bse

మార్కెట్లలో ర్యాలీ

Updated By ManamMon, 11/19/2018 - 22:24
  • విదేశీ నిధుల పునరాగమనం

  • ఆర్బీఐ బోర్డు సమావేశ ఫలితం 

  • సానుకూలంగా ఉండగలదనే ఆశలు

  • సెంటిమెంట్‌ను పెంపొందించిన యూరోపియన్ మార్కెట్ ఆరంభం

  • గత రెండు సెషన్లలో 315 పాయింట్లు బలపడిన సెనెక్స్

  • 81 పాయింట్లు లాభాన్ని నమోదు చేసిన నిఫ్టీ

sensexముంబై: బొంబాయి స్టాక్ ఎక్చ్సేంజి (బి.ఎస్.ఇ) 30 కంపెనీల సున్నిత సూచి సోమవారం 300 పాయింట్లకు పైగా ర్యాలీని చూసింది. బి.ఎస్.ఇ సెన్సెక్స్ ఆరు వారాల గరిష్ఠ స్థాయి 35,774.88 పాయింట్ల వద్ద ముగిసింది. విదేశీ ఫండ్ల నుంచి నిధులు మార్కెట్లలోకి ప్రవహించడం, ఇన్వెస్టర్లు వారి పోర్ట్ ఫోలియోలను విస్తృతపరచుకోవడం సెన్సెక్స్ ఎగువ గతికి దోహదపడ్డాయి. ఆర్బీఐ బోర్డు సమావేశ ఫలితం కోసం ఎదురు చూసే ధోరణి కూడా వారిలో కనిపించింది. ఏషియాలోని ఇతర మార్కెట్ల నుంచి సానుకూల సంకేతాలు, యూరోపియన్ షేర్లు బలమైన స్థితిలో ఆరంభం కావడం ఇన్వెస్టర్ల సెంటిమెంట్ ను పెంపొందించింది. విధానాల భవిష్యత్ గతికి సంబంధించి కేంద్ర బ్యాంక్ కు, ప్రభుత్వానికి మధ్య విభేదాలు తలెత్తిన సమయంలో రిజర్వ్ బ్యాంక్ సెంట్రల్ బోర్డు కీలక సమావేశం సాగుతోంది. సూక్ష్మ, చిన్న, మధ్య తరహా సంస్థలకు రుణాల నుంచి కేంద్ర బ్యాంక్ రిజర్వుల వరకు వివిధ అంశాలపై ఆర్థిక మంత్రిత్వ శాఖ నామినీలు, కొందరు ఇండిపెండెంట్ డైరెక్టర్లు, ఉర్జిత్ పటేల్ ను, ఆయన బ ందాన్ని ప్రశ్నించనున్నారని భావిస్తున్నారు. అయితే, ఉమ్మడిగా ఒక అంగీకారానికి రావడానికి రెండు పక్షాలూ సుముఖంగానే ఉన్నప్పటికీ చర్చలు వాడిగా వేడిగా జరగవచ్చనే భావిస్తున్నారు. ఈ సమావేశం ప్రారంభమైన తర్వాత సానుకూల ఫలితం రాగలదనే అంచనాలు మార్కెట్ మూడ్ ను పెంపొందింపజేశాయి. ఆర్బీఐ బోర్డు సమావేశపు సానుకూల సంకేతాలపైనే దేశీయ స్టాక్ మార్కెట్లు దృష్టి కేంద్రీకరించాయని విశ్లేషకులు చెబుతున్నారు. ముఖ్యంగా, నాన్ బ్యాంకింగ్ ఫినాన్షియల్ కంపెనీలలో లిక్విడిటీ కొరత సమస్యకు ఓ పరిష్కారం లభించగలదనే ఆశలున్నాయి. అలాగే, ప్రభుత్వ నిర్వహణలోని బ్యాంకులకు నిబంధనలను సడలించవచ్చనే భావనలున్నాయి. సెన్సెక్స్ 35,647.62 వద్ద బలమైన స్థితిలో ఆరంభమై, కొనుగోలు కార్యకలాపాలు ఊపందుకోవడంతో, 35,818.65 స్థాయిని తాకేంత వరకు ఎగువ గతిని కొనసాగించింది. అది చివరకు 317.72 పాయింట్ల లాభంతో 35,774.88 వద్ద ముగిసింది. అక్టోబర్ 3 నాటి (35,975.63) తర్వాత సెన్సెక్స్ కు ఇదే అధిక ముగింపు. గత రెండు సెషన్లలో సెన్సెక్స్ 315.17 పాయింట్లు లాభపడింది. అలాగే, నేషనల్ స్టాక్ ఎక్చ్సేంజి (ఎన్.ఎస్.ఇ) 50 కంపెనీల సూచి నిఫ్టీ కూడా 10,750 స్థాయిని అధిగమించింది.  అది 81.20 పాయింట్ల లాభంతో 10,763.40 వద్ద స్థిరపడడానికి ముందు 10,774.70 పాయింట్ల గరిష్ఠ స్థితిని తాకింది. సెన్సెక్స్ గైనర్లలో ఎస్ బ్యాంక్ స్టార్ గా నిలిచింది. దాని షేర్ విలువ 7.19 శాతం పెరిగింది.

తాత్కాలిక ఆనందమే...
సమస్యలతో సతమతమవుతున్న జెట్ ఎయిర్ వేస్ విమానయాన సంస్థలో వాటా కొనుగోలు చేసే ప్రతిపాదన ఏదీ తామింకా చేయలేదని, చర్చలు ఇంకా ప్రాధమిక దశలోనే ఉన్నాయని టాటా సన్స్ శుక్రవారం వెల్లడించడంతో జెట్ ఎయిర్ వేసే షేర్ విలువ సోమవారం 6.88 శాతం పతనాన్ని చూసింది. కాగా, విదేశీ మదుపు సంస్థలు శుక్రవారం  రూ. 844.82 కోట్ల విలువ చేసే షేర్లను కొనుగోలు చేయగా, దేశీయ మదుపు సంస్థలు రూ. 372.24 కోట్ల విలువ చేసే షేర్లను విక్రయించినట్లు  తాత్కాలిక డాటా సూచించింది. 



మార్కెట్లు హ్యాపి వీకెండ్

Updated By ManamFri, 11/16/2018 - 22:09
  • వరుసగా రెండో రోజు లాభాలు 

  • నాలుగువారాల గరిష్ఠానికి సూచీలు

  • విదేశీ పెట్టుబడులతో సానుకూల ప్రభావం

  • బీఎస్‌ఈ 298 పాయింట్లు, నిఫ్టీ 97 పాయింట్ల లాభం

  • మార్కెట్ క్యాపిటలైజేషన్‌లో టీసీఎస్‌ను రెండో స్థానానికి నెట్టిన రిలయన్స్ ఇండస్ట్రీస్

  • టాప్ గైనర్‌గా ఎయిర్‌టెల్

  • టాప్ లూజర్‌గా టాటా స్టీల్

  • 25 పైసలు బలపడిన రూపాయి

bseముంబై: బాంబే స్టాక్ మార్కెట్ బీఎస్‌ఈ సెన్సెక్స్ వరుసగా రెండో రోజు శుక్రవారం లాభాలను నమోదు చేశాయి. దీంతో సూచీలు దాదాపు 4 వారాల గరిష్ఠాన్ని నమోదు చేశాయి. రిలయన్స్ ఇండస్ట్రీస్, భారతీ ఎయిర్‌టెట్‌తో పాటు ఇతర బ్లూ చిప్ కంపెనీల్లో విదేశీ ఇన్వెస్టెర్లు పెట్టుబడులు పెట్టడపెట్టడంతో రూపాయి బలపడి మార్కెట్లు సానుకూలంగా ట్రేడింగ్‌ను సాగించాయి. మరో వైపు యురోపియన్ షేర్లు భారీ ఒపెనింగ్స్‌ను నమోదు చేయడంతో ఆ సెంటిమెంట్ కూడా స్థానిక మార్కెట్లపై ప్రభావం చూపించింది. రెండు బెంచ్‌మార్క్ ఇండెక్స్‌లైన బాంబే స్టాక్ మార్కెట్ బీఎస్‌ఈ సెన్సెక్స్, జాతీయ సూచీ ఎన్‌ఎస్‌ఈ నిఫ్టీ కూడా వరుసగ మూడో వారం లాభాలను నమోదు చేశాయి. కాగా, మూడు వారాల్లో బీఎస్‌ఈ 298.61 పాయింట్లు ఎన్‌ఎస్‌ఈ 97 పాయింట్లు లాభపడ్డాయి. ప్రారంభంలో సెన్సెక్స్ భారీ స్థాయి ఒపెనింగ్స్‌ను అందుకుంది. 35,545.85 పాయింట్లకు ఎగబాకిన సెన్సెక్స్ సెషన్ ముగిసే సమయానికి 35,457.16 వద్ద స్థిర పడింది. కాగా, ఒక్క రోజులోనే 196.62 పాయింట్ల భారీ లాభాన్ని సెన్సెక్స్ నమోదు చేసింది. కాగా, అక్టోబర్ 17లో 34,779.58 పాయింట్ల వద్ద ముగిసిన ట్రేడింగ్ తర్వాత అత్యధిక లాభాలతో ముగిసిన సెషన్ ఇదే నని మార్కెట్ బ్రోకర్లు తెలిపారు. ఆ సమయంలో సెన్సెక్స్ 119 పాయింట్లు బలపడటం గమనార్హం. ఇక జాతీయ స్టాక్‌మార్కెట్ నిఫ్టీ కూడా 65.50 పాయింట్లు లాభపడి 10,682.20 పాయింట్లుగా ట్రేడింగ్‌ను ముగించింది. కాగా, శుక్రవారం ట్రేడింగ్‌లో 10,695.15 పాయింట్ల అత్యధిక స్థాయితో పాటు, 10,631.15 పాయింట్ల అత్యల్ప స్థాయిని నిఫ్టి నమోదు చేసింది. విదేశీ పెట్టుబడులతో భారతీ ఎయిర్‌టెల్ 9.81 శాతం బలన్ని చేకూర్చింది. మరో వైపు రిలయన్స్ ఇండస్ట్రీస్ కూడా 2.79 శాతం లభాన్ని ఇచ్చింది. కాగా, గడిచిన సెషన్‌లో రిలయన్స్ ఇండస్ట్రీస్ లిమిటెడ్, టాటా కన్సెల్టెన్సీ సర్వీస్ (టీసీఎస్)ను దాటి మార్కెట్ క్యాపిటలైజేషన్‌లో ప్రధాన కంపెనీగా తయారైంది. ఈ ఐటీ కంపెనీ వాటా 0.90 శాతం పెరిగి షేర్ ధర రూ. 1,882.25గా నమోదైంది. ఇక బీఎస్‌ఈలో రిలయన్ ఇండస్ట్రీస్ మార్కెట్ క్యాపిటలైజేషన్ రూ. 7,14,668.54 కోట్లుగా నమోదైంది. 

దీంతో మరో ఐటీ దిగ్గజం టీసీఎస్ రెండో స్థానానికి దిగజారింది. శుక్రవారానికి టీసీఎస్ క్యాపిటలైజేషన్ విలువ రేఊ. 7,06,292.61 కోట్లుగా నమోదెైంది. ఇక వారంతపు మార్కెట్లో హీరో మోటార్స్, ఎస్‌బీఐ, హెచ్‌డీఎఫ్‌సీ, హెచ్‌డీఎఫ్‌సీ బ్యాంకు, ఏషిన్ పేయింట్స్, సన్ ఫార్మా, బజాజ్ ఆటో, కోటక్ బ్యాంకులు టాప్ గైనర్‌లుగా నిలిచాయి. ఇక జెట్ ఎయిర్‌వేస్ షేర్లు వరుసగా రెండో రోజు కూడా భారీగా లాభాలను నమోదు చేశాయి. జెట్ ఎయిర్‌వేస్ మొత్తం 26 శాతానికి పైగా లాభపడినట్లు చాలా ఈ మధ్య కాలంలో ఈ సంస్థ షేర్లు ఇంత మొత్తంలో లాభాలను నమోదు చేయడం ఇదే ప్రథమమని బ్రోకర్లు పేర్కొన్నారు. మరో వైపు ఎస్ బ్యాంకు నాన్ ఎగ్జిక్యూటివ్ చైర్మన్ పదవికి అశోక్ చౌవ్ల రాజీనామా చేయడంతో ఆ సంస్థ షేర్లు భారీగా నష్టాలను నమోదు చేశాయి. టాటా స్టీల్, ఓఎన్‌జీసీ, మూరుతి సుజుకి, యాక్సిస్ బ్యాంకు, ఇండస్ ఇండ్ బ్యాంకు, ఇన్ఫోసిస్, ఐసీఐసీఐ బ్యాంకు, హెచ్‌యూఎల్, వేదాంతా, టాటా మోటార్స్, టార్సెన్ టూబ్రో, షేర్లు నష్టాలను మూటగట్టుకున్నాయి. ద్రవ్య ట్రేడింగ్‌లో రూపాయి మరో 25 పైసలు బలపడింది. దీంతో డాలర్‌తో రూపాయి విలువ 71.72గా నమోదైంది.  ఇతర ఆసియా మార్కెట్ల నుంచి వచ్చిన సానుకూల సంకేతాలతో దేశీయ మార్కెట్లపై మంచి ప్రభావం చూపింది. ఈ సెంటిమెంట్ దేశీయ మదుపరులపై పడిందని స్టాక్ బ్రోకర్లు తెలిపారు. 



మార్కెట్లో కొత్త ఉత్సాహం

Updated By ManamThu, 11/15/2018 - 22:43
  • సెన్సెక్స్ 119 పాయింట్ల లాభం

  • 44 పాయింట్లు బలపడి 10,600 మార్క్‌ను దాటిన నిఫ్టీ

  • స్వదేశీ మదుపరులకు కలిసొచ్చిన ఫారిన్ ఇన్వెస్ట్‌మెంట్లు

  • చమురు ధరలు సానుకూలం

  • 41 పైసలు బలపడిన రూపాయి

bseముంబై: బీఎస్‌ఈ బెంచ్ మార్క్ సెన్సెక్స్ గురువారం 119 పాయింట్ల పుంజుకుని లాభాలను నమోదు చేసింది. జాతీయ స్టాక్ ఎక్స్ఛేంజ్ నిఫ్టీ 10,600 మార్క్‌ను అందుకుంది. చమురు ధరలు తగ్గడం రూపాయి బలపడుతుండటంతో పాటు కొత్తగా విదేశీ పెట్టుబడులు రావడంతో మదుపరులు కొనుగోళ్లపై దృష్టి సారించారు. దీంతో రెండు మార్కెట్లు ప్రారంభం నుంచే సానుకూల ఫలితాలను అందించాయి. కాగా, బాంబే స్టాక్ ఎక్స్ఛేంజ్ ఒక దశలో దాదాపు 200 పాయింట్లు ఎగిసింది. తిరిగి మార్కెట్లు ముగిసే సరికి 118.55 పాయింట్ల లాభంతో 35,145.75 పాయింట్ల వద్ద సెషన్ పూర్తి చేసింది. కాగా, బుధవారం మగిసిన సెషన్‌లో 2.50 పాయింట్ల స్వల్ప నష్టాన్ని సెన్సెక్స్ నమోదు చేసిన విషయం తెలిసిందే. మరో వైపు జాతీయ సూచీ నిఫ్టీ కూడా బుధవారం నష్టాలతో కోలుకుంది. ట్రేడింగ్ ప్రారంభమైనప్పటి నుంచే స్వల్ప ఆటు పోటులను ఎదుర్కొన్న నిఫ్టీ సాయంత్రం సెషన్ ముగిసే వరకు 40.40 పాయింట్లు బలపడింది. దీంతో గురువారం నాటి ట్రేడింగ్‌లో నిఫ్టీ 10,616.70 మార్క్‌ను చేరుకుంది. కాగా, గత మాసంలో ఎదుర్కొన్న తీవ్ర ప్రతికూల పరిస్థితుల మధ్య నిఫ్టీ 10,600 మార్క్‌ను సాధించడం గమనార్హం. ఇది మదుపరులకు ఉత్సహాన్ని చ్చే అంశమని స్టాక్ బ్రోకర్లు చెప్పారు. గత నెలలో బ్రెంట్ క్రూడ్ ఆయిల్ బ్యారెల్‌కు 86 డాలర్ల నుంచి ప్రస్తుతం 35 శాతం తగ్గి బ్యారెల్‌కు 65 డాలర్లుగా నమోదైంది. సరఫరా పెరగటంతో అంతర్జాతీయ బెంచ్‌మార్క్ 0.47 శాతం పెరిగి బ్యారెల్ చమురుకు 65.81 డాలర్లుగా నమోదైంది. విదేశీ ఇన్వెస్టర్లు దేశీయ మార్కెట్లో నూతన పెట్టుబడులు పెట్టడంతో దేశీయ మదుపరులకు కూడా కలిసివచ్చిన అంశమని బ్రోకర్లు తెలిపారు. అయినప్పటికీ చా లా రోజుల తర్వాత చెప్పుకోదగ్గ లాభాలు రావడంతో మదుపరుల నుంచి లాభాల స్వీకరణ కూడా అధికంగానే ఉన్నట్లు బ్రోకర్లు తెలిపారు. కాగా, గడచిన సెషన్‌లో ఫారి న్ ఇన్‌స్టిట్యూషనల్ ఇన్వెస్టెర్ (ఎఫ్‌ఐఐత)లు రూ. 277.38 కోట్ల విలువైన షేర్లను కొనుగోలు చేశారు. అందులో డొమాస్టిక్ ఇన్‌స్టిట్యూషనల్ ఇన్వెస్టర్(డీఐఐఎస్)లు రూ. 272.34 కోట్ల షేర్లను విక్రయించారని ప్రొవిజినల్ డాటా పేర్కొంది. ఇక రూపాయి కూడా గడిచిన అన్ని సెషన్ల ఫలితాలతో సంబంధం లేకుండా పుంజుకుం టుంది. ఇది ముఖ్యంగా స్వదేశీ ఇన్‌వెస్టెర్లకు కలిసొచ్చె అంశమనే చెప్పాలి. ఫారెక్స్ మార్కెట్‌లో గురువారం సాయంత్రం నాటికి ముగిసిన రూపాయి 44 పైసలు బలపడింది. దీంతో డాలర్‌తో రూపాయి మారకం విలువ 71.87 గా నమోదైంది. సెషన్ మొత్తంలో అదానీ పోర్ట్స్, టైటాన్, ఐషర్ మోటార్స్, కోటక్ మహీంద్రా బ్యాంక్, హీరో మోటార్స్ షేర్లు లాభాలను నమోదు చేశాయి. గ్రాసిమ్, ఎస్ బ్యాంక్, ఇండియాబుల్స్ హౌసింగ్ ఫైనాన్స్ లిమిటెడ్, ఎన్టీపీసీ, భారతీ ఇన్‌ఫ్రాటెల్ షేర్లు నష్టపోయాయి.

పసిడి పరుగులు
గడచిన బులియన్ ట్రేడింగ్‌లో పుత్తడి భారీగా పుంజుకుంది. ఒక్క రోజులోనే రూ. 350 పెరిగి 10 గ్రాముల బంగారం ధర రూ. 32,250గా నమోదైంది. అంర్జాతీయంగా సానుకూల సంకేతాల కారణంగా స్థానికి బంగారం వ్యాపారులు తేరుకున్నారు. వెండి కూడా భారీగా పుం జుకుని కిలోకు రూ. 37,900 గా ట్రేడింగ్‌నునమోదైంది. ఈ ఒక్క రోజే వెండి రూ. 450 పుంజుకోవడం విశేషం.



స్వల్ప నష్టాల్లో స్టాక్ మార్కెట్లు

Updated By ManamWed, 11/14/2018 - 22:28
  • చమురు ధరల మార్పులతో అమ్మకాలకు మొగ్గు చూపిన మదుపరులు

  • రూపాయి బలపడటంతో నష్టాలను నమోదు చేసిన ఫార్మా, ఐటీ రంగాలు

  • సెన్సెక్స్ 2.5 పాయింట్ల నష్టం

  • 6.2 పాయింట్లను కోల్పోయిన నిఫ్టీ

MARKETముంబై: స్టాక్ మార్కెట్‌లో ఒడిదుడుకుల కారణంగా లాభాలకు బ్రేక్ పడింది. మంగళ వారం రోజు అధిక లాభాలను నమోదు చేసిన మార్కెట్లు బుధవారం స్వల్ప నష్టాలతో ట్రేడింగ్‌ను ముగించాయి. క్రూడ్ ఆయిల్ ధరల్లో హెచ్చుతగ్గులు, ద్రవ్యోల్బనం కారణంగా మదుపరులు అమ్మకాల వైపు మొగ్గు చూపారు. దీంతో బాంబే స్టాక్ మార్కెట్ సెన్సెక్స్ 2.50 పాయింట్ల స్వల్ప నష్టాన్ని నమోదు చేసింది. దీంతో బుధవారం ట్రేడింగ్ ముగిసే సమయానికి సెనెక్స్ 35,141.99 పాయిట్లను నమోదు చేసింది. ఇక జాతీయ స్టాక్ ఎక్స్‌చేంజ్ నిఫ్టీ కూడా ఈ సెషన్‌లో 6.20 పాయిట్లను కోల్పోయింది. చివరికి 10,651.60 వద్ద బుధవారం ట్రేడింగ్‌ను ముగించింది. ఉదయం నుంచి ఒడిదుడుకుల మధ్య ట్రేడింగ్‌ను ప్రారంభించిన ఇరు మార్కెట్లు అంతర్జాతీయంగా చమురు ధరల్లో నెలకొన్న స్పల్ప మార్పుల కారణంగా మదుపరులు రిస్క్ తీసుకోకుండా అమ్మకాలను మొదలు పెట్టారు. దీంతో మధ్యహ్నం తర్వాత స్టాక్ మార్కెట్లు స్వల్ప నష్టాలను నమోదు చేశాయి. ఇందులో ప్రధానంగా రూపాయి విలువ డాలర్‌తో 50 పైసలు బలపడటంతో ఫార్మా, ఇన్ఫర్‌వేుషన్ టెక్నాలజీ షేర్లు నష్టాలను నమోదు చేశాయి. బుధవారం ట్రేడింగ్‌లో కంపెనీలో సన్‌ఫార్మా, కోటక్ బ్యాంకు, టీసీఎస్, ఎం అండ్ ఎం, ఇన్ఫోసిస్, టాటా మోటార్స్, ఎస్ బ్యాంకులు టాప్ లూజర్స్‌గా నిలిచాయి. కాగా, ఆటోమొబైల్ దిగ్గజం మారుతి సుజుకి, ఓఎన్‌జీసీ, ఏషియన్ పేయింట్స్, ఎస్‌బీఐ, ఇండస్ ఇండ్, హెచ్‌యూఎల్, ఐసీఐసీఐ బ్యాంకులు లాభాలను ఆర్జించాయి. ఇక రూపాయ మాత్రం మరో 50 పైసలు బలపడి ఎనిమిది వారాల గరిష్టానికి 72.17కు చేరింది. ఇక బుధవారం ప్రకటించిన ఫలితాల్లో స్పైస్‌జెట్ భారీగా నష్టాలను మూట గట్టుకోగా, ఆటోమొబైల్ దిగ్గజం మహీంద్రా అండ్ మహీంద్రా మాత్రం లాభాలను వెల్లడించింది.



మార్కెట్లో లాభాల జోరు

Updated By ManamTue, 11/13/2018 - 22:31
  • దలాల్ స్ట్రీట్‌లో ఆనందాల హోరు

  • ఒక్క రోజు బీఎస్‌ఈ 332 పైకి 

  • 100 పాయింట్లు లాభపడిన నిఫ్టీ

  • ఆయిల్ రంగ షేర్లు ఆకర్షణీయం

  • ఏడాది కనిష్టానికి రిటైల్ ద్రవ్యోల్బణం

  • బలపడిన ప్రైవేటు బ్యాంకులు

  • నష్టాల్లో ఫార్మా, రియాల్టీ రంగాలు

bseముంబై: ఇన్‌ఫ్రా, పవర్, బ్యాంకింగ్, ఆయిల్ రంగాలలో లాభాల కారణంగా మంగళవారం స్టాక్ మార్కెట్లలో భారీ లాభాలు నమోదయ్యాయి. ఒక్క రోజులోనే బాంబే స్టాక్ ఎక్స్ఛేంజ్ సెన్సెక్స్ 332 పాయింట్లు బలపడి 35,144 ట్రేడింగ్‌ను ముగించింది. ఇక జాతీయ ఇండెక్స్ నిఫ్టీ కూడా సెషన్‌లో ఆకర్షణీయ ఫలితాలను సాధించింది. 100 పాయింట్లు బలపడిన నిఫ్టీ 10,500 పాయింట్ల ట్రేడింగ్‌ను ముగించింది. ప్రధానంగా చమురు రంగంలో ధరల పతనాన్ని నియంత్రించడంలో సౌదీ నిర్ణయాన్ని తీసుకోవడంతో ఆయిల్ రంగ షేర్లు ఆకర్షణీయంగా ట్రేడింగ్‌ను సాగించాయి. దీంతో ఫలితాలపై సానుకూల ప్రభావం పడింది. మార్కెట్ల ప్రారంభం నుంచే సెనెక్స్ 34,846 పాయింట్లతో సానుకూల సూచనలతో ట్రేడింగ్‌ను ప్రారంభించాయి. కాగా, నిఫ్టీ కూడా 10,450 పాయింట్లకు పైగానే ట్రేడింగ్‌ను ప్రారంభించింది. కాగా, అంతర్జాతీయ మర్కెట్లో ఆసియా మార్కెట్లు మాత్రం అమ్మకాల ఒత్తిడి కారణంగా నష్టాలను నమోదు చేశాయి. కాగా, డాలరు విలువ 16 నెలల గరిష్టానికి ఆయా స్థానిక మారకంతో ట్రేడింగ్‌ను నమోదు చేసింది. అంతే కాకుండా బ్రెంట్ క్రూడ్ బ్యారెల్ ధరలు 69.43గా నమోదు కావడంతో మార్కెట్లకు ఊతమిచ్చినట్లు బ్రోకర్లు చెప్పారు. కాగా, రిటైల్ ద్రవ్యోల్బణం ఏడాది దిగువకు చేరింది. వంటసామాగ్రీ, పండ్లు, ప్రోటీన్ రిచ్ ఉత్పత్తులు చౌకగా లభించడంతో ద్రవ్యోల్బణం 3.31 శాతం తగ్గినట్లు అధికారిక డాటా ద్వారా వెల్లడైంది. గడిచిన సెషన్‌లో ప్రైవేటు రంగ బ్యాంకులు, మెట్, ఆటో మొబైల్, ఎఫ్‌ఎంసీజీ రంగ షేర్లు భారీగా పుంజుకున్నాయి. ఎన్‌ఎస్‌ఈలో ఐషర్ మోటార్స్ భారీగా పుంజుకోగా, బీపీసీఎల్, హెచ్‌పీసీఎల్, అల్ట్రాటెక్ సిమెంట్ షేర్లు లాభపడ్డాయి. అటు బీఎస్‌ఈలో ఫార్మా, రియాల్టీ రంగ షేర్లు స్వల్ప నష్టాలను నమోదు చేశాయి. ఇందులో ప్రధానంగా సన్ ఫార్మా, టాటా మోటార్స్, ఇండియాబుల్స్ హెచ్‌ఎస్‌జీ, పవర్ గ్రిడ్ కార్పొ, సిప్లాతో పాటు మరిన్ని కంపెనీలు ఉన్నాయి.



దిగువ గతిలో మార్కెట్లు

Updated By ManamMon, 11/12/2018 - 22:29

bseముంబై: ప్రధానంగా ఆటో, ఎనర్జీ రంగ షేర్లలో చివరలో చోటుచేసుకున్న తీవ్ర అమ్మకాలకు లోబడి ఈక్విటీ ‘సెన్సెక్స్’ సోమవారం సుమారు 346 పాయింట్లు పతనమైంది. బలహీనపడుతున్న రూపాయి, పెరుగుతున్న ముడి చమురు ధరలపై ఆందోళనలు మళ్ళీ తెరపైకి వచ్చాయి. అదే విధంగా, నేషనల్ స్టాక్ ఎక్చ్సేంజి (ఎన్.ఎస్.ఇ) 50 కంపెనీల సూచి ‘నిఫ్టీ’ 103 పాయింట్లు నష్టపోయి 10,482.20 పాయింట్ల వద్ద ముగిసింది. 

పెరిగిన క్రూడ్ ధర
నాలుగు రోజులుగా తగ్గుతూ వచ్చిన బ్రెంట్ క్రూడ్ షేర్ ధర 2.09 శాతం పెరిగి పీపా 71.62 డాలర్లకు చేరుకుంది. వచ్చే నెల నుంచి ముడి చమురు ఉత్పాదనను తగ్గించుకోనున్నట్లు సౌదీ అరేబియా ప్రకటించడంతో ధర ఎగసింది. 

తగ్గిన రూపాయి విలువ
దేశీయ మార్కెట్ సెంటిమెంట్లపై ప్రభావం చూపిన తదుపరి అంశాలలో భారతీయ రూపాయి ఒకటి. అవెురికా డాలర్‌తో మారకంలో రూపాయి విలువ (ఇంట్రా-డే) 57 పైసలు క్షీణించి రూ. 73.07గా నిలిచింది. ఏషియాలోని ఇతర మార్కెట్లు చాలా వాటి నుంచి వచ్చిన మిశ్రమ సంకేతాలు, యూరోపియన్ షేర్లు ఆరంభంలో తక్కువ స్థాయిలో మొదలవడం కూడా దేశీయ మార్కెట్లలో దిగువ గతికి పురికొల్పాయి. బొంబాయి స్టాక్ ఎక్చ్సేంజి (బి.ఎస్.ఇ) 30 కంపెనీల సూచి ‘సెన్సెక్స్’ 35,287.49 వద్ద మొదలై, 35,333.22 గరిష్ఠ స్థాయిని తాకింది. విదేశీ ఇన్వెస్టర్లు కొత్తగా నిధులను ప్రవహింపజేయడం, ఇతర ఏషియన్ మార్కెట్లు దృఢపడుతున్న ధోరణి ట్రేడింగ్ ఆరంభంలో ‘సెన్సెక్స్’ ఆరోహణకు దోహదపడ్డాయి. 

లాభాల స్వీకరణ
అయితే, ఇన్వెస్టర్లు మెరుగైన ధరల వద్ద లాభాల స్వీకణకు దిగడంతో ప్రారంభంలో గడించిన లాభాలన్నీ తుడిచిపెట్టుకుపోయాయి. ‘సెన్సెక్స్’ 34,812.99 వద్ద స్థిరపడడానికి ముందు 34,756.80 పాయింట్ల కనిష్ఠ స్థితిని చూసింది. ఒడిదుడుకుల సెషన్‌లో అది 576 పాయింట్లు పెరగడమో లేదా తగ్గడమో చేసింది. ‘నిఫ్టీ’ 103 పాయింట్లు నష్టపోవడంతో కీలకమైన 10,500 స్థాయిని కోల్పోయింది. అది 10,645.50 గరిష్ఠ స్థితిని, 10,464.05 కనిష్ఠ స్థితిని చూసింది. 

తారుమారైన ధోరణి
విదేశీ ఫండ్లు శుక్రవారం రూ. 614.14 కోట్ల విలువ చేసే షేర్లను కొనుగోలు చేయగా, దేశీయ మదుపు సంస్థలు రూ. 337.28 కోట్ల విలువ చేసే షేర్లను విక్రయించాయని తాత్కాలిక డాటా సూచించింది. 



మార్కెట్లపై ఎన్నికల ప్రభావం

Updated By ManamSun, 11/11/2018 - 23:23
  • క్యూ2 ఫలితాల వెల్లడి దాదాపు పూర్తి

  • రెండు నెలల్లో తీవ్ర ఒడుదుడుకులు చూశాం

  • ఇప్పుడు కొంత రిలీఫ్ ర్యాలీ ఉండొచ్చు

  • స్టాక్ మార్కెట్ నిపుణుల అంచనా

marketన్యూఢిల్లీ: మార్కెట్లో త్రైమాసిక రాబడుల వివరాల వెల్లడి దాదాపు పూర్తయ్యింది. ఈ వారం మార్కెట్లలో మైక్రో ఎకానమిక్ డాటా ప్రకటన, అంతర్జాతీయ కారకాలు, రాష్ట్రాల ఎన్నికల ప్రభావం ఉండొచ్చని మార్కెట్ నిపుణులు చెబుతున్నారు. ‘‘ ఈ కొద్ది సమయంలో మార్కెట్‌లో రిలీఫ్ ర్యాలీ ఉంటుందని భావిస్తున్నాం. గడిచిన రెండు  నెలల్లో మార్కెట్లో చాలా ఒడుదుడుకులను చూశాం. ఇప్పుడే మార్కెట్లు కోలుకుంటున్నాయి. ఇక ఈ వారం కన్స్యూమర్ ప్రైజ్ ఇండెక్స్ ద్రవ్రోల్బణం, డబ్ల్యూపీఐ, ఐఐపీలు మార్కెట్ల ను ప్రభావితం చేసే అంశాల్లో కీలకంగా ఉండనున్నాయి’’ అని జియో జిత్ ఫినాన్షియల్ రీసర్చ్ హెడ్ వినోద్ నాయర్ అన్నారు. కాగా, పరిశ్రమల ఉత్పత్తి, రిటైల్ ద్రవ్యోల్బణం గణాంకాలు సోమవారం వెల్లడికానున్నాయి. ఇక డబ్ల్యూపీఐ ద్రవ్యోల్బణం బుధవారం ప్రకటించనున్నట్లు ఇది వరకే తెలిపారు. ‘‘ రెండో త్రైమాసిక ఫలితాల వెల్లడి చాలా వరకు పూర్తయింది. కొన్ని రంగాల ఫలితాలు ఆకర్షణీయంగా ఉండి మార్కెట్లను ఉత్తేజ పరిచాయి. కానీ అది స్వల్పకాలికంగా మిగిలే అవకాశాలు కూడాలేక పోలేదు. ఎందుకంటే రాష్ట్రాల ఎన్నికలు మార్కెట్లపై ప్రభావం చూపనున్నాయి’’ అని సామ్‌కో సెక్యూరిటీస్, స్టాక్‌నోట్ సీఈఓ జిమీత్ మోదీ అన్నారు. ఇక దశల వారీ ఎన్నికల్లో ముందుగా చత్తీస్‌గఢ్ రాష్ట్రనికి నవంబర్ 12న ఎన్నికలు జరగనున్నాయి. తర్వాతి దశలో డిసెంబర్ 7న తెలంగాణ, రాజస్థాన్, మజోరం, మధ్యప్రదేశ్ రాష్ట్రలకు ఎన్నికలు జరగనున్నాయి. కాగా అన్ని రాష్ట్రాల ఎన్నికల ఫలితాలు డిసెంబర్ 11న వెలువడనున్నాయి. మొత్తం మీద క్రూడ్ ఆయిల్ ధరలు తగ్గటం అంతర్జాతీయంగా సానుకూల పవనాలు ఉండటం మార్కెట్‌లు లాభపడొచ్చని మదుపరులు ఆశిస్తున్నారు. ఇక డాలర్‌తో రూపాయి విలువ తిరిగి పుంజుకుని సాధారణ స్థితికి చేరుకోవచ్చని భావిస్తున్నారు. గత వారం మార్కెట్లలో సెన్సెక్స్ 146.9 పాయింట్లు లాభపడి 35,158.55 వద్ద ముగిసింది. నిఫ్టీ 10,585.20 పాయింట్ల వద్ద ముగిసింది. 



మూరత్ ర్యాలీని కొనసాగించని మార్కెట్లు

Updated By ManamFri, 11/09/2018 - 22:33
  • సెనెక్స్ 79 పాయింట్లు పతనం

  • 13 పాయింట్లు కోల్పోయిన నిఫ్టి

  • అంతర్జాతీయ మార్కెట్లలో ప్రతికూల పవనాలే కారణం

  • వచ్చే నెలలో పెరగనున్న ఫెడ్ రేట్లు

  • టెల్‌కోలకు రేటింగ్ దెబ్బ.. బలపడిన రూపాయి

bseముంబై: దీపావళి సందర్భంగా జరిగిన మూరత్ ట్రేడింగ్‌లో మార్కెట్లు లాభాలను నమోదు చేసి పండగ వాతావరణాన్ని సంతోషపరిచిన విషయం తెలిసిందే. కాగా, గడిచిన సెషన్‌లో బాంబే స్టాక్ మార్కెట్ సెన్‌సెక్స్ 79.13 పాయింట్లు కోల్పోయి 35,158.55 వద్ద వారంతపు ట్రేడింగ్ ముగిసింది. ఇక జాతీయ స్టాక్ మార్కెట్ నిఫ్టి 13.20 పాయింట్లు నష్టపోయి 10,585.20 వద్ద ముగిసింది. వచ్చే నెలలో వడ్డీ రేట్టు పెరుగుతాయని అమెరికా ఫెడ్ ప్రకటించడంతో మార్కెట్లు ప్రపంచ మార్కెట్లలో ఆటుపోటు ట్రేడింగ్ సాగింది. ఆ ప్రభావం  దేశీయ స్టాక్ మార్కెట్లపై పడటంతో స్వల్ప నష్టాలను మూటగట్టుకున్నాయని మార్కెట్ విశ్లేషకులు తెలిపారు. కాగా ప్రస్తుతం ఫెడ్ వడ్డీ రేట్లలో ఎటువంటి మార్పులేదని ప్రకటించింది.   ఇక ఈ రోజు ఉదయం నుంచే నష్టాల్లో ట్రెడ్ అయిన మార్కెట్లు ఒక దశలో 200 పాయింట్లను కోల్పోయి మదుపరులను కలవర పరిచింది. సాయంత్రం వరకు ఫార్మా, ఆటోమొబైల్ రంగాలు కోలుకుకన్నప్పటకి నష్టాలను మాత్రం తప్పించుకోలేక పోయింది. ఇక సోమవారం ప్రకటించే కస్టమర్ ప్రైస్ ఇండెక్స్‌లో ఇంధన ధరలు తగ్గుముఖం పడుతుందని మదుపరులు వేచి చూస్తున్నట్లు మార్కెట్ వర్గాలు వెల్లడించి. దానికి తోడు ఐదు రాష్ట్రాల్లో జరగనున్న ఎన్నికల ప్రభావం కూడా ముడి చమురు ధరలకు తగ్గడానిక మరో కారణంగా దీంతో మార్కెట్లపై సానుకూల ప్రభావమే ఉంటుందని భావిస్తున్నట్లు మార్కెట్ వర్గాలు పేర్కొంటున్నాయి. ఇక సెనెక్స్‌లో గడిచిన అన్ని సెషన్‌లో ఎయిర్ భారీగా నష్టపోయింది. ముఖ్యంగా మూడీస్ బీఏఏఏ3 రేటింగ్ ఇచ్చిన కారణంగా కారణంగా ఎయిర్‌టెల్ టాప్ టూజర్‌గా నిలిచింది. బాండ్ రేటింగ్‌లో అత్యల్ప రేటింగ్ కారణంగా 5శాతం నష్టాన్ని మూటగట్టుకుంది. ఇక లూజర్స్ జాబితాలో ఇన్ఫోసిస్, టీసీఎస్, రిలయన్స్, ఎస్‌బీఐ, టాటా స్టీల్, ఐటీసీలు 2.15 శాతం నష్టాన్ని నమోదు చేశాయి. మరో వైపు ఎస్ బ్యాంకు అధిక లాభాలను గడించి టాప్ గైనర్‌గా మార్కెట్లో జోరుమీద ఉంది. ఎస్ బ్యాంకు 5.49 శాతం లాభాలను నమోదు చేసింది. ఇదే బాటలో ఏషియన్ పేయింట్స్, అదానీ పోర్ట్, సన్ ఫార్మ, హీరో మోటార్స్ హెచ్‌యూఎల్, మారుతిలు ఉన్నాయి. క్రూడ్ ఆయల్ ధరల్లో సాగుకూలంగా ఉండటంతో దేశీయ విమానయాన సంస్థల షేర్లు కూడా స్వల్పంగా కూడా లాభలందుకున్నాయి. అయిల్ కంపెనీ దిగ్గజాలు హెచ్‌పీసీల్, బీపీసీఎల్, ఆయిల్ ఇండియాలు కూడా లాభాల ర్యాలీని సాగించాయి. మార్కెట్‌లు కొంత సానుకూలంగా ఉండటంతో డాలర్‌తో రూపాయి మారకం విలువ 46 పైసలు బలపడి 72.53 వద్ద ముగిసింది. వచ్చే వారం కడా మార్కెట్‌లలో సానుకూల ర్యాలీ ఉంటుందని మార్కెట్ వర్గాలు అంచనా వేస్తున్నాయి. ఇందుకు ప్రధాన కారణం అంతర్జాతీయ మార్కెట్‌లో ముడి చమురు ధరలు సానుకూలంగా సాగుతుండటమని మార్కెట్ చెప్పుకొచ్చాయి.



లాభాల్లో మార్కెట్లు

Updated By ManamTue, 11/06/2018 - 22:14

bseముంబై: అధిక ఒడుదుడుకులతో సాగిన సెషన్‌లో స్టాక్ మార్కెట్ సూచీలు రెండూ మంగళవారం లాభాలతో ముగియగలిగాయి. ఏషియాలోని ఇతర మార్కెట్ల నుంచి సంకేతాలు నిలకడగా ఉండడంతో అవి హిందు సంవత్‌లో  2074కి 7 శాతం పైగా లాభంతో ముగింపు పలుకగలిగాయి. బొంబాయి స్టాక్ ఎక్చ్సేంజి (బి.ఎస్.ఇ) సెన్సెక్స్ ఈ సంవత్‌లో 2,497.56 పాయింట్లు లాభపడింది. నేషనల్ స్టాక్ ఎక్చ్సేంజి (ఎన్.ఎస్.ఇ) సూచి నిఫ్టీ  319.15 పాయింట్లు లాభపడింది. మంగళవారంనాటి సెషన్‌లో సెన్సెక్స్ 35,076.24 వద్ద అధిక స్థాయిలో ఆరంభమై ఎగువ గతిలో పయనాన్ని కొనసాగించి, 35,196.03 స్థాయిని తాకింది. అయితే, ట్రేడింగ్ చివరి గంటలో లాభాల స్వీకరణ చోటుచే సుకుంది. యూరోపియన్ మార్కెట్లలో నష్టాలు కూడా దానికి తోడ య్యాయి. దాంతో సెన్సెక్స్ అంతకుముందు గడించిన లాభాలు చాలా వరకు తుడిచిపెట్టుకుపోయాయి. అది 34,889.72 పాయింట్ల కనిష్ఠ స్థితిని చూసింది. చివరకు 40.99 పాయింట్ల లాభంతో 34,991.91 పాయింట్ల వద్ద ముగిసింది. సోమవారంనాడు సెన్సెక్స్ 60 పాయింట్లు నష్టపోయిన సంగతి తెలిసిందే. అదే విధంగా, నిఫ్టీ కూడా 10,491.45 నుంచి 10,600.25 మధ్య ఊగిసలాడి చివరకు 10,530 వద్ద ముగిసింది. సెన్సెక్స్ గైనర్లలో టి.సి.ఎస్, ఎస్ బ్యాంక్, టాటా మోటార్స్, రిలయన్స్, సన్ ఫార్మా, పవర్‌గ్రిడ్, భారతీ ఎయిర్‌టెల్ , వేదాంత, ఐ.సి.ఐ.సి.ఐ బ్యాంక్, కోల్ ఇండియా, ఓ.ఎన్.జి.సి, ఎల్ అండ్ టి, ఇన్ఫోసిస్, హెచ్. డి.ఎఫ్.సి, ఎన్.టి.పి.సి, ఎం అండ్ ఎం చోటుసంపాదించు కున్నాయి.

ముహూరత్ ట్రేడింగ్ 
స్టాక్ ఎక్చ్సేంజీలు బుధవారం దీపావళి సందర్భంగా సాయంత్రం 5 గంటల నుంచి 6.30 గంటల వరకు ప్రత్యేక ‘ముహూరత్ ట్రేడింగ్’ నిర్వహిస్తాయి. ‘దివాలి బెలిప్రతిపదా’ పురస్కరించుకుని మార్కెట్లకు గురువారం సెలవు ప్రకటించారు. 



దెబ్బ తీసిన రూపాయి

Updated By ManamTue, 11/06/2018 - 03:50
  • ఒడుదుడుకుల ట్రేడింగ్‌లో స్వల్ప నష్టాలతో ముగిసిన మార్కెట్లు

bseముంబై: బొంబాయి స్టాక్ ఎక్చ్సేంజి (బి.ఎస్.ఇ) 30 కంపెనీల షేర్ల సూచి ‘సెన్సెక్స్’ సోమవారం 61 పాయింట్లు కోల్పోయి 35,000 మైలురాయికి దిగువన ముగిసింది. ఏషియాలోని ఇతర మార్కెట్లు బలహీనంగా ఉండడం, చైనా-అమెరికా వాణిజ్య యుద్ధం చుట్టూ అల్లుకున్న అనిశ్చిత పరిస్థితులు, రూపాయి మారకం విలువ పతనం వంటివి స్టాక్ మార్కెట్లపై ప్రభావం చూపాయి. విదేశీ మదుపు మొత్తాలు తరలిపోతున్న దృష్ట్యా భారీ అమ్మకాల ఒత్తిడి, బలహీనంగా ఉన్న ప్రపంచ సంకేతాలతో ‘సెన్సెక్స్’  35,000 స్థాయిని కోల్పోయి 34,811.60 కనిష్ఠ స్థితిని చూసింది. అయితే, సెషన్ చివరల్లో కొనుగోళ్ళు ‘సెన్సెక్స్’ నష్టాలను తగ్గించుకునేందుకు సాయపడ్డాయి.  చివరకు ‘సెన్సెక్స్’ 60.73 పాయింట్ల నష్టంతో 34,950.92 వద్ద ముగిసింది. ‘సెన్సెక్స్’ శుక్రవారం దాదాపు 580 పాయింట్ల ర్యాలీని చూసింది. విస్తృతమైనదిగా భావించే నేషనల్ స్టాక్ ఎక్చ్సేంజి (ఎన్.ఎస్.ఇ) 50 కంపెనీల షేర్ల సూచి ‘నిఫ్టీ’ 10,500 దిగువకు జారి 10,477 అత్యల్ప స్థితిని చూసింది. మళ్ళీ తేరుకుని, నష్టాన్ని 29 పాయింట్లకు పరిమితం చేసుకుని 10,524 వద్ద ముగిసింది. బలహీన ప్రపంచ సంకేతాలు, ఫార్మా, ఎఫ్.ఎం.సి.జి, మోటారు వాహనాల కౌంటర్లలో అమ్మకాల ఒత్తిడితో మార్కెట్ కుంచించిన శ్రేణిలో ఒడుదుడుకులతో సాగిందని విశ్లేషకులు చెప్పారు. ‘‘దేశీయ లిక్విడిటీలో కొరత కారణంగా రూపాయి బలహీనపడింది. ప్రతిఫలంలో క్రమానుగత క్షీణత వల్ల సమస్య సడలవచ్చు. సెలవు కారణంగా వారంలో ట్రేడింగ్ రోజులు తగ్గుతున్నాయి. దాంతో ఇన్వెస్టర్లు కొంత సంప్రదాయ ధోరణితో వ్యవహరించారు. అమెరికా-చైనా వాణిజ్య ఒప్పందం, ఫెడ్ విధానానికి సంబంధించి అనిశ్చితి కూడా వారు ఆ విధంగా వ్యవహరించడానికి కారణమైంది’’ అని విశ్లేషకులు చెప్పారు. 

క్షీణించిన రూపాయి
అమెరికన్ డాలర్‌తో మారకంలో రూపాయి విలువ 67 పైసలు క్షీణించి (ఇంట్రా-డేలో) రూ. 73.12గా నిలిచింది. 

టాప్ లూజర్లు
‘సెన్సెక్స్’ ప్యాక్‌లో ఇండస్‌ఇండ్ బ్యాంక్ 3.29 శాతం క్షీణించి పెద్ద లూజర్‌గా నిలిచింది. ఎన్.టి.పి.సి 2.72 శాతం క్షీణించి తర్వాత స్థానంలో నిలిచింది. పవర్‌గ్రిడ్ (2.18 శాతం), ఓ.ఎన్.జి.సి (1.59 శాతం), హీరో మోటోకార్ప్ (1.54 శాతం), హెచ్.డి.ఎఫ్.సి (1.46 శాతం), వేదాంత (1.44 శాతం) అదానీ పోర్ట్స్ (1.35 శాతం), ఐ.సి.ఐ.సి.ఐ బ్యాంక్ (1.27 శాతం) క్షీణతతో లూజర్ల జాబితాలో చేరాయి.

టాప్ గైనర్లు
 సెప్టెంబర్ 30తో ముగిసిన రెండో త్రైమాసికానికి రూ. 576.46 కోట్ల నికర లాభాన్ని ప్రకటించిన ఎస్.బి.ఐ షేర్ విలువ సోమవారం 3.45 శాతం పెరిగింది. టాప్ గైనర్‌గా నిలిచింది. సెప్టెంబర్‌తో ముగిసిన త్రైమాసికంలో 83 శాతం పెరుగుదలతో రూ. 790 కోట్ల నికర లాభాన్ని ప్రకటించిన ప్రైవేటు రంగ యాక్సిస్ బ్యాంక్ షేర్ ధర కూడా 2.35 శాతం నిలిచి టాప్ గైనర్లలో ఒకటిగా నిలిచింది. యాక్సిస్ బ్యాంక్ మొండి బాకీలకు కేటాయించవలసి వచ్చే మొత్తాలు తగ్గాయి. ఆదాయం ఆరోగ్యకరమైన రీతిలో వృద్ధి చెందింది. విప్రో, రిలయన్స్, బజాజ్ ఆటో, కోల్ ఇండియా, టాటా స్టీల్, ఎస్ బ్యాంక్, మారుతి సుజుకి, హెచ్.డి.ఎఫ్.సి బ్యాంక్, హెచ్.యు.ఎల్, సన్ ఫార్మా, ఇన్ఫోసిస్‌లు కూడా గైనర్ల జాబితాలో చోటుచేసుకున్నాయి. 





Related News