nayanatara

నయన్ వెడ్స్ విఘ్నేష్

Updated By ManamThu, 09/20/2018 - 03:30

imageతమిళ్‌లో అగ్ర కథానాయికగా వెలుగొందుతున్న నయనతార గత కొంతకాలంగా దర్శకుడు విఘ్నేశ్ శివన్‌తో ప్రేమలో ఉన్నారని వార్తలు వస్తున్న విషయం తెలిసిందే. వీరిద్దరూ కలిసి ఆమధ్య టూర్లు కూడా తిరిగారు. ఈ సందర్భంగా ఇద్దరూ తీసుకున్న ఫోటోలను మీడియాలో షేర్ చేశారు విఘ్నేశ్.

‘నయన్ పట్ల నేను చాలా సంతోషంగా ఉన్నాను. అలాగే గర్వంగా కూడా ఫీల్ అవుతున్నాను. నయన్‌ను కలవడం నా అదృష్టంగా భావిస్తున్నాను’’ అన్నారు. వీరిద్దరూ పెళ్లి చేసుకోబోతున్నారన్న వార్త ఇప్పుడు హాట్ టాపిక్‌గా మారింది. నయన్‌తో పెళ్లి విషయం గురించి విఘ్నేశ్ మాట్లాడుతూ ‘‘అది నేనిప్పుడు చెప్పలేను. మొదట నయన్‌ను, మా అమ్మను అడిగిన తర్వాతే నా పెళ్ళి విషయం గురించి చెప్పగలను. ఇటీవల నయన్, విఘ్నేశ్ కలిసి  అమృత్‌సర్‌కు వెళ్లారు. స్వర్ణ దేవాలయాన్ని దర్శించుకుని, లంగర్‌లో భోజనం చేశారు. ఈ సందర్భంగా నయన్‌తో కలిసి దిగిన వీడియోను విఘ్నేశ్ ఇన్‌స్టాగ్రామ్‌లో షేర్ చేశారు.
 

image

 



హీరోగా కమెడియన్ యోగి బాబు 

Updated By ManamMon, 09/10/2018 - 17:50

yogi babu

దీపం ఉండగానే ఇల్లు చక్కపెట్టుకోవాలన్నట్లు...అవకాశం వచ్చినప్పుడే అందిపుచ్చుకోవాలనేది ఏ రంగానికి అయినా వర్తిస్తుంది. ఇప్పుడు అదే సూత్రాన్ని కోలీవుడ్ హాస్యనటుడు యోగిబాబు కూడా ఫాలో అవుతున్నట్లు ఉంది. రెమో చిత్రంలో హాస్యనటుడుగా తెలుగు ప్రేక్షులకు దగ్గర అయిన యోగిబాబు త్వరలో హీరోగా ఎంట్రీ ఇవ్వనున్నట్లు సమాచారం.

తమిళ్ ఇండ్రస్టీలో స్టార్ హీరోలకన్నా బిజీ షెడ్యూల్‌లో ఉన్న యోగిబాబు ఖాతాలో ప్రస్తుతం 17 సినిమాలు ఉన్నాయి. ఇప్పటికే ఓ ఐడెంటిటీని సొంతం చేసుకున్న అతడు తమిళ్ ‘డార్లింగ్’ ఫేమ్ డైరెక్టర్ సామ్ ఆంటోనీ...  యోగిబాబుని హీరోగా పరిచయం చేయబోతున్నారట. అయితే ఈ వార్త అధికారికంగా వెలువడాల్సి ఉంది. ప్రస్తుతం సామ్ ఆంటోనీ ‘100’ సినిమా తీస్తూ బిజీగా ఉన్నారు. ఆ చిత్రం పూర్తి కాగానే యోగిబాబుతో సినిమా మొదలుపెట్టనున్నారట. కాగా తెలుగు, తమిళ చిత్రరంగంలో ఇప్పటికే పలువురు హాస్యనటులు... ఆ తర్వాత కాలంలో హీరోలుగా ప్రేక్షకుల ముందుకు వచ్చారు. కొందరు హీరోలుగా నిలదొక్కుకున్నారు కూడా. మరి యోగి ఏ మేరకు సక్సెస్ అవుతాడో వేచి చూడాల్సిందే.



ఆగస్ట్ 31న కో..కో..కోకిల

Updated By ManamFri, 08/24/2018 - 23:25

imageనయనతార టైటిల్ పాత్రధారిగా నెల్సన్ దర్శకత్వంలో లైకా ప్రొడక్షన్స్ నిర్మించిన చిత్రం ‘కోలమావు కోకిల’. ఇటీవల తమిళంలో విడుదలై పెద్ద విజయాన్ని అందుకున్న ఈ చిత్రాన్ని ‘కో..కో..కోకిల’ పేరుతో ఆగస్ట్ 31న తెలుగు ప్రేక్షకులకు అందిస్తున్నారు. ఈ సందర్భంగా లైకా ప్రొడక్షన్స్ ప్రతినిధి మాట్లాడుతూ ‘‘దక్షిణాదిలో నయనతారగారికి హీరోయిన్‌గా ఉన్న పాపులారిటీ గురించి ప్రత్యేకంగా చెప్పక్కర్లేదు. ఆమె నటించిన ‘కోలమావు కోకిల’ చిత్రానికి మంచి ప్రశంసలు అందుతున్నాయి.

బాలీవుడ్ దర్శకుడు కరణ్ జోహార్‌తోపాటు స్టార్ డైరెక్టర్ శంకర్, సూపర్‌స్టార్ రజనీకాంత్ మా సినిమా చూసి imageఅభినందించారు. ఓ సాధారణమైన అమ్మాయి ఓ స్మగ్లింగ్ గ్యాంగ్ చేతిలో అనుకోకుండా చిక్కుకుపోతుంది. అటువంటి విపత్కర పరిస్థితుల నుండి ఆమె ఎలా బయటపడిందనే పాయింట్‌ను డైరెక్టర్ నెల్సన్ ఆసక్తికరంగా తెరకెక్కించారు. ఈ సినిమా తమిళంలో తిరుగులేని విజయాన్ని సొంతం చేసుకుంది. తెలుగులో ‘కో..కో..కోకిల’ పేరుతో విడుదల చేస్తున్నాం. ఈ చిత్రానికి శివకుమార్ విజయన్ సినిమాటోగ్రఫీ, అనిరుధ్ రవిచంద్రన్ మ్యూజిక్, నెల్సన్ టేకింగ్, నయనతార నటన సినిమాకు పెద్ద ఎసెట్‌గా నిలిచాయి. ఈ చిత్రాన్ని ఆగస్ట్ 31న తెలుగులో గ్రాండ్ రిలీజ్ చేస్తున్నాం’’ అన్నారు. 
 



ఆమె బయోపిక్‌లో నటించాలని ఉంది  

Updated By ManamSat, 08/18/2018 - 02:30

దక్షిణాదిన స్టార్ హీరోయిన్‌గా రాణిస్తున్న నయనతార..  తెలుగులో చిరంజీవితో ‘సైరా నరసింహారెడ్డి’ చిత్రంలో నటిస్తున్నారు. అలాగే ఎప్పటిలాగానే తమిళ చిత్రాలతో ఫుల్ బిజీగా ఉన్నారు. భారీ రెమ్యునరేషన్ తీసుకుంటూ నచ్చితే తప్ప.. సినిమా ప్రమోషన్స్‌కు రాని నయనతారకు మంచి క్రేజ్ ఉంది. ఎన్నో వైవిధ్యైమెన పాత్రలతో మెప్పిస్తున్న నయనతార ఇటీవల ఓ ఇంటర్వ్యూలో ఓ కోరికను వెల్లడించారు.

image


అదేంటంటే.. ఆమెకు తమిళనాడు దివంగత ముఖ్యమంత్రి జయలలిత బయోపిక్‌లో నటించాలని ఉందట. అవకాశం వస్తే తప్పకుండా నటిస్తానని కూడా చెప్పారు. మరి జయలలిత బయోపిక్‌ను తెరకెక్కించబోతున్న దర్శకుడు ఎ.ఎల్.విజయ్.. నయనతార కోరికను మన్నించి.. ఆమెకు జయలలిత పాత్ర ఇస్తాడో లేదో తెలియడం లేదు. అయితే ఇండస్ట్రీ వర్గాల సమాచారం ప్రకారం జయలలిత పాత్రలో బాలీవుడ్ హీరోయిన్ విద్యాబాలన్ నటించబోతున్నారు. జయలలిత బయోపిక్‌కు సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి.



కమల్‌తో పోటీగా నయనతార

Updated By ManamSun, 07/15/2018 - 12:14

Nayanatara, while Kamal hassan movie, Kollywood film industryచెన్నై: కోలీవుడ్‌ సినీ పరిశ్రమలో హీరోలకు తామేమీ తీసిపోమనే తరహాలో అందాల తార నయనతార దూసుకెళ్తున్నారు. తన అభినయంతో హీరోయిన్‌ స్థాయిని మించి హీరోలకు గట్టి పోటీ ఇస్తోంది. హీరోలకు సమానమైన పాత్రలను పోషిస్తూ ఒక ప్రత్యేకమైన ట్రెండ్‌ను సెట్ చేస్తున్న నయన.. విలక్షణ నటుడు, అగ్రహీరో కమల్‌హసన్‌తోనే పోటీపడేందుకు సిద్ధమవుతోంది. ‘మాయా’, ‘అరం’ వంటి చిత్రాలతో మెప్పించిన నయన కీలక పాత్రలో నటించిన చిత్రం ‘కోలమావు కోకిల’. ఈ సినిమాను ఆగస్టు 10వ తేదీన విడుదల చేయనున్నట్లు చిత్రయూనిట్ అధికారికంగా ప్రకటించింది. అయితే అదే రోజున ప్రపంచ వ్యాప్తంగా కమల్ అభిమానులు ఎంతో ఆసక్తిగా ఎదురుచూస్తున్న ‘విశ్వరూపం 2’ను విడుదల చేయనున్నారు.

ఇటీవల కమల్‌హాసన్‌ తన సినిమాను ఈ నెల10న విడుదల చేయనున్నట్టు ప్రకటించారు. ‘తూంగావనం’ తర్వాత దాదాపు రెండు సంవత్సరాల అనంతరం కమల్‌ సినిమా మళ్లీ తెరపైకి వస్తోంది. కమల్‌తో పోటీ పడేందుకు లేడీ సూపర్‌స్టార్‌ నయనతార ఎంతమాత్రం వెనకాడటం లేదని కోడంబాక్కం వర్గాలు చెబుతున్నాయి. నెల్సన్‌ దర్శకత్వం వహించిన ‘కోలమావు కోకిల’ చిత్రానికి అనిరుధ్‌ సంగీతం అందించారు. నయనతార, జాక్లిన్‌, యోగిబాబు, శరణ్య పొన్‌వన్నన్‌లు ప్రధాన పాత్రలు పోషించారు.  



న‌య‌న‌తార‌.. ఓ స్మ‌గ్ల‌ర్‌

Updated By ManamSat, 05/19/2018 - 15:51

nayanకోలీవుడ్ లేడీ సూపర్ స్టార్ నయనతార.. ఆర్థిక ఇబ్బందుల కార‌ణంగా స్మ‌గ్ల‌ర్ అవ‌తారం ఎత్తింది. అయితే.. ఇదంతా రియ‌ల్ లైఫ్‌లో అనుకుంటే పొర‌పాటే. రీల్ లైఫ్ కోస‌మే ఆమె స్మ‌గ్ల‌ర్‌గా మారిపోయింది. కాస్త వివ‌రాల్లోకి వెళితే.. ప్ర‌స్తుతం న‌య‌న్ న‌టిస్తున్న సినిమాల‌లో త‌మిళ చిత్రం ‘కొలమావు కోకిల’ ఒక‌టి.  నెల్సన్ దిలీప్ కుమార్ దర్శకత్వం వహిస్తున్న ఈ చిత్రంలో న‌య‌న్ పాత్ర చుట్టే క‌థ తిరుగుతుంది. క‌థానుసారం.. ఆర్ధికపరమైన ఇబ్బందుల‌తో  మాదక ద్రవ్యాలను స‌ర‌ఫ‌రా చేసే స్మగ్ల‌ర్ పాత్ర‌లో న‌యన్ క‌నిపించ‌నుంది. ఈ సినిమాతో న‌టిగా న‌య‌న‌తార మ‌రో స్థాయికి వెళతార‌ని చిత్ర బృందం పేర్కొంది. యోగి బాబు, శరణ్య, అరణ్తాంగి ఇత‌ర‌ కీలక పాత్రల్లో నటిస్తున్న ఈ సినిమాని లైకా ప్రొడక్షన్స్ నిర్మిస్తుండ‌గా.. యువ సంగీత సంచ‌ల‌నం అనిరుధ్‌ రవిచంద్రన్ స్వరాలను సమకూరుస్తున్నారు.



న‌య‌న‌తార కాదు.. ర‌మ్య‌కృష్ణ‌?

Updated By ManamFri, 04/20/2018 - 23:59

ramyaస‌మైక్యాంధ్ర‌ప్ర‌దేశ్‌ మాజీ ముఖ్య‌మంత్రి, దివంగ‌త నేత వై.ఎస్‌.రాజ‌శేఖ‌ర్ రెడ్డి జీవిత క‌థ ఆధారంగా తెర‌కెక్కుతున్న చిత్రం 'యాత్ర‌'. ప్ర‌స్తుతం ప్రీ ప్రొడ‌క్ష‌న్ కార్య‌క్ర‌మాలు జ‌రుపుకుంటున్న ఈ సినిమా.. అతి త్వ‌ర‌లోనే ప‌ట్టాలెక్క‌నుంది. ఇదిలా ఉంటే.. వై.ఎస్‌.ఆర్ పాత్ర‌లో మాలీవుడ్ మెగాస్టార్ మ‌మ్ముట్టి న‌టించ‌నున్న‌ ఈ చిత్రానికి మ‌హి వి.రాఘ‌వ్ ద‌ర్శ‌క‌త్వం వ‌హించ‌నున్న సంగ‌తి తెలిసిందే. కాగా.. వై.ఎస్‌.ఆర్ స‌తీమ‌ణి విజ‌య‌మ్మ పాత్ర‌లో న‌య‌న‌తార న‌టించ‌నుంద‌ని ఆ మ‌ధ్య వార్త‌లు వినిపించాయి. అయితే.. తాజా స‌మాచారం ప్ర‌కారం ఇప్పుడా పాత్ర‌లో ర‌మ్య‌కృష్ణ న‌టించే అవ‌కాశం ఉంద‌ని తెలుస్తోంది. త్వ‌ర‌లోనే ర‌మ్య ఎంట్రీపై క్లారిటీ రానుంది.



'జై సింహా' 100 డేస్ ఫంక్ష‌న్ అప్‌డేట్‌

Updated By ManamTue, 04/17/2018 - 20:13

balakrishnaనంద‌మూరి బాల‌కృష్ణ, న‌య‌న‌తార‌, హ‌రిప్రియ‌, న‌టాషా దోషి హీరోహీరోయిన్లుగా ప్ర‌ముఖ త‌మిళ ద‌ర్శ‌కుడు కె.ఎస్‌.ర‌వికుమార్ రూపొందించిన చిత్రం 'జై సింహా'. సంక్రాంతికి విడుద‌లైన ఈ సినిమా హిట్ టాక్ తెచ్చుకోవ‌డ‌మే కాకుండా.. వ‌సూళ్ళ ప‌రంగానూ మెప్పించింది. ఇదిలా ఉంటే.. ఏప్రిల్ 21తో ఈ చిత్రం 100 రోజులు పూర్తిచేసుకోనుంది. ఈ సంద‌ర్భంగా.. ఏప్రిల్ 22న గుంటూరు జిల్లాలోని చిల‌క‌లూరి పేట న్యూ మార్కెట్ యార్డ్‌లో సాయంత్రం 5 గంట‌ల‌కు శ‌త‌దినోత్స‌వ వేడుక జ‌రిపేందుకు చిత్ర బృందం స‌న్నాహాలు చేస్తోంది. 



'రంగస్థలం’ విలేజ్ సెట్‌లో ‘సైరా నరసింహారెడ్డి’

Updated By ManamMon, 04/16/2018 - 16:19

syeraaమెగాస్టార్ చిరంజీవి, లేడీ సూప‌ర్ స్టార్ నయనతార జంట‌గా సురేందర్ రెడ్డి దర్శకత్వంలో రూపొందుతున్న‌ చిత్రం ‘సైరా నరసింహారెడ్డి’. అమితాబ్ బచ్చన్, జగపతిబాబు, కిచ్చా సుదీప్, విజయ్ సేతుపతి ఇత‌ర ముఖ్యపాత్రల్లో నటిస్తున్నారు. కొణిదెల ప్రొడక్షన్స్ పతాకంపై.. రూ.150 కోట్ల భారీ బడ్జెట్‌తో మెగాపవర్ స్టార్ రామ్ చరణ్ ఈ సినిమాని నిర్మిస్తున్నారు. ప్రస్తుతం హైదరాబాద్‌లోని అల్యూమినియం ఫ్యాక్టరీలో ప్రత్యేకంగా రూపొందించిన కోయిలకుంట్ల ట్రెజ‌రీ సెట్‌లో షూటింగ్‌ను జ‌రుపుతున్నారు.

ఇదిలా ఉంటే.. ‘రంగస్థలం’ మూవీ కోసం వేసిన విలేజ్‌ సెట్ స్థలంలోనే.. ‘సైరా’ కోసం మరో భారీ సెట్‌ను వేయనున్నార‌ని తెలిసింది. ప్రస్తుతం ఈ సెట్ నిర్మాణానికి సంబంధించిన‌ పనులు చకచకా జరుగుతున్నాయి. తదుపరి షెడ్యూల్‌ను ఈ సెట్‌లోనే చిత్రీకరించనున్నట్టు చిత్ర స‌న్నిహిత వ‌ర్గాలు పేర్కొంటున్నాయి.



ఆ ఇద్ద‌రితోనూ న‌య‌న్‌ మ‌రోసారి?

Updated By ManamWed, 04/04/2018 - 23:03

nayanataraతమిళ క‌థానాయ‌కుడు శివ కార్తికేయన్, దర్శకుడు ఎం.రాజేష్ కాంబినేషన్‌లో ఓ సినిమా తెరకెక్కబోతోంది. స్టూడియో గ్రీన్ పతాకంపై కె.ఇ.జ్ఞానవేల్ రాజా ఈ చిత్రాన్ని నిర్మిస్తున్నారు. కాగా.. ఈ సినిమాలో కథానాయిక పాత్ర కోసం కోలీవుడ్ లేడీ సూపర్ స్టార్ నయనతారను సంప్రదించారు దర్శకుడు. ప్రస్తుతం వీరి మధ్య చర్చలు సాగుతున్నాయి. ఒకవేళ నయనతార ఈ చిత్రంలో నటించడానికి గ్రీన్ సిగ్నల్ ఇచ్చినట్లయితే.. ఈ ఇద్ద‌రి కాంబినేషన్‌లో ఈమె న‌టించే రెండో సినిమా ఇద‌వుతుంది. గతంలో ఎం.రాజేష్ దర్శకత్వంలో ‘బాస్ ఎంగిర భాస్కరన్’ చిత్రంలో నటించగా.. తాజాగా శివ కార్తికేయన్ సరసన ‘వేలైక్కారన్’ సినిమాలో నటించారు నయన్. త్వరలోనే ఈ చిత్రానికి సంబంధించి మరిన్ని విషయాలను వెల్లడించనున్నారు.





Related News