rupee

పుంజుకున్న రూపాయి

Updated By ManamTue, 11/13/2018 - 22:31
  • 22 పైసలు బలపడి 72.67గా సెటిల్

  • క్రూడ్, ద్రవ్యోల్బణం సానుకూలతలే కారణం

rupeeeముంబై: చమురు ధరల్లో అనుకున్నదాని కంటే ఎక్కువ సానుకూల ఫలితాలు రావడంతో రూపాయి బలపడింది. మంగళవారం ట్రేడింగ్‌లో రూపాయి 22 పైసలు లాభపడింది. దీంతో డాలర్‌తో రూపాయి మారకం విలువ 72.67కు చేరింది. రూపాయిపై ప్రధానంగా అధిక ప్రభావం చూపే క్రూడ్ ఆయిల్ బ్యారెల్‌కు 70 దిగువకు రావడం ద్రవ్యోల్బణం, ద్రవ్యలోటు అదుపులో కొనసాగటం వల్ల రూపాయి లాభపడింది. కాగా, ట్రేడింగ్ ప్రారంభంలో అధికంగా డాలర్‌తో రూపాయి విలువ అధికంగా 72.81గా నమోదు, అత్యల్పంగా 72.51 వద్ద నమోదైంది. కాగా, ఒడిదుడుకుల మధ్య మార్కెట్లు ఇచ్చిన సానుకూల సాంకేతాలతో చివరకు 22 పైసలు లాభపడిన రూపాయ 72.67 వద్ద సెటిల్ అయింది. ఆర్‌బీఐ వడ్డీ రేట్లు పెరుగుతాయనే సంకేతాలతో ద్రవ్యోల్బణం ఏడాది దిగవకు పడిపోయినట్లు తెలుస్తోంది.  ఇక ఇటీవల తెలిపిన ప్రొవిజినల్ డాటా ప్రకారం విదేశీ ఇన్‌స్టీట్యూట్ల మదుపరులు రూ. 832.15 కోట్ల సేర్లు కలిగి ఉన్నారని తేలింది.



రూపాయి ఎందుకిలా... ఎన్నాళ్లిలా!

Updated By ManamFri, 10/26/2018 - 01:15

చమురుబిల్లు తగ్గి, రూపాయి మళ్లీ పుంజుకోవడం ప్రారంభిస్తే వాణిజ్యలోటు దానంతటదే అదుపులోకొస్తుంది. ద్రవ్యోల్బణం తగ్గి, నిత్యావసరాల ధరలు తగ్గితే జనం సంతోషిస్తారు. విలువ తగ్గడం ద్వారా రూపాయి మారకం కనిష్ట స్థాయికి చేరడంతో పలురంగాల్లో ప్రతికూల సంకేతాలొస్తున్నాయి. 

rupeeeరూపాయి... రూపాయి... ఎక్కడికెళ్లినా ఇదేగోల. ఆర్థిక మూలాల్లో తలమునకలైన వారి సంగతి సరేసరి. మన దైనందిన వ్యవహారాల్లో రూపాయి నిత్యావ సరమై ఉండటం దీనంతటికి కారణం భారత జీవన విధానంలో ప్రతిదీ రూపాయల్లో కొలవడం, ఆ రూపాన్నే మనం ఆచరించటం కద్దు. మునుపెన్నడూ లేని విధంగా డాలరుతో పోల్చితే 74లో చేరి రూపాయి విలువ సకల జనాన్నీ కలవరపరుస్తోంది. ఈ పతనం మన డబ్బులకు ఉన్న ఉనికిని, విలువను ప్రశ్నా ర్థకం చేస్తోంది. ఇప్పుడెందుకిలా జరుగుతోంది? రూ పాయి కేమైంది? ఈ అంతులేని పతనావస్థకు కారణాలు ఏమిటనేది మనందరం తెలుసుకోవాల్సిన అంశమే. సూక్ష్మంగా పరిశీలిస్తే... రూపాయి ఎన్నో రూపాం తరాలు చెందింది. ప్రస్తుతం కేవలం నాణేల రూపం లోనే లభిస్తోంది. గతంలో కాగితాలుగా ఉండేది. కాలానుగుణంగా ఆ నోట్ల రూపం చెరిగిపోయింది. ప్రతిదీ రూపాయల్లో ప్రామాణికంగా లెక్కించడం, అదే రూపాయి విలువ దిగజారి పోవడంతో అసలు ఈ కరెన్సీ లేదా నాణేల ఉనికే గగనమౌతోంది. నిజం చెప్పాలంటే గతంలో వాడుకలో చెలామణి అయిన రూపాయి నోట్లు ఇప్పటితరం వారికి తెలుసా అంటే ఎలా ఉంటుందన్న ప్రశ్న ఉద్భవించడం సహజం. ప్రస్తుతం నాణేల్లోనే రకరకాలుగా చూస్తున్నాం. కాలం మార్పుకు అతీతంకాదన్న చందాన రూపాయి రూ పాంతరం పేర్కొనదగినదే.

రూపాయి పతనం జనులందరి జీవితాలపై ప్రత్యక్షంగా, పరోక్షంగా ప్రభావాన్ని చూపుతుంది. ప్రస్తుత రూపాయి మారకం విలువ దేశ ఆర్థిక వ్యవస్థ పైనే పెనుప్రభావం చూపుతోంది. కారణాలు ఒక్కొక్క టిగా చూస్తే... అన్ని దేశాల కరెన్సీలు డాలరుతోనే ముడివేయబడి సహజీవనం సాగించడమే. ముఖ్యంగా అమెరికా లాంటి అగ్రదేశంలో డాలరుకేమైనా జరిగిందంటే ఆ ప్రభావం  మిగతా యావత్ ప్రపంచానికి  ఓ గుదిబండలా మారిపోవడం తదుపరి వంతవుతోంది. అమెరికాలోని స్టాక్ మార్కెట్లు గీచిందే గీటుగా ప్రపంచ ఆర్థిక వ్యవహారాలు నడుస్తున్నాయి. షేర్లు, స్టాక్ మార్కెట్లపై అవగాహన ఉన్నవారికి ఈ  క్రతువును చూస్తే ఇస్తే అర్థమౌతుంది. ఈ రూపాయి పతనా వస్థ ఎటు దారితీస్తోందోనన్న ఆందోళనలు కోటలు దాటుతున్నాయి. ఇక సాధారణ జనానికీ ఆర్థికశాస్త్రం ఒంటబట్టేలా ప్రస్తుత పరిణామాలు తెలియజేస్తున్నా యి. అమెరికా కారణంగా భారత్‌తో పాటు పలు దేశాల స్టాక్ మార్కెట్లు గత ఏడెనిమిది నెలలుగా పా తాళానికి చేరుతున్నాయి. పాయింట్లలో చూస్తే (ఇండె క్స్) అథోస్థానానికి చేరి ప్రమాద ఘంటికలు మోగిస్తు న్నాయి. అన్నీ దేశాలకు అన్నగా వ్యవహరించే అమె రికా దీనంతటికీ మూలమన్నదే చివరి మాటగా విన వస్తోంది. కారణం మిగతా ప్రపంచమంతా ఆ దేశ చెప్పుచేతల్లోనే ఉండటం, అక్కడ ఆర్థికం ఉచ్ఛస్థితి లో ఉండి డబ్బుల దేశంగా పేరు తెచ్చుకోవడం మన కు ఎరుకే. అలాంటి అమెరికాలోనే అయిదుసార్లు స్టాక్ మార్కెట్లు నేలను తాకాయి. ఇక ఆ దేశాధ్యక్షుడు ట్రం ప్ టెంపరితనం మనం చూస్తూనే ఉన్నాం. ఆయన ప్రేలాపనలు, దుందుడుకు చర్యలు జగద్వితమే. రో జుకో ప్రకటన, రోజుకో వేషంలా సాగిపోతున్నాయి. ఆయన సంగతెలా ఉన్నా పక్కనున్న  ఇతర దేశాలు మూల్యం చెల్లించుకుంటున్నాయి. ఎన్డీయే ప్రభుత్వం అధికారంలో కొచ్చాక జీడీపీ (స్థూలజా తీయోత్తి) 1.7 శాతంగా ఉన్న కరెంటు ఖాతాలోటు, ఆపైన అంతర్జా తీయ చమురు ధరల కారణంగా 0.7 శాతానికి వచ్చింది. క్రూడాయిల్ ఇతర ఇంధన ధరలు మన రూపాయి విలువను మరింతగా తొక్కేశాయి. పెట్రోలు, డీజిల్ ధరలు పెరిగి పెరిగి శతకానికి రెడీ అవుతున్నాయి. ఇందులో రూపాయి విలువ పతనం నిగూఢ మైందన్నది తెలియంది కాదు. ఇంధన ధరలు చుక్క లు తాకడం వల్లే కరెంటుఖాతా లోటు ఏకంగా 24 శా తానికి ఎగిరింది. ఇలా పెరిగి పెరిగి ఈలోటు రాబో యే ఏడాదికి మూడు శాతానికి చేరి మన వాహ నాల కీలక ఇంధనం వంద రూపాయిలకు చేరడం ఖాయమన్న సంకేతాలిప్పుడే గోచరిస్తున్నాయి.

భారత్ ఎగుమతులు ఇతోధికంగా హెచ్చితే ఈ చమురు ధరల పెంపును ఏమాత్రం లెక్కచేసే వాళ్లం కాదు. దిగుమతుల చిట్టా చాంతాడై కరుస్తోంది. ఆ స్థాయిలో మనం వెనకబడటంతో రూపాయి పతనం కళ్లారా చూస్తున్నాం. ఈ ఏడాది సెప్టెంబరులో మన వాణిజ్యలోటు తగ్గిందని కేంద్ర వాణిజ్యశాఖ సెలవి స్తున్నా ఆ ఊరట మున్ముందూ కనబరిస్తేనే జనానికి ప్రయోజనం చేకూరుతుంది. మన రూపాయి మెరుగే నని రిజర్వు బ్యాంకు గవర్నర్ ఊర్జిత్ ఉవాచ. వర్థ మాన దేశాల కరెన్సీతో పోలిస్తే మన రూపాయి తక్కు వగా పడిందని చెబుతున్నారాయన. మన జనానికి ఎకనామిక్స్ (ఆర్థికం) తెలియదు గనక ఆయన మసి బూసి మారేడుకాయ చేసినా చెల్లు తుంది. వాస్తవానికి జనానికి కావాల్సింది రేటు తగ్గిందా? లేదా? ఇదొక్క టే చూస్తారు మిగతావన్నీ చెవికెక్కవు. కారణం సంపాదనలో, దినచర్యలో రూపా యికున్న అనుబంధం, అవసరం అలాంటిది. భారత్ లో ప్రస్తుత కాలంలో డాలర్ శకం నడుస్తోందనే అనుకోవచ్చు. రాను రాను ఇక్కడా డాలర్ బతుకులు కావాలని కలలు కంటున్నారు. అందుకేనేమో గతం కన్నా కేవలం అయిదేళ్లలో అమెరికా పయనాలు ఎక్కువయ్యాయి. ఎక్కడ చూసినా అమెరికాలో దేశీలు (ఇండియన్లు) దర్శ నమిస్తున్నారు. అంతెందుకు వలసలను వడపోస్తే భారత్ ఆ అమెరికాలో మంచి స్థానంలో ఉంది. వీసాలు, చదువులు ఇలా ఒకటేమిటి అన్నింట్లోనూ భారత్ శకం బలపడుతోంది. ఇదంతా పరోక్షంగా ఆదేశానికి విదేశీ మారకం రూపంలో ఆదాయాన్ని సమకూర్చి పెడుతోంది. మన వారి సంపాదన ఉపాధి సంగతెలా ఉన్నా అక్కడ డాలరుకు ఏమైనా జరిగిందంటే ఇక్కడ ఆర్థికం ఢమాల్ అవుతోంది. ఇదివరకు అమెరికాలో చదువుకోవటానికి వెళ్లే విద్యార్థులు కొన్ని లక్షలో ఖర్చు పెట్టేవారు. ఒక్క ఎంబీఏ కోర్సు చదివే విద్యార్థే ఈ రోజు మంచి కాలేజీలో చదువుకోవాలంటే ఏడాదికి 5.7లక్షల రూపాయలు అధికంగా మూల్యం చెల్లించుకోవాల్సి రావటం దురదృష్టకరం దీనంతటికీ కారణభూతం రూపాయి విలువ పడిపోవడం. మనం డాలర్ల రూపంలో వారికి (అమెరికాకు) చెల్లించడమే. ఇదే ధోరణి ఇలాగే కొనసాగితే భారత విద్యార్థులు ఆ పక్కకెళ్లో ద్దురో అని అనుకుంటారేమో! ఇంగ్లీషు మాట్లాడే ఇతర దేశాలైన ఆస్ట్రేలియా, న్యూజిలాండ్, సిం గపూర్ లాంటి దేశాలకు రూటు మార్పునకు ఆలోచిం చే అవకాశాలు మెండుగా ఉన్నాయి. ఇక అమెరికా అధ్యక్షుడు ట్రంప్ ఆర్థిక పరమైన ఏ ఆంక్షలకు పూను కున్నా ప్రతిదీ భారత్‌పై పెనుప్రభావం చూపుతుంది. అమెరికా గణాంకాలే విశదీకరిస్తున్నాయి.

డాలర్ విలువను బట్టే అంతర్జాతీయ మార్కెట్ల లో కరెన్సీ మారకపు విలువను లెక్కిస్తారు. డాలర్ డిమాండ్ రోజు రోజుకలా పెరుగుతోంది. కొనుగోలుదా రులు పెరిగి సరఫరా ఆ మేరకు లేకపోవడంతో డాలర్ విలువ పెరుగుతోంది. ఈ కారణంగానే రూపాయి విలువ లేకుండాపోతోంది. వాస్తవానికి 1947 స్వాతం త్య్రం వచ్చేనాటికి ఒక డాలరు విలువ ఒక రూపాయికి సమానంగా ఉండేది. ఇప్పుడు 70కిపైగా పెరిగింది. మనదేశ జనావసరాల కోసం ఇంధనం, వంటనూనెలు, ఎలక్ట్రానిక్ వస్తువులు, బంగారం వగైరా వస్తువులను దిగుమతి చేసుకుంటున్నాం. రూపా యి విలువ పతనంతో ఈ దిగుమతుల కోసం మనం కొంత ఎక్కువ చెల్లిస్తున్నామన్నది తెలిసిందే. రూపాయి మారకం రేటును నిలకడగా ఉంచాలంటే రిజర్వు బ్యాంకు మరిన్ని విదేశీ మారక నిల్వలను అమ్మాల్సి ఉంటుంది. ద్రవ్యోల్బణం ఇప్పుడే తెరపైకి వస్తుంది. ద్రవ్యోల్బణం కట్టడి చేస్తేనే ధరలు తగ్గుతాయి. ద్రవ్యో ల్బణం నియంత్రించాలంటే వడ్డీరేట్లు ఇబ్బడిముబ్బడి గా పెంచాల్సి ఉంది. వడ్డీ రేట్లు పెంచితే పెట్టుబడుల క్రమం మందగిస్తుంది.

ఇటీవలి కాలంలో అమెరికా పలుదేశాలపై వాణి జ్య యుద్ధం ప్రకటించింది. తన చెప్పుచేతల్లో ఏ దేశ మైనా ఉండాల్సిందేననే మంకుపట్టుతో వ్యవహరిస్తోం ది. ఈ గ్రేడ్‌వార్ ఎటు దారితీస్తుందోననే ఆందోళనలు సర్వత్రా ఉన్నాయి. ఉదాహరణకు టర్కీ నుంచి అమె రికా దిగుమతి చేసుకొనే ఉక్కు, అల్యూమినియంపై సుంకాలు పెంచింది. అక్కడి (టర్కీలో) కరెన్సీ లీరా ప్రభావం ఇతరదేశాల కరెన్సీపైనా పడింది. ఆసియా లోనే బలహీనంగా ఉన్న కరెన్సీలలో రెండోస్థానంలో ఉన్న రూపాయి అత్యధికంగా తన విలువను దిగజార్చుకుంది. అమెరికా ఇరాన్‌పై ఆంక్షలు విధించింది. ఏ దేశమూ ఇరాన్‌తో వాణిజ్య వ్యవహారాలు నెరపకూడ దు. ఇరాన్ చమురు కొనకూడదు. దీంతో చమురు కొరత ఏర్పడి ధర పెరిగి మన ఇంధన బిల్లు లీటరు కు రూ.100కు చేరుతోందని అనుకోవచ్చు. అంశం వచ్చా గత నాలుగేళ్లలో గ్లోబల్ వాణిజ్యం 3% శాతం పెరగా మనదేశ వస్తు ఎగుమతుల వాణిజ్యం మాత్రం తగ్గింది. అమెరికాలో వడ్డీ రేట్లు గతంలో తక్కు వగా ఉండటంతో మనదేశం వైపు పెట్టుబడిదారులు క్యూ కట్టారు. అయితే ఈ మధ్య అమెరికాలో వడ్డీ రేట్లు ఆశాజనకంగా ఉండటంతో అమెరికాలోని బ్యాంకు ల్లోనే దాచుకోవాలనుకుంటున్నారు. భారత్ స్టాక్ మా ర్కెట్లు సంపాదన సమకూర్చనందున ఇక్కడ పెట్టుబడి పెట్టిన విదేశీ మదుపుదారులు తమ బాండ్లు, షేర్లను తరలించుకుపోతున్నారు. చమురుబిల్లు తగ్గి, రూ పాయి మళ్లీ పుంజుకోవడం ప్రారంభిస్తే వాణిజ్యలోటు దానంతటదే అదుపులోకొస్తుంది. ద్రవ్యోల్బణం తగ్గి, నిత్యావసరాల ధరలు తగ్గితే జనం సంతోషిస్తారు. వి లువ తగ్గడం ద్వారా రూపాయి మారకం కనిష్ట స్థాయి కి చేరడంతో పలురంగాల్లో ప్రతికూల సంకేతా లొస్తున్నాయి. కారణమేదైనా, కారకులెవరైనా ఆర్థిక వ్యవస్థ పుంజుకొనేలా చర్యలు తీసుకోవాలన్నది సకల జనుల వాంఛ!
 చెన్నుపాటి రామారావు
సీనియర్ జర్నలిస్టు, సామాజిక విశ్లేషకుడు 
9959021483.  



క్షీణించిన రూపాయి

Updated By ManamTue, 10/09/2018 - 22:06

rupeeeముంబై: అమెరికన్ డాలర్‌తో మారకంలో భారతీయ రూపాయి మంగళవారం 33 పైసలు క్షీణించి నూతన జీవిత కాల కనిష్ఠ స్థితి రూ. 74.39 వద్ద ముగిసింది. అధిక ముడి చమురు ధరలు, డాలర్ స్వతహాగా బలపడడం, విదేశీ ఫండ్ల మదుపు మొత్తాలు నిర్విరామంగా తరలిపోతూండడం అందుకు కారణమయ్యాయి. ఇంటర్‌బ్యాంక్ ఫారిన్ ఎక్చ్సేంజి (ఫారెక్స్)లో మంగళవారం ఆరంభ ట్రేడ్‌లో రూపాయి 18 పైసలు కోలుకుని అమెరికన్ డాలర్‌తో మారకంలో రూ. 73.88 వద్ద నిలిచింది. బ్యాంకులు, కొనుగోలుదార్లు అమెరికన్ కరెన్సీ తాజా అమ్మకాలకు దిగడం దానికి దోహదపడింది. కానీ, బ్రెంట్ క్రూడ్ పీపా ధర 84 డాలర్లను దాటడంతో, రూపాయి ఆ బలాన్ని నిలబెట్టుకోలేకపోయింది. విదేశాలలో అమెరికన్ డాలర్ మళ్ళీ బలపడింది. వరుసగా ఆరో సెషన్‌లోనూ పతనమైన రూపాయి 33 పైసలు క్షీణించి మంగళవారం రూ. 74.39 వద్ద ముగిసింది.



రూపాయి విలవిల

Updated By ManamThu, 10/04/2018 - 22:13

rupeeeముంబై: అమెరికన్ డాలర్‌తో రూపాయి మారకం విలువ గురువారం సరికొత్త కనిష్ఠ స్థాయి రూ. 73.77కి పడిపోయింది. అంతర్జాతీయంగా చమురు ధరలు పెరుగుతూనే ఉండడం, కరెంట్ అకౌంట్ లోటు గురించిన ఆందోళనలు తీవ్రతరమవడం, విదేశీ ఫండ్లు వాటి మదుపు మొత్తాలను వెనక్కి తీసుకోవడం రూపాయి విలువను క్షీణింపజేశాయి. అధిక ముడి చమురు ధరల కారణంగా దిగుమతిదార్ల నుంచి ప్రధానంగా ఆయిల్ రిఫైనర్ల నుంచి డాలర్లకు డిమాండ్ స్థిరంగా కొనసాగుతోంది. అవి రూపాయిని ఒత్తిడి నుంచి తేరుకోనివ్వడం లేదు. కాగా, ప్రభుత్వ యాజమాన్యంలోని చమురు మార్కెటింగ్ కంపెనీలు చర మూలధన అవసరాలను తీర్చుకునే విధంగా, విదేశీ మార్కెట్ నుంచి 10 బిలియన్ అమెరికన్ డాలర్లను సమీకరించుకునేందుకు అనుమ తించారు. ఇంటర్‌బ్యాంక్ ఫారిన్ ఎక్చ్సేం జ్‌లో రూపాయి బలహీనంగా రూ. 73.34 వద్ద  మొదలై 43 పైసలు క్షీణించి రూ. 73.77 వద్ద సరికొత్త కనిష్ఠ స్థాయిని చూసింది. దేశీయ కరెన్సీ డాలర్‌తో మారకంలో బుధవారం రూ. 73.34కి పతనమైన సంగతి తెలిసిందే. కాగా, బ్రెంట్ క్రూడ్ పీపా ధర గురువారం 86 డాలర్లకు చేరింది. దీన్ని గత నాలుగేళ్ళలో కనివిని ఎరుగని ధరగా చెప్పుకోవచ్చు. 



మరింత క్షీణించిన రూపాయి

Updated By ManamWed, 10/03/2018 - 12:27

Rupeeముంబయి: దేశీయ కరెన్సీ రూపాయి మరింత కనిష్టాన్ని తాకింది. బుధవారం నాటి ట్రేడింగ్‌తో డాలర్ రూపాయి మారకం విలువ 73.34కు చేరింది. దిగుమతిదారుల నుంచి డాలర్‌కు డిమాండ్ పెరగడంతో పాటు అంతర్జాతీయంగా ముడిచమురు ధరలు పెరగడం, విదేశీ పెట్టుబడులు వెనక్కి తీసుకోవడంతో దేశీయంగా రూపాయి విలువ భారీగా పతనమైందని మార్కెట్ విశ్లేషకులు చెబుతున్నారు. మంగళవారం నాటి సెన్‌లో 72.91వద్ద ఉన్న రూపాయి.. బుధవారం ఉదయానికి 73మార్క్‌ను దాటింది. మరోపైపు రూపాయి పతనంతో దేశీయ మార్కెట్లు నష్టాల్లో కొనసాగుతున్నాయి.



నకిలీ బంగారం అమ్మే ముఠా అరెస్టు

Updated By ManamMon, 10/01/2018 - 23:23
  • ఐదుగురు అరెస్టు, పరారీలో ఒకరు

  • ఆరులక్షల నగదు, కత్తి, నకిలీ బంగారు పూసల దండలు స్వాధీనం

  • వరంగల్ నగర పోలీస్ కమిషనర్ 

moneyవరంగల్: మార్కెట్ ధర కన్నా తక్కువ ధరకు మేలిమి బంగారం అమ్ముతామని మోసాలకు పాల్పడుతున్న ఆరుగురు ముఠా సభ్యుల్లో ఐదుగురిని సోమవారం సీసీఎస్ పోలీసులు అరెస్టు చేశామని, మరో నిందితుడు ఫరారీలో ఉన్నాడని వరంగల్ నగర పోలీస్ కమిషనర్ డాక్టర్ వి.రవీందర్ తెలిపారు. సోమవారం పోలీస్ కమిషనరేట్‌లో ఏర్పాటు చేసిన విలేఖరుల సమావేశంలో సీపీ వివరాలు వెల్లడించారు. నిందితుల వద్ద నుండి ఆరులక్షల నగదుతోపాటు కత్తి, బంగారాన్ని పోలీ ఉన్న నకిలీ బంగారు పూసల దండలను పోలీసులు స్వాధీనం చేసుకున్నామని తెలిపారు. పట్టుబడిన నిందితులు మహారాష్టకు చెందినవారని, నిందితులు ఒకే ప్రాంతానికి చెందిన వారు కావడంతోపాటు దగ్గర బంధువులని, మహారాష్ట్ర, తెలంగాణ రాష్ట్రాల్లో ప్లాస్టిక్ తయారు చేసి అమ్ముకునే వారని చెప్పారు. దీని ద్వారా వచ్చే ఆదాయంతో తాగుడుతోపాటు ఇతర జల్సాలకు అలవాటు పడ్డారని, సులభంగా డబ్బు సంపాదించాలనే ఆలోచనతో నిందితులు ఒక ముఠాగా ఏర్పడి బంగారురంగుతో పోలి ఉన్న పూసలను చూపించి మార్కెట్ ధర కన్నా తక్కువ ధరకు మేలిమి బంగారం అమ్ముతామని చెప్పి ప్రజలకు నకిలీ బంగారాన్ని అమ్మి డబ్బు సంపాదించాలనే ప్రణాళికను రూపొందించుకున్నారని తెలిపారు. ఈ ముఠాసభ్యులు ముందుగా బంగారురంగుతో పోలి ఉన్న పూసలను మార్కెట్‌లో కొనుగోలు చేసి కొద్ది మొత్తంలో అసలు బంగారాన్ని కొనుగోలు చేస్తారని చెప్పారు. నిందితులు తమ ప్రణాళికలో భాగంగా ముందుగా బంగారు నగల వ్యాపారులు, సంపన్నుల వద్దకు వెళ్లి కొనుగోలు చేసిన అసలు బంగారాన్ని, పూసలు వారికి చూపించి తమకు మిషన్ భగీరథ తవ్వకాల్లో దొరికినట్లుగా నమ్మించి వీటిని తమ అవసరాల నిమిత్తం అతి తక్కువ ధరకు అందజేస్తామని సదరు వ్యాపారులను నమ్మించి బేరం కుదుర్చుకునేవారని తెలిపారు. నిందితులు బంగారం అందజేసేందుకు మరోరోజు గడువు పెట్టడంతో వ్యాపారులు డబ్బుతో సిద్ధంగా ఉండాలని చెప్పి తిరిగి వెళ్లిపోయేవారని అన్నారు. నిందితులు తెలిపిన రోజున సదరు బాధితులకు ఫోన్ చేసి తాము చెప్పినట్లుగానే బంగారు గొలుసులు తీసుకువచ్చామని తెలిపి బాధితుల వద్దకు వెళ్లి వారి నుండి డబ్బులు తీసుకుని నకిలీ బంగారు పూసలు అందజేసేవారని పేర్కొన్నారు. ఒక వేళ భాదితులు పూసలగోలుసులను నకిలీబంగారంగా గుర్తించి ముఠా సభ్యులను ప్రశ్నిస్తే సదరు ముఠా సభ్యులు భాదితులను కత్తితో పోడిచి చంపుతామని చెదిరించి అక్కడినుండి పారిపోయేవారు. ఇదే తరహలో నిందుతులు వరంగల్ పోలీస్ కమిషనరేట్ పరిధిలో నాలుగు నేరాల్లో 25 లక్షల రూపాయలను దోచుకున్నారు. నిందితులను గుర్తించి సకాలంలో అరెస్టు చేయడంతో ప్రతిభ కనబరిచిన క్రైమ్స్ అదనపు డిసిపి బిల్లా అశోక్‌కుమార్, క్రైం ఏసిపి బాబురావులతో పాటు సంబంధిత కానిస్టేబుల్స్‌ను కూడా డాక్టర్ వి.రవీందర్ అభినందించారు.



తక్కువ అప్పు చేయనున్న కేంద్రం

Updated By ManamSun, 09/30/2018 - 00:48

Centre-lowers...న్యూఢిల్లీ: కేంద్రం 2019 ఆర్థిక సంవత్సరం ద్వితీయార్థంలో సేకరించదలచిన రుణ మొత్తాన్ని తగ్గించుకుంది. అది బడ్జెట్ పెట్టుకున్న లక్ష్యంలో కన్నా రూ. 70,000 కోట్ల తక్కువగా రుణాన్ని సేకరించదలచింది. ద్రవ్య లోటు (ఖర్చుకు ఆదాయానికి మధ్యనుండే తేడా)ను పూడ్చుకునేందుకు అది ఈ రుణాన్ని సేకరించదలచింది. కేంద్రం 2018 అక్టోబర్-2019 మార్చి మధ్య కాలంలో సేకరించదలచిన రుణ మొత్తాన్ని తగ్గించుకోవాలని ఆర్థిక మంత్రిత్వ శాఖ, ఆర్బీఐల మధ్య శుక్రవారంనాడు జరిగిన సమావేశంలో నిర్ణయించారు. స్థూలంగా రూ. 6.05 లక్షల కోట్లు అప్పు చేయడానికి 2018-19 కేంద్ర బడ్జెట్ వీలు కల్పిస్తోంది. దానిలో రూ. 2.88 లక్షల కోట్లను మొదటి ఆరు నెలల్లో సేకరించారు.  ద్వితీయార్థంలో రూ. 2.47 లక్షల కోట్లను సేకరించాలని నిర్ణయించారు.  దీనితో మొత్తం రుణం రూ. 5.35 లక్షల కోట్లకు మాత్రమే చేరుతుంది. ‘‘ద్రవ్య లోటుపై ఏ విధమైన ప్రభావం లేకపోవడం వల్ల నికర రుణ సేకరణ కార్యక్రమాన్ని యధావిధిగా కొనసాగించాలని నిర్ణయించుకున్నాం. అయితే, బైబ్యాక్ కార్యక్రమంపైన కూడా మేం కొంత పునరాలోచన చేశాం. చిన్న పొదుపు పథకాల నుంచి మరికొన్ని నిధులు వస్తాయని మేం భావిస్తున్నాం. దాంతో మొత్తం రుణ అవసరాన్ని తగ్గించాలని మేం నిర్ణయించాం’’ అని ఆర్థిక వ్యవహారాల శాఖ కార్యదర్శి సుభాష్ చంద్ర గర్గ్ అన్నారు. 

బడ్జెట్ అంచనాలకు తగ్గట్లుగా రెవిన్యూ ఉండగలదని ఆయన చెప్పారు. 
‘‘ఇక ఖర్చు విషయానికి వస్తే కనీస మద్దతు ధర, ఆయుష్మాన్ భారత్‌ల ఖర్చులను లెక్కలోకి తీసుకున్న తర్వాత కూడా, వ్యయం అదుపు తప్పలేదు. మనం సరైన గాడిలోనే ఉన్నాం. కనుక, ద్రవ్య లోటును సవరించాల్సిన అవసరం ఎంతమాత్రం లేదు’’ అని గర్గ్ అన్నారు. ద్రవ్య లోటు జి.డి.పిలో 3.3 శాతం మించకూడదని లక్ష్యంగా పెట్టుకున్నారు. రూ. 70,000 కోట్ల తగ్గింపు వల్ల ఏర్పడే వెలితిని బైబ్యాక్‌లు తగ్గించుకోవడం, చిన్న పొదుపు పథకాల నుంచి వచ్చే అదనపు నిధుల మిశ్రమం ద్వారా భర్తీ చేసుకుంటామని గర్గ్ చెప్పారు. 

ఇన్‌ఫ్లేషన్ ఇండెక్స్‌డ్ బాండ్లు
ఇన్‌ఫ్లేషన్ ఇండెక్స్‌డ్ బాండ్లను పునః ప్రవేశపెట్టాలని కూడా ప్రభుత్వం నిర్ణయించింది. రిటైల్ ద్రవ్యోల్బణంతో ముడిపడి ఉండే అటువంటి సాధనాలను సురక్షితమైనవిగా భావిస్తారు. చిన్న పొదుపు పథకాలపై వడ్డీ రేట్లను ఎగువకు సవరిస్తూ ఇటీవల నిర్ణయం తీసుకున్నారు. కనుక వాటిలోకి వచ్చే నిధులు పెరగవచ్చు. రుణాన్ని తగ్గించుకోవాలన్న ప్రభుత్వ నిర్ణయం ఆ విధమైన అంచనాలకు తగ్గట్లుగానే ఉందని ‘ఇక్రా’లో ముఖ్య ఆర్థికవేత్త అదితి నాయర్ అన్నారు.



డాలర్ల రాకతో రూపాయి క్షీణత మందగమనం

Updated By ManamMon, 09/24/2018 - 22:20

rupeeన్యూఢిల్లీ: దేశంలోకి డాలర్ల ప్రవాహాన్ని పెంచేందుకు కేంద్రం ప్రకటించిన ఐదు సూత్రాల కార్యక్రమం రూపాయి మారకం విలువను పెంచలేకపోవచ్చని గ్లోబల్ ఏజన్సీ మూడీస్ భావిస్తోంది. మహా అయితే, అవి రూపాయి తరుగుదలలో మందగమనాన్ని తేవచ్చు. ద్రవ్య లోటును లక్ష్యం మేరకు అదుపు చేయడం సాధ్యం కాకపోవచ్చని కూడా ఏజన్సీ సందేహాన్ని వ్యక్తపరచింది. ఈ చర్యల వల్ల 2019 మార్చి 31తో ముగిసే ఆర్థిక సంవత్సరంలో దేశంలోకి పెట్టుబడుల ప్రవాహం జి.డి.పిలో 0.3 నుంచి 0.4 శాతం పెరగవచ్చని సూటిగా చెప్పాలంటే, 8 బిలియన్ల డాలర్ల నుంచి 10 బిలియన్ డాలర్ల మేరకు పెరగవచ్చని ప్రభుత్వం అంచనా వేస్తోందని ఆ ఏజన్సీ పేర్కొంది. భారతదేశపు ప్రాథమిక బ్యాలెన్స్ (కరెంట్ అకౌంట్ ప్లస్  నికర విదేశీ ప్రత్యక్ష పెట్టుబడి) సగటున 2018 మొదటి రెండు త్రైమాసికాలలో  జి.డి.పిలో సుమారు 0.7 శాతం లోటుగా ఉంది. కనుక ‘‘క్యాపిటల్ అకౌంట్ చర్యలు పెట్టుబడుల ప్రవాహాలపై తక్షణ ప్రభావం చూపినా, దేశపు మిగిలిన ఫినాన్షియల్ అవసరాలను అవి పాక్షికంగానే తీర్చగలుగుతాయి. రూపాయిపై తరుగుదల ఒత్తిడిని కొంత మేరకే సడలించగలగుతాయి’’ అని ఏజన్సీ పేర్కొంది. 

ఐదు చర్యలు
ప్రధాన మంత్రి నరేంద్ర మోదీ అధ్యక్షతన సెప్టెంబర్ 14న సమగ్ర సమీక్షా సమావేశం నిర్వహించిన తర్వాత, రూపాయి క్షీణతకు ముకుతాడు వేసేందుకు ఆర్థిక మంత్రి అరుణ్ జైట్లీ ఐదు చర్యలను ప్రకటించారు. అప్రధానమైన వస్తువుల దిగుమతిని అరికట్టాలని నిర్ణయించారు. అవి నిర్దిష్టంగా ఏయే వస్తువులన్నది తర్వాత ప్రకటిస్తారు. ఒక సింగిల్ కార్పొరేట్ గ్రూప్‌లో కార్పొరేట్ బాండ్ పోర్ట్‌ఫోలియోలో విదేశీ పోర్ట్‌ఫోలియో ఇన్వెస్టర్లకున్న 20 శాతం పరిమితిని తొలగించే అంశాన్ని సమీక్షించడం, ఇతర కార్పొరేట్ బాండ్లలో ఉన్న 50 శాతం మదుపు పరిమితిని కూడా సమీక్షించడం కూడా వాటిలో ఉన్నాయి. ప్రస్తుత ఆర్థిక సంవత్సరంలో జారీ చేసే మసాలా బాండ్లపై విత్‌హోల్డింగ్ ట్యాక్స్ వర్తింపజేయకూడదని నిర్ణయించారు. ఏడాది తర్వాత చెల్లించే విధంగా వస్తూత్పత్తి సంస్థలు 5 కోట్ల డాలర్ల వరకు రుణాలు సమీకరించుకోగలుగుతాయి. మౌలిక వసతుల రుణాలకు హెడ్జింగ్ తప్పనిసరిగా ఉండాలనే షరతును కూడా సమీక్షించనున్నారు. డాలర్ల రాకను పెంచేందుకు ప్రభుత్వం ప్రకటించిన ఈ చర్యల్లో ఒకదానిని ఆదాయ పన్ను శాఖ ఇప్పటికే అమలులోకి తెచ్చింది. విత్‌హోల్డింగ్ పన్ను మినహాయింపును ప్రకటించింది. ఏయే అప్రధానమైన వస్తువుల దిగుమతిపై ఆంక్షలు విధిస్తున్నదీ చాలా త్వరలో ప్రకటించనున్నారు. 

దిగుమతి బిల్లు
అమెరికన్ డాలర్‌తో రూపాయి మారకం విలువ 2018 జనవరి నుంచి 10 శాతంపైగా క్షీణించింది. డాలర్‌తో రూపాయి మారకం విలువ శుక్రవారం రూ. 72.20 వద్ద ముగియగా, సోమవారం అది మరింత క్షీణించి రూ. 72.47 వద్ద మొదలైంది. వినియోగ ధర తాలూకు ద్రవ్యోల్బణానికి సర్దుబాటు చేసి చూస్తే, వాస్తవిక ప్రభావశీల మారకం రేటు 2017 డిసెంబర్ 2018 ఆగస్టు మధ్యలో సుమారు 7 శాతం క్షీణించింది. భారతదేశపు వర్తక పోటీ సామర్థ్యాన్ని పెంపొందింపజేసింది. అప్రధానమైన వస్తువుల దిగుమతులను అరికట్టే చర్యలను మంత్రిత్వ శాఖలు ప్రకటించనున్నాయి. అవి దిగుమతి బిల్లును అరికట్టడంలో సహాయపడవచ్చేమోకానీ, అవి ప్రభావం చూపడంలో జాప్యం ఉంటుందని మూడీస్ ఏజన్సీ పేర్కొంది. 

స్థూల ఆర్థిక ప్రాథమికాంశాలు
అయితే, పటిష్టమైన స్థూల ఆర్థిక ప్రాథమికాంశాలు బలహీనమైన కరెన్సీకున్న క్రెడిట్ రిస్కులను దూరం పెడతాయని ఏజన్సీ తెలిపింది. భారతదేశపు ప్రస్తుత కరెంట్ అకౌంట్ లోటు దాదాపు 5 శాతం వద్ద తక్కువగానే ఉంది. అమెరికన్ బాండ్ల ప్రతిఫలాలు 2013లో హఠాత్తుగా పెరిగిపోయినప్పుడు కూడా  మే-ఆగస్టు నెలల మధ్య రూపాయి క్షీణత దాదాపు 20 శాతంగా ఉంది. విదేశీ రుణాల చెల్లింపులకు, విదేశీ మారక ద్రవ్య నిల్వలకు మధ్య నిష్పత్తి  ప్రస్తుతం 65 శాతంగా ఉంది. ఒక ఏడాది కాలం వరకు తగిన చెల్లింపులు జరిపేందుకు మనవద్దనున్న డాలర్ నిల్వలు సరిపోతాయి. డాలర్ల నిల్వలు మిగిలిన దేశాలతో పోలిస్తే మనవద్ద సమృద్ధిగానే ఉన్నాయి. భారత్ వద్ద 2013లో 250 బిలియన్ డాలర్లు ఉంటే, 2018 మార్చిలో వాటి స్థాయి 376.6 బిలియన్ డాలర్లుగా ఉంది. 

ద్రవ్య లోటుపై ఒత్తిడి
ద్రవ్య లోటు జి.డిపిలో 3.3 శాతం మించకుండా చూస్తామని ప్రభుత్వం పెట్టుకున్న లక్ష్య సాధనపైన మాత్రం మూడీస్ సందేహం వ్యక్తపరచింది. చమురు ధరలు హఠాత్తుగా పెరిగిపోవడం వల్ల సబ్సిడీ బిల్లు తడిసి మోపెడు అవుతుందని, అది ద్రవ్య లోటుపై ఒత్తిడి పెంచుతుందని ఏజన్సీ అభిప్రాయపడింది. అనేక రకాల వినియోగ వస్తువులపై జి.ఎస్.టి రేట్లను తగ్గించారు. చిన్న వ్యాపార సంస్థలకు పన్నుల్లో కోత విధించారు. సాపేక్షంగా చూస్తే కనీస మద్దతు ధరలను అధికంగా ప్రకటించారు. ఇవి ప్రభుత్వ రాబడిని తగ్గించి, వ్యయాన్ని పెంచవచ్చని ఏజన్సీ భావించింది. ద్రవ్య లోటు 2019 ఆర్థిక సంవత్సరంలో జి.డి.పిలో దాదాపు 6.3 శాతం మేర ఉండవచ్చని మూడీస్ అంచనా వేసింది. 



కొనసాగిన పతనం కోలుకోని రూపాయి

Updated By ManamWed, 09/19/2018 - 00:23
  • అమెరికా-చైనాల మధ్య పెరిగిన వాణిజ్య సుంకాల యుద్ధం

rupeeeముంబై: బొంబాయి స్టాక్ ఎక్చ్సేంజి (బి.ఎస్.ఇ) ‘సెన్సెక్స్’ నష్టాలు వరుసగా రెండో సెషన్ మంగళవారంనాడు కూడా కొనసాగాయి. అది 295 పాయింట్లకు పైగా క్షీణించి,  37,291 స్థాయి వద్ద ముగిసింది. నెల పైచిలుకు రోజుల్లో అది ఇంత కనిష్ఠ స్థాయిని చూడడం ఇదే మొదలు. అమెరికా-చైనా వాణిజ్య సుంకాల ఉద్రిక్తతలు పెచ్చుమీరడం, రూపాయి కష్టాలు ఘోరంగా పరిణమించడంతో ఫినాన్షియల్, మోటారు వాహన రంగ షేర్లు తీవ్ర అమ్మకాలను చవి చూశాయి. నేషనల్ స్టాక్ ఎక్చ్సేంజి (ఎన్.ఎస్.ఇ) 50 షేర్ల సూచి ‘నిఫ్టీ’ 98 పాయింట్లు నష్టపోయి 11,300 స్థాయికి దిగువన ముగిసింది. పెరుగుతున్న ముడి చమురు ధరలు ఇన్వెస్టర్లలో మరింత నిరుత్సాహం నింపాయి. అమెరికన్ డాలర్‌తో మారకంలో దేశీయ కరెన్సీ మధ్యాహ్న లావాదేవీలలో 27 పైసలు క్షీణించి రూ. 72.78 (ఇంట్రా-డే) వద్ద ఉంది. ట్రంప్ ప్రకటనతో దుమారం చైనా నుంచి 200 బిలియన్ డాలర్ల విలువైన అదనపు దిగుమతులపై కొత్తగా సుంకాలు విధిస్తున్నట్లు అమెరికా అధ్యక్షుడు డొనాల్డ్ ట్రంప్ సోమవారం ప్రకటించడంతో, ఏషియాలోని ఆ పెద్ద దేశంతో వాణిజ్య యుద్ధం రాజుకున్నట్లయింది. అనుచిత వర్తక విధాలను మార్చుకునేందుకు చైనా విముఖంగా ఉందని ఆరోపిస్తూ, నూతన అదనపు సుంకాల వ్యవస్థ సెప్టెంబర్ 24 నుంచి అమలులోకి వస్తుందని ట్రంప్ ప్రకటించారు. అప్పటి నుంచి ఈ సంవత్సరాంతం వరకు సుంకాలు 10 శాతంగా ఉంటాయి. వచ్చే ఏడాది జనవరి 1 నుంచి సుంకాలు 25 శాతం స్థాయికి పెరుగుతాయి. 

ఆరంభం బాగున్నా...
బి.ఎస్.ఇ 30 షేర్ల ‘సెన్సెక్స్’ మంగళవారం ఒక మోస్తరు మెరుగైన స్థాయి 37,660.19 వద్ద మొదలై, 37,745.44కు పెరిగినప్పటికీ, తర్వాత, అంతకంతకు క్షీణించిపోతూ వచ్చింది. ఆ దశలో 37,242.85 కనిష్ఠ స్థితిని చూసింది. ట్రేడింగ్ ముగింపులో అమ్మకాలు ముమ్మరమవడంతో, చివరకు 294.84 నష్టంతో 37,290.67 వద్ద ముగిసింది.  ఆగస్టు 2 (37,165.16) తర్వాత ‘సెన్సెక్స్’కి ఇదే అత్యల్ప ముగింపు. ‘సెన్సెక్స్’ సోమవారం 505.13 పాయింట్లు కోల్పోయింది. ‘నిఫ్టీ’ మంగళవారం 98.65 పాయింట్లు కోల్పోయి 11,278.90 వద్ద ముగిసింది. సెషన్‌లో అది 11,268.95 నుంచి 11,411.45 మధ్య ఊగిసలాడింది. దేశీయ మదుపు సంస్థలు సోమవారం రూ. 180.36 కోట్ల విలువ చేసే షేర్లను విక్రయించగా, విదేశీ పోర్ట్‌ఫోలియో ఇన్వెస్టర్లు రూ. 106.54 కోట్ల విలువ చేసే షేర్లను విక్రయించినట్లు తాత్కాలిక డాటా సూచించింది. 



రూపాయి నిరాశ... మార్కెట్లకు ప్రయాస

Updated By ManamMon, 09/17/2018 - 22:23
  • వీడని ప్రపంచ వాణిజ్య యుద్ధ భయాలు

  • రెండు సెషన్లలో గడించిన లాభాలకు బ్రేక్ 

  • సెన్సెక్స్ 500 పాయింట్లకు పైగా కోల్పోగా నిఫ్టీ 38వేల దిగువన ముగిసింది

bseముంబై: బొంబాయి స్టాక్ ఎక్చ్సేంజి (బి.ఎస్.ఇ) 30 షేర్ల సున్నిత సూచి సోమవారం 505 పాయింట్లు పతనమై 38,000 స్థాయి దిగువకు జారింది. ‘సెన్సెక్స్’ రెండు సెషన్లలో గడించిన లాభాలకు బ్రేక్ పడింది. దేశీయ కరెన్సీ తీవ్రంగా పతనమవకుండా నిరోధించేందుకు ప్రభుత్వం కొన్ని చర్యలను ప్రకటించినప్పటికీ, కొనసాగుతున్న రూపాయి కష్టాలు, ప్రపంచ వాణిజ్య యుద్ధ కలతలు ఇన్వెస్టర్లను అమ్మకాలకు పురికొల్పాయి. నేషనల్ స్టాక్ ఎక్చ్సేంజి (ఎన్.ఎస్.ఇ)  50 షేర్ల సూచి ‘నిఫ్టీ’ కూడా 137 పాయింట్లకు పైగా కోల్పోయి 11,400 స్థాయికి దిగువన ముగిసింది. ఫినాన్షియల్ సంస్థలు హెచ్.డి.ఎఫ్.సి లిమిటెడ్, హెచ్.డి.ఎఫ్.సి బ్యాంక్‌లు  ఈ సెషన్‌లో మార్కెట్లను వెనక్కిలాగి పట్టిన ప్రధాన షేర్లయ్యాయి. కీలక సూచీలను వాటి కీలక స్థాయిల నుంచి కిందకు దింపాయి. అమెరికా-చైనాల మధ్య పెరుగుతున్న వాణిజ్య యుద్ధంతో  ఏషియన్, యూరోపియన్ మార్కెట్లు మందగొడిగా సాగడం దేశీయ స్టాక్ మార్కెట్లలో జాగరూకతకు దారితీసింది. కరెంట్ అకౌంట్ లోటు విస్తృతిని అరికట్టేందుకు, రూపాయి పతనాన్ని నిరోధించేందుకు ప్రభుత్వం శుక్రవారం కొన్ని చర్యలను ప్రకటించింది. మసాలా బాండ్లపై విత్‌హోల్డింగ్ పన్ను తొలగింపు, విదేశీ పోర్ట్‌ఫోలియో ఇన్వెస్టర్లకు సడలింపు, అప్రధానమైన వస్తువుల దిగుమతులపై ఆంక్షలు వంటివి వాటిలో ఉన్నాయి. 

దెబ్బతిన్న రూపాయి
భారతీయ కరెన్సీ మరోసారి రూ. 72 స్థాయిని అధిగమించి, అమెరికన్ డాలర్‌తో మారకం విలువ రూ. 72.69 (ఇంట్రా-డే)కి పడిపోయింది. ‘‘అమెరికా-చైనాల మధ్య వాణిజ్య యుద్ధం మరింత పెచ్చుమీరడానికి అవకాశం ఉందనే వార్త మార్కెట్లకు మింగుడుపడలేదు. రూపాయిలో బలహీనత మార్కెట్‌ను మరింత కుంగదీసింది. చాలా రంగాల సూచీలు గీటురాయి ‘సెన్సెక్స్’కి అనుగుణంగానే సాగి, దిగువ స్థాయిల్లో ముగిశాయి. ప్రస్తుతం మార్కెట్లు ప్రపంచ రాగాలకు అనుగుణంగా నర్తనమాడుతున్నాయి. ఈ పరిస్థితిలో అంత త్వరగా మార్పు వస్తుందని మేం అనుకోవడం లేదు..’’ అని ఒక విశ్లేషకుడు అన్నారు. బి.ఎస్.ఇ  ‘సెన్సెక్స్’ 38,027.81 వద్ద మొదలై, వేగంగా 38000 స్థాయి దిగువకు జారింది. ఇటీవల పెరిగిన వాటితో సహా, వివిధ రంగాల షేర్లలో చోటుచేసుకున్న అమ్మకాలతో 37,548.93 పాయింట్ల కనిష్ఠ స్థితిని చూసింది. చివరకు 505.13 పాయింట్ల నష్టంతో, 37,585.51 వద్ద ముగిసింది. 

మార్కెట్ విలువ ఢమాల్ 
బి.ఎస్.ఇలో లిస్ట్ అయిన కంపెనీల మార్కెట్ క్యాపిటలైజేషన్ సోమవారంనాడు రూ. 1,14,676 కోట్లకు పైగా తుడిచిపెట్టుకుపోయింది. షేర్ల సంఖ్యతో షేర్ల విలువను గుణించగా వచ్చే మొత్తాన్ని మార్కెట్ క్యాపిటలైజేషన్ అంటారు. గత రెండు సెషన్లలో  ‘సెన్సెక్స్’ 677.51 పాయింట్లు లాభపడింది. ఎన్.ఎస్.ఇ నిఫ్టీ కూడా 11,366.90 కనిష్ఠ స్థితిని చూసి, చివరకు 137.45 పాయింట్ల నష్టంతో, 11,377.75 వద్ద ముగిసింది. కాగా, విదేశీ పోర్ట్‌ఫోలియో ఇన్వెస్టర్లు శుక్రవారం రూ. 1,090.56 కోట్ల విలువ చేసే షేర్లను కొనుగోలు చేయగా, దేశీయ మదుపు సంస్థలు రూ. 115.14 కోట్ల విలువ చేసే కొనుగోళ్ళు జరిపాయని తాత్కాలిక డాటా సూచించింది. 

తగ్గని చమురు ధరలు
ప్రపంచ మార్కెట్లలో అధికంగా ఉన్న ముడి చమురు ధరలు కూడా ఇక్కడి సెంటిమెంట్లను కుంగదీశాయి. చమురుకు అంతర్జాతీయ గీటురాయిగా భావించే బ్రెంట్ క్రూడ్ ధర పీపాకు 78.60 వద్ద కోట్ అవుతోంది. డబ్ల్యు.టి.ఐ క్రూడ్  పీపాకు 69.48 డాలర్లుగా కోట్ అవుతోంది. ప్రపంచ మార్కెట్లను తలదన్నుతూ సాగిన భారతదేశపు స్టాక్ మార్కెట్ ఆరోహణకు తెరపడినట్లేనని ప్రపంచ ఫినాన్షియల్ సర్వీసుల కంపెనీ గోల్డ్‌మ్యాన్ శాక్స్ నివేదికలు కూడా మదుపరుల సెంటిమెంట్లపై నీళ్ళు చల్లాయి. స్థిరాస్తులు, విద్యుత్, మౌలిక వసతుల రంగాల సూచీలు మాత్రం మిగిలిన వాటికి భిన్నంగా సోమవారం 1.36 శాతం పెరుగుదలను చూశాయి.





Related News