kadiyam srihari

5 లక్షల మంది విద్యార్థులకు అన్నం

Updated By ManamSun, 07/29/2018 - 02:24
  • పాలిటెక్నిక్, జూనియర్, డిగ్రీ, బీఈడీ, డీఈడీ, మోడల్ జూనియర్ కాలేజీల్లో అమలు

  • కడియం నేతృత్వంలోని కమిటీ చర్చ.. అక్షయపాత్ర ఫౌండేషన్ ద్వారా సరఫరా

  • ఆగస్టు 3న సమావేశంలో తుదిరూపు

kadiyamహైదరాబాద్: మరొక బృహత్తర పథకానికి తెలంగాణ ప్రభుత్వం శ్రీకారం చుట్టింది. పాఠశాల విద్యార్థులకు మధ్యాహ్న భోజన పథకం అమలు చేస్తూ, దేశంలోనే తెలంగాణ శభాష్ అనిపించుకుంది. ఇప్పుడు ఈ పథకాన్ని కాలేజీ విద్యార్థులకు కూడా వర్తింపజేయడానికి సిద్ధమైంది. శుక్రవారం జరిగిన రాష్ట్ర మంత్రివర్గ సమావేశంలో ఈ పథకం ప్రారంఛించాలని నిర్ణయించిన విషయం విదితమే. సీఎం కేసిఆర్ ఆదేశాల మేరకు మధ్యాహ్న భోజన పథకాన్ని తెలంగాణ రాష్ట్రంలోని ప్రభుత్వ డిగ్రీ, జూనియర్, పాలిటెక్నిక్, మోడల్ జూనియర్ కాలేజీలు, బీఈడీ, డీఈడీ కాలేజీల్లోని దాదాపు 5 లక్షల మందికి అందించనున్నారు. దీనికి సంబంధించిన విధివిధానాలపై చర్చించేటందుకు శనివారం డిప్యూటీ సీఎం, విద్యాశాఖ మంత్రి కడియం శ్రీహరి నే తృత్వంలో మంత్రులు ఈటల రాజేందర్, హరీశ్‌రావు, ఇంద్రకరణ్ రెడ్డి సచివాలయంలో సమావేశమయ్యారు. మధ్యాహ్న భోజనం అత్యంత నాణ్యంగా, పౌష్టిక విలువలతో అందించేందుకు మూడు రకాల ప్రతిపాదనలు సిద్ధం చేయాలని అక్షయపాత్ర ఫౌండేషన్ ప్రతినిధులను కోరింది.

కమిటీ అడిగిన ప్రతిపాదనలు...

  •     ఐదు లక్షల మంది విద్యార్థులకు మధ్యాహ్న భోజనానికి కావల్సిన సరుకులన్నీ అందిస్తే సరఫరా చేయడం. 
  •     సరుకులన్నీ అక్షయపాత్ర ఫౌండేషన్ ద్వారానే సమకూర్చి భోజనం అందించడం 
  •     పులిహోర, బ్లాక్ రైస్, ఉప్మా, కొర్రలు, జొన్నలు, రాగులు, సజ్జల వంటి విభిన్న తృణ ధాన్యాలతో కూడిన భోజనాన్ని అందించడంపై ప్రతిపాదనలు ఇవ్వాలని అడిగింది.

రాష్ట్రంలోని 31 జిల్లాల్లో అన్ని కాలేజీలకు మధ్యాహ్న సమయానికి భోజనం అందే విధంగా కావల్సిన కిచెన్లు ఏర్పాటు చేసుకోవాలని, మౌలిక సదుపాయాలు సమకూర్చుకోవాలని మంత్రులు అక్షయ పాత్ర ఫౌండేషన్ ప్రతినిధులకు సూచించారు. అక్షయపాత్ర ఫౌండేషన్‌తో పాటు కాలేజీలకు దగ్గరగా ఉన్న మెస్సులు, హోటళ్ల ద్వారా మధ్యాహ్న భోజనాన్ని విద్యార్థులకు అందించడంపై కూడా చర్చించి, ఈ వివరాలు పూర్తిస్థాయిలో తెప్పించుకుని వచ్చే సమావేశంలో కూలంకుశంగా చర్చించాలని నిర్ణయించారు. ఆగస్టు 3వ తేదీ మరోసారి సచివాలయంలో ఈ కమిటీ సమావేశం కావాలని నిర్ణయించారు. ఈ సమావేశానికి అక్షయపాత్ర ఫౌండేషన్ తగిన ప్రతిపాదనలతో రావాలని సూచించారు. ఈ సమావేశంలో విద్యాశాఖ ప్రభుత్వ ప్రత్యేక ప్రధాన కార్యదర్శి రంజీవ్ ఆర్ ఆచార్య, ఇంటర్ బోర్డు కార్యదర్శి అశోక్, రాష్ట్రీయ మాధ్యమిక శిక్షా అభియాన్ జాయింట్ డైరెక్టర్ రమేష్, ఇతర అధికారులు పాల్గొన్నారు.



అంబేద్కర్ లేకుంటే నేను లేను

Updated By ManamSun, 07/29/2018 - 01:29
  • ఆయన ఆశయాల సాధనకే గురుకులాలు

  • ఉపముఖ్యమంత్రి కడియం శ్రీహరి

kadiyamహైదరాబాద్: అంబేద్కర్ లేకుంటే తాను లేనని మంత్రి కడియం శ్రీహరి స్పష్టం చేశారు. ఇవాళ నగరంలోని ఆర్టీసీ కళ్యాణ మండపంలో ఆంధ్రా బ్యాంక్ ఎస్సీ, ఎస్టీ ఉద్యోగుల వెల్ఫేర్ అసోసియేషన్ 3వ ఆల్ ఇండియా జనరల్ బాడీ మీటింగ్‌కు మంత్రి కడియం ముఖ్య అతిథిగా హాజరయ్యారు. ఈ సందర్భంగా మాట్లాడిన మంత్రి... ఆరు దశాబ్దాల తెలంగాణ ఉద్యమం ఫలించింది అంబేద్కర్ వల్లనే అని తెలిపారు. తెలంగాణ రాష్ట్రం అంబేద్కర్ రాసిన ఆర్టికల్ 3 వల్లే సాధ్యమైందన్నారు. అంబేద్కర్ ఆశయాల మేరకే సీఎం కేసీఆర్ పనిచేస్తున్నారన్నారు. అందరికీ విద్యనందించాలనే అంబేద్కర్ ఆశయంతోనే రాష్ట్రంలో అత్యధిక గురుకులాలు ఏర్పాటు చేశామన్నారు. ‘దళితులు ఎదిగిన తర్వాత కూడా వారిపై దాడులు జరుగుతున్నాయి. అత్యాచార నిరోధ చట్టాన్ని నీరుగార్చే ప్రయత్నం జరుగుతున్నది. ముందస్తు బెయిల్ అవసరం లేదన్న సుప్రీం కోర్టు తీర్పుపై దళితులు రోడ్డెక్కారు. పీఓఏ చట్టాన్ని కాపాడటం కోసం అనేక మంది దళితులు చనిపోయారు. కేంద్రం వెంటనే పీఓఏ చట్టంపై ఆర్డినెన్స్ తీసుకురావాలి. పీఓఏ చట్టాన్ని బలోపేతం చేయడంలో తెలంగాణ ప్రభుత్వం పూర్తిగా మద్దతిస్తుంది. జాతీయ ఎస్సీ, ఎస్టీ కమిషన్ పీఓఏ చట్టం కాపాడడాన్ని సీరియస్గా తీసుకోవాలి. పేదలకు లబ్ది చేకూరాలని బ్యాంకులను జాతీయం చేశారు. బ్యాంకుల జాతీయ లక్ష్యం నెరవేరడం లేదు. పేదలకు బ్యాంకులు చేరువగా లేవు. విజయ్ మాల్యా, నీరవ్ మోదీ లక్షల కోట్లు బ్యాంకులకు ఎగ్గొడుతున్నారు. పేదవాడికి పదివేలు ఇవ్వడానికి బ్యాంకులు ముందుకు రావడం లేదు. బ్యాంకుల వైఖరి వల్లే పేదవాళ్ల కోసం పెట్టిన ప్రభుత్వ ఆర్థిక సహకార పథకాలు వారికి అందడం లేదు. ఎస్సీ, ఎస్టీ వెల్ఫేర్ అసోసియేషన్ బ్యాంకులను పేదలకు దగ్గరగా తీసుకెళ్లాలి..‘ అని మంత్రి పేర్కొన్నారు.

కేటీఆర్‌తో ప్రకాష్‌రాజ్ భేటీ
prakasrajతెలంగాణ ఐటీ, పరిశ్రమల శాఖ మంత్రి కేటీఆర్‌తో సినీ నటుడు ప్రకాష్‌రాజ్ శనివారం భేటీ అయ్యారు. ఈ సందర్భంగా కొండారెడ్డిపల్లి గ్రామ అభివృద్ధి అంశంపై ప్రకాశ్‌రాజ్ కేటీఆర్‌తో చర్చించారు. ఈ గ్రామాన్ని ప్రకాష్‌రాజ్ దత్తత తీసు కున్న విషయం తెలిసిందే. గ్రామానికి కేటాయించిన అభివృద్ధి పనులు, ప్రభుత్వ పాఠశాలల బలోపేతానికి చేపట్టాల్సిన చర్యలపై చర్చించినట్టు ప్రకాష్‌రాజ్ తెలిపారు. కొండారెడ్డి పల్లిని ఆదర్శ గ్రామంగా తీర్చిదిద్దేందుకు కలిసి పనిచేద్దామని కేటీఆర్ తెలిపినట్టుగా పేర్కొన్నారు.



మెడల్ కొట్టు... ఉద్యోగం పట్టు

Updated By ManamSat, 07/28/2018 - 23:34
  • క్రీడాకారులకు తెలంగాణ ప్రభుత్వ నజరానా: శాట్స్ చైర్మన్ 

kadiyamహైదరాబాద్: తెలంగాణలోని క్రీడాకారులని ప్రోత్సహించేందుకు కేసీఆర్ ప్రభుత్వం కృత నిశ్చయంతో ఉందని శాట్స్ చైర్మన్ అల్లీపూరం వెంకటెశ్వర్ రెడ్డి పేర్కొన్నారు. ఈ మేరకు తెలంగాణ సర్కార్ దీనికి సంబంధించి ఒక జీఓను విడుదల చేసిందని ఆయన తెలిపారు. ప్రభుత్వ ఉద్యోగాలలో క్రీడాకారులకు 2 శాతం రిజర్వేషన్లను తక్షణమే అమలు చేయాలని కొరుతూ జీఓ ఇచ్చిందని చెప్పారు. జీఓ విడుదలకు సంబందించి జీఓ శాట్స్ చైర్మన్ అల్లీపూరం వెంకటెశ్వర్ రె డ్డి శనివారం సీఎం కేసీఆర్...సీఎస్ ఎస్‌కే జోసీకి కృతజ్ఞతలు తెలిపారు.  సీఎం తీసుకున్న ఈ నిర్ణయం గ్రామీణ క్రీడాకారులకు ఎంతగానో ఉపయోగపడుతుందని ఆయన అన్నారు.



తక్షణమే ఏర్పాటు చేయండి 

Updated By ManamFri, 07/27/2018 - 00:54
  • గిరిజన విశ్వవిద్యాలయంపై కేంద్ర మంత్రికి కడియం విజ్ఞప్తి

  • విభజన హామీలన్నీ నిక్కచ్చిగా అమలు చేయాలె

  • ఏపీకీ న్యాయం జరగాలె.. తెలంగాణకూ చేయాలె.. రాష్ట్రానికి ఇస్తామన్న ఏ విద్యాలయమూ ఇవ్వలే

  • కాంగ్రెసోళ్లు కూడా వీటిపై డిమాండ్ చేయాలె.. ఢిల్లీలో తెలంగాణ రాష్ట్ర ఉప ముఖ్యమంత్రి

kadiyamన్యూఢిల్లీ: విభజన చట్టం ప్రకారం గిరిజన విశ్వవిద్యాలయం ఏర్పాటుకు చర్యలు తీసుకుంటామని కేంద్ర మానవ వనరుల అభివృద్ధి శాఖ మంత్రి ప్రకాశ్ జవడేకర్ హామీ ఇచ్చినట్లు తెలంగాణ రాష్ట్ర ఉప ముఖ్య మంత్రి కడియం శ్రీహరి తెలిపారు. గురువారం కడియం ఢిల్లీలో మీడియాతో మాట్లాడుతూ... విభజన చట్టం ప్రకారం ఏపీకి న్యాయం జరగాలి, తెలంగాణకు న్యాయం చేయాలని కోరామన్నారు. హైకోర్టు విభజన, బయ్యారం స్టీల్ ప్లాంట్, విద్యాసంస్థలు ఏవీ కేంద్రం పట్టించుకోవడం లేదనీ వివరించామన్నారు. ఏపీకి ప్రత్యేక హోదా ఇవ్వడం పట్ల తమకు ఎలాంటి అభ్యంతరం లేదనీ, అయితే తెలంగాణకు సంపూర్ణ న్యాయం చేయాలని, ప్రత్యేక హోదా ఫలాలు రాష్ట్రానికి ఇవ్వాలని కోరామని తెలియజేశారు. హైదరాబాద్ కు ఐఐఎం ఇవ్వాలని కోరినా ఇంతవరకు ఏమీ చెప్పలేదని, దానిపై కూడా తేల్చి చెప్పాలని విన్నవించామన్నారు. సోనియా ఇస్తే కాదు, తెలంగాణ ప్రజలు పోరాడి రాష్ట్రాన్ని సాధించుకున్నారని స్పష్టం చేశారు. నూతన జిల్లాల్లో జవహర్ నవోదయ విద్యాలయాలు, కేంద్రీయ విద్యాలయాలు కావాలని అడిగామని, 14 జిల్లాల్లో నవోదయ, కేంద్రీయ విద్యాలయాలు లేవని, కొత్తగా మంజూరు చేయాలని చెప్పామని, ఈ సంవత్సరం ఇస్తామని కేంద్రమంత్రి హమీ ఇచ్చారని తెలిపారు. నాలుగు సంవత్సరాలు గడుసున్నా తెలంగాణ లో ఒక్క విద్యా సంస్థ కూడా కేంద్ర ప్రభుత్వం ఏర్పాటు చేయలేదని ఉప ముఖ్యమంత్రి గుర్తుచేశారు. త్రిపుల్ ఐటి ఏర్పాటుపై త్వరగా నిర్ణయం తీసుకోవాలని, గణిత శాస్త్రం కోసం విద్యార్థులకు అడ్వాన్స్‌డ్ ఇన్స్టిట్యూట్ ఆఫ్ మాథమెటిక్స్ హెదరాబాదులో ఏర్పాటు చేయాలని కోరామనీ,  మ్యాథ్స్ లో అడ్వాన్స్ బోధనలో మెరుగు పడేలా ఇది ఉపయోగపడుతుందని చెప్పారమన్నారు. కరీంనగర్ లో ఐఐఐటీ ఏర్పాటు చర్యలు తీసుకోవాలని కోరామన్నారు. త్వరగా విద్యాసంస్థల ఏర్పాటుపై కేంద్రం నిర్ణయం తీసుకోవాలని, మధ్యాహ్న భోజన పథకాన్ని 12 వ తరగతి వరకు పొడిగించాలని కేంద్రమంత్రిని కోరామని,  పేద విద్యార్థుల చదువు కోసం 12వ తరగతి వరకు మధ్యాహ్న భోజనం అమలు చేస్తే ఎంతో ఉపయోగం ఉంటుందని వివరించారు. ఈ సందర్భంగా కేంద్రమంత్రికి కడియం వినతిపత్రాలను అందజేశారు. తెలంగాణ ఉద్యమం ప్రజల్లో రగిలించి కేసీఆర్ ముందుకు తీసుకెళ్లారో... దాన్ని స్పూర్తిగా తీసుకొని ఏపీ హోదా ఉద్యమాన్ని ముందుకు తీసుకెళ్లాలని సూచించారు. కాంగ్రెస్ పార్టీ కూడా తెలంగాణ అభివృద్ధికి సహకరించి.. విభజన హామీల అమలుకు కేంద్రాన్ని డిమాండ్ చేయాలని, రాహుల్, సోనియాపై ఆ బాధ్యత ఉందని గుర్తు చేశారు. మీడియా సమావేశంలో పార్లమెంటు సభ్యులు బి. వినోద్, జే. సంతోష్ కుమార్, బాల్క సుమన్, రాజ్య సభ సభ్యులు బండ ప్రకాష్, బడుగు లింగయ్య, రాష్ట్ర ప్రభుత్వ ప్రత్యేక ప్రతినిధి డాక్టర్. మందా జగన్నాథం, తదితరులు పాల్గొన్నారు.



బిల్ట్ తెరువాలె

Updated By ManamThu, 07/26/2018 - 00:52
  • వారంల ప్రతిపాదనలు ఇయ్యాలె.. రాయితీలిచ్చేందుకు మేం రెడీ

  • పేపర్ కంపెనీ యాజమాన్యంతో కడియం, కేటీఆర్ చర్చలు

  • ప్రభుత్వ ప్రయత్నాలకు కంపెనీ ప్రతినిధులు ప్రశంసలు 

  • ప్రభుత్వానికి, కడియం శ్రీహరికి కార్మికుల ధన్యవాదాలు

ktrహైదరాబాద్: రాష్ట్రంలో ఖాయిలా పడిన మరో పరిశ్రమ పునరుద్ధరణకు రంగం సిద్ధమైంది. మూతబడ్డ పరిశ్రమలను తెరిపించి అక్కడి కార్మికులను ఆదుకోవాలన్న తెలంగాణ ప్రభుత్వ లక్ష్యంలో భాగంగా బల్లార్‌పూర్ ఇండస్ట్రీస్ లిమిటెడ్ ( బిల్ట్ ) కంపెనీ ప్రతినిధులతో డి ప్యూటీ సీఎం కడియం శ్రీహరి, పరిశ్రమల శాఖ మంత్రి కేటీఆర్ బుధవారం సమావేశమయ్యారు. పరిశ్రమలు పునరుద్ధరించి, ఆ కంపెనీల కార్మికులను ఆదుకోవడంలో తమ ప్రభుత్వం అవసరమైన అన్ని రకాల సహాయసహకారాలు అందిస్తుందని కంపెనీ ప్రతినిధులకు హామీ ఇచ్చారు. భూపాలపల్లి జిల్లా కమలాపూర్ రేయాన్స్ ఫ్యాక్టరీ పునరుద్ధరణ కోసం కడియం శ్రీహరి గత ఏడు నెలలుగా ఆ కంపెనీ యాజమాన్యం, ప్రతినిధులు, కంపెనీ కార్మికులతో చర్చలు జరుపుతున్నారు. కార్మిక శాఖ మంత్రి, హోం మంత్రి నాయిని నర్సింహారెడ్డి, జిల్లా మంత్రి చందూలాల్, ఎంపీ సీతారాం నాయక్, కార్మిక శాఖ అధికారులు, కార్మిక సంఘాల నేతలతో రెండేళ్ల నుంచి పలు సమావేశాలు పెట్టి కమలాపూర్ రేయాన్స్ కంపెనీని పునరుద్ధరించాలని యాజమాన్యాన్ని, పునరుద్ధరణకు సహకరించాలని కార్మికులను కోరుతున్నారు. కడియం శ్రీహరి విజ్ఞప్తి మేరకు యాజమాన్యం, ప్రతినిధులు బుధవారం కేటీఆర్ వద్ద కంపెనీ పునరుద్ధరణకు సంసిద్ధతను వ్యక్తం చేశారు. ప్రభుత్వం తరపున కొన్ని రాయితీలు, సహకారం కావాలని కోరారు. దీనికి కేటీఆర్ అంగీకరించారు. వారం రోజుల్లో కంపెనీ పునరుద్ధరణ కోసం ప్రభుత్వం నుంచి ఎలాంటి సహకారం కావాలో తెలిపే ప్రతిపాదనలు ఇవ్వాలని కడియం శ్రీహరి, కేటీఆర్ సూచించారు. ప్రతిపాదనలు సమర్పించగానే సీఎం కేసీఆర్ దృష్టికి తీసుకెళ్లి ప్రభుత్వం నుంచి ఏమేమి చెయ్యగలమో చెబుతామని తెలిపారు. ఈ ప్రభుత్వం కార్మిక పక్ష పాతి అని , కార్మికుల బతుకులు బాగు చేయడం కోసం ఏమైనా చేస్తుందని తెలిపారు. భూపాలపల్లిలో ఈ పరిశ్రమ పునరుద్ధరణ జరిగితే అక్కడ పనిచేస్తున్న కార్మికులతో పాటు కొత్తవారికి కూడా ఉపాధి అవకాశాలు మెరుగు అవుతాయని తెలిపారు. ప్రభుత్వం తరపునుంచి  హామీ రావడంతో కంపెనీ యాజమాన్యం సంతోషం వ్యక్తం చేసింది. ఈ మద్దతుతో తాము ఇప్పటి నుంచే పునరుద్ధరణ ప్రయత్నాలు చేస్తామన్నారు. మంత్రులు అడిగినట్లుగానే వారం, పది రోజుల్లో కంపెనీ పునరుద్ధరణపై తమ ప్రతిపాదనలు సమర్పిస్తామని తెలిపారు. తెలంగాణ ప్రభుత్వం మొదటి నుంచి కంపెనీ పునరుద్ధరణకు చొరవ తీసుకోవడం, నేడు కంపెనీ కూడా దీనికి సంసిద్ధత వ్యక్తం చేయడంతో కార్మికులు  కూడా హర్షం వ్యక్తం చేశారు. డీప్యూటీ సీఎం కడియంను కలిసి ప్రభుత్వానికి ధన్యవాదాలు తెలిపారు. ఈ సమావేశంలో ఒడితెల సతీష్, పరిశ్రమల శాఖ ముఖ్య కార్యదర్శి జయేష్ రంజన్, కంపెనీ డైరెక్టర్ హరిహరన్, ఇతర అధికారులు తదితరులు పాల్గొన్నారు.  



ఫలక్‌నుమాలో మోడల్ క్యాంపస్

Updated By ManamSat, 07/21/2018 - 01:32
  • పాతబస్తీ పర్యటనలో కడియం శ్రీహరి

kadiyamహైదరాబాద్: పాతబస్తీలోని ఫలక్‌నుమా ప్రభుత్వ విద్యా సంస్థల ప్రాంగణాన్ని మోడల్ క్యాంపస్‌గా అభివృద్ధి చేస్తామని ఉప ముఖ్యమంత్రి, విద్యాశాఖ మంత్రి కడియం శ్రీహరి హామీనిచ్చారు. ఫలక్‌నుమా ప్రాంగణంలోని ప్రభుత్వ పాఠశాలలు, కళాశాలలను ఉప ముఖ్యమంత్రి కడియం శ్రీహరి, స్థానిక ఎమ్మెల్యే అక్భరుద్దీన్‌తో కలిసి శుక్రవారం తనిఖీ చేశారు. ఈ సందర్భంగా మంత్రి కడియం శ్రీహరి విలేకరులతో మాట్లాడారు. ఫలక్ నుమా ప్రభుత్వ విద్యా సంస్థల ప్రాంగణంలో ప్రాథమిక పాఠశాల నుంచి జూనియర్ కాలేజీ వరకు తెలుగు, ఉర్దూ మీడియాల్లో ఐదారు వేల మంది విద్యార్థులు చదువుతున్నారన్నారు. రూ.3 కోట్లతో జూనియర్ కాలేజీ, రూ.5 కోట్లతో డిగ్రీ కాలేజీ భవనాలు నిర్మించనున్నట్టు వెల్లడించారు. అదేవిధంగా భవనాలన్నింటినీ పునరవ్యవస్థీకరించేందుకు 15 రోజుల్లో మాస్టర్ ప్లాన్ సిద్ధం చేసి టెండర్లు పిలవాలని అధికారులను ఆదేశించారు. 75వేల మంది ఉపాధ్యాయుల బదిలీల ప్రక్రియలో 40వేల మంది ఉపాధ్యాయులు బదిలీ అయ్యారని, ఫలితంగా కొన్ని చోట్ల ఉపాధ్యాయులు కొరత ఏర్పడిందని  చెప్పారు. జూలై 31 నాటికి ప్రతి కాలేజీ, పాఠశాలలో విద్యావాలంటీర్లు, గెస్ట్ లెక్చరర్ల ద్వారా ఉపాధ్యాయుల కొరత లేకుండా చేస్తామన్నారు.



ఆఫీసర్ల పాలనొద్దు మేమే ఉంటం

Updated By ManamSun, 07/15/2018 - 02:28
  • మాతోనే సంక్షేమం సజావుగా అమలు

  • పదవీకాలం పొడిగించాలని సర్పంచుల డిమాండ్

  • మంత్రులను కలుస్తున్న ఆ సంఘం నాయకులు 

kadiyamsrihariహైదరాబాద్: ఈ నెల 31వ తేదీతో గ్రామ పంచాయతీ సర్పంచుల పదవీకాలం ముగుస్తుండడంతో ఎన్నికలు నిర్వహించేందుకు ప్రభుత్వం సిద్ధమ యింది. అయితే, బీసీల రిజర్వేషన్లపై స్పష్టత వచ్చే వరకు పంచాయతీ ఎన్నికలు నిర్వహించొ ద్దని కోర్టు తేల్చి చెప్పింది. ఈ కారణంతో ఎన్ని కల నిర్వహణ పెండింగులో పడింది. దానితో పదవీకాలం ముగుస్తుండడంతో గ్రామ పంచా యతీల పాలనా బాధ్యతను ప్రత్యేకాధికారులకు అప్పగించాలని ప్రభుత్వం ఉత్తర్వులు జారీ చేసింది. మరోపక్క, గ్రామ పంచాయతీలకు స్పెషల్ ఆఫీసర్లను నియమించడంపై సర్పంచు లు అసంతృప్తి వ్యక్తం చేస్తున్నారు. తమ ఆవేదనను సీఎం కేసీఆర్ దృష్టికి తీసుకెళ్లేందుకు ప్రయత్నిస్తున్నారు. దీనిలో భాగంగానే మంత్రు లను కలిసి సమస్యలను విన్నవించుకుంటు న్నారు. గతంలో కూడా సర్పంచుల పదవీ కాలం ముగిసిన తర్వాత స్పెషల్ ఆఫీసర్లను నియమించారు. కానీ ఇప్పుడు సర్పంచులు ఆఫీసర్ల పాలనొద్దని, తమ పదవీకాలన్నే పొడ గించమని కోరుతున్నారు. అసెంబ్లీ ఎన్నికలు సమీపిస్తున్న తరుణంలో గ్రామ పంచాయతీ ఎన్నికలు, పదవీకాల డిమాండ్ వ్యవహారం కీలకంగా మారునుందని రాజకీయ విశ్లేషకులు అభిప్రాయపడుతున్నారు. ఈ నేపథ్యంలో ప్రభుత్వం ఎలా స్పందిస్తుందన్న దానిపైనే ఆసక్తి నెలకొంది. 

సమస్యలొస్తాయి...
గ్రామ పంచాయతీలకు స్పెషల్ ఆఫీసర్లను నియమించడంలో భాగంగా ప్రభుత్వం ఒక్కొక్క ఆఫీసర్‌కు మూడు నుంచి నాలుగు గ్రామాలను కేటాయించనుంది. ప్రభుత్వ అధికారులు తమ విధులకు సంబంధించిన పనులకోసం కల వాలంటేనే రోజులు పడుతుంది. అలాంటి మూడు, నాలుగు గ్రామాల బాధ్యతలను వారికి కేటాయిస్తే అభివృద్ధి పథకాలను ప్రజలకు చేరువ చేయడంలో జాప్యం జరుగుతుందని సర్పంచులు అభిప్రాయపడుతున్నారు. ప్రత్యేకా ధికారులు పాలనలో క్షేత్రస్థాయి సమస్యల పరిష్కారంలో ఇబ్బందులు తలెత్తుతాయని, సమస్యలొస్తాయని పేర్కొంటున్నారు. 

సర్పంచులతోనే ప్రజల్లోకి సంక్షేమం
తెలంగాణ ఏర్పడినప్పటి నుంచి రాష్ట్ర వ్యాప్తంగా ఉన్న 8684 మంది సర్పంచులు ప్రభుత్వ నిర్ణయాలకు సహకరిస్తూ... ప్రభుత్వం ప్రవేశపెట్టే సంక్షేమ పథకాలను ప్రజల్లోకి తీసుకెళ్లడంలో కీలకపాత్ర పోషిస్తున్నామని సర్పంచుల సంఘం అభిప్రాయపడుతుంది. రైతు బంధు, కల్యాణలక్ష్మీ, షాదీ ముబారక్, ఒంటరి మహిళలకు పింఛన్లు, ఆసరా పింఛన్లు, హరితహారం వంటి కార్యక్రమాలను విజయవం తంగా నిర్వహిస్తున్నామంటున్నారు. గ్రామాల్లో ఏ చిన్న సమస్య వచ్చినా ప్రజలకు సర్పంచులే గుర్తుకువస్తారని, అలాంటిది ఇప్పుడు స్పెషల్ ఆఫీసర్లను నియమిస్తే ప్రజలకు సకాలంలో పనులు జరగవని ఆందోళన చెందుతున్నారు. 

పదవీ కాలం పొడగించాలి: సౌదాని
గ్రామ పంచాయతీలకు స్పెషల్ ఆఫీసర్లను నియమిస్తున్నట్టు ప్రభుత్వం ఉత్తర్వులు జారీ చేయడంతో ప్రత్యేకాధికారులతో గ్రామపాలన సాధ్యం కాదని, సర్పంచుల పదవీ కాలాన్ని పొడగించాలని తెలంగాణ సర్పంచుల సంఘం వ్యవస్థాపక అధ్యక్షుడు సౌదాని భూమన యాదవ్ డిమాండ్ చే శారు. ఆయన నాయకత్వంలో కొంత మంది సర్పంచులు పలువురు మంత్రులను కలిసి వినతి పత్రాలను అందజేస్తున్నారు. శనివారం సచివాలయంలో ఆర్థికశాఖ మంత్రి ఈటల రాజేందర్‌కు, డిప్యూటీ సీఎం కడియం శ్రీహరికి తన నివాసంలో కలిసి తమ  సమస్యలను వివరించారు. సర్పంచుల పదవీ కాలం పొడగింపు, వారి సమస్యలను సీఎం కేసీఆర్ దష్టికి తీసుకెళ్తామని వారు హామీ ఇచ్చారు. ఈ సందర్భంగా భూమన యాదవ్ మాట్లాడుతూ... ఐదేండ్ల నుంచి సర్పంచులుగా ప్రజలకు సేవ చేస్తున్నామని, మరింత కొంత కాలం పొడిగిస్తే అభివృద్ధిలో ప్రభుత్వానికి సహకరిస్తామన్నారు. ప్రాథమిక వ్యవసాయ సహకార సంఘం పాలక వర్గాల పదవీ కాలం పొడగించినట్టుగానే తమ పదవీకాలాన్ని పొడిగించాలని వారు కోరుతున్నారు. 

స్పెషల్ ఆఫీసర్స్‌ను నియామకం
ఈ నెల 31 నుంచి గ్రామ పంచాయతీ సర్పంచుల పదవీకాలం ముగిస్తున్నట్టు ఎన్నికల సంఘం తెలిపింది. కానీ బీసీ రిజర్వేషన్ల లెక్క తేలేంతవరకు ఎన్నికలు నిర్వహించొద్దని కోర్టు ఆదేశించింది. ఈ క్రమంలో గ్రామ పంచాయతీల పాలనను ప్రత్యేకాధికారులకు అప్పగించాలని శనివారం ప్రభుత్వం ఉత్తర్వులు జారీ చే సింది. ఇందులో భాగంగా ప్రత్యేకాధికారులను నియమించే వివరాలను సేకరించాలని అన్ని జిల్లాల కలెక్టర్లను ఆదేశించింది.



సురేశ్ చికిత్స బాధ్యత ప్రభుత్వానిదే

Updated By ManamWed, 07/11/2018 - 00:53
  • ఫైర్‌వర్క్స్ బాధితుడికి నిమ్స్‌లో మంత్రి కడియం పరావుర్శ

kadiyamహైదరాబాద్: ‘వరంగల్‌లో జరిగిన ఫైర్ వర్క్స్ అగ్నిప్రమాద బాధితుడు సురేశ్ చికిత్స బాధ్యత ప్రభుత్వానిదే.. అతడికి మెరుగైన వైద్యం అందించాలి’ అని వైద్యులకు డిప్యూటీ సీఎం కడియం శ్రీహరి సూచించారు. నిమ్స్‌లో చికిత్స పొందుతున్న సురేశ్‌ను నిమ్స్‌లో మంగళవారం మంత్రి కడియం పరామర్శించారు. సురేశ్‌కు అందుతు న్న చికిత్సను గురించి వైద్యులను అడిగి తెలుసుకు న్నారు. ప్రభుత్వం తరపున అన్ని ఖర్చులు భరిస్తామని సీఎం కేసీఆర్ ప్రకటించిన నేపథ్యంలో సురేశ్ చికిత్స విషయంలో ఏమాత్రం నిర్లక్ష్యం ఉండకూడదని నిమ్స్ అధికారులు, వైద్యులకు సూచించారు. అదేవిధంగా మాదాపూర్‌కు చెందిన జయశంకర్ బస్సు ప్రమాదంలో గాయపడిన వారు నిమ్స్‌లోనే వైద్యం తీసుకుంటుం డగా వారిని కూడా మంత్రి కడియం పరామర్శించారు.



అండగా ఉంటాం

Updated By ManamMon, 07/09/2018 - 01:19
  • అమెరికాలో వరంగల్ విద్యార్థి మృతి పట్ల కేసీఆర్ దిగ్భ్రాంతి  

  • మృతదేహం తరలింపునకు ప్రభుత్వ ఖర్చుతో  ఏర్పాట్లు 

  • తల్లిదండ్రులకు అత్యవసర వీసాలు : కడియం, కేటీఆర్

  • దౌత్యాధికారులతో మంత్రుల సంప్రదింపులు

  • భౌతిక కాయం రావడానికి నాలుగైదు రోజుల సమయం

imageహైదరాబాద్: అవెురికాలో దుండగుడి కాల్పుల్లో మరణించిన వరంగల్ విద్యార్థి కొప్పు శరత్ మృతి పట్ల డిప్యూటీ సీఎం కడియం శ్రీహరి, ఐటీ మంత్రి కేటీఆర్, పశు సంవర్థక శాఖ మంత్రి తలసాని శ్రీనివాస యాదవ్, మేయర్ బొంతు రామ్మోహన్, ఎంపీలు బండ ప్రకాశ్, బాల్క సుమన్, ఎమ్మెల్యే ఆరూరి రమేశ్ దిగ్భ్రాంతి వ్యక్తం చేశారు. హైదరాబాద్‌లోని అమీర్‌పేటలో ఉన్న వారి ఇంటికెళ్లి శరత్ తల్లిదండ్రులు రామ్మోహన్, మాలతిలను వారు పరామర్శించారు. రాష్ట్ర ప్రభుత్వం వారికి అండగా ఉంటుందని     ఈ సందర్భంగా కడియం హామీ ఇచ్చారు. ఈ దుశ్చర్యకు పాల్పడిన దుండగులను వీలైనంత త్వరలో పట్టుకు నేందుకు తెలంగాణ ప్రభుత్వం తరపున భారత దౌత్య అధికారులు, అమెరికా ఎంబసీతో మాట్లాడా మని చెప్పారు. భౌతిక కాయాన్ని తీసు కొచ్చేందుకు అన్ని ఏర్పాట్లు చేస్తున్నామని, అందుకు అయ్యే ఖర్చును ప్రభుత్వమే భరిస్తుందని అన్నారు. శరత్ మరణవార్త విన్నవెం టనే సీఎం కేసీఆర్ తీవ్ర సంతాపం వ్యక్తం చేశారని, ఈ కుటుంబానికి ప్రభుత్వం అండగా ఉంటుందని హామీ ఇచ్చారని తెలిపారు. అమెరికాలో జరిగిన దురదృష్టకర సంఘటనలో శరత్ మృతిచెందడం పట్ల మంత్రి కేటీఆర్ తీవ్ర దిగ్భ్రాంతి వ్యక్తం చేశారు. శరత్ మరణం గురించి తెలిసిన వెంటనే సీఎం కేసీఆర్ ఈ కుటుంబానికి అండ గా ఉండాలని, కుటుంబ సభ్యులను ఓదార్చేందుకు తమను పంపించారని తెలిపారు. శరత్ కుటుంబ సభ్యులు అమెరికా వెళ్లాలనుకుంటే తెలంగాణ ప్రభుత్వం తరపున అత్యవసర వీసాలు ఏర్పాటు చేస్తామని హామీ ఇచ్చారు. అదేవిధంగా అక్కడున్న శరత్ స్నేహితులు ఇక్కడకు రావాలనుకున్నా వారికి కూడా వీసాలు ఏర్పాటు చేస్తామ న్నారు. అమెరికాలో శని, ఆదివారాలు కార్యాలయాల న్నింటికి సెలవులుండడంతో భౌతికకాయం హైదరాబాద్ తీసుకురావడానికి 4, 5 రోజులు పడుతుందని చెప్పారు. ఇదిలా ఉండగా, బీజేపీ సీనియర్ నేత, ఎంపీ బండారు దత్తాత్రేయ ఆదివారం శరత్ కుటుంబసభ్యులను పరామర్శించారు. శరత్ మృతదేహాన్ని త్వరగా తెప్పించేందుకు కేంద్రంతో మాట్లాడుతానని ఆయన చెప్పారు.

పరిగెత్తడంతో వెనుక నుంచి కాల్పులు
మిస్సోరి యూనివర్సిటీలో ఎంఎస్ చదువుతూ కన్సాస్‌లోని ఓ అపార్టుమెంట్‌లో ఉంటున్న శరత్ జేస్ చికెన్ అండ్ ఫిష్ మార్కెట్ ప్రాంతంలోని రెస్టారెంట్‌లో పార్ట్‌టైమ్ ఉద్యోగం చేస్తున్నాడు. శరత్ రోజూలానే శుక్రవారం కూడా తాను పని చేసే రెస్టారెంట్‌కు వెళ్లాడు. రాత్రి ఏడు గంటల ప్రాంతంలో రెస్టారెంట్‌లోకి చొరబడ్డ ఓ దుండగుడు కాల్పులు జరిపి శరత్‌ను పొట్టనబెట్టుకున్నాడు. ఉన్నట్టుండి లోపలికి వచ్చిన ఓ దుండగుడు తుపాకీ చూపించి డబ్బులివ్వాలని బెదిరించాడని, ఆ సమయంలో అక్కడ ఉన్నవారంతా కింద పడుకున్నారని ప్రత్యక్ష సాక్షి ఒకరు చెప్పారు. కానీ శరత్ అక్కడ నుంచి తప్పించుకునేందుకు పరిగెత్తడంతో ఆ దుండగుడు వెనుకవైపు నుంచి ఐదు రౌండ్లు కాల్పులు జరిపి పారిపోయాడన్నారు. దీంతో కుప్పకూలిపోయిన శరత్‌ను హుటాహుటిన ఆసుపత్రికి తరలించగా అప్పటికే మరణించినట్లు వైద్యులు చెప్పారు.

త్వరలో వస్తాడనుకొంటే...
శరత్ స్వస్థలం వరంగల్ నగరంలోని కరీమాబాద్. తండ్రి రామ్మోహన్ హైదరాబాద్‌లో బీఎస్‌ఎన్‌ఎల్‌లో ఉద్యోగి. తల్లి మాలతి వరంగల్ రూరల్ జిల్లా పర్వతగిరిలో పంచాయతీరాజ్ శాఖలో పనిచేస్తున్నారు. రామ్మోహన్ కుటుంబంతో హైదరాబాద్ అమీర్‌పేట లోని ఓ అపార్టుమెంట్‌లో నివసిస్తున్నారు. వీరికి కుమారుడు శరత్, కుమార్తె ఉన్నారు. హైదరాబాద్‌లోని వాసవీ ఇంజినీరింగ్ కాలేజీలో బీటెక్ పూర్తి చేసిన శరత్ నగరంలోనే మూడేండ్లపాటు ఉద్యోగం చేశాడు.  అవెురికాలో ఉన్నత విద్యనభ్యసించాలన్న ఆశయంతో ఉద్యోగానికి రాజీనామా చేసి మిస్సోరి యూనివర్సిటీలో చేరాడు. జనవరిలోనే అమెరికా వెళ్లిన శరత్ మిస్సోరి యూనివర్సిటీలో చదువుకుంటూనే కన్సాస్ నగరంలోని జేఎస్ ఫిష్ అండ్ చికెన్ మార్కెట్ వద్ద ఓ రెస్టారెంట్‌లో పార్ట్‌టైమ్ చేస్తున్నాడు. త్వరలో శరత్ సోదరి పెండ్లి ఉందని, ఆ వేడుకకు రావాలనుకుంటుండగా ఇంతలోనే ఘోరం జరిగిపోయిందని కుటుంబసభ్యులు తీరని విషాదంలో మునిగిపోయారు.

అన్ని రకాలుగా సాయం
శరత్ మృతి పట్ల విదేశాంగ శాఖ మంత్రి సుష్మా స్వరాజ్ ప్రగాఢ సానుభూతి తెలిపారు. ఈ కేసు దర్యాప్తు వేగవంతం చేయించడంతో పాటు అతడి కుటుంబానికి అన్ని విధాలుగా సాయం చేస్తామని ఆమె ట్వీట్ చేశారు. మృతదేహాన్ని త్వరగా భారత్ రప్పించేందుకు అధికారులను ఆదేశించినట్లు పేర్కొన్నారు.

‘శరత్’ కోసం విరాళాల వెల్లువ
అమెరికాలో ఓ దుండగుడి కాల్పుల్లో మరణించిన శరత్ కొప్పు మృతదేహాన్ని స్వస్థలానికి చేర్చేందుకు చేపట్టిన క్రౌడ్ ఫండింగ్‌కు అనూహ్యమైన స్పందన వచ్చింది. శరత్ బంధువు రఘు చోడవరం గోఫండ్‌మి అనే పేరుతో ఆన్‌లైన్‌లో విరాళాల సేకరణ ప్రారంభించిన మూడు గంటల వ్యవధిలోనే 25 వేల డాలర్లు (సుమారు రూ.16,75,000)వచ్చాయి. శరత్ ఎప్పుడూ నవ్వుతూ, నవ్విస్తూ ఉండే అతడు.. అవసరం ఉన్నవాళ్లకు సాయం చేసేవాడని రఘు చెప్పాడు. కానీ అనుకోకుండా అతని జీవితం ఇలా ముగుస్తుందని ఎవరూ ఊహించలేదని వాపోయాడు. యూనివర్సిటీ ఆఫ్ మిస్సోరి కూడా శరత్ మృతి పట్ల సంతాపం తెలిపింది.

దోపిడీకి యత్నించి.. హత్య!
అవెురికాలో ఉన్నత విద్య కోసం వెళ్లిన వరంగల్ విద్యార్థి శరత్‌ను కాల్చి చంపింది దోపిడీ దొంగ అని తేలింది. రెస్టారెంట్‌లోకి వచ్చి తుపాకీతో బెదిరించి దోచుకునే ప్రయత్నంలో అతడిని చంపినట్లు ప్రత్యక్ష సాక్షులు వెల్లడించారు. శుక్రవారం రాత్రి అవెురికాలోని మిస్సోరి రాష్ట్రం కన్సాస్‌లో జరిగిన కాల్పుల్లో వరంగల్‌కు చెందిన కొప్పు శరత్ (25) ప్రాణాలు కోల్పోయిన విషయం తెలిసిందే. ఈ ఘటనకు సంబంధించిన సీసీ కెమెరా ఫుటేజీని పోలీసులు విడుదల చేశారు. దీని ఆధారంగానే అవెురికా పోలీసులు దర్యాప్తు వేగవంతం చేశారు. నిందితుడిని పట్టుకునేందుకు గాలింపు చర్యలు చేపట్టారు. అతడి ఆచూకీ చెప్పిన వారికి రూ.6.7 లక్షల నజరానాను కూడా ప్రకటించారు.



టెన్త్ సప్లిమెంటరీ ఫలితాలు విడుదల

Updated By ManamSat, 07/07/2018 - 16:52

హైదరాబాద్ : తెలంగాణ టెన్త్ సప్లిమెంటరీ ఫలితాలు విడుదల అయ్యాయి. విద్యాశాఖమంత్రి కడియం శ్రీహరి శనివారం సాయంత్రం పరీక్ష ఫలితాలను విడుదల చేశారు. 45.79మంది విద్యార్థులు ఉత్తీర్ణత సాధించారు. ఫలితాల్లో మొదటి స్థానంలో వరంగల్ జిల్లా చివరి స్థానంలో  ఆదిలాబాద్ జిల్లా నిలిచాయి.

రీ కౌంటింగ్‌కు ఈ నెల 8వ తేదీ నుంచి 16వరకూ అవకాశం ఉంది. కాగా ఇంటర్మీడియెట్‌లో అడ్మిషన్ పొందేందుకు ఈ నెల 31 వరకూ సమయం ఉందని, గుర్తింపు ఉన్న కళాశాలల్లోనే విద్యార్థులు చేరాలని కడియం శ్రీహరి సూచించారు. అలాగే  ప్రయివేట్ యూనివర్శిటీలకు త్వరలో నోటిఫికేషన్ ఇస్తామని ఆయన పేర్కొన్నారు.





Related News