naga chaitanya

బ్రాండ్ బాబు ట్రైల‌ర్ రిలీజ్

Updated By ManamThu, 07/26/2018 - 16:31
  • నాగ చైతన్య చేతుల మీదుగా బ్రాండ్ బాబు ట్రైల‌ర్ విడుదల

brand babu

హీరో అక్కినేని నాగ‌చైత‌న్య గురువారం బ్రాండ్ బాబు ట్రైల‌ర్ విడుద‌ల చేసారు. సుమంత్ శైలేంద్ర ఈ చిత్రంతో హీరోగా ప‌రిచ‌యం అవుతున్నారు. తెలుగ‌మ్మాయి ఇషా రెబ్బా ఇందులో హీరోయిన్. పార్కీ ప్ర‌భాక‌ర్ బ్రాండ్ బాబును తెర‌కెక్కిస్తున్నారు. మారుతి ఈ చిత్రానికి క‌థ అందించ‌డం విశేషం. ఆయ‌నే స‌మ‌ర్ప‌కుడిగా కూడా వ్య‌వ‌హ‌రిస్తున్నారు. 

ట్రైల‌ర్ విడుద‌ల చేసిన త‌ర్వాత నాగ‌చైత‌న్య సినిమా గురించి మాట్లాడుతూ.. సుమంత్ శైలేంద్ర‌ను తెలుగు ఇండ‌స్ట్రీలోకి ఆహ్వానించారు. ట్రైల‌ర్ చాలా బాగుంద‌ని ఆక‌ట్టుకుంద‌ని.. మారుతి కామెడీ టైమింగ్ చాలా చోట్ల క‌నిపించింద‌ని చెప్పారు. ప్ర‌భాక‌ర్ ద‌ర్శ‌క‌త్వ ప్ర‌తిభ కూడా క‌నిపించింద‌ని చెప్పారు నాగ‌చైత‌న్య‌. సుమంత్, ఇషారెబ్బాకు ఈ చిత్రం విజ‌యం తీసుకురావాల‌ని కోరుకున్నాడు నాగ‌చైత‌న్య‌. 

ద‌ర్శ‌కుడు ప్ర‌భాక‌ర్ మాట్లాడుతూ.. నాగ‌చైత‌న్య మా చిత్ర ట్రైల‌ర్ ను లాంఛ్ చేయ‌డం.. ఆయ‌న నచ్చింద‌ని చెప్ప‌డం సంతోషంగా ఉంద‌న్నాడు. ఆగ‌స్ట్ 3న బ్రాండ్ బాబు విడుద‌ల కానుంద‌ని.. క‌చ్చితంగా ప్రేక్ష‌కులకు కూడా ఈ చిత్రం న‌చ్చుతుంద‌ని చెబుతున్నాడు ప్రభాక‌ర్. 

హీరోయిన్ ఇషారెబ్బా మాట్లాడుతూ.. నాగ‌చైత‌న్య ట్రైల‌ర్ విడుద‌ల చేసినందుకు థ్యాంక్స్ చెప్పింది. ప్రేక్ష‌కుల‌ను త‌మ సినిమా క‌చ్చితంగా అల‌రిస్తుంద‌ని చెప్పింది ఇషా. బ్రాండ్ బాబులో ముర‌ళి శ‌ర్మ‌, పూజిత పొన్న‌డ‌, రాజా రవీంద్ర‌, స‌త్యం రాజేష్ కీల‌క‌పాత్ర‌ల్లో న‌టిస్తున్నారు. శైలేంద్ర నిర్మాణంలో వ‌స్తోన్న ఈ చిత్రానికి జేబీ సంగీతం అందిస్తున్నాడు. 

న‌టీన‌టులు: 
సుమంత్ శైలేంద్ర‌, ఇషారెబ్బా, ముర‌ళి శ‌ర్మ‌, పూజిత పొన్న‌డ‌, రాజా ర‌వీంద్ర‌, స‌త్యం రాజేష్, వేణు వై, న‌లిని, సాయికుమార్ పి, కోటేశ్ మ‌న్న‌వ‌, కిర‌ణ్.



చైతు ట్వీట్.. సమంత సమాధానం

Updated By ManamThu, 07/26/2018 - 11:03

Naga Chaitanya, Samanthaటాలీవుడ్‌లో మోస్ట్ లవబుల్ పెయిర్‌గా పేరు తెచ్చుకున్న నాగచైతన్య, సమంతలు అప్పుడప్పుడు సోషల్ మీడియాలో ఒకరిపై మరొకరి ప్రేమను చూపిస్తుంటారు. ఈ క్రమంలో తాజాగా చైతన్య ట్వీట్‌కు కొంచెగా సమాధానం ఇచ్చింది సమంత.

చి.ల.సౌ ప్రమోషన్లలో భాగంగా ఓ బ్యాచులర్ పార్టీని ఏర్పాటు చేయనున్నట్లు హీరో సుశాంత్ ఓ ట్వీట్ చేశాడు. దీనికి సింగిల్‌గా ఉన్న అమ్మాయిలు, అబ్బాయిలు అందరూ ఆహ్వానితులే అంటూ.. అందుకోసం ఎలా బుక్ చేసుకోవాలో తెలుపుతూ ఓ ఇన్విటేషన్ ఇచ్చాడు. దీనికి స్పందించిన చైతన్య.. ‘‘ఈ పార్టీ కేవలం బ్యాచులర్స్‌కేగా? నన్ను మరిచిపోయినట్లు ఉన్నావు..? నాలోని బ్యాచిలర్ బతికే ఉన్నాడు’’ అంటూ కామెంట్ పెట్టాడు. ఇక దానికి స్పందించిన సమంత.. ‘‘మీరు చెప్పింది నిజమే భర్తగారూ’’ అంటూ కామెంట్ పెట్టింది. ఇక ఈ ఇద్దరి కన్వర్జేషన్ నెటిజన్లను ఆకట్టుకుంటోంది.



చై, సామ్ కొత్త మూవీ ప్రారంభం

Updated By ManamMon, 07/23/2018 - 10:18

Chai, sam చైతన్య, సమంత హీరోహీరోయిన్లుగా నిన్ను కోరి ఫేమ్ శివ నిర్వాణ ఓ చిత్రాన్ని తెరకెక్కించనున్న విషయం తెలిసిందే. ఈ చిత్ర పూజా కార్యక్రమం సోమవారం హైదరాబాద్‌లో జరిగింది. ఈ సందర్భంగా కింగ్ నాగార్జున ముఖ్య అతిథిగా హాజరయ్యారు. భార్యాభర్తల బంధం కథాంశంతో తెరకెక్కనున్న ఈ చిత్రంలో బాలీవుడ్ నటి దివ్యాంశ కౌశిక్ కీలక పాత్రలో కనిపించనుంది. ఆగష్టు నుంచి ఈ చిత్రం సెట్స్ మీదకు వెళ్లనుంది. సాహు గారపాటి, హరీశ్ పెద్దలతో కలిసి కోన వెంకట్ నిర్మిస్తున్న ఈ చిత్రాన్ని ఈ ఏడాదే ప్రేక్షకుల ముందుకు తీసుకురావాలని చిత్ర యూనిట్ భావిస్తోంది. కాగా చై, సమంత కాంబోలో ఇప్పటికి ఏమాయ చేశావే, మనం, ఆటోనగర్ సూర్య చిత్రాలు తెరకెక్కగా.. ఇది నాలుగో చిత్రం కానుంది. అలాగే పెళ్లి తరువాత ఈ ఇద్దరు కలిసి నటిస్తున్న తొలి చిత్రం ఇదే కావడం విశేషం.



షూటింగ్‌ పూర్తి చేసుకున్న రమ్యకృష్ణ

Updated By ManamThu, 07/19/2018 - 13:25

ramya krishna నాగచైతన్య, అనూ ఇమ్మాన్యుల్ హీరోహీరోయిన్లుగా మారుతి తెరకెక్కిస్తున్న చిత్రం శైలజా రెడ్డి అల్లుడు. రమ్యకృష్ణ కీలక పాత్రలో కనిపించనుంది. ఇక ఈ చిత్ర షూటింగ్ చివరి దశకు రాగా.. అందులో రమ్యకృష్ణ పాత్ర పూర్తైంది. ఈ విషయాన్ని చిత్ర యూనిట్ తెలిపింది. ‘‘రమ్యకృష్ణ పాత్ర షూటింగ్‌ను పూర్తి చేశాం. నా ఫేవరెట్ హీరోయిన్ రమ్య మేడమ్‌తో పనిచేయడం చాలా సంతోషం’’ అంటూ దర్శకుడు మారుతి ట్విట్టర్‌లో తెలిపారు. ఈ చిత్రాన్ని సితార ఎంటర్‌టైన్‌మెంట్స్ నిర్మిస్తుండగా.. గోపి సుందర్ సంగీతం అందించనున్నాడు. ఆగష్టులో ఈ మూవీని ప్రేక్షకుల ముందు తీసుకురావాలని దర్శకనిర్మాతలు భావిస్తున్నారు.

 



చైతూ, సమంత మధ్యలో ఆమె..?

Updated By ManamThu, 07/19/2018 - 12:11

divyanshaఅక్కినేని నాగ‌చైత‌న్య‌, స‌మంత క‌లిసి జంట‌గా ఓ సినిమాలో న‌టించ‌నున్న సంగ‌తి తెలిసిందే. `నిన్నుకోరి` ఫేమ్ శివ నిర్వాణ ద‌ర్శ‌క‌త్వంలో ఈ సినిమాను సాహు గార‌పాటి, హ‌రీశ్ పెద్ద నిర్మిస్తున్నారు. ఆగ‌స్టులో ప్రారంభం కానున్న ఈ సినిమాలో ఓ బాలీవుడ్ న‌టి న‌టించ‌నున్నారు. హిందీ సీరియ‌ల్స్‌, యాడ్స్‌లో న‌టించిన దివ్యాంశ కౌశిక్ ఈ సినిమాతో టాలీవుడ్‌లోకి ఎంట్రీ ఇవ్వ‌నున్నారు. భార్య భ‌ర్త‌ల మ‌ధ్య దివ్యాంశ క్యారెక్ట‌ర్ ఎంట్రీతో మ‌న‌స్ప‌ర్ధ‌లు వ‌స్తాయ‌ట‌. చివ‌ర‌కు స‌మ‌స్య ఎలా ప‌రిష్కార‌మైంద‌నేదే క‌థాంశం. ఈ సినిమాలో దివ్యాంశ్ సెప్టెంబ‌ర్ నుండి భాగ‌మ‌వుతారట‌. 



అత్త‌తో బావుంటున్న చైతూ

Updated By ManamMon, 07/16/2018 - 12:23

chaitanya మ‌హాభార‌తం నుంచే మ‌న‌కు అత్తా అల్లుళ్ల బంధం ఎలాంటిదో తెలుసు. అత్త కుంతీ కోసం అల్లుడు శ్రీకృష్ణుడు ప‌డ్డ త‌ప‌న‌ను ఏళ్ల త‌ర‌బ‌డి వింటూనే ఉన్నాం. అయితే అన్నీ చోట్లా అత్తా అల్లుళ్ల‌కు పొత్తుపోవాల‌నేం లేదు. కొన్ని చోట్ల అత్తా, అల్లుళ్ల మ‌ధ్య ఈగో క్లాషెసూ రావ‌చ్చు. ఇదే అంశంతో తెలుగులో చాలా సినిమాలే వ‌చ్చాయి. ఒక్కో హీరోకీ ఒక్కో బ్లాక్ బ‌స్ట‌ర్ ఉంది. అలా తెలుగు ఇండ‌స్ట్రీలో అత్తా, అల్లుళ్ల క‌థ‌తో వ‌చ్చిన బ్లాక్ బ‌స్ట‌ర్ `అత్తారింటికి దారేది`. అయితే ఇందులో అత్తా, అల్లుళ్ల మ‌ధ్య ఈగో క్లాషెస్‌, ఎత్తుకు పై ఎత్తులు వంటివి ఏమీ లేవ‌న్న‌మాట‌. తాజాగా ఈ సినిమాకు కూడా కాసింత పాజిటివ్ సైడ్ తీసుకుని తెర‌కెక్క‌తోన్న సినిమా `శైల‌జారెడ్డి అల్లుడు`. యుక్త‌వ‌య‌సులో ప్రేక్ష‌కుల‌ను మెప్పించిన ర‌మ్య‌కృష్ణ ప్రౌఢ‌గా కూడా అంత‌గానే ఆక‌ట్టుకుంటోంది. ర‌మ్య‌కృష్ణ ఈ చిత్రంలో నాగ‌చైత‌న్య‌కు అత్త‌గా న‌టించారు. కెరీర్ మొద‌లుపెట్టిన అతి కొద్ది స‌మ‌యంలోనే స్టార్ హీరోల‌తో న‌టించే అవ‌కాశాల‌ను అందుకుంటోన్న అను ఇమ్మాన్యుయేల్ ఇందులో చైతూ ప‌క్క‌న నాయిక‌. అయితే ఈ సినిమాలో అటు త‌ల్లి, ఇటు కూతురు.. ఇద్ద‌రూ   ఇద్ద‌రేన‌ట‌. ఒక‌రిని మించిన ఈగో మ‌రొక‌రికి. వారిద్ద‌రిని స‌ద్దే ప్ర‌య‌త్నంలో ఉన్నార‌ట చైత‌న్య‌. క‌థ మొత్తం త‌ల్లీ కూతుళ్ల మ‌ధ్య ఈగోల‌తో సాగుతుందని.. ఇద్ద‌రి మ‌ధ్య స‌ర్దిచెప్ప‌లేక స‌త‌మ‌త‌మ‌య్యే పాత్ర‌లో చైత‌న్య క‌నిపిస్తార‌ని స‌మాచారం. సో శైల‌జారెడ్డి అల్లుడు స‌వాళ్ల‌ను విస‌ర‌డ‌న్న‌మాట‌. స‌మ‌స్య‌ల‌ను ప‌రిష్క‌రిస్తాడ‌న్న‌మాట‌. కొంత‌కాలంగా ఇలాంటి సినిమాలు తెలుగు తెర‌పై రాలేదు. అలాంటి క‌థ‌ను ప‌ట్టుకున్నాడంట ద‌ర్శ‌కుడు హిట్ సినిమాకు శ్రీకారం చుట్టాడ‌న్న‌మాటే.  మ‌రి ప్రేక్ష‌కులు ఏం చేస్తార‌న్న‌దే ఆస‌క్తిక‌రం. 



మామ అల్లుళ్ల మల్టీస్టారర్ ప్రారంభం

Updated By ManamWed, 07/11/2018 - 10:48

venkatesh అభిమానులు ఎప్పటినుంచో ఎదురుచూస్తున్న మామ అల్లుళ్ల మల్టీస్టారర్ ప్రారంభమైంది. వెంకటేశ్, నాగ చైతన్య ప్రధాన పాత్రలలో డైరక్టర్ బాబీ తెరకెక్కించనున్న మల్టీస్టారర్‌కు ఇవాళ ప్రారంభోత్సం జరిగింది. హైదరాబాద్‌లోని రామానాయుడు స్టూడియోలో జరిగిన ఈ కార్యక్రమంలో వెంకటేశ్, నాగ చైతన్య, దర్శకులు వినాయక్, బాబీ, నిర్మాత సురేశ్ బాబు, ఆర్ట్ డైరక్టర్స్ మౌనిక, రామకృష్ణ తదితరులు పాల్గొన్నారు. 

ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో చైతూ సరసన రకుల్ మరోసారి జోడి కట్టనుంది. ఇక ఈ చిత్రాన్ని సురేష్ ప్రొడక్షన్స్, పీపుల్ మీడియా ఫ్యాక్టరీ సంయుక్తంగా నిర్మిస్తున్నాయి. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రానికి సంబంధించిన మరిన్ని వివరాలు త్వరలో తెలియనున్నాయి.



సమంత రూమర్లపై చైతూ స్పందన

Updated By ManamTue, 07/10/2018 - 12:25

Samantha, Naga Chaitanya అక్కినేని కోడలు సమంత త్వరలో సినిమాలకు గుడ్‌బై చెప్పనున్నట్లు ఇటీవల వార్తలు కోడై కూశాయి. అయితే వాటిపై ఇంతవరకు ఆమె స్పందించకపోవడంతో ఆ వార్తలు నిజమని పలువురు భావించారు. దీంతో ఆమె అభిమానులు కాస్త నిరాశకు లోను కాగా.. వీటిపై తాజాగా నాగచైతన్య క్లారిటీ ఇచ్చాడు. సమంత ఎట్టి పరిస్థితుల్లో సినిమాలకు దూరం వెళ్లదని స్పష్టం చేశారు. ఈ రంగం అంటే ఆమెకు చాలా ఇష్టమని, అందుకే బయటకు వెళ్లదని తెలిపారు. అయితే అవసరాన్ని బట్టి అప్పుడప్పుడు చిన్న బ్రేక్ తీసుకుంటుందేమో అంటూ క్లారిటీని ఇచ్చారు. కాగా ప్రస్తుతం సమంత ‘సీమ రాజ’, ‘సూపర్ డీలక్స్’, ‘యు టర్న్’ రీమేక్ చిత్రాల్లో నటిస్తోంది. వీటితో పాటు శివ నిర్వాణ దర్శకత్వంలో నాగచైతన్య సరసన మరో చిత్రంలో నటించనుంది.



‘శైలజా రెడ్డి అల్లుడు’ ఫస్ట్‌లుక్

Updated By ManamMon, 07/09/2018 - 12:01
sa

నాగచైతన్య హీరోగా మారుతి తెరకెక్కిస్తున్న చిత్రం ‘శైలజా రెడ్డి అల్లుడు’. అనూ ఇమ్మాన్యుల్ ఈ చిత్రంలో హీరోయిన్‌గా నటిస్తోంది. ప్రస్తుతం షూటింగ్ జరుపుకుంటున్న ఈ చిత్ర ఫస్ట్‌లుక్ తాజాగా విడుదలైంది. అందులో కొత్త లుక్‌లో నాగచైతన్య అందరినీ ఆకట్టుకుంటున్నాడు. ఇక ఈ చిత్రంలో రమ్యకృష్ణ కీలక పాత్రలో నటించగా.. ఆమెకు సంబంధించిన ఫస్ట్‌లుక్‌ను కూడా రివీల్ చేశాడు. ఇక ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రాన్ని సితార ఎంటర్‌టైన్‌మెంట్ నిర్మిస్తుండగా.. గోపి సుందర్ సంగీతం అందిస్తున్నాడు. ఈ ఏడాది ఈ చిత్రం ప్రేక్షకుల ముందుకు రానుంది.

 



ఆ ర‌హ‌స్యాన్ని చెప్పిన స‌మంత‌

Updated By ManamTue, 07/03/2018 - 10:45

chai, samantha ఇప్పుడు హీరోయిన్స్, హీరోలు అని తేడాలు లేకుండా టాటూలు వేయించుకుంటున్నారు. ఒక్కొక్క‌రు ఒక్కొక్క స్టైల్ టాటూలు త‌మ శ‌రీరంలో ముద్రింప చేసుకుంటారు. అయితే ఒక్కొక్క టాటూకి ఒక్కో అర్థం ఉంటుంది. ఇప్పుడు అలాంటి టాటూల బ్యాచ్‌లో ఇటీవ‌ల అక్కినేని నాగ‌చైత‌న్య‌, స‌మంత కూడా చేరిన సంగ‌తి తెలిసిందే. ఇద్ద‌రూ చేతిపై బాణాల‌ను టాటూలుగా వేయించుకున్నారు. మ‌రి దీనికి అర్థ‌మేంట‌ని ఇటీవ‌ల ఎవ‌రో అడిగితే.. `నిజ జీవితంలోనే మీరు మీలా ఉండండి` అనే అర్థం వ‌స్తుంద‌ని స‌మంత టాటూ వెనుక సీక్రెట్‌ని రివీల్ చేసింది. ప్ర‌స్తుతం చైత‌న్య స‌వ్య‌సాచి, శైలజారెడ్డి అల్లుడు సినిమాల‌తో బిజీగా ఉండ‌గా.. స‌మంత త‌మిళ చిత్రాల‌తో బిజీగా ఉంది. వీరిద్ద‌రూ క‌లిసి `నిన్ను కోరి` ఫేమ్ శివ నిర్వాణ సినిమాలో న‌టించ‌బోతున్నారు. 





Related News