలి

  • కరీంనగర్ బీజేపీ సమరభేరి సభలో ఆ పార్టీ జాతీయాధ్యక్షుడు అమిత్ షా

BJPకరీంనగర్: అభివృద్ధిలో ముందున్న ప్రధాని నరేంద్ర మోదీ గాలిలో కేసీఆర్ కొట్టుకుపోవడం ఖాయమని బీజేపీ జాతీయాధ్యక్షుడు అమిత్ షా అన్నారు. బుధవారం కరీంనగర్‌లోని అంబేద్కర్ స్టేడియంలో బీజేపీ నిర్వహించిన సమర భేరి సభలో ఆయన ప్రసంగించారు. బహిరంగ సభకు ఉత్తర తెలంగాణ జిల్లాల నుండి లక్షకు మందికి పైగా బిజేపి శ్రేణులు, కార్యకర్తలు వచ్చారు. తెలంగాణ ఆపద్దర్మ సీఎం కేసీఆర్‌పై బీజేపీ జాతీయ అధ్యక్షుడు అమిత్ షా తనదైన శైలిలో ఫైర్ అయ్యారు. రాష్ట్రంలోని అన్ని పార్టీలపైనా ఆయన విమర్శనాస్త్రాలు సంధించారు.  డిసెంబర్‌లో జరగనున్న ఎన్నికల్లో   మోదీ గాలిలో సీఎం కొట్టుకుపోవడం ఖాయమన్నారు.  తెలంగాణలో తనకు ఎదురుగాలి వీస్తుందనే భయంతోనే  ఐదేండ్లు అధికారం కట్టబెట్టిన ప్రజలను మోసం చేసి ముందస్తు ఎన్నికలకు పోయాడని ఎద్దేవా చేశారు.  కొడు కు కేటీఆర్ లేదా కూతురు కవితను ముఖ్యమంత్రిని చేయాలనే ఆశలో కేసీఆర్ ఉన్నాడని పేర్కొన్నారు. కానీ ఆ ఆశలు ఆడియాసలేనని అన్నారు. ముందస్తు ఎన్నికల నేపథ్యంలో ప్రజలపై పడుతున్న ఆర్థిక భారానికి సీఎం సమాధానం చెప్పాలన్నారు. ముందస్తు ఎన్నికలకు స్పష్టమైన కారణాలు చెప్పకపోవడం కేసీఆర్ అభద్రతకు నిదర్శనమన్నారు. ముందస్తు ఎన్నికల తో పాలన, అభివృద్ది కుంటుపడుతోందన్నారు. సీఎం సామాన్య ప్రజలకు అందుబాటులో లేకపోవడం శోచనీయమన్నారు. మహాకూటమి తెలంగాణ ద్రోహుల కూటమిగా మారిందన్నారు. ఈ ఎన్నికలల్లో తమ చేతిలో ఓ బ్రహ్మాస్త్రం ఉందన్నారు. దాన్ని ఏ విధంగా ప్రయోగించాలో మాకు బాగా తెలుసన్నారు.  ఏపీ సిఎం చంద్రబాబు నాయుడు దొడ్డిదారిన తిరిగి తెలంగాణలో పాగా వేసేందుకు సన్నాహాలు చే శారన్నారు. రెండు కళ్ల సిద్దాంతం గల చంద్రబాబు వేల మంది ఆత్మబలిదానాలకు కారణం అయ్యారన్నారు. ఓటుకు నోటు కేసులో పట్టుబడి అమరావతికి పరిమితం అయ్యాడన్నారు. తెలంగాణ ద్రోహులతో దోస్తీ కడుతున్న టీజేసీ నేత కోదండరాం తెలంగాణ ప్రజలకు తీరని నష్టం చేసేందుకు పూనుకున్నాడన్నారు. బిజెపి అధికారంలోకి వస్తే కుటుంబ పాలన ఉండదని, కొడుకులు, కూతుర్లు అధికారంలో ఉండరని ఆయన వ్యంగ్యాస్త్రాలు సంధించారు. జమిలి ఎన్నికలైతే మోదీ గాలిలో కొట్టుకుపోతారనే భయంతోనే కేసీఆర్ ముందస్తు ఎన్నికలకు పోయారని మండిపడ్డారు. అభివృద్ది కోసం ముందస్తు ఎన్నికలకు పోయామని చెబుతున్న టీఆర్‌ఎస్ కట్టుకథలు ప్రజలు నమ్మే పరిస్థితిలో లేరన్నారు. మతం ఆధారంగా రిజర్వేషన్లను బీజేపీ ఎట్టి పరిస్థితిల్లోనూ ఒప్పుకోదని నొక్కి చెప్పారు. తాము మతపరమైన రిజర్వేషన్లను అడ్డుకుంటామన్నారు. ముస్లింలకు 12 శాతం రిజర్వేషన్లతో బీసీలు నష్టపోతారని అభిప్రాయపడ్డారు. 

 ప్రజలను రెచ్చగొట్టడానికి మమతా, కమ్యూనిస్టులు ప్రయత్నిస్తున్నారని మండిపడ్డారు. కేసీఆర్ యూపిఎ సర్కార్‌లో మంత్రిగా ఉన్న విషయాన్ని తేటతెల్లం చేశారు. 13వ ఆర్థిక సంఘంలో రూ.16,597 కోట్లు మాత్రమే తెలంగాణకు వచ్చాయన్నారు. కానీ 14వ ఆర్థిక సంఘంలో తెలంగాణకు రూ.1.15,605 కోట్లు వచ్చాయన్నారు. ఉమ్మడి కరీంనగర్ జిల్లాకు చెందిన  మాజీ ప్రధాని పీవీ నర్సింహారావు అంతిమ సంస్కారాలు కూడా సరిగా చేయలేక కాంగ్రెస్ అవమానపరిచిందన్నారు. పీవీకి జరగిన అవమానంపై తెలంగాణ ప్రజలు, ముఖ్యంగా ఉమ్మడి కరీంనగర్ జిల్లా వాసులు కాంగ్రెస్‌ను నిలదీయాలన్నారు. తెలంగాణలో 4500 మంది రైతులు ఆత్మహత్యలు చేసుకున్నారని, రైతులు ఆత్మహత్యలు చేసుకుంటే టీఆర్‌ఎస్ ప్రభుత్వం ఏం చేసిందని ప్రశ్నిం చారు.  కేంద్ర ప్రభుత్వం రైతులకు 150 శాతం లాభం చేకూరేలా మద్దతు ధర కల్పిస్తోందన్నారు. తెలంగాణ ప్రభుత్వం ప్రజలకు ఇచ్చిన 150 వాగ్దానాలను అమలు చేయలేదన్నారు. రజాకార్లు చేసిన అన్యాయాలను నేటికి కూడా తెలంగాణ ప్రజలు మరిచిపోలేదన్నారు. అలాగే కెసిఆర్ చేసిన అన్యాయాలను కూడా మరిచిపోరని పేర్కొన్నారు. రాష్ట్రంలో 2లక్షలు ఉద్యోగాలు ఖాళీగా ఉన్నా నియమాకాలు ఎందుకు చేపట్టలేదన్నారు. డబుల్ బెడ్ రూముల నిర్మాణాలు పూర్తి చేయలేదన్నారు. ఇళ్ల నిర్మాణాలకు కేంద్రం ఇస్తున్న నిధులను పక్కదారి పట్టిస్తున్నారని అన్నారు. నాలుగేళ్లలో ఒక్క అధ్యాపక పోస్టు  కూడా భర్తీ చేయలేదన్నారు. తెలంగాణలోని అమరులను కేసీఆర్ మోసం చేశారన్నారు.  దాదాపు 1200 మంది అమరులకు ఉద్యోగాలిప్పిస్తానని ఇవ్వలేదన్నారు. మోడీ నాయకత్వంలో 2019లో ఎన్నికలకు వెళ్తే ఇబ్బందవుతుందనే ముందస్తు ఎన్నికలకు వెళ్తున్నారన్నారు. కేసీఆర్ ప్రభుత్వం అన్ని రంగాల్లో విఫల మైందని అన్నారు.  దళితుడిని ముఖ్యమంత్రిని చేస్తానన్న హామీని కేసీఆర్ నిలబెట్టుకోలేదన్నారు. 2014లో మాట నిలుపుకోలేదేని 2018లో కూడా మాట నిలబెట్టుకోలేరన్నారు. దళితులకు మూడెకరాల భూమి ఇస్తానన్న హామీని కేసీఆర్ నిలబెట్టుకోలేదన్నారు. నమ్మకద్రోహం చేసిన కేసీఆర్ కు ప్రజలు తగిన బుద్ది చెప్పాలని అమిత్ షా అన్నారు. 

 ఈ బహిరంగ సభలో బీజేపీ జాతీయ ప్రధాన కార్యదర్శి మురళీధర్‌రావు, తెలంగాణ బిజెపి అధ్యక్షుడు డాక్టర్ లక్ష్మణ్, కిషన్‌రెడ్డి, మాజీ కేంద్ర మంత్రి బండారు దత్తాత్రేయ,రాష్ట్ర ఉపాధ్యాక్షుడు గుజ్జుల రామకృష్ణారెడ్డి,  రామచంద్రారెడ్డి, జగ్గారెడ్డి, రాష్ట్ర ప్రచార కార్యదర్శి బండి సంజయ్‌ు కుమార్,  జాతీయ, రాష్ట్ర స్థాయి నేతలు పాల్గొన్నారు. 



నేతల్లో నిరాశ... శ్రేణుల్లో ఉత్సాహం...

Updated By ManamWed, 10/10/2018 - 23:38
  • బీజేపీ వైపు ఆశావహుల చూపు!

  • కొత్తవారి రాకతో కమలంలో కలకలం

imageహైదరాబాద్ః రాష్ట్రంలో ఎన్నికల గడువు సమీపిస్తుండటంతో ఆశావాహులు టికెట్ల వేటలో పడ్డారు. ఈసారి బరిలో నిలిచేందుకు శాయశక్తులా చెమటోడ్చుతున్నారు. తమకు అనుకూలమైన పార్టీ పెద్దలతో మంతనాలు జరుపుతూ బిఫాం వచ్చేలా చూడాలని వేడుకుం టున్నారు.నెలరోజుల క్రితమే టీఆర్‌ఎస్ 105 మంది అభ్యర్దులను ప్రకటింది. మరో 14 సీట్లలో త్వరలో ప్రకటించనున్నారు.కాంగ్రెస్ పార్టీ టీడీపీ, టీజేఎస్, సీపీఐలను కలుపుకుని మహాకూటమిగా జత కడుతుంది.అందులో  పెద్దగా పార్టీగా ఉన్న హస్తం 90 సీట్లలో పోటీ చేసి 29 సీట్లు మిత్రులకు ఇవ్వాలనే ప్రతిపాదన పెట్టింది. కానీ ఈమూడు పార్టీలు 50 సీట్లు తమకు ఇవ్వాలని కాంగ్రెస్ నాయకుల ముందు డిమాండ్  ఉంచారు. దీంతో టికెట్ ఆశించే నాయకులు ఆశలు గల్లంతయ్యే పరిస్దితి కనిపిస్తుంది. వీరంతా ఇప్పటివరకు అభ్యర్దులను ఎంపిక చేయని బీజేపీ వైపు చూస్తున్నారు.ఇప్పటికే 36 మంది కూటమిలో చోటు దొరకకపోతే కాషాయ కండువా కప్పుకుంటామని ఒప్పందాలు చేసుకున్నట్లు తెలుస్తుంది. 

నిరాశలో పాత కాపులు
దీంతో గత ఐదేళ్లుగా కమలం పార్టీలో పనిచేస్తున్న నాయకులు వలస నాయకుల రాకతో ఆందోళన చెందుతున్నారు.ఎన్నికల నోటిఫికేషన్ వచ్చిన తరువాత రావడం వారికి మింగు పడటంలేదు.వారి చేర్చుకోకుండా అడ్డుపడుతూ నేరచరితులు, పార్టీజెండాలు మార్చేవారు, ప్రజల్లో పలుకుబడిలేని నాయకులను దరిచేరనివ్వద్దని డిమాండ్ చేస్తున్నారు.తాము ఎన్నో ఏళ్ల నుంచి పార్టీ బలోపేతం కోసం కష్టపడుతుంటే, రోజుకో పార్టీ మారే నేతలను చేర్చుకుంటే  పార్టీకి ఉనికి లేకుండా పోతుందని సూచిస్తున్నారు. ఈసమస్యలను చాలా మంది నాయకులు ఎదుర్కొంటున్నారు. సనత్‌నగర్, కూకట్‌పల్లి, శేరిలింగంపల్లి సీట్లు కాంగ్రెస్ నాయకులకు రాకపోవడంతో వారు బీజేపీతో టచ్‌లో ఉన్నారు. మల్కాజిగిరి,మేడ్చల్,ముషీరాబాద్,చొప్పదండి,హుజూర్‌నగర్, కోదాడ,వికారాబాద్ నియోజకవర్గాలకు చెందిన టీఆర్‌ఎస్ సిట్టింగ్‌లకు రాకపోవడంతో వారికి కూడా కమలం పెద్దదిక్కుగా కనిపిస్తుంది.అదే విధంగా టీఆర్‌ఎస్ అసమ్మతులు కూడా బరిలో నిలిచేందుకు ప్లాన్ చేసుకుంటున్నారు.చెన్నూరు. మిర్యాలగూడ, మునుగోడు, నాగార్జునసాగర్, కల్వకుర్తి,షాద్‌నగర్, ఎల్‌బినగర్, డోర్నకల్, సత్తుపల్లి,వైరాలో ఆశించే నాయకులు అమిత్‌షాను కలిసేందుకు సిద్దమైతున్నట్లు వారి అనుచరులు పేర్కొంటున్నారు.టీజేఎస్‌నుంచి ఆశిస్తున్న వరంగల్ వెస్ట్, జనగాం,మంచిర్యాల, సూర్యాపేట, మహబూబ్‌నగర్,దుబ్బాక, మహేశ్వరం నియోజకవర్గాలకు చెందిన నాయకులతో బీజేపీ ఇంచార్జీలకు సెగ తప్పడం లేదని పార్టీ వర్గాలు వ్యాఖ్యానిస్తున్నాయి.కాంగ్రెస్ చెందిన ఆశావాహులు జాబితా చాలా పెద్దదిగా ఉంది. ప్రతి నియోజకవర్గానికి ముగ్గురు నాయకులు తీవ్రంగా పోటీ పడుతున్నారు.పొత్తులో వారి సీట్లు వెళ్లితే మరో పార్టీ జెండా పట్టేందకు కాలుదువ్వుతున్నారు.సీపీఐ బరిలో నిలిచే హస్నాబాద్, మునుగోడు,దేవరకొండ, కొత్తగూడెం, ఆశ్వారావుపేట స్దానాలకు చెందని హస్తం నాయకులు తమకు సీటు ఇవ్వకుంటే కమలం గూటికి చేరి తమ సత్తా ఏమిటో చూపిస్తామని పార్టీ పెద్దలకు సవాల్ విసురుతున్నారు.ఇంతమంది నాయకులు రావడంతో తమ ఉనికి ప్రశ్నార్దకంగా మారుతుందని బీజేపీ నాయకులు మథనపడుతున్నారు.

చేరకుండా అడ్డుకట్ట వేస్తున్న రేసుగుర్రాలు
వలసల నేతలు వస్తే పెత్తనం సాగకుండా ఉండేందుకు సంఘ్‌పరివార్ నేతలతో చర్చలు జరుపుతున్నారు. ఎన్నికల కోసం వచ్చే నాయకులు చేరుకోవద్దనే వాదనను తెరపైకి తీసుకొచ్చేలా చేస్తున్నారు. గత ఎన్నికల్లో పోటీ చేసిన అభ్యర్దులు ఎన్నికల ఫలితాలు వచ్చిన నెలరోజులకే పార్టీకి దూరమైయ్యారు.ఇప్పడు అవసరం కోసం వచ్చే నాయకులది కూడా ఇదే బుద్ది ఉంటుందని చెప్పిస్తున్నారు. గతంలో పార్టీలో పనిచేసి వీడి వెళ్లిన వారు ఉంటే చేర్చుకోవచ్చని పార్టీ సీనియర్లకు సూచిస్తున్నారు. ఇతర పార్టీల నుంచి వచ్చే వలస నాయకులతో బీజేపీ కొంత ఇబ్బందులు తప్పవని రాజకీయ విశ్లేషకులు భావిస్తున్నారు. వారికి తాజా ఇంచార్జీలు సహాకరించడం కష్టమని,కాకపోతే కార్యకర్తలతో కొత్త ఉత్సాహం నింపుతుంది. బలమైన నాయకుడు రావడంతో ఈసారి నియోజకవర్గంలో కాషా య జెండా ఎగుర వేస్తామని, తాము రాజకీయంగా ఎదిగి అవకాశం వస్తుందని భావిస్తున్నారు. ప్రజబ లమున్న నేతలతో బలోపేతం అవుతామని స్దానిక కార్యకర్తలు పార్టీ నిర్వహించి సర్వేల్లో వెల్లడించినట్లు తెలుస్తుంది.కొత్త నాయకుల చేరికలు కొంతమందికి నిరాశ మిగ్చిలిన శ్రేణులకు మాత్రం బలం వస్తుందని పార్టీలో మరో వర్గం నేతలు పేర్కొంటున్నారు.



హరీశ్‌ మీ మామను అడుగు...

Updated By ManamWed, 10/10/2018 - 20:50
  • హరీశ్‌‌రావుకు ఎల్.రమణ కౌంటర్

L.ramana Counter To Harish Rao Comments

హైదరాబాద్ : మహాకూటమికి సంబంధించి టీవీల్లో, సోషల్ మీడియాలో ప్రచారమవుతున్న అభ్యర్థుల జాబితా టీఆర్‌ఎస్ కుట్రలో భాగమేనని తెలంగాణ టీడీపీ అధ్యక్షుడు ఎల్ రమణ అన్నారు. కూటమి భాగస్వామ్య పార్టీల నాయకుల ఉమ్మడి సమావేశంలో అభ్యర్థుల జాబితాను ప్రకటిస్తామని, అంతవరకూ వదంతులను నమ్మవద్దని ఆయన కార్యకర్తలకు సూచించారు. భావోద్వేగాలను రెచ్చగొట్టి అధికారంలోకి రావాలనుకుంటున్న టీఆర్‌ఎస్ కుట్రలు ఇక సాగవని, ఆ పార్టీకి బుద్ధి చెప్పాలని ప్రజలు నిర్ణయం తీసుకున్నారని వ్యాఖ్యానించారు. 

బీజేపీ, ఎంఐఎంతో లోపాయికారి ఒప్పందం చేసుకున్న టీఆర్‌ఎస్‌కు మహాకూటమిని ప్రశ్నించే నైతిక అర్హతలేదన్నారు. హరీశ్‌రావుకు నిజాయితీ ఉంటే ఆ లోపాయికారి ఒప్పందం ఏమిటో తన మామ కేసీఆర్‌ను అడగాలని రమణ దుయ్యబట్టారు. అప్పు తెచ్చిన రూ.లక్ష 50 వేల కోట్లు ఎవరి జేబులోకి వెళ్లాయో హరీశ్ చెప్పాలని ఆయన డిమాండ్ చేశారు. ఈ మేరకు బుధవారం, ఎన్టీఆర్ భవన్‌లో పార్టీ నాయకులు బుచ్చిలింగం, సామా రంగారెడ్డితో కలిసి రమణ మీడియా సమావేశంలో మాట్లాడారు.



నేను కొణిదెల వెంకట్రావు పుత్రుడిని

Updated By ManamWed, 10/10/2018 - 08:59

Pawan Kalyanఅమరావతి: తాను మోదీ దత్తపుత్రుడినని వస్తున్న విమర్శలపై జనసేన అధినేత పవన్ కల్యాణ్ స్పందించారు. తానెవరికీ దత్త పుత్రుడిని కాదని, తాను కొణిదెల వెంకట్రావు పుత్రుడినని పవన్ పేర్కొన్నారు. మంగళవారం పశ్చిమ గోదావరి జిల్లా దేవరపల్లిలో జరిగిన బహిరంగ సభలో మాట్లాడిన పవన్ ఈ వ్యాఖ్యలు చేశారు. బీజేపీతో తనకు సంబంధం ఉందన్న విమర్శలను ఖండించిన పవన్.. తానిప్పటికీ బీజేపీ మోసం చేసిందన్న మాటమీదే నిలబడి ఉంటానని తెలిపారు.

ముఖ్యమంత్రుల సమావేశంలో ఏపీ సీఎం చంద్రబాబు ప్రధాని మోదీతో కరచాలనం చేస్తున్నప్పుడు ఆయన కళ్లలో ఎంతో ప్రేమ, వినయం కనిపించాయని.. మరి తననెప్పుడైనా మోదీతో అలా చూశారా? అంటూ ప్రశ్నించారు. ఇక ముఖ్యమంత్రినైతే అలా చేస్తా, ఇలా చేస్తా అని జగన్‌లా తాను హామీలు ఇవ్వనని, అలాగే తనను మళ్లీ సీఎంను చేస్తే ఇంకా బాగా పాలిస్తానని చంద్రబాబులా కూడా చెప్పనని పేర్కొన్నారు. 

ఇక ఐటీ సోదాలపై మాట్లాడుతూ.. ఆ దాడులు ఎక్కడో జరిగితే చంద్రబాబు భయపడిపోతున్నారని, ఆయనకెందుకో అంత భయం అని ఎద్దేవా చేశారు. పోలవరం సందర్శనకు ప్రతీ రోజూ వందలమంది వస్తున్నారని, అక్కడ చూసేందుకు ఇనుప ఊచలు, సిమెంట్ తప్ప  మరేమీ లేదని విమర్శించారు. అక్కడికి వెళ్లే వారికి తాగినంత మందు, తిన్నంత తిండి పెడితే ఎవరైనా బాగుందనే చెబుతారని పవన్ ఎద్దేవా చేశారు.





Related News