Uttam kumar reddy

‘ఆ సీటు’ కేసీఆర్‌కు గిఫ్ట్‌గా ఇస్తాం: కవిత

Updated By ManamFri, 11/16/2018 - 13:14
we will give  jagtial gift to kcr, say MP kavitha

హైదరాబాద్ : తెలంగాణ అసెంబ్లీ ఎన్నికల్లో టీఆర్ఎస్ పార్టీకి 100కి పైగా సీట్లు వచ్చినా ఆశ్చర్యపోనవసరం లేదని ఆ పార్టీ ఎంపీ కల్వకుంట్ల కవిత వ్యాఖ్యానించారు. ఆమె శుక్రవారమిక్కడ మీడియాతో చిట్ చాట్ చేశారు. ‘టీఆర్ఎస్ కుటుంబ పార్టీ అని ఉత్తమ్ అన్నారు. మరి...ఆయన తన భార్య పద్మావతికి టికెట్ ఎలా తీసుకుంటారు?. ఉత్తమ్ కుమార్ రెడ్డి తన భార్య పద్మావతి నామినేషన్ ఉపసంహరించుకుంటే గౌరవంగా ఉంటుంది. కోదాడలో టీఆర్ఎస్ గెలుస్తుంది. 

తెలంగాణ కాంగ్రెస్‌కు సడన్‌గా సెటిలర్లపై ప్రేమ పుట్టుకు వచ్చింది. కమ్మ సామాజికవర్గానికి అన్యాయం జరిగిందని ఆ పార్టీ ఎంపీ రేణుకా చౌదరి రాజీనామా చేయడానికి సిద్ధపడ్డారు. కొత్తగా కుసుమకుమార్‌కు వర్కింగ్ ప్రెసిడెంట్ పదవి ఇచ్చారు. తెలంగాణలో టీడీపీ అభ్యర్థిని కాదు... ఆ పార్టీని తిరస్కరిస్తారు. నిజామాబాద్ జిల్లాలో తొమ్మిది అసెంబ్లీ సీట్లు గెలుస్తాం. ఇక జగిత్యాల సీటు గెలిచి కేసీఆర్‌కు బహుమతిగా ఇస్తాం.  రూరల్, అర్బన్ అనే తేడాలేదు... అందరూ టీఆర్ఎస్ వైపే’ అని కవిత ధీమా వ్యక్తం చేశారు.



ఎక్కువ కేసులున్న వారికే టికెట్లా?: గట్టు 

Updated By ManamThu, 11/15/2018 - 18:21
  • ఉత్తమ్, రేవంత్ రెడ్డికి వర్కింగ్, ప్రెసిడెంట్ పదవులిస్తారా?

  • తెలంగాణ కాంగ్రెస్‌లో సామాజిక న్యాయం లేకుండా పోయింది

Gattu ramachandra rao, Telangana congress leaders, Revanth Reddy, Uttam Kumar reddyహైదరాబాద్: తెలంగాణ కాంగ్రెస్‌లో సామాజిక న్యాయం లేకుండా పోయిందని, ఎక్కువ కేసులున్న వారికే ఆ పార్టీ టికెట్లు, పదవులు ఇస్తోందని టీఆర్ఎస్ నేత గట్టు రామచంద్రరావు ఆరోపించారు. తెలంగాణ కాంగ్రెస్ ప్రెసిడెంట్, వర్కింగ్ ప్రెసిడెంట్ కావాలంటే క్రిమినల్ యాక్టివిటి ఉండాలా? అని ఆయన విమర్శించారు. గురువారం హైదరాబాద్‌లో గట్టు మీడియాతో మాట్లాడుతూ.. ఓటుకు నోటు కేసులో దొరికిన కొడంగల్ కాంగ్రెస్ నేత రేవంత్ రెడ్డికి వర్కింగ్ ప్రెసిడెంట్ పదవి ఇచ్చారని, పాస్‌పోర్ట్ కేసులో ఉన్న కుసుమ కుమార్‌కు మరో వర్కింగ్ ప్రెసిడెంట్ పదవి ఇచ్చారని మండిపడ్డారు.

కారులో రూ.3 కోట్లు తగులబెట్టుకున్న టీపీసీసీ చీఫ్ ఉత్తమ్‌ కుమార్ రెడ్డికి ప్రెసిడెంట్ పదవులా? అని గట్టు ధ్వజమెత్తారు. పాలకుర్తి కాంగ్రెస్ అభ్యర్థి ఓ రౌడీ షీటర్ అని, ఎక్కువ కేసులు ఉన్నవారికే టికెట్లు ఇస్తున్నారని, ప్రజల ముందు అభాసుపాలవుతున్నారని గట్టు రామచంద్రరావు విమర్శలు గుప్పించారు. 



రిజర్వేషన్ పేరుతో టీఆర్‌ఎస్ మోసం 

Updated By ManamMon, 11/12/2018 - 02:11
  • మేం అధికారంలోకి రాగానే మైనారిటీ సబ్‌ప్లాన్

  • అబుల్‌కలాం జయంతి వేడుకల్లో ఉత్తమ్

uttamహైదరాబాద్: ముస్లింలకు 12 శాతం రిజర్వేషన్లు కల్పిస్తామని టీఆర్‌ఎస్ ప్రభుత్వం ఘోరంగా మోసం చేసిందని, త్వరలో జరగనున్న ఎన్నికల్లో ఆ పార్టీకి బొంద పెట్టాలని టీపీసీసీ అధ్యక్షులు ఎన్ ఉత్తమ్ కుమార్ రెడ్డి పిలుపునిచ్చారు. తాము అధికా రంలోకి వస్తే మైనార్టీ సబ్‌ప్లాన్ తీసుకొస్తామని హామీ ఇచ్చారు. టీపీసీసీ మైనారిటీ డిపార్ట్ మెంట్ అధ్వర్యంలో ఆదివారం కత్రియా హోటల్ లో అబుల్ కలాం ఆజాద్ జయంతిని పురస్కరించుకుని మైనారిటీ సదస్సు జరిగింది. మైనారిటీ సెల్ అధ్యక్షులు అబ్దుల్ సోహైల్ అధ్యక్షతన జరిగిన ఈసమావేశంలో ఏఐసీసీ మైనారిటీ విభాగం చైర్మన్ అమీర్ జావీద్, కేంద్ర మాజీమంత్రి, ఏఐసీసీ అధికార ప్రతినిధి రాజీవ్ శుక్లా, రాజ్యసభ సభ్యులు నజీర్ హుస్సేన్, ఏఐసీసీ కార్యదర్శులు సలీం అహ్మద్, బోసురాజు, టీపీసీసీ అధికార ప్రతినిధి నిజాముద్దీన్ పాల్గొ న్నారు.ఈ సందర్భంగా ఉత్తమ్ మాట్లాడుతూ, అధికారంలోకి వచ్చిన తర్వాత వక్ఫ్ భూముల పరిరక్షణకై జ్యుడీషియల్ అధికారాలు కల్పిస్తామని చెప్పి మోసం చేశారని, ఒక్క గజం వక్ఫ్ భూమిని కూడా కాపాడ లేకపోయారని చెప్పారు. ఆలేరు ఎన్‌కౌంటర్ లో నలుగురు ముస్లిం యువకులు చనిపోతే ఈ ఘటనపై విచారణ జరిపిస్తామని చెప్పి మాట మార్చా రని మండిపడ్డారు. మక్కామసీదు పేలుళ్ల కేసు నిందితులను కింది కోర్టు నిర్దోషులుగా ప్రకటించిందని, ఈ కేసుకు సంబంధించి సుప్రీంకోర్టుకు అప్పీల్‌కు కూడా కేసీఆర్ సర్కార్ వెళ్లలేదని విమర్శించారు. బీజేపీకి అన్ని విషయాలలో మద్దతు ఇస్తున్న కేసీఆర్ రాజకీయాన్ని అర్థం చేసుకోవాలని, టీఆర్‌ఎస్,మజ్లిస్ కు ఓటేస్తే బీజేపీకి వేసినట్లేనని చెప్పారు. దేశంలోని చాలా రాష్ట్రాలలో జరిగిన ఎన్నికల్లో బీజేపీ గెలిచేందుకు మజ్లిస్ దోహదపడిందని ఉత్తమ్ ఆగ్రహం వ్యక్తం చేశారు.

నియోజకవర్గ ఇన్‌చార్జీలకు శిక్షణ
కాంగ్రెస్ పార్టీని క్షేత్ర స్థాయిలో బలోపేతం చేయడంతో పాటు ఎన్ని కల్లో అనుసరించాల్సిన గెలుపు వ్యూహాలపై నియోజకవర్గ ఇన్‌చార్జిలకు ఆదివారం ఇక్కడ ప్రత్యేక శిక్షణా కార్యక్రమం నిర్వహించారు. ఏఐసీసీ వార్ రూం ఇన్‌చార్జి మెహరాజ్  అధ్యక్షతన ఈ సమావేశం జరిగింది.  ఈ నెల 16నుంచి 23 వరకు బూత్ స్థాయి కమిటీలకు శిక్షణా తరగతులు నిర్వహించనున్నట్లు ఈ సందర్భంగా మెహరాజ్ వెల్లడించారు. ఈ సం దర్భంగా వార్‌రూం కార్యదర్శి కల్పన  పార్టీ చరిత్ర, నాయకులకు ఉండా ల్సిన లక్షణాలపై పవర్ పాయింట్ ప్రజెంటేషన్ ఇచ్చారు. ఈ కార్య క్రమంలో సోషల్ మీడియా రాష్ట్ర సమన్వయకర్త దీపక్ జాన్ కూడా పాల్గొన్నారు.



కూటమిగానే పోటీ

Updated By ManamMon, 11/12/2018 - 01:20
  • ప్రజా కూటమి భాగస్వామ్య పార్టీలన్నిటికీ ప్రభుత్వంలో భాగస్వామ్యం

  • టికెట్ రాని వారికి మండలిలో సముచిత స్థానం

  • టీజేఎస్‌తో చర్చలు సానుకూలంగా ముగిశాయి

  • ప్రజల ఆకాంక్షల ఎజెండా చైర్మన్‌గా కోదండరాం

  • నామినేషన్లకు ముందే అభ్యర్థుల ప్రకటన

  • టీపీసీసీ అధ్యక్షుడు ఉత్తమ్ కుమార్ రెడ్డి

uttamహైదరాబాద్: కేసీఆర్ దుర్మార్గపు పాలనను అంతం చేసేందుకు గ్రాండ్ అలయన్స్‌తోనే ఎన్నికలకు వెళుతున్నట్లు టీపీసీసీ అధ్యక్షులు ఎన్ ఉత్తమ్‌కుమార్ రెడ్డి ప్రకటించారు. వచ్చే ప్రభుత్వంలో అన్ని పార్టీలకు ప్రభుత్వంలో భాగస్వామ్యం ఉంటుందని వెల్లడించారు. సీట్లు రానివారికి ప్రభుత్వ పదవులు, మండలిలో సముచిత స్థానం, గౌరవం ఇచ్చి న్యాయం చేస్తామని చెప్పారు. ప్రజాకూటమి సీట్ల సర్దుబాట్లలో భాగంగా ఆదివారం సాయంత్రం తెలంగాణ జనసమితి (టీజేఎస్) కార్యాలయంలో ఆ పార్టీ అధ్యక్షుడు ప్రొఫెసర్ కోదండరాంతో చర్చలు జరిపారు. చర్చల అనంతరం కోదండరాం, టీటీడీపీ అధ్యక్షుడు ఎల్ రమణతో కలిసి ఉత్తమ్ విలేఖరుల సమావేశంలో మాట్లాడారు. తెలంగాణ ప్రజల ఆకాంక్షలను నెరవేర్చేం దుకు ప్రజాకూటమిగా ఎన్నికల్లో పోటీ చేస్తున్నట్లు చెప్పారు. ప్రజల ఆకాంక్షల ఎజెండా కమిటీ చైర్మన్‌గా ప్రొఫెసర్ కోదండరాంను నియమిస్తున్నట్లు వెల్లడించారు. తెలంగాణ రాష్ట్రం ఏర్పాటుకై జరిగిన ఉద్యమంలో కోదండరాంతో పాటు ప్రొఫెసర్ హరగోపాల్, విప్లవ గాయకురాలు విమలక్క, ప్రజాగాయకుడు గద్దర్ కీలకపాత్ర పోషించారని, అధికారంలోకి వచ్చిన తర్వాత వారిని కేసీఆర్ ఘోరంగా అవమానిం చారని మండిపడ్డారు. ప్రజల ఆకాంక్షలు నెరవేరులేదు కానీ, కేసీఆర్ కుటుంబం మాత్రం తెలంగాణ పేర ప్రయోజనం పొందిందని  విమర్శిం చారు. మోసం, దగా , కుట్రలతో సాగిన కేసీఆర్ పాలనకు  అంతం పలికేందుకే కూటమిగా ఏర్పడినట్లు చెప్పారు. అధికారంలోకి వచ్చిన తర్వాత ప్రజలకు ఇచ్చిన హామీల అమలులో టీఆర్‌ఎస్ ప్రభుత్వం ఘోరంగా విఫలమైందని ఆరోపించారు. అధికారం చేపట్టిన నాలుగున్నరేళ్లలో ఒక్క హామీనైనా నెరవేర్చారా ? టీఆర్‌ఎస్ పార్టీ చేపట్టిన విద్యుత్ ప్రాజెక్టులతో ఒక్క యూనిట్ విద్యుత్‌నైనా ఉత్పత్తి చేశారా ? సాగునీటి ప్రాజెక్టుల ద్వారా ఒక్క ఎకరానికైనా నీరిచ్చారా? ఇంటింటికి తాగునీరందిస్తామని చెప్పారు...అమలు చేశారా ? ధనిక రాష్ట్రాన్ని అప్పుల పాలు చేయలేదా ?అని ఉత్తమ్ ప్రశ్నల వర్షం కురిపించారు.

     కాంగ్రెస్ చేపట్టిన విద్యుత్ ప్రాజెక్టులతోనే ప్రస్తుతం విద్యుత్ సరఫరా సవ్యంగా సాగుతోందని చెప్పారు. నాగార్జుసాగర్, శ్రీరాంసాగర్, పోచంపల్లి తదితర ప్రాజెక్టులను కాంగ్రెస్ పార్టీయే నిర్మించిందని, వాటిద్వారానే సాగునీటి సౌకర్యం భూములకు అందుతోందని చెప్పారు. నాలుగున్నరేళ్లుగా ఎస్సీ, ఎస్టీ, బీసీ, మైనారిటీలతో పాటు అన్ని వర్గాలను కేసీఆర్ దగా చేశారని మండిపడ్డారు. ఏ పేదోడికి న్యాయం జరగలేదని చెప్పారు. నేరెళ్లలో దళిత, బహుజనులను చిత్రహింసలు పెడితే కేసీఆర్ సమర్థించుకున్నారని, అదే విధంగా మద్దతు ధర అడిగినందుకు గానూ గిరిజన రైతులను ఖమ్మంలో బేడీలు వేసి జైలుకు పంపారని, మహబూబాబాద్‌లో గిరిజన మహిళలను చెట్లకు కట్టేసి కొట్టిన సంఘటనలను సిగ్గులేకుండా కేసీఆర్ సమర్థించుకున్నారని ఆగ్రహం వ్యక్తం చేశారు. పేదవర్గాలకు చెందిన భూములను ఇష్టం వచ్చినట్లుగా లాక్కున్నారని ఆరోపించారు. ప్రాణహిత -చేవెళ్ల ప్రాజెక్టుకు సంబంధించి ఒక్క తట్ట మట్టినైనా వేశారా ? ముంపుకు గురవుతున్న భూములకు కాంగ్రెస్ పార్టీ రూపొందించిన 2013 భూసేకరణ చట్టాన్ని నిర్వీర్యం చేసి ఇష్టం వచ్చినట్లుగా పరిహారం చెల్లించి అన్యాయం చేసిందని దుయ్యబట్టారు. నిజాం మాదిరిగా పోలీసులను అడ్డుపెట్టుకుని అధికార దుర్వినియోగానికి పాల్పడుతున్నారని విమర్శించారు. ఐఎస్,ఐపీఎస్ అధికారులను తొక్కిపెట్టే ప్రయత్నం చేస్తున్నారని ఆరోపించారు. మైనారిటీలకైతే తీరని ద్రోహం చేశారని మండిపడ్డారు. తెలంగాణ వస్తే తమ జీవితాలు బాగుపడుతాయని అన్నివర్గాల ప్రజలు అనుకున్నారని, కానీ, అందుకు విరుద్ధంగా దుర్మార్గపు పాలన జరుగుతుండడంతో ప్రజలు విసిగిపోయారని చెప్పారు. నలుగురు కుటుంబ సభ్యుల కోసం నాలుగు కోట్ల మంది తెలంగాణ ప్రజలకు ద్రోహం చేశారని విరుచుకుపడ్డారు. లోక్ సభ ఎన్నికల్లో బీజేపీతో కలిసి పోటీ చేసేందుకే ప్రధానమంత్రి నరేంద్రమోడీ, కేసీఆర్ ముందస్తు ఎన్నికలకు తెరతీశారని ఉత్తమ్ ఆరోపించారు. ప్రజాస్వామ్యాన్ని  ఖూనీ చేస్తున్న కేసీఆర్ పాలన విముక్తి కోసమే కూటమిగా ఏర్పడ్డామని స్పష్టం చేశారు. ఎజెండా అమలు కోసం ఎన్నికలకు ముందు, తర్వాత కూడా ప్రత్యేకంగా కమిటీని ఏర్పాటు చేస్తున్నామని, ఈ కమిటీకి కోదండరాం చైర్మన్ గా ఉంటారని వెల్లడించారు. కూటమిలోని టీడీపీ, సీపీఐ, టీజేఎస్ పార్టీలు మంచి వాతావరణంతో ముందుకు వెళుతున్నామని చెప్పారు. ఈ విషయంలో ఎవరికి కూడా సందేహం ఉండాల్సిన అవసరం లేదన్నారు. డిసెంబర్ 7 న ఎన్నికలు జరుగనున్నాయని, గ్రాండ్ అలయన్స్ అఖండ విజయం సాధించబోతున్నామని, 12 తారీఖున కొత్త ప్రభుత్వం ప్రమాణ స్వీకారం చేయబోతున్నామని, కొత్త ప్రభుత్వం అన్ని పార్టీలకు భాగస్వామ్యం ఉంటుందని చెప్పారు. ఎన్నికల్లో పోటీ చేయాలనుకున్న అసమ్మతులు  అందరికి టికెట్లు వచ్చే అవకాశం ఉండదని, వారికి  అధికారంలోకి వచ్చాక మండలిలో సముచిత స్థానం, ఇతర పదవుల్లో బాధ్యతలు అప్పగించి న్యాయం చేస్తామని ఉత్తమ్ హామీ ఇచ్చారు.  నామినేషన్లకు ముందే పోటీ చేసే అభ్యర్థులను ప్రకటిస్తామని వెల్లడించారు.



త్వరగా తేల్చండి...

Updated By ManamMon, 11/12/2018 - 01:20
  • కాంగ్రెస్ తీరుతో టీజేఎస్‌లో ఆగ్రహ జ్వలాలు

  • సీపీఐతో ముందుకు వెళ్లాలనే యోచనలో టీజేఎస్?..

  • ఆదివారం అర్ధరాత్రి లేదా సోమవారం వీడనున్న ఉత్కంఠ!

uttamహైదరాబాద్: తాము కోరుకున్న సీట్లు దక్కని పక్షంలో తెలంగాణ జన సమితి పార్టీ సీపీఐ పార్టీని కలుపుకొని ముందుకు వేళ్లాని భావిస్తున్న ట్లు సమాచారం. తమతో కలిసి వస్తే, టీడీపీ, తెలంగాణ ఇంటిపార్టీకి కూడా సమున్నత గౌరవం ఇస్తామని, అ దిశగా కూటమికి గుడ్‌బై చెప్పే ఆలోచనలో టీజేఎస్ అధినేత ఉన్నట్లు వార్తలు జోరుగా వినిపిస్తున్నాయి. తాము అడిగిన సీట్లు ఇవ్వకపోవడంతో పలువురు నేతలు జన సమితి పార్టీపై తిరుగుబాటు బావుటా ఎగురవేయడం కానీ, ఆందోళన, నిరసనలు, ఆశవహులైన ఆభ్యర్ధుల అంచనాలను పసిగట్టి కూటమి నుంచి బయటకి వచ్చెందుకు అ దిశగా ప్రయత్నాలు ముమ్మరం చెస్తున్నట్లు సమాచారం. ఆదివారం ఆర్ధరాత్రి వరకు, సమయమిచ్చి తెల్లారి సోమవారం 15 మంది ఆభ్యర్ధుల పేర్లను కూడా విడుదల చేయాలని భావిస్తున్నట్లు సమాచారం. ఇప్పటికైనా ఏమాత్రం అలస్యం చేయకుండా కూటమి పెద్దన్న కాంగ్రెస్ తమ సీట్లను ప్రకటించాలని కాంగ్రెస్ పై ఒత్తిడి తెస్త్తోంది. ఇక, దీని ప్రకారం కూటమి భాగస్వామ్య పక్షాలకు సీట్లు తెచ్చెందుకు వెనుకడితే మొదటికే మోసం తప్పదని కాంగ్రెస్ గుర్తించాల్సి ఉంటది. లేదంటే కూటమి విచ్ఛీనంతో పాటు గులాబి అధినేత అంచనాలను వారు అందుకోనంత ఎత్తులో లోకి వెళ్ళి విఫల ప్రయోగంతో ఆపవాదును మూట గట్టుకునే పనిలో ఉండక తప్పదని రాజకీయ విశ్లేశకులు మాట. అంతకుముందు టీజేఎస్ కార్యాలయానికి తెలంగాణ రాష్ట్ర కాంగ్రెస్ అధ్యక్షులు ఉత్తమ్ కుమార్ రెడ్డి, టీటీడీపీ అధ్యక్షుడు ఎల్ రమణ  కోదండరాం చాయ్ కి పిలిచినట్లు టీడీపీ వాళ్ళు చెబుతున్నారు. కూటమి పోత్తులపై వారు సుదీర్ఘంగా చర్చలు జరిపారని తెలుస్తొంది. కోదండ రాం ఆహ్వానం మేరకు వచ్చినట్లుగా చెప్తునప్పటికి పోత్తుల విషయంలో తీవ్ర నిరశతో ఉన్న ఆయనను బుజ్జగించెందుకే ఉత్తమ్, రమణలు టీజేఎస్ పార్టీ కార్యాలయానికి వచ్చినట్లుగా తెలుస్తొంది. ఇదిలా ఉంటే, సీపీఐ ఆఫీసులో కూడా చాడ వెంటక్ రెడ్డితో  ఏఐసీసీ కార్యదర్శి శ్రీనివాస కృష్ణన్ వెళ్లినట్లు సమాచారం. వీరి సీట్ల సర్దుబాటును వచ్చి రాగానే ఉతమ్‌కుమార్ ఆదివారం రాత్రి వరకు తేల్చాలని కోదండరాం డిమాండ్ చేసినట్లు తెలిపారు. తమకిచ్చే అ ఎనిమిది సీట్ల విషయాన్ని త్వరగా తేల్చాలని కోదండరాం గట్టిగా పట్టుబట్టారు. లేని పక్షంలో 15 సీట్ల జాబితాను కోదండరాం సిద్ధం చేసినట్లు తెలిపారు. వెంటనే ఎక్కడ ప్రకటిస్తారోనన్న ఆందోళనతోనే ఉత్తమ్ కుమార్ రెడ్డి తెలంగాణ జన సమితి కార్యాలయానికి చర్చల పేరుతో వచ్చారని గుస గుసలు వినిపిస్తున్నాయి. ఇది ఇలా ఉండగా  కోదండరాంకు జనగాం సీటును కేటాయించినట్లు వార్తలు గుప్పుమంటున్నాయి. ఈ నేపధ్యంలో టీజేఎస్ ఎనిమిది సీట్లలో పోటితో పాటు స్నేహపూర్వక పోటీ ఉంటుందని తెలుస్త్తోంది. జనగాం సీటును కూటమి నేతలు అధికారికంగా చెప్పనప్పటికి కోదండరాం మాత్రం అక్కడి నుంచే పోటి చెస్తారని గట్టి వాదనలు వినిపిస్తున్నాయి. ఇదే నిజమైతే, పొన్నాల పరిస్థితి ఎంటన్నది తెలియలేదు. అయితే, పొన్నాల టీఆర్‌ఎస్‌లో చెరుతారని వార్తలు సైతం ఉన్నాయి. ఆదివారం జనసేన పార్టీ నుంచి కాసుల కృష్ణ అనే కీలక నేత టీజేఎస్ పార్టీలో చేరారు. ఈసందర్భంగా కోదండరాం ఆయనకు కండువా కప్పి పార్టీలోకి ఆహ్వానించారు. 

పెద్దన్న తీరు నచ్చక ఆగ్రహంతో కార్యకర్తలు
తెలంగాణ జన సమితి పార్టీలో అగ్గి రాజుకోంటొంది. తమ ఆభ్యర్ధికి టికెట్ కేటాయించాలని వారి అనుచర గణం ఉద్యమ పార్టీ అధినేత కోదండరాంపై ఒత్తిడి తెస్తూ ..తీవ్ర నిరసనలు వ్యక్తపరుస్తున్నారు. ఇది అధినేతలకు పెద్ద తలనొప్పే అయినప్పటికీ...కూటమి పోత్తులు తేలేదాక ఇది తప్పకపోవచ్చు. ఒంటరిగా పోటీ చేయాలని పలువురు టీజేఎస్ నేతలతో పాటు అనుబంధ విద్యార్ధి సంఘం నేతలు మొదటినుంచి చెబుతునే ఉన్నారు. అయినా చేతులు కాలక ఆకులు పట్టుకున్న చందంగా టీజేఎస్ పరిస్థితి తయారు కావడంపై వారు ఆగ్రహం వ్యక్తం చెస్తున్నారు. ఇప్పటికైనా తాము 16 స్థానాల్లో పోటి చెద్దామంటున్నారు. టీజేఎస్ కోరుకున్న 8 సీట్లతో పాటు మరొ ఎనిమిది సీట్లలో స్నేహపూర్వక పోటి చేయాలని, అది కూడా తెలంగాణ జన సమితి గుర్తుపై పోటి చేయాలని పలువురు నేతలు, టీకేట్ అశిస్తున్న ఆశవహులు కూడా సూచింనట్లు సమాచారం. కొంత కాలంగా కూటమి తీరుపై టీజేఎస్ నేతలు అగ్రహంగా ఉన్నప్పటికి కోదండరాంపై ఉన్న నమ్మకంతో ఆయన ఖచ్చితంగా పోత్తుల్లో తమకు దక్కాల్సిన సీట్లను దక్కించు కుంటారని అనుకున్నారు. కానీ, గత కొద్ది రోజులుగా మహ కూటమిలో పెద్దన్న పాత్ర పోషిస్తున్న కాంగ్రెస్ పాత్ర ఎక్కువగా ఉండడం జన సమితి పార్టీలో మెజారిటి నేతలకు నచ్చలేదు. అయినా మొదట కూటమికి 34 మంది పేర్లతో లిస్టు ఇచ్చినప్పటికి అందులో సగానికి సగం వస్తాయని, లేదంటే తమకు బలంగా ఉన్న కొన్ని సీట్లిచ్చి మిగతా వాటి ని ఎక్కడ ఇచ్చినా కూడా సరేనన్న దోరణలో జన సమితి సిద్దమయినప్పటికి... అపార్టీకి రెండు లేదా మూడు,  అ తర్వాత ఆరు, ఇక చివరగా ఓ ఎనిమిది స్థానాలను ఇస్తాం.. ఉంటే ఉండండి..లేదంటే వెళ్లిపోండి అనే ధోరణిలో కాంగ్రెస్ పార్టీ వ్యవహరించిన తీరు తెలంగాణ అధినేత కోదండ రాంను..ఉద్యమకారులను తీవ్ర మనస్థాపానికి గురి చేసింది. 

టికెటివ్వలేదని ఆత్మహత్య యత్నం
కేసీఆర్‌ను గద్దే దించాలే అనే ఒకే ఒక్క ఏక వాక్య నినాదంతో వారంతా కూటమితో తాము కలిసి పనిచేయడానికి కానీ, వెళ్లాలని ఇష్టపడడం లేదు. అయిన కూడా కాంగ్రెస్ పార్టీ తమకు ఇస్తామన్న అ ఎనిమిది సీట్లను కూడా తేల్చకపోవడం ఉద్యమకారులు, టికెట్ అశిస్తున్న నేతలు కట్టలు తెంచుకొనే అగ్రహానికి గురవుతన్నారు. సీట్లు ఇస్తామంటు కోన్ని రోజులు క్రిందట లీక్ చేసిన కాంగ్రెస్ పార్టీ తక్షణమే అ పేర్లను విడుదల చేయాలని డిమాండ్ చెస్తున్నారు. ఉమ్మడి పాలమూరు జిల్లాకు చేందిన ఉద్యమ కారుడు రాజేందర్ రెడ్డి అనుచరులు టీజేఎస్ కార్యాలయం ముందు పెద్దఎత్తునఆందోళన చేపట్టడం,ఆత్మహత్యల వరకు  పరిస్థితి వెళ్ళిందంటే ఆర్ధం చేసుకోవచ్చు. ఈ సందర్భంగా పార్టీ కార్యాలయం ముందు బైటాయించి పెద్ద ఎత్తున వారంతా కోదండరాంకు వ్యతిరేకంగా నినాదాలు చేశారు. కోదండరాం డౌన్ డౌన్, ఖబర్ధార్ టీజేఎస్ అంటూ.. ఆందోళన వ్యక్తం చేశారు. ఖచ్చితంగా రాజేందర్ రెడ్డికి టికెట్ ఇయ్య కపోతే ఎంతటి త్యాగాలకైన సిద్దమేనంటూ మహబూ బ్‌నగర్‌కు చెందిన మల్లేష్ యాదవ్ అనే వ్యక్తి ఓంటిపై పెట్రోల్ పోసుకోని ఆత్మహత్యకు పాల్పడ్డారు.వేంటనే తెరుకున్న జనసమితి యువజన విభాగం నేతలు, పార్టీ కార్యకర్త లు పెట్రో ల్ డబ్బాను గుంజుకోని ఆత్మహత్యను నిలువరిం చారు. 

పొత్తుల విషయం కొలిక్కి?
మహకూటమి బాగస్వామ్య పార్టీల నేతలంతా తెలంగాణ జన సమితి కార్యాలయంలో అత్యవసర సమావేశమయ్యారు. చర్చల్లో బాగంగా మొదటిసారిగా టీజేఎస్ కార్యాలయానికి ఉత్తమ్ కుమార్ రెడ్డి మర్యాద పూర్వకంగా విచ్చెశారు. ఈసందర్భంగా ఉత్తమ్..టీజేఎస్ అధినేత కోదండ రాంతో పాటు అప్పటికే అక్కడ చర్చలు జరుపుతొన్న టీటీడీపీ అధినేత ఎల్ రమణతో భేటి అయ్యారు. ఇక, చాల కాలంగా పోత్తులను నాన్చుతూ వచ్చిన కూటమి పోత్తులపై ఆదివారం వారు ప్రధానంగా చర్చించారు. అయితే, ఈ చర్చల్లో కూలమి పోత్తుల విషయం కొలిక్కి వచ్చిందని నేతలు చెప్తున్నారు. అయితే, ఆ సీట్లను మాత్రం వారు ప్రకటించలేదు. అ సీట్లను ఆదివారం ఆర్ధరాత్రి ప్రకటించే అవకాశం ఉన్నట్లు తెలుస్తొంది. ఎన్నికల్లో కూటమి గెలిసే కోదండరాం నేతౠత్వంలో చట్టబద్దమైన కమిటీని ఏర్పాటు చేస్తామని ఉత్తమ్ స్పష్టం చేశారు.  కోదండరాంకు అమరులు, ఉద్యమ కారుల ఆకాంక్షల కమిటికి చైర్మన్‌గా నియమిస్తామని స్పష్టం చేశారు. ఈ చర్చల్లో ప్రోఫెసర్ కోదండరాం, టీటీడీపీ అధ్యక్షుడు, ఎల్ రమణతో ఉత్తమ్ చర్చలు జరిపారు. ఈ కార్యక్రమంలో మాజీ ఎమ్మెల్సీ కపిలవాయి దిలీప్‌కుమార్, చింత స్వామి,విధ్యదర్ రెడ్డి,  గోపాల్ శర్మ, యోగేశ్వర్ రెడ్డి, వెంటక్ రెడ్డిలు పాల్గోన్నారు. 



తుది దశకు ప్రజాకూటమి చర్చలు..

Updated By ManamSun, 11/11/2018 - 19:10
  • కోదండరాం, రమణతో ఉత్తమ్ చర్చలు

  • భాగస్వామ్య పక్షాలతో ముగిసిన కాంగ్రెస్ చర్చలు

  • టీజేఎస్ కార్యాలయంలో మూడు పార్టీల నేతలు భేటీ 

TJS office, Uttam Kumar reddy, L Ramana, Kodanda Ram, TRS, KCRహైదరాబాద్: తెలంగాణలో ఎన్నికలు సమీపిస్తున్న వేళ.. ప్రజాకూటమిలో సీట్ల సర్దుబాటు వ్యవహారం తుది దశకు చేరుకుంది. సీట్ల సర్దుబాటుపై అసంతృప్తి వ్యక్తం చేసిన భాగస్వామ్య పక్షాలను బుజ్జగించే పనిలో కాంగ్రెస్ నిమగ్నమైంది. భాగస్వామ్య పక్షాలతో చర్చలు జరుపుతోంది. ఈ నేపథ్యంలో ఆదివారం తెలంగాణ జనసమితి (టీజేఎస్) కార్యాలయంలో ఆ పార్టీ నేత కోదండరాం, తెలంగాణ టీడీపీ అధ్యక్షుడు ఎల్ రమణ, టీపీసీసీ చీఫ్ ఉత్తమ్ కుమార్‌రెడ్డి జరిపిన చర్చలు ముగిశాయి. ఈ సందర్భంగా ఉత్తమ్, కోదండరాం, రమణ మీడియాతో మాట్లాడారు. 

టీఆర్ఎస్‌కు వణుకు పుట్టింది..
ఎన్నికల్లో ప్రజాకూటమి గెలిస్తే కోదండరాం నేతృత్వంలో చట్టబద్ధమైన కమిటీ ఏర్పాటు చేస్తామని ఎల్ రమణ స్పష్టం చేశారు. ఎవరూ ఊహించని విధంగా కూటమి ఏర్పడిందని ఆయన అన్నారు. ఊహించని రాజకీయ ప్రకంపనలు వచ్చాయని చెప్పారు. వార్‌వన్ సైడ్ అన్న టీఆర్ఎస్‌కు వణుకు పుట్టిందన్నారు. 

అసంతృప్తులకు రాబోయే ప్రభుత్వంలో ప్రాధాన్యత..
ఏ పార్టీ ఎన్ని స్థానాల్లో పోటీ చేస్తుందనేది నోటిఫికేషన్ కంటే ముందే ప్రకటిస్తామని ఉత్తమ్ చెప్పారు. అన్ని పార్టీలు ప్రభుత్వంలో భాగస్వామ్యం అవుతాయని అన్నారు. అసంతృప్తులకు రాబోయే ప్రభుత్వంలో తగిన ప్రాధాన్యత ఇస్తామని హామీ ఇచ్చారు. ప్రజల ఆకాంక్షలు నెరవేర్చేందుకు మా కూటమి ఏర్పాటు చేసినట్టు తెలిపారు. కూటమిగానే ఎన్నికలకు వెళ్తామని ఉత్తమ్ స్పష్టం చేశారు. టీజేఎస్‌కు మెదక్, దుబ్బాక, మల్కాజిగిరి, వర్ధన్న పేట, సిద్దిపేట, జనగాం సీట్లను ఇస్తున్నట్టు ఆయన వెల్లడించారు. కాంగ్రెస్ సీనియర్ నేత జానారెడ్డి కొడుక్కి మిర్యాలగూడ సీటు ఇస్తే వరంగల్ ఈస్ట్ నుంచి టీజేఎస్ పోటీ చేస్తుందన్నారు. అసిఫాబాద్, స్టేషన్‌ఘన్‌పూర్‌లో స్నేహపూర్వక పోటీ ఉంటుందని ఉత్తమ్ అభిప్రాయపడ్డారు. 

కోదండరాం పాత్ర కీలకం..
తెలంగాణ ఉద్యమంలో కోదండరాం పాత్ర కీలకమైందని టీపీసీసీ చీఫ్ ఉత్తమ్ అన్నారు. ఉద్యమ ఆకాంక్షలను ప్రభుత్వం పట్టించుకోలేదని ఆయన చెప్పారు. నాలుగున్నరేళ్ల టీఆర్ఎస్ పాలనలో ప్రజలకు ఒరిగిందేమీ లేదన్నారు. ఉద్యోగులు, నిరుద్యోగులంతా నిరాశతో ఉన్నారని ఉత్తమ్ చెప్పారు. హరగోపాల్, విమలక్క, గద్దర్ లాంటి ఉద్యమకారులు అసంతృప్తితో ఉన్నారు. అమరవీరుల త్యాగాలు టీఆర్ఎస్ ప్రభుత్వం మరించిందని ఉత్తమ్ విమర్శించారు. నరేంద్ర మోదీ, కేసీఆర్ కుమ్మక్కై ముందస్తు ఎన్నికలకు వెళ్లారని ధ్వజమెత్తారు. తెలంగాణ ప్రజల్ని, మైనార్టీలను మోసం చేసే కుట్రలో ముందస్తుకు వెళ్లారని మండిపడ్డారు. బీజేపీ-టీఆర్ఎస్ స్నేహం ఎంపీ ఎన్నికల్లో బయటకొస్తుందని ఉత్తమ్ చెప్పారు. 



కసరత్తు పూర్తి

Updated By ManamSun, 11/11/2018 - 07:35
  • నేడు 74 మంది కాంగ్రెస్ అభ్యర్థుల ప్రకటనకూటమి సర్దుబాట్లలో ప్రతిష్టంభన

  • నేడు మరోసారీ జరుగనున్న చర్చలు

  • కేసీఆర్‌ను ఓడగొట్టేందుకే కూటమి : రమణ

  • 5 సీట్లు ఇవ్వకపోవడమే అసంతృప్తి : చాడ

uttamహైదరాబాద్: ఎన్నికల్లో పోటీ చేయనున్న కాం గ్రెస్ అభ్యర్థుల ఎంపిక కస రత్తు పూర్తయింది. ఆదివారం సాయంత్రం 74 మందితో తొలి విడత జాబితాను ప్రకటించనున్నారు. తొలి విడత జాబితాను 8 వ తేదీనే ప్రకటించాలని నిర్ణయించినప్పటికీ, కూటమితో సర్దుబాట్లు జరగకపోవడం, సొంత పార్టీ నేతలు, కార్యకర్తల ఒత్తిడుల మేరకు ఇంతకు ముందు ఖరారు చేసిన సీట్లలో కొన్ని మార్పులు, చేర్పులతో మరో జాబితాను టీపీసీసీ సిద్ధం చేసింది. ఎఐసీసీ ఆమోదంతో ఈ జాబితాను విడుదల చేయ నుంది. అభ్యర్థుల ప్రకటన ఢిల్లీలో జరుగుతుందా లేదా హైదరాబాద్‌లోనా అనేది అదివారం ఉదయం తేలనుంది. హైదరాబాద్‌లో విడుదల చేసేందుకు అనుమ తించాలని కాంగ్రెస్ పార్టీ రాష్ట్ర వ్యవ హారాల ఇన్‌చార్జి డాక్టర్ రామచంద్రకుంతియా అధిష్టానాన్ని కోరినట్లు సమాచారం. మిగతా 20 సీట్లను మరో దఫాలో ప్రకటించనుంది. రాష్ట్రంలోని మొత్తం 119 స్థానాలకు గానూ, పార్టీ నుంచి 95 స్థానాల్లో అభ్యర్థులను నిలబెట్టాలని ఎఐసీసీ మొదట్లో  అనుకుంది. ప్రజాకూటమిలోని మిత్రపక్ష పార్టీల ఒత్తిడితో తన సంఖ్యను 93 కి తగ్గించుకుంది. కూటమిలోని తెలుగుదేశం పార్టీకి 14, తెలంగాణ జనసమితి(టీజేఎస్) కు 8, సీపీఐకి 3 ,తెలంగాణ ఇంటి పార్టీకి 1 స్థానాన్ని కేటాయించాలని సోనియాగాంధీ అధ్యక్షతన జరిగిన కాంగ్రెస్ సెంట్రల్ ఎలక్షన్ కమిటీ సమావేశంలో నిర్ణయించారు. ఎఐసీసీ ప్రకటించిన ఈ సీట్లపై టీడీపీ పెద్దగా అభ్యంతరాలు చెప్పలేదు. తెలంగాణ ఇంటి పార్టీ కాంగ్రెస్ గుర్తుపై పోటీ చేసేందుకు సిద్ధం కావడంతో కాంగ్రెస్ పోటీ చేసే స్థానాల సంఖ్య 94 కి చేరింది.  అయితే, తమకు 11 స్థానాలను కేటాయించాలని టీజేఎస్, 5 సీట్లు కేటాయించాలని సీపీఐ పట్టుబట్టడంతో కథ మళ్లీ మొదటికొచ్చింది. సీపీఐ ఏకంగా ఆ 5 స్థానాల్లో తమ అభ్యర్థులను కూడా ప్రకటించి కాంగ్రెస్ పార్టీకి ఝలక్ ఇచ్చింది. దీనితో మిత్రుల మధ్య పొత్తు చర్చలు మళ్లీ మొదలయ్యాయి. టీపీసీసీ అధ్యక్షులు ఎన్ ఉత్తమ్‌కుమార్ రెడ్డి ,కుంతియా దుబాయ్ పర్యటన ముగించుకుని హైదరాబాద్ చేరుకున్నాక శనివారం మళ్లీ జరిగాయి. పార్క్ హయత్‌లో కాంగ్రెస్‌తో చర్చకు మునుపు టీటీడీపీ అధ్యక్షులు ఎల్ రమణ, సీపీఐ రాష్ట్ర కార్యదర్శి చాడ వెంకటరెడ్డి, టీజేఎస్ అధ్యక్షులు ప్రొఫెసర్ కోదండరాం భేటీ అయ్యారు. ఈ భేటీలో తాము పోటీ చేసే స్థానాల వివరాలను కోదండరాంకు సీపీఐ ఇచ్చింది. వారి చర్చల వివరాలతో కోదండరాం ఒక్కరే కుంతియాతో చర్చలు జరిపారు. ఈ చర్చల్లో టీజేఎస్‌కి 9 స్థానాలు, సీపీఐ 5 స్థానాలు ఇవ్వాల్సిందేనని కోదండరాం స్పష్టం చేశారు. అంతేగాక కాంగ్రెస్ పార్టీ ఇచ్చే స్థానాలు గాక తాము బలంగా ఉన్న స్థానాలనే కేటాయించాలని కూడా సూచించారు. సీట్ల సర్దుబాట్లలో కాంగ్రెస్ పార్టీ మెట్టుదిగాలని, పెద్దన్న పాత్రనే పోషిస్తామని అనుకోవడం సరికాదని, ఇచ్చిపుచ్చుకునే ధోరణి ప్రదర్శించాలని కూడా వ్యాఖ్యానించినట్లు తెలిసింది. ఈ చర్చల్లో కూటమి సీట్లు తేలలేదు. పీటముడి వీడలేదు. తాము మాట్లాడుకునేందుకు సమయం కావాలని , ఆదివారం  ఉదయం మరోమారు కూర్చుని పంపకాలు జరుపుకుందామని కుంతియా చెప్పడంతో కోదండరాం చర్చలు ముగించారు.

కేసీఆర్ పాలనకు చరమగీతం పాడేందుకే కూటమి: రమణ
కేసీఆర్ పాలనకు చరమగీతం పాడేందుకే ప్రజాకూటమిని ఏర్పాటు చేసినట్లు టీటీడీపీ అధ్యక్షులు ఎల్ రమణ చెప్పారు. సీపీఐ,టీజేఎస్ తో చర్చల అనంతరం ఆయన మీడియాతో మాట్లాడారు. కూటమి పార్టీల్లో సీట్ల పంపకాల్లో అసంతృప్తి ఉన్నప్పటికీ, సర్దుబాట్లు జరుగుతాయన్న ఆశాభావాన్ని వ్యక్తం చేశారు. కేసీఆర్ పాలన ప్రజాస్వామ్య మనుగడకు పెను ప్రమాదంగా మారిందని, అన్ని వర్గాల ప్రజలకు అన్యాయం జరిగిందని చెప్పారు. రోడ్ మ్యాప్ ప్రకటనలో కాంగ్రెస్ ఆలస్యం చేయడం సరికాదన్నారు. బీజేపీ పాలనకు చరమగీతం పాడేందుకు జాతీయ స్థాయిలో గ్రాండ్ అలయన్స్ ఎంత అవసరమో, కేసీఆర్ సర్కార్‌ను ఓడించేందుకు ప్రజాకూటమి అవసరమన్నారు.

5 సీట్లు ఇవ్వకపోవడంతోనే అసంతృప్తి: చాడ
తాము కోరిన 5 సీట్లు కేటాయించక పోవడంతో అసంతృప్తితో ఉన్న విషయం వాస్తవమేనని సీపీఐ రాష్ట్ర కార్యదర్శి చాడ వెంకటరెడ్డి అన్నారు. కాంగ్రెస్ పార్టీ ఏకపక్షంగా వ్యవహరిస్తోందని మండిపడ్డారు. తమ పార్టీ ఏజెండాను కాంగ్రెస్ పార్టీకి అందజేశామని, వారి సమాధానాన్ని బట్టి ముందుకు వెళతామ న్నారు. సర్దుబాటు జరక్కపోతే కూటమి నుంచి తప్పుకుంటారా?..  అన్న ప్రశ్నకు ఎందుకు వెళతాం....? కూటమిని ఏర్పాటు చేసిందే మే మని బదులిచ్చారు. కూటమి సక్సెస్ అవుతుం దన్న ఆశాభావాన్ని చాడా వ్యక్తం చేశారు.

22న సోనియా, 28న రాహుల్ రాక
ఎన్నికల్లో  గెలుపే లక్ష్యంతో ఉన్న  కాంగ్రెస్ పార్టీ ఆ దిశలో ప్రచారంలో దూసుకుపోవాలని నిర్ణయించింది. జాతీయ స్థాయి నాయకులు, ముఖ్యమంత్రులు, మాజీ కేంద్ర మంత్రులు, జాతీయ అధికార ప్రతినిధులతో సభలు సమావేశాలు నిర్వహించాలని నిర్ణయించింది.  ఈ నెల 22,23 తేదీలలో పార్టీ అధినేత్రి సోనియాగాంధీ  రాష్ట్రంలో పర్యటించే అవకాశముంది. బహిరంగ సభలు, రోడ్‌షోలలో పాల్గొనే విధంగా పర్యటనను ఖరారు చేస్తున్నారు. 22 వ తేదీ ఆమె పాల్గొనే సభలు ఇంకా ఖరారు కానప్పటికీ, 23 వ తేదీ వరంగల్ నగరంలో జరిగే బహిరంగ సభలో పాల్గొంటారని పార్టీ వర్గాలు చెప్పాయి.  అదే విధంగా ఎఐసీసీ అధ్యక్షులు రాహుల్ గాంధీ రెండు రోజుల పర్యటన ఖరారైంది. ఈ నెల 28, 29 తేదీలలో ఆయన రాష్ట్రంలో పర్యటిస్తారు. 28 న మహబూబ్‌నగర్, 29 న ఖమ్మం పట్టణాల్లో జరిగే బహిరంగ సభలు, రోడ్ షోలలో పాల్గొంటారు.



కాంగ్రెస్‌లో చేరిన కోట్ల శ్రీనివాస్

Updated By ManamSat, 11/10/2018 - 13:39
BC Welfare Secretary kotla srinivas joins congress party

హైదరాబాద్ : తెలంగాణ అసెంబ్లీ ఎన్నికలు సమీపిస్తున్న వేళ రాజకీయ పార్టీల్లో వలసలు జోరందుకున్నాయి. పీసీసీ చీఫ్ ఉత్తమ్ కుమార్ రెడ్డి, మల్లు రవి ఆధ్వర్యంలో బీసీ సంక్షేమ సంఘం రాష్ట్ర ప్రధాన కార్యదర్శి కోట్ల శ్రీనివాస్, మహిళ సంఘం రాష్ట్ర ఉపాధ్యక్షురాలు లక్ష్మీ యాదవ్ తదితరులు కాంగ్రెస్ పార్టీలో చేరారు. ఈ సందర్భంగా కోట్ల శ్రీనివాస్ మాట్లాడుతూ... మహాకూటమి గెలుపు కోసం బీసీలందరినీ ఏకం చేసేందుకు కృషి చేస్తామని తెలిపారు. టీఆర్ఎస్ పాలనలో బీసీలకు ఎలాంటి అభివృద్ధి జరగలేదని, బీసీల సంక్షేమం కాంగ్రెస్ పార్టీతోనే సాధ్యమన్నారు.

తెలంగాణ భవన్ వద్ద బీసీ నేతల నిరసన
మరోవైపు  తెలంగాణ అసెంబ్లీ ఎన్నికల్లో తమకు 40 సీట్లు కేటాయించాలంటూ బీసీ నేతలు శనివారం తెలంగాణ భవన్ వద్ద నిరసనకు దిగారు. ఎట్టి పరిస్థితుల్లో తమకు నలభై సీట్లు కేటాయించాల్సిందేనని వాళ్లు పట్టుపడుతున్నారు. 



గల్ఫ్ కార్మికులకు కాంగ్రెస్ భరోసా

Updated By ManamWed, 11/07/2018 - 03:07
  •  100 రోజుల్లో ఎన్ ఆర్‌ఐ పాలసీ

  • ప్రత్యేక కార్పోరేషన్ ఏర్పాటు

  • 20 హామీలతో ప్రత్యేక మేనిఫెస్టో

  • పీసీసీ చీఫ్ ఉత్తమ్‌కుమార్ రెడ్డి

uttamహైదరాబాద్: పుట్టిన గడ్డపై ఉపాధి దొరకక గల్ఫ్ దేశాలకు బతుకుతెరువుకు వెళ్లి కన్నీటి జీవితాలను గడుపుతున్న గల్ఫ్ కార్మికులకు భరోసా కల్పించేందుకు అధికారంలోకి వచ్చిన 100 రోజుల్లో గల్ఫ్ పాలసీని రూపొందించాలని కాంగ్రెస్ పార్టీ నిర్ణయించింది. కార్మికులను ఆదుకునేందుకు 20 కి పైగా హామీలతో ప్రత్యేక మేనిఫెస్టోను రూపొందించనున్నట్లు టీపీసీసీ అధ్యక్షులు ఎన్ ఉత్తమ్ కుమార్ రెడ్డి వెల్లడించారు. కన్నఊరిని వదలి విదేశాలకు వెళ్లిన కార్మికుల కుటుంబాల్లో కష్టాలు, కన్నీళ్లు, ఆవేదనలు, సంక్షోభాలు ఉన్నాయని వారిని ఆదుకునేందుకు కాంగ్రెస్ పార్టీ కట్టుబడి ఉందని మంగళవారం ఒక ప్రకటనలో ఉత్తమ్ తెలియజేశారు.  సౌదీ అరేబియా, యూఏఈ, ఓమన్, బహ్రేయిన్, కువైట్, ఖతార్‌లతో పాటు మలేసియా, సింగపూర్ తదితర దేశాలలో 10 లక్షలకు పైగా కార్మికులు ఉన్నారని రాహుల్ గాంధీ సూచనల మేరకు వారి సంక్షేమానికి తమ పార్టీ కృషి చేస్తుందని ఆయన తెలిపారు. 

ఉద్యమంలో బొంబాయి..
బొగ్గుబాయి నినాదాలు..

తెలంగాణ ఉద్యమ సమయంలో బొంబాయి.. దుబాయి.. బొగ్గుబాయి నినాదాలతో గల్ఫ్ కార్మికులు ఉద్యమానికి ఊపిరిపోశారని, అధికారంలోకి వచ్చిన తర్వాత టీఆర్‌ఎస్ ప్రభుత్వం వారి సంక్షేమాన్ని మరచిపోయిందని ఉత్తమ్  విమర్శించారు. కేసీఆర్ అధికారంలోకి వచ్చిన నాలుగున్నరేళ్ల తర్వాత దాదాపు 900 మందికి పైగా వలస జీవులు అసువులు బాసారని, వారి కుటుంబాలకు కేసీఆర్ సర్కార్ ఒక్క రూపాయి ఇచ్చిన పాపానపోలేదని విమర్శించారు. కాంగ్రెస్ పార్టీ వత్తిడి చేసిన తర్వాత 2018-19  ఐదో బడ్జెట్‌లో రూ.100 కేటాయించినప్పటికీ, డబ్బును ఖర్చు చేయలేకపోయిందని ఆరోపించారు. ప్రవాస భారతీయులు ప్రతినెలా రూ.15 వందల కోట్లు ,ఏటా రూ.18 వేల కోట్లు స్వదేశానికి పంపిస్తూ దేశం, రాష్ట్రాభివృద్ధికి తోడ్పడుతున్నారని తెలిపారు.ఆ  నిధుల ద్వారా స్థానిక పన్నుల రూపంలో ఏటా రూ.1000 కోట్ల ఆదాయం వస్తోందని ఉత్తమ్ పేర్కొన్నారు. గల్ఫ్ బాధితుల అభ్యున్నతికి కృషి చేస్తామన్న టీఆర్‌ఎస్ సర్కార్ బాధితులను మోసం, దగా చేసిందని ఉత్తమ్ ఆరోపించారు. పంటలు పండకపోవడంతో గల్ఫ్ బాట పట్టిన రైతులకు కూడా రైతుబంధు పథకంతో పాటు రూ.5 లక్షల బీమా సౌకర్యం కూడా కల్పిస్తామని ఉత్తమ్ తెలిపారు. ఎన్‌ఆర్‌ఐ రైతుల వ్యవహారాలు చూసేందుకు వ్యవసాయ శాఖలో ప్రత్యేకంగా ఎన్‌ఆర్‌ఐ సెల్ ను ఏర్పాటు చేస్తామని హామీ ఇచ్చారు.

కాంగ్రెస్ మేనిఫెస్టోలో చేర్చే అంశాలు

  1. 100 రోజుల్లో సమగ్ర ఎన్‌ఆర్‌ఐ పాలసీ 
  2. గల్ఫ్ కార్మికులకు ప్రత్యేకంగా కార్పోరేషన్ ఏర్పాటు, బడ్జెట్‌లో రూ.500 కోట్లు కేటాయింపు
  3. గల్ఫ్ దేశాల్లో మృతి చెందిన వారి కుటుంబాలకు రూ.5 లక్షల పరిహారం చెల్లింపు...(గల్ఫ్ నుండి వచ్చిన సంవత్సరంలోపు ఇక్కడ మరణించిన వారికి కూడా వర్తింపు)
  4. గల్ఫ్ జైళ్లలో మగ్గుతున్న కార్మికులు, ప్రవాస భారతీయులకు న్యాయ సహాయం 
  5. రేషన్ కార్డులలో వారి పేర్లు కొనసాగింపు..,ఆరోగ్యశ్రీ కార్డు వర్తింపజేయడం
  6. ప్రవాసీ యోగక్షేమం పథకం ద్వారా  జీవిత బీమా, ప్రమాదబీమా, ఆరోగ్యబీమా, పింఛన్
  7. స్వదేశానికి వచ్చిన తరువాత పునరావాసానికి ఆర్థిక సహాయం అందజేత
  8. గల్ఫ్‌కు వెళ్లడానికి అవసరమైన గమ్కా మెడికల్ చెకప్ చార్జీలను (రూ. 4 వేల నుండి రూ.5 వేలు) ప్రభుత్వం ద్వారా రీయింబర్స్‌మెంట్ చేయడం
  9. గల్ఫ్ దేశాలకు వెళ్లడానికి సంబంధించి చట్టబద్ధమైన రిక్రూటింగ్ ఏజెన్సీలకు సర్వీస్ చార్జీలు, ఇతర ఖర్చులను బ్యాంకుల ద్వారా రుణ రూపంలో ఇప్పించడం
  10. ప్రతి జిల్లా కలెక్టర్ కార్యాలయంలో ఎన్‌ఆర్‌ఐ విభాగం ఏర్పాటు
  11. రాష్ట్రంలోని విశ్వవిద్యాలయాల్లో వలసలపై అధ్యయన కేంద్రాలు ఏర్పాటు
  12. నేషనల్ అకాడమీ ఆఫ్ కన్‌స్ట్రక్షన్(న్యాక్) ను బలోపేతం చేసి అన్ని సబ్ డివిజన్ కేంద్రాలలో నైపుణ్య శిక్షణ కేంద్రాలను ఏర్పాటు చేయటం
  13. కేరళ, పంజాబ్ రాష్ట్రాలలో అనుసరిస్తున్న విధివిధానాలను అధ్యయనం చేసి వాటిని ఇక్కడ అమలు చేయడం
  14. ప్రతిఏటా పర్వాసీ తెలంగాణ దివస్‌ను అధికారికంగా నిర్వహించేందుకు ఏర్పాటు
  15. ప్రవాసీ తెలంగాణ సంస్థలు, వ్యక్తులను గుర్తించి వారిని ప్రభుత్వ విభాగాలతో అనుసంధానం చేసి వారి సమస్యల పరిష్కారానికి భాగస్వాములుగా చేయటం
  16. హైదరాబాద్ లో సౌదీ అరేబియా, యునైటెట్ అరబ్ ఎమిరేట్స్ (యూఏఈ) కాన్సులేట్ కార్యాలయాల ఏర్పాటుకు చర్యలు తీసుకోవడం
  17. ఎంబసీలలో తెలగు అధికారులను నియమించడం
  18. రైతుబంధు,రైతుబీమా వర్తింపు
  19. వ్యవసాయ శాఖలో ప్రత్యేక కమీషనరేట్ ఏర్పాటు
  20. గల్ఫ్ కార్మికులతో చర్చించి సమస్యలను ప్రత్యేక మేనిఫెస్టోలో చేర్చడం


దేశం ప్రమాదంలో ఉంది

Updated By ManamSun, 11/04/2018 - 07:54
  • టీఆర్‌ఎస్, మజ్లిస్‌కు ఓటేస్తే బీజేపీకి వేసినట్లే  

  • కాంగ్రెస్‌ను గెలిపించండి

  • ముస్లింలకు ఉత్తమ్ పిలుపు

Uttam-Kumar-reddyహైదరాబాద్: సర్వ మతాలను ఆదరించే కాంగ్రెస్ వైపో, ఏం తినాలో, ఎలాంటి బట్టలు వేసుకోవాలో బెదరించే టీఆర్‌ఎస్, మజ్లిస్, బీజేపీ వైపో ముస్లింలు తేల్చుకోవాలని టీపీసీసీ అధ్యక్షులు ఎన్ ఉత్తమ్‌కుమార్ రెడ్డి పిలుపునిచ్చారు. టీఆర్‌ఎస్, మజ్లిస్ కు ఓట్లేస్తే బీజేపీకి వేసినట్లేనని గుర్తుంచుకోవాలని హెచ్చరించారు. శనివారం ఇక్కడ జరిగిన జమియత్  ఉలేమా ఇ హింద్ తో పాటు మరి కొన్ని సంస్థలు సంయుక్తంగా ఏర్పాటు చేసిన  సదస్సులో ఉత్తమ్ పాల్గొని ప్రసంగించారు. ప్రస్తుతం దేశం ప్రమా దంలో పడిందని, బీజేపీ, ఆర్‌ఎస్‌ఎస్, సంఘ్ పరివార్ గుప్పిట్లో పెట్టుకుని ఎవరేం చేయాలో నిర్దేశించే దారుణ పరిస్థితులు నెలకొన్నాయని చెప్పారు. ప్రధానమంత్రి నరేంద్రమోడి పెద్దమోడీ అయితే, కేసీఆర్ చిన్నమోడీ అనీ, మోడీ ఏజెంట్ టీఆర్‌ఎస్ కు ఓట్లేసి మరోమారు మోసపోవద్దని హెచ్చరించారు. అధికారంలోకి వచ్చిన వెంటనే మైనారిటీలకు 12 శాతం రిజర్వేషన్లు కల్పిస్తామని కేసీఆర్ మోసం చేశారని,మళ్లీ ఏ ముఖం పెట్టుకుని ముస్లిం మైనారిటీల ఓట్లడుగుతారని ఉత్తమ్ ప్రశ్నించారు. కాంగ్రెస్ పార్టీ 4 శాతం రిజర్వేషన్లు కల్పించడం వల్ల వందల సంఖ్యలో డాక్టర్లు, ఇంజినీర్లు, ప్రొఫెషనల్స్‌గా ముస్లిం యువకులు అభివృద్ధి చెందారనిచెప్పారు. రాష్ట్రపతి, ఉప రాష్ట్రపతి, రాజ్యసభ వైస్ చైర్మన్, జీఎస్టీ, పెద్దనోట్ల రద్దు తదితర అంశాలలో మతతత్వ బీజేపీకి కేసీఆర్ భేషరతుగా మద్దతు ఇచ్చారని చెప్పారు. ముస్లింలపై ప్రేమ ఉంటే 12 శాతం రిజర్వేషన్లు ఎందుకు కల్పించలేదని, ఆలేరు ఎన్ కౌంటర్ లో 5 మంది ముస్లిం యువకులు చనిపోతే ఎందుకు విచారణకు ఆదేశించలేదని ఉత్తమ్ ప్రశ్నల వర్షం కురిపించారు. డిసెంబర్ 7 న ఎన్నికలు జరుగనున్నాయని, 11 న కౌంటింగ్ ఉంటుందని, ఎన్నికల్లో కాంగ్రెస్ పార్టీ అఖండ మెజారిటీతో గెలవడం తథ్యమన్నారు. కాంగ్రెస్ పార్టీ 12న అధికారం చేపట్టబోతోందని, ముస్లింల సమస్యలను పరిష్కరించేందుకు తమ ప్రభుత్వం కృషి చేస్తుందని ఉత్తమ్ హామీ ఇచ్చారు. ఈ సదస్సులో పెద్ద సంఖ్యలో ముస్లిం మతపెద్దలు, కాంగ్రెస్ నాయకులు పాల్గొన్నారు.





Related News