mehreen

‘కవచం’ టీజర్ విడుదల

Updated By ManamMon, 11/12/2018 - 19:02

Kavacham teaser, Kavacham movie, Bellamkonda Sai Suresh, Kajal, Mehreenహైదరాబాద్‌: యువ హీరో బెల్లంకొండ సాయి శ్రీనివాస్‌ నటిస్తున్న తాజా చిత్రం ‘కవచం’ టీజర్ విడుదల అయింది. సోమవారం సాయంత్రం ఈ చిత్రం టీజర్‌ను విడుదల చేశారు. బెల్లంకొండ సాయి శ్రీనివాస్ హీరోగా.. కాజల్‌, మెహరీన్‌ హీరోయిన్లుగా నటిస్తున్నారు. వంశధార క్రియేషన్స్‌ పతాకంపై నవీన్‌ సొంటినేని నిర్మిస్తున్న ఈ చిత్రానికి కొత్త దర్శకుడు శ్రీనివాస్ మామిళ్ళ దర్శకత్వం వ్యవహరిస్తున్నారు.

సంగీత దర్శకుడు తమన్ బాణీలు అందిస్తున్నారు. ఈ సినిమాలో బెల్లంకొండ శ్రీనివాస్ పోలీసు అధికారిగా కనిపించనున్నాడు. ‘అనగనగా ఓ రాజ్యం.. ఆ రాజ్యానికి రాజు లేడు. రాణి మాత్రమే.. ఆ రాణికి కవచంలా ఓ సైనికుడు’ అనే డైలాగ్‌తో టీజర్‌ ప్రారంభమవుతుంది. వచ్చే డిసెంబరులో ఈ సినిమాను విడుదల చేసేందుకు చిత్ర యూనిట్ సన్నాహాలు చేస్తోంది. 



బెల్లంకొండ మూవీ టైటిల్, ఫస్ట్‌లుక్ విడుదల

Updated By ManamFri, 11/09/2018 - 12:15
Kavacham

కొత్త దర్శకుడు శ్రీనివాస్ మామిల్ల దర్శకత్వంలో బెల్లంకొండ సాయి శ్రీనివాస్ ఓ చిత్రంలో నటిస్తున్న విషయం తెలిసిందే. ఈ చిత్రానికి ‘కవచం’ అనే టైటిల్‌ను ఫిక్స్ చేయగా.. ఫస్ట్‌లుక్‌ను విడుదల చేసింది చిత్ర యూనిట్. ఇందులో బెల్లంకొండ శ్రీనివాస్ పోలీస్‌గా నటిస్తుండగా.. ఆ లుక్‌లో ఆకట్టుకుంటున్నాడు.

ఇక ఈ చిత్రంలో బెల్లంకొండ సరసన కాజల్ అగర్వాల్, మెహ్రీన్ నటిస్తుండగా.. నీల్ నితిన్ ముఖేశ్ విలన్‌గా నటిస్తున్నాడు. వశంధార క్రియేషన్స్‌పై థమన్ సంగీతం అందిస్తున్న ఈ చిత్రం డిసెంబర్‌లో ప్రేక్షకుల ముందుకు రానుంది.



‘ఎఫ్ 2’ ఫస్ట్‌లుక్ విడుదల

Updated By ManamMon, 11/05/2018 - 15:55

F 2 movieవెంకటేశ్, వరుణ్ తేజ్ హీరోలుగా అనిల్ రావిపూడి తెరకెక్కిస్తున్న చిత్రం ‘ఎఫ్‌ 2’.  ఫన్ అండ్ ఫ్రస్టేషన్ ట్యాగ్‌లైన్. తమన్నా, మెహ్రీన్ హీరోయిన్లుగా నటించారు. ప్రస్తుతం షూటింగ్ జరుపుకుంటున్న ఈ చిత్ర ఫస్ట్‌లుక్ తాజాగా విడుదలైంది. అందులో వస్తున్నారు సంక్రాంతి అల్లుళ్లు అంటూ మరోసారి విడుదల తేదిని ఖరారు చేసింది చిత్రయూనిట్. ఇక ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రాన్ని దిల్ రాజు నిర్మిస్తుండగా.. దేవీ శ్రీ ప్రసాద్ సంగీతం అందిస్తున్నాడు. హ్యాట్రిక్ విజయాలతో జోరుమీదున్న అనిల్ రావిపూడి దర్శకత్వంలో వస్తున్న ఈ చిత్రంపై మంచి అంచనాలు ఉన్నాయి.



ఈ కూలీలు ఎవరో తెలుసా..?

Updated By ManamFri, 11/02/2018 - 12:05

F 2ఒక సీనియర్ హీరో, ఒక యంగ్ హీరో కూలీలుగా అవతారమెత్తారు. తమ భార్యల నుంచి తప్పించుకునేందుకు వివిధ అవతారిలెత్తుతున్న ఈ ఇద్దరు తాజాగా కూలీలుగా మారారు. ఇంత చదివాకా అది ఏ చిత్రమే మీకు అర్థమైందనుకుంటున్నా.. ఇంకా అర్థం కాలేదా.. అదేనండి ఎఫ్ 2. 

వెంకటేశ్, వరుణ్ తేజ్ ఈ చిత్రంలో హీరోలుగా నటిస్తుండగా.. తమన్నా, మెహ్రీన్ వారి సరసన కనిపించనున్నారు. ప్రస్తుతం ఈ చిత్ర షూటింగ్ శరవేగంగా జరుగుతుండగా.. తాజాగా ఓ ఫొటోను చిత్ర దర్శకుడు అనిల్ రావిపూడి సోషల్ మీడియాలో షేర్ చేశాడు. అందులో వెంకటేశ్ కూలీ నంబర్1 ట్యాగ్‌ను, వరుణ్ తేజ్ కూలీ నంబర్ 786 ట్యాగ్‌ను వేసుకున్నారు. ఇక దిల్ రాజు నిర్మిస్తున్న ఈ చిత్రానికి దేవీ శ్రీ ప్రసాద్ సంగీతం అందిస్తుండగా.. వచ్చే ఏడాది సంక్రాంతి కానుకగా ప్రేక్షకుల ముందుకు రానున్న విషయం తెలిసిందే.



బ్యాంకాక్‌కు వెళ్లనున్న ‘ఎఫ్ 2’ టీం

Updated By ManamTue, 10/09/2018 - 13:09

F2వెంకటేశ్, వరుణ్ తేజ్ హీరోలుగా అనిల్ రావిపూడి తెరకెక్కిస్తున్న చిత్రం ‘ఎఫ్ 2’. ఫన్ అండ్ ఫ్రస్టేషన్ ట్యాగ్‌లైన్. తమన్నా, మెహ్రీన్ ఇందులో కథానాయికలు. కాగా ఇటీవలే ఈ చిత్ర యూరప్ షెడ్యూల్ పూర్తి కాగా.. తదుపరి షెడ్యూల్ కోసం చిత్ర యూనిట్ బ్యాంకాక్ వెళ్లనుంది. అక్టోబర్ 15న ఈ షెడ్యూల్ ప్రారంభం కానుండగా.. 25రోజుల పాటు అక్కడ షూటింగ్ జరపనున్నారు. ఆ తరువాత నవంబర్ 10నుంచి హైదరాబాద్‌లో ఫైనల్ షెడ్యూల్‌ను ఖరారు చేశారు. కాగా ఈ చిత్రాన్ని దిల్ రాజు నిర్మిస్తుండగా.. దేవీ శ్రీ ప్రసాద్ సంగీతం అందిస్తున్నాడు. సంక్రాంతి కానుకగా జనవరి 12న ఈ చిత్రం ప్రేక్షకుల ముందుకు రానుంది.



క్ష‌మాప‌ణ‌లు చెప్పిన విజ‌య్ దేవ‌ర‌కొండ‌

Updated By ManamMon, 10/01/2018 - 11:04

Vijay Devarakondaవిజ‌య్‌దేవ‌ర‌కొండ‌, మెహ‌రీన్ జంట‌గా ఆనంద్ శంక‌ర్ ద‌ర్శ‌క‌త్వంలో రూపొందుతోన్న చిత్రం ‘నోటా’. ఈ సినిమా ప్రీ రిలీజ్ ఈవెంట్స్‌ ఆదివారం విజ‌య‌వాడలో నిర్వహించారు. ఈ వేడుకకు తక్కువ సంఖ్యలో అభిమానులు వస్తారని భావించిన నిర్వాహకులు అందుకు తగ్గట్లుగా ఏర్పాట్లు చేశారు. అయితే ఎక్కువ సంఖ్య‌లో అభిమానులు హాజ‌రవ్వడంతో ఫంక్షన్ హాలు నిండిపోయింది. ఈ క్రమంలో చాలా మంది అభిమానులు బ‌య‌టే నిల‌బ‌డి పోయారు. ఈ విషయం తెలుసుకున్న విజ‌య్ దేవ‌ర‌కొండ వేదిక‌పైన వారికి క్షమాపణలు చెప్పాడు. కాగా పొలిటికల్ థ్రిల్లర్‌గా తెరకెక్కిన ఈ చిత్రం అక్టోబర్ 5న ప్రేక్షకుల ముందుకు రానున్న విషయం తెలిసిందే.



ముగిసిన పోల్: నోటాకు డేట్ ఫిక్స్

Updated By ManamSat, 09/22/2018 - 12:28
NOTA

విజయ్ దేవరకొండ హీరోగా ఆనంద్ శంకర్ తెరకెక్కించిన చిత్రం ‘నోటా’. తెలుగు, తమిళంలో తెరకెక్కిన ఈ చిత్రానికి మొదట అక్టోబర్ 4న విడుదల తేదిని ఫిక్స్ చేశారు. అయితే కొన్ని పరిస్థితుల వలన విడుదల వాయిదా పడొచ్చనే వార్తలు వినిపించాయి. ఇలాంటి సమయంలో నటుడు విజయ్ దేవరకొండ ‘నోటా’కు మీరే రిలీజ్ డేట్ చెప్పాలంటూ సోషల్ మీడియాలో ఓ పోల్ నిర్వహించాడు. అందులో అక్టోబర్ 5, 10, 18 తేదీలతో పాటు నోటా అంటూ ఆప్షన్స్ ఇచ్చాడు. 

ఈ పోల్ ఈ రోజు ముగియడంతో ఎట్టకేలకు డేట్‌ను చెప్పేశాడు విజయ్. ‘‘మీరు నోటాకు ఓటు వేశారు, అక్టోబర్ 5కు ఓటేశారు. చెప్పడానికి ఏమీ లేదు అక్టోబర్ 5న రానున్న నోటా’’ అంటూ కామెంట్ పెట్టాడు ఈ సెన్సేషనల్ హీరో. ఇక పొలిటికల్ థ్రిల్లర్‌గా తెరకెక్కిన ఈ చిత్రంలో విజయ్ సరసన మెహ్రీన్ నటించగా.. నాజర్, సత్యరాజ్ తదితరులు కీలక పాత్రలలో కనిపించనున్నారు. ఙ్ఞానవేల్ రాజా నిర్మించిన ఈ చిత్రంపై భారీ అంచనాలే ఉన్నాయి.



‘నోటా’కు రిలీజ్ డేట్ ఫిక్స్..?

Updated By ManamFri, 09/07/2018 - 12:26

NOTAసెన్సేషనల్ హీరో విజయ్ దేవరకొండ హీరోగా తెలుగు, తమిళ భాషల్లో తెరకెక్కుతున్న చిత్రం ‘నోటా’. ఆనంద్ శంకర్ దర్శకత్వం వహిస్తున్న ఈ చిత్రంలో మెహ్రీన్ హీరోయిన్‌గా నటిస్తోంది. ప్రస్తుతం షూటింగ్ జరుపుకుంటున్న ఈ చిత్ర టీజర్ గురువారం విడుదలైంది. ఈ టీజర్ అందరినీ ఆకట్టుకోగా.. తాజాగా ఈ మూవీ విడుదలకు డేట్ ఫిక్స్ చేసినట్లు వార్తలు వినిపిస్తున్నాయి.

అక్టోబర్ 4వ తేదిన ఈ చిత్రాన్ని ప్రేక్షకుల ముందుకు తీసుకురావాలని దర్శక నిర్మాతలు అనుకుంటున్నారట. దసరా రోజుల్లో అటు తెలుగు, ఇటు తమిళ్‌లో గట్టి పోటీగా ఉండటం వలన ఈ సినిమాను ముందుగానే విడుదల చేయడం మంచిదనే ఉద్దేశ్యంతోనే ఈ నిర్ణయం తీసుకున్నట్లు తెలుస్తోంది. కాగా ఈ చిత్రంలో విజయ్ దేవరకొండ సాధారణ యువకుడిగా, ముఖ్యమంత్రిగా కనిపించనున్న విషయం తెలిసిందే.



బెల్లంకొండ సరసన మరో హీరోయిన్

Updated By ManamMon, 08/20/2018 - 12:55

Srinivas, Mehreenబెల్లంకొండ శ్రీనివాస్ హీరోగా కొత్త దర్శకుడు శ్రీనివాస్ ఓ చిత్రాన్ని తెరకెక్కిస్తున్నాడు. ఈ చిత్రంలో కాజల్ హీరోయిన్‌‌‌‌‌గా నటిస్తుండగా.. తాజాగా మరో ముద్దుగుమ్మ కూడా ఈ ప్రాజెక్ట్‌లో భాగమైంది. కృష్ణగాడి వీరప్రేమ గాథ, రాజా ది గ్రేట్ వంటి చిత్రాల్లో నటించి మెప్పించిన మెహ్రీన్ ఈ చిత్రంలో భాగమైంది. హైదరాబాద్‌లో ఈ మూవీ షూటింగ్ జరుగుతుండగా.. అందులో ఆదివారం జాయిన్ అయ్యింది మెహ్రీన్. వంశధార క్రియేషన్స్ బ్యానర్‌ నిర్మిస్తున్న ఈ చిత్రానికి థమన్ సంగీతం అందిస్తున్నాడు. ఈ ఏడాది ఈ చిత్రం ప్రేక్షకుల మందుకు రానుంది.



‘ఎఫ్-2’లో పాల్గొన్న వరుణ్

Updated By ManamThu, 07/05/2018 - 10:48

f2 వెంకటేశ్, వరుణ్ తేజ్ హీరోలుగా అనిల్ రావిపూడి తెరకెక్కిస్తున్న మల్టీస్టారర్ చిత్రం ఎఫ్-2. ఫన్ అండ్ ఫ్రస్టేషన్ ట్యాగ్‌లైన్‌తో తెరకెక్కుతున్న ఈ చిత్ర షూటింగ్ గురువారం ప్రారంభమైంది. అందులో వరుణ్ తేజ్, హాస్యనటుడు ప్రియదర్శి పాల్గొన్నారు. దీనికి సంబంధించిన ఫొటోను నిర్మాతలు సోషల్ మీడియాలో పోస్ట్ చేశారు.

కామెడీ ఎంటర్‌టైనర్‌గా తెరకెక్కుతున్న ఈ చిత్రంలో వెంకటేశ్ సరసన్న తమన్నా నటిస్తుండగా.. వరుణ్ సరసన మెహ్రీన్ కనిపించనుంది. శ్రీవెంకటేశ్వర క్రియేషన్స్‌పై దిల్ రాజు నిర్మిస్తున్న ఈ మూవీకి దేవీ శ్రీ ప్రసాద్ సంగీతం అందిస్తున్నాడు. 





Related News