kerala

ఆసుపత్రి పునర్మిణానికి రాజీవ్, సుమ దంపతుల సాయం

Updated By ManamTue, 09/18/2018 - 10:25

Rajiv, Sumaభారీ వరదలతో కకావికలమైన కేరళలోని ఓ ఆసుపత్రిని పునర్మించేందుకు నటుడు రాజీవ్ దంపతులు ముందుకు వచ్చారు. అలిప్పి జిల్లా కున్నమ్మ ప్రాంతంలో శిథిలావస్థలోకి చేరిన ఆసుపత్రిని నిర్మించేందుకు తాము సిద్ధంగా ఉన్నామని తెలిపిన వారు, ఈ మేరకు కేరళ ఆరోగ్య మంత్రి థామస్ ఐజాక్‌తో ప్రత్యేకంగా మాట్లాడారు. తమ వంతుగా అక్కడి ప్రాథమిక ఆరోగ్య కేంద్రాన్ని పునర్నిర్మిస్తామని ఈ సందర్భంగా వారు మాట ఇచ్చారు. ఈ విషయంపై మీడియాతో మాట్లాడిన రాజీవ్ దంపతులు.. ఉడతా భక్తిగా మా వంతుగా చేతనైనంత సాయం చేస్తున్నాం. కున్నమ్మ ఆరోగ్య సంక్షేమ కేంద్రం నిర్మాణానికి ఎంత ఖర్చైనా భరిస్తాం అని తెలిపారు.



విరాళాలు ఇవ్వండి.. బన్నీ జీప్ గెలవండి

Updated By ManamThu, 09/13/2018 - 13:47

Bunnyఅల్లు అర్జున్ హీరోగా వక్కంతం వంశీ తెరకెక్కించిన చిత్రం ‘నా పేరు సూర్య’. ఈ చిత్రంలో బన్నీ ఆర్మీ ఆఫీసర్ పాత్రలో కనిపించగా.. అందులో అతడు ఒక జీప్‌ను వాడిన విషయం తెలిసిందే. కాగా ఇప్పుడు ఈ జీప్‌ను అభిమానులకు ఇవ్వనున్నారు. అయితే దీనికి ఓ పనిచేయాల్సి ఉంది. అదేంటంటే..

ఇటీవల పడిన భారీ వర్షాలకు కేరళ అతలాకుతలం అయిన విషయం తెలిసిందే. ఈ నేపథ్యంలో సామాన్యులు మొదలుకొని ఎంతోమంది ప్రముఖులు కేరళవాసులకు సాయం చేశారు. ఈ క్రమంలో అల్లు అర్జున్ కూడా తన వంతున 25లక్షల రూపాయలను ఇచ్చారు. ఇంతటితో ఆగకుండా ఇప్పుడు మరో అడుగు ముందుకేసిన బన్నీ.. ‘నా పేరు సూర్య’లో తాను వాడిన జీప్‌ను దాతలకు ఇచ్చేందుకు సిద్ధమయ్యాడు. వెయ్యి రూపాయలు, అంతకుమించి కేరళకు విరాళాలు ఇచ్చే వారిలో ఒక లక్కీ పేరును సెలక్ట్ చేసి వారికి బన్నీ జీప్‌ను ఇవ్వనున్నారు. అంతేకాదు ఆ విరాళాలు ఇచ్చిన ప్రతి ఒక్కరికీ నా పేరు సూర్యలో బన్నీ వేసుకున్న టీ-షర్ట్‌ను ఇవ్వనున్నారు. ఇంకెందుకు ఆలస్యం బన్నీ జీప్‌ను గెలవాలనుకుంటే వెంటనే కేరళకు సహాయం చేయండి మరి.



కేరళకు ఏపీ ఆపన్నహస్తం

Updated By ManamThu, 09/13/2018 - 10:10

  ప్రభుత్వం తరుఫున రూ. 51 కోట్ల సాయం
  కేరళ మంత్రులకు అందజేసిన చినరాజప్ప 
  ప్రభుత్వం 10 కోట్లు.. ఉద్యోగులు 23 కోట్లు
  సహాయ నిధికి సేకరించిన చెక్‌లు అందజేత

Keralaతిరువనంతపురం, సెప్టెంబరు 12: భారీ వర్షాలు, వరదలతో కకావికలైమెన కేరళను ఆదుకునేందుకు ఆంధ్రప్రదేశ్ ప్రభుత్వం తన వంతు సాయం అందజేసింది. కేరళ వరద బాధితులకు మొత్తం 51 కోట్ల రూపాయులను విరాళంగా అందజేసింది. బుధవారం తిరువనంతపురం సచివాలయం లో కేరళ మంత్రులు ఇ.పి.జయరాజన్, చంద్రశేఖరన్, మాధ్యూస్ థామస్, ఎ.కె.శశేంద్రన్, రామచంద్రన్, ప్రభుత్వ ప్రధానకార్యదర్శి థామ్ జోస్, రెవెన్యూ కార్యదర్శి పి.సి.కురియన్‌లతో ఏపీ ఉప ముఖ్యమంత్రి చినరాజప్ప సమావేశైమె.. రాష్ట్ర ప్రభుత్వం తరఫున వరద సహాయ నిధికి సేకరించిన చెక్కులను అందజేశారు. ఈ సందర్భంగా చినరాజప్ప మీడియాతో మాట్లాడుతూ.. విపత్తులు సంభవించినప్పుడు బాధితులను ఆదుకోవాల్సిన బాధ్యత ప్రతి ఒక్కరిపై ఉందన్నారు. కేరళ వరదల పరిస్ధితిపై చలించిన ఆంధ్రప్రదేశ్ ముఖ్యమంత్రి చంద్రబాబునాయుడు ప్రభుత్వం తరుపున రూ.10 కోట్ల ఆర్ధిక సహాయాన్ని ప్రకటించారన్నారు. ముఖ్యమంత్రి ఇచ్చిన పిలుపునకు స్పందించి  ప్రభుత్వోద్యోగులు తమ ఒకరోజు వేతనాన్ని విరాళంగా అందించి తమ ఉదారతను చాటుకున్నారని తెలిపారు. ప్రభుత్వ ఉద్యోగులు రూ.20 కోట్లు, ఏపీఎస్ ఆర్టీసీ ఉద్యోగులు రూ.3 కోట్ల విరాళాలను ప్రభుత్వానికి అందజేశారని ఆయన వివరించారు. అలాగే చంద్రబాబు పిలుపునకు స్పందించి ప్రజలు తమ వంతు సాయం చేశారని తెలిపారు. కేరళ వరద బాధితులకు యుద్దప్రాతి పదికన నిత్యావసర వస్తువులు అందించేందుకు ముఖ్యమంత్రి చంద్రబాబు చొరవ తీసుకుని పౌర సరఫరాల శాఖ ద్వారా 2014 మెట్రిక్ టన్నుల బియ్యాన్ని పంపించారన్నా రు. విపత్తులు దేశంలో ఎక్కడ సంభవించినా బాధితులను ఆదుకోవడంలో ఆంధ్రప్రదేశ్ ప్రభుత్వం ముందుంటుందని చినరాజప్ప అన్నారు. వరద బాధితులకు సేవలందించేందుకు గాను తమ ప్రభుత్వం అగ్ని మాపక, విపత్తు నిర్వహణ సహాయక బృందాలను కేరళకు పంపించామని తెలిపారు. వరద బాధితులకు సహాయక చర్యల విషయంలో ఆంధ్రప్రదేశ్ పారిశ్రామిక మౌలిక సదుపాయలకల్పన వైస్ ఛైర్మన్ ఎ.బాబు చేసిన కృషిని చినరాజప్ప కొనియాడారు. కేరళ పరిస్థితిపై ఆంధ్ర ప్రదేశ్ ప్రభుత్వం స్పందించి సహాయాన్ని అందించినందుకు కేరళ ముఖ్యమంత్రిగా బాధ్యలు నిర్వహిస్తున్న పరిశ్రమల శాఖ మంత్రి జయరాజన్ కృతజ్ఞతలు తెలియజేశారు. ఆంధ్రప్రదేశ్ ప్రభుత్వం అందించిన సేవలను కేరళ ప్రజలు ఎప్పటికీ మరచిపోరన్నారు. ఆంధ్రప్రదేశ్ ముఖ్యమంత్రి చంద్రబాబునాయుడును త్వరలోనే కలుసుకుని కృతజ్ఞతలు తెలియజేస్తామన్నారు. 



ఇంకిపోయిన బావులు!

Updated By ManamThu, 09/13/2018 - 03:11
  • ఎండిపోతున్న నదులు.. సుర్రుమంటున్న భానుడు

  • ఉన్నట్టుండి తగ్గిపోతున్న నదుల్లో నీటి మట్టం

  • అదే తీరులో బావులు.. పడిపోయిన భూగర్భ జలాలు

  • వరద అనంతరం కేరళలో ప్రకృతి వైపరీత్యాలు

  • ఈ పర్యావరణ విపత్తకు కారణమేంటో కనుక్కోండి

  • శాస్త్ర, సాంకేతిక మండలికి రాష్ట్ర సర్కారు సూచన

keralaతిరువనంతపురం: ఎందుకిలా? వరదల బీభత్సం.. ఆ వెంటనే నీటి కొరత? ఇంతకీ కేరళలో ఏం జరుగుతోంది. వాతావరణంలో ఎందుకీ మార్పులు? ఇదే విషయమై పరిశోధన చేయాలని ప్రభుత్వం శాస్త్ర, సాంకేతిక పరిశోధనామండలికి సూచించింది. ముఖ్యంగా ప్రకృతి జీవ సంపదకు పెట్టింది పేరైన వాయనాడ్ జిల్లాలోనే ఈ పరిస్థితి ఎక్కువగా ఉంది. ఈ జిల్లాలోని అన్ని ప్రాంతాల్లో బావుల్లో ఒక్కసారిగా నీరు ఇంకిపోయాయి. ఇక్కడి నదుల్లో నీటి ప్రవాహం భారీగా తగ్గిపోయింది. ముఖ్యంగా భూమి పొరల్లో ఉండాల్సిన వానపాములు గుట్టలుగుట్టలుగా పైకి వస్తున్నాయి. భారీ వర్షాలు కరిసినప్పుడు పెరియార్, భరతపూజ, పంపా, కంబణి నదులు ఉగ్రరూపం దాల్చాయి. కానీ.. ఇప్పుడు ఒక్కసారిగా అవి ఎండిపోయాయి. కొన్ని ప్రాంతాల్లో నీటి ప్రవాహం అమాంతం తగ్గిపోయింది. అనేక బావుల్లో నీరు కూడా ఇంకిపోయింది. అయితే.. వాతావరణంలో భారీ మార్పులు చోటు చేసుకుంటున్నాయనటానికి కేరళలో జరుగుతున్న మార్పులే నిదర్శనమని అంటున్నారు.. భూమి పొరల్లో వచ్చిన మార్పుల వల్ల  బావుల్లో నీరు ఒక్కసారిగా ఇంకిపోతోందని, పలు చోట్ల భూమిపై పగుళ్లు ఏర్పడ్డాయని నిపుణలు పేర్కొంటున్నారు. ‘‘వాస్తవానికి భీభత్సమైన వర్షాలు, వరదలు వచ్చిన తర్వాత ఒక రకమైన కరువు పరిస్థితులు ఏర్పడుతాయి. ఇది ఎక్కడైనా జరిగేదే. కానీ.. వాయ్‌నాడ్ జిల్లాలో మాత్రం భూమి పొరల్లోనూ మార్పులు జరిగినట్లుగా తెలుస్తోంది. దాంతో నీరు ఇంకిపోయింది. నదీజలాల్లో నీటి మట్టం పడిపోయింది’’ అని నిపుణులు అంటున్నారు. ఇదే అంశంపై ప్రభుత్వం కూడా శాస్త్రసాంకేతిక మండలికి ఆదేశాలు జారీ చేసింది. సమగ్ర అధ్యయనం చేపట్టాలని సూచించింది. అంతేకాకుండా ఈ ప్రాంతంలో జీవ వైవిధ్యాన్ని అంచనా వేసే బాధ్యతలను జవహర్‌లాల్ నెహ్రూ ట్రాపికల్ బొటానిక్ గార్డెన్, రీసెర్చ్ ఇన్‌స్టిట్యూట్‌కు, కేరళ అటవీశాఖ విభాగానికి, మలబార్ బొటానికల్ గార్డెన్- ఇన్‌స్టిట్యూట్ ఫర్ ప్లాంట్ సైన్సెస్‌కు అప్పగించారు. 

ప్రకృతికి చేటు చేయడంతోనేనా?
 ప్రపంచవ్యాప్తంగా వాతావరణ మార్పులు ప్రమాదకర దశకు చేరాయని, ఇలాగే కొనసాగితే కొద్దిరోజుల్లోనే పరిస్థితి చేయిదాటిపోతుందని అనే వాదనలు వినిపిస్తున్నాయి. ఈ మధ్యే ఐక్యరాజ్యసమితి ప్రధాన కార్యదర్శి ఆంటోనియో గుటేరస్ ఇదే విషయాన్ని ప్రస్తావించారు.  వాతావరణ మార్పులకు సంబంధించిన కీలకమైన మలుపులో ప్రపంచం ఉందని, ఇది ప్రత్యక్ష ముప్పు అని అభివర్ణించారు.  మన స్పందనలకన్నా వేగంగా వాతావరణం మార్పులకు గురవుతున్నది అని గుటేరస్ తెలిపారు. ప్రపంచవ్యాప్తంగా ఉష్ణోగ్రతల పెరుగుదల, వేడిగాలుల తీవ్రత, విస్తరిస్తున్న కార్చిచ్చు, తుఫానులు, వరదలు విధ్వంసాన్ని సృష్టిస్తున్నాయని ఆందోళన వ్యక్తం చేశారు. భారీగా ప్రాణనష్టం జరుగుతోందని, గతనెలలో కేరళలో వచ్చిన వరదలతో 400 మంది మృత్యువాత పడ్డారని తెలిపారు. వాతావరణ మార్పులతో ఆకలికేకలు తీవ్రం తీవ్రమైన వాతావరణ పరిస్థితుల కారణంగా గత ఏడాది ప్రపంచవ్యాప్తంగా ఆకలికేకలు పెరిగాయని, మహిళలు, పిల్లలు, వృద్ధులు ప్రధానంగా బలవుతున్నారని ఐక్యరాజ్యసమితి  విడుదల చేసిన ప్రపంచ ఆహారభద్రత-పోషకాహార స్థితి నివేదిక వెల్లడించింది. 2016లో పోషకాహారం లోపించిన ప్రజల సంఖ్య 80.4కోట్లు ఉండగా.. ఉష్ణోగ్రతలు, కరువు, తుఫానుల వంటి వాతావరణ అవరోధాల కారణంగా గత ఏడాది ఈ సంఖ్య 82.1కోట్లకు చేరిందని నివేదిక తెలిపింది. ప్రపంచంలో ప్రతీ తొమ్మిది మందిలో ఒకరు పోషకాహారలోపం కలవారేనని పేర్కొన్నది. వాతావరణ మార్పులను ఎదుర్కొనేందుకు.. 2030నాటికి ఆకలి, పోషకాహార లోపం లేనివిధంగా ప్రపంచాన్ని మార్చాల్సి ఉంటుంది అని సూచించింది. సమకాలీన ప్రపంచంలో మరోవైపు ప్రతీ ఎనిమిది మందిలో ఒకరు స్థూలకాయంతో బాధపడుతున్నారని నివేదిక తెలిపింది.

మొన్నటికి మొన్న కేరళలోను భారీ వర్షాలు ముంచెత్తాయి. వరదలు పోటెత్తాయి. ఇళ్ల పైకప్పులు మునిగేలా వరద కొనసాగింది.  దాదాపు ఏడు లక్షల మంది పునరావాస శిబిరాల్లో తలదాచుకోవాల్సిన పరిస్థితి ఏర్పడింది. దాదాపు రూ.20 వేల కోట్ల నష్టం వాటిల్లిందని ప్రభుత్వం ప్రాథమికంగా అంచనా వేసింది!! ఇప్పుడేమో.. భానుడు సుర్రుమంటున్నాడు. ఎండలు మండుతున్నాయి. ఉన్నట్టుండి అకస్మాత్తుగా బావుల్లో నీరు ఇంకిపోతోంది. చుక్కనీరు లేకుండా భూమి కనిపిస్తోంది. నదుల్లో నీటి మట్టం అకస్మాత్తుగా పడిపోతోంది. మట్టిపొరల్లో ఉండాల్సిన వానపాములు వంటివి బయటకు ఉబికి వస్తున్నాయి!!



మానవ తప్పిదమే!

Updated By ManamMon, 09/10/2018 - 02:02

keralaఇటీవల కేరళను వణి కించిన తీవ్రమైన ప్రకృతి విపత్తు, కేరళ వరదల నుంచి దేశంలో ప్రకృతి విపత్తుల నిర్వహణపై ఆసక్తి క రమైన చర్చ రాజుకుంది. వరద లలో వందలాది మంది మర ణించారు. వేలాది మంది నిరా శ్రయులయ్యారు. 1924 తరు వాత కేరళలో యిటువంటి వర దలు తిరిగి పునరావృతం కాలే దు. ఆనాడు ఒకే ఒక్క ఆనకట్ట వుండేది. కేరళలో భారీవర్షపాతం వల్ల ఆ ఆనకట్ట తెగి సుమారు వెయ్యిమంది మరణించారు. అయితే ఈనాటి పరిస్ధితి భిన్నం. కేరళ ముఖ్యమంత్రే ప్రకటించినట్లు 1924తో యిప్పటి నేటి విపత్తును పోల్చలేము. ప్రస్తుతం కేరళలో 53 పెద్ద డ్యాంలు వున్నాయి. వాటి నుంచి వెలువడే నీరు వర్షపు నీటికి తోడై ప్రమాద తీవ్రతను పెంచేసింది. ఈ నేపథ్యంలో అసలు డ్యాంలు దేశంలో ఎన్ని వున్నాయి. వాటి నిర్వహణ, స్ధితిగతులపై లోతైన చర్చ అనివార్యంగా కేరళ వరదలు ముందుకు తెస్తున్నాయి.  ఈ సంవ త్సరం ముందుగా అంచనా వేసిన ప్రకారం సాధారణ వర్షపాతం కాకుండా తీవ్రమైన వర్షపాతం వలన డ్యాంలో నిర్ణీత నీటి నిలకు మించి నీరు చేరిపోయింది. రెండు మూడు రోజుల వ్యవధిలోనే ఇడుక్కి ఆనకట్టలో సాధారణ వర్షపాతానికి రెండు మూడింతలు వుండడం వలన నీటి యాజమాన్యానికి అవకాశం లేకుండా పోయింది. కేరళలోని ఎక్కువ డ్యాంలు పశ్చిమ కనుమలలో నెలకొని వుండటం గమనార్హం. ప్రముఖ పర్యావరణ శాస్త్రవేత్త మాధవ్ గాడ్గిల్ 2011 లో పర్యావరణ, అటవీ మంత్రిత్వ శాఖల కోసం నివేదిక తయారు చేశారు. అందులో పశ్చిమ కనుమలలో మైనింగ్, డ్యాంల నిర్మాణం, నిర్వహణా నాణ్యతపై పలు ఆసక్తికర సూచనలు చేశారు. ఆ ప్రతిపా దనలను కేరళ రాష్ట్ర ప్రభుత్వంతో అభివృద్ధి నిరోధక ప్రతిపాదన లుగా భావించి తోసిపుచ్చింది. కేరళలో చిత్తడి నేలలో చేపడుతున్న భా రీ నిర్మాణాల భారం నదులపైన పడుతుందని మాధవ్ గాడ్గిల్ అభిప్రాయ పడుతున్నారు. ఖనిజ వనర్ల మైనింగ్ కార్యకలాపాలు వల్ల పశ్చిమ కనుమలలో కొండచరియలు విరిగిపడి వరద ప్రవాహానికి అ డ్డుపడి ప్రమాదకర పరిస్ధితులకు దారితీశాయి. పర్యావరణ సంబం ధిత సున్నిత ప్రాంతాలైన ఇడుక్కి, త్రిసూర్‌లలో ఎక్కువ నష్టం వాటి ల్లింది. మరిముఖ్యంగా పరిసర కొండల నుంచి నీటిని సంగ్రహించే స్ధలాకృతిలో వరిపొలాలు వుండేవి. ఇప్పుడు రబ్బరు చెట్లు పండించే ప్రాంతాలుగా మార్చబడ్డాయి. ఇనిస్టిట్యూట్ ఆఫ్ సస్టెయినబుల్ ఎనర్జీ అధిపతి పేర్కొంటున్నట్లు వరిపొలాల పునరుద్ధరణ జరగాల్సి వుంది. 2016లో బిహార్, 2006 సూరత్ వంటి వరదలు, ఆనకట్టల నిర్వహ ణా లోపాలవల్ల నష్టాలకు గురయ్యాయి. ఆనకట్టల భద్రతా నిబంధ నల ఉల్లంఘన కీలకాంశంగా కాగ్ నివేదిక పేర్కొంటుంది. 

ప్రపంచవ్యాప్తంగా పర్యావరణంలో చోటుచేసుకుంటున్న మార్పు లు మనం ప్రస్తావించుకోవాల్సి వస్తుంది. ఈ మార్పులు ఒక ప్రాం తానికో, ఒక రాష్ట్రానికో పరిమితమైనవి కాదు. పశ్చిమ కను మలలో నెలకొనివున్న దుర్బలమైన పర్యావరణ వ్యవస్ధను గుర్తించవలసిన అవసరం ఎంతైనా వుంది. విపరీతంగా కొండలను తవ్వి ఖనిజాలను వెలికితీయడం వల్ల ఈ ఒక్క ప్రకృతి వైపరీత్యానికే పన్నెండుచోట్ల కొండ చెరియలు విరిగి పడ్డాయి. పశ్చిమ కనుమలు పదహారు వందల కిలోమీటర్ల పొడవు కలిగిన కొండప్రాంతం. గాడ్గిల్ కమిటీ నివేదికలలో పేర్కొన్నట్లు అనేక పర్యావరణ సున్నిత మండలాలు వున్నాయి. (ఇయస్‌జడ్) ప్రాంతాల చుట్టూ వున్న కార్యకలాపాలను క్రమబద్ధీకరించడం, నిర్వహించడం ద్వారా రక్షిత ప్రాంతాలకు ‘షాక్ అబ్జార్చర్స్’ ఏర్పడతాయి. దుర్బలమైన పర్యా వరణ వ్యవస్ధను కాపాడటం కోసం ఈ ఇయస్‌జడ్‌లు ఉద్దేశింప బడినవి. అయితే మైనింగ్, కలుషిత పరిశ్రమలు, రైల్వేలైన్లతో సహా ఎత్తైన అభివృద్ధి  కార్యకలాపాలకు మండలాలలో కేంద్రప్రభుత్వం అనుమ తించదు. అంతేకాదు కొత్త ఆనకట్టలు, ధర్మల్ విద్యుత్ కేంద్రాలను కూడా ఈ ప్రాంతాలలో ఏర్పర్చకూడదు. ఎప్పుడైతే ఈ ప్రాంతాలను ప్రత్యేకంగా రక్షించడానికి రాష్ట్ర ప్రభుత్వం అంగీక రించలేదో ఈ సున్నిత ప్రాంతంలో తీవ్రమైన పర్యావరణ విధ్వంసం జరిగింది. మానవ జీవనానికే కాకుండా సమస్త జీవరాసుల మనుగడ పశ్చిమ కనుమలలో ఈ సంవత్సరం కురిసిన భారీ వర్షాల కారణంగా ప్రశ్నార్ధకంగా మారింది. స్వల్పకాలిక ప్రయోజనాల కోసం, పశ్చిమ కనుమలు దోపిడీకి గురికాబడుతూ వచ్చాయి. ఈ క్రమంలో ప్రస్తుతం కేరళ ఎదుర్కొంటున్న ప్రకృతి విధ్వంసాన్ని శాస్త్రీయంగా అధ్యయనం చేసి ఇదేవిధమైన విధ్వంసాన్ని గోవాలాంటి అనేక ప్రాంతాలలో నివారణా చర్యలకు తెరలేపవలసిన ఆవశ్యకత ఎంతైనా వున్నది. 2014-15 సంవత్సరాల్లో కేరళలో 5,924 గ్రానైట్ క్వారీలలో దాదాపు 40 శాతం పర్యావరణ సంబంధిత సున్నిత ప్రాంతాలలో వున్నట్లు తెలుస్తోంది. సున్నిత ప్రాంతాలలో క్వారీలకు అనుమతులివ్వడం ప్రకృతి వినాశనానికి పునాదులు వేయడంలో సమానం. 

జాతీయ విపత్తుల నిర్వహణా చట్టం కింద కేంద్ర, రాష్ట్ర ప్రభుత్వాల సమన్వయంతో విపత్తులను నినారించ వల్సివుంది. కిందిట సంవత్సరం విపత్తులు నిర్వహణలో ఆయా రాష్ట్రాలు పెడుతున్న ఖర్చును బట్టి కేటాయింపులు వుంటాయి. 2015 నుంచి 2020 వరకూ విపత్తు నిర్వహణకు కేవలం రూ.919 కోట్లు మాత్రమే, కేటాయింపు జరిగింది. ఎక్కువ ఉపద్రవాలు ఎదుర్కొంటున్న రాష్ట్రాలకు ఎక్కువ కేటాయింపులు, తక్కువ ఉపద్రవాలకు ఎదుర్కొంటున్న రాష్ట్రాలకు తగు మాత్రంలో కేటాయింపులు చేస్తారని ఏపీ ప్రభుత్వ మాజీ ప్రధాన కార్యదర్శి ఆర్.కృష్ణారావు పేర్కొంటున్నారు. ఎక్కువ కేటా యింపు చేసిన రాష్ట్రానికి ఆ ఏడు ఏ విపత్తు రాకపోతే కేటాయించిన నిధులను వెనుకకు తీసుకొని విపత్తును ఎదు ర్కొంటున్న రాష్ట్రాలకు ఆ కేటాయింపులు బదలాయించడం జరగాలి. అప్పుడే ఈ ఆర్ధిక కేటాయింపుల లక్ష్యం నెరవేరుతుంది. నష్టం వాటిల్లాక బావురుమనే కంటే ప్రకృతి వైపరీత్యాలు సంభవించే అవకాశాలను ముం దస్తు అంచనా వేస్తే ఎక్కువ శాతం ప్రాణ ఆస్తి నష్టాల్ని నివారించడానికి అవకాశం కలుగు తుంది. ఒక కేరళే కాదు దేశవ్యాప్తంగా చేపడు తున్న అన్ని అభివృద్ధి కార్యక్రమాలలో పర్యావరణ పరిక్షణ బాధ్యతతో జరగాలి. జీవజాతుల మనుగడను ప్రమాదం లోకి నెట్టే స్వల్ప కాలిక ఆర్ధిక ప్రయోజనాలను పక్కన పెట్టి పర్యావరణ పరిరక్షణ, పునరుద్ధరణకు కృష్టి చేద్దాం.



మోదీతో ప్రముఖ నటుడు మోహన్ లాల్ భేటీ

Updated By ManamTue, 09/04/2018 - 16:09
mohan lal met narendra modi

న్యూఢిల్లీ : ప్రముళ మలయాళ నటుడు మోహన్ లాల్ నిన్న (సోమవారం) ప్రధానమంత్రి నరేంద్ర మోదీని కలిశారు. ఇటీవల కురిసిన భారీ వర్షాలు, వరదలతో అతలాకుతలం అయిన కేరళ ఇప్పుడిప్పుడే తేరుకుంటోంది. ఈ నేపథ్యంలో నవ కేరళ నిర్మాణంపై నిర్వహించే ప్రపంచ మలయాళీ రౌండ్‌టేబుల్ సమావేశంలో పాల్గొనవలసిందిగా మోహన్ లాల్ ఈ సందర్భంగా ప్రధానిని కోరారు. 

కాగా సమావేశంలో పాల్గొంటానని ప్రధాని అంగీకరించినట్లు మోహన్ లాల్ ట్విట్టర్ ద్వారా తెలిపారు. కృష్ణాష్టమి రోజున ప్రధాని మోదీని కలిసినట్లు ట్వీట్‌ చేసిన మోహన్ లాల్ తాను నిర్వహించే విశ్వశాంతి ఫౌండేషన్ కార్యకలాపాల గురించి వివరించినట్టు పేర్కొన్నారు. అలాగే కేరళను అన్నివిధాలుగా సాయం చేస్తామని ప్రధాని హామీ ఇచ్చినట్లు తెలిపారు.

మరోవైపు మోహన్ లాల్ బీజేపీలో చేరతారనే ఊహాగానాలు వినిపిస్తున్నాయి. వచ్చే ఎన్నికల్లో ఆయన... కాంగ్రెస్ నేత, కేంద్ర మాజీమంత్రి శశి థరూర్ ప్రాతినిధ్యం వహిస్తున్న తిరువనంతపురం నియోజకవర్గం నుంచి బరిలోకి దిగుతారనే వార్తలు వెలువడుతున్నాయి. అయితే తన పొలిటికల్ ఎంట్రీపై మోహన్ లాల్ మాత్రం పెదవి విప్పడం లేదు.



కేరళకు ఏఆర్ రెహమాన్ భారీ విరాళం

Updated By ManamMon, 09/03/2018 - 15:22

AR Rahmanభారీ వర్షాలతో అతలాకుతలమైన కేరళ రాష్ట్రానికి సంగీత దిగ్గజం ఏఆర్ రెహమాన్ భారీ విరాళం అందించారు. తన బృందంతో కలిసి కోటి రూపాయలను కేరళ ముఖ్యమంత్రి సహాయనిధికి విరాళంగా ఇస్తున్నట్లు రెహమాన్ పేర్కొన్నారు. ప్రస్తుతం రెహమాన్ అమెరికాలో మ్యూజిక్ కన్సర్ట్స్ నిర్వహిస్తుండగా.. ఈ సందర్భంగా కేరళకు సాయం అందిస్తున్న విషయాన్ని వేదికపై ప్రకటించారు. ‘‘నేను, నా ఆర్టిస్టులు అమెరికా టూర్‌లో పాల్గొన్నాం. కేరళ వాసులకు మా వంతు సాయం చేశాం. ఈ చిన్న విరాళం మీకు కాస్త ఊరట ఇస్తుందని భావిస్తున్నా’’ అంటూ రెహమాన్ పోస్ట్ చేశారు. కాగా కేరళ కోసం అమెరికా కన్సర్ట్‌లో ఏఆర్ రెహమాన్ కేరళ కేరళ డోన్డ్ వర్రీ కేరళ.. కాలం మన నేస్తం అంటూ పాడి అందరిలో సామాజిక స్పృహను కలిపించిన విషయం తెలిసిందే. ఇదిలా ఉంటే చిరంజీవి, షారూక్ ఖాన్, అమితాబ్ బచ్చన్, కమల్ హాసన్, రజనీకాంత్, మమ్ముట్టి, ప్రభాస్, అల్లు అర్జున్, రామ్ చరణ్, మహేశ్ బాబు, విజయ్ దేవరకొండ, దుల్కర్ సల్మాన్, విజయ్ సేతుపతి, సిద్ధార్థ్, ధనుష్, అనుపమ పరమేశ్వరన్, విశాల్ తదితరుల సినీ ప్రముఖులకు కేరళకు విరాళాలు ఇచ్చిన విషయం తెలిసిందే. 

 



ఐదుగురు ఐసిస్ సానుభూతిపరుల అరెస్ట్

Updated By ManamMon, 09/03/2018 - 13:25

ISISకోయంబత్తూరు: వినాయకచవితి నాడు ఐదుగురు హిందూ అగ్ర నాయకులను హత్య చేసేందుకు కుట్ర పన్నిన ఐదుగురు ఐసిస్ సానుభూతిపరులను పోలీసులు అరెస్ట్ చేశారు. వీరందరూ ఓ పెళ్లికి హాజరైన సమయంలో వారిని అదుపులోకి తీసుకున్నారు. వారిని రెండు వారాల పాటు కస్టడీకి అనుమతించాలని ఈ సందర్భంగా పోలీసులు కోరగా., కోయంబత్తూరు కోర్టు అనుమతినిచ్చింది. అయితే వినాయక చవితి రోజు హిందూ మక్కల్ కచ్చి స్థాపకుడు అర్జున్ సంపత్‌తో పాటు మరో నలుగురు హిందూ అగ్రనాయకులను చంపాలని వీరు ప్రణాళిక వేసుకున్నారు.



కేరళలో ర్యాట్ ఫీవర్.. 15మంది మృతి

Updated By ManamMon, 09/03/2018 - 12:31

Rat Feverతిరువనంతపురం: భారీ వర్షాలతో అల్లకల్లోలమై, ఇప్పుడిప్పుడే కోలుకుంటున్న కేరళను అంటువ్యాధులు పట్టిపీడిస్తున్నాయి. వర్షం తరువాత అక్కడి ప్రజలను పలు అంటువ్యాధులు బాధపెడుతుండగా.. వాటిలో ర్యాట్ ఫీవర్ వలన ఇప్పటివరకు 15మంది మరణించారు. మరోవైపు 350మంది ఈ వ్యాధి బారిన పడ్డారని.. కోళికోడ్, మలప్పురం జిల్లాల్లోనే ఈ కేసులు ఎక్కువగా ఉన్నాయని వైద్యులు తెలిపారు.

దీనిపై మా్టాడిన ఆ రాష్ట్ర వైద్యాశాఖ మంత్రి కేకే శైలజ.. బాధితులు ఆందోళన చెందొద్దని, అన్ని హెల్త్ సెంటర్లు, ప్రభుత్వాసుపత్రుల్లో అవసరమైన మందుల్ని ఉంచామని పేర్కొన్నారు. కాగా అనారోగ్యం దృష్ట్యా కేరళ ముఖ్యమంత్రి పినరయి విజయన్ అమెరికాకు వెళ్లిన విషయం తెలిసిందే.



14 రోజుల్లో 713 కోట్లు

Updated By ManamTue, 08/28/2018 - 22:52
  • కేరళ వరద బాధితులకు విరాళాలు

  • సీఎం సహాయ నిధికి పంపిన దాతలు

  • కేంద్రం సాయం కంటే 20 శాతం ఎక్కువ

imageతిరువనంతపురం: వందేళ్లలో ఎన్నడూ చూడని భారీ వర్షాలు, వరదలతో అతలాకుతలమైన కేరళను ఆదుకునేందుకు ప్రపంచ వ్యాప్తంగా ముందుకొస్తున్నారు. కేరళ వరద బాధితుల కష్టాలు విని చలించిపోయి తమ వంతు సాయం చేస్తున్నారు. ఈ నెల 14 నుంచి 28వ తేదీ వరకూ అంటే 14 రోజుల్లోనే దేశ వ్యాప్తంగా వివిధ రాష్ట్రాల ప్రజలు, ఎన్‌ఆర్‌ఐలు.. కేరళ ముఖ్యమంత్రి సహాయ నిధికి (సీఎండీఆర్‌ఎఫ్) 713.92 కోట్ల రూపాయను పంపారు. 3 లక్షలా 91 వేల మందికి విరాళాలు పంపారు. కాగా కేంద్ర ప్రభుత్వం సాయం చేసిన మొత్తం కంటే ఇది 20 శాతం ఎక్కువ కావడం విశేషం. కేంద్రం రెండు విడతల్లో కేరళకు 600 కోట్ల సాయం మంజూరు చేసింది. ప్రజలు కొందరు వ్యక్తిగతంగా, మరికొందరు సంయుక్తంగా కేరళ సీఎం సహాయ నిధికి విరాళాలు పంపారు. విరాళాలు రోజు రోజుకూ పెరుగుతున్నాయి. 713.92 కోట్ల రూపాయలలో బ్యాంకుల ద్వారా 132.62 కోట్లు, ఆన్‌లైన్, పేటీఎం ద్వారా 43 కోట్లు, ఎస్‌బీఐలోని సీఎం సహాయ నిధి ఖాతాకు మరో 500 కోట్లకు పైగా విరాళాలు వచ్చాయి. ఇక కేరళ ముఖ్యమంత్రి కార్యాలయానికి ప్రజల నుంచి నగదు, చెక్‌లు, డ్రాఫ్టుల రూపంలో 20 కోట్ల రూపాయల నిధులు వచ్చాయి.

కేరళకు గూగుల్ 7 కోట్ల సాయం
కేరళకు గూగుల్ భారీ సాయం ప్రకటించింది. సహాయ పునరావాస కార్యక్రమాల కోసం రూ. 7 కోట్లు విరాళమిస్తున్నట్టు గూగుల్ ఇండియా అధికారి వెల్లడించారు. వరద భాదితులను ఆదుకునేందుకు ఉద్యోగులు కూడా పాలుపంచుకున్నారని తెలిపారు. కాగా కేరళ వరదల్లో అపార ఆస్తి, ప్రాణనష్టం జరిగిన సంగతి తెలిసిందే. వందలాది మంది మరణించగా, దాదాపు 20 వేల కోట్ల ఆస్తినష్టం జరిగినట్టు అంచనా.

కేరళ బాధితులకు 45 వేలు ఇవ్వండి.. అవినీతిపరులకు చండీగఢ్ కోర్టు ఆదేశం
కేరళను ఆదుకునేందుకు వివిధ రాష్ట్ర ప్రభుత్వాలు, ప్రజాప్రతినిధులు, ఉద్యోగులు, పిల్లలు, మహిళలు అన్ని వర్గాల ప్రజలు ముందుకొస్తుండగా.. చండీగఢ్ కోర్టు కూడా తన వంతుగా సాయపడింది. ఓ అవినీతి కేసులో అరెస్ట్ అయిన ముగ్గురు నిందితులు తలా 15 వేల రూపాయలు చొప్పున కేరళ ముఖ్యమంత్రి సహాయ నిధికి పంపాల్సిందిగా పంచకులలోని ప్రత్యేక సీబీఐ న్యాయస్థానం ఆదేశించింది. కేసు తదుపరి విచారణ అక్టోబరు 1 నాడు ఈ రశీదులును కోర్టుకు సమర్పించాలని ఆదేశించింది. సెంట్రల్ ఎక్సైజ్, ఆడిట్ శాఖకు చెందిన ముగ్గురు ఉద్యోగులు అనిల్ కుమార్, అజయ్ సింగ్, రవీందర్ దహియా ఓ కంపెనీ నుంచి లంచం తీసుకుంటుండగా గత ఫిబ్రవరిలో అరెస్ట్ చేశారు. ఈ కేసును పంచకుల సీబీఐ కోర్టు విచారిస్తోంది. 

కేరళలో రాహుల్ పర్యటన.. పునరావాస శిబిరాల్లో బాధితులకు పరామర్శ
కేరళ వరద ప్రభావ ప్రాంతాల్లో ఏఐసీసీ అధ్యక్షుడు రాహుల్ గాంధీ పర్యటించారు. విదేశీ పర్యటన ముగించుకునిimage సోమవారం నేరుగా తిరువనంతపురం వచ్చిన రాహుల్ రెండు రోజులు రాష్ట్రంలో పర్యటించారు. మంగళవారం అలప్పుజా జిల్లా చెంగనూరులోని సహాయ పునరావాస శిబిరాల్లో ఆశ్రయం పొందుతున్న వరద బాధితులను ఆయన పరామర్శించి, వారి కష్టాలు, సమస్యలను అడిగి తెలుసుకున్నారు. తిరువనంతపురం నుంచి ఆయన హెలీకాప్టర్‌లో చెంగనూరు చేరుకున్నారు. రాహుల్ వెంట కేరళ పీసీసీ అధ్యక్షుడు ఎంఎం హాసన్, ఆ రాష్ట్ర ప్రతిపక్ష నాయకుడు రమేశ్ చెన్నితాల తదితరులు ఉన్నారు. కేరళలోని వరద ప్రభావ ప్రాంతాల్లో రాహుల్ పర్యటించారు. వరద బాధితులు, మత్స్యకారులతో మాట్లాడారు. సహాయ కార్యక్రమాల్లో పాల్గొనాల్సిందిగా కాంగ్రెస్ పార్టీ శ్రేణులకు రాహుల్ సూచించారు. 

నేడు కోచి విమానాశ్రయం పునరుద్దరణ
imageకేరళలో భారీ వర్షా లకు మూత పడిన కోచి విమానాశ్రయం బుధ వారం పునఃప్రారంభం కానుంది. విమానాశ్ర యాన్ని పూర్తిగా తెరుస్తా మని అధికారులు వెల్లడించారు. విమానయాన సంస్థలకు ఈ మేరకు సమాచారం అందించి నట్లు తెలిపారు. చాలా వరకూ విమానయాన సంస్థలు సర్వీసు లను పునరుద్దరించనున్నాయి. దీంతో కేరళ వాసులకు, పర్యా టకులకు చాలా ఊరట కలగనుంది. ఇటీవల భారీ వర్షాలకు వరద ముంచెత్తడంతో విమానాశ్రయాన్ని తాత్కాలి కంగా మూసివేసిన సంగతి తెలిసిందే. దాదాపు 220 కోట్ల మేర నష్టం జరిగింది. 





Related News