naga chaitanya

పాయింట్ కొత్తదే. కానీ..

Updated By ManamSat, 11/03/2018 - 00:24

SAVYASACHIహీరో నాగచైతన్యకు ‘రారండోయ్ వేడుక చూద్దాం’ తర్వాత ఆశించిన విజయాలు దక్కలేదు. ప్రతి సినిమాలోనూ వైవిధ్యంతో కూడుకున్న కథ ఉండేలా చూసుకుంటున్నప్పటికీ ఇతర కారణాల వల్ల పరాజయాలు చవిచూడాల్సి వస్తోంది. ఈ నేపథ్యంలో మరో విభిన్న చిత్రంతో ప్రేక్షకుల ముందుకు వచ్చారు నాగచైతన్య. ‘కార్తికేయ’, ‘ప్రేమమ్’ వంటి సూపర్‌హిట్ చిత్రాలను తెరకెక్కించిన చందు మొండేటి దర్శకత్వంలో చైతన్య చేసిన సినిమా ‘సవ్యసాచి’. వరుస విజయాలు సాధిస్తూ చిత్ర నిర్మాణ రంగంలో దూసుకెళ్తున్న మైత్రి మూవీ మేకర్స్ సంస్థ ఈ చిత్రాన్ని నిర్మించింది. శుక్రవారం విడుదలైన ఈ సినిమా కథాంశం ఏమిటి? ప్రేక్షకుల్ని ఈ సినిమా ఎంతవరకు ఆకట్టుకుంటుంది? అనే విషయాలు ‘మనం’ రివ్యూలో తెలుసుకుందాం.

ఈ సినిమా వానిషింగ్ ట్విన్ సిండ్రోమ్ అనే పాయింట్‌ని బేస్ చేసుకొని తెరకెక్కించారు. హీరో పేరు విక్రమ్ ఆదిత్య (నాగచైతన్య) ఈ రెండు పేర్లూ ఒకరివే. పైన చెప్పుకున్న వ్యాధి కారణంగా ఒకే మనిషిలో రెండు రకాల కదలికలు ఉంటాయి. అతని ప్రమేయం లేకుండా ఎడమ చేయి కదులుతుంది. రకరకాల ఇబ్బందులు కలిగిస్తుంది. ఇదిలా ఉంటే విక్రమ్‌కి ఒక లవ్‌స్టోరీ ఉంది. ఆరేళ్ళ క్రితం లవ్ చేసుకోవ డం, విడిపోవడం కూడా జరిగిపోయింది. మళ్ళీ ఆరేళ్ళ తర్వాత ఇద్దరూ కలుసుకుంటారు. విక్రమ్ అక్క కూతురు మహాలక్ష్మి అంటే అతనికి ప్రాణం. ఒక ఘటన కారణంగా బావ చనిపోతాడు, అక్క గాయాలతో ఆస్పత్రిలో చికిత్స పొందుతూ ఉంటుంది. చనిపోయిందనుకున్న మహాలక్ష్మి బ్రతికే ఉందని తెలుసుకుంటాడు విక్రమ్. మహాని అరుణ్(మాధవన్) అనే వ్యక్తి కిడ్నాప్ చేస్తాడు. ఆ పాపను అడ్డుపెట్టుకొని విక్రమ్‌తో ఆడుకుంటూ ఉంటాడు. విక్రమ్‌కి, అరుణ్‌కి మధ్య ఎలాంటి శత్రుత్వం ఉంది? పాపని ఎందుకు కిడ్నాప్ చేశాడు? అతన్నుంచి విక్రమ్ పాపని ఎలా కాపాడుకున్నాడు? అనేది మిగతా కథ. వానిషింగ్ ట్విన్ సిండ్రోమ్ అనేది కొత్త పాయింటే అయినప్పటికీ దానితో ఒక బలమైన కథను రాసుకోవడంలో చందు మొండేటి సక్సెస్ అవ్వలేదు. సినిమాలోని మెయిన్ పాయింట్‌ని వదిలేసి, అమ్మాయిని విలన్ కిడ్నాప్ చేయడం అనే కొత్త కథవైపు డైరెక్టర్ వెళ్ళాడో అప్పుడే సినిమా భవిష్యత్తు అగమ్యగోచరంగా మారింది. నిజానికి హీరోకి ఉన్న అవలక్షణంతో సినిమాలో కావాల్సి నంత కామెడీని పండించే అవకాశం ఉంది. అయినప్పటికీ రొటీన్‌గా కామెడీని చూపించే ప్రయత్నం చేశారు. అయితే ఫస్ట్‌హాఫ్‌లో కమెడియన్స్ చేసిన కామెడీ ఫర్వాలేదు అనిపిస్తుం ది. నటీనటుల పెర్‌ఫార్మెన్స్ గురించి చెప్పుకోవాలం టే విక్రమ్ ఆదిత్య క్యారెక్టర్స్‌కి నాగచైతన్య పూర్తి న్యాయం చేసేందుకు ట్రై చేశాడు. డాన్సులు, ఫైట్స్ బాగా చేశాడు. విలన్‌గా నటించిన మాధవన్ తనదైన నటనతో మంచి మార్కులు తెచ్చుకున్నా డు. నిధి అగర్వాల్ కేవలం గ్లామర్‌కి, పాటలకు మాత్రమే పరిమితమైపోయింది. కథలో ఆమె పాత్ర ఉన్నప్పటికీ అది నామమాత్రంగానే ఉంది. వెన్నెల కిశోర్, సత్య, సుదర్శన్, షకలక శంకర్ చేసిన కామెడీ అక్కడక్కడ వర్కవుట్ అయింది. 

టెక్నికల్ డిపార్ట్‌మెంట్స్ గురించి చెప్పుకోవాలంటే యువరాజ్ అందించిన ఫోటోగ్రఫీ బాగుంది. పాటల్లో, యాక్షన్ సీక్వెన్స్‌లలో అతని కెమెరా పనితనం కనిపించింది. నాగ చైతన్య, నిధి అగర్వా ల్‌లను అందంగా చూపించడంలో అతను సక్సెస్ అయ్యాడు. మ్యూజిక్ డైరెక్టర్ కీరవాణి చేసిన పాటల్లో టైటిల్ సాంగ్, నిన్ను రోడ్డు మీద చూసినది లగాయతు రీమి క్స్ సాంగ్స్ ఆకట్టు కుంటాయి. సినిమా ప్రారంభం నుంచి చివరి వరకు కీరవాణి ఇచ్చిన బ్యాక్‌గ్రౌండ్ స్కోర్ బాగుంది. యాక్షన్ సీక్వెన్స్, ఎమోషనల్ సీన్స్ బ్యాక్‌గ్రౌండ్ స్కోర్ వల్ల బాగా ఎలివేట్ అయ్యాయి. కోటగిరి వెంకటేశ్వరరావు ఎడిటింగ్ ఫర్వాలేదు అనిపిస్తుంది. ఫస్ట్‌హాఫ్‌లో, సెకండాఫ్‌లో కుదించాల్సిన సీన్స్, తొలగించాల్సిన సీన్స్ చాలా ఉన్నాయి. అవి కూడా తగ్గించి ఉంటే సినిమా ఇంకా స్పీడ్ అయ్యేది. మైత్రి మూవీ మేకర్స్ ప్రొడక్షన్ వేల్యూస్ గురించి చెప్పాలంటే ఖర్చుకు వెనకాడకుండా చాలా రిచ్‌గా నిర్మించారు. ఇక డైరెక్టర్ చందు మొండేటి రాసుకున్న కథలో కొత్తదనం, ఎంచుకున్న పాయింట్‌లో కొత్తదనం ఉన్నప్పటికీ దాన్ని స్క్రీన్‌పై ప్రెజెంట్ చేయడంలో సక్సెస్ అవ్వలేకపోయాడు. వానిషింగ్ ట్విన్ సిండ్రోమ్ అనే పాయింట్‌తో సినిమా రూపొందింది అని యూనిట్ పదే పదే చెప్ప డంతో ఓ కొత్త తరహా సినిమా చూడబోతున్నామని ప్రేక్షకులు ఆశించారు. అయితే కొత్తది అనుకున్న పాయింట్‌ని పక్కన పెట్టేసి రెగ్యులర్ కమర్షియల్ సినిమాల్లోలాగే సందర్భం లేకుండా వచ్చే పాటలు, అనవసరమైన కామెడీ జోడించడం తో ‘సవ్యసాచి’ సాదా సీదా సినిమాగా మిగిలిపో యింది. ఇక సెకండాఫ్‌లో కథ ముందుకు నడవ కుండా కాలయాపన చేసేందుకు హీరోయిన్ ఫ్లాష్ బ్యాక్‌లోకి వెళ్ళడం, కాలేజీలో సుభద్ర పరిణయం పేరుతో ఓ నాటకాన్ని వేయడం ప్రేక్షకుల సహనాన్ని పరీక్షించింది. దాదాపు 15 నిమిషాల పాటు సాగే ఈ నాటకం ద్వారా కామెడీ పండు తుందనే ఆలోచన బెడిసి కొట్టింది. ఈ నాటకం తర్వాత ‘నిన్ను రోడ్డు మీద చూసినది లగాయ తు’ రీమిక్స్ సాంగ్ హఠా త్తుగా రావడం ప్రేక్షకుల్ని కలవరపరి చింది. ఈ పాట చిత్రీకరణ మరీ నాసిరకంగా ఉంది. గత రెండు సినిమాలను ఎంతో పకడ్బందీగా తీసిన చందు ఈ సినిమా విషయంలో ఉదాసీనం గా వ్యవహరించారని అర్థమవుతుంది. ఈ సినిమా కి ప్లస్ పాయింట్స్‌గా చెప్పుకో దగినవి ఫోటోగ్రఫీ, బ్యాక్‌గ్రౌండ్ స్కోర్, టైటిల్ సాంగ్, రీమిక్స్ సాంగ్, అక్కడక్కడ నవ్వించిన కామెడీ. కథలోని మెయిన్ పాయింట్ ని పక్కన పెట్టేయడం, సిల్లీగా అనిపిం చే విలన్ ఫ్లాష్‌బ్యాక్, సెకండాఫ్‌లోని నా టకం సినిమాకి మైనస్‌పాయింట్స్ అయ్యా యి. హీరో, విలన్ మధ్య హోరా హోరీగా పోరాటం ఉంటుందని ఆడియన్స్ ఎక్స్‌పెక్టే షన్స్‌ని డైరెక్టర్ రీచ్ అవ్వలేకపోయారు. ఓ సాదా సీదా ఫైట్‌లో విలన్‌ని అంతమొందించ డంతో సినిమా ముగుస్తుంది. ఓవరాల్‌గా ఈ సినిమా ఒక వర్గం ఆడియన్స్‌ని కొంతవర కు ఆకట్టుకునే అవకాశం ఉంది. కథ, కథనంలో కొత్తదనం, థ్రిల్ చేసే ట్విస్టులు, యాక్షన్ సీక్వెన్స్‌లు ఉండాలని కోరుకునే కొంతమంది ఆడియన్స్‌కి ఈ సినిమా నచ్చే అవకాశం ఉంది. 



తనొక న్యూ ఏజ్ ఫిలిమ్ మేకర్ 

Updated By ManamFri, 11/02/2018 - 01:36

నాగచైతన్య, నిధి అగర్వాల్ జంటగా నటించిన చిత్రం ‘సవ్యసాచి’ చందు మొండేటి దర్శకుడు. నవీన్ ఏర్నేని, యలమంచిలి రవిశంకర్, మోహన్(సి.వి.ఎం) నిర్మాతలు. ఈ శుక్రవారం సినిమా విడుదలవుతుంది. ఈ సందర్భంగా నాగ చైతన్య ఇంటర్వ్యూ...

image‘సవ్యసాచి’ జర్నీ ఎలా ప్రారంభమైంది?
 ‘ప్రేమమ్’ సినిమాను నార్వేలో చిత్రీకరిస్తున్నప్పుడు డైరెక్టర్ చందు మొండేటి ‘సవ్యసాచి’లో మెయిన్ పాయింట్‌ను 5-10 నిమిషాల పాటు వివరించారు. ఇలాంటి పాయింట్‌తో సినిమా చేస్తే మరీ ఎక్స్‌పెరిమెంట్ అవుతుందేమోనని తనతో అన్నాను. హైదరాబాద్ వచ్చిన తర్వాత చందు పూర్తి కథను కమర్షియల్ ఎలిమెంట్స్ అన్ని యాడ్ చేసి ఎక్స్‌ప్లెయిన్ చేశారు. చాలా బాగా అనిపించింది. అలా జర్నీ స్టార్ట్ అయ్యింది. చందు ఆలోచనా ధోరణిని నేను బాగా ఇష్టపడతాను. తన మీద నమ్మకంతోనే ఈ సినిమా చేస్తున్నా. ‘ప్రేమమ్’  రీమేక్ చేయవద్దని చాలా మంది  చెప్పారు. కానీ పాయింట్‌ని చందు చక్కగా డీల్ చేశాడు. తెలుగు ఆడియెన్స్‌కు తగినట్లు బాగా బ్లెండ్ చేశాడు. నా దృష్టిలో తను న్యూ ఏజ్ ఫిల్మ్ మేకర్. ఒకటీ, రెండు షెడ్యూళ్ల వరకు కాస్త ఎలా ఉంటుందోనని అనిపించింది. కానీ ఆ తర్వాత చందుపై నమ్మకంతో ఆలోచించలేదు.

 స్క్రిప్ట్‌లో మీ ఇన్‌వాల్వ్‌మెంట్ ఎంత వరకు ఉంటుంది?
- స్క్రిప్ట్ రెడీ తయారవుతున్న దశలో ఇన్‌వాల్వ్ అవుతాను. ప్రతి స్క్రిప్ట్ వింటాను. ఏది మంచి, ఏది చెడు అని ఆలోచి స్తాను. కానీ ఒక లైన్ దాటి మనం వెళ్లకూడదని మాత్రం అనుకుంటా. దర్శకుడికి మనం ఇచ్చే రెస్పెక్ట్ అక్కడే తెలుస్తుంది. 

వానిష్ సిండ్రోమ్ గురించి మీకు ముందే తెలుసా?
- లేదండీ. కాకపోతే ఈ స్క్రిప్ట్ విన్న తర్వాత నేను దాని గురించి ఆలోచించా. యూట్యూబ్ లోనూ, న్యూస్ పేపర్లలోనూ చూసి తెలుసుకున్నా. ట్విన్స్‌లో ఒకరు వానిష్ అయిపోతే ఆ లక్షణాలు మరొకరి వస్తాయి. అందుకనే ఉన్న వ్యక్తి ఒకలా ప్రవరిస్తారు. ఒకే శరీరంలో ఇద్దరు వ్యక్తులున్న ఫీలింగ్ కలుగుతుంది. మా సినిమాలో హీరో ఎడమ చేయి మరో వ్యక్తిలా ప్రవర్తిస్తుంటుంది. కంట్రోల్ ఉండదు. 

స్క్రిప్ట్ సెలక్షన్‌లో ఇప్పుడు ఫ్రీ హ్యాండ్ న్నట్టేనా?
- కెరీర్ 
స్టార్టింగ్ లో కొన్ని సినిమాల స్క్రిప్ట్ లు నాన్నగారు విన్నారు. ఆ తర్వాత అంతా ఫ్రీ హ్యాండ్ ఇచ్చారు. ‘సవ్యసాచి’image రిలీజ్‌కి ముందు ఎడిటింగ్ రూమ్‌లో చూసి కొన్ని చిన్న చిన్న సలహాలు చెప్పేవారు. ఈ సినిమాకు కూడా చెప్పారు. చిన్న చిన్న భావోద్వేగాలకు సంబంధించినవి.

నిర్మాణ సంస్థ మైత్రీ మూవీస్ గురించి చెప్పండి?
- కథను నమ్మి మేకింగ్‌లో ఎక్కడా కాంప్రమైజ్ కాకుండా సినిమా చేసే నిర్మాతలున్న సంస్థ మైత్రీ మూవీస్. వీరి కారణంగా మా సినిమా స్పాన్ ఎంతో పెరిగింది. మాధవన్ గారిని, భూమికగారిని సజెస్ట్ చేసింది కూడా వాళ్లే.
మాధవన్‌తో వర్కింగ్ ఎక్స్‌పీరియెన్స్ ఎలా ఉంది?
 మాధవన్‌గారు ఇప్పటికీ ట్రెండ్ సెట్టరే.  ఆయనతో కలిసి పనిచేయడం ఆనందంగా ఉంది. సెట్‌కీ నా ఫ్రెండ్స్ చాలా మంది వచ్చి, ఆయనతో ఫొటోలు తీసుకున్నారు.  ఆయన్ని చూసి చాలా నేర్చుకున్నా.

హీరోయిన్ నిధి గురించి...?
- నిధి చాలా టాలెంటెడ్. యాక్టివ్ గర్ల్. ఆల్ రౌండర్. డ్యాన్సులు చేయగలదు. ఇలాంటి సినిమాల్లో ఫ్రెష్ ఫేస్‌లు క్లిక్ అయ్యే ఛాన్స్‌లు ఎక్కువ. అందుకే తనని సెలక్ట్ చేసుకున్నాం.

తదుపరి చిత్రాలు..? 
- ప్రస్తుతం శివ నిర్వాణ దర్శకత్వంలో సినిమా చేస్తున్నా..ఇంకా టైటిల్ అనుకోలేదు. సినిమాలో కూడా నేను, సామ్ ప్ళ్లై.. నిత్యం గొడవపడే జంటగా కనపడతాం. నిజ జీవితంలో ఇద్దరి మధ్య ఎప్పుడూ గొడవలు లేవు. సో సెట్లో నటిస్తున్నాం. ఇద్దరం కలిసి సినిమా చేయడం వల్ల మామూలు కంటే ఎక్కువ సమయాన్ని గడపడానికి వీలవుతోంది. ఎవరినీ ఎవరూ డామినేట్  చేయకుండా నటిస్తున్నాం. సమ్మర్‌కి విడుదలవుతుంది. మరో వైపు వెంకీమామ సినిమా డిసెంబర్ నుంచి మొదల వుతుంది. 



అయ్యో నాకు రెండు రౌండ్లకే కళ్లు తిరుగుతాయి

Updated By ManamThu, 11/01/2018 - 10:44

Subhadra Parinayamనాగచైతన్య హీరోగా చందూ మొండేటి తెరకెక్కించిన చిత్రం ‘సవ్యసాచి’. రేపే(నవంబర్2) ఈ చిత్రం ప్రేక్షకుల ముందుకు రానుంది. ఈ క్రమంలో సినిమాపై మరింత ఆసక్తిని పెంచేందుకు సుభద్ర పరిణయం అనే ఓ వీడియో ప్రోమోను చిత్ర యూనిట్ విడుదల చేసింది. నాగచైతన్య, వెన్నెల కిశోర్, హైపర్ ఆది, సుదర్శన్ తదితరులు ఈ నాటకంలో ఉండగా వారి డైలాగ్‌లు నవ్వు తెప్పిస్తున్నాయి. దీన్ని బట్టి చూస్తుంటే సినిమాలో కామెడీ కూడా సరిపడేంత ఉందని అర్థమవుతోంది. ఇక ఈ చిత్రంలో నాగచైతన్య సరసన నిధి అగర్వాల్ నటించగా.. భూమిక, మాధవన్ తదితరులు కీలక పాత్రలలో కనిపించనున్నారు. మైత్రీ మూవీ మేకర్స్ నిర్మించిన ఈ చిత్రానికి కీరవాణి సంగీతం అందించాడు. ఈ చిత్రంపై నాగ చైతన్య ఎన్నో అంచనాలు పెట్టుకున్నాడు.



సవ్యసాచికి ‘సెన్సార్’ పూర్తి

Updated By ManamMon, 10/29/2018 - 14:53

Savyasachiనాగచైతన్య హీరోగా చందూ మొండేటి తెరకెక్కించిన చిత్రం ‘సవ్యసాచి’. నవంబర్ 2న ప్రేక్షకుల ముందుకు రానున్న ఈ చిత్రానికి తాజాగా సెన్సార్ పూర్తి అయ్యింది. చిత్రాన్ని చూసిన సెన్సార్ సభ్యులు ఎలాంటి కట్‌లు లేకుండా ‘యు/ఎ’ సర్టిఫికేట్‌ను ఇచ్చారు. 

ఇక ఈ చిత్రంలో నాగ చైతన్య సరసన నిధి అగర్వాల్ నటించగా.. మాధవన్, భూమిక చావ్లా కీలక పాత్రలలో కనిపించనున్నారు. మైత్రీ మూవీ మేకర్స్ నిర్మించిన ఈ చిత్రానికి కీరవాణి సంగీతం అందించాడు. ఇప్పటికే పోస్టర్లు, ట్రైలర్‌తో ఆకట్టుకున్న ఈ చిత్రంపై టాలీవుడ్‌లో మంచి అంచనాలు ఉన్నాయి.



ప్రముఖ నిర్మాత శివ ప్రసాద్ రెడ్డి కన్నుమూత

Updated By ManamSat, 10/27/2018 - 09:22

Siva Prasad Reddyప్రముఖ నిర్మాత, కామాక్షి మూవీస్ అధినేత శివ ప్రసాద్ రెడ్డి ఇకలేరు. అనారోగ్యంతో బాధపడుతున్న ఆయన శనివారం ఉదయం చెన్నైలో మృతిచెందారు. 1987లో కామాక్షి మూవీస్‌ను ప్రారంభించిన ఆయన శోభన్ బాబు, చిరంజీవి, నాగార్జున, నాగచైతన్యలతో సినిమాలను నిర్మించారు. వారిలో ఎక్కువగా నాగార్జునతో 11 సినిమాలకు నిర్మించారు. అలాగే పలు సినిమాలకు డిస్ట్రిబ్యూటర్‌గానూ పనిచేశారు. చివరగా నాగార్జునతో గ్రీకు వీరుడును తెరకెక్కించారు శివ ప్రసాద్ రెడ్డి. ఆయన మృతిపై పలువురు ప్రముఖులు సంతాపం వ్యక్తం చేస్తున్నారు.



‘సవ్యసాచి’ ట్రైలర్ విడుదల

Updated By ManamWed, 10/24/2018 - 15:20

Savyasachiనాగచైతన్య, నిధి అగర్వాల్ జంటగా చందూమొండేటి తెరకెక్కించిన చిత్రం ‘సవ్యసాచి’. నవంబర్ 2న ప్రేక్షకుల ముందుకు రానున్న ఈ చిత్ర ట్రైలర్ తాజాగా విడుదలైంది. టీజర్‌ ఎండింగ్‌తో ప్రారంభమైన ట్రైలర్ ఆకట్టుకుంటోంది. అలాగే కీరవాణి అందించిన బ్యాక్‌గ్రౌండ్ ట్రైలర్‌కు మెయిన్ అస్సెట్‌గా నిలిచింది. మొత్తానికి ట్రైలర్‌తో సినిమాపై మరింత అంచనాలను పెంచేశాడు దర్శకుడు. భూమిక, మాధవన్ తదితరులు కీలక పాత్రలలో కనిపించనున్న ఈ చిత్రాన్ని మైత్రీ మూవీ మేకర్స్ నిర్మించగా.. చిత్రంపై ఎన్నో అంచనాలు ఉన్నాయి.



‘సవ్యసాచి’ నుంచి రెండో పాట విడుదల

Updated By ManamTue, 10/16/2018 - 11:35

savyasachiనాగచైతన్య హీరోగా చందూమొండేటి తెరకెక్కించిన చిత్రం ‘సవ్యసాచి’. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం నుంచి రెండో పాట విడుదలైంది. కుర్రాడి ఎడమచేయి అతడికి సహకరించకుండా, చేసే ప్రతి పనిలోనూ అడ్డుపడుతుంటే, జీవితం ఏమైపోతుందో అని, అతడి తల్లి పడే బాధను ఈ పాటలో వివరించారు.

ఈ పాటకు రామజోగయ్య శాస్త్రి సాహిత్యం అందించగా.. శ్రీనిధి తిరుమల ఆలపించారు. ఎమ్ ఎమ్ కీరవాణి సంగీతం అందించిన ఈ పాట వినసొంపుగా ఉంది. ఇక ఈ చిత్రంలో నాగచైతన్య సరసన నిధి అగర్వాల్ నటించగా.. భూమిక, మాధవన్ కీలక పాత్రలలో కనిపించనున్న విషయం తెలిసిందే. మైత్రీ మూవీ మేకర్స్ నిర్మించిన ఈ చిత్రం నవంబర్ 2న ప్రేక్షకుల ముందుకు రానుంది.

 



తండ్రి అయిన బాబి

Updated By ManamThu, 10/11/2018 - 10:22

Bobbyరైట‌ర్‌గా కెరీర్‌ను స్టార్ట్ చేసి ‘ప‌వ‌ర్’ చిత్రంతో ద‌ర్శ‌కుడిగా మారారు బాబి. త‌ర్వాత ‘స‌ర్దార్ గ‌బ్బ‌ర్ సింగ్‌’, ‘జై ల‌వ‌కుశ’ చిత్రాల‌ను డైరెక్ట్ చేశారు. తాజాగా వెంక‌టేశ్‌, నాగ‌చైత‌న్య‌ల‌తో `వెంకీ మామ‌` సినిమాను తెర‌కెక్కించ‌బోతున్న బాబి గురువారం తండ్రిగా ప్ర‌మోష‌న్ పొందారు. ఈ విష‌యాన్ని ఆయ‌నే త‌న ట్విట్ట‌ర్ అకౌంట్ ద్వారా తెలియ‌జేశారు. ``సాధార‌ణంగా ప్రారంభ‌మైన ఈరోజు నా జీవితంలో మ‌ర‌చిపోలేని రోజుగా మారింది. మాకు పాప పుట్టింది. నా ఫ్యామిలీ కాస్త పెద్ద‌దైంది`` అంటూ మెసేజ్‌ను పోస్ట్ చేశారు బాబి.



స‌వ్య‌సాచి టీజ‌ర్ కు అద్భుత‌మైన స్పంద‌న‌

Updated By ManamFri, 10/05/2018 - 17:15
Savyasachi teaser

స‌వ్య‌సాచి తొలిపాట విడుద‌ల తేదీ క‌న్ఫ‌ర్మ్ అయిపోయింది. ఇప్ప‌టికే విడుద‌లైన టీజ‌ర్ కు మంచి రెస్పాన్స్ వ‌చ్చింది. అక్టోబ‌ర్ 9న ఫ‌స్ట్ లిరిక‌ల్ వీడియో విడుద‌ల కానుంది. ఎంఎం కీర‌వాణి ఈ చిత్రానికి సంగీతం అందిస్తున్నారు. ఈ మ‌ధ్యే విడుద‌లైన టీజ‌ర్ కు అద్భుత‌మైన స్పంద‌న వ‌స్తోంది. యూ ట్యూబ్ లో 50 ల‌క్ష‌ల వ్యూస్ తో ట్రెండింగ్ లో నిలిచింది స‌వ్య‌సాచి టీజ‌ర్. ఇందులో రెండు చేతుల‌తోనూ ఒకే బ‌లం చూపించే స‌వ్య‌దిశ వ్య‌క్తిగా చైతూ న‌టిస్తున్నారు. మ‌హాభారతంలో అర్జునుడికి మాత్ర‌మే ఉన్న శ‌క్తి ఇది. ఇప్ప‌టి వ‌ర‌కు తెలుగు సినిమాల్లో రాన‌టువంటి కొత్త కాన్సెప్ట్ తో ఈ చిత్రాన్ని తెర‌కెక్కిస్తున్నారు ద‌ర్శ‌కుడు చందూమొండేటి. స‌వ్య‌సాచిలో మాధ‌వ‌న్, భూమికా చావ్లా కీల‌క‌పాత్ర‌ల్లో న‌టిస్తున్నారు. నిధి అగ‌ర్వాల్ ఈ చిత్రంతో తెలుగు ఇండ‌స్ట్రీకి ప‌రిచ‌యం అవుతుంది. హ్యాట్రిక్ మూవీస్ ఇచ్చిన మైత్రి మూవీ మేక‌ర్స్ సంస్థ నుంచి స‌వ్య‌సాచి వ‌స్తుంది. న‌వంబ‌ర్ లో ఈ చిత్ర విడుద‌ల‌కు స‌న్నాహాలు చేస్తున్నారు నిర్మాతలు. 



విడుదలైన ‘సవ్యసాచి’ టీజర్

Updated By ManamMon, 10/01/2018 - 10:46

Savyasachiఅక్కినేని నాగచైతన్య హీరోగా చందూమొండేటి తెరకెక్కించిన చిత్రం ‘సవ్యసాచి’. ఇందులో చైతూ సరసన నిధి అగర్వాల్ నటిస్తుండగా.. మాధవన్, భూమిక, వెన్నెల కిశోర్ తదితరులు కీలకపాత్రలలో కనిపించనున్నారు. ప్రస్తుతం పోస్ట్ ప్రొడక్షన్ పనులను జరుపుకుంటున్న ఈ చిత్ర టీజర్ తాజాగా విడుదలైంది. వానిషింగ్ ట్విన్ సిండ్రోమ్ అనే కాన్సెప్ట్‌తో తెరకెక్కిన ఈ చిత్ర టీజర్ ఆద్యంతం ఆకట్టుకుంటోంది. ఇక ఈ చిత్రాన్ని మైత్రీ మూవీ మేకర్స్ నిర్మించగా.. కీరవాణి సంగీతం అందించాడు. ‘ప్రేమమ్’ తరువాత చందూ మొండేటి, నాగచైతన్య కాంబోలో వస్తున్న ఈ చిత్రంపై మంచి అంచనాలు ఉన్నాయి.

 





Related News