Uttam kumar reddy

తుది దశకు ప్రజాకూటమి చర్చలు..

Updated By ManamSun, 11/11/2018 - 19:10
  • కోదండరాం, రమణతో ఉత్తమ్ చర్చలు

  • భాగస్వామ్య పక్షాలతో ముగిసిన కాంగ్రెస్ చర్చలు

  • టీజేఎస్ కార్యాలయంలో మూడు పార్టీల నేతలు భేటీ 

TJS office, Uttam Kumar reddy, L Ramana, Kodanda Ram, TRS, KCRహైదరాబాద్: తెలంగాణలో ఎన్నికలు సమీపిస్తున్న వేళ.. ప్రజాకూటమిలో సీట్ల సర్దుబాటు వ్యవహారం తుది దశకు చేరుకుంది. సీట్ల సర్దుబాటుపై అసంతృప్తి వ్యక్తం చేసిన భాగస్వామ్య పక్షాలను బుజ్జగించే పనిలో కాంగ్రెస్ నిమగ్నమైంది. భాగస్వామ్య పక్షాలతో చర్చలు జరుపుతోంది. ఈ నేపథ్యంలో ఆదివారం తెలంగాణ జనసమితి (టీజేఎస్) కార్యాలయంలో ఆ పార్టీ నేత కోదండరాం, తెలంగాణ టీడీపీ అధ్యక్షుడు ఎల్ రమణ, టీపీసీసీ చీఫ్ ఉత్తమ్ కుమార్‌రెడ్డి జరిపిన చర్చలు ముగిశాయి. ఈ సందర్భంగా ఉత్తమ్, కోదండరాం, రమణ మీడియాతో మాట్లాడారు. 

టీఆర్ఎస్‌కు వణుకు పుట్టింది..
ఎన్నికల్లో ప్రజాకూటమి గెలిస్తే కోదండరాం నేతృత్వంలో చట్టబద్ధమైన కమిటీ ఏర్పాటు చేస్తామని ఎల్ రమణ స్పష్టం చేశారు. ఎవరూ ఊహించని విధంగా కూటమి ఏర్పడిందని ఆయన అన్నారు. ఊహించని రాజకీయ ప్రకంపనలు వచ్చాయని చెప్పారు. వార్‌వన్ సైడ్ అన్న టీఆర్ఎస్‌కు వణుకు పుట్టిందన్నారు. 

అసంతృప్తులకు రాబోయే ప్రభుత్వంలో ప్రాధాన్యత..
ఏ పార్టీ ఎన్ని స్థానాల్లో పోటీ చేస్తుందనేది నోటిఫికేషన్ కంటే ముందే ప్రకటిస్తామని ఉత్తమ్ చెప్పారు. అన్ని పార్టీలు ప్రభుత్వంలో భాగస్వామ్యం అవుతాయని అన్నారు. అసంతృప్తులకు రాబోయే ప్రభుత్వంలో తగిన ప్రాధాన్యత ఇస్తామని హామీ ఇచ్చారు. ప్రజల ఆకాంక్షలు నెరవేర్చేందుకు మా కూటమి ఏర్పాటు చేసినట్టు తెలిపారు. కూటమిగానే ఎన్నికలకు వెళ్తామని ఉత్తమ్ స్పష్టం చేశారు. టీజేఎస్‌కు మెదక్, దుబ్బాక, మల్కాజిగిరి, వర్ధన్న పేట, సిద్దిపేట, జనగాం సీట్లను ఇస్తున్నట్టు ఆయన వెల్లడించారు. కాంగ్రెస్ సీనియర్ నేత జానారెడ్డి కొడుక్కి మిర్యాలగూడ సీటు ఇస్తే వరంగల్ ఈస్ట్ నుంచి టీజేఎస్ పోటీ చేస్తుందన్నారు. అసిఫాబాద్, స్టేషన్‌ఘన్‌పూర్‌లో స్నేహపూర్వక పోటీ ఉంటుందని ఉత్తమ్ అభిప్రాయపడ్డారు. 

కోదండరాం పాత్ర కీలకం..
తెలంగాణ ఉద్యమంలో కోదండరాం పాత్ర కీలకమైందని టీపీసీసీ చీఫ్ ఉత్తమ్ అన్నారు. ఉద్యమ ఆకాంక్షలను ప్రభుత్వం పట్టించుకోలేదని ఆయన చెప్పారు. నాలుగున్నరేళ్ల టీఆర్ఎస్ పాలనలో ప్రజలకు ఒరిగిందేమీ లేదన్నారు. ఉద్యోగులు, నిరుద్యోగులంతా నిరాశతో ఉన్నారని ఉత్తమ్ చెప్పారు. హరగోపాల్, విమలక్క, గద్దర్ లాంటి ఉద్యమకారులు అసంతృప్తితో ఉన్నారు. అమరవీరుల త్యాగాలు టీఆర్ఎస్ ప్రభుత్వం మరించిందని ఉత్తమ్ విమర్శించారు. నరేంద్ర మోదీ, కేసీఆర్ కుమ్మక్కై ముందస్తు ఎన్నికలకు వెళ్లారని ధ్వజమెత్తారు. తెలంగాణ ప్రజల్ని, మైనార్టీలను మోసం చేసే కుట్రలో ముందస్తుకు వెళ్లారని మండిపడ్డారు. బీజేపీ-టీఆర్ఎస్ స్నేహం ఎంపీ ఎన్నికల్లో బయటకొస్తుందని ఉత్తమ్ చెప్పారు. 



కసరత్తు పూర్తి

Updated By ManamSun, 11/11/2018 - 07:35
  • నేడు 74 మంది కాంగ్రెస్ అభ్యర్థుల ప్రకటనకూటమి సర్దుబాట్లలో ప్రతిష్టంభన

  • నేడు మరోసారీ జరుగనున్న చర్చలు

  • కేసీఆర్‌ను ఓడగొట్టేందుకే కూటమి : రమణ

  • 5 సీట్లు ఇవ్వకపోవడమే అసంతృప్తి : చాడ

uttamహైదరాబాద్: ఎన్నికల్లో పోటీ చేయనున్న కాం గ్రెస్ అభ్యర్థుల ఎంపిక కస రత్తు పూర్తయింది. ఆదివారం సాయంత్రం 74 మందితో తొలి విడత జాబితాను ప్రకటించనున్నారు. తొలి విడత జాబితాను 8 వ తేదీనే ప్రకటించాలని నిర్ణయించినప్పటికీ, కూటమితో సర్దుబాట్లు జరగకపోవడం, సొంత పార్టీ నేతలు, కార్యకర్తల ఒత్తిడుల మేరకు ఇంతకు ముందు ఖరారు చేసిన సీట్లలో కొన్ని మార్పులు, చేర్పులతో మరో జాబితాను టీపీసీసీ సిద్ధం చేసింది. ఎఐసీసీ ఆమోదంతో ఈ జాబితాను విడుదల చేయ నుంది. అభ్యర్థుల ప్రకటన ఢిల్లీలో జరుగుతుందా లేదా హైదరాబాద్‌లోనా అనేది అదివారం ఉదయం తేలనుంది. హైదరాబాద్‌లో విడుదల చేసేందుకు అనుమ తించాలని కాంగ్రెస్ పార్టీ రాష్ట్ర వ్యవ హారాల ఇన్‌చార్జి డాక్టర్ రామచంద్రకుంతియా అధిష్టానాన్ని కోరినట్లు సమాచారం. మిగతా 20 సీట్లను మరో దఫాలో ప్రకటించనుంది. రాష్ట్రంలోని మొత్తం 119 స్థానాలకు గానూ, పార్టీ నుంచి 95 స్థానాల్లో అభ్యర్థులను నిలబెట్టాలని ఎఐసీసీ మొదట్లో  అనుకుంది. ప్రజాకూటమిలోని మిత్రపక్ష పార్టీల ఒత్తిడితో తన సంఖ్యను 93 కి తగ్గించుకుంది. కూటమిలోని తెలుగుదేశం పార్టీకి 14, తెలంగాణ జనసమితి(టీజేఎస్) కు 8, సీపీఐకి 3 ,తెలంగాణ ఇంటి పార్టీకి 1 స్థానాన్ని కేటాయించాలని సోనియాగాంధీ అధ్యక్షతన జరిగిన కాంగ్రెస్ సెంట్రల్ ఎలక్షన్ కమిటీ సమావేశంలో నిర్ణయించారు. ఎఐసీసీ ప్రకటించిన ఈ సీట్లపై టీడీపీ పెద్దగా అభ్యంతరాలు చెప్పలేదు. తెలంగాణ ఇంటి పార్టీ కాంగ్రెస్ గుర్తుపై పోటీ చేసేందుకు సిద్ధం కావడంతో కాంగ్రెస్ పోటీ చేసే స్థానాల సంఖ్య 94 కి చేరింది.  అయితే, తమకు 11 స్థానాలను కేటాయించాలని టీజేఎస్, 5 సీట్లు కేటాయించాలని సీపీఐ పట్టుబట్టడంతో కథ మళ్లీ మొదటికొచ్చింది. సీపీఐ ఏకంగా ఆ 5 స్థానాల్లో తమ అభ్యర్థులను కూడా ప్రకటించి కాంగ్రెస్ పార్టీకి ఝలక్ ఇచ్చింది. దీనితో మిత్రుల మధ్య పొత్తు చర్చలు మళ్లీ మొదలయ్యాయి. టీపీసీసీ అధ్యక్షులు ఎన్ ఉత్తమ్‌కుమార్ రెడ్డి ,కుంతియా దుబాయ్ పర్యటన ముగించుకుని హైదరాబాద్ చేరుకున్నాక శనివారం మళ్లీ జరిగాయి. పార్క్ హయత్‌లో కాంగ్రెస్‌తో చర్చకు మునుపు టీటీడీపీ అధ్యక్షులు ఎల్ రమణ, సీపీఐ రాష్ట్ర కార్యదర్శి చాడ వెంకటరెడ్డి, టీజేఎస్ అధ్యక్షులు ప్రొఫెసర్ కోదండరాం భేటీ అయ్యారు. ఈ భేటీలో తాము పోటీ చేసే స్థానాల వివరాలను కోదండరాంకు సీపీఐ ఇచ్చింది. వారి చర్చల వివరాలతో కోదండరాం ఒక్కరే కుంతియాతో చర్చలు జరిపారు. ఈ చర్చల్లో టీజేఎస్‌కి 9 స్థానాలు, సీపీఐ 5 స్థానాలు ఇవ్వాల్సిందేనని కోదండరాం స్పష్టం చేశారు. అంతేగాక కాంగ్రెస్ పార్టీ ఇచ్చే స్థానాలు గాక తాము బలంగా ఉన్న స్థానాలనే కేటాయించాలని కూడా సూచించారు. సీట్ల సర్దుబాట్లలో కాంగ్రెస్ పార్టీ మెట్టుదిగాలని, పెద్దన్న పాత్రనే పోషిస్తామని అనుకోవడం సరికాదని, ఇచ్చిపుచ్చుకునే ధోరణి ప్రదర్శించాలని కూడా వ్యాఖ్యానించినట్లు తెలిసింది. ఈ చర్చల్లో కూటమి సీట్లు తేలలేదు. పీటముడి వీడలేదు. తాము మాట్లాడుకునేందుకు సమయం కావాలని , ఆదివారం  ఉదయం మరోమారు కూర్చుని పంపకాలు జరుపుకుందామని కుంతియా చెప్పడంతో కోదండరాం చర్చలు ముగించారు.

కేసీఆర్ పాలనకు చరమగీతం పాడేందుకే కూటమి: రమణ
కేసీఆర్ పాలనకు చరమగీతం పాడేందుకే ప్రజాకూటమిని ఏర్పాటు చేసినట్లు టీటీడీపీ అధ్యక్షులు ఎల్ రమణ చెప్పారు. సీపీఐ,టీజేఎస్ తో చర్చల అనంతరం ఆయన మీడియాతో మాట్లాడారు. కూటమి పార్టీల్లో సీట్ల పంపకాల్లో అసంతృప్తి ఉన్నప్పటికీ, సర్దుబాట్లు జరుగుతాయన్న ఆశాభావాన్ని వ్యక్తం చేశారు. కేసీఆర్ పాలన ప్రజాస్వామ్య మనుగడకు పెను ప్రమాదంగా మారిందని, అన్ని వర్గాల ప్రజలకు అన్యాయం జరిగిందని చెప్పారు. రోడ్ మ్యాప్ ప్రకటనలో కాంగ్రెస్ ఆలస్యం చేయడం సరికాదన్నారు. బీజేపీ పాలనకు చరమగీతం పాడేందుకు జాతీయ స్థాయిలో గ్రాండ్ అలయన్స్ ఎంత అవసరమో, కేసీఆర్ సర్కార్‌ను ఓడించేందుకు ప్రజాకూటమి అవసరమన్నారు.

5 సీట్లు ఇవ్వకపోవడంతోనే అసంతృప్తి: చాడ
తాము కోరిన 5 సీట్లు కేటాయించక పోవడంతో అసంతృప్తితో ఉన్న విషయం వాస్తవమేనని సీపీఐ రాష్ట్ర కార్యదర్శి చాడ వెంకటరెడ్డి అన్నారు. కాంగ్రెస్ పార్టీ ఏకపక్షంగా వ్యవహరిస్తోందని మండిపడ్డారు. తమ పార్టీ ఏజెండాను కాంగ్రెస్ పార్టీకి అందజేశామని, వారి సమాధానాన్ని బట్టి ముందుకు వెళతామ న్నారు. సర్దుబాటు జరక్కపోతే కూటమి నుంచి తప్పుకుంటారా?..  అన్న ప్రశ్నకు ఎందుకు వెళతాం....? కూటమిని ఏర్పాటు చేసిందే మే మని బదులిచ్చారు. కూటమి సక్సెస్ అవుతుం దన్న ఆశాభావాన్ని చాడా వ్యక్తం చేశారు.

22న సోనియా, 28న రాహుల్ రాక
ఎన్నికల్లో  గెలుపే లక్ష్యంతో ఉన్న  కాంగ్రెస్ పార్టీ ఆ దిశలో ప్రచారంలో దూసుకుపోవాలని నిర్ణయించింది. జాతీయ స్థాయి నాయకులు, ముఖ్యమంత్రులు, మాజీ కేంద్ర మంత్రులు, జాతీయ అధికార ప్రతినిధులతో సభలు సమావేశాలు నిర్వహించాలని నిర్ణయించింది.  ఈ నెల 22,23 తేదీలలో పార్టీ అధినేత్రి సోనియాగాంధీ  రాష్ట్రంలో పర్యటించే అవకాశముంది. బహిరంగ సభలు, రోడ్‌షోలలో పాల్గొనే విధంగా పర్యటనను ఖరారు చేస్తున్నారు. 22 వ తేదీ ఆమె పాల్గొనే సభలు ఇంకా ఖరారు కానప్పటికీ, 23 వ తేదీ వరంగల్ నగరంలో జరిగే బహిరంగ సభలో పాల్గొంటారని పార్టీ వర్గాలు చెప్పాయి.  అదే విధంగా ఎఐసీసీ అధ్యక్షులు రాహుల్ గాంధీ రెండు రోజుల పర్యటన ఖరారైంది. ఈ నెల 28, 29 తేదీలలో ఆయన రాష్ట్రంలో పర్యటిస్తారు. 28 న మహబూబ్‌నగర్, 29 న ఖమ్మం పట్టణాల్లో జరిగే బహిరంగ సభలు, రోడ్ షోలలో పాల్గొంటారు.



కాంగ్రెస్‌లో చేరిన కోట్ల శ్రీనివాస్

Updated By ManamSat, 11/10/2018 - 13:39
BC Welfare Secretary kotla srinivas joins congress party

హైదరాబాద్ : తెలంగాణ అసెంబ్లీ ఎన్నికలు సమీపిస్తున్న వేళ రాజకీయ పార్టీల్లో వలసలు జోరందుకున్నాయి. పీసీసీ చీఫ్ ఉత్తమ్ కుమార్ రెడ్డి, మల్లు రవి ఆధ్వర్యంలో బీసీ సంక్షేమ సంఘం రాష్ట్ర ప్రధాన కార్యదర్శి కోట్ల శ్రీనివాస్, మహిళ సంఘం రాష్ట్ర ఉపాధ్యక్షురాలు లక్ష్మీ యాదవ్ తదితరులు కాంగ్రెస్ పార్టీలో చేరారు. ఈ సందర్భంగా కోట్ల శ్రీనివాస్ మాట్లాడుతూ... మహాకూటమి గెలుపు కోసం బీసీలందరినీ ఏకం చేసేందుకు కృషి చేస్తామని తెలిపారు. టీఆర్ఎస్ పాలనలో బీసీలకు ఎలాంటి అభివృద్ధి జరగలేదని, బీసీల సంక్షేమం కాంగ్రెస్ పార్టీతోనే సాధ్యమన్నారు.

తెలంగాణ భవన్ వద్ద బీసీ నేతల నిరసన
మరోవైపు  తెలంగాణ అసెంబ్లీ ఎన్నికల్లో తమకు 40 సీట్లు కేటాయించాలంటూ బీసీ నేతలు శనివారం తెలంగాణ భవన్ వద్ద నిరసనకు దిగారు. ఎట్టి పరిస్థితుల్లో తమకు నలభై సీట్లు కేటాయించాల్సిందేనని వాళ్లు పట్టుపడుతున్నారు. 



గల్ఫ్ కార్మికులకు కాంగ్రెస్ భరోసా

Updated By ManamWed, 11/07/2018 - 03:07
  •  100 రోజుల్లో ఎన్ ఆర్‌ఐ పాలసీ

  • ప్రత్యేక కార్పోరేషన్ ఏర్పాటు

  • 20 హామీలతో ప్రత్యేక మేనిఫెస్టో

  • పీసీసీ చీఫ్ ఉత్తమ్‌కుమార్ రెడ్డి

uttamహైదరాబాద్: పుట్టిన గడ్డపై ఉపాధి దొరకక గల్ఫ్ దేశాలకు బతుకుతెరువుకు వెళ్లి కన్నీటి జీవితాలను గడుపుతున్న గల్ఫ్ కార్మికులకు భరోసా కల్పించేందుకు అధికారంలోకి వచ్చిన 100 రోజుల్లో గల్ఫ్ పాలసీని రూపొందించాలని కాంగ్రెస్ పార్టీ నిర్ణయించింది. కార్మికులను ఆదుకునేందుకు 20 కి పైగా హామీలతో ప్రత్యేక మేనిఫెస్టోను రూపొందించనున్నట్లు టీపీసీసీ అధ్యక్షులు ఎన్ ఉత్తమ్ కుమార్ రెడ్డి వెల్లడించారు. కన్నఊరిని వదలి విదేశాలకు వెళ్లిన కార్మికుల కుటుంబాల్లో కష్టాలు, కన్నీళ్లు, ఆవేదనలు, సంక్షోభాలు ఉన్నాయని వారిని ఆదుకునేందుకు కాంగ్రెస్ పార్టీ కట్టుబడి ఉందని మంగళవారం ఒక ప్రకటనలో ఉత్తమ్ తెలియజేశారు.  సౌదీ అరేబియా, యూఏఈ, ఓమన్, బహ్రేయిన్, కువైట్, ఖతార్‌లతో పాటు మలేసియా, సింగపూర్ తదితర దేశాలలో 10 లక్షలకు పైగా కార్మికులు ఉన్నారని రాహుల్ గాంధీ సూచనల మేరకు వారి సంక్షేమానికి తమ పార్టీ కృషి చేస్తుందని ఆయన తెలిపారు. 

ఉద్యమంలో బొంబాయి..
బొగ్గుబాయి నినాదాలు..

తెలంగాణ ఉద్యమ సమయంలో బొంబాయి.. దుబాయి.. బొగ్గుబాయి నినాదాలతో గల్ఫ్ కార్మికులు ఉద్యమానికి ఊపిరిపోశారని, అధికారంలోకి వచ్చిన తర్వాత టీఆర్‌ఎస్ ప్రభుత్వం వారి సంక్షేమాన్ని మరచిపోయిందని ఉత్తమ్  విమర్శించారు. కేసీఆర్ అధికారంలోకి వచ్చిన నాలుగున్నరేళ్ల తర్వాత దాదాపు 900 మందికి పైగా వలస జీవులు అసువులు బాసారని, వారి కుటుంబాలకు కేసీఆర్ సర్కార్ ఒక్క రూపాయి ఇచ్చిన పాపానపోలేదని విమర్శించారు. కాంగ్రెస్ పార్టీ వత్తిడి చేసిన తర్వాత 2018-19  ఐదో బడ్జెట్‌లో రూ.100 కేటాయించినప్పటికీ, డబ్బును ఖర్చు చేయలేకపోయిందని ఆరోపించారు. ప్రవాస భారతీయులు ప్రతినెలా రూ.15 వందల కోట్లు ,ఏటా రూ.18 వేల కోట్లు స్వదేశానికి పంపిస్తూ దేశం, రాష్ట్రాభివృద్ధికి తోడ్పడుతున్నారని తెలిపారు.ఆ  నిధుల ద్వారా స్థానిక పన్నుల రూపంలో ఏటా రూ.1000 కోట్ల ఆదాయం వస్తోందని ఉత్తమ్ పేర్కొన్నారు. గల్ఫ్ బాధితుల అభ్యున్నతికి కృషి చేస్తామన్న టీఆర్‌ఎస్ సర్కార్ బాధితులను మోసం, దగా చేసిందని ఉత్తమ్ ఆరోపించారు. పంటలు పండకపోవడంతో గల్ఫ్ బాట పట్టిన రైతులకు కూడా రైతుబంధు పథకంతో పాటు రూ.5 లక్షల బీమా సౌకర్యం కూడా కల్పిస్తామని ఉత్తమ్ తెలిపారు. ఎన్‌ఆర్‌ఐ రైతుల వ్యవహారాలు చూసేందుకు వ్యవసాయ శాఖలో ప్రత్యేకంగా ఎన్‌ఆర్‌ఐ సెల్ ను ఏర్పాటు చేస్తామని హామీ ఇచ్చారు.

కాంగ్రెస్ మేనిఫెస్టోలో చేర్చే అంశాలు

  1. 100 రోజుల్లో సమగ్ర ఎన్‌ఆర్‌ఐ పాలసీ 
  2. గల్ఫ్ కార్మికులకు ప్రత్యేకంగా కార్పోరేషన్ ఏర్పాటు, బడ్జెట్‌లో రూ.500 కోట్లు కేటాయింపు
  3. గల్ఫ్ దేశాల్లో మృతి చెందిన వారి కుటుంబాలకు రూ.5 లక్షల పరిహారం చెల్లింపు...(గల్ఫ్ నుండి వచ్చిన సంవత్సరంలోపు ఇక్కడ మరణించిన వారికి కూడా వర్తింపు)
  4. గల్ఫ్ జైళ్లలో మగ్గుతున్న కార్మికులు, ప్రవాస భారతీయులకు న్యాయ సహాయం 
  5. రేషన్ కార్డులలో వారి పేర్లు కొనసాగింపు..,ఆరోగ్యశ్రీ కార్డు వర్తింపజేయడం
  6. ప్రవాసీ యోగక్షేమం పథకం ద్వారా  జీవిత బీమా, ప్రమాదబీమా, ఆరోగ్యబీమా, పింఛన్
  7. స్వదేశానికి వచ్చిన తరువాత పునరావాసానికి ఆర్థిక సహాయం అందజేత
  8. గల్ఫ్‌కు వెళ్లడానికి అవసరమైన గమ్కా మెడికల్ చెకప్ చార్జీలను (రూ. 4 వేల నుండి రూ.5 వేలు) ప్రభుత్వం ద్వారా రీయింబర్స్‌మెంట్ చేయడం
  9. గల్ఫ్ దేశాలకు వెళ్లడానికి సంబంధించి చట్టబద్ధమైన రిక్రూటింగ్ ఏజెన్సీలకు సర్వీస్ చార్జీలు, ఇతర ఖర్చులను బ్యాంకుల ద్వారా రుణ రూపంలో ఇప్పించడం
  10. ప్రతి జిల్లా కలెక్టర్ కార్యాలయంలో ఎన్‌ఆర్‌ఐ విభాగం ఏర్పాటు
  11. రాష్ట్రంలోని విశ్వవిద్యాలయాల్లో వలసలపై అధ్యయన కేంద్రాలు ఏర్పాటు
  12. నేషనల్ అకాడమీ ఆఫ్ కన్‌స్ట్రక్షన్(న్యాక్) ను బలోపేతం చేసి అన్ని సబ్ డివిజన్ కేంద్రాలలో నైపుణ్య శిక్షణ కేంద్రాలను ఏర్పాటు చేయటం
  13. కేరళ, పంజాబ్ రాష్ట్రాలలో అనుసరిస్తున్న విధివిధానాలను అధ్యయనం చేసి వాటిని ఇక్కడ అమలు చేయడం
  14. ప్రతిఏటా పర్వాసీ తెలంగాణ దివస్‌ను అధికారికంగా నిర్వహించేందుకు ఏర్పాటు
  15. ప్రవాసీ తెలంగాణ సంస్థలు, వ్యక్తులను గుర్తించి వారిని ప్రభుత్వ విభాగాలతో అనుసంధానం చేసి వారి సమస్యల పరిష్కారానికి భాగస్వాములుగా చేయటం
  16. హైదరాబాద్ లో సౌదీ అరేబియా, యునైటెట్ అరబ్ ఎమిరేట్స్ (యూఏఈ) కాన్సులేట్ కార్యాలయాల ఏర్పాటుకు చర్యలు తీసుకోవడం
  17. ఎంబసీలలో తెలగు అధికారులను నియమించడం
  18. రైతుబంధు,రైతుబీమా వర్తింపు
  19. వ్యవసాయ శాఖలో ప్రత్యేక కమీషనరేట్ ఏర్పాటు
  20. గల్ఫ్ కార్మికులతో చర్చించి సమస్యలను ప్రత్యేక మేనిఫెస్టోలో చేర్చడం


దేశం ప్రమాదంలో ఉంది

Updated By ManamSun, 11/04/2018 - 07:54
  • టీఆర్‌ఎస్, మజ్లిస్‌కు ఓటేస్తే బీజేపీకి వేసినట్లే  

  • కాంగ్రెస్‌ను గెలిపించండి

  • ముస్లింలకు ఉత్తమ్ పిలుపు

Uttam-Kumar-reddyహైదరాబాద్: సర్వ మతాలను ఆదరించే కాంగ్రెస్ వైపో, ఏం తినాలో, ఎలాంటి బట్టలు వేసుకోవాలో బెదరించే టీఆర్‌ఎస్, మజ్లిస్, బీజేపీ వైపో ముస్లింలు తేల్చుకోవాలని టీపీసీసీ అధ్యక్షులు ఎన్ ఉత్తమ్‌కుమార్ రెడ్డి పిలుపునిచ్చారు. టీఆర్‌ఎస్, మజ్లిస్ కు ఓట్లేస్తే బీజేపీకి వేసినట్లేనని గుర్తుంచుకోవాలని హెచ్చరించారు. శనివారం ఇక్కడ జరిగిన జమియత్  ఉలేమా ఇ హింద్ తో పాటు మరి కొన్ని సంస్థలు సంయుక్తంగా ఏర్పాటు చేసిన  సదస్సులో ఉత్తమ్ పాల్గొని ప్రసంగించారు. ప్రస్తుతం దేశం ప్రమా దంలో పడిందని, బీజేపీ, ఆర్‌ఎస్‌ఎస్, సంఘ్ పరివార్ గుప్పిట్లో పెట్టుకుని ఎవరేం చేయాలో నిర్దేశించే దారుణ పరిస్థితులు నెలకొన్నాయని చెప్పారు. ప్రధానమంత్రి నరేంద్రమోడి పెద్దమోడీ అయితే, కేసీఆర్ చిన్నమోడీ అనీ, మోడీ ఏజెంట్ టీఆర్‌ఎస్ కు ఓట్లేసి మరోమారు మోసపోవద్దని హెచ్చరించారు. అధికారంలోకి వచ్చిన వెంటనే మైనారిటీలకు 12 శాతం రిజర్వేషన్లు కల్పిస్తామని కేసీఆర్ మోసం చేశారని,మళ్లీ ఏ ముఖం పెట్టుకుని ముస్లిం మైనారిటీల ఓట్లడుగుతారని ఉత్తమ్ ప్రశ్నించారు. కాంగ్రెస్ పార్టీ 4 శాతం రిజర్వేషన్లు కల్పించడం వల్ల వందల సంఖ్యలో డాక్టర్లు, ఇంజినీర్లు, ప్రొఫెషనల్స్‌గా ముస్లిం యువకులు అభివృద్ధి చెందారనిచెప్పారు. రాష్ట్రపతి, ఉప రాష్ట్రపతి, రాజ్యసభ వైస్ చైర్మన్, జీఎస్టీ, పెద్దనోట్ల రద్దు తదితర అంశాలలో మతతత్వ బీజేపీకి కేసీఆర్ భేషరతుగా మద్దతు ఇచ్చారని చెప్పారు. ముస్లింలపై ప్రేమ ఉంటే 12 శాతం రిజర్వేషన్లు ఎందుకు కల్పించలేదని, ఆలేరు ఎన్ కౌంటర్ లో 5 మంది ముస్లిం యువకులు చనిపోతే ఎందుకు విచారణకు ఆదేశించలేదని ఉత్తమ్ ప్రశ్నల వర్షం కురిపించారు. డిసెంబర్ 7 న ఎన్నికలు జరుగనున్నాయని, 11 న కౌంటింగ్ ఉంటుందని, ఎన్నికల్లో కాంగ్రెస్ పార్టీ అఖండ మెజారిటీతో గెలవడం తథ్యమన్నారు. కాంగ్రెస్ పార్టీ 12న అధికారం చేపట్టబోతోందని, ముస్లింల సమస్యలను పరిష్కరించేందుకు తమ ప్రభుత్వం కృషి చేస్తుందని ఉత్తమ్ హామీ ఇచ్చారు. ఈ సదస్సులో పెద్ద సంఖ్యలో ముస్లిం మతపెద్దలు, కాంగ్రెస్ నాయకులు పాల్గొన్నారు.



ఉమ్మడి ప్రచారం

Updated By ManamSun, 11/04/2018 - 07:53
  • జూబ్లీహిల్స్ నుంచి హీరో కళ్యాణ్‌రామ్ పోటీ

  • పద్మావతి, కోమటిరెడ్డి రాజగోపాల్‌రెడ్డిలకు నో ఛాన్స్?

  • కోదాడను టీడీపీకి ఇచ్చేందుకు కాంగ్రెస్ ఓకే

  • మునుగోడు నుంచి చెరుకు సుధాకర్

  • స్టార్ క్యాంపెయినర్‌గా ప్రొఫెసర్ కోదండరాం

uttamహైదరాబాద్:  కూటమిలో సీట్ల సర్దు బాటు కొలిక్కి వచ్చింది. 9వ తేదీన కూటమి జాబితాను అధికారికంగా విడుదల చేసే అవకాశం ఉంది.  కాంగ్రెస్, టీజేఎస్, సీపీఐ, టీడీపీ నేతలు దశలవారీగా జరిపిన చర్చల్లో చివరగా సామ రస్యపూర్వక అవగాహన ఏర్పడిం దని కాంగ్రెస్ వర్గాలు ధృవీకరిస్తున్నాయి. మిత్రపక్షాలకు 24 స్ధానాలను కేటాయించాలనే నిర్ణయంలో ఎలాంటి మార్పూ లేదంటున్నారు. టీడీపీకి కేటాయించే స్ధానాల విషయంలో స్పష్టత వచ్చిందని, టీజేఎస్, సీపీఐ పోటీ చేసే నియోజకవర్గాల గుర్తింపు ఒకటి రెండు రోజుల్లో పూర్తవుతుందని పేర్కొం టున్నారు.  కోదాడ నియోజక వర్గం నుంచి టీడీపీ పోటీ చేయాలని భావించడంతో ఆ స్ధానం నుండి ప్రాతినిథ్యం వహి స్తున్న ఎన్. పద్మావతి ఈ ఎన్నికల్లో పోటీ చేయాలనే నిర్ణయాన్ని ఉపసంహరిం చుకున్నారు. అదే విధంగా మునుగోడు నుంచి కోమటిరెడ్డి రాజగోపాల్ రెడ్డి పోటీ చేయడానికి ఇప్పటికే ప్రచారం నిర్వహిస్తున్నప్పటికీ ఈ స్ధానం మరో మిత్ర పక్షానికి కేటాయించే అవకాశం ఉందంటున్నారు. నిర్దిష్ట ప్రమాణాల మేరకు అభ్యర్ధులను గుర్తించడం జరుగుతుందన్నారు. సర్వేలను ప్రామాణికంగా తీసుకోవడంతో పాటుగా పార్టీలు, అభ్యర్దుల బలం, బలహీనతలు, ఎదుటి పక్షం నుంచి ఏర్పడే పోటీ తీవ్రతను పరిగణనలోకి తీసుకోవడంతో అభ్యర్ధుల గుర్తింపు, కూటమి పక్షాల మధ్య సీట్ల పంపిణీలో కొంత జాప్యం జరిగిందంటున్నారు.  టీడీపీ పక్షాన జూబ్లీహిల్స్ నియోజక వర్గం నుంచి హరికృష్ణ కుమారుడు కళ్యాణ్‌రామ్‌ను ఎన్నికల బరిలోకి దింపే అవకాశం లేకపోలేదంటు న్నారు. 

  తెలుగుదేశం పార్టీతో పాటుగా టీజేఎస్. సీపీఐ నాయకులు ఎల్. రమణ, చాడా వెంకట్‌రెడ్డి, ప్రొఫెసర్ కోదండరాంతో టీపీసీసీ అధ్యక్షులు ఉత్తమ్ కుమార్ రెడ్డి శనివారం నగర శివారులోని ఒక రిసార్టులో సమావేశమై తాజా రాజకీయ పరిణామాలను చర్చించా రు. గెలుపోటములను బేరీజు వేసుకొని ముందుకు సాగాలనే అభి ప్రాయంతో అన్ని పక్షాలు ఏకాభిప్రాయం తెలియజేశాయంటున్నారు. సంఖ్య ముఖ్యం కాదని, గెలుపు ప్రధానమనే ఆలోచనతో ముందుకు సాగవలసి ఉందనే కాంగ్రెస్ ఆలోచనతోనే ముందుకు సాగేందుకు కూటమి పక్షాలు అంగీకారానికి వచ్చాయని తెలిసింది. ఉప్పల్, కూకట్‌పల్లి, శేరిలింగంపల్లి, సత్తుపల్లి, ఖమ్మం, దేవరకద్ర, మక్తల్, అశ్వరావుపేట, ఖైరతాబాద్, సికింద్రాబాద్, చార్మినార్, కోదాడ, బాల్కొండతో పాటుగా మహబూబ్‌నగర్ లేదా జడ్చర్లలో ఏదో ఒక నియోజక వర్గం నుండి టీడీపీ పోటీ చేసే విధంగా అవగాహన కుదిరిందంటున్నారు. కోదాడ నుంచి పద్మావతి పోటీ నుండి తప్పుకుంటున్నందున మునుగోడు నుండి ఇంటి పార్టీ అధ్యక్షుడు చెరుకు సుధాకర్‌ను బరిలోకి దింపే విషయం కూడా తెరపైకి వచ్చింది. ఆయన నకిరేకల్, మునుగోడులో ఏదో ఒక స్ధానం ఆశిస్తున్నాడు. నకిరేకల్ నుంచి కాంగ్రెస్ అభ్యర్దిగా చిరుమర్తి లింగయ్యను రంగంలోకి దింపాలని భావిస్తున్నందున మునుగోడు ను సుధాకర్‌కు కేటాయించే విషయం పరిశీలనలో ఉందంటున్నారు. ఈ స్ధానం నుంచి కాంగ్రెస్ అభ్యర్దిగా ఇప్పటికే కోమటిరెడ్డి రాజ గోపాల్‌రెడ్డి బరిలోకి దిగారు. సీసీఐ కూడా మునుగోడు స్దానాన్ని కోరుకుంటుంది. కోమటిరెడ్డి రాజగోపాల్‌రెడ్డి శాసనమండలిలో ప్రాతినిధ్యం వహిస్తున్నారు. ఆయన కోరుకున్న పక్షంలో పార్లమెం టుకు పంపించే విషయం పరిశీలించడం జరుగుతుందని సీనియర్లు పేర్కొన్నారు. మొత్తంగా 17 స్దానాలు డిమాండ్ చేసిన టీజేఎస్ చివరికి 14 నుండి 15 స్దానాలతో సర్దుకోవలసి వస్తుంది. అదే విధంగా సీపీఐ 4 నుండి 5 సీట్లకు పరిమితం కాబోతుంది. కాంగ్రెస్ 95 స్ధానాలు, టీడీపీ 14 స్ధానాలు దాదాపు ఖరారైనట్లేనని కాంగ్రెస్ నేతలు వెల్లడించారు. కోదండరాం ప్రాతినిథ్యంపైన కాంగ్రెస్‌లో ఆసక్తికరమైన చర్చ జరుగుతున్నది. కోదండరాంను ఏదో ఒక నియోజక వర్గానికి పరిమితం చేయడం సహేతుకం కాదని అంటు న్నారు. అత్యధికులైన కాంగ్రెస్ సీనియర్లు కోదండరాంను అసెంబ్లీ ఎన్నికల బరిలోకి దింపడం కంటే కూడా ఎన్నికల ప్రచారంలో రాష ్ర్టమంతటా విస్తృతంగా తిప్పడం ఉత్తమం అంటున్నారు. కూటమి లోని అన్ని పక్షాల అభ్యర్దుల గెలుపు కోసం కోదండరాం ప్రచారం నిర్వహించ డంతో పాటుగా ఎన్నికల అనంతరం ఆయన పట్ల గౌరవ సూచకంగా పెద్దల సభ రాజ్యసభకు పంపించడం ఉత్తమం అనే వాదన నానాటికి బలపడుతుంది. దేశ రాజకీయాల్లో  కోదండ రాం ఆవశ్యకతను గుర్తించిన కాంగ్రెస్ అధిష్టానం కూడా ఇదే ఆలోచ నలో ఉందని అంటున్నారు. టీజేఎస్ పక్షాన పోటీ చేసే వారినంద రినీ గెలిపించుకోవడంతో ఆయన పట్ల గౌరవాన్ని చాటాలని కాంగ్రె స్ శ్రేణులను కోరాలనే ఆలోచన కాంగ్రెస్ పెద్దల్లో ఉందంటున్నారు.

కూటమి కలిసే ఉంటుంది. సీట్లు, అభ్యర్దుల ఎంపిక సర్వే ప్రకా రమే జరుగుతుంది, సంఖ్య ముఖ్యం కాదని గెలుపే లక్ష్యం కావాలనే ఆలోచనతో కసరత్తు జరుగుతున్నందున జాబితాను రూపొందించడం, సీట్లను పంచుకోవడంలో కొంత ఆలస్యం జరుగు తుంది. రాబోయే రోజుల్లో కూడా కూటమిగానే ముందుకు సాగడం లక్ష్యంగా కాంగ్రెస్ పని చేస్తుంది. కూటమి పక్షాల్లో కొంత అసహనం వ్యక్తమయిన తీరును కాంగ్రెస్ పరిగణనలోకి తీసుకుంది. అందుకే శనివారం ఉత్తమ్ కుమార్‌రెడ్డి కూటమి నేతలతో ప్రత్యేకంగా భేటీ ఆయ్యారు. అభ్యర్దులను ప్రకటించిన తర్వాత ఉత్పన్నమయ్యే పరిణామాల గురించి కూడా మాట్లాడినట్లు తెలిసింది.



'కరెంట్ చార్జీలు తగ్గిస్తాం.. మెగా డీఎస్సీ'

Updated By ManamSat, 11/03/2018 - 18:21

Power, power project, Uttam Kumar Reddy, KCR, TRS, TPCC chiefనల్గొండ: కేసీఆర్ పాలనలో విద్యాసంస్థలకు ఎన్నో అవమానాలు జరిగాయని టీపీసీసీ చీఫ్ ఉత్తమ్ కుమార్ రెడ్డి అన్నారు. తనిఖీల పేరుతో విద్యాసంస్థలపై దాడులు చేశారని ఆరోపించారు. తాము అధికారంలోకి రాగానే విద్యాసంస్థలకు కరెంట్ చార్జీలు తగ్గిస్తామన్నారు. ప్రభుత్వ పాఠశాలలను బలోపేతం చేస్తామని తెలిపారు. మెగా డీఎస్సీ ద్వారా 20వేల టీచర్ పోస్టులు భర్తీ చేస్తామని ఉత్తమ్ హామీ ఇచ్చారు. 



2 తర్వాతే జాబితా ప్రకటన

Updated By ManamTue, 10/30/2018 - 06:46
  • ప్రచార వ్యూహాల్లో కాంగ్రెస్ ముఖ్యనేతలు

Uttam హైదరాబాద్: వచ్చే ఎన్నికల్లో అనుసరించాల్సిన వ్యూహం, ప్రచారం, టికెట్ల ప్రకటన తర్వాత చోటుచేసుకునే అసమ్మతి వంటి అంశాలపై టీపీసీసీ ముఖ్యనేతలు సోమవారం సమావేశమయ్యారు.  నగర శివారులోని గోల్కొండ రిసార్టులో జరిగిన ఈ భేటీలో టీపీసీసీ అధ్యక్షులు ఎన్ ఉత్తమ్ కుమార్ రెడ్డి, శాసనమండలిలో విపక్ష నాయకుడు మహ్మద్ అలీ షబ్బీర్,వర్కింగ్ ప్రెసిడెంట్లు పొన్నం ప్రభాకర్, ఎ రేవంత్ రెడ్డి, ప్రచార కమిటీ చైర్మన్ మల్లు భట్టి విక్రమార్క, సీఎల్పీ మాజీ నేత కె జానారెడ్డి, ఎఐసీసీ కార్యదర్శులు సలీం అహ్మద్, బోసురాజు, శ్రీనివాసన్ క్రిష్ణన్, మధుయాష్కీ గౌడ్ తదితరులు పాల్గొన్నారు. ఈ  సందర్భంగా తన ఢిల్లీ పర్యటన వివరాలను ఉత్తమ్ వివరించారు. ఎన్నికల ప్రచారానికి  మరో 39 రోజులు మాత్రమే ఉన్నందున ఈ స్వల్పకాలంలో ఎలా ప్రచారం చెయ్యాలి? నాలుగు బృందాలుగా జరిగే ప్రచారంలో ఎవరెవరు? ఎక్కడెక్కడ పాల్గొనాలనే అంశంపై చర్చించారు. కాంగ్రెస్ అభ్యర్థుల ఖరారు తర్వాత అసమ్మతి ఏర్పడితే, అసమ్మతి నేతలను టీఆర్‌ఎస్ పార్టీ డబ్బులతో కొనుగోలు చేసే ప్రమాదాన్ని ఎలా ఎదుర్కొవాలి?, ఒకే పేరున్న అభ్యర్థుల లిస్ట్ ను ఏఐసీసీకి  పంపినప్పటికీ,  అభ్యర్థుల జాబితా మాత్రం నవంబర్ 2 తర్వాతే జరగవచ్చని ఏఐసీసీ కార్యదర్శులు టీపీసీసీ నేతలకు చెప్పినట్లు సమాచారం. ఈ లోగా అన్ని వ్యూహాలతో సిద్ధమవటం ఎలా అనే అంశంపై చర్చించారు. ప్రజాకూటమి పార్టీలకు కేటాయించే సీట్లపై ముఖ్యంగా టీజేఎస్, సీపీఐ పార్టీల్లోనే  వ్యతిరేకత ఉందని, టీడీపీకి సీట్ల కేటాయింపుల్లో పెద్దగా పట్టించుకోవటం లేదని, ఆ పార్టీ ప్రధానంగా టీఆర్‌ఎస్‌ను ఓడించాలనే లక్ష్యంతో ఉందని అభిప్రాయపడ్డారు.



క్రైస్తవులకు  అండగా ఉంటం

Updated By ManamTue, 10/30/2018 - 06:46
  • పాస్టర్లకు గౌరవవేతనంపై పరిశీలన

  • పీసీసీ చీఫ్ ఉత్తమ్ కుమార్ రెడ్డి

uttamహైదరాబాద్: రాష్ట్రంలోని క్రైస్తవులకు కాంగ్రెస్ పార్టీ అండగా ఉంటుందని టీపీసీసీ అధ్యక్షుడు ఎన్ ఉత్తమ్ కుమార్ రెడ్డి చెప్పారు. అర్చకులు, మౌజాంల మాదిరిగా పాస్టర్లకు గౌరవ వేతనం ఇచ్చే విషయం పరిశీలిస్తామన్నారు. సోమవారం సికింద్రా బాద్ లోని వైఎంసీలో ఎపి క్రిస్టియన్ ఫెడరేషన్ అధ్వర్యంలో జరిగిన కార్య క్రమంలో ఉత్తమ్ పాల్గొన్నారు. మరో 45 రోజుల్లో జరిగే ఎన్నికల్లో కాంగ్రెస్ పార్టీ గెలుపు కోసం క్రైస్తవులు కృషి చెయ్యాలని కోరారు. కేంద్రంలో బీజేపీ అధికారంలోకి వచ్చిన తర్వాత దేశవ్యాప్తంగా మైనారిటీలపై దాడులు పెరిగిపోతున్నాయని,ఏం తినాలో, ఎలాంటి దుస్తులు ధరించాలో సంఘ్ పరివార్ శక్తులు నిర్దేశిస్తున్నాయని, ఇది రాజ్యాంగం కల్పించిన స్వేచ్చా హక్కును భంగం కలిగించడమేనని విమర్శించారు. కేంద్రంలో పెద్దమోడీ ఉంటే, రాష్ట్రంలో కేసీఆర్ చిన్నమోడీగా ఉత్తమ్ అభివర్ణించారు. టీఆర్‌ఎస్ కు ఓటేస్తే బీజీపీకి వేసినట్లేనని ప్రతి క్రైస్తవుడు గుర్తించా లని ఉత్తమ్ విజ్ఞప్తిచేశారు. అధికారం లోకి వచ్చిన వెంటనే  శ్మశాన వాటికల కు స్థలం గుర్తింపు, క్రైస్తవ భవనాల నిర్మాణానికి పెద్దపీట వేస్తామన్నారు. ఈ కార్యక్రమంలో ఎఐసీసీ మైనారిటీ విభాగం వైస్ చైర్మన్ అనిల్ థామస్, మాజీ ఎంపీ, హైదరాబాద్ కాంగ్రెస్ అధ్యక్షుడు అంజన్ కుమార్ యాదవ్ ఫెడరేషన్ చైర్మన్ గద్దపాటి విజయ్ కుమార్, బిషప్ లు షెడ్రక్ ఫ్రాన్సిస్, ఆర్చ్ బిషప్ దయానంద్ తదితరులు పాల్గన్నారు.



1న తొలి జాబితా

Updated By ManamMon, 10/29/2018 - 06:59
  • అభ్యర్థుల పేర్లతో పాటు మేనిఫెస్టో ప్రకటన

  • డిసెంబర్ 12 తర్వాత కేసీఆర్ ఫాంహౌస్‌కు, కేటీఆర్ అమెరికాకు

  • టీపీసీపీ అధ్యక్షుడు ఉత్తమ్ కుమార్‌రెడ్డి

uttamహైదరాబాద్: నవంబర్ 1న అభ్యర్థ్ధుల పేర్లతో సహా ఎన్నికల మేనిఫెస్టో ను  ప్రకటిస్తామని టీపీసీసీ అధ్యక్షులు ఎన్. ఉత్తమ్ కుమార్‌రెడ్డి వెల్లడించారు. అభ్యర్థ్ధుల ఎంపిక తుది అంకానికి వచ్చిందన్నా రు. తెలంగాణలో కాంగ్రెస్ ప్రభంజనం విస్తోందని తెలిపారు. నగరంలో జరిగిన వివిధ కార్యక్రమాల్లో ఉత్తమ్ ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ  కేటీఆర్ తన స్థ్ధాయికి తగ్గట్టుగా మాట్లాడటం లేదన్నారు. రాజకీయాల్లో ఉండాల్సిన విజ్ఞత  కూడా ఆతనికి లేదన్నారు. రాబోవు 45 రోజుల పాటు అప్రమత్తంగా ఉండాలని ప్రజలకు విజ్ఞప్తి చేశా రు. టీఆర్‌ఎస్ పాలనకు స్వస్తి పలికే రోజులు ఇంకెంతో దూరం లో లేవన్నారు. డిసెంబర్ 12 తర్వాత కేసీఆర్ ఫామ్ హౌజ్‌కు, కేటీఆర్ అమెరికాకు పరిమితం కావలసి వస్తుంద న్నారు. ఆంధ్రతో కాంగ్రెస్ పొత్తులని టీఆర్‌ఎస్ చేస్తున్న విమర్శలపై కూడా వివరణ ఇచ్చారు. టీడీపీ రమణ, టీజేస్ కోదండరాం, సీపీఐ చాడా వెంకటరెడ్డి ఆంధ్రనాయకులా.. తెలంగాణనా..? అని టీఆర్‌ఎస్ నాయకులను ప్రశ్నించారు. తెలంగాణ ముసుగులో రాష్ట్రాన్ని దోచుకొని దాచుకున్న వారెవరనేది ప్రజలకు తెలిసిపోయిందన్నారు. కేసీఆర్ మోసకారి, అబద్దాల కోరు అని ఉత్తమ్ ధ్వజమెత్తారు. నేరెళ్ల దళితులను చిత్ర హింసలు పెట్టిన టీఆర్‌ఎస్‌ను, రైతులకు సంకెళ్లు వేసిన ప్రభుత్వానికి వ్యతిరేకంగా కలిసి రావాలని ఆయన తెలంగాణ ప్రజానీకానికి పిలుపునిచ్చారు. అంతకు ముందు ఉత్తమ్‌కుమార్ రెడ్డి ఢిల్లీలో ఆంధ్రప్రదేశ్ ముఖ్యమంత్రి ఎన్. చంద్రబాబునాయుడుతో భేటీ ఆయ్యారు. సీట్ల సర్దుబాట్లు, ఎన్నికల వ్యూహం, ఉమ్మడి ఎన్నికల ప్రణాళిక పై చర్చించారు.  శని, ఆదివారం జరిగిన చర్చల్లో కాంగ్రెస్ 91, తెజస 8, తెదేపా 15, సీపీఐ  5 స్థానాల్లో పోటీ చేయాలనే అవగాహనకు వచ్చినట్లు తెలిసింది.





Related News