East Godavari

మెసేంజర్ యాప్‌లో ప్రియుడితో స్కెచ్ వేసి.. భర్తను చంపిన భార్య

Updated By ManamWed, 09/12/2018 - 11:40

Murderఅమరావతి: తూర్పుగోదావరి జిల్లా రామచంద్రాపురంలో దారుణం జరిగింది. ప్రియుడి కోసం ప్రేమించి పెళ్లి చేసుకున్న భర్తను చంపింది భార్య. మెసేంజర్ యాప్ ద్వారా స్కెచ్ వేసి తన భర్తను చంపేసి ఏమీ తెలీనట్లు ఉండిపోయింది ఆ భార్య. గత నెల 26న అనుమానాస్పద స్థితిలో భర్త మరణించగా.. కేసును నమోదు చేసుకున్న పోలీసులు దర్యాప్తు చేయడంతో అసలు విషయం బయటపడింది.

కాగా తోటవారిపల్లె వీధికి చెందిన రాంబాబు, ప్రియదర్శిని 17ఏళ్ల క్రితం ప్రేమించి పెళ్లిచేసుకున్నారు. వీరిద్దరికి ఒక బాబు, పాప కూడా ఉన్నారు. అయితే ఆ తరువాత నుంచి ఈ ఇద్దరి మధ్య తరచుగా తగాదాలు వస్తుండగా.. ఆ క్రమంలో ప్రియదర్శినికి ఫేస్‌బుక్‌లో పరిచయం అయ్యాడు శివసాయి కిశోర్. ఇంట్లో తగాదాల వలన భర్తను వదిలిపెట్టి ప్రియుడితో చెన్నైకి చెక్కేసింది ప్రియదర్శిని. అయితే పోలీసుల సాయంతో మళ్లీ ప్రియదర్శినిని వెనక్కి తెచ్చుకున్నాడు రాంబాబు. 

ఇక ఆ తరువాత కొన్ని రోజులు సైలెంట్‌గా ఉన్న ప్రియదర్శిని.. ఇటీవల మెసేంజర్ యాప్ ద్వారా ప్రియుడు కిశోర్‌తో ముచ్చట్లు మొదలుపెట్టింది. ఆ క్రమంలో ఈ ఇద్దరి మధ్య సాన్నిహిత్యం మరింత పెరగడంతో రాంబాబును చంపేందుకు వారిద్దరు ప్రణాళికను వేసుకున్నారు. గత నెల 26న కూల్‌డ్రింక్‌లో నిద్రమాత్రలు కలిపి ప్రియదర్శిని, రాంబాబుకు ఇవ్వగా అతడు నిద్రలోకి జారుకున్నాడు. ఆ తరువాత వారి ఇంటికి వచ్చిన కిశోర్, ప్రియదర్శిని సాయంతో రాంబాబు గొంతు నలిపి చంపేశాడు. అనంతరం కేసు తన మీదకు రాకూడదని కిశోర్‌కు 2లక్షల రూపాయలను కూడా ఇచ్చింది. అయితే పోస్ట్‌మార్టంలో అసలు విషయం బయటపడటంతో పోలీసులు ప్రియదర్శినిని ప్రశ్నించగా నిజం బయటికొచ్చింది. వెంటనే ప్రియదర్శిని, కిశోర్‌లపై కేసును నమోదుచేసుకున్న పోలీసులు వారిద్దరి తమ అదుపులోకి తీసుకున్నారు.



రంభ, ఊర్వశి థియేటర్లలో అగ్నిప్రమాదం

Updated By ManamFri, 08/31/2018 - 15:32

Ramba, Urvasi movie Theaters, East godavari, Fire accident రాజమహేంద్రవరం: తూర్పుగోదావరి జిల్లాలోని రాజమహేంద్రవరంలో శుక్రవారం అగ్నిప్రమాదం సంభవించింది. రంభ, ఊర్వశి థియేటర్స్‌లో ఒక్కసారిగా మంటలు చెలరేగాయి. దాంతో థియేటర్లలోని ప్రేక్షకులు భయంతో బయటకు పరుగులు తీశారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని మంటలను అదుపులోకి తెచ్చేందుకు యత్నిస్తున్నారు. మంటలు చెలరేగడానికి గల కారణాలు ఇంకా తెలియరాలేదు. 



230వ రోజు ప్రారంభమైన జగన్ పాదయాత్ర

Updated By ManamMon, 08/06/2018 - 10:27

Jagan Mohan Reddyకత్తిపూడి: ఏపీ ప్రతిపక్షనేత, వైసీపీ అధ్యక్షుడు వైఎస్ జగన్‌మోహన్ రెడ్డి చేపట్టిన ప్రజా సంకల్పయాత్ర 230వ రోజు ప్రారంభమైంది. తూర్పుగోదావరి జిల్లా కత్తిపూడి శివారు నుంచి సోమవారం పాదయాత్రను ప్రారంభించారు. అక్కడి నుంచి నెల్లిపూడి, శ్రీశాంతి ఆశ్రమం క్రాస్ మీదుగా శంఖవరం వరకు ఈ యాత్ర కొనసాగనుంది. యాత్రలో భాగంగా జగన్‌తో మమేకమౌతున్న ప్రజలు, అతడితో సమస్యలు చెప్పుకుంటున్నారు. కాగా ఇప్పటి వరకు జగన్ 2656.1కిలోమీటర్లు నడిచారు.



ప్రజలను పక్కదోవ పట్టిస్తున్న ఎల్లో మీడియా!

Updated By ManamSun, 08/05/2018 - 19:54

Jagan Comments On Yellow Media

తూర్పుగోదావరి: టీడీపీ ప్రభుత్వ పై వైసీపీ అధినేత జగన్ మోహన్‌రెడ్డి తీవ్ర విమర్శలు గుప్పించారు. పాదయాత్రలో భాగంగా బహిరంగ సభలో మాట్లాడిన ఆయన ఎల్లో మీడియా గురించి ఆయన ప్రస్తావించారు. " చంద్రబాబు నాలుగేళ్ల పాలన ఎలా ఉందో ఒకసారి చూడండి. ఉన్నదంతా పక్క దారి పట్టించే ప్రయత్నం తప్ప మరోకటి లేదు. ప్రకటనలు, ఎల్లోమీడియా సమస్యల నుంచి ప్రజలను పక్క దోవ పట్టించేందుకే ఆరాటం కనిపిస్తోంది. ప్రజలను దగ్గరుండి మోసం చేస్తారు. ఎన్నికలు ఆరునెలల్లో ఉన్నందున, ఎదుటి వారిని మోసం చేసేవారంటూ బాకా ఊదుతారు.

చంద్రబాబు అబద్దాలు, ఆడినా, మోసం చేసినా వీరికి కనిపించదు. ఆ పేపర్లు, ఆ టీవీల్లో కనిపించేదేమిటంటే.. చంద్రబాబు ఆహా ఇంద్రుడు, చంద్రుడు అయ్యా, ఆహా రైతులు, డ్వాక్రా మహిళలు కేరింతలు, కొడుతున్నట్లు, పిల్లలకు ఉద్యోగాలు వచ్చి డబ్బులు వచ్చి వాటిని ఎలా ఖర్చు చేయాలో తెలియకుండా ఉన్నారు అన్నట్లుగా చెపుతారు" అని కొన్ని మీడియా సంస్థల పేర్లు చెబుతూ జగన్ తీవ్ర ఆగ్రహం వ్యక్తం చేశారు.



‘పాము’ గుడికి పనులు ప్రారంభం

Updated By ManamSat, 08/04/2018 - 09:32

snake తూర్పుగోదావరి: 26 రోజుల పాటు తూర్పుగోదావరి జిల్లా గొల్లప్రోలు మండలం దుర్గాడ గ్రామస్థుల చేత సుబ్రమణ్యస్వామిగా పూజలందుకున్న పాము గురువారం మరణించగా.. శుక్రవారం అంత్యక్రియలు ఘనంగా జరిగాయి. గురువారం రాత్రంతా శివాలయంలో ఉంచి భజనలు, ప్రత్యేక పూజలు చేసి.. శుక్రవారం పామును  పల్లకిలో పామును పెట్టి గ్రామమంతా ఊరేగించి అంత్యక్రియలను ఘనంగా నిర్వహించారు గ్రామస్థులు. ఆ తరువాత పాము తిరుగాడిన చోటనే ఖననం చేశారు. అక్కడ గుడి కట్టించేందుకు పొలం యజమాని అంగీకరించడంతో ఆలయ నిర్మాణ పనులు ప్రారంభించారు. శ్రావణ మాసంలోగా గుడి నిర్మాణాన్ని పూర్తి చేస్తామని గ్రామస్థులు తెలిపారు.



ఆ పాము మృతితో వెక్కి వెక్కి ఏడ్చారు

Updated By ManamThu, 08/02/2018 - 17:06

snake పిఠాపురం: గత 26రోజులుగా తూర్పుగోదావరి జిల్లా గొల్లప్రోలు మండలం దుర్గాడ గ్రామంలోని ప్రజలు దేవుడిగా కొలుస్తూ పూజలు చేస్తున్న పాము గురువారం మృతి చెందింది. బుధవారం కుబుసం విడిచిన పాము అనుకోకుండా మృతి చెందడంతో ఆ గ్రామస్తులు కన్నీరు మున్నీరయ్యారు.

అయితే 26రోజుల క్రితం దుర్గాడ గ్రామంలోని ఓ రైతు పొలంలో ఈ పాము కనిపించింది. దాని దగ్గరికి వెళ్లినా అది ఎవరినీ కాటు వేయకపోవడంతో సుబ్రమణ్య స్వామి స్వరూపం అంటూ గ్రామస్థులు పూజలు చేస్తూ వస్తున్నారు. ఆ పాము విషపూరితమైందని, దాన్ని అక్కడి నుంచి తరలించేందుకు అటవీశాఖ అధికారులు ప్రయత్నించగా.. గ్రామస్థులు అడ్డుకున్నారు. దీంతో ఏమీ చేయలేక అటవీ అధికారులు వెనక్కి తిరిగారు. ఇక ఆ పాముకు గుడి కట్టాలని అనుకుంటుండగా.. అంతలోపే పాము మరణించింది. దీంతో గ్రామస్థులు కన్నీరు మున్నీరుగా విలపిస్తున్నారు. పాము మృతి చెందిన స్థలంలోనే గుడి కట్టాలని గ్రామ ప్రజలు భావిస్తున్నారు. కాగా మరోవైపు ఈ పాము మరణించడానికి గొల్లప్రోలు ఎస్సై శివకృష్ణ కారణమంటూ దుర్గాడ గ్రామస్థులు ఆరోపిస్తున్నారు. తక్షణమే ఆ ఎస్సైను సస్పెండ్ చేయాలని గ్రామస్థులు జాతీయ రహదారిపై బైఠాయించి ఆందోళనలు చేస్తున్నారు.



213వ రోజు జగన్ యాత్ర సాగనుందిలా..

Updated By ManamMon, 07/16/2018 - 09:57

jagan  అనపర్తి: ప్రజల సమస్యలను తెలుసుకునేందుకు వైఎస్సార్‌ కాంగ్రెస్‌ పార్టీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌ రెడ్డి చేపట్టిన ప్రజాసంకల్పయాత్ర 213వ రోజు ప్రారంభమైంది. వర్షం కారణంగా ఆదివారం యాత్ర రద్దు కాగా నేడు కొనసాగనుంది. ఈ నేపథ్యంలో మామిడాల శివారు నుంచి జగన్ పాదయాత్ర ప్రారంభించారు. అక్కడి నుంచి పెద్దడ, కికవోలు, పెద్దపూడి, దొమ్మాడ మీదుగా కరుకుడురు వరకు జగన్ పాదయాత్రను కొనసాగించనున్నారు. మరోవైపు జగన్‌ను కలిసేందుకు అభిమానులు, కార్యకర్తలు వేలాదిగా యాత్రకు తరలివస్తున్నారు. ఈ సందర్భంగా వారు జగన్‌తో కలిసి అడుగులు వేస్తున్నారు.



కకావికలం

Updated By ManamMon, 04/23/2018 - 00:44

mahiతూర్పుగోదావరి జిల్లాలోని సముద్ర భాగంలో వశిష్ఠ, ఎస్-1 అన్వేషణలలో సహజవాయువు నిక్షేపాలను వరుసగా 2005, 2006 సంవత్సరాలలోనే జీఎన్‌జీసీ కనుగొన్నది. ఇప్పుడు ఈ క్షేత్రాలలో 4 ఉత్పత్తి బావులకై డ్రి ల్లింగు, ఉత్పత్తికి కావలసిన పనులను పూర్తిచేయడం, సముద్రంలో పైపులైను వేయడం, ఓడల రేవు దగ్గర ఉన్న టెర్మినల్ విస్తరణ మొదలైన పనులను చేపట్టారు. వశిష్ఠ ‘బ్లాక్’ 119 చదరపు కిలోమీటర్ల వరకు విస్తరించి ఉంది. పై పనులను చేపట్టడానికి ప్రజాభిప్రాయ సేకరణ, అభ్యంతరాలను డిసెంబర్ 3వ తేదీన ఓడల రేవు గ్రామం వద్ద సభ నిర్వహించారు. చమురు, సహజవాయువుల ఉత్పత్తికి సంబం ధించిన పర్యావరణ సవుస్యలు చాలా క్లిష్టైవెునవి, అత్యంత శాస్త్ర, సాంకేతిక విషయాలతో కూడుకొన్నవి. వీటిపై పరిజ్ఞానం ‘సూపర్ స్పెషలైజేషన్’ కింద వస్తాయి. స్థానిక ప్రజలు ఈ కార్యక్రమాలపై కేవలం ఇప్పటికిప్పుడు జరిగే వారి ఆస్తినష్టాలకు సంబంధించి మాత్రమే స్పందించగలరు. పర్యావరణం సంబంధించి వారికెంత మాత్రం తెలియదు. అందుచేత ఈ కార్యక్రమాల విషయంలో ప్రభుత్వమే క్షుణ్ణంగా అధ్యయనం చేసి ఈ కార్యక్రమాల వల్ల సంభవించే నష్టాలు, లాభాల గురించి ప్రజలకు వివరించి వారి అభిప్రాయం సేకరిస్తే బాగుంటుంది. ఇందు లో భాగంగా వారు సవుర్పించే పర్యావరణ ప్ర భావిత అంచనాల రిపోర్టు కూడా సామాన్య ప్ర జానీకానికి అంతుపట్టనిది. ఫలితంగా దీర్ఘకాలం లో జరిగే పర్యావరణ ప్రభావాలకు ఇక్కడి ప్రజలు బలిపశువులవుతారు. చమురు, సహజ వాయవుల ఉత్పత్తిని సహజ వనరులను గనుల నుంచి తీసే కార్యక్రమంగా కాక ఒక పరిశ్రమగా పరిగణనలోకి తీసుకొని, వీటి ఉత్పత్తి వల్ల జరిగే అవకాశమున్న గాలి, నీరూ, నేలా కాలుష్యాలపై దృష్టి సారించి ఈ విషయాలపై పైన చెప్పిన ఇఇఎ రిపోర్టును సవుర్పిస్తూ వచ్చారు. కాని ఈ హైడ్రోకార్బన్‌ల ఉత్పత్తి వలల కె.జి. బేసిన్‌లో ఉన్న ఇసుక రాతి పొరల క్షేత్రాల్లో భూమి కుంగుతుంది. ఈ కుంగుదల కొన్ని దేశాల్లో 30 అడుగుల వరకు ఉంది. ఇదే జరిగితే మన డెల్టాలు సముద్రంలో మునిగి కనువురుగవుతాయి. ఓఎన్‌జీసీ ఈ విషయాన్ని పరిగణనలోకి తీసుకోకుండా చమురు, సహజ వాయువుల ఉత్పత్తిని చేస్తోందని అందుమూలం గా డెల్టాలో భూమి కుంగుతున్న నిదర్శనాలున్నాయని 2008లో భీవువరంలోని కృష్ణా -గోదా వరి డెల్టాల పరిరక్షణ సమితి ఆంధ్రప్రదేశ్ హైకోర్టులో ప్రజా ప్రయోజనాల వ్యాజ్యం వేసి (డబ్లూపి.నెం.13341) భూమి కుంగుదల విషయంపై అధ్యయనం చేపట్టమని కోరారు. అందుకు అనుగుణంగా, హైకోర్టు ఆదేశంపై కేంద్ర పర్యావర ణం, అడవుల మంత్రిత్వశాఖ సబ్ కమిటీని నియుమించారు. వారు ఇచ్చిన సిఫారసులననుసరించి (29, అక్టోబరు) ఇప్పటి ఇఐఎ రిపోర్టులో భూమి కుంగుదల విషయాన్ని ప్రస్తావించి, అం దుకు కొన్ని జాగ్రత్తలు తీసుకొన్నట్లు చెప్పారు. కానీ, సబ్ కమిటీ రిపోర్టులోని మొట్టమొదటి వాక్యాన్ని ఉటంకిస్తూ కెజి బేసిన్ భూమి కుంగుదలకు అనుకూలంగా లేదని చెప్పారన్నారు. 

అ యితే ఈ రిపోర్టును ఇంకా హైకోర్టుకు ఇచ్చినట్లు లేదు కాబట్టి, దీనిపై వ్యాఖ్యానించడానికి అవకాశం రాలేదు. గల్ఫ్ దేశాల్లో మాదిరి సున్నపురాయి రిజర్వాయుర్లయితే ఈ సమస్య ఉత్పన్నం కాదు. రిపోర్టులోని మిగతా అంశాలన్ని పిటిషనుదార్లు ఆశించిన మేరకు శాస్త్రీయంగా ఉన్నాయి. ప్రపంచంలో చాలా చోట్ల భూమి కుంగుదలకు చమురు, సహజ వాయువుల ఉత్పత్తి కూడా కారణమనీ, అందుచేత తత్సంబంధిత ప్రాజెక్టులు చేపట్టినప్పుడు భూమి కుంగుదల విషయం పరిగణనలోకి తీసుకోవాలని సూచించారు. కెజి బేసి న్ గత కొంతకాలంగా ఈ ఉత్పత్తులు జరుగుతున్నందున, ఇంతవరకు భూమి ఎంత కుంగింది, భవిష్యతులో ఎంత కుంగుతుందనే వి షయంపై అధ్యయనం ‘ఇండియన్ స్కూల్ ఆఫ్ వైున్స్’ ధన్‌బాద్ లాంటి సంస్థకు అప్పగించాలని సూ చించింది. దీనిపై మంత్రిత్వ శాఖ చర్య ఏమిటో తెలియదు. అయితే ఇప్పుడు జరుపబోయే ప్రాజె క్టు విషయంలో, సబ్ కమిటీ సూచన మేరకు ఇ.ఐ.ఎ అధ్యయునంలోనే భూమి కుంగుదలపై ప్ర స్తుతం భూమి ఎత్తు సూచించే సమాచారాన్ని త ప్పనిసరిగా పొందుపరచాలని ‘టెర్మ్స్ ఆఫ్ రిఫరెన్సు’లోనే పర్యావరణ మంత్రిత్వశాఖ చేర్చ డం ముదావహం. ఓఎన్‌జీసీ భూమి కుంగుదల విషయమై వారి వద్ద ఉన్న సమాచారం కొంత ఇఐఎ రిపోర్టులో ఉంచారు. ఉత్పత్తి బావులు, కొన్ని ‘సైస్మిక్ సర్వే’ నిమిత్తం నిర్మించిన స్తం భాల వద్ద 1988 - 2000 మధ్య తీసిన భూమి ఎత్తుకొలతలను, అక్కడే తిరిగి 2008లో తీసిన కొలతలను ఇచ్చి, ఈ రెండు కొలతల్లో వ్యత్యాసం ఎక్కువగా లేదు, అది కూడా కొలతల్లో వచ్చిన తేడాలే అని సమర్థించుకొన్నారు. అందుచేత భూమి కుంగుదల లేదని చెప్పారు. కానీ వారి కొలతల్లోనే 13 సెంటీమీటర్ల నుంచి 95 సెంటీమీటర్ల వరకు వ్యత్యాసముంది. అంటే సంవత్సరానికి 1 సెంటీమీటరు కన్నా తక్కువ నుంచి 15 సెంటీమీటర్ల వరకు (మొదటి 5-7 సంవత్సరాలు దాటిన తరువాత భూమి దిగడం ప్రారంభమవుతుంది) ఉంది. నాలుగు చోట్ల 2009 లో మళ్ళీ కొలతలు తీశారు. ఆ ఒక్క సంవత్సరంలోనే 5 నుంచి 28.5 సెంటీమీటర్ల వరకు ఉన్న వ్యత్యాసం ఇతర దేశాల్లోని కుంగుదల రేటుతో సరిపోతుంది. క్షేత్రస్థాయిలో చూస్తే, ఇప్పటి డ్రెయిన్‌లలోను, నదులలోను పోటు నీరు పూర్వం (ఈ ఉత్పత్తులు మొదలు కాక ముందు) కన్నా 4- 5 అడుగులు పైకి వచ్చింది. సముద్ర మట్టంలో తేడా లేనప్పుడు, ఇలా పోటు నీరు పైకి రావడం భూమి కుంగుదల వల్లనే అని తెలుసుకోవాలి. నీటిమట్టంతో ఎటువంటి తప్పులు దొర్లవు. భవిష్యత్‌లో కుంగుదల గురించి నిర్ణీత రోజుల్లో కొలతలు తీసే పథకాన్ని సబ్ కమిటీ సూచించినట్లు అమలు చేస్తామని చెప్పారు. అయితే ఈ ప్రాజెక్టు ప్రాంతంలో హైడ్రోకార్బన్ లను ముఖ్యంగా సహజవాయువును గత 13- 25 సంవత్సరాల నుంచి ఉత్పత్తి చేస్తున్నారు కాబట్టి దాని ప్రభావం కుంగుదల విషయంలో ఇప్పటికే ఉంది. మరికొన్ని బావులు తవ్వి ఉత్పత్తిని పెంచితే ఈ కుంగుదల వేగం పెరుగుతుంది. ఇప్పుడు జరుగుతున్న కుంగుదల వేగం  భూమి కుంగుదల ఎంతవరకు జరిగింది లేదా వారు చెప్పినట్లు జరగలేదో తెలియాలంటే, అసలు ఈ హైడ్రో కార్బన్ ఉత్పత్తి మొదలు కాక ముందు ఉన్న భూమి ఎత్తు, ఇప్పుడున్న ఎత్తు తెలియాలి. అంటే ఈ ప్రాంతాన్ని ఇప్పుడు సర్వే చేయించి, పూర్వం 1966-68లో సర్వే ఆఫ్ ఇండియా ‘బెంచ్‌మార్క్’లతో పోలిస్తే, విషయం తేటతెల్లమవుతుంది. అందుచేత ఈ రెండు కొలతలలో ఒక ‘గ్రిడ్’ ప్రకారం ‘వేుప్’లలో సూచించి, ‘టీఓఆర్’ ప్రకారం ఇప్పుడే సమకూర్చాలి. అయితే పైన వివరించినట్లు వారి కొలతలను బట్టే భూమి కుంగుతున్నట్లు నిర్ధారణైంది. అవసరమైతే రిమోట్ సెన్సింగ్ పద్ధతిలో కూడా తెలుసుకోవచ్చు. కింద వివరించినట్లు క్షేత్రస్థాయిలో మరెన్నో నిదర్శనాలున్నాయి. ప్రాజెక్టు ప్రాంతం సహా డెల్టాలో భూగర్భజలాలు (ఇళ్ళవద్ద మంచినీటి బావులు) ఉప్పు బారిపోయాయి. కింది పొరలలో ఉన్న పూర్వకాలం నాటి సముద్రపు నీరు భూమి కుంగుతుండడం వల్ల పైకి ఉబికి వచ్చి పైన ఉన్న మంచినీటి భూగర్భ జలాలతో కలిసిపోయాయి. డ్రెయిన్‌లలోనూ, నదులలోనూ సుమారు 5 అడుగుల వరకు పోటునీరు పైకి వచ్చింది. ఆ నీరు తగ్గడానికి. చాల చోట్ల సముద్రం కొన్ని వందల మీటర్లు భూమిపైకి చొచ్చుకువచ్చింది. ఓడల రేవు వద్దనే ఒడ్డున ఉన్న రెండు సహజ వాయువు బావుల ప్రాంతంలో 600 మీటర్ల వరకు సముద్రం ముందుకు వచ్చినట్లు తెలుస్తోంది. భూమి ఎత్తులపై ‘బేస్‌లైన్ డాటా’ను సమకూర్చి, ప్రజల్లో ఉన్న అనుమానాలు, భయాలు తొలగించి, కెజి బేసిన్ నుంచి సహజ వాయువు ఉత్పత్తిని కొనసాగించడానికి, ఇప్పుడు ప్రతిపాదించిన ఉత్పత్తిని పెంచడానికి చర్యలు చేపట్టవచ్చు.
ప్రొఫెసర్ జి. కృష్ణారావు
జియాలజి విశ్రాంత అచార్యులు, 
ఆంధ్రా యూనివర్శిటి





Related News