bjp

కుటుంబ పార్టీకి వణుకు

Updated By ManamSun, 09/16/2018 - 23:09
  • అమిత్‌షా సభ విజయవంతం.. బీజేపీ రాష్ట్రాధ్యక్షులు లక్ష్మణ్  

imageహైదరాబాద్: కుటుంబ పార్టీ(టీఆర్‌ఎస్)కి వణుకు పుట్టించే విధంగా బీజేపీ సభ నిర్వహించినట్టు ఆ పార్టీ అధ్యక్షుడు లక్ష్మణ్ అన్నారు. ఆదివారం బీజేపీ రాష్ట్ర కార్యాలయంలో విలేకర్ల సమావేశంలో ఆయన మాట్లాడారు. అమిత్ షా సభ విజయవంతమవడంతో ప్రత్యర్థి గుండెల్లో రైళ్లు పరిగెత్తుతున్నాయని ఎద్దేవా చేశారు. అమిత్ షా సభకు స్వచ్ఛందంగా ప్రజలు తరలివచ్చారని తెలిపారు. డబ్బులు ఇచ్చి సభలకు జనాలను అధికార పార్టీ తీసుకువచ్చిన ఎక్కడా స్పందన లేదని విమర్శించారు.

టీఆర్‌ఎస్‌కు రాష్ట్రంలో బీజేపీనే ప్రత్యామ్నాయం అని అభిప్రాయం వ్యక్తం చేశారు. బీజేపీకి అధికారం ఇవ్వాలన్న భావన ప్రజల్లో వ్యక్తమవుతోందన్నారు. అమిత్ షా మీటింగ్‌తో తమకు ఆత్మవిశ్వాసం పెరిగిందన్నారు. అసద్ ఇంట్లో కూర్చొని అర్థం లేని ట్విట్ చేశారన్నారు. అక్టోబర్ లోపు 50 బహిరంగ సభలు నిర్వహిస్తామని పేర్కొన్నారు. హుజుర్‌నగర్‌లో తెలంగాణ విమోచన దినోత్సవం నిర్వహిస్తున్నట్టు తెలిపారు.



ఇక్కడ కయ్యం... అక్కడ వియ్యం

Updated By ManamSun, 09/16/2018 - 01:00
  • లౌకికవాదం పేరిట భాజపా, తెరాస రాజకీయం వ్యూహం

  • తెలంగాణలో బలోపేతానికి బీజేపీ ప్రణాళిక

  • ఫెడరల్ ఫ్రంట్ ఆలోచన దిశగా టీఆర్‌ఎస్

  • కేంద్రంలో బలమైన పక్షంతా తెరాస

  • కాంగ్రెస్ ఓటు బ్యాంకు కొల్లగొట్టడమే లక్ష్యం

imageహైదరాబాద్: ఇక్కడ కయ్యం.. అక్కడ వియ్యం.. ఇక్కడ మైనార్టీల ఓట్లపై తెరాస గురి, అక్కడ తెరాస పార్లమెంటు స్థానాలకు భాజపా గాలం. ఇదే తెరాస, భాజపా రాజకీయ వ్యూహం. గెలుపే లక్ష్యంగా, అధికారమే పరమార్ధంగా రెండు పార్టీలూ లౌకికవాదం పేరిట ఓటర్ల ముందుకు పోనున్నారు. నేడు మహబూబ్‌నగర్‌లో జరిగిన ఎన్నికల శంఖారావ సభలో భాజపా అధ్యక్షులు అమిత్ షా తెరాసపై మాటల దాడి చేయడం దీనిలో భాగంగానే చూడాలి.  రాష్ట్ర పర్యటనలోనూ తెరాసపై విరుచుకు పడ్డారు. ఎన్నికలకు తొందరెందుకని  ప్రశ్నించారు. ఎంఐఎం చెప్పిందే తెరాసకు వేదమయిందని ధ్వజమెత్తారు. ఓటు బ్యాంకు రాజకీయం కోసమే ముందస్తు అని నిందించారు. గత  కొంత  కాలంగా తెరాస-భాజపాల మధ్యన సఖ్యత రాజకీయాలు నడుస్తున్నాయనే భ్రమలకు అమిత్‌షా చేసిన ఆరోపణలు బ్రేకులు వేస్తున్నాయి, తెలంగాణలో ఎవరి దారి వారిదేననే స్సష్టమైన సంకేతాలను ఇవ్వడంతో ఊహజనిత ఆలోచనలకు తెరదించేశారు. ఎన్నికల్లో ఎవరిదారి వారిదేనని,  ఎన్నికల అనంతర పరిణామాలను ఊహించలేమని వెల్లడిస్తున్నాయి.

కాంగ్రెస్ ఓటు బ్యాంకు కొల్లగొట్టేందుకే...
తెలంగాణలో తెరాస గెలుపును కోరుకుంటున్న భారతీయ జనతా పార్టీ తనదైన రాజకీయ వ్యూహంతో ఎన్నికల బరిలోకి దిగుతున్నది. కాంగ్రెస్ ఓటు బ్యాంకును కొంత వరకు కొల్లగొట్టేందుకు వ్యూహాత్మకంగా వ్యవహరించింది. తెరాసకు ఓటు వేయడానికి ఇష్టపడని వారి ఓటు కాంగ్రెస్ వైపు మళ్లకుండ జాగ్రత్తలు తీసుకుంది. తమ ఓటు బ్యాంకును పెంచుకొనేందుకే అన్ని నియోజక వర్గాల్లో అభ్యర్దులను పెడుతున్నామని ప్రకటించిన భాజపా నాయకత్వం అంతకు ముందే తెరాసతో అంతర్గత మంతనాలు సాగించింది. తాము కోరుకున్న స్దానాల్లో అభ్యర్దుల  గెలుపుపై భరోసా తీసుకుందనే పుకార్లు చక్కర్లు కొడుతున్నాయి. తెలంగాణలో మైనారిటీల ఓట్లను ఆశించి ముందస్తు ఎన్నికలకు వెళ్లిన తెరాస వ్యూహానికి అడ్డుపడదామనే అలోచనతో తెలంగాణ భాజపా నేతలను ఎన్నికలకు సన్నద్దం చేశారు. ఒంటరి పోరుకు సిద్దమని ప్రకటించారు. అందులో భాగం గానే అమిత్‌షా ఎన్నికల ప్రచారం ప్రారంభించారు. తెరాస మిత్రపక్షమని అమిత్‌షా ఎక్కడ కూడా ప్రకటించక పోవడం గమనార్హం. పైగా తెరాస ముందస్తు ఎన్నికల వ్యూహంపై విమర్శలు గుప్పించారు. కుటుంబ రాజకీయాలకు భాజపా వ్యతిరేకం అన్నారు.

ముందస్తు ఎన్నికలు ప్రజలకు అదనపు భారం అని ఆందోళన వ్యక్తం చేశారు. ఏ రకంగా చూసినా ముందస్తును తాము సుముఖంగా లేమనే సంకేతాలు జార విడిచారు.  ఎన్నికలు అనివార్యమయినందున పార్టీ బలం పెంచుకొనే ప్రయత్నం ముమ్మరం చేయాలని శ్రేణులకు ఆదేశాలు జారీ చేశారు. తెలంగాణలోని భాజపా నాయకులు మాత్రం గత కొంత కాలంగా  తెరాసను లక్ష్యంగా చేసుకొని విమర్శలు సందిస్తున్నారు. కాంగ్రెస్ పై సర్వసాధారణ విమర్శలతోనే సరిపెట్టుకుంటున్నారు.  పార్టీ బలం పెంచుకొనేందుకు అన్ని స్ధానాల్లో ఎన్నికల బరిలోకి దిగుతున్నారు. తెరాసతో లోపాయకారి   ఒప్పందంతోనే పాత స్ధానాలను పదిలపర్చుకొనేందుకు పావులు కదిపారు.  బహిరంగ విమర్శలు చేస్తున్నప్పటికీ రెండు పార్టీల మధ్యన  ఓట్ల మార్పిడి ఉంటుందనే అనుమానాలు వ్యక్తమవుతున్నాయి. భాజపా సహజంగా కాంగ్రెస్‌కు వ్యతిరేకం, తెదేపాకు ఓటెయ్యడానికి ఇప్పట్లో ఇష్టపడదు. ఇక పోతే తెరాసకు ఓట్లేసుకోవడం తప్ప మరో మార్గం కనిపించడం లేదు.తెలంగాణలో మైనార్టీల ఓట్లపై ఎంతో ఆశలు పెట్టుకున్న తెరాస నాయత్వం భాజపాతో ప్రత్యక్ష సంబంధాలు నష్టదాయకం అని భావించింది. అందుకే ముందస్తు ఎన్నికలకు తెరలేపింది. పార్లమెంటు ఎన్నికల నాటికి మైనార్టీల మద్దతులో మరో సారి ప్రభుత్వాన్ని ఏర్పాటు చేయాలనే సంకల్పంతో ఉంది.

కేంద్రంలో బలమైన శక్తిగా తెరాస...!
సార్వత్రిక ఎన్నికల నాటికి రాజకీయ పరిణామాలను పరిగణనలోకి తీసుకొని రాజకీయ నిర్ణయం తీసుకోవాలని తెరాస భావించింది. దాదాపు 16 పార్లమెంటు స్ధానాలను గెలుచుకొని కేంద్రంలో చక్రం తిప్పాలనే ఆలోచనతో కేసీఆర్ ఉన్నట్లు తెలుస్తోంది. ఇదే నిజమైతే కేంద్రంలో బలమైన శక్తిగా తెరాస ఉంటుందనే ఆలోచనలకు తెరలేపుతున్నారు. ఫెడరల్  ఫ్రంట్ ఆలోచనకు కార్యరూపం ఇచ్చిన కేసీఆర్ ఆ దిశగా దేశ రాజకీయాల్లో చక్రం తిప్పడం ద్వారా తెలంగాణ ప్రయోజనాలను పరిరక్షించుకోవాలని భావిస్తున్నారు.దేశ రాజకీయాల్లో భాజపాతో సఖ్యత కొనసాగిస్తునే తెలంగాణలో మజ్లీస్‌తో రాజకీయ సంబంధాలను బలోపేతం చేసుకుంటున్న తెరాస నాయకత్వం దాదాపు 36 నియోజక వర్గాల్లో  ముస్లిం మైనారిటీల ఓట్లను పొందడానికి రాజకీయ కార్యచరణ రూపొందించుకుంది. మైనార్టీలకు వ్యతిరేకం కాదంటూనే భాజపాతో లోపాయికారీ రాజకీయ అవగాహనతో ముందుకు సాగుతుంది.



'అక్కడ మోదీ సర్కారు.. ఇక్కడ బీజేపీ సర్కార్..'

Updated By ManamSat, 09/15/2018 - 17:05
  • బీజేపీకి మద్దతు ఇవ్వాలని ప్రజలను కోరిన షా

  • తెలంగాణ అభివృద్ధి కోసం గ్రామగ్రామం వెళ్తాం

  • బీజేపీ సర్కార్ లేకున్నా ఫెడరల్ స్ఫూర్తికి గౌరవం ఇచ్చాం 

  • మీడియా సమావేశంలో అమిత్ షా స్పష్టీకరణ

Amith Shah, BJP, BJP govt, Narendra Modi govt, Telangana State  హైదరాబాద్: తెలంగాణ రాష్ట్ర అభివృద్ధి కోసం గ్రామం గ్రామం వెళ్తామని, పార్టీ కార్యకర్తలంతా సిద్ధంగా ఉన్నారని బీజేపీ జాతీయ అధ్యక్షుడు అమిత్ షా చెప్పారు. రాష్ట్రంలో బీజేపీ సర్కార్ లేకపోయినా ఫెడరల్ స్ఫూర్తికి గౌరవం ఇచ్చామని తెలిపారు. శనివారం హైదరాబాద్‌కు వచ్చిన ఆయన బీజేపీ కార్యాలయంలో మీడియా సమావేశంలో మాట్లాడారు. ఈ సందర్భంగా అమిత్ షా మాట్లాడుతూ.. బీజేపీ మద్దుతు ఇవ్వమని రాష్ట్ర ప్రజలను కోరుతున్నానని, కేంద్రంలో మోదీ సర్కారు.. తెలంగాణలో బీజేపీ సర్కార్‌ ఉండాలని కోరుకుంటున్నట్టు చెప్పారు. తెలంగాణకు మోదీ సర్కారు అనేకం చేసిందని, ఓబీసీ కమిషన్‌కి రాజ్యాంగ హోదా ఇచ్చిందని తెలిపారు. ఓబీసీలను కాంగ్రెస్ మోసం చేస్తే మోదీ న్యాయం చేశారని షా గుర్తు చేశారు. రాజ్యసభలో కాంగ్రెస్ ఎందుకు ఓబీసీ బిల్ ఆపిందో చెప్పాలని ప్రశ్నించారు. 

ఎయిమ్స్‌కు 1200 కోట్లు, ట్రైబల్ , వేతర్నిటీ, జయశంకర్ యూనివర్సిటీ, ముద్రలోన్స్ 14వేల కోట్లు ఇచ్చామని మిగతా వాటితో అన్ని కలిపి 2 లక్షల 70వేల కోట్లు కేంద్ర ప్రభుత్వం ఇచ్చిందన్నారు. తెలంగాణలో కాళేశ్వర ప్రాజెక్టకు అన్ని విధాల సహకరించామని, బీజేపీ ఇచ్చిన మూడు రాష్ట్రాలు అభివృద్ధి దిశగా వెళ్తున్నాయని అన్నారు. కాంగ్రెస్, సీపీఐ, టీడీపీల పొత్తును ప్రజలు హర్షించారని తెలిపారు.

2018లో అయినా దళిత సీఎంను చేస్తారా?
2014 ఎన్నికల్లో దళిత సీఎంను చేస్తారని చెప్పిన కేసీఆర్..2018లో అయినా దళిత సీఎంను చేస్తారా? అని ప్రశ్నించారు. రెండు లక్షల డబుల్ బెడ్ రూమ్ ఏమైందని, కనీసం ప్రధాని ఆవాసా యోజన చేసినా ఇల్లు పూర్తయ్యేవిని అన్నారు. కేంద్ర కేబినెట్ రైతులకు ఒకటిన్నర రేట్ల మద్దతు ధర పెంపునకు ఆమోదం తెలిపిందని అమిత్ షా స్పష్టం చేశారు. 



ఢిల్లీ టు గ్రేటర్ పొలిటికల్ హీట్

Updated By ManamSat, 09/15/2018 - 14:33
  • రాజధానిలో కాంగ్రెస్, టీటీడీపీ నేతలు

  • చక్రం తిప్పుతున్న బీజేపీ నాయకులు 

  • గ్రేటర్ టు ఢిల్లీ నేతల టూర్లు

ముందస్తు ఎన్నికల యుద్ధభేరితో గ్రేటర్ రాజకీయాలు హస్తినకు చేరాయి. గ్రేటర్‌తో పాటు రాష్ట్రంలోని వివిధ స్థానాలకు అభ్యర్థులను ఎంపిక చేసే ప్రక్రియను పూర్తి చేసేందుకు వివిధ పార్టీలకు చెందిన నాయకులు ఢిల్లీలో మకాం వేశారు. టీఆర్‌ఎస్‌ను ఓడించడమే లక్ష్యంగా కాంగ్రెస్, టీటీడీపీ పొత్తు పెట్టుకోవడంతో టికెట్ల కేటాయింపు ప్రక్రియ ఢిల్లీలో ఊపందుకున్నది.

ఇక బీజేపీ సైతం ఢిల్లీలోనే అభ్యర్థుల ఎంపిక ప్రక్రియపై చర్చించడం జరుగుతున్నది. ఈ క్రమంలోనే కాంగ్రెస్, బీజేపీ, టీటీడీపీకి చెందిన నాయకులు ఢిల్లీ నుంచి గ్రేటర్.. గ్రేటర్ టు ఢిల్లీ చక్కర్లు కొడుతున్నారు. టీఆర్‌ఎస్ మినహా ఇతర ప్రధాన పార్టీల సీట్ల కేటాయింపునకు హస్తిన కేంద్రంగా మారడం చర్చనీయాంశంగా మారింది. 

హైదరాబాద్  : రాష్ట్ర రాజకీయాలకు మరోమారు ఢిల్లీ కేంద్రంగా మారింది. మరోమారు తెలుగు రాష్ట్రానికి చెందిన టికెట్ల ఖరారు ప్రక్రియకు ఢిల్లీ కేంద్రంగా మారడం హాట్ టాపిక్‌గా మారింది. అయితే గడచిన మూడున్నర దశాబ్దాలకాలంలో తెలుగుప్రజల ఆత్మగౌరవం పట్ల ప్రత్యేకంగా చర్చజరిగింది. తెలుగువారి హక్కుల కోసం పోరాటాలు జరుగుతూనే ఉన్నాయి. ఈ క్రమంలోనే కొంత మేరకు ఇక్కడే నిర్ణయాధికారాలు జరుగుతున్నాయి. 

అయితే మరో మొన్నటి వరకు తెలుగు ప్రజల ఆత్మగౌరవం నిలబెట్టాలని కోరుతూ టీడీపీ వ్యవస్థాపక అధ్యక్షుడు నందమూరి తారకరామారావు ఎలుగెత్తి చాటడంతో తెలుగు ప్రజల నిర్ణయాధికారాలు తెలుగు రాష్ట్రాలలోనే జరిపేందుకు ప్రయత్నాలు జరుగుతుండేవి. మరోమారు ఢిల్లీలో తెలంగాణలో పోటీ చేసే అభ్యర్ధుల ఎంపిక ప్రక్రియకు వివిధ పార్టీలు ఢిల్లీలో మంతనాలు జరపడం ఆసక్తికరంగా మారింది. ఇదిలాఉండగా కేవలం టీఆర్‌ఎస్  ఓటమే లక్ష్యంగా మహాకూటమిగా ఏర్పాటైన కాంగ్రెస్, టీటీడిపి పార్టీలు తమతో పాటు సీపీఐని కలుపుకుని మహాకూటమిగా ఏర్పడిన విషయం విదితమే. 

అయితే తమతో పాటు తెలంగాణ జనసమితిని కలిసి రావాల్సిందిగా ఆహ్వానించినప్పటికి సీట్ల కేటాయింపులో భాగంగా పొత్తు కలవాలా వద్ద అన్న అంశంపై ఆ పార్టీ అధ్యక్షుడు కోదండరామ్ ఆచీతూచీ వ్యవహరిస్తున్నారు. ఇక గత ఎన్నికల్లో గ్రేటర్ పరిధిలో 5 స్థానాలు దక్కించుకున్న బీజేపీ ఈ సారి కనీసం 10 స్థానాల్లో కాషాయం జెండా ఎగురవేయాలని సన్నాహాలు చేస్తోంది. టీటీడిపి కూడా గతంలో 10 స్థానాల్లో పాగా వేయగా ఈ సారి తమకు ఆ స్థానాలతో పాటు నగర శివారు స్థానాలను కేటాయించాలని పట్టుబడుతుండడంతో గ్రే టర్‌లో పొత్తుల్లో భాగంగా  ఏ నియోజకవర్గం ఏ పార్టీ అభ్యర్థికి వెళుతుందో ఆసక్తికరంగా మారింది.

ఢిల్లీ రాజకీయాలు...
ముందస్తు ఎన్నికల్లో దూకుడు పెంచే ప్రయత్నంలో భాగంగా టీపీసీసీ నేతలు శుక్ర వారం తమ పార్టీ అధినాయకుడు రాహుల్ గాంధీని కలిసి టీటీడిపితో పొత్తుల అంశంపై చర్చించారు.  తెలంగాణలో ఈసారి ఖచ్చితంగా కాంగ్రెస్ పార్టీ గెలుస్తోందని అందులో భాగంగా పార్టీ నాయకులు ఐకమత్యంగా పనిచేయాలని సూచించారు. అంతర్గత విభేదాలను పక్కన పెట్టి ప్రతీ ఒక్కరూ పార్టీ గెలుపు కొరకు కష్టపడి పనిచేయాలని సూచించారు.ఖచ్చితంగా గెలిచే స్థానాల్లో కాంగ్రెస్ పార్టీ అభ్యర్థులే పోటీ చేయాలని పార్టీ బలహీనంగా ఉన్న ప్రాంతాల్లో మాత్రమే పొత్తులో భాగంగా కలిసి వచ్చే పార్టీ అభ్యర్థులకు టికెట్లు కేటాయించాలని ఆదేశించారు. 

దీంతో గ్రేటర్‌లో కాంగ్రెస్ పార్టీ తరపున ఎవరికి టికెట్లు వస్తాయో ఆసక్తికరంగా మారింది. ఇప్పటికే గ్రేటర్‌లో బీజేపీ స్థానాలతో రెండు అసెంబ్లీ స్థానాలు మినహాయించి మిగతా అన్ని స్థానాల్లో అభ్యర్థులను ప్రకటించి దూకుడు మీదున్న టీఆర్‌ఎస్ పార్టీ అభ్యర్థులకు ధీటుగా మహాకూటమి అభ్యర్థులు ఉంటారా లేదా అన్న చర్చ ఇప్పుడు గ్రేటర్‌లో జోరందుకుంది. గత  ఎన్నికల్లో కాంగ్రెస్ పార్టీ ఒక్క ఎమ్మెల్యే స్థానంలో కూడా గెలుపొందకపోవడంతో ఈ సారి మెజార్టీ స్థానాల్లో పాగా వేసేందుకు ఆ పార్టీ నేతలు ప్రణాళికలు రూపొందిస్తున్నారు. 

కదనోత్సాహంతో కషాయదళం..
కేంద్రంలో అధికారంలో ఉన్న బీజేపి ఈ సారి రాష్ట్ర ఎన్నికల్లో ఒంటరిగానే పోటీ చేయాలని నిర్ణయించుకుంది. ఎన్నికల ప్రచారంలో ఇప్పటికే టీఆర్‌ఎస్ ముందంజలో ఉండగా బీజేపి శనివారం నుంచి ఎన్నికల ప్రచారాన్ని ప్రారంభం చేయనుంది. ఇందులో భాగంగానే కషాయదళాధిపతి అమిత్‌షా శనివారం హైదరాబాద్‌కు రానున్నారు. ఇందుకు సంబంధించిన ఏర్పాట్లు కూడా పూర్తి కావడంతో కమల శ్రేణులు జోష్‌తో ఉన్నారు. 

గతసారి ఎన్నికల్లో టీడీపీతో పొత్తులో భాగంగా బీజేపి గ్రేటర్‌లో 5 స్థానాలు దక్కించుకోగా ఈ సారి కనీసం 10 స్థానాల్లో పాగా వేయాలని అధినాయకులు ప్రణాళికలు రూపొందిస్తున్నారు. టీఆర్‌ఎస్, మహాకూటమి అభ్యర్థులు బరిలో ఉన్న చోట అంతకంటే ఫాలోయింగ్ ఉన్న నాయకులను తమ పార్టీ తరపున పోటీలో ఉంచాలని బీజేపీ భావిస్తోంది. ఇందులో భాగంగానే నియోజకవర్గానికో మెనిఫెస్టోను తయారు చేస్తూ ప్రజల్లోనికి వెళ్లేందుకు ఆ పార్టీ నేతలు ప్రణాళికలు రూపొందిస్తున్నారు.

సందిగ్ధంలో టీజేఎస్...
గ్రేటర్‌లో అన్ని పార్టీలు తమ అభ్యర్థులను ప్రకటించి ఎన్నికల ప్రచారానికి సిద్ధం అవుతుండగా ఒక్క తెలంగాణ జనసమితి మాత్రం తాము ఏ పార్టీతో జత కలవాలన్న దానిపై ఇంకా నిర్ణయానికి రాలేదు. ఉద్యమ సమయంలో కీలకంగా వ్యవహరించిన కోదండరాం ఎన్నికల సమయంలో తన సొంత పార్టీ విషయంలో ఎటూ తేల్చుకోలేక పోవడంపై సర్వత్రా ఉత్కంఠ నెలకొంది. 

విద్యార్థుల్లో ఎక్కువ పట్టున్న కోదండరాం గ్రేటర్‌లో  ఏ అసెంబ్లీ స్థానం నుంచి పోటీ చేస్తారా అన్న అంశంపై ఇప్పుబు అన్నీ వర్గాల్లో చర్చ జరగుతోంది. మొత్తం మీద అన్ని రాజకీయ పార్టీలు ఎన్నికల బరిలోనికి దూకేందుకు సిద్ధం అవుతుండడంతో గ్రేటర్‌లో పొలిటికల్ హీట్ నెలకొంది. ఏదేమైనా టీఆర్‌ఎస్‌ను ఓడించేందుకు ఢిల్లీలో కాంగ్రెస్, టీటీడీపీ సీట్ల కేటాయింపులు.. అభ్యర్థుల ఎంపికకు బీజేపీ అధినేతలు చర్చలు జరుపుకోవడం చర్చనీయాంశంగా మారింది.  



కమలం సూట్ రూమ్‌లు.. 

Updated By ManamSat, 09/15/2018 - 14:05
bjp special suit

హైదరాబాద్ : ముందస్తు ఎన్నికల నేపథ్యంలో పార్టీకి చెందిన సీనియర్ నాయకుల కోసం బీజేపీ ప్రత్యేకంగా సూట్‌రూమ్‌లను రూపొందించింది. ఢిల్లీ నుంచి వచ్చే ముఖ్యనాయకులు చర్చలు జరిపేందుకు వీలుగా స్టార్ హోటల్ తరహాలో గదులను ఏర్పాటు చేశారు.

జాతీయ నాయకులు వస్త్తే హోటళ్లలో ఇబ్బందులు ఎదుర్కొనకుండా  బీజేపీ జాతీయ పార్టీ కార్యాలయంలోనే విశ్రాంతి తీసుకునేందుకు సూట్ రూంలను ఏర్పాటు చేసినట్టు బీజేపీ అధికారులు పేర్కొన్నారు. పార్టీ కార్యాలయంలోని నాల్గం అంతస్తులో విలాసవంతమైన సూట్ రూంలను ఏర్పాటు చేశారు. ఎన్నికల్లో ప్రచారానికి వచ్చిన బీజేపీ జాతీయ నేతలు రాష్ట్రంలోనే కొన్నిరోజులు ఉండేందుకు పార్టీ వర్గాలు సదుపాయాలను సిద్ధం చేశాయి.  



కేఆర్ ఇచ్చిన హామీ ఏమైంది?: అమిత్ షా

Updated By ManamSat, 09/15/2018 - 12:57
  • అవకాశ రాజకీయాలతోనే ముందస్తు ఎన్నికలు కేసీఆర్

  • దళితుడిని సీఎంను చేస్తాన్న కేసీఆర్ హామీ ఏమైంది?

  • తెలంగాణలో అన్ని స్థానాల్లో బీజేపీ పోటీ

  • టీఆర్ఎస్ మళ్లీ గెలుస్తుందనుకోవడం లేదు

 BJP President Amit Shah Pressmeet in Hyderabad

హైదరాబాద్ :  ఒకే దేశం-ఒకే ఎన్నికలు అనేది తమ నాయకుడు నరేంద్ర మోదీ నినాదమని భారతీయ జనతా పార్టీ జాతీయాధ్యక్షుడు అమిత్ షా ఉటంకించారు. తెలంగాణలో అన్ని స్థానాల్లో బీజేపీ పోటీ చేస్తుందని ఆయన తెలిపారు. శనివారం హైదరాబాద్ చేరుకున్న అమిత్ షా బీజేపీ కార్యాలయంలో మీడియా సమావేశంలో మాట్లాడారు. ఈ సందర్భంగా టీఆర్ఎస్ అధ్యక్షుడు కేసీఆర్‌పై ఆయన పెద్ద ఎత్తున విమర్శనాస్త్రాలు ఎక్కుపెట్టారు. ఇచ్చిన మాటను నిలబెట్టుకోవడంలో కేసీఆర్ విఫలం అయ్యారని అమిత్ షా విమర్శించారు.

‘జమిలీ ఎన్నికలను కేసీఆర్ ముందు సమర్థించారు. అయితే ఆయన అకస్మాత్తుగా ముందస్తు ఎన్నికలకు వెళ్లారు. ప్రజలపై కోట్లాది రూపాయలు భారం ఎందుకు వేయాలనుకుంటున్నారు. కేసీఆర్ అవకాశవాద రాజకీయాలు చేయడం లేదా?. తన కుటుంబం కోసమే ఆయన ముందస్తు ఎన్నికలకు వెళుతున్నారు. తెలంగాణను మళ్లీ రజాకార్ల చేతిలో పెట్టాలనుకుంటున్నారా?

కుటుంబ రాజకీయాలకు బీజేపీ వ్యతిరేకం. కేసీఆర్ పాలన చూస్తుంటే టీఆర్ఎస్ మళ్లీ అధికారంలోకి వస్తుందనుకోవడం లేదు. దళితుడిని సీఎంను చేస్తానన్న కేసీఆర్ హామీ ఏమైంది?. 2014లో దళితుడే సీఎం అన్న కేసీఆర్ మాట ఏమైంది?.  2018లో అయినా దళిత సీఎం హామీ నిలబెట్టుకుంటారా?. డబుల్ బెడ్రూమ్ ఇళ్ల హామీ విషయంలోనూ కేసీఆర్ విఫలం అయ్యారు.

మూఢ నమ్మకాలతో సచివాలయానికి వెళ్లని సీఎం కేసీఆర్ ఒక్కరే. అలా చేయడం సబబేనా?. ఉస్మానియా, గాంధీ ఆస్పత్రులను ప్రపంచస్థాయికి చేరుస్తామన్న హామీ ఏమైంది? టీఆర్ఎస్ పాలనలో 4,500మంది రైతులు ఆత్మహత్యలు చేసుకున్నారు.. పంటకు మద్దతు ధర అడిగిన రైతులను ఖమ్మంలో అరెస్ట్ చేయించారు. అలాగే ఇసుక మాఫియా  ప్రశ్నిస్తే నేరెళ్లలో దళితుల్ని వేధించారు’ అని అమిత్ షా మండిపడ్డారు.



హైదరాబాద్ చేరుకున్న అమిత్ షా

Updated By ManamSat, 09/15/2018 - 11:32

BJP chief amit shah reached hyderabadహైదరాబాద్ : భారతీయ జనతా పార్టీ అధ్యక్షుడు అమిత్ షా శనివారం ఉదయం హైదరాబాద్ చేరుకున్నారు. ప్రత్యేక విమానంలో ఢిల్లీ నుంచి నగరానికి వచ్చేసిన ఆయనకు బేగంపేట విమాశ్రయంలో పార్టీ నేతలు ఘనంగా స్వాగతం పలికారు. కాగా తెలంగాణలో ముందస్తు ఎన్నికల నేపథ్యంలో పాలమూరులో బీజేపీ భారీ బహిరంగ సభ నిర్వహించనుంది. ఈ సభకు అమిత్ షా ముఖ్య అతిథిగా హాజరు అవుతున్నారు.  బీజేపీ నిర్వహిస్తున్న తొలి ఎన్నికల సభ ఇదే కావడంతో పార్టీ శ్రేణులు విస్తృతంగా ఏర్పాటు చేశాయి.



పారికర్ స్థానంలో తాత్కాలిక సీఎం?

Updated By ManamSat, 09/15/2018 - 11:06
to be flown to Delhi for treatment

న్యూఢిల్లీ : గోవా ముఖ్యమంత్రి మనోహర్ పారికర్ మరోసారి ఆస్పత్రిలో చేరడంతో... ఆయన స్థానంలో తాత్కాలిక సీఎం కోసం బీజేపీ వెతుకులాటలో పడినట్లు సమాచారం. గత కొంతకాలంగా పారికర్ క్లోమ సంబంధ సమస్యలతో బాధపడుతున్న విషయం తెలిసిందే. మెరుగైన చికిత్స కోసం ఆయన గతంలో అమెరికాలో కూడా చికిత్స తీసుకుని వచ్చారు.

అయితే మళ్లీ పారికర్ అస్వస్థతకు గురి కావడంతో  ఆయనను గురువారం సాయంత్రం గోవాలోని ఓ ప్రైవేటు ఆస్పత్రికి తరలించినట్లు ముఖ్యమంత్రి కార్యాలయవర్గాలు వెల్లడించాయి. అయితే సీఎం ఆరోగ్యంపై వివరాలు వెల్లడించేందుకు అధికారవర్గాలు నిరాకరించాయి.మరోవైపు మెరుగైన చికిత్స నిమిత్తం పారికర్‌ను గోవా నుంచి ప్రత్యేక విమానంలో ఢిల్లీకి తరలించి ఎయిమ్స్‌‌లో చేర్పించనున్నట్లు బీజేపీ వర్గాలు వెల్లడించాయి.

కాగా ప్యాంక్రియాటిక్ సమస్యతో బాధపడిన పారికర్ అమెరికాలో 3 నెలలపాటు చికిత్స తీసుకుని ఈనెల మొదటివారంలోనే గోవాకు తిరిగొచ్చిన సంగతి తెలిసిందే. అయితే అప్పటి నుంచి ఆయన ఎలాంటి అధికారక కార్యక్రమాల్లో పాల్గొనలేదు.

అయితే పారికర్ అనారోగ్యం కారణంగా పూర్తి స్థాయిలో బాధ్యతలు చేపట్టలేకపోవడంతో, స్వస్థత చేకూరేవరకూ ఆయన స్థానంలో తాత్కాలిక సీఎంను నియమించేందుకు బీజేపీ కసరత్తు చేపట్టింది. ఇందుకోసం  విజయ్ పురాణిక్, నిర్వాహక సెక్రటరీ బీఎల్ సంతోష్‌లను సోమవారమే గోవా పంపారు. మరోవైపు అమిత్ షా... నిన్న పారికర్‌తో భేటీ అయినట్లు తెలుస్తోంది. 

కాగా  కానీ తాత్కాలిక సీఎం ఎవరనే విషయాన్ని పార్టీ హైకమాండ్ నిర్ణయించనుంది. అయితే గోమంతక్ పార్టీకి చెందిన ధవలికర్‌ ముఖ్యమంత్రి  పగ్గాలు చేపట్టే అవకాశాలు కనిపిస్తున్నా... అధికారికంగా నిర్ణయం తీసుకోవాల్సి ఉంది. ప్రస్తుతం రాష్ట్ర ప్రభుత్వ ప్రధాన కార్యదర్శి ముఖ్యమైన నిర్ణయాలను తీసుకుంటున్నారు.



అమిత్ షా పర్యటనతో రాజకీయ ప్రకంపనలు!

Updated By ManamSat, 09/15/2018 - 03:38
  • ఎన్నికల షెడ్యూల్ వచ్చాకే అభ్యర్థుల ప్రకటన

  • కర్ణాటక తరహాలో మజ్లిస్ ఎన్నికల వ్యూహం 

  • రాష్ట్ర వ్యాప్తంగా 50 సభలు

  • బీజేపీ రాష్ట్ర అధ్యక్షుడు డాక్టర్ లక్ష్మణ్

imageహైదరాబాద్: తెలంగాణలో బీజేపీ జాతీయ అధ్యక్షుడు అమిత్ షా పర్యటన రాజకీయ ప్రకంపనలు సృష్టించనున్నట్లు ఆ పార్టీ రాష్ట్ర అధ్యక్షుడు డాక్టర్ లక్ష్మణ్ తెలిపారు. రాష్ట్రంలో శనివారం మహబూబ్‌నగర్‌లో బీజేపీ శంఖారావాన్ని అమిత్ షా పూరించనున్నట్లు పేర్కొన్నారు. టీఆర్‌ఎస్‌తో ఫిక్సింగ్ కావాల్సిన అవసరం తమకు లేదని, పాలమూరు సభతో టీఆర్‌ఎస్‌తో తమ వైఖరేంటో స్పష్టమవుతుందని చెప్పారు. ఒంటరిగానే 119 మంది అభ్యర్థులు పోటీ చేస్తారని ఆయన స్పష్టం చేశారు. ఎన్నికల షెడ్యూల్ వచ్చిన తర్వాత అభ్యర్థులను ప్రకటిస్తామని పేర్కొన్నారు. తమ పార్టీలో చేరడానికి టీఆర్‌ఎస్, కాంగ్రెస్, టీడీపీ నుంచి చాలామంది నేతలు టచ్‌లో ఉన్నారని తెలిపారు. తెలంగాణలో బీజేపీకి ఉజ్వల భవిష్యత్ ఉందని, మేరా బూత్ మేరా ముజ్బుత్(మా బూత్ ఎంతో బలవంతమైంది) అనే నినాదంతో ప్రతి ఒక్కరూ పనిచేయాలని పిలుపుని చ్చారు. శుక్రవారం బీజేపీ రాష్ట్ర కార్యాలయంలో ఆయన విలేకరులతో మాట్లాడారు. తెలంగాణలో ప్రజలు టీఆర్‌ఎస్, కాంగ్రెస్ పాలనను చూసి విసిగిపోయారని, ఆ రెండు పార్టీలను ఓడించేందుకు మానసికంగా సిద్ధమయ్యారని చెప్పారు. ఒకసారి తమ పార్టీకి అవకాశం ఇవ్వాలని కోరారు.

రాష్ట్రంలో అనైతిక పొత్తులతో ప్రజలు చీదరించుకుంటున్నారని లక్ష్మణ్ విమర్శించారు. కాంగ్రెస్-టీడీపీ, టీఆర్‌ఎస్-ఎంఐఎం దోస్తీ అపవిత్రమైందన్నారు. టీఆర్‌ఎస్‌కు ఎంఐఎం ఉరితాడు కాబోతోందని పేర్కొన్నారు. కాంగ్రెస్, టీఆర్‌ఎస్‌కు ఓటేస్తే ఎంఐఎంకు వేసినట్లేనన్నారు. తెలంగాణలో కర్ణాటక తరహాలో మజ్లిస్ ఎన్నికల వ్యూహం రచిస్తోందని ఆరోపించారు. ఐసీయూలో ఉన్న కాంగ్రెస్‌ను టీడీపీ, సీపీఐ పొత్తులు బతికించలేవని ఎద్దేవా చేశారు. కేంద్ర ప్రభుత్వ పథకాలను రాష్ట్రంలో అమలు చేయడంలో టీఆర్‌ఎస్ ప్రభుత్వం విఫలమైందని, ఆయుష్మాన్ భారత్ పథకంలో ఎందుకు భాగస్వాములు కాలేదో స్పష్టం చేయాలని డిమాండ్ చేశారు. కేంద్రంలో అధికారంలో ఉన్న పార్టీ రాష్ట్రంలో అధికారంలో ఉంటే పథకాలు నేరుగా అందుతాయన్నారు. సెప్టెంబర్ 17ను అధికారికంగా జరపాలంటే బీజేపీ ప్రభుత్వం వస్తేనే సాధ్యమవుతుందన్నారు. ఓటరు లిస్ట్‌లో లక్ష ఓట్లు గల్లంతయ్యాయని, ఎన్నికల కమిషన్ అవసరమైతే గడువు పెంచాలని, అది పూర్తయ్యాకే ఎన్నికల షెడ్యూల్ విడుదల చేయాలని కోరారు.

రాబోయే రోజుల్లో మరిన్ని సభలు నిర్వహిస్తామని, దీనికి కేంద్ర మంత్రులు, సీనియర్ నేతలు హాజరవుతారని చెప్పారు. మరో పదిహేను రోజుల్లో కరీంనగర్‌లో భారీ బహిరంగ సభను నిర్వహిస్తామని, దీనికి అమిత్ షా ముఖ్య అతిథిగా హాజరవుతారని పేర్కొన్నారు. ఈ సమావేశంలో తాజా మాజీ ఎమ్మెల్యే ఎన్వీఎస్‌ఎస్ ప్రభాకర్, పార్టీ రాష్ట్ర ప్రధాన కార్యదర్శులు గంగిడి మనోహర్‌రెడ్డి, చింతా సాంబమూర్తి, ప్రేమేందర్‌రెడ్డి, అధికార ప్రతినిధులు రాకేష్‌రెడ్డి, రావుల శ్రీధర్‌రెడ్డి, ఎన్వీ సుభాష్, మీడియా కన్వీనర్ సుధాకర్‌శర్మ తదితరులు పాల్గొన్నారు.



మోదీ హస్తం లేదు

Updated By ManamSat, 09/15/2018 - 00:46
  • వాయిదాలకు వెళ్లనందుకే వారెంట్: కన్నా   

imageఅమరావతి: బాబ్లీ ప్రాజెక్టు కేసులో ముఖ్యమంత్రి చంద్రబాబుకు నాన్ బెయిల్‌బుల్ వారెంట్ జారీ చేయడం వెనుక ప్రధాని నరేంద్ర మోదీ ఉన్నారనేది అవాస్తవమని బీజేపీ రాష్ట్ర అధ్యక్షుడు కన్నా లక్ష్మీనారాయణ తోసిపుచ్చారు. 2013 నుంచి కేసు నడుస్తోందని, అప్పటి నుంచి వారికి నోటీస్‌లు వస్తున్నాయని అన్నారు. 2016 వరకు అప్పుడప్పుడు కోర్టుకు వెళ్తూ వచ్చారని, 22 వాయిదాలుకు వెళ్లకపోవడంతో వారెంట్ జారీ చేశారని తెలిపారు. సాధారణంగా 3 సార్లు కోర్టుకు వెళ్లకపోతే నాన్ బెయిల్‌బుల్ వారెంట్ వస్తుందని, ఇప్పుడు కొత్తగా నోటిసులు వెనుక మోదీ ఉన్నారని టీడీపీ నాయకులు కొత్త డ్రామాలు ఆడుతున్నారని విమర్శించారు. చంద్రబాబు మీద కేసు కాంగ్రెస్ పార్టీ హయాంలో పెట్టారని గుర్తు చేశారు. వాయిదాలుకు వెళ్లకుండా చంద్రబాబు కోర్టులను అగౌరవపరిచేలా వ్యవహరించారని కన్నా మండిపడ్డారు. 

మరోసారి డ్రామాలకు తెరతీశారు
టీడీపీ నాయకులు మరోసారి డ్రామాకు తెరతీశారని బీజేపీ ఎంపీ జీవీఎల్ నరసింహారావు విమర్శించారు. బాబ్లీ వెళ్లి కాంగ్రెస్ చేతిలో గతంలో చంద్రబాబు భంగపడ్డారని అన్నారు. కేసులు తనపై రాకుండా అన్ని తంత్రాలు చంద్రబాబు చేస్తూనే ఉంటారని విమర్శించారు. ఓటుకి నోటు కేసులో బహిరంగంగా పట్టుబడిన బాబు దాని నుంచి బయటపడేందుకు ప్రయత్నిస్తున్నారని అన్నారు. అదొక న్యాయ ప్రక్రియ మాత్రమేనని, న్యాయం నుంచి ఎవరు తప్పించుకోలేరని అన్నారు. 





Related News