chiranjeevi

చిరంజీవి సర్‌ప్రైజ్.. చెర్రీ టీం హ్యాపీ

Updated By ManamThu, 09/20/2018 - 09:23

Chiranjeevi, DVV Danayyaబోయపాటి దర్శకత్వంలో రామ్ చరణ్ ఓ చిత్రంలో నటిస్తున్నాడు. ప్రస్తుతం ఈ చిత్ర షూటింగ్ అజెర్‌బైజాన్‌లో జరుగుతోంది. అక్కడ కొన్ని యాక్షన్ సన్నివేశాలతో పాటు మరికొన్ని సినిమాలో కీలక సన్నివేశాలను తెరకెక్కిస్తున్నారు. కాగా ఈ సెట్‌కు తాజాగా మెగాస్టార్ చిరంజీవి వెళ్లి సందడి చేశారు. దీనికి సంబంధించిన ఫొటోను నిర్మాత దానయ్య సోషల్ మీడియాలో పంచుకున్నారు.

మెగాస్టార్ రాక తమకెంతో ఆనందాన్ని కలిగించిందని ఆయన సోషల్ మీడియాలో పోస్ట్ చేశారు. అయితే మెగాస్టార్ ప్రస్తుతం సైరా నరసింహారెడ్డిలో నటిస్తున్నారు. షూటింగ్‌లో భాగంగా చిత్ర యూనిట్ ఇటీవలే జార్జియాకు వెళ్లారు. అక్కడ భారీ యుద్ధ సన్నివేశాన్ని తెరకెక్కించారు. ఆ షూటింగ్‌ను పూర్తి చేసుకున్న చిరంజీవి, చెర్రీ మూవీ షూటింగ్‌కు వచ్చినట్లు తెలుస్తోంది. భారీ బడ్జెట్‌తో సైరా చిత్రాన్ని రామ్ చరణ్ నిర్మిస్తుండగా.. సురేందర్ రెడ్డి తెరకెక్కిస్తున్న విషయం తెలిసిందే. 

 



సైరా: యుద్ధానికి అంతా సిద్ధం

Updated By ManamMon, 09/17/2018 - 14:03

Sye Raa Narasimha Reddyమెగాస్టార్ చిరంజీవి నటిస్తున్న ప్రతిష్టాత్మక చిత్రం ‘సైరా నరసింహారెడ్డి’. భారీ బడ్జెట్‌తో తెరకెక్కుతున్న ఈ చిత్రానికి సురేందర్ రెడ్డి దర్శకత్వం వహిస్తున్నాడు. ప్రస్తుతం జార్జియాలో ఈ చిత్ర షూటింగ్ జరుగుతుండగా.. అక్కడ భారీ యుద్ధ సన్నివేశాన్ని తెరకెక్కించనున్నారు. దాదాపు 45కోట్లు ఖర్చు పెడుతున్న ఈ యుద్ధానికి అంతా సిద్ధమైందని సురేందర్ రెడ్డి తెలిపారు. ఈ మేరకు ఓ వీడియోను, ఫొటోలను షేర్ చేసుకున్నాడు సురేందర్ రెడ్డి.

కాగా స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతున్న ఈ చిత్రంలో చిరు సరసన నయనతార నటిస్తుండగా.. అమితాబ్ బచ్చన్, జగపతి బాబు, విజయ్ సేతుపతి, సుదీప్, తమన్నా, రోహిణి తదితరులు కీలక పాత్రలలో కనిపించనున్నారు. కొణిదెల ప్రొడక్షన్స్ పతాకంపై రామ్ చరణ్ నిర్మిస్తున్న ఈ చిత్రానికి అమిత్ త్రివేది సంగీతం అందిస్తుండగా.. వచ్చే ఏడాది వేసవి కానుకగా ప్రేక్షకుల ముందుకు రానుంది.

 



మంచి సందేశంతో 

Updated By ManamMon, 09/17/2018 - 04:05

imageఖయూమ్, తనిష్క్, రాజన్, షానీ, పృథ్విరాజ్, సమీర్, లోహిత్ కీలక పాత్రల్లో నటించిన సినిమా ‘దేశంలో దొంగలు పడ్డారు’. ఈ చిత్రాన్ని అలీ సమర్పిస్తున్నారు. ఈ సినిమా ట్రైలర్‌ను మెగాస్టార్ చిరంజీవి విడుదల చేశారు. ఈ సందర్భంగా చిరంజీవి మాట్లాడుతూ ‘‘నా చిరకాల మిత్రుడు అలీ సోదరుడు ఖయ్యూం ఇందులో ప్రధాన పాత్ర పోషించడం చూసి నాకు ఓ గుడ్ ఇంప్రెషన్ వచ్చింది. డైరెక్టర్ గౌతమ్ ఫస్ట్‌టైమ్ డైరెక్ట్ చేస్తున్నప్పటికీ ట్రైలర్ చూసిన తర్వాత మాత్రం ఓ సీనియర్ మోస్ట్ డైరెక్టర్ హ్యాండిల్ చేస్తున్నట్లుగా అనిపించింది.

ట్రైలర్ ఇంప్రెస్సీవ్ గా ఉంది. ఈరోజుల్లో నిరుపేదలైనటువంటి వారి పిల్లలను మోసం చేసి అన్యాయంగా, అక్రమంగా రవాణా చేయడమనేది రోజూ మనం పేపర్లలో కూడా చూస్తూ ఉన్నాం. అలాంటి కంటెంట్‌ను సబ్జెక్టుగా తీసుకొని ఈ సినిమా చేసిన గౌతమ్ కచ్చితంగా ఒక మంచి సందేశం అందించాడని భావిస్తున్నాను. ఖయ్యూమ్‌కి ట్రర్నింగ్ పాయింట్ అవుతుందని భావిస్తున్నాను. ఎంటైర్ యూనిట్‌కి అభినందనలు’’ అన్నారు.



ఒక్క సీన్ కోసం 45కోట్లు

Updated By ManamSun, 09/16/2018 - 13:48

Sye Raa Narasimha Reddyమెగాస్టార్ చిరంజీవి ప్రధానపాత్రలో నటిస్తున్న ప్రతిష్టాత్మక చిత్రం ‘సైరా నరసింహారెడ్డి’. భారీ బడ్జెట్‌తో తెరకెక్కుతున్న ఈ చిత్రంపై ఎన్నో అంచనాలు ఉండగా.. ఈ మూవీ గురించిన మరో ఆసక్తికర వార్త టాలీవుడ్‌లో హల్‌చల్ చేస్తోంది. అదేంటంటే ఈ చిత్రంలో ఒక్క సీన్ కోసం 45కోట్లు ఖర్చు చేస్తున్నారట.

సినిమాలో కీలక సమయంలో వచ్చే యుద్ధ సన్నివేశం కోసం దాదాపు 45కోట్లు ఖర్చు చేస్తున్నట్లు తెలుస్తోంది. ఇక చిరంజీవి కోసం ఎంత ఖర్చైనా పెట్టేందుకు నిర్మాత రామ్ చరణ్ కూడా వెనుకడుగు వేయక పోవడంతో దర్శకుడు సురేందర్ రెడ్డి యుద్ధ సీన్‌ను భారీగా తెరకెక్కించనున్నట్లు సమాచారం. కాగా జార్జియాలో చిత్రీకరించనున్న ఈ యుద్ధ సన్నివేశం కోసం హాలీవుడ్ యాక్షన్ కొరియోగ్రాఫర్‌‌‌లు పనిచేస్తున్నారు. 



36 ఏళ్ళ తర్వాత..

Updated By ManamSat, 09/15/2018 - 22:35

imageసాయిచంద్‌కు నటుడుగా ప్రత్యేక స్థానం ఉంది. ఆయన చేసిన సినిమాలన్నీ ప్రేక్షకాదరణ పొందినవే. నటుడుగా చాలా గ్యాప్ తీసుకున్న సాయిచంద్ గత సంవత్సరం వచ్చిన ‘ఫిదా’తో మళ్ళీ తెరపై కనిపించారు. ఈ సినిమాలో సాయిపల్లవికి తండ్రిగా నటించారు. 28 ఏళ్ళ తర్వాత ఆయన చేసిన ఆ క్యారెక్టర్‌కు చాలా మంచి పేరు తెచ్చింది. ఈ సినిమాతో సాయిచంద్ ప్రేక్షకులకు మరింత దగ్గరయ్యారు. ఇప్పుడు చిరంజీవి చేస్తున్న ‘సైరా నరసింహారెడ్డి’ చిత్రంలో సాయిచంద్ నటిస్తున్నారనే వార్తలు వస్తున్నాయి.

గతంలో వంశీ దర్శకత్వంలో రూపొందిన ‘మంచుపల్లకి’ చిత్రంలో చిరంజీవితో కలిసి నటించారు సాయిచంద్. దాదాపు 36 ఏళ్ళ తర్వాత మళ్ళీ వీరిద్దరూ కలిసి నటిస్తున్నారన్నమాట. ‘సైరా నరసింహారెడ్డి’ చిత్రంలో చిరంజీవికి సన్నిహితుడి పాత్రలో సాయిచంద్ కనిపిస్తారని తెలుస్తోంది. ఇటీవల వీరిద్దరి కాంబినేషన్‌లో పలు సన్నివేశాలను కూడా తెరకెక్కించినట్లు సమాచారం. సురేందర్‌రెడ్డి దర్శకత్వంలో కొణిదెల ప్రొడక్షన్ కంపెనీ పతాకంపై రామ్‌చరణ్ ఈ చిత్రాన్ని నిర్మిస్తున్నారు. బాలీవుడ్ స్టార్ అమితాబ్ బచ్చన్, జగపతిబాబు, సుదీప్, విజయ్ సేతుపతి కీలకపాత్రల్లో నటిస్తున్నారు. ఈ చిత్రంలో చిరంజీవి సరసన నయనతార హీరోయిన్‌గా నటిస్తోంది. భారీ బడ్జెట్‌తో రూపొందుతున్న ఈ చిత్రాన్ని వచ్చే ఏడాది సంక్రాంతికి విడుదల చేయడానికి ప్లాన్ చేస్తున్నారు. 



డైలమాలో ‘సైరా’ టీం

Updated By ManamThu, 09/06/2018 - 12:30

Sye Raa Narasimha Reddyమెగాస్టార్ చిరంజీవి ప్రధానపాత్రలో సురేందర్ రెడ్డి తెరకెక్కిస్తున్న ప్రతిష్టాత్మక చిత్రం ‘సైరా నరసింహారెడ్డి’. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతున్న ఈ చిత్రం శరవేగంగా షూటింగ్ జరుపుకుంటోంది. ఇదిలా ఉంటే ఈ చిత్ర క్లైమాక్స్ విషయంలో మూవీ యూనిట్ డైలమాలో పడ్డట్లు టాలీవుడ్‌లో వార్తలు వినిపిస్తున్నాయి.

బ్రిటీష్ వారికి వ్యతిరేకంగా పోరాడిన నరసింహారెడ్డిని కోవెలకుంట్లలో అందరి ముందు ఉరితీశారు. అయితే సినిమాలో అలా చేస్తే చిరు అభిమానులు తట్టుకోలేరని భావించిన నిర్మాత, నటుడు రామ్ చరణ్.. హ్యాపీ ఎండింగ్ ఇవ్వాలని అన్నాడట. అయితే అలా చేస్తే సినిమా సరిగా ఉండదన్న ఉద్దేశ్యంలో దర్శకుడు ఉన్నాడట. దీంతో క్లైమాక్స్‌పై ఇంకా ఓ క్లారిటీకి రాలేదట. మరి మెగాస్టార్ చిరంజీవి ఈ సినిమా క్లైమాక్స్ విషయంలో ఏమంటారో చూడాలి.



‘మా’ వివాదంపై చిరు ఆగ్రహం.. మహేశ్ డ్రాప్

Updated By ManamThu, 09/06/2018 - 10:29

Chiranjeevi, Mahesh Babuగత కొంతకాలంగా పలు వివాదాల్లో చిక్కుకుంటున్న మూవీ ఆర్టిస్ట్ అసోషియేషన్‌(మా) తాజాగా నిధుల దుర్వినియోగం రచ్చతో అప్రతిష్టపాలు అయ్యింది. అసోషియేషన్ అధ్యక్షుడు శివాజీ రాజా ‘మా’ నిధులను దుర్వినియోగం చేశారంటూ ఓ ఆంగ్ల పత్రికలో కథనం రాగా.. సంఘం కార్యదర్శి నరేశ్ ఆ కథనానికి మద్ధతు ఇచ్చారు.

దీంతో వివాదం మొదలు కావడంతో మా కమిటీలో చీలికలు ఏర్పడ్డాయి. అయితే ఈ గొడవల్లో మెగాస్టార్ చిరంజీవి పేరు రావడంతో దానిపై ఆయన ఆగ్రహం వ్యక్తం చేసినట్లు తెలుస్తోంది. మరోవైపు అక్టోబర్‌లో మహేశ్ బాబుతో మా సభ్యులు ఓ ఈవెంట్‌ను ఏర్పాటు చేశారు. అయితే తాజా వివాదాల నేపథ్యంలో మహేశ్ బాబు ఈ ఈవెంట్ నుంచి తప్పుకున్నారని తెలుస్తోంది. ప్రస్తుతం ఉన్న పరిస్థితుల్లో తాను ఈ షోలో పాల్గొనడం మంచిది కాదనే భావనలో మహేశ్ ఉన్నాడట. దీంతో ‘మా’కు పెద్ద షాక్ తగిలిందని పలువురు భావిస్తున్నారు.



‘సైరా’ సెట్‌లో పవన్.. ఫొటో లీక్

Updated By ManamMon, 08/27/2018 - 11:22

Sye Raa Narasimha Reddyమెగాస్టార్ చిరంజీవి ప్రధానపాత్రలో నటిస్తున్న ప్రతిష్టాత్మక చిత్రం సైరా ‘నరసింహారెడ్డి’. ఈ చిత్ర షూటింగ్ శరవేగంగా జరుగుతుండగా.. అక్కడికి వెళ్లి సందడి చేశాడు పవర్‌ స్టార్ పవన్ కల్యాణ్. చాలా రోజుల క్రితమే పవన్ కల్యాణ్ అక్కడికి వెళ్లగా.. దీనికి సంబంధించిన ఓ ఫొటో తాజాగా లీక్ అయ్యింది. అందులో చిరు, పవన్‌లతో పాటు అమితాబ్, రామ్ చరణ్ ఉన్నారు. దీంతో మెగాభిమానులు సంబరాలు చేసుకుంటారు.

అయితే మెగా కుటుంబంలో మనస్పర్థలు అంటూ ఎన్ని వార్తలు వచ్చినప్పటికీ, తామంతా ఒకటే అంటూ పలుమార్లు చెప్పకనే చెప్పారు మెగా హీరోలు. ఒకరి ఫంక్షన్‌కు మరొకరు హాజరు అవ్వడమే కాదు.. ఒకరికి సమస్య వచ్చినప్పుడు మిగిలిన అందరూ వారికి అండగా నిలుస్తున్నారు. దీంతో తమను ఎవరూ విడదీయలేరంటూ విమర్శకులకు ఎప్పటికప్పుడు గట్టిగా సమాధానం చెబుతున్నారు. కాగా ఇటీవల జరిగిన చిరంజీవి పుట్టినరోజు వేడుకల్లో మెగా హీరోలు మొత్తం సందడి చేసిన విషయం తెలిసిందే.



‘సైరా’ చరిత్రలో నిలిచిపోతుంది!

Updated By ManamWed, 08/22/2018 - 19:01

Sye Raa Movie Creates History Said T Subbarami Reddy

నేడు అనగా ఆగస్టు 22.. మెగాస్టార్ చిరంజీవి పుట్టిన రోజు. ఈ సందర్భంగా అభిమానులు, అనుచరులు పెద్ద ఎత్తున జన్మదిన వేడుకలు జరుపుకుంటున్నారు. మరోవైపు కొందరు అభిమానులు సేవా కార్యక్రమాల్లో మునిగి తేలుతున్నారు. చిరుకు కాంగ్రెస్ సీనియర్ నేత, సినీ ఇండస్ట్రీకి బాగా కావాల్సిన వ్యక్తి టి. సుబ్బరామిరెడ్డి పుట్టిన రోజు శుభాకాంక్షలు తెలిపారు. అనారోగ్యంతో బాధపడుతున్న టీఎస్సార్‌ను బుధవారం మధ్యాహ్నం చిరు పరామర్శించారు. ఈ సందర్భంగా తన ఇంటికి వచ్చిన చిరుకు టీఎస్సార్ పుష్పగుచ్చమిచ్చి పుట్టిన రోజు శుభాకాంక్షలు చెప్పారు. సుమారు అరగంట ఇద్దరూ యోగక్షేమాలు అడిగి తెలుసుకున్నారు. కాగా సుబ్బరామిరెడ్డి మోకాలికి ఇటీవల విదేశాల్లో శస్త్ర చికిత్స జరిగిన సంగతి తెలిసిందే. ఈ విషయం తెలుసుకున్న చిరు.. ఆయన ఇంటికెళ్లి పరామర్శించారు.

Sye Raa Movie Creates History Said T Subbarami Reddy

ఈ సందర్భంగా.. ‘సైరా’ సినిమా గురించి మాట్లాడిన టీఎస్సార్.. ‘సైరా నరసింహారెడ్డి’ టీజర్ అద్భుతంగా ఉందని ప్రశంసించారు. సినిమా తప్పకుండా ఘన విజయం సాధించి.. చరిత్రలో నిలిచిపోతుందని చెప్పుకొచ్చారు. చిరుతో పాటు చిత్ర సమర్పకురాలు సురేఖ, చిత్ర నిర్మాత రాంచరణ్‌, దర్శకుడు సురేందర్ రెడ్డికి చిత్ర యూనిట్ సభ్యులందరికీ అభినందనలు తెలిపారు.



చిరంజీవికి పవన్ బర్త్‌డే శుభాకాంక్షలు

Updated By ManamWed, 08/22/2018 - 15:26

హైదరాబాద్ : మెగాస్టార్ చిరంజీవికి ఆయన సోదరుడు, జనసేన అధ్యక్షుడు పవన్ కల్యాణ్ పుట్టినరోజు శుభాకాంక్షలు తెలిపారు. నేడు చిరంజీవి బర్త్‌డే సందర్భంగా బుధవారం ఉదయం పవన్ తన భార్యా, పిల్లలతో కలిసి సోదరుడి నివాసానికి వచ్చారు. ఈ సందర్భంగా పుష్పగుచ్ఛం ఇచ్చి బర్త్‌డే  విషెస్ చెప్పారు. 

‘మామయ్యే మా కుటుంబం బలం, అందరికీ ఆదర్శం. ఉదారస్వభావం కలిగిన వ్యక్తి. ఆయనకు పుట్టినరోజు శుభాకాంక్షలు’ అని ...ఇందుకు సంబంధించిన రెండు ఫోటోలను రాంచరణ్ సతీమణి ఉపాసన తన ట్విట్టర్‌లో షేర్ చేశారు. మరోవైపు చిరంజీవికి పుట్టినరోజు శుభాకాంక్షలు వెల్లువెత్తుతున్నాయి.





Related News