Chandrababu Naidu

ప్రజాస్వామ్యాన్ని పరిరక్షించుకుంటాం: చంద్రబాబు

Updated By ManamMon, 11/19/2018 - 19:39
  • మమతా బెనర్జీతో ముగిసిన చంద్రబాబు భేటీ

  • దేశాన్ని పరిక్షించుకునేందుకు కలిసి నడుస్తున్నాం: బెంగాల్ సీఎం 

Chandrababu naidu, Mamatha benarjee, BJP govtకోల్‌కతా: తృణమూల్‌ కాంగ్రెస్‌ అధినేత్రి, పశ్చిమ్‌ బెంగాల్ సీఎం మమతా బెనర్జీతో టీడీపీ జాతీయ అధ్యక్షుడు, ఏపీ సీఎం చంద్రబాబు భేటీ ముగిసింది. భాజపాయేతర పక్షాలను ఏకతాటిపైకి తీసుకురావడమే లక్ష్యంగా చంద్రబాబు సోమవారం సాయంత్రం మమతా బెనర్జీతో సమావేశమయ్యారు. ఈ సమావేశం ముగిసిన అనంతరం వీరిద్దరూ మీడియాతో సంయుక్తంగా మాట్లాడారు. తొలుత సీఎం చంద్రబాబు మాట్లాడుతూ.. మమతతో అనేక విషయాలు చర్చించినట్టు తెలిపారు.

ఈ నెల 22న ఢిల్లీలో ఏర్పాటు చేయాలనుకున్న సమావేశం ఐదు రాష్ట్రాల ఎన్నికల కారణంగా వాయిదా పడిందని చెప్పారు. పార్లమెంట్‌ శీతకాల సమావేశాలకు ముందే బీజేపీయేతర పక్షాల నేతలంతా సమావేశం కానున్నట్టు తెలిపారు. ప్రజాస్వామ్యాన్ని రక్షించుకొనేందుకు చర్యలు తీసుకుంటామని చెప్పారు. మమతా బెనర్జీ మాట్లాడుతూ.. దేశాన్ని పరిరక్షించుకొనేందుకే కలిసి నడుస్తున్నామని చెప్పారు. 



బీజీపీయేతర పక్షాల సమావేశం వాయిదా

Updated By ManamMon, 11/19/2018 - 19:31

BJP against parties meeting postpondedన్యూఢిల్లీ: దేశ రాజధాని ఢిల్లీలో ఈ నెల 22న జరగాల్సిన బీజేపీయేతర పక్షాల సమావేశం వాయిదా పడింది. ఐదు రాష్ట్రాల ఎన్నికల ఫలితాలు వచ్చిన తర్వాతే ఈ భేటీ నిర్వహించే అవకాశమున్నట్లు కనిపిస్తోంది. ఐదు రాష్ట్రాల్లోని పలు పార్టీల నేతలు ఎన్నికల కార్యక్రమాలతో బిజీగా గడుపుతున్నారు. దాంతో ఈ దిశగా నిర్ణయం తీసుకున్నట్లు సమాచారం. టీడీపీ అధినేత, ఏపీ సీఎం చంద్రబాబు ఇటీవల కాంగ్రెస్‌ అధ్యక్షుడు రాహుల్‌ గాంధీ, ఎన్సీపీ అధ్యక్షుడు శరద్‌పవార్‌, సమాజ్‌వాదీ పార్టీ అగ్రనేతలు అఖిలేశ్‌, ములాయం సింగ్‌ యాదవ్‌, జేడీఎస్‌ అధ్యక్షుడు దేవెగౌడ, డీఎంకే అధ్యక్షుడు స్టాలిన్‌తో పాటు పలు రాజకీయ పార్టీల నేతలతో వేర్వేరుగా సమావేశమైన సంగతి విదితమే. బీజేపీయేతర పక్షాలన్నింటినీ ఏకతాటిపైకి తీసుకొచ్చేందుకు ఈ నెల 22న ఢిల్లీలో బీజేపీయేతర పార్టీలకు చెందిన నేతలతో సమావేశం కావాలని నిర్ణయించిన సంగతి తెలిసిందే.  



కోల్‌కతాకు చంద్రబాబు.. మమతాతో భేటీ

Updated By ManamMon, 11/19/2018 - 19:13
  • ఏపీ సీఎంకు స్వాగతం పలికిన బెంగాల్ సీఎం 

  • బీజేపీయేతర పక్షాలను ఏకం చేయడమే లక్ష్యంగా చంద్రబాబు 

Mamatha Benarjee, Chandrababu naidu, Bjp against parties, CBIకోల్‌కతా: బీజేపీ వ్యతిరేక పార్టీల మద్దతును కూడగట్టే పనిలో భాగంగా ప్రతిపక్ష బీజేపీ రాష్ట్రాల్లో ఏపీ సీఎం చంద్రబాబు నాయుడు విస్తృతంగా పర్యటిస్తున్నారు. పలు రాష్ట్రాల్లో పర్యటించి అక్కడి బీజేపీయేతర పార్టీలను జాతీయ స్థాయిలో ఒకే వేదికపైకి తీసుకొచ్చే లక్ష్యంగా చంద్రబాబు సమరశంఖాన్ని పూరించారు. మొన్న రాహుల్ గాంధీని కలిసిన చంద్రబాబు.. ఇటీవల కర్ణాటక ముఖ్యమంత్రి కుమారస్వామి, డీఎంకే అధినేత స్టాలిన్‌ను కలిసిన సంగతి తెలిసిందే. తాజాగా చంద్రబాబు పశ్చిమబెంగాల్ ముఖ్యమంత్రి మమతా బెనర్జీని కలిసేందుకు సోమవారం కోల్‌కతా చేరుకున్నారు.
Mamatha Benarjee, Chandrababu naidu, Bjp against parties, CBIఈ సందర్భంగా కోల్‌కతాలో చంద్రబాబుకు మమతా బెనర్జీ పుష్పగుచ్చం అందించి స్వాగతం పలికారు. భవిష్యత్‌ రాజకీయ కార్యాచరణపై మమతా, చంద్రబాబు చర్చించనున్నారు. ఈ నెల 22న ఢిల్లీ వేదికగా బీజేపీయేతర భాగస్వామ్య పక్షాల సమావేశం జరుగనుంది. ఈ నేపథ్యంలో మమతా, చంద్రబాబుల భేటీ ప్రాధాన్యం సంతరించుకుంది. రాష్ట్ర భూభాగాల్లో ప్రభుత్వం అనుమతి లేకుండా సీబీఐ దాడులు చేయడానికి వీల్లేకుండా ‘సాధారణ సమ్మతి’ని వెనక్కి తీసుకున్న సంగతి తెలిసిందే. సీబీఐపై చంద్రబాబు ప్రభుత్వం నిర్ణయాన్ని మమతా స్వాగతించారు.



మనం సైతంకు చంద్రబాబు ప్రశంస

Updated By ManamMon, 11/19/2018 - 19:12
cbn

తిత్లీ తుఫాన్ బాధితులను ఆదుకునేందుకు మనం సైతం చేసిన కృషిని ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడు ప్రశంసించారు. తిత్లీ ప్రభావిత ఆరు గ్రామాలైన భర్తుపురం, కందులగూడెం, సవరనీలాపురం, మల్లివీడు, సాగరం పేట, నాయుడు పోలేరు గ్రామాల్లో మనం సైతం బృందం పర్యటించి, అక్కడి ప్రజలకు నిత్యావసర వస్తువులను అందించింది. ఏపీ సచివాలయంలో ముఖ్యమంత్రి చంద్రబాబు నాయుడును మనం సైతం సభ్యులు కలిసి తమ సేవా కార్యక్రమాలను వివరించారు. వివరాలు తెలుసుకున్న ముఖ్యమంత్రి మనం సైతం సేవా దృక్పథాన్ని అభినందించారు. మరిన్ని మంచి కార్యక్రమాలు చేయాలని సూచించారు.

ముఖ్యమంత్రి చంద్రబాబు ప్రశంసలు దక్కడం గొప్ప గౌరవంగా భావిస్తున్నట్లు మనం సైతం సారథి కాదంబరి కిరణ్ తెలిపారు. ముఖ్యమంత్రి ప్రోత్సాహంతో సేవా కార్యక్రమాల్లో మరింత ఉత్సాహంగా పనిచేస్తామన్నారు. దేశవ్యాప్తంగా ఎక్కడ పేదలకు అవసరం ఉన్నా తమవంతు సహాయం అందించేందుకు మనం సైతం సిద్ధంగా ఉందని కాదంబరి చెప్పారు. కాదంబరి కిరణ్ వెంట ముఖ్యమంత్రి చంద్రబాబును కలిసిన వారిలో మనం సైతం సభ్యులు బందరు బాబీ, వినోద్ బాలా, సురేష్ తదితరులు ఉన్నారు.



తలనొప్పి వస్తే తలకాయ తీసేస్తారా?

Updated By ManamMon, 11/19/2018 - 17:56
  • వైఎస్ జగన్ హత్యాయత్నం వెనుక చంద్రబాబు హస్తం

 Mahmood Iqbal lashes out at chandrababu naidu

విజయవాడ : టీడీపీపై వైఎస్సార్ కాంగ్రెస్ పార్టీ సీనియర్ నేత మహ్మద్ ఇక్బాల్ తీవ్రస్థాయిలో విరుచుకుపడ్డారు. ఆయన సోమవారమిక్కడ మీడియా సమావేశంలో మాట్లాడుతూ...‘ చంద్రబాబు నాయుడు వ్యవస్థపై తనకు అనుకూలంగా మాట్లాడతారు. కోర్టులు మీకు వ్యతిరేకంగా తీర్పు ఇస్తే కోర్టులు కూడా వద్దని అంటారు. అలాగే సీబీఐ విషయంలోనూ అదేవిధంగా వ్యవహరిస్తున్నారు. తలనొప్పి వస్తే తలకాయ తీసేస్తారా? ఇలాంటి వైఖరులను మే మేం ఖండిస్తున్నాం. వైఎస్ జగన్ హత్నాయత్నం కేసు విచారణను సీబీఐకి ఇవ్వకపోతే ఇంటర్‌పోల్‌కు ఇస్తారా? సీబీఐ అంటే నమ్మకం లేదన్నారు. ఈడీ సోదాలు, ఐటీ సోదాలు ఆరు నెలలు ఆపేయాలని టీడీపీ డిమాండ్ చేస్తోంది. 

అంటే మీ దోపిడీ బయటకు రాకూడదనేగా. చంద్రబాబు రూ.500కోట్లు ఎన్నికలకు ఉపయోగిస్తున్నారని టీఆర్ఎస్ నేతలు ఆరోపించారు. మీరు సీబీఐని వద్దనడం వల్ల రాష్ట్రంలో అవినీతికి పాల్పడేవారిపై విచారణ చేయొద్దనే సందేశం ఇస్తున్నారా?. సెక్షన్ 6 లొసుగును ఆధారంగా చేసుకుని బ్యాంకులను ముంచినవారిపై కూడా సీబీఐ ఇకపై విచారణ చేయలేదు. కాగ్ ఏపీ ప్రభుత్వ పనుల్లో అవినీతి విచ్చలవిడిగా చోటుచేసుకుందని నివేదిక ఇచ్చింది. రాజధాని ప్రాంతంలో పొలాలు తగులబెట్టిన కేసు ఇవాళ క్లోజ్ చేశారు. అంటే మీరు సరైన విచారణ చేయలేదని ఈ కేసుతో అర్థం అవుతుంది.

సీబీఐని ఇక్కడకు రానీయరు అంటే నేరాలప దర్యాప్తు ఎలా చేస్తారు?. పొలాలు తగులబడగానే కడప నుంచి వచ్చిన వ్యక్తులు తగులబెట్టారని దుష్ప్రచారం చేశారు. విశాఖలో జగన్‌పై దాడి జరగగానే అభిమాని చేశాడని డీజీపీ చెప్పిన  నేపధ్యంలోనే జగన్ పోలీసులపై నమ్మకం లేదని చెప్పారు. మమతా బెనర్జీ సైతం సీబీఐ మాకువద్దు అని అంటున్నారు. రాజధాని నిర్మాణం, భూముల కేటాయింపు, ఇసుక,మట్టి, ప్రాజెక్ట్‌లలో అవినీతి జరిగింది. వీటిపై  సీబీఐ విచారణ చేసేది. వాస్తవాలు తేలేవి కదా ప్రజల సొమ్ము దుబారా అవినీతి జరిగింది. మీరు దర్యాప్తు చేయరు. మరి ఎవరు చేస్తారు. మీ అండర్‌లో పనిచేసే ఏసీబీ, సిట్‌లు మీ అవినీతిని బయటపెట్టగలగుతాయా?. జోగి రమేష్‌పై సోషల్ మీడియాలోవచ్చిందని కేసు నమోదు చేశారు. ఇంకా అనేక మంది మా సోషల్ మీడియా కార్యకర్తలపై అక్రమ కేసులు పెట్టి వేధిస్తున్నారు.

వైఎస్ జగన్‌ను హత్య చేసేందుకు నిందితుడు శ్రీనివాసరావు రెండు కత్తులు తీసుకువచ్చాడు. సర్జికల్ బ్లేడ్ లాంటి ఇన్‌స్ట్రుమెంట్ జేబులో పెట్టుకున్నాడు. నిందితుడు కిరాయి హంతకుడు. అతని వెనుక ఉన్నవారు బయటకు వస్తారు. టీడీపీ నేతల ప్రమేయం లేకపోతే సీబీఐ విచారణకు ఒప్పుకోండి. ఎట్టి పరిస్థితుల్లో హత్యాయత్నం ఫెయిల్ కాకూడదని భావించారు. హత్యాయత్నం వెనుక ప్రభుత్వ పెద్దల కుట్ర, చంద్రబాబు హస్తం ఉంది. అలా లేకపోతే విచారణకు ఒప్పుకోండి. మాజీ ప్రభుత్వ ప్రధాన కార్యదర్శి అజయ్ కల్లామ్ చెప్పారు.

ప్రభుత్వ సంక్షేమ పథకాలలో అవినీతి, ప్రాజెక్ట్‌ల నిర్మాణంలో అవినీతి, ఇలా ప్రతి దాంట్లో అవినీతి జరిగిందని చెప్పారు. పవన్ కల్యాణ్ మాట్లాడే పద్దతి ఆలోచనతో మాట్లాడుతున్నట్లుగా లేదు. పవన్ కల్యాణ్ మాటలలో కులాల, మతాల ప్రస్తావన తెస్తున్నారు. ఆపరేషన్ గరుడకు లింక్ చేసి హత్యాయత్నం వీరందరికి చుట్టుకుంటుందని అందరికి భయం. జగన్ ను వెళ్లిన ప్రతిచోటా ముసలివాళ్ల దగ్గర్నుంచి అందరు ఆదరిస్తున్నారు.’ అని అన్నారు.



మూడో ఫ్రంట్‌‌లో చంద్రబాబే ప్రధాని!

Updated By ManamMon, 11/19/2018 - 13:10
Chandrababu Naidu as a PM candidate for Third Front, says rayapati sambasivarao

గుంటూరు:  ఆంధ్రప్రదేశ్‌లో ఎంపీ సీట్లు ఎక్కువ గెలిస్తే మూడో ఫ్రంట్‌‌లో టీడీపీ జాతీయ అధ్యక్షుడు చంద్రబాబు నాయుడు ప్రధానమంత్రి అయ్యే అవకాశం ఉందని ఆ పార్టీ ఎంపీ రాయపాటి సాంబశివరావు జోస్యం చెప్పారు. ఆయన సోమవారమిక్కడ మీడియాతో మాట్లాడుతూ... గతంలో దేవెగౌడ కూడా తక్కువ ఎంపీ సీట్లు గెలిచినా ప్రధాని అయ్యారని గుర్తు చేశారు. ఇక లోక్‌సభ ఎన్నికల్లో తాను నరసరావు పేట నుంచి ఎంపీగా పోటీ చేస్తానని రాయపాటి తెలిపారు.

కాగా కేంద్రంలో బీజేపీ సర్కార్‌పై సమరానికి బీజేపీయేతర పార్టీల నేతలు దూకుడు పెంచుతున్నారు. ఇందులో భాగంగా ఎన్డీయే నుంచి బయటకు వచ్చేసిన ఏపీ సీఎం, టీడీపీ జాతీయ అధ్యక్షుడు చంద్రబాబు...మూడో కూటమి ఏర్పాటుకు రంగం సిద్ధం చేస్తున్నారు. ఇప్పటికే మాజీ మంత్రి దేవెగౌడతో భేటీ అయిన ఆయన...ఈ నెల 22న తృణమూల్ అధినేత్రి, పశ్చిమ బెంగాల్ సీఎం మమతా బెనర్జీతో రెండోసారి సమావేశం కానున్నారు. అలాగే బీఎస్పీ అధినేత్రి మాయావతి, కాంగ్రెస్ అధ్యక్షుడు రాహుల్‌తో చంద్రబాబు  వరుసగా భేటీ కానున్నారు.
 



కోల్‌కతాకు చంద్రబాబు.. మమతాతో భేటీ

Updated By ManamMon, 11/19/2018 - 09:47

Chandrababu, Mamataఅమరావతి: బీజేపీ వ్యతిరేక పార్టీలన్నింటినీ ఒకే తాటిపైకి తీసుకురావాలని భావిస్తున్న ఏపీ సీఎం చంద్రబాబు నాయుడు అందులో భాగంగా పలు పార్టీల అధినేతలతో సమావేశం అవుతున్నారు. ఇందులో భాగంగా సోమవారం మధ్యాహ్నం ఒంటిగంటకు చంద్రబాబు కోల్‌కతా వెళ్లనున్నారు. అక్కడ సాయంత్రం 4గంటలకు మమతా బెనర్జీతో భేటీ అవ్వనున్నారు చంద్రబాబు. ఇక సోమవారంతో చంద్రబాబు తొలి దశ చర్చలు ముగియనున్నాయి. ఈ నేపథ్యంలో ఈ నెల 22న ఢిల్లీలో బీజేపీయేతర పక్షాలతో ఉమ్మడి సమావేశం నిర్వహించనున్నారు. ఈ సమావేశానికి హాజరుకావాలని అందరినీ స్వయంగా ఆహ్వానించారు చంద్రబాబు.



'మీ రెండు పార్టీలకు సన్యాసం తప్పదు'

Updated By ManamSat, 11/17/2018 - 19:20

Chandrababu naidu, K laxman, KCR, TRS, TDP, BJPహైదరాబాద్: అసహనం, ఆవేదనతో టీఆర్ఎస్, కాంగ్రెస్‌లు మాట్లాడుతున్నాయని బీజేపీ రాష్ట్రనేత లక్ష్మణ్ అన్నారు. ఓడిపోతే సన్యాసం తీసుకుంటామని సవాల్ విసురుతున్నారని విమర్శించారు. కుటుంబ పార్టీ మీది అంటే మీదనే పార్టీలు విమర్శలతో ప్రజల్లో నవ్వులపాలు అవుతున్నారని మండిపడ్డారు. మీ రెండు పార్టీలకు సన్యాసం తప్పదని దుయ్యబట్టారు.ప్రధాని నరేంద్ర మోదీ దళితుల పట్ల చూపిస్తున్న ప్రేమతో జుక్కల్ మాజీ ఎమ్మెల్యే అరుణ తారలాంటి వాళ్లు బీజేపీలో చేరుతున్నారని పేర్కొన్నారు. 

కొడుకును సీఎం చేయడానికి ఒకరు.. యువరాజును సీఎం చేయడానికి తాపత్రయం తప్ప ప్రజల కోసం కాదని లక్ష్మణ్ విమర్శించారు. ప్రధాని నరేంద్ర మోదీ నల్లడబ్బుపై చర్యలు తీసుకుంటుంటే పాముల పుట్టల్లా డబ్బులు కట్టలు బయటకి వస్తున్నాయని చెప్పారు. నయా నిజాం పాలన తెలంగాణలో నడుస్తోందని లక్ష్మణ్ మండిపడ్డారు. 



చంద్రబాబుకు మమతా బెనర్జీ ఫోన్..

Updated By ManamSat, 11/17/2018 - 18:25

Mamatha Benrajee, phone call, AP CM, Chandrababu naiduఅమరావతి: ఆంధ్రప్రదేశ్ ముఖ్యమంత్రి చంద్రబాబు నాయుడుకు పశ్చిమ బెంగాల్ సీఎం మమతా బెనర్జీ ఫోన్ చేశారు. సీబీఐ విషయంలో మంచి నిర్ణయం తీసుకున్నారని ఆయనకు కితాబు ఇచ్చారు. తమ రాష్ట్రంలోనూ సీబీఐకి ఇచ్చిన జనరల్ కాన్సెంటును తిరిగి తీసుకోవాలనుకుంటున్నట్టు ఆమె ఫోన్‌లో వెల్లడించారు. ఈ విషయమై ఏపీ సీఎంఓ అధికారులతో మమతా బెనర్జీ సంప్రదింపులు జరిపారు.

కొద్దిసేపటి క్రితం సీబీఐకి ఇచ్చిన జనరల్ కన్సెంటును వెనక్కి తీసుకుంటూ జీవో జారీ చేశారు. మరోవైపు సీబీఐ పట్ల సాధారణ సమ్మతి నిర్ణయాన్ని కొందరు తప్పుబడుతుంటే మరికొందరు మాత్రం ప్రశంసిస్తున్నారు. ఇప్పటికే పలు రాష్ట్రాల నేతలు సీబీఐ దాడులు చేసే అధికారం లేకుండా ఎలా సాధారణ సమ్మతిని ప్రయోగించాలనే దానిపై సీఎంఓ అధికారులను సంప్రదిస్తున్నారు. 



ఏసీబీని ఇంకా పటిష్టం చేస్తాం: చంద్రబాబు

Updated By ManamSat, 11/17/2018 - 18:15
  • హైకోర్టు చీఫ్ జస్టిస్ రాధాకృష్ణన్‌తో ఏపీ సీఎం భేటీ

Chandrababu naidu, ACB, CBI, High court Chief justice, Radhakrishanఅమరావతి: హైకోర్టు చీఫ్ జస్టిస్ రాధాకృష్ణన్‌తో ఏపీ సీఎం చంద్రబాబు భేటీ ముగిసింది. చీఫ్ జస్టిస్, హైకోర్టు న్యాయమూర్తులు శనివారం రాజధాన పర్యటనకు వచ్చారు. హైకోర్టు తాత్కాలిక భవన నిర్మాణాలను న్యాయమూర్తులు పరిశీలించారు. ఈ సందర్భంగా న్యాయమూర్తులతో సీఎం చంద్రబాబు మర్యాదపూర్వకంగా భేటీ అయ్యారు. దాదాపు రెండు గంటలపాటు కొనసాగిన ఈ సమావేశంలో హైకోర్టు భవన నిర్మాణం, హైకోర్టు తరలింపుపై వారితో సీఎం చర్చించారు.

సమావేశం అనంతరం చంద్రబాబు నాయుడు మీడియాతో మాట్లాడుతూ.. సీబీఐ భ్రష్టు పట్టిందన్నారు. వాళ్లలో వాళ్లే అవినీతిలో కూరుకుపోయారని విమర్శించారు. సీబీఐ విషయంలో రాష్ట్ర నిర్ణయానికి ఇతర రాష్ట్రాలు మద్దతు తెలపడం మంచి పరిణామంగా ఆయన పేర్కొన్నారు. సీబీఐ కంటే మన ఏసీబీ చాలా పటిష్టంగా ఉందన్నారు. ఏసీబీని ఇంకా పటిష్టం చేస్తామని చెప్పారు. రాష్ట్రాలకు స్వయం ప్రతిపత్తి పెరుగుతుందని చంద్రబాబు చెప్పారు. తద్వారా కేంద్ర ప్రభుత్వం చేసే తప్పులను నిలదీసినట్టు అవుతుందని పునరుద్ఘాటించారు. జనవరి నాటికి అమరావతిలో హైకోర్టు భవనం సిద్ధమవుతుందని చంద్రబాబు తెలిపారు.  
 





Related News