nayanatara

న‌య‌న‌తార కాదు.. ర‌మ్య‌కృష్ణ‌?

Updated By ManamFri, 04/20/2018 - 23:59

ramyaస‌మైక్యాంధ్ర‌ప్ర‌దేశ్‌ మాజీ ముఖ్య‌మంత్రి, దివంగ‌త నేత వై.ఎస్‌.రాజ‌శేఖ‌ర్ రెడ్డి జీవిత క‌థ ఆధారంగా తెర‌కెక్కుతున్న చిత్రం 'యాత్ర‌'. ప్ర‌స్తుతం ప్రీ ప్రొడ‌క్ష‌న్ కార్య‌క్ర‌మాలు జ‌రుపుకుంటున్న ఈ సినిమా.. అతి త్వ‌ర‌లోనే ప‌ట్టాలెక్క‌నుంది. ఇదిలా ఉంటే.. వై.ఎస్‌.ఆర్ పాత్ర‌లో మాలీవుడ్ మెగాస్టార్ మ‌మ్ముట్టి న‌టించ‌నున్న‌ ఈ చిత్రానికి మ‌హి వి.రాఘ‌వ్ ద‌ర్శ‌క‌త్వం వ‌హించ‌నున్న సంగ‌తి తెలిసిందే. కాగా.. వై.ఎస్‌.ఆర్ స‌తీమ‌ణి విజ‌య‌మ్మ పాత్ర‌లో న‌య‌న‌తార న‌టించ‌నుంద‌ని ఆ మ‌ధ్య వార్త‌లు వినిపించాయి. అయితే.. తాజా స‌మాచారం ప్ర‌కారం ఇప్పుడా పాత్ర‌లో ర‌మ్య‌కృష్ణ న‌టించే అవ‌కాశం ఉంద‌ని తెలుస్తోంది. త్వ‌ర‌లోనే ర‌మ్య ఎంట్రీపై క్లారిటీ రానుంది.



'జై సింహా' 100 డేస్ ఫంక్ష‌న్ అప్‌డేట్‌

Updated By ManamTue, 04/17/2018 - 20:13

balakrishnaనంద‌మూరి బాల‌కృష్ణ, న‌య‌న‌తార‌, హ‌రిప్రియ‌, న‌టాషా దోషి హీరోహీరోయిన్లుగా ప్ర‌ముఖ త‌మిళ ద‌ర్శ‌కుడు కె.ఎస్‌.ర‌వికుమార్ రూపొందించిన చిత్రం 'జై సింహా'. సంక్రాంతికి విడుద‌లైన ఈ సినిమా హిట్ టాక్ తెచ్చుకోవ‌డ‌మే కాకుండా.. వ‌సూళ్ళ ప‌రంగానూ మెప్పించింది. ఇదిలా ఉంటే.. ఏప్రిల్ 21తో ఈ చిత్రం 100 రోజులు పూర్తిచేసుకోనుంది. ఈ సంద‌ర్భంగా.. ఏప్రిల్ 22న గుంటూరు జిల్లాలోని చిల‌క‌లూరి పేట న్యూ మార్కెట్ యార్డ్‌లో సాయంత్రం 5 గంట‌ల‌కు శ‌త‌దినోత్స‌వ వేడుక జ‌రిపేందుకు చిత్ర బృందం స‌న్నాహాలు చేస్తోంది. 



'రంగస్థలం’ విలేజ్ సెట్‌లో ‘సైరా నరసింహారెడ్డి’

Updated By ManamMon, 04/16/2018 - 16:19

syeraaమెగాస్టార్ చిరంజీవి, లేడీ సూప‌ర్ స్టార్ నయనతార జంట‌గా సురేందర్ రెడ్డి దర్శకత్వంలో రూపొందుతున్న‌ చిత్రం ‘సైరా నరసింహారెడ్డి’. అమితాబ్ బచ్చన్, జగపతిబాబు, కిచ్చా సుదీప్, విజయ్ సేతుపతి ఇత‌ర ముఖ్యపాత్రల్లో నటిస్తున్నారు. కొణిదెల ప్రొడక్షన్స్ పతాకంపై.. రూ.150 కోట్ల భారీ బడ్జెట్‌తో మెగాపవర్ స్టార్ రామ్ చరణ్ ఈ సినిమాని నిర్మిస్తున్నారు. ప్రస్తుతం హైదరాబాద్‌లోని అల్యూమినియం ఫ్యాక్టరీలో ప్రత్యేకంగా రూపొందించిన కోయిలకుంట్ల ట్రెజ‌రీ సెట్‌లో షూటింగ్‌ను జ‌రుపుతున్నారు.

ఇదిలా ఉంటే.. ‘రంగస్థలం’ మూవీ కోసం వేసిన విలేజ్‌ సెట్ స్థలంలోనే.. ‘సైరా’ కోసం మరో భారీ సెట్‌ను వేయనున్నార‌ని తెలిసింది. ప్రస్తుతం ఈ సెట్ నిర్మాణానికి సంబంధించిన‌ పనులు చకచకా జరుగుతున్నాయి. తదుపరి షెడ్యూల్‌ను ఈ సెట్‌లోనే చిత్రీకరించనున్నట్టు చిత్ర స‌న్నిహిత వ‌ర్గాలు పేర్కొంటున్నాయి.



ఆ ఇద్ద‌రితోనూ న‌య‌న్‌ మ‌రోసారి?

Updated By ManamWed, 04/04/2018 - 23:03

nayanataraతమిళ క‌థానాయ‌కుడు శివ కార్తికేయన్, దర్శకుడు ఎం.రాజేష్ కాంబినేషన్‌లో ఓ సినిమా తెరకెక్కబోతోంది. స్టూడియో గ్రీన్ పతాకంపై కె.ఇ.జ్ఞానవేల్ రాజా ఈ చిత్రాన్ని నిర్మిస్తున్నారు. కాగా.. ఈ సినిమాలో కథానాయిక పాత్ర కోసం కోలీవుడ్ లేడీ సూపర్ స్టార్ నయనతారను సంప్రదించారు దర్శకుడు. ప్రస్తుతం వీరి మధ్య చర్చలు సాగుతున్నాయి. ఒకవేళ నయనతార ఈ చిత్రంలో నటించడానికి గ్రీన్ సిగ్నల్ ఇచ్చినట్లయితే.. ఈ ఇద్ద‌రి కాంబినేషన్‌లో ఈమె న‌టించే రెండో సినిమా ఇద‌వుతుంది. గతంలో ఎం.రాజేష్ దర్శకత్వంలో ‘బాస్ ఎంగిర భాస్కరన్’ చిత్రంలో నటించగా.. తాజాగా శివ కార్తికేయన్ సరసన ‘వేలైక్కారన్’ సినిమాలో నటించారు నయన్. త్వరలోనే ఈ చిత్రానికి సంబంధించి మరిన్ని విషయాలను వెల్లడించనున్నారు.



ఆ రీమేక్‌లో న‌య‌న‌తార‌?

Updated By ManamWed, 04/04/2018 - 15:38

nayanataraత‌మిళ‌నాట లేడీ సూప‌ర్‌స్టార్‌గా రాణిస్తున్నారు న‌య‌న‌తార‌. ప్ర‌స్తుతం.. క‌థానాయిక ప్రాధాన్య‌త ఉన్న సినిమాల వైపే మొగ్గు చూపిస్తున్నారు ఈ కేర‌ళ‌కుట్టి. ఇదిలా ఉంటే.. ఇప్ప‌టికే 'మాయ' (తెలుగులో మ‌యూరి), 'డోర' వంటి హార‌ర్ మూవీ చిత్రాలు చేసిన న‌య‌న్‌.. మ‌రో హార‌ర్ మూవీ చేయ‌బోతున్నార‌ని కోలీవుడ్ వ‌ర్గాలు పేర్కొంటున్నాయి. కాస్త వివ‌రాల్లోకి వెళితే.. అనుష్క శ‌ర్మ క‌థానాయిక‌గా హిందీలో రూపొందిన హార‌ర్ మూవీ 'ప‌రి'. ఈ సినిమాని త‌మిళంలో రీమేక్ చేసేందుకు ఓ నిర్మాత స‌న్నాహాలు చేసుకుంటున్నారు. అనుష్క శ‌ర్మ పాత్ర కోసం.. న‌య‌న‌తార అయితే బాగుంటుంద‌ని ఆయ‌న భావిస్తున్నార‌ట‌. మ‌రి.. న‌య‌న్ ఈ సినిమాకి గ్రీన్ సిగ్న‌ల్ ఇస్తారో లేదో తెలియాలంటే కొన్నాళ్లు ఆగాల్సిందే. కాగా, ప్ర‌స్తుతం చిరంజీవి 151వ చిత్రం 'సైరా న‌ర‌సింహారెడ్డి'లో న‌య‌న్ క‌థానాయిక‌గా న‌టిస్తున్న సంగ‌తి తెలిసిందే.    



న‌య‌న‌తారపై నిర్మాత‌ల ఆగ్ర‌హం

Updated By ManamFri, 03/30/2018 - 18:36

nayanataraడిజిటల్ సర్వీస్ ప్రొవైడర్స్ (డి.ఎస్.పీ) వైఖరికి నిరసనగా ఈ నెల 16నుంచి కోలీవుడ్ పరిశ్రమలో బంద్ నిర్వహిస్తున్న సంగతి తెలిసిందే. ఈ సమయంలో సినిమా విడుదల కాని, ఆడియో ఫంక్షన్స్‌గాని.. ఇలా సినిమాలకి సంబంధించి ఏ ఒక్క వేడుకని కూడా నిర్వహించరాదని నిర్ణ‌యం తీసుకున్నారు. ఈ నేపథ్యంలో తమిళనాడులో తెలుగు, మలయాళం, హిందీ సినిమాలు మినహా ఒక్క‌ తమిళ సినిమా కూడా విడుదల కావ‌డం లేదు.

ఇదిలా ఉంటే.. కోలీవుడ్‌ లేడీ సూపర్ స్టార్ నయనతార 2016లో ‘పుదియ నియమం’ అనే మళయాళ చిత్రంలో నటించారు. ఈ చిత్రానికి గానూ ఉత్తమ నటిగా ఫిలింఫేర్‌ను కూడా సొంతం చేసుకున్నారు నయన్‌. తాజాగా ఈ చిత్రాన్ని ‘వాసుకి’ అనే పేరుతో తమిళంలోకి డ‌బ్‌ చేశారు. ఈ సినిమాని నిన్న (గురువారం) తమిళనాట విడుదల చేశారు. ప్రస్తుతం కోలీవుడ్ బంద్ పాటిస్తున్న ఈ క్రమంలో.. సినిమా ఎలా విడుదలైందనీ, ఎవరికీ లేని ప్రత్యేకత నయనతారకు మాత్రం ఎందుకని ఓ వర్గం నిర్మాతలు ఆగ్రహం వ్యక్తం చేశారు. దీనిపై నిరసిస్తూ చెన్నైలో నయన్‌ ఇంటిని ముట్ట‌డిస్తామ‌ని ప్రకటించారు.

ఈ నేపథ్యంలో నయన్‌ స్పందిస్తూ, “మలయాళం వెర్ష‌న్‌కు సంబంధించి.. నేను ఈ సినిమాలో నటించాను. త‌మిళ డ‌బ్బింగ్ వెర్ష‌న్‌కు సంబంధించి నాకు ఎటువంటి సంబంధం లేదు. అలాంట‌ప్పుడు.. కేవలం ఒరిజ‌న‌ల్ వెర్ష‌న్‌లో నటించినంత మాత్రాన నన్ను బాధ్యురాలిని చేయడం ఎంతవరకు సమంజసం” అంటూ ఆవేదన వ్యక్తం చేశారు.



వైర‌ల్.. 'సైరా'లో అమితాబ్‌ లుక్‌

Updated By ManamTue, 03/27/2018 - 16:22

amitaab bacchanమెగాస్టార్ చిరంజీవి, ద‌ర్శ‌కుడు సురేందర్ రెడ్డి కాంబినేషన్‌లో ‘సైరా నరసింహారెడ్డి’ చిత్రం తెరకెక్కుతున్న విషయం తెలిసిందే. ప్రస్తుతం చిత్రీకరణ శరవేగంగా  జ‌రుగుతోంది. తాజాగా రెండో షెడ్యూల్‌ను కూడా పూర్తిచేశార‌ని స‌మాచారం. ఈ షెడ్యూల్‌లో చిరంజీవి, నయనతార, జగపతి బాబు తదితరులపై కొన్ని ముఖ్యమైన సన్నివేశాలను చిత్రీకరించారు.  

ఈ నెల 29 (గురువారం) నుంచి మూడో షెడ్యూల్ ప్రారంభం కానుంద‌ని తెలిసింది. ఈ షెడ్యూల్‌లో బాలీవుడ్ మెగా స్టార్ అమితాబ్ బచ్చన్‌పై కొన్ని కీలక సన్నివేశాలను షూట్ చేయనున్నార‌ని టాలీవుడ్ వ‌ర్గాలు పేర్కొంటున్నాయి. ఈ సినిమాలో అమితాబ్‌తో పాటు విజయ్ సేతుపతి, సుదీప్ పాత్రలు కూడా ప్రత్యేక‌ ఆకర్షణగా నిలవనున్నాయని తెలుస్తోంది. ఇదిలా ఉంటే.. 'సైరా'లో అమితాబ్ లుక్ అంటూ ఓ స్టిల్ సోష‌ల్ మీడియాలో వైర‌ల్ అవుతోంది. దీనికి మంచి స్పంద‌న వ‌స్తోంది.

కాగా, ఈ చిత్రానికి సంగీత దర్శకుడిగా బాలీవుడ్ మ్యూజిక్ డైరెక్టర్ అమిత్ త్రివేది పేరు వినిపిస్తోంది. ప్రస్తుతం చర్చలు జరుగుతున్నాయి. మరికొద్ది రోజుల్లో ఈ విషయంపై  క్లారిటీ వచ్చే అవకాశం ఉంది. వ‌చ్చే ఏడాది  ప్ర‌థ‌మార్థంలో ఈ సినిమా తెర‌పైకి రానుంది.



‘సైరా’.. నయనతార సంద‌డి మొద‌లైంది

Updated By ManamTue, 03/20/2018 - 13:36

nayanataraమెగాస్టార్ చిరంజీవి,  ద‌ర్శ‌కుడు సురేందర్ రెడ్డి కలయికలో ‘సైరా న‌ర‌సింహారెడ్డి’ చిత్రం తెరకెక్కుతున్న విషయం విదితమే. నయనతార కథానాయిక కాగా.. అమితాబ్ బచ్చన్, జగపతి బాబు కీలక పాత్రలు పోషిస్తున్నారు. ఇప్పటికే పూర్తైన మొదటి షెడ్యూల్‌లో.. సంతృప్తికరంగా లేని కొన్ని సన్నివేశాలను ఇటీవ‌ల‌ మళ్ళీ చిత్రీకరించారు. అలాగే.. తాజాగా రెండో షెడ్యూల్‌ను కూడా ప్రారంభించారు. ఈ షెడ్యూల్లో నయనతార కూడా ‘సైరా’ టీంతో జాయిన్ అయ్యారు. ఈ నేపథ్యంలో చిరంజీవి, నయనతార, జగపతిబాబుపై కొన్ని సన్నివేశాలను నానక్ రామ్ గూడా(హైదరాబాద్)లో చిత్రీకరిస్తున్నారు. సినిమాలో ప్రధాన ఆకర్షణగా చెప్పుకునే సన్నివేశాల్లో ఇవి కూడా ఉంటాయ‌ని చిత్ర బృందాలు వెల్లడిస్తున్నాయి. కాగా, ఈ నెల 28నుంచి ఈ షెడ్యూల్‌లో అమితాబ్ కూడా చేరుతారని నిర్మాణ వర్గాలు తెలియజేస్తున్నాయి. రూ.150కోట్లతో తెరకెక్కుతున్న ఈ సినిమా వచ్చే ఏడాది ప్రేక్షకుల ముందుకు రానుంది.



'క‌ర్త‌వ్యం' రివ్యూ

Updated By ManamFri, 03/16/2018 - 12:14

karthavyamచిత్రంః క‌ర్త‌వ్యం
న‌టీన‌టులుః న‌య‌న‌తార‌, రాజా కృష్ణ‌మూర్తి, రామ‌చంద్ర‌న్ దురైరాజ్‌, సును ల‌క్ష్మి, బేబి మ‌హాల‌క్ష్మీ, మాస్ట‌ర్ విఘ్నేష్, త‌మ్మారెడ్డి భ‌రద్వాజ‌, సుద్ధాల అశోక్ తేజ‌ త‌దిత‌రులు
సంగీతంః జిబ్రాన్‌
ఛాయాగ్ర‌హ‌ణంః ఓం ప్ర‌కాశ్‌
కూర్పుః రూబెన్‌
నిర్మాత‌లుః శ‌ర‌త్ మ‌రార్‌, ఆర్‌.ర‌వీంద్ర‌న్‌
ర‌చ‌న - ద‌ర్శ‌క‌త్వంః  గోపీ న‌య‌నార్‌
విడుద‌ల తేదిః మార్చి 16, 2018

సినిమా అంటే ఎంట‌ర్‌టైన్‌మెంట్ మాత్ర‌మే అనేది చాలా మంది ద‌ర్శ‌కుల అభిప్రాయం. అందుకే.. సినిమాని వినోద మాధ్య‌మంగానే ప‌రిగ‌ణిస్తుంటారు. అయితే అతి కొద్ది మంది ద‌ర్శ‌కులు మాత్ర‌మే.. సినిమాని వినోదం కోసం కాకుండా సామాజిక స్పృహ‌తో కూడిన అర్థ‌వంత‌మైన ప్ర‌య‌త్నాల‌కు వేదిక‌గా మ‌లుచుకుంటారు. వారిలో ఒక‌రిగా త‌మిళ ద‌ర్శ‌కుడు గోపీ న‌య‌నార్‌ను చెప్పుకోవ‌చ్చు. న‌య‌న‌తార ప్ర‌ధాన పాత్ర‌లో ఈ ద‌ర్శ‌కుడు రూపొందించిన త‌మిళ చిత్రం 'ఆర‌మ్' త‌మిళ‌నాట ఘ‌న‌విజ‌యం సాధించింది. ఇప్పుడు అదే చిత్రం తెలుగులో 'క‌ర్త‌వ్యం' పేరుతో శుక్ర‌వారం ప్రేక్ష‌కుల ముందుకొచ్చింది. ఈ సినిమాపై 'మనం' అందిస్తున్న స‌మీక్ష మీ కోసం..

క‌థాంశంః 
karthavyamనెల్లూరు జిల్లా క‌లెక్టర్ మ‌ధువ‌ర్షిణి (న‌య‌న‌తార‌). జీతం కోసం ఉద్యోగం చేయ‌డం ఆమెకు ఇష్టం ఉండ‌దు. ఉద్యోగం అంటే.. ఆ ఉద్యోగం ద్వారా ప్ర‌జ‌ల కోస‌మే జీవించ‌డం, ప‌నిచేయ‌డం అని న‌మ్మే మ‌నిషి ఆమె. అంత‌రిక్ష ప్ర‌యోగం జ‌రిపే ప్రాంతానికి ద‌గ్గ‌ర‌లో ఉన్న ఓ గ్రామానికి  వ‌స్తుంది మ‌ధు. ఆ ఊరికి త్రాగునీటి స‌మ‌స్య ఉంటుంది. ఆ స‌మ‌స్య తీర్చే ప్ర‌య‌త్నంలో ఉన్న‌ప్పుడే.. వేనాడు గ్రామానికి చెందిన బుల్లెబ్బాయ్ (రామ‌చంద్ర‌న్ దురైరాజ్‌), సుమ‌తి (సును ల‌క్ష్మి)ల నాలుగేళ్ళ కూతురు ధ‌న్సిక (బేబి మ‌హాల‌క్ష్మి) బోరు బావిలో ప‌డిపోయింద‌ని తెలుస్తుంది. దాదాపు 146 అడుగుల లోతు ఉన్న ఆ బావి.. కౌన్సిల‌ర్‌ బాల‌కు చెందిన ప్రాంతంలో ఉంటుంది. నీళ్ళు ప‌డ‌క‌పోవ‌డంతో.. ఆ బోర్ బావిని మూయ‌కుండా అలాగే ఉంచేస్తారు. కూలీ ప‌నికి వ‌చ్చిన సుమ‌తితో పాటు అక్క‌డికి వ‌చ్చిన ధ‌న్సిక‌.. ప్ర‌మాద‌వ‌శ‌త్తు అందులో పడిపోతుంది. మొద‌ట 36 అడుగుల లోతులో ఉండిపోయిన ఆ పాప‌ని.. అగ్నిమాప‌క ద‌ళం, మెడిక‌ల్ టీమ్ స‌హాయంతో పైకి తీసుకువ‌చ్చే ప్ర‌య‌త్నం చేస్తుంది మ‌ధు. అయితే.. ఆ ప్ర‌య‌త్నం విఫ‌ల‌మై మ‌ళ్ళీ బావిలో ప‌డుతుంది పాప‌. ఈ సారి 93 అడుగుల లోతుకి వెళుతుంది. పాప‌ను బ‌య‌ట‌కు తీసుకురావ‌డానికి స‌రిప‌డ సాంకేతిక పరిక‌రాలేవి అందుబాటులో లేక‌పోవ‌డంతో.. మ‌ధు ఏం చేస్తుంది?  చివ‌ర‌కు ఆ పాప బోర్ బావి నుంచి బ‌య‌ట‌ప‌డిందా? లేదా? అన్న‌దే ఈ చిత్ర క‌థాంశం.

విశ్లేష‌ణ‌
మ‌నం నిత్యం దిన‌ప‌త్రిక‌ల్లోనూ, టీవీ ఛాన‌ళ్ళ‌లోనూ చూసే 'బోర్ బావి' దుర్ఘ‌ట‌న‌ల ఆధారంగా అల్లుకున్న క‌థ ఇది. దీనికి త్రాగునీటి స‌మ‌స్య‌ని జ‌త‌చేస్తూ ద‌ర్శ‌కుడు గోపీ న‌య‌నార్ త‌యారుచేసుకున్న క‌థ ఆలోచ‌న రేకెత్తించేలా ఉంది. ఒక‌వైపు అంత‌రిక్ష ప్ర‌యోగాల కోసం ల‌క్ష‌ల్లో ఖ‌ర్చు పెట్టే ప్ర‌భుత్వం.. మ‌రో వైపు బోర్ బావుల్లో ప్ర‌మాద‌వ‌శాత్తు ప‌డిపోయిన పిల్ల‌ల‌ను కాపాడుకోవ‌డానికి వంద‌ల్లో వేల‌ల్లో కూడా ఖ‌ర్చు పెట్ట‌క‌పోవ‌డం గురించి సూటిగా ప్ర‌శ్నించే విధానం ఆలోచింప‌జేసేలా ఉంటుంది. వాస్త‌విక‌త‌కు అద్దం ప‌డుతూ.. సినిమాని తీర్చిదిద్దిన విధానం ప్ర‌శంస‌నీయం. అలాగే ఓ మ‌హిళా క‌లెక్ట‌ర్ ఇలాంటి ప‌రిస్థితుల్లో ఎదుర్కొనే స‌మ‌స్య‌ల‌ను కూడా చ‌క్క‌గా ఆవిష్క‌రించారాయ‌న‌. ప్ర‌జ‌ల కోసం ఆలోచించే ఆ క‌లెక్ట‌ర్ పాత్ర‌ని ఆయ‌న తీర్చిదిద్దిన తీరు కూడా బాగుంది. ఇలాంటి అధికారులు ఉంటే.. ప్ర‌జ‌ల‌కు ఎదురయ్యే ఎలాంటి స‌మ‌స్య అయినా ప‌రిష్కార‌మవుతుందన్న‌ట్లుగా ఆ పాత్ర‌ను చూపించారు. అదేవిధంగా.. ప్ర‌భుత్వం అంటే ప్ర‌జ‌లే అని చెప్పే సంభాష‌ణ‌లు ఆక‌ట్టుకునేలా ఉంటాయి. విచార‌ణ‌కి వ‌చ్చిన మాజీ క‌లెక్ట‌ర్‌, ఓ ప్ర‌భుత్వ అధికారి(రాజా కృష్ణ‌మూర్తి)కి మ‌ధ్య న‌డిచే విచార‌ణ నేప‌థ్యంలో సినిమాని ఆద్యంతం ఆస‌క్తిక‌రంగా మ‌లుచుకున్న విధానం బాగుంది.

nayanన‌టీన‌టుల విష‌యానికి వ‌స్తే..  క‌లెక్ట‌ర్ మ‌ధు వ‌ర్షిణి పాత్ర‌లో న‌య‌న‌తార ఒదిగిపోయార‌నే చెప్పాలి. నిజంగానే ఓ క‌లెక్ట‌ర్ మాదిరిగా చాలా హుందాగా క‌నిపించారు. ప్ర‌జ‌ల స‌మ‌స్య‌కి వెంట‌నే స్పందించే సంద‌ర్భాల్లోనూ.. పాప‌ని కాప‌డ‌డానికి చ‌ర్య‌లు తీసుకునే సంద‌ర్భాల్లోనూ.. రాజ‌కీయ నాయ‌కుల మాట‌ల‌కు నొచ్చుకునే సంద‌ర్భాల్లోనూ.. ధ‌న్సిక అన్న భాను (మాస్ట‌ర్ విఘ్నేష్‌)ని మోటివేట్ చేసే సంద‌ర్భంలోనూ.. పాప‌ ప్రాణాల‌తో బ‌య‌ట‌ప‌డ్డాక సంతోషాన్ని వ్య‌క్తం చేసే సంద‌ర్భంలోనూ.. ఆమె న‌ట‌న మెప్పిస్తుంది. పాప త‌ల్లిదండ్రులుగా న‌టించిన రామ‌చంద్ర‌న్ దురైరాజ్‌, సును ల‌క్ష్మి న‌ట‌న కూడా సహ‌జంగా ఉంది. మిగిలిన న‌టీన‌టులంతా కూడా ఎవ‌రి పాత్ర‌ల్లో వాళ్లు చ‌క్క‌గా న‌టించారు.

సాంకేతికంగా సినిమా ఉన్న‌తంగా ఉంది. జిబ్రాన్ సంగీతంలో 'పిడుగులు ప‌డినా' పాట‌ స‌న్నివేశాల్లో గాఢ‌త‌ని పెంచింది. అలాగే నేప‌థ్య సంగీతం అడుగడుగున సినిమా మూడ్‌ని ఎలివేట్ చేస్తూనే ఉంది. ఓం ప్ర‌కాశ్ ఛాయాగ్ర‌హ‌ణం.. సినిమా చూస్తున్న ఫీలింగ్‌ని కాకుండా.. వాస్తవ ప‌రిస్థితుల‌ను క‌ళ్ళ ఎదుటే చూస్తున్నామ‌న్న‌ట్లుగా చ‌క్క‌గా కుదిరింది. ఎడిటింగ్ కూడా బాగుంది. మాట‌ల్లో 'ఒక ప్రాణం నా క‌ళ్ళ‌ముందు కొట్టుమిట్టాడుతుంటే మాన‌వ‌త్వం ఉన్న మ‌నిషిగా ఏ మాత్రం ఆవేశానికి లోన‌వ‌కుండా నా క‌ర్త‌వ్యాన్ని నిర్వ‌ర్తించాను', 'అధికారులు ఎలా ప‌నిచేస్తున్నార‌నేది ప్ర‌జ‌ల‌లోకి వెళితేనే తెలుస్తుంది', 'వాంతులు, విరేచ‌నాల‌కు, క‌లరాకు మందు ఉంది.. దాహంతో చ‌నిపోయే వాళ్ళ‌కు మందు ఏది?  దానికి నీళ్ళే మందు', 'ప్ర‌జ‌ల‌కు ఏది అవ‌స‌ర‌మో అదే చ‌ట్టం కావాలి కానీ మ‌నం ముందే  దాన్ని త‌యారు చేసి ప్ర‌జ‌ల మీద‌కు రుద్ద‌కూడ‌దు', 'మా కుల‌దైవం ఎంక‌న్న స్వామిని వేడుకుంటున్న‌ట్లు వేడుకుంటున్నాన్న‌మ్మా', 'అంత‌రిక్షంలోకి వెళ్ళ‌డం గొప్ప కాదు.. అధః పాతాళానికి ధైర్యంగా వెళ్ళి వ‌చ్చేవాడు గొప్ప‌', 'ప‌ద‌వి వ‌ల్ల వ‌చ్చే అధికారం వ‌ద్దు.. ప్ర‌జ‌లు ఇచ్చే అధికారం కావాలి', 'నా డ్యూటీ.. పై అధికారుల‌ను క‌న్వీన్స్ చేయ‌డం కాదు.. ప్ర‌జ‌ల‌కు సేవ చేయ‌డం' వంటి ప‌లు డైలాగులు అర్థ‌వంతంగా, ఆలోచింప‌జేసేలా ఉన్నాయి. నిర్మాణ విలువ‌లు బాగున్నాయి.

చివ‌ర‌గాః క‌ర్త‌వ్యం.. అర్థ‌వంత‌మైన ప్ర‌య‌త్నం
రేటింగ్ః 4/5                                                                                           - మ‌ల్లిక్ పైడి



న‌య‌న‌తార 'కోకో' ఫ‌స్ట్ లుక్

Updated By ManamMon, 03/05/2018 - 20:17

nayanataraకోలీవుడ్ లేడీ సూప‌ర్‌స్టార్ న‌య‌న‌తార న‌టించిన తాజా త‌మిళ చిత్రం 'కోల‌మావు కోకిల‌' (కోకో). నెల్స‌న్ ద‌ర్శ‌క‌త్వం వ‌హిస్తున్న ఈ చిత్రానికి అనిరుధ్ సంగీత‌మందిస్తున్నాడు. లైకా ప్రొడ‌క్ష‌న్స్ సంస్థ ఈ చిత్రాన్ని నిర్మిస్తోంది. ఇదిలా ఉంటే.. ఈ సినిమా ఫ‌స్ట్ లుక్‌ను సోమ‌వారం విడుద‌ల చేశారు. ఎక్క‌డికో ప్ర‌యాణ‌మైన న‌య‌న్‌.. ఓ చోట నిల‌బ‌డి ఏదో విష‌య‌మై ఆలోచిస్తూ ఉన్న‌ట్లుగా ఈ ఫ‌స్ట్ లుక్‌ను డిజైన్ చేశారు. కాగా, మార్చి 8న ఈ సినిమాకి సంబంధించిన ఫ‌స్ట్ సింగిల్‌ను విడుద‌ల చేయ‌బోతున్న‌ట్లు చిత్ర బృందం ప్ర‌క‌టించింది.




Related News