kadiyam srihari

కులవృత్తులకు కేసీఆర్ ప్రోత్సాహం

Updated By ManamSun, 11/11/2018 - 06:39
  • గత ప్రభుత్వాలు గొల్ల, కురుమలను పట్టించుకోలేదు

  • 10వేల కోట్లతో గొర్రెల పంపిణీ జూ అపద్ధర్మ ఉప ముఖ్యమంత్రి కడియం శ్రీహరి

kadiyamవరంగల్: మీ ఉత్సాహం చూస్తుంటే ఈసారి లక్ష మెజారిటీతో వర్ధన్న పేట నియోజకవర్గం టీఆర్‌ఎస్ అభ్యర్థి ఆరూరి రమేష్‌న ను గెలిపిస్తరని ఆశిస్తున్నామని ఆపద్ధర్మ ఉప ముఖ్యమంత్రి కడియం శ్రీహరి చెప్పారు. ఐనవోలు మండలం పున్నెలు క్రాస్‌రోడ్ వద్ద గల సత్యం గార్డెన్‌లో ఏర్పాటు చేసిన గొల్లకురుమల ఆశీర్వాద సభలో కడియం శ్రీహరి, ఎంపీ పసునూరి దయాకర్, తాజా మాజీ ఎమ్మెల్యే, వర్ధన్నపేట టీఆర్‌ఎస్ అభ్యర్థి ఆరూరి రమేశ్ పాల్గొన్నారు. ఈ సందర్భంగా కడియం మాటా ్లడుతూ.. ఆరూరి రమేష్‌ను ఆశీర్వదించాలని వచ్చిన గొల్ల కురుమలందరికీ ప్రత్యేక కృతజ్ఞతలు తెలియజే శారు. చేతి కష్టం నమ్ముకొని జీవాలను కాపాడుకుంటూ బతికే వాళ్లు తప్ప మాట తప్పని వాళ్లు గొల్ల కురుమలని కడియం అన్నారు. తమ ఆశీర్వాదంతో ఆరూరి రమేశ్ మళ్లీ ఎమ్మెల్యేగా గెలుస్తారని కడియం ఆశించారు. గత ప్రభుత్వాలు గొల్లకురుమలనుపట్టించుకోకున్నా.. కేసీఆర్ గొల్ల కురుమలకు అధిక ప్రాధాన్యం ఇచ్చార న్నారు. నల్గొండజిల్లా నుంచి బడుగుల లింగయ్య యాదవ్‌ను రాజ్యసభ సభ్యుడిగా పంపారన్నారు. శ్రీనివాస్ యాదవ్ కు ప్రాధాన్యం ఇచ్చారన్నారు. వచ్చే జనవరిలో జరిగే ఐనవోలు మల్లన్న జాతరలో కమిటీలో యాదవలకు చైర్మన్ పదవి ఖాయం చేస్తామని కడియం హామీ ఇచ్చా రు. ఒక వైపు గొల్ల కురుమలకు రాజకీయ ప్రాధాన్యం కల్పిస్తూ.. కుల వృత్తులకు కూడా ప్రాధాన్యం కల్పిస్తూ 10 వేల కోట్లతో గొర్రెల పంపిణీ చేస్తున్నామని ఆయన వెల్లడించారు. గొర్రెలనునమ్ముకొనిఉన్నవారికి చేయూత ఇవ్వాలని మీ అందరికీ ఆర్థిక సాయం అందిస్తున్నామ న్నారు. రానున్న రోజుల్లో గొర్రెల పెంపకానికి కావాల్సిన 5 ఎకరాల భూమిని అందించడానికి కృషి చేస్తామని స్పష్టం చేశారు. హైదరాబా ద్‌లో గొల్ల కురుమల భవన నిర్మాణం కోసం నిధులు మంజూరు చేస్తామని హామీ ఇచ్చారు. రైతులకు 24 గంటల కరెంట్ ఇస్తున్న ఏకైక ప్రభుత్వం కేసీఆర్‌దే అని కడియం అన్నారు. నాణ్యమైన విద్యుత్‌తో పాటు లక్ష రూపాయల బ్యాంక్ రుణాలు మాఫీ చేస్తామన్నారు. అనేక రకాల సంక్షేమ పథకాలు అందిస్తున్నాం. 42 లక్షల మందికి ఆసరా పెన్షన్ ఇస్తున్నామని చెప్పారు. మళ్లీ అధికారం లోకి రాగానే జనవరి నుంచి పెన్షన్ రెట్టింపు చేస్తాం. నిరుద్యో గులకు, వికలాంగులకు, వృద్ధులకు, వితంతువులకు, చేనేత, గీత కార్మికులకు పెన్షన్ ఇస్తమని కడియం తెలిపారు. కల్యాణ లక్ష్మీ ద్వారా పేద ఆడపిల్ల పెండ్లి కోసం లక్ష నూట పదహారు రూపాయలు ఇస్తు న్నాం. గర్భిణీ మహిళల కోసం నగదుతో పాటు కేసీఆర్ కిట్ అందిస్తున్నామన్నారు. రాబోయే రోజుల్లో 60 వేల కోట్ల రూపాయలు సంక్షేమం కోసం ఖర్చు పెట్టబోతు న్నాం.. అందుకే నిండు మనసుతో పెద్ద సంఖ్యలో టీఆర్‌ఎస్ పార్టీని ఆశీర్వదించాలి..కడియం  కోరారు. 

గొల్ల, కురుమల అభివృద్ధికి కృషి చేస్తా..
అరూరి రమేష్ మాట్లాడుతూ వర్ధన్నపేట  నియోజక వర్గంలోని గొల్ల, కురుమలు నిండు మనసుతో ఆశీర్వదిం చడానికి వచ్చిన వారికి ప్రత్యేక కృతజ్ఞతలు తెలిపారు. 2018లో మళ్లీ గెలిపించాలని కోరారు. గత 60ఏళ్లలో ఏ ప్రభుత్వం కూడా గొల్ల, కురుమలు గురించి పట్టించుకున్న పాపానపోలేదని అన్నారు. టీఆర్‌ఎస్ పార్టీ అధికారంలోకి వచ్చి గొల్ల, కురుమలకు అధిక ప్రాధాన్యం కల్పించారనిఅన్నారు. అలాగే కులవృత్తులు ప్రోత్సహిస్తూ అందరికీ గొర్రెల పంపిణీ చేసిన ప్రభుత్వం కేసీఆర్ ప్రభుత్వమని, మళ్ళీ మీరు ఆశీర్వదించి అసెంబ్లీకి పంపితే వర్ధన్న పేట అభివృద్ది కోసం కృషి చేస్తానని హామీ ఇచ్చారు. ఈ సభలో గొల్ల, కురుమల కార్పొరేషన్ చైర్మన్ రాజయ్య యాదవ్, రైతు సమన్వయ కమిటీ కన్వీనర్ లలితా యాదవ్, అధికసంఖ్యలో గొల్ల, కురుమలు పాల్గొన్నారు.



ఏ గట్టునుంటారో తేల్చుకోండి

Updated By ManamFri, 10/26/2018 - 01:15
  • అవినీతి, అక్రమాలు ఒకవైపు.. అభివృద్ధి, సంక్షేమం మరోవైపు

  • పెద్ది సుదర్శన్‌రెడ్డిని ఆశీర్వదించాలి

  • మాదిగ ఆత్మగౌరవ సభలో కడియం

kadiyamవరంగల్: ఒకవైపు అవినీతి, అక్రమాలు, దోపిడీలు, భూ కబ్జాలు, రౌడీయిజం, గుండాయిజం... మరోవైపు  అభివృద్ధి, సంక్షేమం, సంక్షేమ పథకాలు.. ఏ గట్టున ఉంటారో ప్రజలు నిర్ణయించుకోవాలని ఆపద్ధర్మ ఉప ముఖ్యమంత్రి కడియం శ్రీహరి అన్నారు.  వరంగల్ రూరల్ జిల్లా నర్సంపేట నియోజక వర్గంలో మాదిగ మహారాజుల ఆత్మగౌరవ సభలో గురువారం ఉప ముఖ్యమంత్రి కడియం శ్రీహరి మాట్లాడారు. మాదిగలు అంతా ఏకమై ఇంతపెద్ద ఎత్తున ఒక అభ్యర్థి కోసం ఒక వేదిక మీదకు రావడం గతంలో ఎన్నడూ జరగలేదన్నారు. ఈ మాదిగ సభను చూస్తే ప్రతిపక్షాల గుండెళ్లో రైళ్లు పరుగెడుతాయన్నారు. ఇక్కడకు వచ్చిన వారు గళమెత్తితే కాంగ్రెస్ వాళ్ల గుండెలు జారి పోతాయన్నారు. పెద్ది సుదర్శన్ రెడ్డి గెలుపును ఇక ఎవరూ అడ్డుకోలేరన్నారు. బాబాసాహెబ్ అంబేద్కర్, బాబూ జగ్జీవన్ రామ్ పుణ్యం వల్లే తాను ఉప ముఖ్యమంత్రి స్థాయిలో ఉన్నానని కడియం  చెప్పారు. వాళ్లు చూపిన మార్గంలో నడవాలని, వారి ఆశయ సాధన కోసం పనిచేయాలన్నారు. ప్రపంచమే ఆశ్చర్యపోయి, ప్రశంసించిన గొప్ప మేథావి అంబేద్కర్ మన జాతివాడు కావడం గర్వించదగిన అంశమన్నారు. తెలంగాణ రాష్ట్రం వచ్చాక ిసీఎం కేసీఆర్ గారు అంబేద్కర్ ఆశయాల కోసం పనిచేస్తున్నారని చెప్పారు.  పెద్ది సుదర్శన్ రెడ్డి కొన్ని కారణాల వల్ల గత ఎన్నికల్లో ఓడిపోయినా ఏ మాత్రం నిరాశపడకుండా నర్సంపేట అభివృద్ధే లక్ష్యంగా పనిచేశారన్నారు. గెలిచిన అభ్యర్థుల కంటే ఎక్కువగా నర్సంపేటకు సంక్షేమ, అభివృద్ధి పథకాలను, నిధులను తీసుకొచ్చారన్నారు. నియోజకవర్గం కోసం కష్టపడిన పెద్దిని ఆశీర్వదించి గెలిపించాలని కోరారు. మనల్ని మోసం చేయడానికి మహాకూటమి పేరుతో దగా కూటమి వస్తుందని, వారిని ఎట్టి పరిస్థితుల్లో నమ్మొద్దని ప్రజలను కోరారు. 

   వరంగల్ జిల్లాలో తెలంగాణ ఉద్యమానికి, తనకు విడదీయరాని సంబంధముందని, కానీ కొంతమంది కుట్రలు, రాజకీయాల వల్ల తెలంగాణ రాష్ట్ర మొదటి అసెంబ్లీలో అడుగుపెట్టలేకపోయాయనని టీఆర్‌ఎస్ నర్సంపేట అభ్యర్థి పెద్ది సుదర్శన్ రెడ్డి అన్నారు. సీఎం కేసీఆర్ నర్సంపేటకు వడ్డించడానికి సిద్ధంగా ఉన్నా... ఇక్కడ దానిని మీకు అందించేందుకు తనకు అవకాశం లేకుండా పోయిందని ఆవేదన చెందారు. ఎమ్మెల్యేగా లేనప్పటికి తన సాయశక్తులా నియోజక వర్గానికి సంక్షేమ, అభివృద్ధి పథకాలు తీసుకొచ్చానని చెప్పారు. అయితే మీ ఓట్లతో గెలిచిన వారు నియోజకవర్గం అభివృద్ధి చెందుతుంటే అడ్డుకునే ప్రయత్నం చేశారని, ఫలితంగా అనేక సంక్షేమ కార్యక్రమాలు అందరికీ అందకుండా పోతున్నాయని చెప్పారు. ఈ సారి మీరు ఆశీర్వదించి గెలిపిస్తే నర్సంపేటను గొప్పగా అభివృద్ధి చేసి చూపుతానని అన్నారు. మహకూటమి పేరుతో సిద్ధాంతాలు లేని పార్టీలన్నీ ఏకమయ్యాయని ఎంపీ సీతారాం నాయక్ విమర్శించారు. ఉమ్మడి ఆంధ్రప్రదేశ్ రాష్ట్రాన్ని 17 ఏళ్లు పాలించిన టీడీపీ కనీసం 17 సీట్లు కూడా కూటమిలో అడిగే పరిస్థితి లేదని, ఇక వారికి ఓటు అడిగే హక్కు లేదన్నారు. ఈ కూటమి తెలంగాణ అభివృద్ధిని అడ్డుకునే కూటమని, దానిని దగ్గరకు రానివ్వద్దని పిలుపునిచ్చారు.



ఎస్సీ, ఎస్టీల కోసం ప్రత్యేక మేనిఫెస్టో

Updated By ManamTue, 10/23/2018 - 06:58
  • అణగారిన ప్రజలను ఆదుకోవాలన్నదే టీఆర్‌ఎస్ లక్ష్యం

  • టీఆర్‌ఎస్ పార్టీకి దళిత వర్గాల సంపూర్ణ మద్దతు.. కడియం నేతృత్వంలో మేనిఫెస్టో కమిటి నేతల భేటీ

kadiyamహైదరాబాద్: ఎస్సీ, ఎస్టీల అభివృద్ధిపై ప్రత్యేక దృష్టి సారించాలని టీఆర్‌ఎస్ నిర్ణయించింది. ఈ వర్గాలను ఆకట్టుకొనేందుకు మేనిఫెస్టోలో సరి కొత్త హామీలు ఇవ్వాలని భావిస్తోంది. పార్టీ అధినేత కేసీఆర్ ఆలోచన మేరకు ఉపముఖ్యమంత్రి కడియం శ్రీహరి నేతృత్వంలో పలువురు మంత్రులు భేటీ ఆయ్యారు. ఇప్పటికే అమలు జరుపుతున్న పథకాలు, రాబోవు కాలంలో ఈ వర్గాలకు అందుబాటులోకి తేవల సిన సౌకర్యాలు, కల్పించాల్సిన పరపతి, జీవనోపాధి, జీవన ప్రమాణాల పెంపు కోసం తీసుకోవలసిన చర్యల గురించి చర్చించారు. ఆర్థ్ధిక మంత్రి ఈటెల రాజేందర్, పార్లమెంటు సభ్యులు బండా ప్రకాశ్,  సీతారాం నాయక్, గోడమ్ నగేష్, పసునూరి దయాకర్, మాజీ మంత్రి పి. రా ములు, టీఎస్‌ఐఐిసీ చైర్మన్ గ్యాదరి బాల మల్లు, మాజీ ఎమ్మెల్యేలు ఎర్రబెల్లి దయాకర్ రావు, ఆరూరి రమేష్ తదితరులు సమావేశం లో పాల్గొన్నారు. మేనిఫెస్టోలో చేర్చవలసిన అంశాలను చర్చించారు. నిరుద్యోగులైన ఎస్సీ, ఎస్టీ యువతకు ఉపాధి కల్పించడంపై ప్రధానంగా చర్చ జరిపారు. నిరుద్యోగ యువతకు ఉపాధి కోసం బ్యాంకులతో సంబంధం లేకుండా నేరుగా ప్రభుత్వమే ఆర్థ్ధిక సాయం అందచే యడం, గిరిజన గ్రామ పంచాయతీల సమగ్రాభివృద్ధి కోసం ప్రత్యేక కార్పోరేషన్ ఏర్పాటు చేయడం, 2011 జనాభా లెక్కల ప్రకారం ఎస్సీ, ఎస్టీల రిజర్వేషన్లను పెంచడం, తెలంగాణ జీవిత బీమా పేరిట ఎస్సీ, ఎస్టీ కు టుంబాలకు జీవిత బీమా పథకం వర్తింపచేయడం లాంటి అంశాలను మేనిఫెస్టోలో చేర్చవలసి ఉందని అభిప్రాయప డ్డారు. తాము గుర్తించిన అంశాలను ముఖ్యమంత్రి కేసీఆర్ దృష్టికి తేవడంతో పాటుగా సమగ్ర చర్చ జరిపి మేనిఫెస్టోలో చేర్చడం జరుగుతుందని మంత్రులు తెలిపా రు. ముందస్తు ఎన్నికల్లో ఎస్సీ, ఎస్టీలను ఆకట్టుకోవడం, ముఖ్యంగా విద్యావంతులైన నిరుద్యోగులకు ఉపాధి భరోసా కల్పించడం, ఈ వర్గాల జీవన ప్రమాణాలను పెంచడానికి మెరుగైన పథకాలను అమలు జరపడం అత్యంత ప్రధానం అని భావించారు. మధిర, సత్తుపల్లి, వైరా, మానుకొండూరు, చొప్పదండి, చేవెళ్ల, వికారాబాద్, ఆందోల్, జహీరాబాద్, చెన్నూరు, బెల్లంపల్లి, ఆసిఫాబాద్, ఖానాపూర్, బోద్, నకిరేకల్, తుంగతుర్తి, జుక్కల్, మహ బూబాబాద్, వర్ధన్నపేట, ములుగు వంటి  ఎస్సీ, ఎస్టీ నియోజక వర్గాల్లో టీఆర్‌ఎస్ అభ్యర్థ్ధులను గెలిపించుకో వడానికి పార్టీ వ్యూహాత్మకంగా వ్యవహరిస్తుంది. 119 అసెంబ్లీ నియోజక వర్గాలకు గాను 18 ఎస్సీ, 9 ఎస్టీ రిజర్వుడు నియోజకవర్గాలు ఉన్నందున, ఆయా వర్గాల మద్దతు కూడగట్టేందుకు చర్యలు తీసుకుంటుంది. 

దళిత బలహీన వర్గాల రిజర్వేషన్ పోరాట సమితి
దళిత బలహీన వర్గాల కోసం టీఆర్‌ఎస్ పార్టీ చేస్తున్న కృషికి తాము పూర్తి మద్దతు ప్రకటిస్తున్నట్లు దళిత బల హీన వర్గాల రిజర్వేషన్ పోరాట సమితి ప్రకటించింది. ఈ మేరకు కడియం శ్రీహరిని ఆయన నివాసంలో కలిసి సోమ వారం మద్దతును తెలిపింది. టీఆర్‌ఎస్ పార్టీ అభ్యర్థుల గెలుపు కోసం రాష్ట్ర వ్యాప్తంగా తాము ప్రత్యక్షంగా పనిచే స్తామని సమితి వ్యవస్థాపక అధ్యక్షుడు, దళిత రత్న అందె రవి మాదిగ హామీ ఇచ్చారు. దళితుల అభివృద్ధి టీఆర్‌ఎస్ తోనే సాధ్యమవుతుందని తాము సంపూర్ణంగా నమ్ముతు న్నామని, అందుకే పూర్తిగా మద్దతు తెలుపుతున్నా మన్నారు. దళితులకు ఇంకా మేలు చేసేందుకు రిజర్వేషన్ల శాశ్వత చట్టం తీసుకొచ్చేందుకు కృషి చేయాలని కోరారు. ప్రైవేట్ రంగంలో దళితులకు రిజర్వేషన్లు అమలు చేయా లని, జనాభా నిష్పత్తి ప్రకారం విద్య, ఉద్యోగ, రాజకీయ రంగాల్లో రిజర్వేషన్లు కల్పించాలని కోరారు. కడియంను కలిసిన వారిలో సమితి సభ్యులు నల్లబెల్లి సుధీర్, రేనుకుంట్ల కవిత, గనిపాక శారద, అంకం బాబురావు, మాదాసు మంజుల, మహ్మద్ రఫీ తదితరులున్నారు.

తెలంగాణ ఎస్సీ బుడగ జంగాల హక్కుల పోరాట సమితి 
ఇక, దళిత ఉప కులాల విద్య, ఉపాధి, రాజకీయ, ఆర్ధిక అభివృద్ధి కోసం ప్రత్యేక కార్పోరేషన్ ఏర్పాటు చేయాలని తెలంగాణ ఎస్సీ బుడగ జంగాల హక్కుల పోరాట సమితి వర్కింగ్ ప్రెసిడెంట్, జిడబ్ల్యుఎంసీ కార్పోరేటర్ చింతల యాదగిరి టీఆర్‌ఎస్ పార్టీ ఎస్సీ, ఎస్టీ మేనిఫెస్టో కమిటీకి వినతిపత్రం సమర్పించారు. డాక్టర్ బాబా సాహెబ్ బీఆర్ అంబేద్కర్ అందించిన రిజర్వేషన్ ఫలితాలు అందరికీ సమానంగా అందాలంటే ఈ ఉప కులాలకు ప్రత్యేక కార్పోరేషన్ ఏర్పాటు వల్లే సాధ్యమవుతుందని వినతిపత్రంలో పేర్కొన్నారు. అందరితో సమానంగా అభివృద్ధి చెందాలంటే నిర్ణయాత్మక శక్తిగా ఎదగాలని, ఇందుకోసం ఉప కులాలకు చట్టసభల్లో ప్రవేశించేందుకు ప్రత్యేకంగా సీట్లు ఇచ్చే విధంగా నిర్ణయం తీసుకోవాలన్నారు.



పార్టీ మారడం పచ్చి అబద్ధం

Updated By ManamFri, 10/19/2018 - 15:55
kadiyam srihari reacts on rumours of joining in Congress party

వరంగల్ : తాను పార్టీ మారుతున్నట్లు వస్తున్న వార్తలను తెలంగాణ ఉప ముఖ్యమంత్రి కడియం శ్రీహరి ఖండించారు. తానుగానీ, తన కుమార్తె కావ్యగానీ కాంగ్రెస్ పార్టీలో చేరబోవటం లేదని ఆయన స్పష్టం చేశారు. తాను నిబద్ధతతో టీఆర్ఎస్‌లో పని చేస్తున్నానని కడియం పేర్కొన్నారు. 
తాము పార్టీని వీడటం లేదని, టీఆర్ఎస్‌లోనే కొనసాగుతున్నామని తెలిపారు.

తనపై కావాలనే కొందరు పార్టీ మారుతున్నట్లు అసత్య ప్రచారం చేస్తున్నారని ఆయన ఆరోపించారు. అలాంటివారిపై పరువునష్టం దావా వేస్తానని కడియం శ్రీహరి హెచ్చరించారు. కాగా అసెంబ్లీ ఎన్నికల నేపథ్యంలో తన కుమార్తెకు టికెట్ ఇవ్వకపోవడంతో అసంతృప్తిగా ఉన్న కడియం పార్టీ మారతారంటూ పెద్ద ఎత్తున ప్రచారం జరుగుతున్న విషయం తెలిసిందే.



కేసీఆర్ మళ్లీ సీఎం అయితడు

Updated By ManamFri, 10/12/2018 - 01:24
  • రాజయ్య గెలుపుకోసం సమిష్టిగా పనిచేయాలి

  • నా పూర్తి సహాయ, సహకారాలుంటాయి

  • స్టేషన్ ఘన్‌పూర్ నియోజకవర్గం మన అందరిదీ

  • వరంగల్ లో పార్టీ సమావేశంలో కడియం 

kadiyamవరంగల్: స్టేషన్ ఘన్‌పూర్ నియోజకవర్గంలో టీఆర్‌ఎస్ పార్టీని ఘన విజయంతో గెలిపించేందుకు గురువారం హన్మకొండలోని హరిత హోటల్ లో ఆపద్ధర్మ ఉప ముఖ్యమంత్రి, విద్యాశాఖ మంత్రి కడియం శ్రీహరి, స్టేషన్ ఘన్‌పూర్ అభ్యర్థి డాక్టర్ తాటికొండ రాజయ్య, టీఆర్‌ఎస్ పార్టీ ప్రధాన కార్యదర్శి, ఉమ్మడి వరంగల్ జిల్లా పరిశీలకులు, టిఎస్‌ఐఐసి చైర్మన్ బాలమల్లు, గ్రేటర్ హైదరాబాద్ మునిసిపల్ కార్పోరేషన్ మేయర్ బొంతు రామ్మోహన్, ఎంపీలు బండ ప్రకాశ్, సీతారాం నాయక్, పసునూరి దయాకర్, తదితర పార్టీ నేతలు సమావేశమయ్యారు. ఈ సమావేశంలో పార్టీ ప్రకటించిన అభ్యర్థి డాక్టర్ రాజయ్య గెలుపు కోసం అందరూ కృషి చేయాలని నిర్ణయించారు. ఈ సందర్భంగా ఏర్పాటుచేసిన సమావేశంలో కడియం శ్రీహరి మాట్లాడుతూ  స్టేషన్ ఘన్పూర్ లోకూడా కొంతమంది అభ్యర్థిని మార్చాలని డిమాండ్ చేశారు. బహుశా కడియం శ్రీహరి ఘన్‌పూర్  టికెట్ కు ఆశపడు తున్నారు, ఆయన కుమార్తెకు టికెట్ ఇప్పించాల నుకుంటున్నారు అని అనుకుంటున్నారు. కానీ ఇది నిజం కాదు. దీనికి సాక్ష్యం అభ్యర్థి రాజయ్యే.  ఆరునెలల ముందే స్టేషన్ ఘన్పూర్ నుంచి తాను పోటీ చేయదల్చుకోలేదు మంత్రి కేటిఆర్ కు చెప్పాను. ఈ విషయం రాజయ్యకు చెప్పమని కూడా అన్నాను. కాకపోతే రాజయ్య కొన్ని పద్దతులు మార్చుకొని అందరిని కలుపుకుని వెళ్లాలన్నాను. రాజయ్య కు కూడా ఇది స్వయంగా చెప్పాను. స్టేషన్ ఘన్పూర్ టికెట్ మీదే అని చెప్పాను. మళ్లీ పోటీ చేసేది మీరే అని చెప్పాను. అయితే అందరిని కలుపుకుని వెళ్లే ప్రయత్నం చేయండి, మీపై వస్తున్న ఆరోపణలు కూడా తగ్గించుకునే ప్రయత్నం చేయండి అన్నాను. ఇప్పటి వరకు జరిగిందేదోజరిగింది . ఇప్పుడు కేసిఆర్ నాయకత్వంలో మనమందరం పనిచేయాలి. కష్టపడి సాధించుకున్న తెలంగాణలో మళ్లీ సిఎం కేసిఆర్ అయితేనే రాష్ట్రం భారతదేశంలో అన్ని రంగాల్లో ప్రథమస్థానంలో ఉంటుంది. ఏ చిన్న పొరపాటు జరిగినా , ఏ ఒక్క నియోజకవర్గంలో ఫలితాలు తారు మారు అయినా నష్టపోయేది టిఆర్‌ఎస్ పార్టీ, తెలంగాణ రాష్ట్రం అని గుర్తు పెట్టుకుని పనిచేయాలి అని అన్నారు.

పార్టీని వీడేది లేదు.... 
స్టేషన్ ఘన్‌పూర్ నియోజకవర్గంలో కొంతమంది నా దగ్గరకు వచ్చి పోటీ చేయండి అని ఒత్తిడి చేసినా.. నేను పోటీ చేయడం లేదని వారికి చెప్పాను. పార్టీ ప్రకటించిన అభ్యర్థికి సహకరించాలని చెప్పాను. నామీద కూడా కొన్ని వార్తలు కావాలని ప్రచారంలో పెట్టారు. నా జీవితంలో ఇప్పటి వరకు కాంగ్రెస్ పార్టీకి ఓటు వేయలేదు. పడనివాళ్లు కావాలని ప్రచారం చేశారు. నేను టిఆర్‌ఎస్ పార్టీలో ఉంటాను, కేసిఆర్ నాయకత్వంలో ఉంటాను. టిఆర్‌ఎస్ పార్టీ నాకు బ్రహ్మండమైన అవకాశం ఇచ్చింది, ఎంపీగా ఉన్న నన్ను ఉప ముఖ్యమంత్రిని చేసింది, బ్రహ్మండమైన గౌరవం ఇచ్చింది, కాబట్టి నేను రెండో ఆలోచన చేయనని చెప్పాను. ఆ రోజు కేటిఆర్ సమక్షంలో చెప్పాను, నేడు మళ్లీ అదే చెబుతున్నాను.నా మీద ప్రేమ ఉంటే, టిఆర్‌ఎస్ పార్టీ బతకాలని ఉంటే, కేసిఆర్ పై విశ్వాసం ఉంటే రాజయ్య గారి అభ్యర్థిత్వాన్ని బలపర్చి గెలిపించుకోవాల్సిన అవసరం ఉంది. 

సమిష్టి కృషితో రాజయ్యను గెలిపించండి
ప్రజలకు కేసిఆర్ పై నమ్మకం ఉంది. ప్రజలకు టిఆర్‌ఎస్ ప్రభుత్వంపై నమ్మకం ఉంది. మనం ప్రవేశపెట్టిన అభివృద్ధి, సంక్షేమ పథకాలు దేశానికే ఆదర్శంగా ఉన్నాయి. కళ్యాణలక్ష్మీ, కేసిఆర్ కిట్, రైతు బీమా, రైతు బంధు, 24 గంటల కరెంటు గురించి దేశంలో ఇప్పటి వరకు ఎవరు ఆలోచించలేదు మన ముఖ్యమంత్రి కేసిఆర్ తప్ప.  ఇవన్నీ ఉండగా ఎదుటివాళ్ల ముందు మనం బొర్ల బొక్కల పడాలా? ఒక్కసారి ఆలోచించాలి. కడియం శ్రీహరికి, రాజయ్యకు గౌరవం ఉంది అంటే టిఆర్‌ఎస్ పార్టీలో ఉండడం వల్లే. ముఖ్యమంత్రి కేసిఆర్ కల్పించడం వల్ల ఈ గౌరవం లభించింది. మీరు కల్పించిన గౌరవం ఇది. అందుకే మీకు చేతులెత్తి నమస్కారం చేసి చెబుతున్నా కేిసీఆర్ గారు మళ్లీ ముఖ్యమంత్రి కావాలనుకుంటున్న వాళ్లు, మళ్లీ టిఆర్‌ఎస్ ప్రభుత్వం రావాలనుకుంటున్న వాళ్లు, కడియం శ్రీహరి అంటే, రాజయ్య అంటే అభిమానం ఉన్నవాళ్లు సమిష్టిగా, సమన్వయంతో ప్రతి గ్రామంలో, బూత్ స్థాయిలో కలిసి పనిచేస్తేనే రాజయ్యకు విజయం వస్తుంది. అందరం కలిసి పనిచేద్దాం, మీ కష్టసుఖాల్లో నేనుంటాను అనే నమ్మకాన్ని కలిగించాలి. ఆ నమ్మకాన్ని కల్పిస్తే మన కోసం పనిచేస్తారు. ఈరోజు వచ్చిన కార్యకర్తలందరూ టిఆర్‌ఎస్ పార్టీ కార్యకర్తలు. వీరంతా రేపు ఎన్నికల్లో సొంత ఖర్చులు పెట్టుకుని పనిచేస్తారు. లక్ష నుంచి 5 లక్షల రూపాయల వరకు ఖర్చు పెట్టుకుని పనిచేస్తారు. కానీ వారందరికీ మళ్లీ మనం మేలు చేయగలమా?, పదవులు ఇవ్వగలమా? ఇవ్వలేము. కానీ వారిని గౌరవంగా చూసి పలకరిస్తే చాలు.  స్టేషన్ ఘన్పూర్ నియోజకవర్గంలో టిఆర్‌ఎస్ పార్టీకి తిరుగులేదు. ఈరోజు కాంగ్రెస్ పార్టీలో ప్రతి ఒక్కరు నాకంటే, నాకు టికెట్ కావాలని కొట్లాడుతున్నారు. వారు గెలుస్తారేమోనని వారికి ఏదో నమ్మకం ఉంది. కానీ మనందరం కలిస్తే కాంగ్రెస్ పార్టీకి డిపాజిట్ కూడా రాదు. కేసిఆర్ నాయకత్వంలో 2014 ఎన్నికల్లో స్టేషన్ ఘన్పూర్ నియోజకవర్గంలో కాంగ్రెస్ పార్టీకి డిపాజిట్ రాలేదు. 2018 డిసెంబర్ 7న జరిగే అసెంబ్లీ ఎన్నికల్లో ఇతర పార్టీలకు డిపాజిట్ రాకుండా చేసి మన ఐక్యతను, సత్తాను చాటుకోవాలి. టిఆర్‌ఎస్ పార్టీ అభ్యర్థి డాక్టర్  రాజయ్య గారికి నా పూర్తి సహాయ సహకారాలుంటాయి. ఇందులో ఎవ్వరికి ఏ రకమైన అనుమానాలు అవసరం లేదు. వందకు వంద శాతం నాపూర్తి సహకారం రాజయ్యకు ఉంటుంది. డిసెంబర్ 7వ తేదీన జరిగే అసెంబ్లీ ఎన్నికల్లో స్టేషన్ ఘన్‌పూర్ నియోజక వర్గం నుంచి మన అభ్యర్థి డాక్టర్ రాజయ్య గారి కారు గుర్తుకు ఓటేసి గెలిపించాలని అందరికీ చేతులెత్తి నమస్కరిస్తున్నాను అని తమ ప్రసంగం ముగించారు కడియం శ్రీహరి. 



స్టేషన్ ఘనాపూర్ రాజయ్యకే ఖరారు

Updated By ManamMon, 10/01/2018 - 18:44
TRS Leaders & Followers Protest Against Rajaiah

హైదరాబాద్ : ‘స్టేషన్ ఘనాపూర్’ అభ్యర్థిత్వం వివాదం ఎట్టకేలకు ఓ కొలిక్కి వచ్చింది. టీఆర్ఎస్ అధిష్టానం స్టేషన్ ఘనాపూర్ టికెట్‌ను తాటికొండ రాజయ్యకే ఖరారు చేసింది. స్టేషన్ ఘనాపూర్ స్థానిక నేతలతో కేటీఆర్ సుమారు మూడు గంటల పాటు భేటీ అయ్యారు. వారిని బుజ్జగించి, ఎలాగైతేనేమీ రాజయ్య అభ్యర్థిత్వానికి ఒప్పుకునేలా చేశారు.

కాగా టీఆర్‌ఎస్ అధ్యక్షుడు 105మంది అభ్యర్థులను ప్రకటించిన విషయం తెలిసిందే. స్టేషన్ ఘనాపూర్ అభ్యర్థిగా రాజయ్య పేరును ప్రకటించడంతో నియోజకవర్గ నేతలు మాత్రం ...ఆయనను మార్చాల్సిందేనని  పట్టుబట్టారు. రాజయ్యను ఎట్టి పరిస్థితుల్లో ఒప్పుకునేది లేదని స్పష్టం చేశారు. ఆయనకు కాకుండా ఎవరికి టికెట్ ఇచ్చినా తమకు అభ్యంతరం లేదని చెప్పారు.

దీంతో అభ్యర్థి మార్పు ‘పంచాయితీ’ ఎట్టకేలకు పార్టీ అధిష్టానం వద్దకు చేరింది. దీంతో స్టేషన్ ఘనాపూర్ నేతలు సోమవారం మంత్రి కేటీఆర్‌తో భేటీ అయ్యారు. సుమారు మూడు గంటల పాటు జరిగిన సమావేశంలో అసమ్మతి నేతలను బుజ్జిగించారు. రాజయ్య గెలుపుకు సమిష్టిగా పనిచేస్తామని వారి వద్ద నుంచి కేటీఆర్ హామీ తీసుకున్నారు.

కాగా స్టేషన్ ఘనాపూర్ నియోజకవర్గంలో టీఆర్‌ఎస్‌ ప్రకటించిన అభ్యర్థిత్వాన్ని వ్యతిరేకిస్తూ పలువురు నాయకులు పార్టీలో ధిక్కార స్వరాన్ని వినిపిస్తున్నారు. ఆపద్ధర్మ డిప్యూటీ సీఎం కడియం శ్రీహరి వర్గీయులు ఒక వర్గంగా విడిపోగా మరో అసమ్మతి నేత రాజారపు ప్రతాప్‌ వర్గీయులు మరో వర్గంగా విడిపోయారు.

అయితే కడియం వర్గీయులు అభ్యర్థిని మార్చాలని డిమాండ్‌ చేస్తుండగా ప్రతాప్‌ మాత్రం తానే బరిలోకి దిగుతానని బహిరంగంగానే ప్రకటించారు. దీంతో ఘన్‌పూర్‌లోని వర్గపోరు టీఆర్‌ఎస్‌ శ్రేణులను ఉక్కిరిబిక్కిరి చేసింది.



అన్నీ సర్దుకుంటాయి

Updated By ManamSun, 09/16/2018 - 01:23
  • ఉపముఖ్యమంత్రి కడియం శ్రీహరి

kadiyamహైదరాబాద్: కష్టపడి తెచ్చుకున్న తెలంగాణ మరింత అభివృద్ధి చెందాల్సిన అవసరం ఉందని ఉప ముఖ్యమంత్రి కడియం శ్రీహరి అన్నారు. చిన్న చిన్న మనస్పర్ధలు ఉన్నా ముఖ్యమంత్రి కేసీఆర్‌ను, తెరాస పార్టీనినమ్మి అభ్యర్దులను గెలిపించాలని కోరారు. శనివారం ఆయన విలేకరులతో మాట్లాడారు. తన నియోజక వర్గంలో అభ్యర్దిపై అసంతృప్తి ఉన్న మాట వాస్తవమేనని అంగీకరించారు. ఎన్నికలవేళ ఇవన్ని సర్వసాధారణం అని ఆయన అన్నారు. అన్నింటినీ సర్దుబాటు చేసుకుంటున్నామని వివరించారు. వారం రోజుల్లోనే అన్ని సర్దుకుంటాయని వెల్లడించారు. అందరం కేసీఆర్ నాయకత్వంలో పని చేస్తామన్నారు. అభ్యర్ధులను మార్చే అవకాశం లేదని ముఖ్యమంత్రి కేసీఆర్ ఇప్పటికే స్పష్టం చేశారన్నారు. వచ్చే ఎన్నికల్లో కేసీఆర్ నాయకత్వంలో తెరాస అభ్యర్ధులు మరో సారి గెలుస్తారని ధీమా వ్యక్తం చేశారు. క్రమ శిక్షణ కలిగిన కార్యకర్తగా, నాయకునిగా ఉంటానని,  ప్రజల ఆవేశాన్ని, బాధను ముఖ్యమంత్రి కేసీఆర్ దృష్టికి తీసుకెళ్తానని కడియం పేర్కొన్నారు. జిల్లాలో ఎక్కడికి పిలిచినా ప్రచారానికి వెళ్లడం జరుగుతుందన్నారు. అందరినీ గెలిపించుకుంటామని తెలియచేశారు. పార్టీకి నష్టం కలిగించే ఏ పని చేయబోనన్నారు. పార్టీ అధ్యక్షులు కేసీఆర్ తనకు ఎంతో గౌరవం ఇచ్చారని గుర్తు చేశారు. తాను ఆశించిన దానికంటే ఎక్కువ బాధ్యతనే అప్పగించారన్నారు. కేంద్రంలో మోదీ ప్రధాని అయ్యాక దళి తులపై దా డులు పెరిగాయని కడియం శ్రీహరి ఆందోళన వ్యక్తం చేశారు. భాజపాకి దళితుల గురించి మాట్లాడే అర్హత లేదన్నారు. తెలంగాణలో దళితులు సంతోషంగా ఉన్నారని వివరించారు. 



కాట్రాక్టు లెక్చరర్లకు 12 నెలల గౌరవ వేతనం

Updated By ManamThu, 09/06/2018 - 00:31
  • కాలేజీల్లో మధ్యాహ్న భోజనం ఈ నెల నుంచే అమలు

  • ఉపాధ్యాయులకు నగదు ప్రోత్సాహకం పెంపు

  • విద్యాశాఖ మంత్రి కడియం శ్రీహరి

  • ఘనంగా ఉపాధ్యాయ దినోత్సవం

  • ఉత్తమ ఉపాధ్యాయులకు అవార్డుల అందజేత

kadiyamహైదరాబాద్: తెలంగాణ వ్యాప్తంగా ఈ నెల నుంచే జూనియర్, డిగ్రీ, పాలిటెక్నిక్ కాలేజీల్లోని విద్యార్థులకు మధ్యాహ్న భోజనం పెట్టడానికి సీఎం కేసీఆర్ అంగీకరించినట్లు ఉప ముఖ్యమంత్రి, విద్యాశాఖ మంత్రి కడియం శ్రీహరి తెలిపారు. పాలిటెక్నిక్, జూనియర్, డిగ్రీ కాలేజీల్లో పనిచేసే కాంట్రాక్టు లెక్చరర్ల గౌరవ వేతనాలు 12 నెలల పాటు ఇచ్చేందుకు కూడా సీఎం కేసీఆర్ ఆమోదం తెలిపారని పేర్కొన్నారు. ఉపాధ్యాయ దినోత్సవం సందర్భంగా రవీంద్రభారతిలో నిర్వహించిన ఉత్తమ ఉపాధ్యాయుల అవార్డుల ప్రదాన కార్యక్రమానికి మంత్రి హాజరయ్యారు. ఈ సందర్భంగా ఉత్తమ ఉపాధ్యాయులను సన్మానించారు. అనంతరం మంత్రి మాట్లాడుతూ రాష్ట్రంలో ఇప్పటికే 10వ తరగతి వరకు ప్రభుత్వ విద్యా సంస్థల్లో మధ్యాహ్న భోజన పథకం అమలవుతోందని పేర్కొన్నారు. సన్నబియ్యంతో పేద విద్యార్థుల కడుపు నింపుతున్న ఈ పథకాన్ని తమకు కూడా వర్తింపజేయాలని జూనియర్ కాలేజీలు, డిగ్రీ కాలేజీలు, పాలిటెక్నిక్ కాలేజీల విద్యార్థులు, అధ్యాపకులు తెలంగాణ ప్రభుత్వాన్ని అనేక సార్లు కోరాయన్నారు. దీన్ని గమనించిన సీఎం కేసీఆర్ ప్రభుత్వం కాలేజీల్లో మధ్యాహ్న భోజన పథకం అమలుపై తన నేతృత్వంలో మంత్రులు ఈటెల రాజేందర్, హరీష్ రావు, ఇంద్రకరణ్ రెడ్డిలతో కమిటీ వేశారని చెప్పారు. ఈ కమిటీ మధ్యాహ్న భోజనాన్ని కాలేజీలల్లోని విద్యార్థులకు కూడా అమలు చేయాలని ప్రతిపాదించడంతో సీఎం కేసీఆర్ అంగీకరించార ని పేర్కొన్నారు. ఈ నెల నుంచే జూనియర్, డిగ్రీ, పాలిటెక్నిక్ కాలేజీల్లో మధ్యాహ్న భోజనం అమలవుతుందని కడియం శ్రీహరి వెల్లడించారు. ఇది అమలైతే దాదాపు 4 లక్షల మంది విద్యార్థులు లబ్ధి పొందనున్నారని వివరించారు. కాంట్రాక్ట్ అధ్యాపకులకు గౌరవ వేతనంతో జూనియర్ కాలేజీల్లో 3728 మంది, డిగ్రీ కాలేజీల్లో 898 మంది, పాలిటెక్నిక్ కాలేజీల్లో 433 మంది కాంట్రాక్టు లెక్చరర్లు మొత్తంగా 5059 మంది లబ్ది పొందనున్నాని చెప్పారు. 

విద్యావ్యవస్థ పటిష్టానికి నాలుగేండ్లుగా కృషి..
బడుగు, బలహీన వర్గాలకు ఉచితంగా నాణ్యమైన విద్య అందించాలన్న సంకల్పంతోనే దేశంలో ఎక్కడా లేని విధంగా 611 గురుకుల విద్యాలయాలను తెలంగాణలో ఏర్పాటు చేశారని చెప్పారు. రాష్ట్రంలో ప్రభుత్వ విద్యా వ్యవస్థను పటిష్టం చేసేందుకు నాలుగేళ్లుగా చేసిన కృష ఫలితాలు ఇప్పుడిప్పుడే వస్తున్నాయన్నారు. ప్రభుత్వ విద్యా సంస్థల్లో గతంలో ఎన్నడూ లేని విధంగా ఈ ఏడాది 2 లక్షల మంది విద్యార్థులు అదనంగా చేరారన్నారు. తొలిసారిగా ప్రైవేట్ విద్యా సంస్థల్లో కంటే ప్రభుత్వ విద్యా సంస్థల్లో విద్యార్థులు ఎక్కువగా ఉన్నారన్నారు. తల్లిదండ్రులకు ప్రభుత్వ విద్యాలయాలపై నమ్మకం పెరగడమే దీనికి నిదర్శనమన్నారు.  ఉపాధ్యాయుల సమస్యలు పరిష్కరించుకోవాల్సి ఉందని చెప్పారు. ఉపాధ్యాయుల ఏకీకృత సర్వీసు నిబంధనలపై రాష్ట్రపతి ఆమోదానికి విరుద్ధంగా హైకోర్టు తీర్పు వచ్చిందన్నారు.

ఉపాధ్యాయులే కీలకం..
ప్రభుత్వ విద్యాలయాల్లో చదివే విద్యార్థులకు సన్నబియ్యంతో కడుపునిండా అన్నం పెడుతున్న ప్రభుత్వం తమదేనని చెప్పుకొచ్చారు. గురుకుల విద్యాలయాల్లో వారానికి ఆరుసార్లు మాంసాహారం, పాలు, రాగిమాల్ట్, బ్రేక్ ఫాస్ట్, మధ్యాహ్న భోజనంలో 50 గ్రాముల నెయ్యి, సాయంత్రం స్నాక్స్, రాత్రి పౌష్టికాహార భోజనం పెడుతున్నామన్నారు. ప్రభుత్వ విద్యను పటిష్టం చేయడంలో ఉపాధ్యాయులే కీలకమని, మరింత నిబద్ధతతో పనిచేయాలని కోరారు.కోరారు. ఉత్తమ ఉపాధ్యాయులకు ఇచ్చే నగదు ప్రోత్సాహాకాన్ని కూడా వచ్చే సంవత్సరం నుంచి పెంచే ఆలోచన ఉన్నట్లు మంత్రి కడియం శ్రీహరి ప్రకటించారు. 



విద్యార్థుల చేతుల్లోనే తెలంగాణ భవిష్యత్తు

Updated By ManamSun, 08/26/2018 - 02:48
  • హరిత పాఠశాల - హరిత తెలంగాణ ప్రారంభించిన డిప్యూటీ సీఎం కడియం

kadiyamవరంగల్: రాష్ట్ర ప్రభుత్వం ప్రతిష్టాత్మకంగా చేపట్టిన హరిత హారంలో భాగంగా హరిత పాఠశాల - హరిత తెలంగాణ కార్యక్రమాన్ని ఉప ముఖ్యమంత్రి, విద్యాశాఖ మంత్రి కడియం శ్రీహరి ఇవాళ ప్రారంభించారు. వరంగల్ రూరల్ జిల్లా  సంగెం మండలం గవిచెర్ల మోడల్ స్కూల్లో కడియం శ్రీహరి మొక్కలు నాటారు. అనంతరం విద్యార్థినులకు బాలికా ఆరోగ్య రక్ష కిట్లను పంపిణీ చేశారు.  ఈ సందర్భంగా కడియం శ్రీహరి మాట్లాడుతూ విద్యార్థుల చేతుల్లోనే తెలంగా ణ భవిష్యత్ ఉందని కడియం స్పష్టం చేశారు. విద్యార్థుల్ని ఈ ప్రభుత్వం కడుపులో దాచుకుంటుందన్నారు. తల్లిదండ్రుల వలె సాకుతుందన్నారు. దీనిలో భాగంగానే నాణ్యమైన విద్య, పోషక విలువలు కలిగినభోజనం, ఆరోగ్య పరిరక్షణ, పరిశుభ్రత కిట్లను ప్రభుత్వం అందిస్తుందన్నారు. విద్యార్థులు శారీరకంగా దృఢంగా ఎదగడానికి సీఎం కేసీఆర్ ఆలోచన మేరకు  సన్నబియ్యంతో కూడిన భోజనాన్ని కడుపునిండా పెడుతున్నామన్నారు. నాణ్యమైన విద్య అందించేందుకు విద్యా రంగాన్ని పటిష్టం చేస్తున్నా మని కడియం తెలిపారు.  ఇప్పుడు బాలికా ఆరోగ్య రక్ష కిట్లు ఇస్తున్నారని తెలిపారు. వచ్చే విద్యా సంవత్సరం నుంచి 5, 6వ తరగతి విద్యార్థినులకు కూడా ఆరోగ్య రక్ష కిట్లను అందజేస్తామన్నారు. ప్రభుత్వం కల్పిస్తున్న వసతులతో విద్యార్థులు కష్టపడి చదివి ఉన్నత స్థాయికి రావాలని సూచించారు. భావి తరాలకు మంచి భవిష్యత్ అందించాలనే గొప్ప ఉద్దేశ్యంతో సీఎం కేసీఆర్ హరితహారం ప్రారంభిం చారు. మంచి వర్షాలు పడలన్నా, పర్యావరణం బాగుండాలన్న, పంటలు పండాలన్నా పచ్చదనం ఉండా లి. కనీసం 33 శాతం అడవులు ఉండాలి. కానీ దురదృష్టవశాత్తు తెలంగాణలో ఎక్కడ కూడా 33 శాతం అడవులు లేవు. అడవుల పెంపులో భాగంగా ఈ 5 ఏళ్లలో 230కోట్ల మొక్కలు నాటాలని సీఎం కేసీఆర్ హరితహారం చేపట్టారు. ఇప్పటి వరకు 81కోట్ల మొక్కలు నాటారు. హరిత పాఠశాలలో నాటే మొక్క లను మీరు జాగ్రత్తగా పరిరక్షించాలి. ఒక్కో మొక్కను ఒకరు దత్తత తీసుకొని దానిని సంరక్షించాలి అని విద్యార్థులకు కడియం శ్రీహరి సూచించారు.ఈ కార్యక్రమంలో ఎమ్మెల్యే చల్లా ధర్మారెడ్డి, కలెక్టర్ హరిత, మోడల్ స్కూల్ డైరెక్టర్ సత్యనారాయణ రెడ్డి తదితరులు పాల్గొన్నారు.



సంవత్సరానికి 4 కిట్లు

Updated By ManamSat, 08/25/2018 - 07:12
  • బాలికా ఆరోగ్యరక్ష పథకాన్ని ప్రారంభించిన ఉపముఖ్యమంత్రి కడియం శ్రీహరి

  • 100 కోట్లతో హెల్త్ అండ్ హైజీనిక్ కిట్లు: మంత్రి హరీశ్‌రావు వెల్లడి

  • విద్యతోపాటు ఆరోగ్యపరిరక్షణ ముఖ్యమే: మంత్రి జగదీశ్‌రెడ్డి

kadiyamతెలంగాణలో టీఆర్‌ఎస్ అధికారంలోకి వచ్చినప్పటినుండి ఎన్నో సంక్షేమ పథకాలను ప్రవేశపెట్టింది. అన్ని పథకాలు ప్రజల ఆదరాభిమానాలను చూరగొన్నాయి. ఆడపిల్లల పట్ల ప్రత్యేక శ్రద్ధతీసుకుంటున్న ప్రభుత్వ ఏదైనా ఉందంటే అది ఒక్క టీఆర్‌ఎస్ ప్రభుత్వవేునని చెప్పవచ్చు. ఆడపిల్లల పెళ్లి కోసం ప్రవేశపెట్టిన కల్యాణలక్ష్మి పథకం అత్యంత ప్రజాదరణ పొందింది. ఇప్పుడు ప్రభుత్వ పాఠశాలల్లో చదువుకునే  విద్యార్థినుల కోసం ప్రత్యేకంగా బాలికా ఆరోగ్యరక్ష పథకాన్ని ప్రవేశపెట్టింది. ప్రభుత్వ, పంచాయతీ రాజ్ పాఠశాలలు, గురుకులాలు, కేజీబీవీలు, మోడల్ స్కూళ్లలోని 7వ తరగతి నుంచి 12 వ తరగతి వరకు చదివే 6 లక్షల మంది బాలికలకు హెల్త్ అండ్ హైజీన్ కిట్స్ అందించే ప్రభుత్వ ప్రతిష్టాత్మక పథకం... బాలికా ఆరోగ్య రక్ష పథకాన్ని ఈరోజు వరంగల్ జిల్లా హసన్ పర్తి గురుకుల పాఠశాలలో ఉప ముఖ్యమంత్రి, విద్యా శాఖ మంత్రి కడియం శ్రీహరి ఇవాళ ప్రారంభించారు. అనంతరం విద్యార్థినిల డార్మెట్రీ, అదనపు తరగతి గదులను కడియం శ్రీహరి ప్రారంభించారు. ఈ సందర్బంగా కడియం శ్రీహరి మాట్లాడుతూ...ప్రభుత్వ పాఠశాలల్లో చదువుకునే విద్యార్థినులకు ఆరోగ్య పరిశుభ్రత కిట్లను అందజేస్తున్న ఘనత ఒక్క సీఎం కేసీఆర్‌కే దక్కుతుందన్నారు. ప్రతి విద్యార్థినికి సంవత్సరానికి నాలుగుసార్లు ఈ కిట్లను పంపిణీ చేస్తున్నామన్నారు. విద్యార్థినులు ఈ అవకాశాన్ని వినియోగించుకొని ఆరోగ్యాన్ని కాపాడుకోలని పిలుపునిచ్చారు.  బాలిక ఆరోగ్య రక్ష కిట్లను రాష్ట్ర భారీ నీటి పారుదల శాఖ మంత్రి తన్నీరు హరీశ్‌రావు సిద్దిపేటలో శుక్రవారం పంపిణీ చేశారు. సిద్దిపేట ప్రభుత్వ బాలికల ఉన్నత పాఠశాలలో జరిగిన కార్యక్రమంలో మంత్రి పాల్గొన్నారు. ఈ సందర్భంగా మంత్రి మాట్లాడుతూ... ప్రభుత్వ పాఠశాలల్లో చదువుకునే పేద విద్యార్థినులకు దేశంలో మొదటిసారిగా హెల్త్ అండ్ హైజినిక్ కిట్లు ఇస్తున్నామన్నారు. 100 కోట్లతో రాష్ట్ర వ్యాప్తంగా హెల్త్ అండ్ హైజినిక్ కిట్ల పంపిణీ జరుగుతుందన్నారు. సిద్దిపేట జిల్లాలో 28 వేల మంది విద్యార్థినులకు హెల్త్ అండ్ హైజినిక్ కిట్ల పంపిణీ జరుగుతుందని మంత్రి అన్నారు.విద్యార్థినిలకు హెల్త్ అండ్ హైజీన్ కిట్స్ పంపిణీ చేశారు.విద్యార్థినులకు విద్యతో పాటు ఆరోగ్య పరిరక్షణ కూడా ముఖ్యమని విద్యుత్, ఎస్సీ అభివృద్ధి శాఖ మంత్రి జగదీశ్ రెడ్డి సూర్యాపేటలో అన్నారు. ప్రభుత్వ విద్యాసంస్థల్లో విద్యను అభ్యసిస్తున్న కిశోర బాలికలకు ఆరోగ్య మరియు శుభ్రత కిట్లను పంపిణీ చేసే బాలికా ఆరోగ్య రక్ష పథకాన్ని మంత్రి జగదీశ్ రెడ్డి సూర్యాపేట జిల్లా కేంద్రంలోని జిల్లా ప్రజా పరిషత్ ప్రభుత్వ పాఠశాలలో ఇవాళ ప్రారంభించారు. సూర్యా పేట జిల్లాలో 317ప్రభుత్వ పాఠశాలల్లో చదువుతున్న 24,746 మంది విద్యార్థినులకు ఈ కిట్లు ఉచితంగా అందజేస్తున్నామని తెలిపారు. సంవత్సరానికి నాలుగు సార్లు ఈ కిట్లు పంపిణీ చేస్తామన్నారు. ఒక్కో విద్యార్థిని మీద సంవత్సరానికి రూ. 1600లను ప్రభుత్వం ఖర్చు చేస్తుందన్నారు. పుట్టిన పాప నుంచి ఆమె పెండ్లి వరకు ముఖ్యమంత్రి కేసీఆర్ బాధ్యత తీసుకున్నారని మంత్రి స్పష్టం చేశారు. వరంగల్‌జిల్లాహసన్‌పర్తి గురుకుల పాఠశాలలో జరిగిన కార్యక్రమంలో ఎమ్మెల్యే అరూరి రమేష్, రైతు రుణ విముక్తి కమిషన్ చైర్మన్ నాగుర్ల వెంకన్న, పాఠశాల విద్యా సంచాలకులు విజయ్ కుమార్, తెలంగాణ గురుకుల పాఠశాల విద్యా సంస్థల సంచాలకులు సత్యనారాయణ రెడ్డి, ఇతర అధికారులు, నాయకులు పాల్గొన్నారు.





Related News