Scooter

శ్రీలంకలో  ఎన్‌టార్క్

Updated By ManamWed, 09/12/2018 - 22:33

Entarkన్యూఢిల్లీ: దేశీయ ప్రముఖ ద్విచక్ర, త్రిచక్ర వాహనాల తయారీ సంస్థ టివిఎస్  దాని స్కూటర్ మోడల్ ఎన్‌టార్క్125ని శ్రీలంకలో బుధవారం ఆవిష్కరించింది. టివిఎస్ మోటార్ కంపెనీ చైన్నై కేంద్రంగా పని చేస్తుంది. ఆ బైక్ డ్రమ్ (శ్రీలంక రూపాయల్లో  2,54,900), డిస్క్ (2,65,900) వెర్షన్‌లలో లభించనున్నట్లు కంపెనీ పేర్కొంది. ‘‘టివిఎస్ ఎన్‌టార్క్125ని ఆకర్షణీయమైన, ఉన్నతమై ఫీచర్‌లతో తీర్చిదిద్దాం. ముఖ్యంగా స్కూటర్లను కొనుగోలు చేసే యువతను ఉద్దేశించి దీన్ని తీసుకొచ్చాం ’’ అని టివిఎస్ అంతర్జాతీయ వ్యాపారాల విభాగ సీనియర్ అధ్యక్షుడు ఆర్. దిలీప్ అన్నారు. టివిస్ స్మార్ట్‌ఎక్సోనెట్, టివిఎస్ ప్రత్యేక ఎన్‌టార్క్ మొబైల్‌యాప్ ద్వారా పనిచేసే  బ్లూటూత్ సాంకేతికతను ఈ స్కూటర్‌లో పొందుపర్చారు. ‘‘శ్రీలంకలో స్కూటర్ మార్కెట్ వృద్ధి చెందుతోంది. అందులోనూ యువత వాటిపట్ల ఎక్కువగా ఆసక్తి చూపుతోంది. సరికొత్త 125 సీసీ స్కూటర్ కొత్త స్టైల్, స్మార్ట్ టెక్నాలజీ, ఉత్తమ పనితీరుతో యువ వినియోగదార్లని ఆకర్షిస్తోంది ’’ అని టివిఎస్ శ్రీలంక ప్రైవేట్ లిమిటెడ్ సీఈఓ రవి లియనగే అన్నారు.



హీరో నుంచి సరికొత్త మోడళ్ళు

Updated By ManamWed, 07/25/2018 - 23:06

Heroన్యూఢిల్లీ: ద్విచక్ర వాహనాల తయారీ సంస్థ హీరో మోటార్స్ సెప్టెంబర్, అక్టోబర్ నెలల్లో 125 సీసీ స్కూటర్‌ను, ఎక్స్‌ట్రీమ్200ఆర్ మోటార్ సైకిల్‌ను ప్రవేశపెట్టనున్నట్లు కంపెనీ తెలిపింది. పండగ రోజుల్లో వీటిని ప్రవేశపెట్టడం ద్వారా రెండంకెల వృద్ధిని సాధించాలని చూస్తున్నట్లు కంపెనీ చైర్మన్, మేనేజింగ్ డైరెక్టర్ పవన్ ముంజల్ అన్నారు. ‘‘మేము మా కొత్త మోడైళ్ళై125 సీసీ స్కూటర్, ఎక్స్‌ట్రీమ్200ఆర్ వాహనాలను పండగలకు ముందే ప్రవేశ పెట్టే సన్నాహాల్లో ఉన్నాం. ఈ రెండు వాహనాలను రానున్న సెప్టెంబర్, అక్టోబర్ నెలల్లో ఆవిష్కరించనున్నాం ’’ అని ముంజల్ తెలిపారు.  కొత్త మోడళ్లను ప్రవేశపెట్టడం ద్వారా  తామ ప్రీమియం విభాగ స్థాయిని పెంచుకుంటున్నట్లు ఆయన తెలిపారు. ఈ ఏడాది ప్రారంభం నుంచే పుంజుకున్న అమ్మకాలతో ఎన్నడూ లేనంతగా మొదటి త్రైమాసికంలో అత్యధిక అమ్మకాలు సాధించామని ఆయన అన్నారు. కాగా, గడచిన త్రైమాసికంలో కంపెనీ 20,60,342 బైక్‌లు, స్కూటర్లను విక్రయించింది. అంతకు ముందు 2017-18 క్యూ1తో ఈ సంఖ్య 18,11,343గా ఉంది. అదే విధంగా ప్రస్తుతం జైపూర్ లోని నవకల్పన, సాంకేతిక కేంద్రమైన ఆర్ అండ్ డీ సదుపాయంలో ఎలక్ట్రిక్ ద్విచక్ర వాహనాలపై పని చేస్తున్నామని సరైన సమయంలో వాటిని మార్కెట్‌లో ప్రవేశ పెట్టనున్నట్లు ఆయన పేర్కొన్నారు. హీరో మోటార్స్ ఇప్పటికే ఎక్స్‌ట్రీమ్ 200 ఆర్‌ను ఈశాన్య ప్రాంతాల్లో ఆవిష్కరించింది. రానున్న నెలల్లో దేశమంతటా ప్రవేశప్టెనున్నట్లు కంపెనీ తెలిపింది. అదే విధంగా ఈ ఆర్థిక సంవత్సరం తర్వాత ఎక్స్‌పల్స్ 200 అడ్వెంచర్ మోటార్‌సైకిల్‌ను ప్రవేశపెట్టనున్నట్లు కంపెనీ ప్రకటించింది. 





Related News