dollar

మరింత క్షీణించిన రూపాయి

Updated By ManamWed, 10/03/2018 - 12:27

Rupeeముంబయి: దేశీయ కరెన్సీ రూపాయి మరింత కనిష్టాన్ని తాకింది. బుధవారం నాటి ట్రేడింగ్‌తో డాలర్ రూపాయి మారకం విలువ 73.34కు చేరింది. దిగుమతిదారుల నుంచి డాలర్‌కు డిమాండ్ పెరగడంతో పాటు అంతర్జాతీయంగా ముడిచమురు ధరలు పెరగడం, విదేశీ పెట్టుబడులు వెనక్కి తీసుకోవడంతో దేశీయంగా రూపాయి విలువ భారీగా పతనమైందని మార్కెట్ విశ్లేషకులు చెబుతున్నారు. మంగళవారం నాటి సెన్‌లో 72.91వద్ద ఉన్న రూపాయి.. బుధవారం ఉదయానికి 73మార్క్‌ను దాటింది. మరోపైపు రూపాయి పతనంతో దేశీయ మార్కెట్లు నష్టాల్లో కొనసాగుతున్నాయి.



మరింత కనిష్టానికి రూపాయి

Updated By ManamWed, 09/12/2018 - 10:52

Rupeeముంబై: గత కొన్ని రోజులుగా పడిపోతూ వస్తున్న దేశీయ కరెన్సీ రూపాయి తాజాగా మరింత కనిష్టానికి చేరింది. బుధవారం ఆరంభంలోనే 41పైసలు క్షీణించింది. ప్రస్తుతం డాలర్ మారకంలో రుపాయి విలువ 72.91 స్థాయిని తాకింది. ముడిచమురు ధరలు పెరగడంతో పాటు విదేశీ మదుపర్లు పెట్టుబడులను వెనక్కి తీసుకుంటుండటం రూపాయిపై తీవ్ర ప్రభావం చూపిస్తున్నాయి. దీనికి తోడు ప్రపంచ వాణిజ్య యుద్ధ భయాల నేపథ్యంలో బ్యాంకులు, దిగుమతి దారుల నుంచి డాలర్‌కు డిమాండ్ పెరుగుతోంది. దీంతో రూపాయి విలువ అంతకంతకూ పడిపోతోంది. మరోవైపు రుపాయి పతనం దేశీయ ఈక్విటీ మార్కెట్లను ప్రభావితం చేస్తోంది. కీలక సూచీ సెన్సెక్స్ 500 పాయింట్లకు పైగా క్షీణించగా, నిఫ్టీ కూడా 151 పాయింట్లు క్షీణించి 11, 288 వద్ద ముగిసింది.



పెరిగిన రూపాయి విలువ

Updated By ManamMon, 10/30/2017 - 15:49

rupee v/s dollarముంబై, అక్టోబరు 30: రూపాయి విలువ పెరిగింది. డాలర్ మారకంతో పోలిస్తే రూపాయి విలువ బలపడింది. 16 పైసలు పుంజుకున్న రూపాయి.. డాలర్‌తో మారకం విలువలో రూ.64.89 వద్ద స్థిరపడింది. ద్రవ్య నిధిపై త్వరలోనే ఆంక్షలను ఎత్తేస్తామన్న యూరోపియన్ సెంట్రల్ బ్యాంక్ (ఈసీబీ) ప్రకటనతో మార్కెట్లో రూపాయి మారకం విలువ పెరిగింది. యూరోతో పోలిస్తే డాలర్ విలువ బలహీనంగా ఉండడం, ఈసీబీ చర్య వల్ల స్థానికంగా రూపాయికి బలం పెరిగిందని ట్రేడ్ విశ్లేషకులు చెబుతున్నారు. వాస్తవానికి శుక్రవారం ఒక్కరోజే 23 పైసలు పడిపోయిన రూపాయి.. డాలర్ మారకంతో పోలిస్తే రూ.65.05 వద్ద స్థిరపడింది. 





Related News