ramcharan

‘గ్యాంగ్ లీడర్’ రామ్‌చరణ్?

Updated By ManamWed, 06/13/2018 - 23:50

imageహీరో చిరంజీవి నటించిన సినిమాల్లో ఘనవిజయం సాధించినవి ఎన్నో ఉన్నప్పటికీ ‘గ్యాంగ్‌లీడర్’ చిత్రానికి ఓ ప్రత్యేక స్థానం ఉంది. చిరంజీవికి మాస్ హీరో ఇమేజ్‌ని మరింత పెంచిన సినిమా ఇది. కమర్షియల్‌గా మంచి విజయం సాధించిన ఈ సినిమాని రామ్‌చరణ్‌తో రీమేక్ చెయ్యనున్నారన్న వార్త గత కొన్ని సంవత్సరాలుగా వినిపిస్తోంది. రామ్‌చరణ్‌ను గ్యాంగ్‌లీడర్‌గా చూడాలనుకుంటున్నామని సోషల్ మీడియాలో చిరంజీవి అభిమానులు పలుమార్లు వెల్లడించారు.

ఈ నేపథ్యంలో ఇటీవల జరిగిన ‘తేజ్ ఐలవ్‌యు’ ఆడియో ఫంక్షన్‌లో చిరంజీవి మాట్లాడుతూ క్రియేటివ్ కమర్షియల్స్ బేనర్‌లో రామ్‌చరణ్ సినిమా ఉంటుందని చూచాయగా చెప్పారు. దీంతో అది ‘గ్యాంగ్ లీడర్’ రీమేకేనన్న ప్రచారం జరుగుతోంది. ఇప్పటి ట్రెండ్‌కి తగ్గట్టు కొన్ని మార్పులు చేసి ఈ చిత్రాన్ని నిర్మించే ఆలోచనలో కె.ఎస్.రామారావు ఉన్నట్టు తెలుస్తోంది. రాజమౌళి దర్శకత్వంలో రూపొందే మల్టీస్టారర్ తర్వాత చరణ్ ‘గ్యాంగ్ లీడర్’ రీమేక్ చేసే అవకాశం ఉందని సమాచారం. 



బ్యాంకాక్ షెడ్యూల్ పూర్తిచేసుకున్న చ‌ర‌ణ్‌

Updated By ManamTue, 05/22/2018 - 14:11

charanమెగా ప‌వ‌ర్ స్టార్ రామ్ చరణ్, యాక్ష‌న్ చిత్రాల ద‌ర్శ‌కుడు బోయపాటి శ్రీను కాంబినేషన్‌లో డి.వి.వి ఎంట‌ర్‌టైన్‌మెంట్స్ సంస్థ ఓ చిత్రాన్ని నిర్మిస్తున్న సంగ‌తి తెలిసిందే. కియ‌రా అద్వానీ క‌థానాయిక‌గా న‌టిస్తున్న ఈ సినిమాలో బాలీవుడ్ న‌టుడు వివేక్ ఒబెరాయ్ విల‌న్‌గా న‌టిస్తుండ‌గా.. ప్ర‌శాంత్‌, స్నేహ‌, ఆర్య‌న్ రాజేశ్‌, అన‌న్య‌, న‌వీన్ చంద్ర ఇతర కీల‌క పాత్ర‌ల్లో క‌నిపించ‌నున్నారు. ఇదిలా ఉంటే.. బ్యాంకాక్‌లో ఈ సినిమా చిత్రీక‌ర‌ణ జ‌రుగుతున్న సంగ‌తి తెలిసిందే. తాజా స‌మాచారం ప్రకారం.. ఆ షెడ్యూల్ పూర్త‌య్యింద‌ని తెలిసింది. ఈ షెడ్యూల్‌లో చరణ్, కియ‌రాపై కొన్ని రొమాంటిక్, కామెడీ సన్నివేశాలను చిత్రీకరించారు. త్వ‌ర‌లోనే ఈ సినిమా త‌దుప‌రి షెడ్యూల్ ఇండియాలో ప్రారంభం కానుంద‌ని స‌మాచారం. 'రంగ‌స్థ‌లం' వంటి విజ‌య‌వంత‌మైన చిత్రం త‌రువాత చ‌ర‌ణ్ న‌టిస్తున్న సినిమా కావ‌డంతో.. ఈ చిత్రంపై భారీ అంచ‌నాలే ఉన్నాయి.



చ‌ర‌ణ్ సినిమాలో కేథ‌రిన్‌?

Updated By ManamThu, 05/10/2018 - 14:01

catherine'సరైనోడు' చిత్రంతో సాలిడ్ హిట్‌ను అందుకుంది కేర‌ళ‌కుట్టి కేథ‌రిన్ ట్రెసా. ఆ సినిమా అందించిన విజ‌యంతో మ‌రిన్ని అవ‌కాశాల‌ను అందిపుచ్చుకుంది. అలాగే ప్ర‌త్యేక గీతాల్లోనూ మెరిసేందుకు వెనుకాడ‌లేదు. ఆ మ‌ధ్య‌ 'స‌రైనోడు' ద‌ర్శ‌కుడు బోయ‌పాటి శ్రీ‌ను రూపొందించిన 'జయ జానకి నాయక' కోసం ఓ స్పెష‌ల్ సాంగ్‌లో సంద‌డి చేసింది కేథ‌రిన్. తాజాగా.. మ‌రో సినిమాలోనూ ప్ర‌త్యేక గీతం చేసే అవ‌కాశం ఆమెను వెదుక్కుంటూ వ‌చ్చింద‌ని తెలిసింది. ఈ సినిమాకి కూడా బోయ‌పాటి శ్రీ‌నునే ద‌ర్శ‌కుడు కావ‌డం విశేషం. మెగాప‌వ‌ర్ స్టార్ రామ్ చ‌ర‌ణ్ హీరోగా బోయ‌పాటి ఓ ఫ్యామిలీ యాక్ష‌న్ ఎంట‌ర్‌టైన‌ర్‌ను తెర‌కెక్కిస్తున్న సంగ‌తి తెలిసిందే. కియ‌రా అద్వానీ హీరోయిన్‌గా న‌టిస్తున్న ఈ సినిమాలో ఓ బీట్ ఒరియెంటెడ్ సాంగ్ ఉంద‌ని.. అందులోనే కేథ‌రిన్ మెర‌వ‌నుంద‌ని స‌మాచారం. బ్యాంకాక్ షెడ్యూల్ త‌రువాత ఈ పాట చిత్రీక‌ర‌ణ ఉంటుంద‌ని తెలిసింది. త్వ‌ర‌లోనే కేథ‌రిన్ ఎంట్రీపై క్లారిటీ వ‌స్తుంది. డి.వి.వి.దాన‌య్య నిర్మిస్తున్న ఈ చిత్రం సంక్రాంతి కానుక‌గా సంద‌డి చేయ‌నుంది.



మ‌ల్టీస్టార‌ర్ క‌థ వేరే.. అంటున్న చ‌ర‌ణ్‌

Updated By ManamThu, 05/10/2018 - 13:24

charan'బాహుబ‌లి' సిరీస్‌తో జాతీయ స్థాయిలో గుర్తింపు తెచ్చుకున్నారు ద‌ర్శ‌క‌ధీరుడు రాజ‌మౌళి. త‌న త‌దుప‌రి చిత్రాన్ని యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్ చ‌ర‌ణ్ కాంబినేష‌న్‌లో ఆయ‌న‌ తెర‌కెక్కిస్తున్న సంగ‌తి తెలిసిందే. ఈ సినిమా బాక్సింగ్ నేప‌థ్యంలో ఉంటుంద‌ని.. ఇందులో తార‌క్‌, చ‌ర‌ణ్ అన్న‌ద‌మ్ములుగా న‌టించ‌నున్నార‌ని గ‌త కొన్నాళ్ళుగా క‌థ‌నాలు  వినిపిస్తున్నాయి. అయితే.. తాజాగా ఓ ఇంట‌ర్వ్యూలో ఈ విష‌యాన్ని ఖండించారు చ‌ర‌ణ్‌. త‌మ పాత్ర‌ల గురించి, నేప‌థ్యం గురించి వ‌స్తున్న వార్త‌ల్లో నిజం లేద‌ని.. అస‌లు క‌థ వేరే అని ఆయ‌న పేర్కొన్నారు. అక్టోబ‌ర్‌లో సెట్స్ పైకి వెళ్ళే ఈ సినిమా భారీ బ‌డ్జెట్‌తో తెర‌కెక్క‌నుంది. ఇదిలా ఉంటే.. ప్ర‌స్తుతం బోయ‌పాటి శ్రీ‌ను కాంబినేష‌న్‌లో చ‌ర‌ణ్ ఓ సినిమా చేస్తుండ‌గా.. త్రివిక్ర‌మ్ శ్రీ‌నివాస్ ద‌ర్శ‌క‌త్వంలో తార‌క్ ఓ సినిమా చేస్తున్నారు.



చ‌ర‌ణ్‌, బోయ‌పాటి మూవీ అప్‌డేట్‌

Updated By ManamSun, 05/06/2018 - 20:19

charanమెగా పవర్ స్టార్ రామ్ చరణ్, కియారా అద్వాని జంటగా యాక్షన్ చిత్రాల‌ స్పెషలిస్ట్ బోయపాటి శ్రీను దర్శకత్వంలో ఓ సినిమా తెరకెక్కుతున్న విషయం తెలిసిందే. డి.వి.వి.దానయ్య నిర్మిస్తున్న ఈ చిత్రం శరవేగంగా చిత్రీకరణ జరుపుకుంటోంది. తాజాగా.. రామోజీ ఫిల్మ్ సిటీలో ఫ్యామిలీ సన్నివేశాలతో పాటు.. అల్యూమినియం ఫ్యాక్టరీలో కొన్ని యాక్షన్ సీన్స్‌ను కూడా చిత్రీకరించారు. 20 రోజుల పాటు సాగిన ఈ షెడ్యూల్‌లో చరణ్, స్నేహ, ప్రశాంత్, కియారా అద్వానీతో పాటు ప్రధాన తారాగణంపై కొన్ని సన్నివేశాలను చిత్రీకరించారు. దీంతో హైదరాబాద్‌లో మేజర్ షెడ్యూల్ షూటింగ్ పార్టును పూర్తి చేసుకుందీ చిత్రం. కాగా.. ఇంతకు ముందు జరిగిన 15 రోజుల షెడ్యూల్‌లో వివేక్ ఒబెరాయ్‌తో సహా పలువురు ప్రధాన పాత్రలపై కొన్ని సీన్స్‌ను షూట్ చేశారు.

ఇదిలా ఉంటే.. ఇప్పుడు మే 12 నుంచి ప్రారంభమయ్యే తదుపరి షెడ్యూల్ కోసం చిత్ర యూనిట్ బ్యాంకాక్ బయలుదేరనుంది. 15 రోజుల పాటు సాగే ఈ షెడ్యూల్‌లో కొన్ని కీలక సన్నివేశాలను చిత్రీకరించనున్నారు. అటు మాస్ ప్రేక్షకులకి దగ్గరయ్యేలా యాక్షన్ సన్నివేశాలను చిత్రీకరిస్తూనే.. ఫ్యామిలీ ఆడియన్స్‌కి కనెక్ట్ అయ్యే విధంగా ఫ్యామిలీ ఎమోషన్స్‌ను కూడా బోయ‌పాటి చక్కగా తెరకెక్కిస్తున్నారని చిత్ర నిర్మాత దానయ్య తెలిపారు. కాగా.. 2019 సంక్రాంతికి  ప్రపంచవ్యాప్తంగా  ఈ సినిమా విడుదల కానుంది.



రామ్ చరణ్ సినిమాలో శ్రీ‌కాంత్‌?

Updated By ManamSun, 05/06/2018 - 17:55

ramcharanరామ్‌చరణ్ హీరోగా బోయ‌పాటి శ్రీ‌ను ద‌ర్శ‌క‌త్వంలో ఓ సినిమా రూపొందుతున్న విష‌యం తెలిసిందే. భారీ తారాగ‌ణంతో.. భారీ బ‌డ్జెట్‌తో ఈ సినిమా రూపొందుతోంది. ఇదిలా ఉంటే.. ఈ సినిమాలో సీనియ‌ర్ న‌టుడు శ్రీ‌కాంత్ ఓ కీల‌క పాత్ర‌లో క‌నిపించ‌నున్నార‌ని స‌మాచారం. ఇంత‌కుముందు.. కృష్ణవంశీ దర్శకత్వంలో రూపొందిన ‘గోవిందుడు అందరివాడేలే’ చిత్రంలో రామ్ చర‌ణ్‌కు బాబాయ్‌గా నటించారు శ్రీ‌కాంత్‌. ఇప్పుడు రామ్‌చరణ్, బోయపాటి శ్రీను కాంబినేషన్‌లో రూపొందుతున్న చిత్రంలో కూడా శ్రీకాంత్ ఓ విభిన్నమైన పాత్ర పోషిస్తున్నారని తెలిసింది.

ఈ క్యారెక్టర్ కోసం శ్రీకాంత్ పేరును చరణ్‌నే స్వ‌యంగా సూచించార‌ని ఫిల్మ్‌న‌గ‌ర్ వ‌ర్గాలు ముచ్చ‌టించుకుంటున్నాయి. మరి ఈ సినిమాలో శ్రీకాంత్ చేయబోయే పాత్ర‌ ఏమిటనేది ప్రస్తుతానికి సస్పెన్సే. ఈ సినిమాకి సంబంధించి ఇప్ప‌టికే రెండు షెడ్యూల్స్ పూర్తయ్యాయి. కాగా.. కియారా అద్వానీ క‌థానాయిక‌గా న‌టిస్తున్న ఈ సినిమాలో వివేక్ ఒబెరాయ్ విల‌న్‌గా న‌టిస్తున్నాడు. వ‌చ్చే ఏడాది సంక్రాంతికి ఈ సినిమా తెర‌పైకి రానుంది.



వైర‌ల్‌.. ఒకే ఫ్రేమ్‌లో తార‌క్‌, చ‌ర‌ణ్ కుటుంబాలు

Updated By ManamSat, 05/05/2018 - 23:49

ntr, ramcharanయంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్ చ‌ర‌ణ్ ఒకే సినిమాలో క‌లిసి సంద‌డి చేయ‌బోతున్న సంగ‌తి తెలిసిందే. ద‌ర్శ‌క‌ధీరుడు రాజ‌మౌళి రూపొందిస్తున్న ఈ సినిమా అక్టోబ‌ర్ నుంచి సెట్స్ పైకి వెళ్ళ‌నుంది. ఇదిలా ఉంటే..  రీసెంట్‌గా ఈ ఇద్ద‌రు అగ్ర తార‌లు త‌మ కుటుంబాల‌తో క‌లిసి సంద‌డి చేశారు. తార‌క్‌, ప్ర‌ణ‌తి పెళ్ళి రోజు సంద‌ర్భంగా.. శ‌నివారం చ‌ర‌ణ్ దంప‌తులు తార‌క్ దంప‌తుల‌కు శుభాకాంక్ష‌లు తెలియ‌జేశారు. ఆ స‌మ‌యంలో తార‌క్‌, ప్ర‌ణ‌తి, అభ‌య్ రామ్ - చ‌ర‌ణ్‌, ఉపాస‌న దిగిన ఫొటోలు సోష‌ల్ మీడియాలో వైర‌ల్ అవుతున్నాయి.  మొత్తానికి.. మ‌న క‌థానాయ‌కులు, వారి కుటుంబాల మ‌ధ్య స్నేహ పూర్వ‌క వాతావ‌ర‌ణం చూప‌రుల‌కు క‌నువిందు చేస్తోంద‌న‌డంలో ఎలాంటి అతిశ‌యోక్తి లేదు.


 



'రంగ‌స్థ‌లం'.. మ‌రో మైల్‌స్టోన్‌

Updated By ManamWed, 05/02/2018 - 22:42

rangasthalamసౌండ్ ఇంజ‌నీర్ చిట్టిబాబుగా రామ్ చ‌ర‌ణ్ సంద‌డి చేసిన చిత్రం 'రంగ‌స్థ‌లం'. బ్రిలియంట్ డైరెక్ట‌ర్ సుకుమార్ ద‌ర్శ‌క‌త్వంలో 1980ల నాటి గ్రామీణ వాతావ‌ర‌ణంతో తెర‌కెక్కిన ఈ సినిమా.. బాక్సాఫీస్ వ‌ద్ద వ‌సూళ్ళ వ‌ర్షం కురిపిస్తోంది. తెలుగు రాష్ట్రాల్లోనే కాకుండా.. యు.ఎస్‌.లోనూ క‌లెక్ష‌న్ల ప‌రంగా మెప్పించిన ఈ సినిమా.. తాజాగా యు.ఎస్‌.మార్కెట్‌లో మ‌రో మైల్‌స్టోన్‌కు చేరుకుంది. తాజా స‌మాచారం ప్రకారం.. ఈ సినిమా 3.5 మిలియ‌న్ల డాల‌ర్ల క్ల‌బ్‌లో చేరింది. ఇప్ప‌టికే ఈ క్ల‌బ్‌లో 'బాహుబ‌లి' చిత్రాలు ఉన్నాయి. మూడో సినిమాగా 'రంగ‌స్థ‌లం' చేరిన‌ట్ల‌య్యింది. కాగా.. ఇటీవ‌లే రూ.200 కోట్ల గ్రాస్ ఈ సినిమా క్రాస్ చేసింద‌ని చిత్ర యూనిట్ ప్ర‌క‌ట‌న ఇచ్చిన సంగ‌తి తెలిసిందే.



‘రంగస్థలం’ రికార్డులు నా సినిమా వ‌చ్చేవ‌ర‌కే..

Updated By ManamTue, 05/01/2018 - 17:12

ranga'బాహుబలి' సిరీస్ త‌రువాత అత్య‌థిక వ‌సూళ్ళు రాబ‌ట్టిన తెలుగు చిత్రంగా ‘రంగస్థలం’ కొత్త రికార్డు సృష్టించినందుకు ఆనందంగా ఉంద‌ని.. అయితే ఈ రికార్డు ఎక్కువ కాలం ఉండ‌దంటున్నారు ఓ సీనియ‌ర్ క‌థానాయ‌కుడు. ఆయ‌న మ‌రెవ‌రో కాదు.. ‘రంగస్థలం’ చిత్ర క‌థానాయ‌కుడు రామ్ చ‌ర‌ణ్ తండ్రి, మెగాస్టార్ చిరంజీవి. “మా” కోసం నిధుల‌ను సేకరించే కార్యక్రమాల్లో పాల్గొనేందుకు చిరు అమెరికాలో పర్యటిస్తున్న విషయం తెలిసిందే. ఈ సంద‌ర్భంగా చిరు పై విధంగా స్పందించారు. అంతేగాకుండా.. ‘రంగస్థలం’ మంచి కలెక్షన్‌లను సాధిస్తున్నందుకు ఆనందంగా ఉంద‌ని.. చ‌ర‌ణ్ సినిమాలో న‌టించిన విధానం బాగా న‌చ్చింద‌ని.. నాన్ బాహుబ‌లి రికార్డుల‌ను తిర‌గరాసిన ఈ సినిమా రికార్డుల‌ను తాను నటిస్తున్న తాజా చిత్రం ‘సైరా న‌ర‌సింహారెడ్డి’ తిరగరాస్తుందని జోస్యం చెప్పారు చిరు.

కాగా.. చిరు అమెరికా పర్యటన నుంచి వ‌చ్చిన త‌రువాత ‘సైరా’ తదుపరి షెడ్యూల్‌ను చిత్రీకరించనున్నారు. సురేందర్ రెడ్డి దర్శకత్వంలో రూపొందుతున్న ఈ భారీ బ‌డ్జెట్ సినిమాలో నయనతార, త‌మ‌న్నా, అమితాబ్ బచ్చన్, కిచ్చా సుదీప్, జగపతి బాబు, విజయ్ సేతుపతి ప్రధాన పాత్రలు పోషిస్తున్నారు. కొణిదెల ప్రొడక్షన్స్ బ్యానర్‌పై మెగా పవర్ స్టార్ రామ్‌ చరణ్ ఈ సినిమాని నిర్మిస్తున్నారు. ఈ చిత్రాన్ని వచ్చే ఏడాది ప్రేక్షకుల ముందుకి తీసుకురావడానికి స‌న్నాహాలు జ‌రుగుతున్నాయి.



స‌మ్మర్‌లో మెగా (బ్ర‌ద‌ర్) సెంటిమెంట్‌

Updated By ManamMon, 04/30/2018 - 22:29

megaబాక్సాఫీస్ స‌క్సెస్ ఫార్ములాల్లో బ్ర‌ద‌ర్ సెంటిమెంట్ కూడా ఒక‌టి. అన్న‌ద‌మ్ముల అనుబంధం నేప‌థ్యంలో సాగే ఈ చిత్రాల్లో భావోద్వేగాలు స‌రిగ్గా పండితే చాలు.. ఆ సినిమా క‌చ్చితంగా విజ‌య‌తీరాల‌కు చేరుతుంది. ఈ విష‌యాన్ని మ‌రోసారి నిరూపించిన చిత్రం 'రంగ‌స్థ‌లం'. త‌ను ప్రాణంగా ప్రేమించే అన్నయ్య త‌న క‌ళ్ళ‌ముందే చ‌నిపోతే.. అత‌ని హ‌త్య‌కు ప్ర‌తీకారం తీర్చుకోవ‌డంతో పాటు త‌న‌ ఆశయాన్ని ఓ స్త్రీతో (రంగ‌మ్మ‌త్త‌) నెర‌వేర్చిన ఓ తమ్ముడి కథే ఈ చిత్రం. రామ్‌చ‌ర‌ణ్‌లోని న‌టుడ్ని కొత్త కోణంలో ఆవిష్క‌రించిన ఈ సినిమా.. ఈ వేస‌వి ఆరంభంలో విడుద‌లై అత‌ని కెరీర్‌లోనే బిగ్గెస్ట్ హిట్ ఫిల్మ్‌గా నిలిచింది. ఒక్క‌ చ‌ర‌ణ్ అనే కాదు.. మెగా ఫ్యామిలీకి చెందిన అగ్ర క‌థానాయ‌కులంద‌రికీ 'బ్ర‌ద‌ర్ సెంటిమెంట్' ఉన్న సినిమాలు భ‌లేగా క‌లిసొచ్చాయి. ముఖ్యంగా ప‌రాజ‌యాల్లో ఉన్న‌ప్పుడో లేదంటే స‌రైన విజ‌యం కోసం ఎదురుచూస్తున్న‌ప్పుడో మెగా ఫ్యామిలీకి ఈ బ్ర‌ద‌ర్ సెంటిమెంట్ సినిమాలు అచ్చొచ్చాయి. మ‌రో విష‌య‌మేమిటంటే.. వేస‌విని టార్గెట్‌గా చేసుకుని వ‌చ్చిన ఈ త‌ర‌హా చిత్రాలైతే.. బాక్సాఫీస్ వ‌ద్ద సెన్సేష‌న్ క్రియేట్ చేశాయి. కాస్త ఆ వివ‌రాల్లోకి వెళితే..

మెగాస్టార్ చిరంజీవి బాక్సాఫీస్ స్టామినా ఏమిటో నిరూపించిన చిత్రాల్లో ‘గ్యాంగ్ లీడర్’ది ప్ర‌త్యేక స్థానం. బ్ర‌ద‌ర్ సెంటిమెంట్‌తో రూపొందిన ఈ సినిమాలో.. అన్నయ్యల క్షేమం కోసం ఆరాటపడే తమ్ముడి పాత్ర‌లో చిరు న‌ట‌న అభిమానుల్ని ఫిదా చేసింది. 'రాజా విక్ర‌మార్క‌', 'స్టూవ‌ర్ట్ పురం పోలీస్ స్టేష‌న్' వంటి వ‌రుస ప‌రాజ‌యాల త‌రువాత.. ఈ సినిమా విజ‌యం చిరుకి నూత‌న ఉత్తేజాన్నిచ్చింది. 1991 వేస‌వికి విడుద‌లైన ఈ సినిమా ఆ ఏడాదిలోనే బిగ్గెస్ట్ హిట్‌గా నిలిచింది. ఈ సినిమాకి ముందు, త‌రువాత కూడా కొన్ని బ్ర‌ద‌ర్ సెంటిమెంట్ ఉన్న చిత్రాల్లో (‘ఊరికిచ్చిన మాట’, ‘ఆలయశిఖరం’, ‘మగధీరుడు’, ‘అన్నయ్య’) చిరు సంద‌డి చేశారు.

ఇక పవన్ కల్యాణ్ విష‌యానికి వ‌స్తే.. 'పులి', 'తీన్ మార్‌', 'పంజా' వంటి మూడు ప‌రాజ‌యాల త‌రువాత విజ‌యాన్ని అందించిన చిత్రం ‘గబ్బర్ సింగ్’. చెడు దారిలో వెళ్తున్న త‌మ్ముడ్ని మార్చి.. ప్రయోజకుడిని చేసే అన్న‌గా ఇందులో సంద‌డి చేశారు ప‌వ‌న్‌. 2012 వేస‌వికి విడుద‌లైన ఈ సినిమా.. ఆ ఏడాదిలోనే బిగ్గెస్ట్ హిట్‌గా నిలిచింది. ఈ సినిమా కంటే ముందు.. ‘తమ్ముడు’ (1999) చిత్రం కోసం అన్న‌య్య ల‌క్ష్యాన్ని నెర‌వేర్చే త‌మ్ముడిగా సంద‌డి చేసి విజ‌యాన్ని అందుకున్నారు ప‌వ‌న్‌.

మ‌రో మెగా హీరో అల్లు అర్జున్ విష‌యానికి వ‌స్తే.. అత‌ని కెరీర్‌లో వ‌న్ ఆఫ్ ది బెస్ట్ హిట్‌గా నిలిచిన ‘రేసుగుర్రం’ కూడా బ్ర‌ద‌ర్ సెంటిమెంట్‌తో కూడిన చిత్ర‌మే. 'ఇద్ద‌ర‌మ్మాయిల‌తో' వంటి బిలో యావ‌రేజ్‌ త‌రువాత బ‌న్నీ హీరోగా న‌టించిన ఈ సినిమా.. 2014 వేస‌వికి విడుద‌లై ఆ ఏడాదిలో భారీ విజ‌యం సాధించింది.

మొత్తానికి.. చిరంజీవి, ప‌వ‌న్ క‌ల్యాణ్‌, అల్లు అర్జున్‌, రామ్ చ‌ర‌ణ్‌.. ఇలా మెగా ఫ్యామిలీలోని అగ్ర క‌థానాయ‌కులంద‌రికి 'బ్ర‌ద‌ర్ - స‌మ్మ‌ర్ సెంటిమెంట్' బాగా వ‌ర్క‌వుట్ అయింద‌నే చెప్పాలి.                  - మ‌ల్లిక్ పైడి





Related News