kadiyam srihari

అన్నీ సర్దుకుంటాయి

Updated By ManamSun, 09/16/2018 - 01:23
  • ఉపముఖ్యమంత్రి కడియం శ్రీహరి

kadiyamహైదరాబాద్: కష్టపడి తెచ్చుకున్న తెలంగాణ మరింత అభివృద్ధి చెందాల్సిన అవసరం ఉందని ఉప ముఖ్యమంత్రి కడియం శ్రీహరి అన్నారు. చిన్న చిన్న మనస్పర్ధలు ఉన్నా ముఖ్యమంత్రి కేసీఆర్‌ను, తెరాస పార్టీనినమ్మి అభ్యర్దులను గెలిపించాలని కోరారు. శనివారం ఆయన విలేకరులతో మాట్లాడారు. తన నియోజక వర్గంలో అభ్యర్దిపై అసంతృప్తి ఉన్న మాట వాస్తవమేనని అంగీకరించారు. ఎన్నికలవేళ ఇవన్ని సర్వసాధారణం అని ఆయన అన్నారు. అన్నింటినీ సర్దుబాటు చేసుకుంటున్నామని వివరించారు. వారం రోజుల్లోనే అన్ని సర్దుకుంటాయని వెల్లడించారు. అందరం కేసీఆర్ నాయకత్వంలో పని చేస్తామన్నారు. అభ్యర్ధులను మార్చే అవకాశం లేదని ముఖ్యమంత్రి కేసీఆర్ ఇప్పటికే స్పష్టం చేశారన్నారు. వచ్చే ఎన్నికల్లో కేసీఆర్ నాయకత్వంలో తెరాస అభ్యర్ధులు మరో సారి గెలుస్తారని ధీమా వ్యక్తం చేశారు. క్రమ శిక్షణ కలిగిన కార్యకర్తగా, నాయకునిగా ఉంటానని,  ప్రజల ఆవేశాన్ని, బాధను ముఖ్యమంత్రి కేసీఆర్ దృష్టికి తీసుకెళ్తానని కడియం పేర్కొన్నారు. జిల్లాలో ఎక్కడికి పిలిచినా ప్రచారానికి వెళ్లడం జరుగుతుందన్నారు. అందరినీ గెలిపించుకుంటామని తెలియచేశారు. పార్టీకి నష్టం కలిగించే ఏ పని చేయబోనన్నారు. పార్టీ అధ్యక్షులు కేసీఆర్ తనకు ఎంతో గౌరవం ఇచ్చారని గుర్తు చేశారు. తాను ఆశించిన దానికంటే ఎక్కువ బాధ్యతనే అప్పగించారన్నారు. కేంద్రంలో మోదీ ప్రధాని అయ్యాక దళి తులపై దా డులు పెరిగాయని కడియం శ్రీహరి ఆందోళన వ్యక్తం చేశారు. భాజపాకి దళితుల గురించి మాట్లాడే అర్హత లేదన్నారు. తెలంగాణలో దళితులు సంతోషంగా ఉన్నారని వివరించారు. 



కాట్రాక్టు లెక్చరర్లకు 12 నెలల గౌరవ వేతనం

Updated By ManamThu, 09/06/2018 - 00:31
  • కాలేజీల్లో మధ్యాహ్న భోజనం ఈ నెల నుంచే అమలు

  • ఉపాధ్యాయులకు నగదు ప్రోత్సాహకం పెంపు

  • విద్యాశాఖ మంత్రి కడియం శ్రీహరి

  • ఘనంగా ఉపాధ్యాయ దినోత్సవం

  • ఉత్తమ ఉపాధ్యాయులకు అవార్డుల అందజేత

kadiyamహైదరాబాద్: తెలంగాణ వ్యాప్తంగా ఈ నెల నుంచే జూనియర్, డిగ్రీ, పాలిటెక్నిక్ కాలేజీల్లోని విద్యార్థులకు మధ్యాహ్న భోజనం పెట్టడానికి సీఎం కేసీఆర్ అంగీకరించినట్లు ఉప ముఖ్యమంత్రి, విద్యాశాఖ మంత్రి కడియం శ్రీహరి తెలిపారు. పాలిటెక్నిక్, జూనియర్, డిగ్రీ కాలేజీల్లో పనిచేసే కాంట్రాక్టు లెక్చరర్ల గౌరవ వేతనాలు 12 నెలల పాటు ఇచ్చేందుకు కూడా సీఎం కేసీఆర్ ఆమోదం తెలిపారని పేర్కొన్నారు. ఉపాధ్యాయ దినోత్సవం సందర్భంగా రవీంద్రభారతిలో నిర్వహించిన ఉత్తమ ఉపాధ్యాయుల అవార్డుల ప్రదాన కార్యక్రమానికి మంత్రి హాజరయ్యారు. ఈ సందర్భంగా ఉత్తమ ఉపాధ్యాయులను సన్మానించారు. అనంతరం మంత్రి మాట్లాడుతూ రాష్ట్రంలో ఇప్పటికే 10వ తరగతి వరకు ప్రభుత్వ విద్యా సంస్థల్లో మధ్యాహ్న భోజన పథకం అమలవుతోందని పేర్కొన్నారు. సన్నబియ్యంతో పేద విద్యార్థుల కడుపు నింపుతున్న ఈ పథకాన్ని తమకు కూడా వర్తింపజేయాలని జూనియర్ కాలేజీలు, డిగ్రీ కాలేజీలు, పాలిటెక్నిక్ కాలేజీల విద్యార్థులు, అధ్యాపకులు తెలంగాణ ప్రభుత్వాన్ని అనేక సార్లు కోరాయన్నారు. దీన్ని గమనించిన సీఎం కేసీఆర్ ప్రభుత్వం కాలేజీల్లో మధ్యాహ్న భోజన పథకం అమలుపై తన నేతృత్వంలో మంత్రులు ఈటెల రాజేందర్, హరీష్ రావు, ఇంద్రకరణ్ రెడ్డిలతో కమిటీ వేశారని చెప్పారు. ఈ కమిటీ మధ్యాహ్న భోజనాన్ని కాలేజీలల్లోని విద్యార్థులకు కూడా అమలు చేయాలని ప్రతిపాదించడంతో సీఎం కేసీఆర్ అంగీకరించార ని పేర్కొన్నారు. ఈ నెల నుంచే జూనియర్, డిగ్రీ, పాలిటెక్నిక్ కాలేజీల్లో మధ్యాహ్న భోజనం అమలవుతుందని కడియం శ్రీహరి వెల్లడించారు. ఇది అమలైతే దాదాపు 4 లక్షల మంది విద్యార్థులు లబ్ధి పొందనున్నారని వివరించారు. కాంట్రాక్ట్ అధ్యాపకులకు గౌరవ వేతనంతో జూనియర్ కాలేజీల్లో 3728 మంది, డిగ్రీ కాలేజీల్లో 898 మంది, పాలిటెక్నిక్ కాలేజీల్లో 433 మంది కాంట్రాక్టు లెక్చరర్లు మొత్తంగా 5059 మంది లబ్ది పొందనున్నాని చెప్పారు. 

విద్యావ్యవస్థ పటిష్టానికి నాలుగేండ్లుగా కృషి..
బడుగు, బలహీన వర్గాలకు ఉచితంగా నాణ్యమైన విద్య అందించాలన్న సంకల్పంతోనే దేశంలో ఎక్కడా లేని విధంగా 611 గురుకుల విద్యాలయాలను తెలంగాణలో ఏర్పాటు చేశారని చెప్పారు. రాష్ట్రంలో ప్రభుత్వ విద్యా వ్యవస్థను పటిష్టం చేసేందుకు నాలుగేళ్లుగా చేసిన కృష ఫలితాలు ఇప్పుడిప్పుడే వస్తున్నాయన్నారు. ప్రభుత్వ విద్యా సంస్థల్లో గతంలో ఎన్నడూ లేని విధంగా ఈ ఏడాది 2 లక్షల మంది విద్యార్థులు అదనంగా చేరారన్నారు. తొలిసారిగా ప్రైవేట్ విద్యా సంస్థల్లో కంటే ప్రభుత్వ విద్యా సంస్థల్లో విద్యార్థులు ఎక్కువగా ఉన్నారన్నారు. తల్లిదండ్రులకు ప్రభుత్వ విద్యాలయాలపై నమ్మకం పెరగడమే దీనికి నిదర్శనమన్నారు.  ఉపాధ్యాయుల సమస్యలు పరిష్కరించుకోవాల్సి ఉందని చెప్పారు. ఉపాధ్యాయుల ఏకీకృత సర్వీసు నిబంధనలపై రాష్ట్రపతి ఆమోదానికి విరుద్ధంగా హైకోర్టు తీర్పు వచ్చిందన్నారు.

ఉపాధ్యాయులే కీలకం..
ప్రభుత్వ విద్యాలయాల్లో చదివే విద్యార్థులకు సన్నబియ్యంతో కడుపునిండా అన్నం పెడుతున్న ప్రభుత్వం తమదేనని చెప్పుకొచ్చారు. గురుకుల విద్యాలయాల్లో వారానికి ఆరుసార్లు మాంసాహారం, పాలు, రాగిమాల్ట్, బ్రేక్ ఫాస్ట్, మధ్యాహ్న భోజనంలో 50 గ్రాముల నెయ్యి, సాయంత్రం స్నాక్స్, రాత్రి పౌష్టికాహార భోజనం పెడుతున్నామన్నారు. ప్రభుత్వ విద్యను పటిష్టం చేయడంలో ఉపాధ్యాయులే కీలకమని, మరింత నిబద్ధతతో పనిచేయాలని కోరారు.కోరారు. ఉత్తమ ఉపాధ్యాయులకు ఇచ్చే నగదు ప్రోత్సాహాకాన్ని కూడా వచ్చే సంవత్సరం నుంచి పెంచే ఆలోచన ఉన్నట్లు మంత్రి కడియం శ్రీహరి ప్రకటించారు. 



విద్యార్థుల చేతుల్లోనే తెలంగాణ భవిష్యత్తు

Updated By ManamSun, 08/26/2018 - 02:48
  • హరిత పాఠశాల - హరిత తెలంగాణ ప్రారంభించిన డిప్యూటీ సీఎం కడియం

kadiyamవరంగల్: రాష్ట్ర ప్రభుత్వం ప్రతిష్టాత్మకంగా చేపట్టిన హరిత హారంలో భాగంగా హరిత పాఠశాల - హరిత తెలంగాణ కార్యక్రమాన్ని ఉప ముఖ్యమంత్రి, విద్యాశాఖ మంత్రి కడియం శ్రీహరి ఇవాళ ప్రారంభించారు. వరంగల్ రూరల్ జిల్లా  సంగెం మండలం గవిచెర్ల మోడల్ స్కూల్లో కడియం శ్రీహరి మొక్కలు నాటారు. అనంతరం విద్యార్థినులకు బాలికా ఆరోగ్య రక్ష కిట్లను పంపిణీ చేశారు.  ఈ సందర్భంగా కడియం శ్రీహరి మాట్లాడుతూ విద్యార్థుల చేతుల్లోనే తెలంగా ణ భవిష్యత్ ఉందని కడియం స్పష్టం చేశారు. విద్యార్థుల్ని ఈ ప్రభుత్వం కడుపులో దాచుకుంటుందన్నారు. తల్లిదండ్రుల వలె సాకుతుందన్నారు. దీనిలో భాగంగానే నాణ్యమైన విద్య, పోషక విలువలు కలిగినభోజనం, ఆరోగ్య పరిరక్షణ, పరిశుభ్రత కిట్లను ప్రభుత్వం అందిస్తుందన్నారు. విద్యార్థులు శారీరకంగా దృఢంగా ఎదగడానికి సీఎం కేసీఆర్ ఆలోచన మేరకు  సన్నబియ్యంతో కూడిన భోజనాన్ని కడుపునిండా పెడుతున్నామన్నారు. నాణ్యమైన విద్య అందించేందుకు విద్యా రంగాన్ని పటిష్టం చేస్తున్నా మని కడియం తెలిపారు.  ఇప్పుడు బాలికా ఆరోగ్య రక్ష కిట్లు ఇస్తున్నారని తెలిపారు. వచ్చే విద్యా సంవత్సరం నుంచి 5, 6వ తరగతి విద్యార్థినులకు కూడా ఆరోగ్య రక్ష కిట్లను అందజేస్తామన్నారు. ప్రభుత్వం కల్పిస్తున్న వసతులతో విద్యార్థులు కష్టపడి చదివి ఉన్నత స్థాయికి రావాలని సూచించారు. భావి తరాలకు మంచి భవిష్యత్ అందించాలనే గొప్ప ఉద్దేశ్యంతో సీఎం కేసీఆర్ హరితహారం ప్రారంభిం చారు. మంచి వర్షాలు పడలన్నా, పర్యావరణం బాగుండాలన్న, పంటలు పండాలన్నా పచ్చదనం ఉండా లి. కనీసం 33 శాతం అడవులు ఉండాలి. కానీ దురదృష్టవశాత్తు తెలంగాణలో ఎక్కడ కూడా 33 శాతం అడవులు లేవు. అడవుల పెంపులో భాగంగా ఈ 5 ఏళ్లలో 230కోట్ల మొక్కలు నాటాలని సీఎం కేసీఆర్ హరితహారం చేపట్టారు. ఇప్పటి వరకు 81కోట్ల మొక్కలు నాటారు. హరిత పాఠశాలలో నాటే మొక్క లను మీరు జాగ్రత్తగా పరిరక్షించాలి. ఒక్కో మొక్కను ఒకరు దత్తత తీసుకొని దానిని సంరక్షించాలి అని విద్యార్థులకు కడియం శ్రీహరి సూచించారు.ఈ కార్యక్రమంలో ఎమ్మెల్యే చల్లా ధర్మారెడ్డి, కలెక్టర్ హరిత, మోడల్ స్కూల్ డైరెక్టర్ సత్యనారాయణ రెడ్డి తదితరులు పాల్గొన్నారు.



సంవత్సరానికి 4 కిట్లు

Updated By ManamSat, 08/25/2018 - 07:12
  • బాలికా ఆరోగ్యరక్ష పథకాన్ని ప్రారంభించిన ఉపముఖ్యమంత్రి కడియం శ్రీహరి

  • 100 కోట్లతో హెల్త్ అండ్ హైజీనిక్ కిట్లు: మంత్రి హరీశ్‌రావు వెల్లడి

  • విద్యతోపాటు ఆరోగ్యపరిరక్షణ ముఖ్యమే: మంత్రి జగదీశ్‌రెడ్డి

kadiyamతెలంగాణలో టీఆర్‌ఎస్ అధికారంలోకి వచ్చినప్పటినుండి ఎన్నో సంక్షేమ పథకాలను ప్రవేశపెట్టింది. అన్ని పథకాలు ప్రజల ఆదరాభిమానాలను చూరగొన్నాయి. ఆడపిల్లల పట్ల ప్రత్యేక శ్రద్ధతీసుకుంటున్న ప్రభుత్వ ఏదైనా ఉందంటే అది ఒక్క టీఆర్‌ఎస్ ప్రభుత్వవేునని చెప్పవచ్చు. ఆడపిల్లల పెళ్లి కోసం ప్రవేశపెట్టిన కల్యాణలక్ష్మి పథకం అత్యంత ప్రజాదరణ పొందింది. ఇప్పుడు ప్రభుత్వ పాఠశాలల్లో చదువుకునే  విద్యార్థినుల కోసం ప్రత్యేకంగా బాలికా ఆరోగ్యరక్ష పథకాన్ని ప్రవేశపెట్టింది. ప్రభుత్వ, పంచాయతీ రాజ్ పాఠశాలలు, గురుకులాలు, కేజీబీవీలు, మోడల్ స్కూళ్లలోని 7వ తరగతి నుంచి 12 వ తరగతి వరకు చదివే 6 లక్షల మంది బాలికలకు హెల్త్ అండ్ హైజీన్ కిట్స్ అందించే ప్రభుత్వ ప్రతిష్టాత్మక పథకం... బాలికా ఆరోగ్య రక్ష పథకాన్ని ఈరోజు వరంగల్ జిల్లా హసన్ పర్తి గురుకుల పాఠశాలలో ఉప ముఖ్యమంత్రి, విద్యా శాఖ మంత్రి కడియం శ్రీహరి ఇవాళ ప్రారంభించారు. అనంతరం విద్యార్థినిల డార్మెట్రీ, అదనపు తరగతి గదులను కడియం శ్రీహరి ప్రారంభించారు. ఈ సందర్బంగా కడియం శ్రీహరి మాట్లాడుతూ...ప్రభుత్వ పాఠశాలల్లో చదువుకునే విద్యార్థినులకు ఆరోగ్య పరిశుభ్రత కిట్లను అందజేస్తున్న ఘనత ఒక్క సీఎం కేసీఆర్‌కే దక్కుతుందన్నారు. ప్రతి విద్యార్థినికి సంవత్సరానికి నాలుగుసార్లు ఈ కిట్లను పంపిణీ చేస్తున్నామన్నారు. విద్యార్థినులు ఈ అవకాశాన్ని వినియోగించుకొని ఆరోగ్యాన్ని కాపాడుకోలని పిలుపునిచ్చారు.  బాలిక ఆరోగ్య రక్ష కిట్లను రాష్ట్ర భారీ నీటి పారుదల శాఖ మంత్రి తన్నీరు హరీశ్‌రావు సిద్దిపేటలో శుక్రవారం పంపిణీ చేశారు. సిద్దిపేట ప్రభుత్వ బాలికల ఉన్నత పాఠశాలలో జరిగిన కార్యక్రమంలో మంత్రి పాల్గొన్నారు. ఈ సందర్భంగా మంత్రి మాట్లాడుతూ... ప్రభుత్వ పాఠశాలల్లో చదువుకునే పేద విద్యార్థినులకు దేశంలో మొదటిసారిగా హెల్త్ అండ్ హైజినిక్ కిట్లు ఇస్తున్నామన్నారు. 100 కోట్లతో రాష్ట్ర వ్యాప్తంగా హెల్త్ అండ్ హైజినిక్ కిట్ల పంపిణీ జరుగుతుందన్నారు. సిద్దిపేట జిల్లాలో 28 వేల మంది విద్యార్థినులకు హెల్త్ అండ్ హైజినిక్ కిట్ల పంపిణీ జరుగుతుందని మంత్రి అన్నారు.విద్యార్థినిలకు హెల్త్ అండ్ హైజీన్ కిట్స్ పంపిణీ చేశారు.విద్యార్థినులకు విద్యతో పాటు ఆరోగ్య పరిరక్షణ కూడా ముఖ్యమని విద్యుత్, ఎస్సీ అభివృద్ధి శాఖ మంత్రి జగదీశ్ రెడ్డి సూర్యాపేటలో అన్నారు. ప్రభుత్వ విద్యాసంస్థల్లో విద్యను అభ్యసిస్తున్న కిశోర బాలికలకు ఆరోగ్య మరియు శుభ్రత కిట్లను పంపిణీ చేసే బాలికా ఆరోగ్య రక్ష పథకాన్ని మంత్రి జగదీశ్ రెడ్డి సూర్యాపేట జిల్లా కేంద్రంలోని జిల్లా ప్రజా పరిషత్ ప్రభుత్వ పాఠశాలలో ఇవాళ ప్రారంభించారు. సూర్యా పేట జిల్లాలో 317ప్రభుత్వ పాఠశాలల్లో చదువుతున్న 24,746 మంది విద్యార్థినులకు ఈ కిట్లు ఉచితంగా అందజేస్తున్నామని తెలిపారు. సంవత్సరానికి నాలుగు సార్లు ఈ కిట్లు పంపిణీ చేస్తామన్నారు. ఒక్కో విద్యార్థిని మీద సంవత్సరానికి రూ. 1600లను ప్రభుత్వం ఖర్చు చేస్తుందన్నారు. పుట్టిన పాప నుంచి ఆమె పెండ్లి వరకు ముఖ్యమంత్రి కేసీఆర్ బాధ్యత తీసుకున్నారని మంత్రి స్పష్టం చేశారు. వరంగల్‌జిల్లాహసన్‌పర్తి గురుకుల పాఠశాలలో జరిగిన కార్యక్రమంలో ఎమ్మెల్యే అరూరి రమేష్, రైతు రుణ విముక్తి కమిషన్ చైర్మన్ నాగుర్ల వెంకన్న, పాఠశాల విద్యా సంచాలకులు విజయ్ కుమార్, తెలంగాణ గురుకుల పాఠశాల విద్యా సంస్థల సంచాలకులు సత్యనారాయణ రెడ్డి, ఇతర అధికారులు, నాయకులు పాల్గొన్నారు.



పిల్లలకు కళల పట్ల అవగాహన

Updated By ManamThu, 08/23/2018 - 02:27
  • ఆట బాలోత్సవ్ బ్రోచర్‌ను విడుదల చేసిన మంత్రి కడియం 

kadiyamహైదరాబాద్: పిల్లలకు చదువుతో పాటు వివిధ కళల పట్ల అవగాహన కల్పించేందుకు ఆట బాలోత్సవ్ ఉపయోగపడుతుందని డిప్యూటీ సీఎం కడియం శ్రీహరి అన్నారు. బుధవారం మంత్రి తన నివాస సముదాయంలో ఉపాధ్యాయ సంఘాలు, ఉత్తమ ఉపాధ్యాయుల సంఘం సంయుక్తంగా నవంబర్ 10, 11 తేదీల్లో నిర్వహించనున్న ఆట బాలోత్సవ్ బ్రోచర్‌ను ఆవిష్కరించి మాట్లాడారు. చిన్నప్పటి నుంచి ఇలాంటి జాతీయ స్థాయి ఉత్సవాల్లో పాల్గొనడం పిల్లలకు మంచి జ్ఞాపకంగా మిగిలిపోతుందన్నారు. ఉత్తమ ఉపాధ్యాయుల అసోసియేషన్ అధ్యక్షుడు శ్రీనివాసరావు మాట్లాడుతూ.. ఈ ఉత్సవాల్లో దేశంలోని 10 రాష్ట్రాల పిల్లలు కళాకారులు పాల్గొంటున్నాయని తెలిపారు. రెండు రోజుల పాటు జరిగే ఈ ఉత్సవాల్లో 24 అంశాలు, 54 విభాగాల్లో వివిధ కార్యక్రమాలను రూపొందించినట్టు చెప్పారు. ఈ ఉత్సవాల్లో పాల్గొనే ప్రతిఒక్కరికీ సర్టిఫికెట్‌ను అందిస్తున్నామన్నారు. ఇతర రాష్ట్రాల నుంచి వచ్చే కళాకారులు, పిల్లలకు భోజన వసతి కల్పించామని చెప్పారు. ఈ కార్యక్రమంలో పీఆర్టీయూ నాయకులు సర్వోత్తమరెడ్డి, బి.కమలాకర్‌రావు, రంగాచార్యులు, జనార్దన్, పేర్లి దాసు, హరి కోటి, కెఎస్.నాయుడు, సుధాకర్, చక్రవర్తి, శిరీష, మురళి, యోగేశ్వర్ తదితరులు పాల్గొన్నారు.



దివ్యాంగుల సంక్షేమానికే ప్రాధాన్యత

Updated By ManamWed, 08/15/2018 - 00:43
  • ఉపకరణాల పంపిణీలో మంత్రి కడియం

kadiyamహైదరాబాద్: సంక్షేమంలో మొదటి ప్రాధాన్యత దివ్యాంగులకే ఇవ్వాలని ఉప ముఖ్యమంత్రి, విద్యాశాఖ మంత్రి కడియం శ్రీహరి అన్నారు. సిఎం కేసీఆర్ నాయకత్వంలో తెలంగాణ ప్రభుత్వం దివ్యాంగులకు అనేక సంక్షేమ కార్యక్రమాలు చేస్తోందన్నారు. గత ప్రభుత్వంలో దివ్యాంగులకు 500రూపాయల పెన్షన్ వస్తుంటే...తెలంగాణ ప్రభుత్వం వచ్చాక దానిని 1500 చేసిందన్నారు. ఉమ్మడి వరంగల్ జిల్లాకు సంబంధించిన దివ్యాంగులకు నేడు హన్మకొండ ఆర్ట్స్ అండ్ సైన్స్ కాలేజీ ఆడిటోరియంలో ఉపకరణాలను ఉప ముఖ్యమంత్రి, విద్యాశాఖ మంత్రి కడియం శ్రీహరి పంపిణీ చేశారు. దివ్యాంగుల పరిస్థితులను తెలిపిన వాసుదేవరెడ్డిని కార్పొరేషన్‌కు చైర్మన్ చేయడం మంచి పరిణామమని అన్నారు. వచ్చే మూడు నెలల్లో ఉమ్మడి వరంగల్ జిల్లాలోని దివ్యాంగులందరికీ ఏ ఒక్కరూ మిగిలిపోకుండా ఉపకరణాలు ఇచ్చేందుకు సమగ్ర ప్రణాళిక రూపొందించాలని చైర్మన్ వాసుదేవరెడ్డికి సూచించారు. ఇందుకోసం ప్రభుత్వం తరఫున రెండు కోట్ల రూపాయలు ఖర్చు అయినా ఇస్తామని హామీ ఇచ్చారు. తెలంగాణ ప్రభుత్వంలో దివ్యాంగులకు ఉద్యోగాలలో రిజర్వేషన్లకు 3 నుంచి 4 శాతానికి పెంచారని, విద్యలో 4నుంచి5 శాతానికి, ఆర్థిక మద్దతు పథకాలలో 5శాతం రిజర్వేషన్లు కల్పించిన ఘనత తెలంగాణ ప్రభుత్వానిదేనని ఉపముఖ్యమంత్రి  అన్నారు. అదేవిధంగా కార్పొరేషన్‌కు 100 కోట్ల రూపాయలు సిఎం కేసీఆర్ కేటాయించారన్నారు. దివ్యాంగుల కోసం హాస్టళ్లు, పక్కా భవనాలు నిర్మిస్తున్నట్టు తెలిపారు. దివ్యాంగులకు ఇచ్చే రుణాల్లో 20శాతం బ్యాంకు లింక్ ఉండటం వల్ల బ్యాంకులు రుణాలు ఇవ్వడంలో వీరిని చాలా ఇబ్బందులు పెడుతున్నాయని ఉప ముఖ్యమంత్రి అన్నారు. బ్యాంకుల చుట్టూ తిరగకుండా ఉండే విధంగా వంద శాతం సబ్సిడితో దివ్యాంగులకు రుణాలు ఇవ్వాలని సిఎం కేసీఆర్‌కు తను విజ్ఞప్తి చేస్తానని చెప్పారు. ఇందుకు సంబంధించిన వివరాలన్నీ సేకరించాలని చైర్మన్‌కు సూచించారు. తెలంగాణ ప్రభుత్వం దివ్యాంగులకు అండగా ఉందని హామీ ఇచ్చారు. ఈ సమావేశంలో ఎంపీలు పసునూరి దయాకర్, సీతారాం నాయక్, ఎమ్మెల్యే దాస్యం వినయ్ భాస్కర్, కుడా చైర్మన్ మర్రి యాదవరెడ్డి, కలెక్టర్ ఆమ్రపాలి, ఇతర అధికారులు, ప్రజా ప్రతినిధులు పాల్గొన్నారు.



నేటి నుంచి బర్రెల పంపిణీ

Updated By ManamSat, 08/11/2018 - 04:10
  • రూ. 1500 కోట్ల బడ్జెట్.. ఒక్కో దానికి రూ.80 వేల ధర

  • ఎస్సీ, ఎస్టీలకు 75 శాతం సబ్సిడీ.. బీసీలు, ఇతరులకు 50 శాతం

  • అదనంగా రవాణాకు రూ.5వేలు.. బీమాతో పాటు 300 కిలోల దాణా

  • అవగాహన లేమితో ఆసక్తి చూపని పాడిరైతులు

tsహైదరాబాద్: తెలంగాణ రాష్ట్ర ప్రభుత్వం పాడి రైతుల సంక్షేమంతో పాటు ఆర్థికం గా అభివృద్ధి చెందేందుకు ప్రతిష్టా త్మకంగా పాడి బర్రెల పంపిణీ కార్య క్రమాన్ని చేపట్టింది. ఈ పథకాన్ని శనివారం వరంగల్ అర్బన్ జిల్లాలోని ముల్కనూరులో డిప్యూటీ సీఎం కడి యం శ్రీహరి, ఆర్థిక శాఖ మంత్రి ఈటల రాజేందర్, రాష్ట్ర పశుసంవర్థక, మత్స్య, పాడిపరిశ్రమల అభివృద్ధి, సినిమాటోగ్రఫీ శాఖల మంత్రి తలసాని శ్రీనివాస్‌యాదవ్ ప్రారంభించనున్నారు. ఈ సందర్భంగా వంద మందికి పాడి బర్రెలను పంపిణీ చేయనున్నారు. రాష్ట్రంలోని పాల సహకార సంఘాల్లోని సభ్యులకు రూ.1500కోట్ల వ్యయంతో పాడిబర్రెలను సబ్సిడీపై పంపిణీ చేయనుంది. ఫలితంగా విజయ డెయిరీ పరిధిలోని 63,304 మంది సభ్యులు, ముల్కనూరు మహిళా డెయిరీలో 19,307 మంది, కరీంనగర్ డెయిరీలో 57,206 మంది, మదర్ డెయిరీలో 43,006 మందికి సబ్సిడీ బర్రెలు అందనున్నాయి. అయితే ఒక్కో పాడి బర్రెకు రూ.80వేలను ధరగా నిర్ణయించారు. ఇందులో ఎస్సీ, ఎస్టీలకు 75శాతం, బీసీలు, ఇతరులకు 50శాతం సబ్సిడీని ప్రభుత్వం చెల్లించనుంది.

బర్రెలకు బీమా..
ప్రభుత్వం ఒక్కో బర్రె ధరను రూ.80వేలుగా నిర్ణయించింది. ఈ ధరకు మేలురకమైన బర్రెలు ఇతర రాష్ట్రాల్లో అందుబాటులో ఉంటాయి. స్థానికంగా తెలంగాణ ప్రాంతంలో ఉండే బర్రెలు రోజుకు నాలుగు లీటర్లకు మించి ఇచ్చే పరిస్థితి లేదు. అంత డబ్బు పెట్టి స్థానికంగా దొరికే బర్రెలు తీసుకుంటే.. ప్రయోజనం ఉండదు. దీంతో రైతులు ఎక్కువగా పాలిచ్చే హరియాణ, ముర్రా జాతి వంటి మేలు రకాలను ఇతర రాష్ట్రాల నుంచి కొనుగోలు చేసి తీసుకొచ్చేందుకు ఆసక్తి చూపుతారు. గతంలో కొంతమంది పాడి రైతులు అధిక పాల దిగుబడినిచ్చే మేలు జాతి పాడిబర్రెలను ఇతర రాష్ట్రాల నుంచి తీసుకొచ్చా రు. అక్కడి వాతావరణ పరిస్థితులకు.. ఇక్కడి వాతావరణ పరిస్థితులకు తేడా ఉండడంతో అధికశాతం బర్రెలు మృత్యువాతపడ్డాయి. దీంతో రైతులు తీవ్రంగా నష్టపోయారు. మరోసారి ఆ బర్రెల వైపు చూసేందుకు పాడి రైతులు ఆసక్తి చూపలేదు. తాజాగా తెలంగాణ ప్రభుత్వం పాడిగేదెల పంపిణీ కార్యక్రమానికి శ్రీకారం చుట్టడంతో బర్రెలు ఇక్కడి వాతావరణాన్ని తట్టుకోలేవనే భావనతో చాలామంది వెనకడుగు వేశారు. ఈ విషయాన్ని గమనించిన రాష్ట్ర ప్రభుత్వం.. ఒక్కో బర్రెకు యూనిట్ కాస్ట్‌లో మూడేండ్ల పాటు బీమా సౌకర్యం కల్పించడంతో పాటు 300 కిలోల దాణాను ప్రభుత్వం ఇవ్వనుంది. రైతులు కోరుకున్న ప్రాంతంలో ఎంచుకున్న పాడి బర్రెను కొనుగోలు చేసి ఇచ్చే విధంగా అధికారులు మార్గదర్శకాలు రూపొందించారు. అంతేకాకుండా ఒక్క పాడి బర్రెకు రూ.5వేల చొప్పున రవాణా కోసం అదనంగా చెల్లిస్తోంది.

రూ.40 వేలు చెల్లించలేకే..
- సామ నిర్మల, నల్లగొండ

రాష్ట్ర ప్రభుత్వం అందజేస్తున్న పాడి బర్లకు రూ.40 వేలు కట్టాలని జెప్పిండ్రు. పేపర్లనేమో ఉచితంగా పంపిణీ జేస్తమని రాసిండ్రు. అయినా ఒక్క దానికి రూ.40 వేలు యాడదెచ్చి కట్టాలె. అప్పోసప్పో తెచ్చి కడ్దామంటే.. అయి బతుకుతయో లేదో తెల్వదు. పోయినసారి ఊళ్ల అట్లనే తెచ్చిన బర్లు సచ్చినయ్. బర్రె సస్తే.. అప్పు మీద పడ్తదని ఈసారి పైసలు కట్టలేదు.



పీహెచ్‌డీ ప్రవేశాలకు ఒకే విధానం 

Updated By ManamThu, 08/09/2018 - 04:31
  • బయోమెట్రిక్‌తో విద్యలో నాణ్యత.. కామన్ అకాడమిక్ క్యాలెండర్ పాటించాలి

  • యూనివర్సిటీల పనితీరుపై గవర్నర్ సంతృప్తి.. కాలేజీల్లో మహిళల భద్రతకు చర్యలు

  • వీసీల కాన్ఫరెన్స్‌లో గవర్నర్ నరసింహన్.. భేషుగ్గా పనిచేస్తున్నారని కడియంకు కితాబు

Governor Narasimhanహైదరాబాద్: పీహెచ్‌డీ అడ్మిషన్ల విషయంలో గందర గోళం లేకుండా యూజీసీ నిబం ధనలను పాటించాలని, పరిశోధక కోర్సును నిర్ణీత కాలంలో పూర్తి చేసేలా ఉపకులపతులు చూడాలని గవర్నర్ ఈఎస్‌ఎల్ నరసింహన్ సూచించారు. విశ్వ విద్యాలయాల గతేడాది పనితీరుపై బుధవారం బీఆర్ అంబేద్కర్ ఓపెన్ యూనివర్సిటీలో 14 యూనివర్సిటీల ఉపకు లపతులు, రిజిస్ట్రార్లు, అధికారులతో గవర్నర్ సమావే శమయ్యారు. అక్టోబర్‌లో గవర్నర్ నేతృత్వంలో నిర్వ హించిన సమావేశంలో చెప్పిన వివిధ అంశాలపై సమీక్ష నిర్వహించారు. వచ్చే ఏడాదికి సంబంధించిన కార్యాచరణ ప్రణాళికను అడిగి తెలుసుకుని.. విశ్వవి ద్యాలయాలను పటిష్టం చేసేందుకు వీసీలకు దిశానిర్ధేశ నం చేశారు. ఈ సందర్భంగా గవర్నర్ నరసింహన్ మాట్లాడుతూ.. విశ్వవిద్యాలయాల్లో అడ్మిషన్లు, పరీక్ష లు, ఫలితాలు ఒకే విధానంలో జరిగేందుకు వీలుగా కామన్ క్యాలెండర్‌ను అమలు చేయాలన్నారు. యూని వర్సిటీలు, కాలేజీ విద్యలో నాణ్యతను పెంచేందుకు బయోమెట్రిక్‌ను కచ్చితంగా ఏర్పాటు చేయాలని సూచించారు. విద్యార్థులకు అవసరమైన కొత్త కోర్సుల ను అధ్యయనం చేసి ఏర్పాటు చేయాలని, అవసరం లేని కోర్సులను తీసేయాలని చెప్పారు. యూని వర్సిటీలు, కాలేజీల్లో మహిళల భద్రతకు పటిష్టమైన చర్యలు తీసుకోవాలని వీసీలకు సూచించారు. ఉన్నత విద్యను పటిష్ట పరిచేందుకు డిప్యూటీ సీఎం కడియం ప్రత్యేక శ్రద్ధ పెడుతున్నారని, దీంతో మంచి ఫలితాలు వస్తున్నాయని శ్రీహరిని గవర్నర్ కొనియాడారు. స్వతహాగా ఆయన అధ్యాపకుడని, ఏవైనా కథలు చెబితే.. ఆయన వెంటనే పట్టేస్తారని తెలిపారు.



రాష్ట్రంలో కంటి జబ్బులుండొద్దు

Updated By ManamFri, 08/03/2018 - 01:10
  • కంటి వెలుగుపై సమీక్షలో కడియం

kadiyamవరంగల్: కంటి జబ్బులు లేని రాష్ట్రంగా తెలంగాణణు తీర్చిదిద్దాలన్న ముఖ్యమంత్రి కేసీఆర్ సంకల్పం మేరకు ఈ నెల 15 నుంచి చేపట్టబోయే కంటి వెలుగు కార్యక్రమాన్ని విజయవంతం చేయాలని అధికారులను ఉపముఖ్యమంత్రి కడియం శ్రీహరి సూచించారు. కార్యక్రమానికి సంబంధించి అన్ని ఏర్పాట్లు పూర్తిజేయాలని ఆదేశించారు. గురువారం కలెక్టరేట్ సమావేశ మందిరంలో అధికారులతో భేటీ అయిన మంత్రి, కంటి వెలుగు, హరితహారం, రైతు బీమా కార్యక్రమాల అమలుపై సమీక్షించారు. గ్రామాల్లో రోజుకు 250, పట్టణాల్లో 300ల మందికి కంటి పరీక్షలు నిర్వహించాలని ఇందుకు అవసరమయ్యే రూ.51.71 కోట్ల నిధులను కూడా విడుదల చేశామని వివరించారు. జనాభాకు అనుగుణంగా రాష్ట్రంలోని 31 జిల్లాలకు ఈ నిధులను కేటాయించామని తెలిపారు. ఉచితంగా కంటి పరీక్షలు చేసి అవసరమైతే ఆపరేషన్ చేయాలని, అద్దాలు పంపిణీ చేయాలని సూచించారు. 15న కార్యక్రమ ప్రారంభానికి ఏర్పాట్లు చేయాలని అధికారులను మంత్రి ఆదేశించారు. అనేక పథకాలు ఏకకాలంలో చేపడుతున్నందున అధికారులపై పని ఒత్తిడి పెరిగినా, ప్రజా సంక్షేమం దృష్ట్యా సహనంతో పన్జేయాలన్నారు. రాష్ట్రంలో 799 ఫీల్డ్ బృందాలను ఏర్పాటు చేస్తున్నామని, అర్బన్ జిల్లాలో 19, రూరల్ జిల్లాలో 24 బృందాలను ఏర్పాటు చేస్తున్నామని చెప్పారు. హరితహారం కార్యక్రమాన్ని పకడ్బందీగా నిర్వహించాలని ఆదేశించారు.



మెుక్కే రక్ష

Updated By ManamThu, 08/02/2018 - 00:38
  • ద్యమంలా మొక్కలు నాటాలి

  • నాటిన వాటిని రక్షించుకోవాలి

  • హరితహారం సామాజిక ఉద్యమం: కడియంఉ

kadiyamsrihariహైదరాబాద్: హరితహారం కార్యక్రమాన్ని సామాజిక ఉద్యమంగా చేపట్టాలని ఉపముఖ్యమంత్రి కడియం శ్రీహరి పిలుపునిచ్చారు. బుధవారం వరంగల్ అర్బన్ జిల్లా తిమ్మాపూర్ గ్రామంలో బెస్తం చెరువు వద్ద 10ఎకరాల స్థలంలో మొక్కలు నాటి నాల్గవ విడత హరితహారం కార్యక్రమం ప్రారంభించి మొక్కలు నాటారు. అనంతరం మంత్రి మాట్లాడుతూ అడవుల విస్తీర్ణం 24 శాతమే ఉందని, దీనిని 33 శాతానికి పెంచాల్సిన బాధ్యత అందరిపై ఉందన్నారు. హరిత తెలంగాణ కావాలంటే, మన రాష్ట్రంలో పంటలు బాగా పండాలంటే, వానలు రావాలంటే, హరితహారంలో అందరూ భాగస్వామ్యమై పెద్దఎత్తున మొక్కలు నాటాలన్నారు,  తెలంగాణను హరిత తెలంగాణ చేసే ఉద్దేశ్యంతో రూపొందించిన పథకంలో భాగంగా 230కోట్ల మొక్కలు నాటాలని నిర్ణయించామని తెలిపారు. ఈ నాల్గవ విడతలో 40కోట్ల మొక్కలు నాటే లక్ష్యం నిర్థేశించారన్నారు. ఇందులో వరంగల్ ఉమ్మడి జిల్లాలో 5కోట్ల మొక్కలు నాటాలని అధికారులు, ప్రజాప్రతినిధులు, ప్రజలను కోరారు. కార్యక్రమంలో జడ్పీ ఛైర్‌పర్సన్ గద్దల పద్మ, ఎమ్మెల్యే కొండా సురేఖ, జిల్లా అటవీశాఖ అధికారి తదితరులు పాల్గొన్నారు.

మొక్కే శ్రీరామ రక్ష: మహేందర్ రెడ్డి
ప్రతి ఒక్కరూ ముందుకొచ్చి ఉద్యమంలా మొక్కలు నాటాల్సిన అవసరం ఎంతైనా ఉందని, మొక్కే పర్యావరణానికి శ్రీరామ రక్ష అని రవాణాశాఖ మంత్రి మహేందర్‌రెడ్డి అన్నారు. నాలుగో విడత హరితహారం కార్యక్రమంలో భాగంగా వికారాబాద్ జిల్లాకేంద్రంలోని శ్రీ అనంత పద్మనాభ కళాశాలలో ఫారెస్ట్ డిపార్ట్‌మెంట్ ఆధ్వర్యంలో బుధవారం హరితహారం కార్యక్రమం చేపట్టి 10 వేల మొక్కలను నాటడం జరిగింది. ఈ కార్యక్రమానికి ముఖ్య అతిథిగా హాజరై మాట్లాడుతూ, రాష్ట్రంలో అడవులు పూర్తిగా అంతరించి పోతున్నాయని, చెట్లను అధికంగా నాటితేనే మంచి వాతావరణాన్ని సంపాదించుకుంటామని ఆయన పేర్కొన్నారు. మన రాష్ట్రంలో 24 శాతం మాత్రమే అడవులున్నాయని ఆయన తెలిపారు. వాటిని 33 శాతం వరకు తీసుకెళ్లేందుకు హరితహారం కార్యక్రమం చేపట్టినట్లు మహేందర్ రెడ్డి తెలిపారు. 

పర్యావరణ రక్షణకు పాటుపడాలి: జగదీష్‌రెడ్డి
భవిష్యత్ తరాలకు మంచి ఆరోగ్యకరమైన వాతావరణం అందించేందుకు మొక్కలు నాటాలని రాష్ట్ర విద్యుత్ శాఖ మంత్రి జగదీష్‌రెడ్డి అన్నారు. నాల్గవ విడుత హరితహారంలో భాగంగా బుధవారం నల్లగొండ జిల్లా కేంద్రంలో నల్లగొండ, రంగారెడ్డి పాల ఉత్పత్తి దారుల సహకార సంఘం పాల శీతలీకరణ కేంద్రంలో మంత్రి మొక్కలు నాటి హరితహారం ప్రారంభించారు. ఈ సందర్భంగా మంత్రి మాట్లాడుతూ ఈ కార్యక్రమాన్ని ప్రతి ఒక్కరు విజయవంతం చేయ లని, మొక్కలు నాటడమే కాక వాటిని సంరక్షించాలని ఆయన కోరారు. ఈ సంవత్సరం 2 కోట్ల మొక్కలు నాటుతున్నామని, పాఠశాలలో మొక్కలు పంపిణీ చేస్తున్నామన్నారు.  ప్రతి ఒక్కరు మొక్కలు నాటాలన్నారు. కార్యక్రమంలో రైతు సమన్వయ రాష్ట్ర అధ్యక్షుడు గుత్తా సుఖేందర్‌రెడ్డి, నల్లగొండ జిల్లా కలెక్టర్ గౌరవ్ ఉప్పల్, తదితరులు పాల్గొన్నారు. 

పెంపకంపై మక్కువ చూపాలి: స్మిత సబర్వాల్
రాష్ట్ర ప్రభుత్వం చేపట్టిన నాలుగవ విడత హరితహారాన్ని  ఉద్యమంగా స్వీకరించాలని  సిఎం కార్యాలయ కార్యదర్శి స్మిత సబర్వాల్  అన్నారు. బుధవారం కరీంనగర్ జిల్లాలో ఆమె పర్యటించారు. స్థానిక పోలీస్ హెడ్ క్వాటర్‌లో చేపట్టిన హరిత హారం కార్యక్రమంలో మొక్కలు నాటారు. ఈ సందర్భంగా ఆమె మాట్లాడుతూ.. ఇంటి ఆవరణంలో ఉన్న ఖాళీ స్థలాల్లో మొక్కలు నాటాలని పిలుపునిచ్చారు. మొక్కలు పెంపకం వల్ల కలిగే ప్రయోజనాలను వివరించారు. కార్యక్రమంలో కరీంనగర్ కలెక్టర్ సర్పరాజ్ అహ్మద్, పోలీస్ కమిషన్ విబి కమలాషన్‌రెడ్డి, మున్సిపల్ కమిషనర్ శశాంక్, ఆర్‌డివో రాజాగౌడ్, ఆర్‌ఐ మల్లేశం పాల్గొని మొక్కలు నాటారు.

ఆకుపచ్చ తెలంగాణగా మార్చాలి: తుమ్మల
రాష్ట్రాన్ని పచ్చని తెలంగాణగా తిర్చిదిద్దడమే హరిత హారం అని మంత్రి తుమ్మల నాగేశ్వరరావు అన్నారు. బుధవారం మంత్ర రఘునాధపాలెం మండలం దానవాయిగూడెంలోని గురుకుల పాఠశాలలో 4వ విడత హరితహారం కార్యక్రమంలో పాల్గొని మొక్కలు నాటారు. అనంతరం ఏర్పాటు చేసిన సభలో ఆయున మాట్లాడుతూ ఈ కార్యక్రమంలో ప్రజలందరూ స్వచ్చందంగా, ఉత్సాహంగా భాగస్వాములు కావాలి అని అన్నారు. నాటిన ప్రతి మొక్క బ్రతికేలా చూడాలన్నారు. ఇంకా ఈ కార్యక్రమంలో ఎస్‌సి కార్పొరేషన్ పిడమర్తి రవి, రాష్ట్ర శాసనమండలి సభ్యులు బాలసాని లక్ష్మీనారాయుణ, ఖమ్మం జిల్లా కమిషనర్ ఆఫ్ పోలిసు తప్సీర్ ఇక్బాల్, స్థానిక ప్రజాప్రతినిధులు, అధికారులు పాల్గొన్నారు.





Related News