samantha

చైతూ కోసం మనసు మార్చుకున్న సమంత

Updated By ManamFri, 08/24/2018 - 10:30

Chaithu, Samanthaఓ వైపు చైతన్య, సమంత దాంపత్య జీవితం సాఫీగా సాగిపోతుంది. అయితే కెరీర్ పరంగా ఈ ఇద్దరు మొదటిసారి పోటీ పడాల్సి వచ్చింది. కానీ ఈ విషయంలో భర్త కోసం సమంత మనసు మార్చుకున్నట్లు తెలుస్తోంది. నాగచైతన్య హీరోగా మారుతి శైలజారెడ్డి అల్లుడు చిత్రాన్ని తెరకెక్కించాడు. ఈ చిత్రం మామూలుగా ఆగష్టు 31న విడుదల అవ్వాల్సి ఉంది. అయితే రీ రికార్డింగ్‌లో ఆలస్యం అవ్వడం వలన వచ్చే నెల 13న ప్రేక్షకుల ముందుకు తీసుకురావాలని అనుకుంటున్నారు.

ఇక మరోవైపు సమంత ప్రధాన పాత్రలో తెరకెక్కిన ‘యూటర్న్’ చిత్రాన్ని అదే రోజున విడుదల చేయాలని ఎప్పుడో రిలీజ్ డేట్ కన్ఫర్మ్ చేశారు. కానీ ఇప్పుడున్న పరిస్థితుల దృష్ట్యా ఈ సినిమాను వాయిదా వేయడం లేక ముందే విడుదల చేయడం చేయాలని సమంత భావిస్తుందట. ఈ నేపథ్యంలో ఈ చిత్రానికి విడుదల తేదిని 27వ తేదిన ప్రకటిస్తామని తాజాగా ప్రకటించింది సమంత. దీంతో చై కోసం సామ్ మనసు మార్చుకున్నట్లు తెలుస్తోంది. మొత్తానికి జీవితంలోనే కాకుండా కెరీర్ పరంగా కూడా ఈ ఇద్దరి అండర్‌స్టాడింగ్ అందరినీ మెప్పిస్తోంది.



నేనేం చెయ్యలేదు సర్

Updated By ManamFri, 08/17/2018 - 15:07

U Turnసమంత అక్కినేని ప్రధానపాత్రలో పవన్ తెరకెక్కించిన చిత్రం ‘యూటర్న్’. కన్నడలో విజయం సాధించిన యూటర్న్ రీమేక్‌గా ఈ చిత్రం తెరకెక్కింది. కాగా ప్రస్తుతం పోస్ట్ ప్రొడక్షన్ పనులను జరుపుకుంటున్న ఈ మూవీ ట్రైలర్‌ తాజాగా విడుదలైంది. థ్రిల్లర్ కథాంశంతో తెరకెక్కిన ట్రైలర్ ఆద్యంతం ఆకట్టుకుంది. ఇక ఇందులో రాహుల్ రవీంద్రన్, ఆది పినిశెట్టి, భూమిక చావ్లా ప్రధాన పాత్రలలో నటించారు. శ్రీనివాస చిత్తురీ, రాంబాబు బండారు సంయుక్తంగా నిర్మిస్తున్న ఈ చిత్రానికి పూర్ణచంద్ర తేజస్వి సంగీతం అందించగా.. సెప్టెంబర్ 13న ఈ చిత్రం ప్రేక్షకుల ముందుకు రానుంది.



బిగ్‌సి బ్రాండ్‌కి సమంత ప్రచారం

Updated By ManamFri, 08/17/2018 - 06:26

samanthaహైదరాబాద్: కొత్త రూపు సంతరించుకున్న బిగ్ సి బ్రాండ్ లోగోను గురువారం నాడిక్కడ జరిగిన ఒక కార్యక్రమంలో ఆవిష్కరించారు. బిగ్ సి బ్రాండ్ గత 16 ఏళ్ళ ప్రయాణంలో ఉన్నతమైన ఎత్తుకు ఎదిగింది. పొందికగా నేటి స్మార్ట్ ఫోన్ల వలే ఆకర్షణీయంగా కనిపించేలా  ఈ కొత్త లోగో రూపొందించారు. అమ్మకాలు, సేవల ప్రమాణాలలో పూర్వపు నాణ్యత, స్థిరత్వమే కొనసాగుతాయని తెలియజేయడానికి సంకేతంగా బ్రాండ్ రంగులలో మార్పు తీసుకురాలేదని సంస్థ ప్రతినిధులు తెలిపారు. పాత కాలానికి చెందిన చిహ్నంలో  కొత్త చిహ్నం మూలాలు పొందుపరచడం గమనించవలసిన విశేషమన్నారు.  బిగ్ సి దృష్టిలో కస్టమరే ఆరాధ్య దైవమని బిగ్‌ సి స్థాపకుడు ఎం. బాలు చౌదరి అన్నారు. మొదట్లో రూ. 15 కోట్లుగా ఉన్న సంస్థ ఆదాయం ప్రస్తుతం రూ. 1500 కోట్లకు చేరినట్లు ఆయన తెలిపారు. బిగ్ సి బ్రాండ్‌కి ప్రకటన కర్తగా సమంత అక్కినేని వ్యవహరించనున్నారని ఆయన వెల్లడించారు. ఈ సెప్టెంబర్‌లో తమిళ నాడు మా ర్కెట్‌లో ప్రవేశించేందుకు ప్రణాళికలు సిద్ధం చేసినట్లు ఆయన చెప్పారు. ఈ సందర్భంగా కస్టమర్లకు గొప్ప ఆఫర్లు అందిస్తున్నట్లు తెలిపారు. కొన్ని మొబైల్స్‌పై ఉచితంగా బీమా రక్షణ కల్పించడం వాటిలో ఒకటి. ‘‘బిగ్ సితో అనుబంధం ఆనందంగా ఉంది. భవిష్యత్తులో కూడా ఈ సంస్థ మరిన్ని విజయాలు సాధించాలని కోరుకుంటున్నాను’’ అని సమంత అన్నారు. ఈ కార్యక్రమంలో బిగ్ సి డైరెక్టర్లు వై. స్వప్న, జి. బాలాజి రెడ్డి, కైలాస్ లఖ్యాని, ఆర్. గౌతమ్ రెడ్డి తదితరులు పాల్గొన్నారు. రెండు తెలుగు రాష్ట్రాల్లో బిగ్ సికి 225కి పైగా దుకాణాలున్నాయి. 



‘గీత గోవిందం’పై పలువురి ప్రశంసలు

Updated By ManamThu, 08/16/2018 - 15:06

Geetha Govindamవిజయ్ దేవరకొండ, రష్మిక మందన్న హీరోహీరోయిన్లుగా పరశురామ్ తెరకెక్కించిన ‘గీత గోవిందం’ థియేటర్లలో దూసుకుపోతోంది. విడుదలకు ముందే ఈ చిత్రంలోని కొన్ని సీన్లు లీక్ అయినప్పటికీ.. రిలీజ్ తరువాత పాజిటివ్ టాక్ రావడంతో బాక్సాఫీస్ వద్ద కలెక్షన్ల వర్షం కురిపిస్తోంది. ఇక ఈ చిత్రాన్ని చూసిన పలువురు సినీ ప్రముఖులు సినిమాపై ప్రశంసలు కురిపిస్తున్నారు.

ఈ చిత్రాన్ని చూసిన మహేశ్ బాబు.. ‘‘గీత గోవిందం ఓ విజేత. సినిమా మొత్తం ఎంజాయ్ చేశాను. విజయ్ దేవరకొండ, రష్మిక మందన్నా చాలా బాగా చేశారు. సుబ్బరాజు, వెన్నల కిశోర్‌లను ప్రత్యేకంగా పేర్కొనాలి. టీం మొత్తానికి కంగ్రాట్స్’’ అంటూ కామెంట్ పెట్టాడు. ‘‘గీత గోవిందం చూశాను. విజయ్ దేవరకొండ, రాహుల్ రామకృష్ణ ఇద్దరు ఉన్న ఏ చిత్రాన్నైనా చూస్తాను. టీమ్ మొత్తానికి కంగ్రాట్స్’’ అంటూ సమంత స్పందించింది.

వీరితో పాటు దర్శకుడు అనిల్ రావిపూడి స్పందిస్తూ.. ‘‘గీత గోవిందం చాలా బావుంది. విజయ్ దేవరకొండ నువ్వు చంపేశావు. రష్మిక మందన్నా నువ్వు సూపర్. వెన్నల కిశోర్ నిన్ను ప్రత్యేకంగా అభినందించాలి. మూలాలు మర్చిపోకూడదు. పరశురామ్ గ్రాండ్ సక్సెస్ నీ సొంతం. చిత్ర యూనిట్‌కు కంగ్రాట్స్’’ అంటూ పెట్టారు. అలాగే ‘‘గీత గోవిందం ఓ నవ్వుల ప్రవాహం. సినిమా మొత్తాన్ని ఎంజాయ్ చేశా. చిత్ర యూనిట్ మొత్తానికి కంగ్రాట్స్’’ అంటూ నిర్మాత శోభు యార్లగడ్డ పేర్కొన్నారు.



చై, సామ్‌ మూవీ టైటిల్ ఇదేనా..!

Updated By ManamThu, 08/16/2018 - 11:28

Naga Chaitanya, Samanthaటాలీవుడ్ క్రేజీ కపుల్ చైతన్య, సమంత హీరో హీరోయిన్లుగా ‘నిన్నుకోరి’ ఫేమ్ శివ నిర్వాణ ఓ చిత్రాన్ని తెరకెక్కిస్తున్న విషయం తెలిసిందే. త్వరలో సెట్స్ మీదకు వెళ్లనున్న ఈ చిత్రానికి ప్రస్తుతం ప్రీ ప్రొడక్షన్ పనులు జరుగుతున్నాయి. కాగా ఈ చిత్రం కోసం టైటిల్‌ను ఫిక్స్ చేసినట్లు టాలీవుడ్‌లో వార్తలు వినిపిస్తున్నాయి. పెళ్లైన భార్య భర్తల మధ్య జరిగే కథాంశంగా తెరకెక్కబోతున్న ఈ చిత్రానికి మజిలి అనే టైటిల్‌ను ఖరారు చేసినట్లు సమాచారం. ఇక దీనిపై త్వరలోనే అధికారిక ప్రకటన రానుంది. కాగా వివాహం తరువాత చైతన్య, సమంత నటిస్తున్న ఈ చిత్రంపై టాలీవుడ్‌లో మంచి అంచనాలు ఉన్నాయి.



‘యు టర్న్’ ట్రైలర్ వచ్చేస్తోంది

Updated By ManamMon, 08/13/2018 - 06:57

వరస విజయాలతో ముందుకు వెళ్తున్న హీరోయిన్ సమంత తాజా చిత్రం ‘యు టర్న్’. శ్రీనివాస సిల్వర్ స్క్రీన్ పతాకంపై శ్రీనివాస్ చిట్టూరి ఈ చిత్రాన్ని నిర్మిస్తున్నారు. తెలుగు, తమిళ భాషల్లో ఈ చిత్రం తెరకెక్కుతోంది. జర్నలిస్ట్‌గా ఓ వైవిధ్యమైన పాత్రలో సమంత నటిస్తోంది. ప్రస్తుతం ఈ చిత్రానికి సంబంధించిన పోస్ట్ ప్రొడక్షన్ వర్క్ జరుగుతోంది. సెప్టెంబర్ 13న ఈ చిత్రాన్ని విడుదల చేసేందుకు సన్నాహాలు చేస్తున్నారు.

image


కన్నడలో విజయం సాధించిన యు టర్న్ చిత్రానికి రీమేక్‌గా ఈ సినిమా రూపొందుతోంది. ఒరిజినల్ వెర్షన్‌ని డైరెక్ట్ చేసిన పవన్‌కుమార్ తెలుగు రీమేక్‌కి కూడా దర్శకత్వం వహిస్తున్నారు. సస్పెన్స్ థ్రిల్లర్‌గా తెరకెక్కుతున్న ఈ చిత్రంలో భూమిక, అది పినిశెట్టి, రాహుల్ రవీంద్రన్ ముఖ్య పాత్రల్లో నటిస్తున్నారు. ఈ చిత్రం ట్రైలర్‌ను ఈనెల 17న విడుదల చేయబోతున్నారు. 



‘యూ టర్న్‌’ నుంచి ఆది పినిశెట్టి ఫస్ట్‌లుక్

Updated By ManamFri, 08/03/2018 - 15:04

Aadhi సమంత ప్రధానపాత్రలో నటిస్తున్న చిత్రం ‘యూటర్న్’. కన్నడలో విజయం సాధించిన యూటర్న్ రీమేక్‌గా ఈ చిత్రం తెరకెక్కుతుండగా.. ప్రస్తుతం షూటింగ్ క్లైమాక్స్‌కు వచ్చేసింది. ఇక ఈ చిత్రం నుంచి తాజాగా ఆదిపినిశెట్టి ఫస్ట్‌లుక్‌ను చిత్రయూనిట్ విడుదల చేసింది. ఇక థ్రిల్లర్ కథాంశంతో తెరకెక్కుతున్న ఈ చిత్రంలో భూమిక, రాహుల్ రవీంద్రన్ తదితరులు ముఖ్య పాత్రలలో కనిపించనున్నారు. పవన్ కుమార్ దర్శకత్వం వహిస్తున్న ఈ చిత్రాన్ని శ్రీనివాస చిత్తూరి, రాంబాబు బండారు సయుక్తంగా నిర్మిస్తున్నారు. తెలుగు, తమిళ్‌లో ఈ చిత్రం సెప్టెంబర్ 13న ప్రేక్షకుల ముందుకు రానుంది.



పవన్ హిట్‌ మూవీ.. కోలీవుడ్‌లో రీమేక్

Updated By ManamTue, 07/31/2018 - 12:17

pawan kalyan పవన్ కల్యాణ్, త్రివిక్రమ్ కాంబినేషన్‌లో  మంచి హిట్‌ సొంతం చేసుకున్న ‘అత్తారింటికి దారేది’ కోలీవుడ్‌లో రీమేక్ అవ్వబోతోంది. ప్రముఖ నిర్మాణ సంస్థ లైకా ప్రొడక్షన్స్ ఈ చిత్ర రీమేక్ రైట్స్ తీసుకుంది. ఈ విషయాన్ని ఆ సంస్థ అధికారికంగా ప్రకటించింది. ఈ సందర్భంగా దర్శకుడు త్రివిక్రమ్‌కు అభినందనలు తెలిపింది లైకా సంస్థ.

ఫ్యామిలీ ఎంటర్‌టైనర్‌గా తెరకెక్కిన ఈ చిత్రంలో పవన్ సరసన సమంత నటించగా.. రావు రమేశ్, నదియా, ప్రణీత, బొమన్ ఇరానీ తదితరులు ముఖ్య పాత్రలలో కనిపించారు. రాధాకృష్ణ నిర్మించిన ఈ చిత్రానికి దేవీ శ్రీ ప్రసాద్ సంగీతం అందించాడు. 55కోట్లతో తెరకెక్కిన ఈ చిత్రం 187కోట్లను కొల్లగొట్టింది. రిలీజ్‌కు ముందే ఈ చిత్రం నెట్‌లో లీక్ అయినప్పటికీ పవన్ స్టామినాను నిరూపిస్తూ బాక్సాఫీస్ వద్ద కలెక్షన్ల వర్షం కురిపించింది ఈ చిత్రం.

 



చైతు ట్వీట్.. సమంత సమాధానం

Updated By ManamThu, 07/26/2018 - 11:03

Naga Chaitanya, Samanthaటాలీవుడ్‌లో మోస్ట్ లవబుల్ పెయిర్‌గా పేరు తెచ్చుకున్న నాగచైతన్య, సమంతలు అప్పుడప్పుడు సోషల్ మీడియాలో ఒకరిపై మరొకరి ప్రేమను చూపిస్తుంటారు. ఈ క్రమంలో తాజాగా చైతన్య ట్వీట్‌కు కొంచెగా సమాధానం ఇచ్చింది సమంత.

చి.ల.సౌ ప్రమోషన్లలో భాగంగా ఓ బ్యాచులర్ పార్టీని ఏర్పాటు చేయనున్నట్లు హీరో సుశాంత్ ఓ ట్వీట్ చేశాడు. దీనికి సింగిల్‌గా ఉన్న అమ్మాయిలు, అబ్బాయిలు అందరూ ఆహ్వానితులే అంటూ.. అందుకోసం ఎలా బుక్ చేసుకోవాలో తెలుపుతూ ఓ ఇన్విటేషన్ ఇచ్చాడు. దీనికి స్పందించిన చైతన్య.. ‘‘ఈ పార్టీ కేవలం బ్యాచులర్స్‌కేగా? నన్ను మరిచిపోయినట్లు ఉన్నావు..? నాలోని బ్యాచిలర్ బతికే ఉన్నాడు’’ అంటూ కామెంట్ పెట్టాడు. ఇక దానికి స్పందించిన సమంత.. ‘‘మీరు చెప్పింది నిజమే భర్తగారూ’’ అంటూ కామెంట్ పెట్టింది. ఇక ఈ ఇద్దరి కన్వర్జేషన్ నెటిజన్లను ఆకట్టుకుంటోంది.



చై, సామ్ కొత్త మూవీ ప్రారంభం

Updated By ManamMon, 07/23/2018 - 10:18

Chai, sam చైతన్య, సమంత హీరోహీరోయిన్లుగా నిన్ను కోరి ఫేమ్ శివ నిర్వాణ ఓ చిత్రాన్ని తెరకెక్కించనున్న విషయం తెలిసిందే. ఈ చిత్ర పూజా కార్యక్రమం సోమవారం హైదరాబాద్‌లో జరిగింది. ఈ సందర్భంగా కింగ్ నాగార్జున ముఖ్య అతిథిగా హాజరయ్యారు. భార్యాభర్తల బంధం కథాంశంతో తెరకెక్కనున్న ఈ చిత్రంలో బాలీవుడ్ నటి దివ్యాంశ కౌశిక్ కీలక పాత్రలో కనిపించనుంది. ఆగష్టు నుంచి ఈ చిత్రం సెట్స్ మీదకు వెళ్లనుంది. సాహు గారపాటి, హరీశ్ పెద్దలతో కలిసి కోన వెంకట్ నిర్మిస్తున్న ఈ చిత్రాన్ని ఈ ఏడాదే ప్రేక్షకుల ముందుకు తీసుకురావాలని చిత్ర యూనిట్ భావిస్తోంది. కాగా చై, సమంత కాంబోలో ఇప్పటికి ఏమాయ చేశావే, మనం, ఆటోనగర్ సూర్య చిత్రాలు తెరకెక్కగా.. ఇది నాలుగో చిత్రం కానుంది. అలాగే పెళ్లి తరువాత ఈ ఇద్దరు కలిసి నటిస్తున్న తొలి చిత్రం ఇదే కావడం విశేషం.





Related News