andhra pradesh

‘మోస్ట్ లివబుల్ స్టేట్‌గా ఏపీ ఉండాలి’

Updated By ManamThu, 08/16/2018 - 13:11
  • గ్రామదర్శినిపై చంద్రబాబు టెలికాన్ఫరెన్స్

chandrababu niadu

అమరావతి :ఆంధ్రప్రదేశ్ ముఖ్యమంత్రి చంద్రబాబు నాయుడు గురువారం గ్రామదర్శినిపై టెలికాన్ఫరెన్స్ నిర్వహించారు. ఈ కాన్ఫరెన్స్‌లో నోడల్ అధికారులు, కలెక్టర్లు, వివిధ శాఖల సిబ్బంది పాల్గొన్నారు. ఈ సందర్భంగా చంద్రబాబు మాట్లాడుతూ..‘గ్రామదర్శని ప్రారంభమై నెలరోజు అయింది. ఇంకా అయిదు నెలలు మాత్రమే ఉంది. గురు, శుక్రవారాల్లో అధికారులు అందరూ గ్రామాలు సందర్శించాలి. డిసెంబర్‌కల్లా ప్రజా సమస్యల్నీపరిష్కరించాలి. గ్రామాల్లో అందరి సహకారం తీసుకోవాలి. ప్రజలతో పలకరింపు బాగుండాలి. వారి యోగక్షేమాలు విచారించాలి. వారు ఎదుర్కొంటున్నసమస్యలు తెలుసుకోవాలి. 

అన్ని శాఖల్లో అంతర్గత ప్రక్షాళన జరగాలి. మూడు నెలల్లో ప్రతి ఇంటికి డోర్ నెంబర్, ప్రతి వీథికి సెన్సార్స్ ఏర్పాటు. సీసీ కెమెరాలు, డ్రోన్లతో పోలీసింగ్ పటిష్టం కావాలి. ఇప్పుడు 5వేల సీసి కెమెరాలు ఉన్నాయి. మరో 23వేల సిసి కెమెరాలు ఏర్పాటు చేయాలి. రోడ్లమీద ఎక్కడా మురుగునీరు ప్రవహించకూడదు. డ్రెయిన్ల నిర్మాణం ముమ్మరం చేయాలి. ఈజ్ ఆప్ డూయింగ్ బిజినెస్‌లో మనదే అగ్రస్థానం

ఈజ్ ఆప్ గెటింగ్ సిటిజన్ సర్వీసెస్‌లో మనమే ముందుండాలి. పౌరులకు అన్నిరకాల సేవలు అందుబాటులోకి రావాలి. ప్రపంచంలో మోస్ట్ లివబుల్ స్టేట్‌గా మన రాష్ట్రం రూపొందాలి. తినే తిండి, తాగేనీరు, పీల్చేగాలి స్వచ్ఛంగా ఉండాలి. నాణ్యమైన విద్యుత్, నాణ్యమైన నీరు,100% గ్యాస్ ఇస్తున్నాం. 

నాణ్యమైన జీవితం ప్రతిఒకరికీ అందుబాటులోకి తేవాలి. ప్రతిఒక్కరి హెల్త్ రికార్డు రూపొందించాలి. ప్రతి గ్రామం పర్యాటక కేంద్రం కావాలి.  పర్యాటకం పెంపొందాలి. కేంద్రప్రభుత్వం మన రాజధానికి రూ.1500కోట్లు మాత్రమే ఇచ్చింది. అదే బాండ్ల రూపంలో ఒక్కగంటలోనే రూ.2వేల కోట్లు వచ్చాయి. అదే రైతులు రూ.50వేల కోట్ల విలువైన భూములిచ్చారు. 

మన పాలనపై ప్రజల్లోఉన్ననమ్మకానికి అదే నిదర్శనం. మన ప్రభుత్వంపై ఉన్న విశ్వాసానికి అదే రుజువు వర్షాలు బాగా పడుతున్నాయి. రిజర్వాయర్లలోకి నీటి చేరిక పెరిగింది. శ్రీశైలానికి లక్షా 78వేల క్యూసెక్కుల వరద ప్రవాహం ఉంది. వ్యవసాయ పనులు ముమ్మరం అయ్యాయి. రైతుల్లో ఆనందం నెలకొంది.’ అని అన్నారు.



ఏపీ, తెలంగాణ పోలీసులకు కేంద్ర పతకాలు

Updated By ManamTue, 08/14/2018 - 15:18
AP, Telangana police personnel to receive medals

న్యూఢిల్లీ : స్వాతంత్ర్య దినోత్సవం సందర్భంగా  రాష్ట్రపతి పోలీసు విశిష్ట సేవా పతకాలు, ప్రతిభా, శౌర్య పతకాలను కేంద్ర హోంమంత్రిత్వ శాఖ సోమవారం ప్రకటించింది. ఆంధ్రప్రదేశ్ నుంచి ఇద్దరికి రాష్ట్రపతి పురస్కారాలు, మరో 14మందికి పోలీస్ పతకాలు, అలాగే తెలంగాణ నుంచి ఇద్దరికి రాష్ట్రపతి పురస్కారాలు, మరో 10మందికి ప్రతిభా పురస్కారాలకు ఎంపికయ్యారు.



ఇక దూకుడే!

Updated By ManamSat, 08/04/2018 - 02:05
  • చంద్రబాబును ఎదుర్కొనేందుకు  షా నాయకత్వంలో వ్యూహం 

  • పోలవరం అవినీతి, భూముల కేటాయింపు.. బినామీల సంగతి తేల్చాలని నిర్ణయం 

  • విమర్శల ఘాటు పెంచుతున్న నేతలు.. కొత్త నేతల చేరికపై భారీగా కసరత్తులు

  • త్వరలో అమిత్ షా పర్యటన ఖరారు.. మూడు ప్రాంతాల్లో మూడు సభలు

imageఅమరావతి: రాష్ట్రానికి ప్రత్యేక హోదా... విభజన హామీలు.. ముఖ్యంగా విశాఖ రైల్వేజోన్ లాంటి అంశాల్లో ప్రధానమంత్రి నరేంద్రమోదీని, బీజేపీని రాష్ట్ర ప్రజల ముందు ద్రోహులుగా చూపిస్తున్న ముఖ్య మంత్రి చంద్రబాబును దీటుగా ఎదుర్కొనేందుకు కమలదళం కసరత్తు చేస్తోంది. తెలంగాణలో కేసీఆర్ ప్రభుత్వం విషయంలో మెతకవైఖరి అవలంబిస్తున్న బీజేపీ.. ఏపీలో మాత్రం టీడీపీపై సమరానికి సన్నద్ధం కావాలని నిర్ణయించినట్టు తెలిసింది. బీజేపీ రాష్ట్ర అధ్యక్షుడు కన్నా లక్ష్మీనారా యణతో సహా ముఖ్య నేతలందరితో బీజేపీ జాతీయ అధ్యక్షుడు అమిత్ షా ఇటీవల సమాలోచనలు చేశా రు. వారి అభిప్రాయాలు తెలుసు కున్నారు. ప్రధానమంత్రి నరేం ద్రమోదీ టార్గెట్‌గా చంద్రబాబు ఎలాంటి వ్యూహం అనుసరిస్తు న్నదీ వారు తెలియజెప్పినట్టు సమాచారం. ధర్మపోరాట దీక్షల్లో ప్రధానిపై చంద్రబాబు చేస్తున్న విమర్శలు, వీడియో ప్రదర్శనల గురించి అమిత్ షా వద్ద కొందరు నేతలు ప్రస్తావించినట్టు తెలిసింది. అమిత్ షా మాత్రం.. జాతీయస్థాయిలో తమ వ్యూహంపై కూడా రేఖామాత్రంగా వారికి సంకేతాలందించినట్టు తెలిసింది. ఈ నేపథ్యంలో అతి త్వరలో అమిత్ షా ఏపీ టూర్ ఖరారు కానుంది. రాష్ట్రంలో ఉత్త రాంధ్ర, రాయలసీమ, కోస్తా ప్రాంతాలలో మూడుచోట్ల బహిరంగ సభలు ఉండవచ్చని ఒక సీనియర్ నాయకుడు తెలిపారు. ముఖ్యంగా ప్రత్యేక హోదా విషయమై చంద్రబాబునాయుడు రెండు నాల్కల ధోరణి అవలంబి స్తున్నారనీ, హోదా వద్దు.. ప్యాకేజీ కావాలని ఒకప్పుడు పట్టబట్టి తీసుకుని ఇపుడు మాటమార్చి తమపై ఎదురుదాడి చేస్తున్నారన్న విష యాన్ని ప్రజల్లోకి బలంగా తీసుకెళ్ళాలని యోచిస్తున్నట్టు తెలిసింది. ‘కేంద్ర ప్రభుత్వం ప్యాకేజి ప్రకటించినపుడు ఎందుకు సంబరాలు చేసుకున్నారు... అప్పటి కేంద్ర మంత్రి వెంకయ్యనాయుడికి విజయవాడలో ఎందుకు సన్మానాలు చేశారు’ అని ప్రజలకు అర్థమయ్యేలా చంద్రబాబును నిలదీయా లని నిర్ణయించుకున్నట్టు తెలిసింది. పోలవ రంలో జరిగిన అవినీతి, ప్రైవేటు కంపె నీలకు భూముల ధారాదత్తం, బినామీలపై కూడా పెద్దఎత్తున ప్రచారం చేయాలని బీజేపీ నాయకత్వం భావిస్తున్నట్లు తెలి సింది. ఈ మేరకు కీలక సమాచారాన్ని సేకరించే పనిని కొంతమందికి అప్పగిం చారంటున్నారు. ఈ నేపథ్యంలో  బీజేపీ ఫైర్ బ్రాండ్ నాయుకుడు, ఎమ్మెల్సీ సో ము వీర్రాజు చంద్రబాబుపై నిప్పులు చె రిగారు. చంద్రబాబు ప్రభుత్వం నీరు- చెట్టు కార్యక్రమంలో భారీ కుంభకోణానికి పాల్పడిందనీ, మట్టిని తవ్వి తీయటానికి రూ. 13,600 కోట్ల ఖర్చును చూపెట్టటం విడ్డూరంగా ఉందని అన్నారు. చంద్రబాబు నాయుడును అవి నీతి రాక్షసుడిగా అభివర్ణించిన ఆయన పంచభూతాలు కూడా బాబును క్షమించబోవని తీవ్ర వ్యాఖ్యలు చేశారు. కన్నాకు బీజేపీ రాష్ట్ర అధ్యక్ష పదవి ఇచ్చాక కొంతకాలం మౌనంగా ఉన్న వీర్రాజు మళ్ళీ రంగంలోకి దిగి టీడీపీ ప్రభుత్వం అవినీతిని దునుమాడటం వెనుక అధిష్ఠానం ఆదేశాలు ఉన్నట్టు తెలిసింది.

చేరికలపై ప్రత్యేక దృష్టి
బీజేపీలో నాయకుల చేరికలకు అత్యంత ప్రాధాన్యం కల్పించాలని అధిష్ఠానం భావిస్తున్నట్టు తెలిసింది. జిల్లాల వారీగా అన్ని పార్టీల్లోని ద్వితీయశ్రేణి నేతలు, వృత్తి నిపుణులు, మేధావులు, తటస్థులను పార్టీలో తీసుకునేందుకు ప్రయత్నించాలని భావిస్తున్నట్టు తెలిసింది. ఈ మేరకు పార్టీ రాష్ట్ర అధ్యక్షుడు కన్నా లక్ష్మీనారాయణ భారీ కసరత్తు చేస్తున్నట్టు తెలిసింది. ఇప్పటికే ఆయన అన్ని జిల్లాల్లో పర్యటించారు. ప్రతి జిల్లాలో పార్టీ పరిస్థితిపై ఒక అంచనాకు రావటం ద్వారా అక్కడ అనుసరించాల్సిన వ్యూహం, నేతల చేరికలపై సమాలోచనలు చేస్తున్నట్టు తెలిసింది. అమిత్ షా పర్యటన నాటికి పార్టీలో కొత్త జవసత్వాలు వచ్చాయన్న అభిప్రాయం కలిగించేలా ప్రతి జిల్లాలో పార్టీలో చేరికలపై దృష్టి సారించనున్నట్టు తెలిసింది.



చంద్రబాబే బ్రాండ్ అంబాసిడర్

Updated By ManamThu, 08/02/2018 - 15:49

అమరావతి : ఆంధ్రప్రదేశ్‌కు ముఖ్యమంత్రి చంద్రబాబు నాయుడే బ్రాండ్ అంబాసిడర్ అనే ఆయన కుమారుడు, ఐటీ శాఖమంత్రి నారా లోకేశ్ అన్నారు. గురువారం ఏపీ కేబినెట్ సమావేశం అనంతరం ఆయన ఆ వివరాలను మీడియాకు వెల్లడించారు. ఈ సందర్భంగా లోకేశ్ మాట్లాడుతూ...‘చంద్రబాబు ప్రపంచంలోకి ఎక్కడికి వెళ్లినా రాష్ట్రంలో పెట్టుబడులు పెట్టేందుకు తలుపులు తెరుస్తున్నారు. విభజన వల్ల రాష్ట్రం ఎన్ని ఇబ్బందులు ఎదుర్కొంటున్నా పెట్టుబడులు వస్తున్నాయి.

టీడీపీ మ్యానిఫెస్టోలో ఇచ్చిన హామీ మేరకు ‘ముఖ్యమంత్రి యువనేస్తం’ పేరుతో నిరుద్యోగ భృతి ఇస్తున్నాం. పెన్షన్ కుటుంబానికి ఒకటి ఇస్తే... ఇక్కడ కుటుంబంలో ఎంతమంది నిరుద్యోగులు ఉన్నా వారికి నిరుద్యోగ భృతి ఇస్తాం. ఆగస్ట్ మూడు, లేదా నాలుగో వారంలో విధివిధానాలు వెల్లడిస్తాం. అర్హత ఉన్న అందరూ రిజిస్ట్రర్ చేసుకోవాలి. 22 నుంచి 35 ఏళ్ళ లోపు నిరుద్యోగులంతా అర్హులు. నెలకు వెయ్యి రూపాయిలు వారి బ్యాంకు ఖాతాల్లో జమ చేస్తాం.

ఇంకోవైపు స్కిల్ డెవలప్‌మెంట్‌ కార్యక్రమాన్ని కూడా ప్రారంభిస్తాం. కేంద్ర, రాష్ట్ర ప్రభుత్వ పథకాలను అనుసంధానం చేసి, నిరుద్యోగ యువతీ, యువకులకు  ఉపాధి కల్పిస్తాం. భారతదేశంలోనే కాదు, ప్రపంచంలోనే ఇంత సిస్టమేటిక్ కార్యక్రమం లేదని, కేవలం ఏపీలో మాత్రమే అమలు చేయడం జరుగుతుంది.

అర్హులైన నిరుద్యోగులు ఆన్‌లైన్ ద్వారా దరఖాస్తు చేసుకోవాలి. ప్రజాధికార సర్వే ద్వారా రాష్ట్రంలో పన్నెండు లక్షల మంది నిరుద్యోగులు ఉన్నట్టు గుర్తించాం. లోటు బడ్జెట్లో కూడా ఎన్నికల హామీలను నిలబెట్టుకొంటున్న ఘనత సీఎం చంద్రబాబు నాయుడికే దక్కుతుంది.’అని అన్నారు.



విభజనతో తెలంగాణ కూడా నష్టపోయింది: కేకే

Updated By ManamTue, 07/24/2018 - 16:27

TRS MP Kesavaraoన్యూఢిల్లీ : రాష్ట్ర విభజన వల్ల ఆంధ్రప్రదేశ్‌తో పాటు తెలంగాణ కూడా నష్టపోయిందని టీఆర్ఎస్ రాజ్యసభ సభ్యుడు కేశవరావు అన్నారు. ఏపీకి ప్రత్యేక హోదాపై మంగళవారం రాజ్యసభలో చర్చ సందర్భంగా కేకే మాట్లాడుతూ..‘పార్లమెంట్ సాక్షిగా ఆంధ్రప్రదేశ్, తెలంగాణ రాష్ట్రాలకు ఇచ్చిన హామీలు అమలు చేయాలి. ఇచ్చిన హామీలు అమలు చేయనప్పుడు చట్టంతో ఇంక ఉపయోగం ఏంటీ?. 

విభజన బిల్లులో తెలంగాణకు విరుద్ధంగా ఎన్నో అంశాలు ఉన్నాయి. మరి తెలంగాణకు ఎందుకు సానుభూతి తెలపడం లేదు. పోలవరం ప్రాజెక్టుకు మేము వ్యతిరేకం కాదు. ఏపీ సర్కార్ హైకోర్టు కట్టుకుంటే తప్ప...మా రాష్ట్రానికి హైకోర్టు ఏర్పాటు చేసుకోలేని దుస్థితి. హైకోర్టు ఏర్పాటు గురించి కేంద్రాన్ని ఎన్నిసార్లు అడిగినా సమాధానం లేదు. టీడీపీ ఎంపీలు సుజనా చౌదరి, సీఎం రమేష్ అడుగుతున్న వాటికి మా మద్దతు ఉంటుంది. విభజన చట్టంలోని హామీలు అమలు చేయాలని కోరుతున్నాం.’అని అన్నారు.



'ప్రత్యేక హైకోర్టు ఏర్పాటుకు తుది గడువు లేదు'

Updated By ManamThu, 07/12/2018 - 20:17

special high court, Andhra pradesh, law ministry, supreme court (1356)న్యూఢిల్లీ: ఆంధ్రప్రదేశ్‌కు ప్రత్యేక హైకోర్టు ఏర్పాటు చేసే అంశంపై సుప్రీంకోర్టులో కేంద్ర న్యాయ శాఖ అఫిడవిట్‌ దాఖలు చేసింది. ఏపీకి ప్రత్యేక హైకోర్టు ఏర్పాటుపై ఎలాంటి తుది గడువు లేదని పేర్కొంది. విభజన చట్టం ప్రకారం హైదరాబాద్‌ తెలుగు రాష్ట్రాలకు పదేళ్ల పాటు ఉమ్మడి రాజధానిగా ఉంటుందని స్పష్టంచేసింది. హైకోర్టు ఏర్పాటుకు ఏపీలో అవసరమైన భవనాలు, మౌలిక వసతులను కల్పించాలని కేంద్ర న్యాయ శాఖ తెలిపింది. ఉన్నత న్యాయస్థానం ఏర్పాటుపై రాష్ట్ర ప్రభుత్వం, హైకోర్టు నిర్ణయం తీసుకోవాల్సి ఉంటుందని పేర్కొంది. భవనాలు, మౌలిక వసతులు కల్పిస్తే హైకోర్టు ఏర్పాటుకు నోటిఫికేషన్‌ ఇస్తామని అఫిడవిట్‌లో వెల్లడించింది. ఆర్థికపరమైన విషయాలను ఆర్థిక శాఖే చూసుకుంటుందని న్యాయ శాఖ పేర్కొంది.



కోస్తాంధ్రలో భారీ నుంచి అతి భారీ వర్షాలు

Updated By ManamThu, 07/12/2018 - 17:11
  • ఉభయగోదావరి, కృష్ణా జిల్లాల్లో భారీ వర్షాలు

  • కోనసీమలో దెబ్బతిన్న నారుమళ్లు.. రైతుల ఆందోళన

  • నీట మునిగిన లోతట్టు ప్రాంతాలు.. ప్రజల ఇక్కట్లు

Rains in Coastal Andhra Pradesh

విశాఖ : ఉత్తర బంగాళాఖాతం, దాని పరిసర ప్రాంతాలలో రాగల 24 గంటలలో అల్పపీడనం ఏర్పడే అవకాశం ఉందని వాతావరణ శాఖ వెల్లడించింది. దీంతో రెండు రోజులపాటు కోస్తాంధ్రలో భారీ నుంచి అతిభారీ వర్షాలు కురుస్తాయని.. రాయలసీమలో మోస్తరు వర్షాలు పడే అవకాశం ఉందని తెలిపింది. తీరం వెంబడి 40-50 కి.మీ వేగంతో గాలులు వీచే అవకాశం ఉందని,...మత్స్యకారులు వేటకు వెళ్లొద్దని సూచించింది. జిల్లాల్లో అధికారులను విపత్తుల నిర్వహణ శాఖ అప్రమత్తం చేసింది.

కాగా రాష్ట్రంలోని పలు జిల్లాల్లో భారీ వర్షాలు కురుస్తున్నాయి. ముఖ్యంగా కోస్తాంధ్రలోని ఉభయగోదావరి, కృష్ణా జిల్లాల్లో కుండపోత వర్షాలు కురుస్తున్నాయి. దీంతో వాగులు, వంకలు పొంగిపొర్లుతున్నాయి. ఎగువ ప్రాంతాల నుంచి వస్తున్న వరద నీటికి తోడు భారీ వర్షాల కారణంగా గోదావరి నది నీటి మట్టం క్రమంగా పెరుగుతోంది. దీంతో లంక గ్రామాల ప్రజలకు కష్టాలు మొదలయ్యాయి.

తూర్పుగోదావరి జిల్లాలో గత పది రోజులుగా వర్షాలు కురుస్తూనే ఉన్నాయి. ముఖ్యంగా కోనసీమ ప్రాంతం భారీ వర్షాలతో తడిసి ముద్దవుతోంది. దీంతో కోనసీమలో ఖరీఫ్ నారుమళ్లకు తీవ్రమైన నష్టం ఏర్పడింది.  ఈరోజు ఉదయం 8.30 గంటల సమయానికి రావులపాలెంలో 5.57 సెం.మీ, గడలలో 5.42 సెం.మీ, కపిలేశ్వరంలో 5.35 సెం.మీల వర్షపాతం నమోదైంది.

పశ్చిమగోదావరి జిల్లాలోనూ విస్తారంగా వర్షాలు కురుస్తున్నాయి. వారం రోజులుగా కురుస్తున్న వర్షాలకు ప్రజా జీవనానికి ఆటంకం కలుగుతోంది. జిల్లాలోని తణుకు, అత్తిలి, ఇరగవరం, నిడదవోలు, పెరవలి, ఉండ్రాజవరం మండల ప్రాంతాలలో ఎడతెరిపి లేని వర్షం కురుస్తోంది. తొలుత కురిసిన తొలకరి వానలకు వ్యవసాయ పనులు ప్రారంభించిన రైతులు.. నారుమళ్లు, నాట్లు వేశారు.

విస్తారంగా కురిసిన వర్షాలకు అవి కుళ్లిపోతాయేమోనని ఆందోళన చెందుతున్నారు.  అరటి తోటలలోనూ వర్షానికి నీరు చేరడంతో గెలలు పెరగక నష్టపోవాల్సి వస్తుందని అరటి రైతులు గగ్గోలు పెడుతున్నారు. లోతట్టు ప్రాంతాల్లో వర్షపునీరు చేరడంతో నివాసితులు ఇబ్బందులు పడుతున్నారు.

కృష్ణాజిల్లా అంతటా విస్తారంగా వర్షాలు కురుస్తున్నాయి. నిన్న రాత్రి నుంచి ముసురు వానతో వాతావరణంలో ఉష్ణోగ్రతలు బాగా తగ్గాయి. ఈదురుగాలులతో పలుచోట్ల విద్యుత్తు సరఫరాకు అంతరాయం ఏర్పడింది. పలుచోట్ల లోతట్టు ప్రాంతాలు జలమయమయ్యాయి. రోడ్లపై వర్షపు నీరు వచ్చి చేరడంతో వాహనదారులు తీవ్ర ఇబ్బందులకు గురవుతున్నారు. విజయవాడ నగరంలో అర్ధరాత్రి నుంచి భారీగా వర్షం పడింది. రెడ్డిగూడెం, గన్నవరం, కోటపాడు, వత్సవాయి ప్రాంతాల్లో ఓ మోస్తరు వాన పడింది. 

చాట్రాయి, వీర్లుపాడు, చందర్లపాడు, ఉంగుటూరు, బాపులపాడు, కంచికచర్ల, ఇబ్రహీంపట్నం, పెనుగంచిప్రోలు, నందిగామ ప్రాంతాల్లో చెదురుమదురు వానలు పడుతున్నాయి. జగ్గయ్యపేట, మైలవరం పరిసర ప్రాంతాల్లో అర్ధరాత్రి నుంచి వర్షం పడుతుండడంతో వ్యవసాయ పనులు ఊపందుకుంటున్నాయి.

ఇవాళ ఉదయం 8 గంటలకు రెడ్డిగూడెం మండలం రంగాపురంలో 71.75 మి.మీ, గన్నవరంలో 71.50 మి.మీ, రెడ్డిగూడెంలో 54.75 మి.మీ, కోటపాడులో 54.25 మి.మీ, అల్లూరులో 50.50 మి.మీ, వత్సవాయిలో 50.25 మి.మీ, చందర్లపాడులో 50 మి.మీల వర్షం నమోదైంది.



ఏపీ డీజీపీగా ఆర్పీ ఠాకూర్

Updated By ManamSat, 06/30/2018 - 11:04
RP thakur

విజయవాడ : ఆంధ్రప్రదేశ్ డీజీపీ రేసులో ఆర్పీ ఠాకూర్ నిలిచారు. ఆయనను నూతన డీజీపీగా రాష్ట్ర ప్రభుత్వం నియమించింది. ఈ మేరకు ప్రభుత్వం అధికారికంగా ఉత్తర్వులు జారీ చేసింది. ప్రస్తుతం ఆయన ఏసీపీ డీజీగా ఉన్నారు. 1961 జులై 1న జన్మించిన ఆర్పీ ఠాకూర్‌  ఐఐటీ కాన్పూర్‌లో సివిల్‌ ఇంజనీరింగ్‌ చేసి  ఐపీఎస్‌కి ఎంపికయ్యారు. ఆయన ఉమ్మడి ఏపీలో అనేక కీలక బాధ్యతలు నిర్వహించారు. ఠాకూర్ పూర్తి రామ్ ప్రవేశ్ ఠాకూర్. 1986 బ్యాచ్‌ ఐపీఎస్‌ అయిన ఆయన సమర్ధుడైన అధికారిగా పేరు తెచ్చుకున్నారు. 

అయితే  ఆంధ్రప్రదేశ్ కొత్త డీజీపీగా గౌతమ్ సవాంగ్ ఎంపిక దాదాపు లాంఛనమే అని వార్తలు వెలువడినా చివరి నిమిషంలో ఆర్పీ ఠాకూర్‌ను నూతన బాస్‌గా నియమిస్తూ ప్రభుత్వం నిర్ణయం తీసుకుంది. కాగా  ప్రస్తుత డీజీపీ మాలకొండయ్య శనివారం పదవీవిరమణ చేస్తున్నారు. 2019 సాధారణ ఎన్నికలు సమీపిస్తున్న నేపథ్యంలో డీజీపీ ఎంపికను ప్రభుత్వం సీరియస్‌గా తీసుకుంది. శాఖలోని సిబ్బందిని, అధికారులను గాడినపెట్టడంతో పాటు... ప్రజలతో మవేుకమై సమర్ధంగా వ్యవహరించే వ్యక్తినే ఆ పదవిలో నియుమించాలని రాష్ట్ర ప్రభుత్వం భావించింది. 

విచక్షణాధికారంతో పాటు, అధికారి అనుభవం, రాష్ట్రంలో ప్రస్తుతం ఉన్న వివిధ రాజకీయ పరిస్థితులను దృష్టిలో పెట్టుకుని డీజీపీ నియామకం జరిగింది. కాగా ఇందుకు సంబంధించి ఏపీ సర్కార్ కొత్త డీజీపీ ఎంపికపై సెలక్షన్ కమిటీ వేసింది. ఈ కమిటీ  నిన్న (శుక్రవారం) అమరావతిలో సమావేశమైంది. ప్రభుత్వ ప్రధాన కార్యదర్శి దినేష్‌కుమార్ నేతృత్వంలో ప్రత్యేక కమిటీ సభ్యులు సాంబశివరావు, మన్మోహన్‌సింగ్, శ్రీకాంత్ భేటీ అయ్యారు. మొత్తం ఐదుగురు డీజీపీ రేసులో నిలిచారు.

వారిలో విజయువాడ పోలీసుకమిషనర్ గౌతమ్ సవాంగ్, ఏసీబీ డీజీ ఠాకూర్, ఆర్టీసీ ఎండీ ఎన్వీ సురేంద్రబాబు, విజిలెన్స్ డీజీ అనూరాధ, కేంద్ర సర్వీసులో ఉన్న వీఎస్‌కే కౌముది పేర్లను కమిటీ ఎంపిక చేసింది. చివరకు నూతన డీజీపీగా ఆర్పీ ఠాకూర్ నియమితులయ్యారు.



రాజకీయాలను బాబు భ్రష్టు పట్టించారు..

Updated By ManamWed, 06/27/2018 - 11:47

అమరావతి: ముఖ్యమంత్రి చంద్రబాబు నాయుడుపై CPI Rama Krishnaసీపీఐ రాష్ట్ర కార్యదర్శి రామకృష్ణ తీవ్రస్థాయిలో ధ్వజమెత్తారు. ఆయన బుధవారమిక్కడ మాట్లాడుతూ.. దేశంలో ఎక్కడాలేని విధంగా చంద్రబాబు రాష్ట్ర రాజకీయాలను భ్రష్టు పట్టించారని మండిపడ్డారు. సంతలో పశువుల మాదిరి ఎమ్మెల్యేలను కొనుగోలు చేశారన్నారు. టీడీపీ, వైఎస్సార్ సీపీలు సామాజిక న్యాయం పాటించడం లేదని రామకృష్ణ విమర్శించారు. 

ప్రత్యామ్నాయ రాజకీయాలు చేసేందుకు వామపక్షాలు ఆధ్వర్యంలో కృషి చేస్తున్నామన్నారు. రానున్న ఎన్నికలలో జనసేనతో కలిసి ఎన్నికల బరిలోకి దిగుతామని, ప్రజాసమస్యలపై పవన్ కల్యాణ్ స్పష్టంగా ఉన్నారని, అవినీతికి వ్యతిరేకంగా అందరం కలిసి పోరాడతామని తెలిపారు. ప్రజలు, ప్రజాసంఘాలు, విద్యార్థులు సహకరించాలని ఆయన కోరారు. రాష్ట్రంలో ఉన్న సమస్యలపై అన్ని జిల్లాలలోను సదస్సులు నిర్వహిస్తామని, సెప్టెంబర్ 15న విజయవాడలో భారీ బహిరంగ సభ నిర్వహిస్తామని రామకృష్ణ తెలిపారు.
 



సలహాదారు పదవికి పరకాల గుడ్‌బై

Updated By ManamTue, 06/19/2018 - 14:18

parakalaఅమరావతి : ఆంధ్రప్రదేశ్ రాష్ట్ర ప్రభుత్వ మీడియా సలహాదారు పరకార ప్రభాకర్ తన పదవికి రాజీనామా చేశారు. ఆయన తన రాజీనామా లేఖను మంగళవారం ముఖ్యమంత్రి చంద్రబాబు నాయుడుకు పంపారు.

తక్షణమే తన రాజీనామాను ఆమోదించాలని పరకాల ఆ లేఖలో సీఎంను కోరారు. కాగా ప్రతిపక్ష నేత వైఎస్ జగన్ వ్యాఖ్యలపై తీవ్ర మనస్తాపం చెందిన పరకాల రాజీనామా చేసినట్లు సమాచారం. 

‘గత కొన్ని రోజులుగా విపక్షానికి చెందిన కొంతమంది నాయకులు నేను ప్రభుత్వంలో సలహాదారు బాధ్యతలలో ఉండడాన్ని పదేపదే ఎత్తిచూపుతున్నారు. ఒక ప్రక్క మీరు బీజేపీలోనూ, కేంద్ర ప్రభుత్వంతోనూ రాష్ట్ర హక్కుల సాధన విషయంలో విభేదించి పోరాడుతూ, మరోపక్క నన్ను సలహాదారుగా పెట్టుకోవడమేమిటని వేలెత్తి చూపుతున్నారు. ఇప్పుడు మీ నాయకత్వంలో కేంద్రంపై, బీజేపీపై జరుగుతున్న ధర్మపోరాటం మీద ప్రజలలో అనుమానాలు లేవనెత్తడానికి ప్రయత్నం చేస్తున్నారు.

ప్రభుత్వంలో నా ఉనికిని, మీ చిత్తశుద్ధిని శంకించడానికి వాడుకుంటున్నారు. నా కుటుంబంలోని వ్యక్తులు వేరొక పార్టీలో ఉన్నందువల్ల, నాకన్నా భిన్నమైన రాజకీయ అభిప్రాయాలు కలిగి ఉన్నందువల్ల మన రాష్ట్ర ప్రయోజనాల విషయంలో నేను రాజీపడతాను అని కొందరు ప్రచారం చేయడం మొదలుపెట్టారు. ఆ మాటలు నన్ను చాలా బాధించాయి. అందుచేత నేను ప్రభుత్వ సలహాదారు బాధ్యతల నుండి వైదొలగాలని నిశ్చయించుకున్నాను. నా రాజీనామాను ఆమోదించవలసిందిగా మిమ్మల్ని అభ్యర్థిస్తున్నాను.’అని పరకాల తన రాజీనామా లేఖలో పేర్కొన్నారు.





Related News