mahesh babu

మహేశ్ ‘మహర్షి’ అమెరికా షెడ్యూల్‌కు బ్రేక్

Updated By ManamSun, 09/16/2018 - 17:16

Mahesh Babuమహేశ్ బాబు హీరోగా వంశీ పైడిపల్లి తెరకెక్కిస్తున్న చిత్రం ‘మహర్షి’. షూటింగ్‌లో భాగంగా ఈ చిత్ర యూనిట్ త్వరలో అమెరికాకు వెళ్లాల్సి ఉండగా.. కొన్ని కారణాల వలన అది రద్దైంది. దీంతో అక్టోబర్ మొదటి వారంలో చిత్ర యూనిట్ అమెరికాకు వెళ్లనున్నట్లు తెలుస్తోంది. 25రోజుల పాటు అక్కడ షూటింగ్ జరపనున్నారు. ఇక ఈ చిత్రంలో మహేశ్ సరసన పూజా హెగ్డే నటిస్తుండగా.. అల్లరి నరేశ్ కీలక పాత్రలో కనిపించనున్నాడు. దిల్ రాజు, అశ్వనీదత్, పీవీపీలు సంయుక్తంగా నిర్మిస్తున్న ఈ చిత్రానికి దేవీ శ్రీ ప్రసాద్ సంగీతం అందిస్తుండగా.. వచ్చే ఏడాది ఏప్రిల్‌లో ప్రేక్షకుల ముందుకు రానుంది.



మహేశ్ గురించి తప్పుగా మాట్లాడా, క్షమించండి

Updated By ManamSun, 09/16/2018 - 14:36

Mahesh, Manojటాలీవుడ్ సూపర్‌స్టార్ మహేశ్ బాబు సింగిల్ ఎక్స్‌ప్రెషన్ హీరో అని, అతడికి నటన రాదంటూ అభ్యంతరకర వ్యాఖ్యలు చేసిన కోలీవుడ్ కమెడియన్ మనోజ్ ప్రభాకర్ ఎట్టకేలకు క్షమాపణలు చెప్పాడు. 

ఈ మేరకు సోషల్ మీడియాలో ఓ పోస్ట్ పెట్టిన మనోజ్.. ‘‘హలో పీపుల్.. సోషల్ మీడియాలో నాపై చాలా కామెంట్స్ వస్తున్నాయి. నేను మహేశ్ గురించి మాట్లాడిన విషయాలన్నీ చాలా రోజుల క్రితం యూట్యూబ్‌లో అప్‌లోడ్ అయ్యాయి. నాపై ఇలాంటి కామెంట్స్ రావడం ఇది రెండోసారి. కాబట్టి ఈ విషయం గురించి క్లారిటీ ఇవ్వాలని నిర్ణయించుకున్నా. మాక్ అవార్డు షోలో భాగంగా రూపొందించిన వీడియో అది. ఎవ్వరినీ కించపరచడానికి ఆ వీడియో చేయలేదు. నేను స్పైడర్ సినిమాను తమిళ్‌లో చూశా. నేను చేసిన కామెంట్స్ తమిళ వెర్షన్‌కు సంబంధించినవే. వీడియోలో సినిమా గురించి నేను చేసిన కామెంట్స్ అన్నీ నా వ్యక్తిగత అభిప్రాయాలు మాత్రమే. ఓ ప్రేక్షకుడిగా నా అభిప్రాయాన్ని వెల్లడించాను.

ఈ వివాదంలో అనవసరంగా నా కుటుంబీకులు, స్నేహితులను టార్గెట్‌ చేస్తున్నారు. మంచో, చెడో నాతోనే నేరుగా మాట్లాడండి. ఈ గొడవలోకి నా కుటుంబీకులను లాగొద్దు. నాకు వచ్చిన కామెంట్స్‌లో చాలా మంది నేను అసహ్యంగా ఉంటానని అంటున్నారు. అలా అంటూ మీ సమయం వృథా చేసుకోకండి. నేను అసహ్యంగా ఉంటానన్న విషయం నాకూ తెలుసు. నిజానిజాలు తెలుసుకోకుండా నోరుపారేసుకోవడం అందరికీ ఓ అలవాటుగా మారిపోయింది. నాపై కామెంట్స్‌ పెట్టిన తొలి రోజుల్లోనే నేను స్పందించి ఉంటే ఇంతదాకా వచ్చేది కాదు. నా మాటలు మిమ్మల్ని బాధించి ఉంటే నన్ను క్షమించండి. మహేశ్‌కు‌ కూడా నేను క్షమాపణలు చెప్తున్నాను. మనమంతా మనుషులమే. అందరం తప్పులు చేస్తాం. నేను ఇంకా వాటి నుంచి నేర్చుకుంటున్నాను’’ అంటూ కామెంట్ పెట్టాడు.



మహేశ్‌కు యాక్టింగ్ రాదన్న కమెడియన్.. ఫ్యాన్స్ ఫైర్

Updated By ManamFri, 09/14/2018 - 14:39

Mahesh Babuటాలీవుడ్ సూపర్‌స్టార్ మహేశ్ బాబు గురించి కొత్తగా చెప్పాల్సిన అవసరం లేదు. తన నటనతో తెలుగులోనే కాకుండా మిగిలిన భాషలలో కూడా అభిమానులను సంపాదించుకొని సౌత్ ఇండస్ట్రీలోనే పేరొందిన నటుడిగా చలామణి అవుతున్నాడు. ఎన్నో రికార్డులు ఆయన ఖాతాలో ఉన్నాయి. అంతేకాదు అత్యధిక పారితోషికం విషయంలోనూ మహేశ్ బాబు టాప్‌లోనే ఉన్నాడు. మరోవైపు ఆయనతో సినిమా తీసేందుకు ఓ వైపు దర్శకులు, మరోవైపు నిర్మాతలు క్యూలో ఉంటారు. అయితే అలాంటి మహేశ్ బాబుపై ఓ తమిళ కమెడియన్ అభ్యంతరకర వ్యాఖ్యలు చేశాడు. దీంతో మహేశ్ అభిమానులు ఆగ్రహం వ్యక్తం చేస్తున్నారు.

ఓ కామెడీ షోలో పాల్గొన్న మనోజ్ ప్రభాకర్ అనే అప్‌కమింగ్ కమెడియన్ మాట్లాడుతూ.. మహేశ్‌కు నటన రాదని, అతడి మొహంలో ఏ హావభావాలు ఉండవని అన్నాడు. అంతటితో ఆగకుండా కత్రినా కైఫ్‌కు మేల్ వెర్షన్‌ మహేశ్ బాబు అంటూ కామెంట్ చేశాడు. దీనికి సంబంధించిన ఓ వీడియో సోషల్ మీడియాలో వైరల్ కావడంతో అతడిపై మహేశ్ అభిమానులు ఆగ్రహం వ్యక్తం చేస్తున్నారు. మహేశ్‌ లాంటి స్టార్‌పై కామెంట్ చేసే అర్హత అతడికి లేదంటూ కామెంట్లు పెడుతున్నారు.



ప్రిన్స్ ఇంట్లో చవితి వేడుకలు

Updated By ManamThu, 09/13/2018 - 19:43

Mahesh babu, Prince home, Namratha, Gowtham krishna, Sitara, Super star family వినాయక చవితిని పురస్కరించుకుని సినీప్రముఖులు తమ ఇంట్లో గణేషుడిని ప్రతిష్టించి ప్రత్యేకమైన పూజలతో వేడుకులు జరుపుకున్నారు. టాలీవుడ్ సూపర్ స్టార్ ప్రిన్స్ మహేశ్ బాబు ఇంట్లో వినాయక చవితి వేడకులను ఘనంగా జరుపుకున్నారు.
Mahesh babu, Prince home, Namratha, Gowtham krishna, Sitara, Super star familyమహేశ్ సతీమణి నమ్రతా శిరోద్కర్ తన పిల్లలు గౌతమ్ కృష్ణ, సితారలతో కలిసి గణనాథునికి పూజలు నిర్వహించారు. ఈ సందర్భంగా వినాయకుడిని పూలతో ఆలకరించి ప్రసాదాలను నివేదించారు. అనంతరం గణనాథుడి సన్నిధిలో నమ్రతా, గౌతమ్ కృష్ణ, సితారలు కలిసి ఫొటోలు దిగుతూ సంతోషంగా గణేష్ వేడుకులు జరుపుకున్నారు.
Mahesh babu, Prince home, Namratha, Gowtham krishna, Sitara, Super star family
Mahesh babu, Prince home, Namratha, Gowtham krishna, Sitara, Super star family



‘మా’ వివాదంపై చిరు ఆగ్రహం.. మహేశ్ డ్రాప్

Updated By ManamThu, 09/06/2018 - 10:29

Chiranjeevi, Mahesh Babuగత కొంతకాలంగా పలు వివాదాల్లో చిక్కుకుంటున్న మూవీ ఆర్టిస్ట్ అసోషియేషన్‌(మా) తాజాగా నిధుల దుర్వినియోగం రచ్చతో అప్రతిష్టపాలు అయ్యింది. అసోషియేషన్ అధ్యక్షుడు శివాజీ రాజా ‘మా’ నిధులను దుర్వినియోగం చేశారంటూ ఓ ఆంగ్ల పత్రికలో కథనం రాగా.. సంఘం కార్యదర్శి నరేశ్ ఆ కథనానికి మద్ధతు ఇచ్చారు.

దీంతో వివాదం మొదలు కావడంతో మా కమిటీలో చీలికలు ఏర్పడ్డాయి. అయితే ఈ గొడవల్లో మెగాస్టార్ చిరంజీవి పేరు రావడంతో దానిపై ఆయన ఆగ్రహం వ్యక్తం చేసినట్లు తెలుస్తోంది. మరోవైపు అక్టోబర్‌లో మహేశ్ బాబుతో మా సభ్యులు ఓ ఈవెంట్‌ను ఏర్పాటు చేశారు. అయితే తాజా వివాదాల నేపథ్యంలో మహేశ్ బాబు ఈ ఈవెంట్ నుంచి తప్పుకున్నారని తెలుస్తోంది. ప్రస్తుతం ఉన్న పరిస్థితుల్లో తాను ఈ షోలో పాల్గొనడం మంచిది కాదనే భావనలో మహేశ్ ఉన్నాడట. దీంతో ‘మా’కు పెద్ద షాక్ తగిలిందని పలువురు భావిస్తున్నారు.



‘సిల్లీ ఫెలోస్’కి మహేష్ సపోర్ట్!

Updated By ManamTue, 08/28/2018 - 04:59

imageఅల్లరి నరేష్, సునీల్, చిత్రా శుక్లా, పూర్ణ, నందినిరాయ్ ముఖ్యపాత్రలో నటిస్తున్న ‘సిల్లీ ఫెలోస్’ ట్రైలర్ విడుదలైంది. హీరో మహేష్‌బాబు ఈ ట్రైలర్‌ను విడుదల చేశారు. టి.జి.విశ్వప్రసాద్ సమర్పణలో బ్లూ ప్లానెట్ ఎంటర్‌టైన్‌మెంట్ ఎల్‌ఎల్‌పి, పీపుల్ మీడియా ఫ్యాక్టరీ పతాకాలపై భీమనేని శ్రీనివాసరావు దర్శకత్వంలో కిరణ్‌రెడ్డి, భరత్‌చౌదరి ఈ చిత్రాన్ని నిర్మిస్తున్నారు. ట్రైలర్‌ను విడుదల చేసిన మహేష్‌బాబుకి కృతజ్ఞతలు తెలిపారు దర్శకనిర్మాతలు. కమెడియన్ నుంచి హీరోగా టర్న్ తీసుకున్న సునీల్‌లో ‘సిల్లీ ఫెలోస్’ చిత్రంతో మళ్ళీ కమెడియన్‌గా కనిపించబోతున్నారు. షూటింగ్ పూర్తి చేసుకున్న ఈ చిత్రం ప్రస్తుతం  పోస్ట్ ప్రొడక్షన్ వర్క్ జరుపుకుంటోంది. అన్ని కార్యక్రమాలు పూర్తి చేసి సెప్టెంబర్ 7న ఈ చిత్రాన్ని విడుదల చేసేందుకు సన్నాహాలు చేస్తున్నారు.



‘మహర్షి’తో విజయ్ దేవరకొండ

Updated By ManamFri, 08/24/2018 - 11:14

Vijay Devarakonda‘గీత గోవిందం’తో మరో విజయాన్ని సొంతం చేసుకున్న టాలీవుడ్ సెన్సేషనల్ హీరో విజయ్ దేవరకొండ ప్రస్తుతం ఆ సక్సెస్‌ను ఎంజాయ్ చేస్తున్నాడు. కాగా తాజాగా స్టార్ హీరో మహేశ్ బాబు సెట్‌లో దర్శనమిచ్చాడు విజయ్ దేవరకొండ. మహేశ్ బాబు ప్రస్తుతం వంశీ పైడిపల్లి దర్శకత్వంలో ‘మహర్షి’లో నటిస్తున్నాడు. ఈ చిత్ర షూటింగ్ హైదరాబాద్‌లో జరుగుతుండగా.. అక్కడికి వెళ్లి హల్‌చల్ చేశాడు విజయ్ దేవరకొండ. ఈ సందర్భంగా ఓ ఫొటోను సోషల్ మీడియాలో షేర్ చేసుకున్న విజయ్ దేవరకొండ.. ‘‘ఒకప్పుడు అతడి సినిమాల టికెట్ల కోసం ఫైట్ చేసేవాడిని. ఇప్పుడు ఆయన మూవీ సెట్‌లో ఆయనతో పాటు నా పని గురించి మాట్లాడటం చాలా ఆనందంగా ఉంది. ఫుల్ లవ్’’ అంటూ కామెంట్ పెట్టాడు. కాగా విజయ్ దేవరకొండ ప్రస్తుతం ‘నోటా’, ‘కామ్రెట్’ చిత్రాలలో నటిస్తుండగా.. ఆయన నటించిన టాక్సీవాలా విడుదలకు సిద్ధంగా ఉంది.



మహేశ్ తల్లిగా అలనాటి నటి

Updated By ManamThu, 08/23/2018 - 14:57

Maharshiమహేశ్ బాబు హీరోగా వంశీ పైడిపల్లి తెరకెక్కిస్తున్న చిత్రం ‘మహర్షి’. ప్రస్తుతం శరవేగంగా షూటింగ్ జరుపుకుంటున్న ఈ చిత్రంలో మహేశ్ సరసన పూజా హెగ్డే నటిస్తుండగా, అల్లరి నరేశ్ కీలక పాత్రలో కనిపించనున్నాడు. కాగా ఈ చిత్రంలో మహేశ్ తల్లిగా అలనాటి నటి జయప్రద నటించనున్నట్లు వార్తలు వినిపిస్తున్నాయి. ఇప్పటికే ఆమెతో సంప్రదింపులు జరిపారని, త్వరలో ఆమె ఈ చిత్ర షూటింగ్‌లో జాయిన్ అవ్వనుందని సమాచారం. అయితే మహేశ్ తండ్రి సూపర్‌స్టార్ కృష్ణతో జయప్రద అప్పట్లో ఎన్నో హిట్ సినిమాలలో నటించిన విషయం తెలిసిందే. ఇదిలా ఉంటే దిల్ రాజు, అశ్వనీదత్, పీవీపీ సంయుక్తంగా నిర్మిస్తున్న ‘మహర్షి’ చిత్రానికి దేవీ శ్రీ ప్రసాద్ సంగీతం అందిస్తుండగా.. వచ్చే ఏడాది వేసవి కానుకగా ప్రేక్షకుల ముందుకు రానుంది.



‘పేపర్ బాయ్’ ట్రైలర్‌పై మహేశ్ ప్రశంసలు

Updated By ManamThu, 08/23/2018 - 12:27
Mahesh Babu, Paper Boy

సంతోశ్ శోభన్, రియా సుమన్ హీరో హీరోయిన్లుగా జయశంకర్ తెరకెక్కించిన చిత్రం ‘పేపర్ బాయ్’. ప్రముఖ నిర్మాత సంపత్ నంది ఈ చిత్రాన్ని నిర్మించడం విశేషం. కాగా ఇటీవల విడుదలైన ఈ చిత్ర ట్రైలర్ అందరినీ ఆకట్టుకోగా.. తాజాగా దానిపై ప్రశంసలు కురిపించాడు సూపర్‌స్టార్ మహేశ్ బాబు. 

‘‘పేపర్ బాయ్ ట్రైలర్ చూశాను. చాలా కొత్తగా బావుంది. సంతోశ్ శోభన్ తండ్రి గారితో నేను పనిచేశాను. వ్యక్తిగతంగా ఈ ట్రైలర్ నా హృదయాన్ని తాకింది. సంతోష్ శోభన్, చిత్ర యూనిట్ అందరికీ ఆల్ ది బెస్ట్’’ అంటూ మహేశ్ కామెంట్ పెట్టారు. కాగా శోభన్ దర్శకత్వంలో మహేశ్ బాబు బాబి అనే చిత్రంలో నటించిన విషయం తెలిసిందే.

 



‘గీత గోవిందం’పై పలువురి ప్రశంసలు

Updated By ManamThu, 08/16/2018 - 15:06

Geetha Govindamవిజయ్ దేవరకొండ, రష్మిక మందన్న హీరోహీరోయిన్లుగా పరశురామ్ తెరకెక్కించిన ‘గీత గోవిందం’ థియేటర్లలో దూసుకుపోతోంది. విడుదలకు ముందే ఈ చిత్రంలోని కొన్ని సీన్లు లీక్ అయినప్పటికీ.. రిలీజ్ తరువాత పాజిటివ్ టాక్ రావడంతో బాక్సాఫీస్ వద్ద కలెక్షన్ల వర్షం కురిపిస్తోంది. ఇక ఈ చిత్రాన్ని చూసిన పలువురు సినీ ప్రముఖులు సినిమాపై ప్రశంసలు కురిపిస్తున్నారు.

ఈ చిత్రాన్ని చూసిన మహేశ్ బాబు.. ‘‘గీత గోవిందం ఓ విజేత. సినిమా మొత్తం ఎంజాయ్ చేశాను. విజయ్ దేవరకొండ, రష్మిక మందన్నా చాలా బాగా చేశారు. సుబ్బరాజు, వెన్నల కిశోర్‌లను ప్రత్యేకంగా పేర్కొనాలి. టీం మొత్తానికి కంగ్రాట్స్’’ అంటూ కామెంట్ పెట్టాడు. ‘‘గీత గోవిందం చూశాను. విజయ్ దేవరకొండ, రాహుల్ రామకృష్ణ ఇద్దరు ఉన్న ఏ చిత్రాన్నైనా చూస్తాను. టీమ్ మొత్తానికి కంగ్రాట్స్’’ అంటూ సమంత స్పందించింది.

వీరితో పాటు దర్శకుడు అనిల్ రావిపూడి స్పందిస్తూ.. ‘‘గీత గోవిందం చాలా బావుంది. విజయ్ దేవరకొండ నువ్వు చంపేశావు. రష్మిక మందన్నా నువ్వు సూపర్. వెన్నల కిశోర్ నిన్ను ప్రత్యేకంగా అభినందించాలి. మూలాలు మర్చిపోకూడదు. పరశురామ్ గ్రాండ్ సక్సెస్ నీ సొంతం. చిత్ర యూనిట్‌కు కంగ్రాట్స్’’ అంటూ పెట్టారు. అలాగే ‘‘గీత గోవిందం ఓ నవ్వుల ప్రవాహం. సినిమా మొత్తాన్ని ఎంజాయ్ చేశా. చిత్ర యూనిట్ మొత్తానికి కంగ్రాట్స్’’ అంటూ నిర్మాత శోభు యార్లగడ్డ పేర్కొన్నారు.





Related News