rana

నా ఆరోగ్యంపై వదంతులు ప్రచారం చేయకండి

Updated By ManamSun, 06/24/2018 - 11:33

rana తన ఆరోగ్యం బావుందంటూ రానా ఇటీవలే ఒకసారి ప్రకటించనప్పటికీ.. ఆయన అనారోగ్యంపై వస్తున్న వార్తలు మాత్రం తగ్గడం లేదు. దీంతో మరోసారి సోషల్ మీడియా వేదికగా తన ఆరోగ్యంపై క్లారిటీ ఇచ్చాడు రానా. ‘‘నా ఆరోగ్యం గురించి ఎన్నో పుకార్లు వింటున్నా, నేను బావున్నా. కేవలం బీపీ ప్రాబ్లమ్ మాత్రమే నాకు ఉంది. అది కూడా త్వరలోనే క్యూర్ అవుతుంది. మీ జాలి, ప్రేమకు ధన్యవాదాలు. కానీ నా ఆరోగ్యంపై వదంతులు మాత్రం ప్రచారం చేయకండి’’ అంటూ రానా ట్విట్టర్‌లో పోస్ట్ చేశాడు. కాగా ప్రస్తుతం రానా  ‘వెల్‌కం టు న్యూయార్క్’, ‘హాథీ మేరీ సాథీ’, ‘1945’, ‘అనిళమ్ తిరునల్ మార్తాండ వర్మ’ అనే చిత్రాలలో నటిస్తున్న విషయం తెలిసిందే.



నేను ఆరోగ్యంగా ఉన్నా

Updated By ManamTue, 06/19/2018 - 09:27

rana టాలీవుడ్ నటుడు రానా ఆరోగ్య పరిస్థితి బాలేదంటూ, కిడ్నీ సంబంధిత వ్యాధితో ఆయన బాధపడుతున్నాడంటూ ఇటీవల పుకార్లు షికార్లు చేశాయి. ఇవి కాస్త రానా వరకు చేరడంతో వాటిపై స్పందించాడు యంగ్ హీరో. తనకు బ్లడ్ ప్రెషర్ సమస్య ఉందని, అందువలనే కంటి ఆపరేషన్ లేటు అవుతుంది తప్ప తనకు ఎలాంటి ఆరోగ్య సమస్యలు లేవని రానా క్లారిటీ ఇచ్చాడు. తన అనారోగ్యంపై వస్తున్న వార్తలను నమ్మకండి అంటూ ఆయన చెప్పాడు.

అయితే రానా ప్రస్తుతం వరుస సినిమాలతో బిజీగా ఉన్నాడు. అందులో 1945 అనే చారిత్రాత్మక నేపథ్యం ఉన్న చిత్రం, కేరళ ట్రావెన్కోర్ ప్రాంతానికి చెందిన మహారాజ తిరునాళ్ మార్తాండ్ బయోపిక్, హథీ మేరీ సాథీ రీమేక్‌లు ఉన్నాయి. ఇవి పూర్తయ్యాక బాల దర్శకత్వంలో ఒక చిత్రం, తేజ దర్శకత్వంలో మరో చిత్రంలో నటించనున్నాడు ఈ హీరో.



జాతీయ అవార్డు విజేతలు వీరే

Updated By ManamFri, 04/13/2018 - 13:21
Film awards

2017 సంవత్సరానికి గానూ జాతీయ సినిమా అవార్డులను కేంద్రం ప్రకటించింది. ఇందులో ఉత్తమ హీరోగా బెంగాలి నటుడు రిద్దీ సేన్(నాగర్‌కీర్తన్) ఎంపిక అవ్వగా.. ఉత్తమ నటిగా శ్రీదేవి(మామ్) ఎంపిక అయ్యింది. అలాగే ఉత్తమ తెలుగు చిత్రంగా ఘాజీ నేషనల్ అవార్డును అందుకోగా.. తెలుగు చిత్రం బాహుబలి-2 మూడు విభాగాల్లో అవార్డులు అందుకుంది.

విజేతలు వీరే

బెస్ట్ మూవీ: విలేజ్ రాక్‌స్టార్స్
బెస్ట్ హీరో: రిద్దీ సేన్(నాగర్‌కీర్తన్)
బెస్ట్ హీరోయిన్: శ్రీదేవి (మామ్)
బెస్ట్ డైరక్టర్: జయరాజ్(భయానకమ్)
బెస్ట్ తెలుగు ఫిల్మ్: ఘాజీ
బెస్ట్ యాక్షన్ డైరక్షన్: అబ్బాస్ అలీ మొఘుల్(బాహుబలి-2)
బెస్ట్ మ్యూజిక్ డైరక్టర్: ఏఆర్ రెహమాన్
బెస్ట్ బ్యాక్‌గ్రౌండ్ స్కోర్: ఏఆర్ రెహమాన్(మామ్)
బెస్ట్ కొరియోగ్రఫీ: గణేష్ ఆచార్య(టాయ్‌లెట్ ఏక్ ప్రేమ్ కథ)
బెస్ట్ స్పెషల్ ఎపెక్ట్స్: బాహుబలి-2
బెస్ట్ మేకప్ ఆర్టిస్ట్: నాగర్‌కీర్తన్
బెస్ట్ ప్రొడక్షన్ డిజైన్: సంతోష్ రామన్(టేకాఫ్-మలయాళం)
బెస్ట్ సౌండ్ డిజైన్: వాకింగ్ విత్ విండ్(లడఖీ)
బెస్ట్ ఆడియోగ్రఫీ: విలేజ్ రాక్‌స్టార్స్
బెస్ట్ ఒరిజనల్ స్క్రీన్‌ప్లే: తొండిముతులమ్ ద్రిక్‌సాక్ష్యం(మలయాళం)
బెస్ట్ అడాప్డెట్ స్క్రీన్ ప్లే: భయానకమ్(మలయాళం)
బెస్ట్ సినిమాటోగ్రఫీ: భయానకమ్(మలయాళం)
బెస్ట్ లిరిక్స్: ప్రహ్లాద్
బెస్ట్ ఫీమేల్ సింగర్: శాషా త్రిపాఠి(వాన్ వెరివాన్- కాట్రు వెలియిదై)
బెస్ట్ మేల్ సింగర్: జే.యేసుదాసు(పొయ్ మరంజ కాలమ్)
బెస్ట్ సపోర్టింగ్ యాక్టర్: ఫహాద్ ఫాజిల్(తొండిముతులమ్ ద్రిక్‌సాక్ష్యం)
బెస్ట్ సపోర్టింగ్ యాక్టర్ ఫిమేల్: దివ్యా దత్(ఇరాదా)
దాదా సాహెబ్ ఫాల్కే అవార్డు: వినోద్ ఖన్నా
నర్గీస్ దత్ అవార్డు: దప్పా(మరాఠీ)
బెస్ట్ చైల్డ్ ఆర్టిస్ట్: భానితా దాస్(విలేజ్ రాక్‌స్టార్ట్స్)
బెస్ట్ చిల్డ్రన్ ఫిల్మ్: మోర్ఖ్య
బెస్ట్ హిందీ ఫిల్మ్: న్యూటన్
వీరితో పాటు న్యూటన్ నటుడు పంకట్ త్రిపాఠి, టేకాఫ్ నటి పార్వతీ మీనన్‌కు స్పెషల్ అవార్డులను ప్రకటించారు నిర్వాహకులు.



‘ఘాజీ’కి నేషనల్ అవార్డు

Updated By ManamFri, 04/13/2018 - 12:19

Ghaziరానా ప్రధాన పాత్రలో సంకల్ప్ రెడ్డి తెరకెక్కించిన ‘ఘాజీ’ చిత్రానికి నేషనల్ అవార్డు లభించింది. 65వ నేషనల్ ఫిల్మ్ అవార్డుల్లో ఉత్తమ తెలుగు చిత్రంగా ఘాజీని ఎంపిక చేశారు నిర్వాహకులు. 1971 సంవత్సరంలో జరిగిన యదార్థ సంఘటన ఆధారంగా ఈ సినిమాను తెరకెక్కించగా.. అన్ని చోట్ల నుంచి విమర్శకుల ప్రశంసలు పొందింది ఈ చిత్రం. ఇక తెలుగు, తమిళం, హిందీ భాషల్లో తెరకెక్కిన ఈ చిత్రంలో కే కే మీనన్, అతిల్ కులకర్ణి, తాప్సీ పన్ను, ఓం పురి, సత్యదేవ్, రవివర్మ, ప్రియదర్శి, నాజర్ తదితరులు ముఖ్య పాత్రలలో కనిపించారు. పీవీపీ సంస్థ, మ్యాట్నీ ఎంటర్‌టైన్‌మెంట్స్ సంయుక్తంగా నిర్మించిన ఈ చిత్రానికి కే సంగీతాన్ని అందించారు.


 



హారర్ చిత్రంలో రానా

Updated By ManamThu, 03/15/2018 - 21:30

rana‘బాహుబలి’లో భల్లాలదేవగా అందరినీ మెప్పించాడు యువ నటుడు రానా దగ్గుబాటి. అందుకే ప్ర‌స్తుతం త‌ను చేస్తున్న సినిమాలన్నింటిల్లోనూ.. ఏదో ఒక ప్రత్యేకతను చూపించే ప్రయత్నం చేస్తున్నాడు రానా. ఓ వైపు రెండవ ప్రపంచ యుద్ధ నేపథ్యంలో సాగే ప్రేమకథగా ‘1945’ చేస్తున్న ఈ యంగ్ హీరో.. మ‌రో వైపు మలయాళ చిత్రం ‘రాజా మార్తాండ వర్మ’లో టైటిల్ రోల్‌లో క‌నిపించ‌నున్నాడు. అలాగే ప్రభు సాల్మన్ దర్శకత్వంలో ‘హథీ మేరే సాథీ’ అనే హిందీ చిత్రాన్ని చేస్తున్నాడు. అలాగే ‘దొంగాట’ ఫేమ్ వంశీకృష్ణ దర్శకత్వంలో స్టూవర్టుపురం రాబిన్ హుడ్‌ టైగర్ నాగేశ్వరరావు బ‌యోపిక్ చేస్తున్నాడు.

వీటితో పాటు.. ఓ హారర్ చిత్రంలో నటించడానికి కూడా రానా ఆస‌క్తి చూపిస్తున్నాడట. వివరాల్లోకి వెళ్తే.. సిద్ధార్థ్, ఆండ్రియా జంట‌గా ‘గృహం’ అనే హార‌ర్‌ సినిమాను తెర‌కెక్కించిన‌ మిలింద్ రావ్ ద‌ర్శ‌క‌త్వంలో రానా ఓ హారర్ సినిమా చేయబోతున్నాడట. ప్రస్తుతం ఈ సినిమాకి సంబంధించి కథా చర్చలు జరుగుతున్నాయని ఫిలింనగర్ వర్గాల టాక్.



రానా.. నెల రోజులు అడ‌వుల్లోనే

Updated By ManamTue, 03/06/2018 - 21:10

rana'బాహుబ‌లి' సిరీస్‌తో జాతీయ స్థాయిలో గుర్తింపు తెచ్చుకున్నారు యువ న‌టుడు రానా. ప్ర‌స్తుతం ఆయ‌న చేతినిండా సినిమాల‌తో బిజీగా ఉన్నారు. వాటిలో బ‌హుభాషా చిత్రం 'హాథీ మేరే సాథీ' ఒక‌టి. 1971లో వ‌చ్చిన అదే పేరు గ‌ల హిందీ చిత్రం ఆధారంగా ఈ సినిమా తెర‌కెక్కుతోంది. ఇదిలా ఉంటే.. ప్ర‌స్తుతం ఈ సినిమా షూటింగ్ థాయ్‌లాండ్‌లోని జంగిల్ ఐలాండ్ ప‌రిస‌ర ప్రాంతాల్లో జ‌రుగుతోంది. ఈ విష‌యాన్ని రానా త‌న ట్విట్ట‌ర్ ఖాతాలో తెలియ‌జేశారు. ''థాయ్‌లాండ్ జంగిల్ ఐలాండ్ నుంచి హ‌లో చెబుతున్నా. రాబోయే నెల రోజుల పాటు అడ‌వుల్లోనే షూటింగ్‌తో బిజీగా ఉండబోతున్నాను'' అంటూ రానా ట్వీటారు.  త‌మిళ ద‌ర్శ‌కుడు ప్ర‌భు సాల్మ‌న్ ద‌ర్శ‌క‌త్వం వ‌హిస్తున్న ఈ మూవీ ఈ ఏడాది దీపావ‌ళికి తెర‌పైకి వ‌చ్చే అవ‌కాశ‌ముంది.



రానా 'మార్తాండ వ‌ర్మ' ప్రారంభ‌మైంది

Updated By ManamMon, 01/29/2018 - 22:01

ranaన‌టుడిగా రానా ప్ర‌యాణం మొద‌లై ఎనిమిదేళ్లు పూర్తి కావ‌స్తోంది. ఈ ఎనిమిదేళ్ళ‌లో న‌టుడిగా చాలానే ప‌రిణ‌తి సాధించారు ఈ ద‌గ్గుబాటి వారి వార‌సుడు. త‌న‌కు న‌చ్చిన‌, న‌ప్పే పాత్ర‌ల‌ను ఎంచుకుంటూ.. కేవ‌లం తెలుగు సినిమాల‌కే ప‌రిమితం కాకుండా త‌మిళ్‌, హిందీ చిత్రాలు కూడా చేస్తూ ముందుకెళుతున్నారు రానా. 'బాహుబ‌లి' చిత్రాల‌తో దేశవ్యాప్తంగా గుర్తింపు తెచ్చుకున్న రానా.. తాజాగా ఓ మ‌ల‌యాళ చిత్రానికి శ్రీ‌కారం చుట్టారు. కె.మ‌ధు ద‌ర్శ‌క‌త్వం వ‌హిస్తున్న ఈ మ‌ల‌యాళ చిత్రం.. ట్రావెన్ కోర్ రాజు మార్తాండ వ‌ర్మ జీవితం ఆధారంగా తెర‌కెక్కుతోంది. 1729 - 1758 వ‌ర‌కు అంటే 29 సంవ‌త్స‌రాల పాటు ట్రావెన్‌కోర్ ప్రాంతాన్ని ప‌రిపాలించిన చ‌క్ర‌వ‌ర్తిగా మార్తాండ వ‌ర్మ చ‌రిత్ర‌లో నిలిచారు. మ‌రి అలాంటి చ‌క్ర‌వ‌ర్తి క‌థ‌తో తెర‌కెక్కుతున్న సినిమాతో.. మాలీవుడ్‌లోకి అడుగుపెడుతున్న రానా.. అక్క‌డి సినీ చ‌రిత్ర‌లో త‌న‌దైన సంత‌కం చేస్తారేమో చూడాలి. 
 



రానా జ‌స్ట్ ఫ్రెండ్: ర‌కుల్‌

Updated By ManamSat, 01/27/2018 - 21:05

rakul, ranaసెల‌బ్రిటీల విషయంలో పుకార్లు సహజమే. అందులోనూ.. సినిమా నటీనటుల గురించి ప్రేమ వ్య‌వ‌హారాల పేరిట వ‌చ్చే పుకార్లు మరింత స‌హ‌జం. గ‌త కొంత‌కాలంగా ఇలాంటి పుకార్లు.. రానా, రకుల్ ప్రీత్ సింగ్ చుట్టూ షికారు చేస్తున్నాయి.  వీటికి తాజాగా ర‌కుల్ స్పందించింది. ''ప్రేమ వ్య‌వ‌హారానికి సంబంధించిన పుకార్లు.. మా (రకుల్‌, రానా) దాకా వచ్చాయి. అయితే.. వాటిని త‌లచుకుని మేం న‌వ్వి ఊరుకున్నాం. రానాకి, నాకు మ‌ధ్య ఉండేది.. స్నేహ బంధం మాత్ర‌మే. హైదరాబాద్‌లో మా ఇద్దరి ఇళ్లూ పక్కపక్కనే ఉంటాయి. అందుకే నాకు ఏ చిన్న‌ అవసరం వచ్చినా.. రానా ముందుంటాడు. నాకు ఈ సిటీలో ఉన్న 15 నుంచి 20 మంది స్నేహితులలో రానా ఒకడు. అయితే.. మా స్నేహితుల బృందంలో ఇంకా ఇద్దరు, ముగ్గురు మాత్రమే ఒంట‌రిగా ఉన్నాము. అందువ‌ల్లే కలిసి కొంత సమయం గడుపుతుంటాం. అది చూసి.. మా మ‌ధ్య ల‌వ్ ఎఫైర్ ఉంద‌ని పొర‌పాటు ప‌డిఉంటే.. దానికి ఏమీ చేయలేం క‌దా’' అని వివ‌ర‌ణ ఇచ్చింది రకుల్‌.

ఇదిలా ఉంటే.. రకుల్ కథానాయికగా నటించిన హిందీ సినిమా ‘అయ్యారీ’ విడుదలకు సిద్ధంగా ఉంది. సిద్ధార్థ్‌ మల్హోత్రా కథానాయకుడిగా న‌టించిన ఈ సినిమాకి నీరజ్‌ పాండే దర్శక‌త్వం వ‌హించారు. ఫిబ్రవరి 9న ఈ సినిమా విడుద‌ల కానుంది. త‌మిళంలో సూర్య‌, కార్తీతో సినిమాలు చేస్తోంది రకుల్ .



భల్లాలదేవుడి కొత్త ఫ్రెండ్‌ను చూశారా..?

Updated By ManamTue, 12/26/2017 - 10:27

భల్లాలదేవుడి జట్టులోకి కొత్త ఫ్రెండ్ వచ్చాడు. ఇంకేముంది ఆ ఫ్రెండ్‌తో ఫొటో తీసుకొని అతడిని అందరికీ పరిచయం చేశాడు రానా. ఇంతకు ఎవరా ఫ్రెండ్ అనుకుంటున్నారా? స్టైలిష్ స్టార్ అల్లు అర్జున్ తనయుడు అల్లు అయాన్.
Rana, Allu Ayaan

క్రిస్మస్ సెలబ్రేషన్స్‌లో భాగంగా అల్లు అర్జున్‌ ఫ్యామిలీతో లంచ్‌ను చేశాడు రానా. ఈ సందర్భంగా అల్లు అయాన్‌ను తన ఒడిలో కూర్చొబెట్టుకొని సెల్ఫీ తీసుకున్నాడు. దాన్ని సోషల్ మీడియాలో షేర్ చేస్తూ.., "క్రిస్మస్ లంచ్‌లో జూనియర్ బన్నీతో నేను. ఇదంతా చూస్తుంటే నా స్నేహితులు చాలా యంగ్‌గా తయారవుతున్నారు" అంటూ రానా కామెంట్ పెట్టాడు . ప్రస్తుతం ఈ ఫొటో సోషల్ మీడియాలో హల్‌చల్ చేస్తుంది.


 
 



ప్ర‌వీణ్ స‌త్తారు.. '3 క‌జిన్స్‌'?

Updated By ManamThu, 12/07/2017 - 15:58

praveen'పిఎస్‌వి గ‌రుడ‌వేగ 126.18ఎం'తో విమ‌ర్శ‌కుల ప్ర‌శంస‌లు అందుకున్న ద‌ర్శ‌కుడు ప్ర‌వీణ్ స‌త్తారు. త్వ‌ర‌లోనే సుధీర్ బాబు క‌థానాయ‌కుడిగా పుల్లెల గోపీచంద్ బ‌యోపిక్‌ని ఆయ‌న తెర‌కెక్కించ‌నున్నారు. అలాగే నితిన్ హోమ్ బేన‌ర్ శ్రేష్ట్ మూవీస్‌లోనూ ఓ సినిమా చేయ‌బోతున్నారు ప్ర‌వీణ్. ఇటీవ‌లే దీని గురించి నితిన్ ట్విట్ట‌ర్‌లో ప్ర‌క‌ట‌న చేసిన సంగ‌తి తెలిసిందే. కాగా, '3 క‌జిన్స్' అనే పేరుతో రూపొందనున్న ఈ చిత్రంలో ముగ్గురు క‌థానాయ‌కులు న‌టించ‌నున్నార‌ని స‌మాచార‌మ్‌. ఇప్ప‌టికే నితిన్‌, రానా క‌న్‌ఫ‌ర్మ్ అయ్యార‌ని.. మ‌రో హీరోగా నారా రోహిత్‌ని అనుకుంటున్నార‌ని తెలిసింది.   దీనికి సంబంధించిన అధికారిక ప్ర‌క‌ట‌న రావాల్సి ఉంది.





Related News