TRS party

టీఆర్ఎస్‌లో చేరిన నేపాలీలు..

Updated By ManamSat, 10/06/2018 - 13:24
 several Nepalis Joins TRS Party

హైదరాబాద్ : నగరంలో నివాసం ఉంటున్న పలువురు నేపాలీలు టీఆర్ఎస్‌లో చేరారు. మినిస్టర్ క్వార్టర్స్‌లో పార్టీ మైనార్టీ సీనియర్ కార్యకర్త భద్రుఉద్దీన్ ఆధ్వర్యంలో ఉప ముఖ్యమంత్రి మహమూద్ అలీ సమక్షంలో సికింద్రాబాద్, యాప్రాల్ నియోజకవర్గంలో నివస్తున్న 100మంది నేపాలీలు టీఆర్ఎస్ తీర్థం పుచ్చుకున్నారు. ఈ సందర్భంగా డిప్యూటీ సీఎం వారికి కండువా కప్పి పార్టీలోకి ఆహ్వానించారు.

 several Nepalis Joins TRS Party

 



నల్లగొండలో నేడు ప్రజా ఆశీర్వాద సభ

Updated By ManamThu, 10/04/2018 - 03:37
  • 12 నియోజకవర్గాల వారిగా జనసమీకరణ

  • 3 లక్షల మంది హాజరు కానున్నట్లు అంచనా

  • ఎన్నికల్లో టీఆర్‌ఎస్ బలప్రదర్శనకు వేదిక కానున్న సభ

imageనల్లగొండ: నల్లగొండ జిల్లాలో జరగనున్న ప్రజా ఆశీర్వాద సభకు ఉమ్మడి జిల్లాల నుండి సుమారు 3 లక్షల మంది హాజరు కానున్నట్లు టీఆర్‌ఎస్ నేతలు పేర్కొంటున్నారు. నేడు నిర్వహించే సభా వేదికపై నుండి ఆపద్దర్మ ముఖ్యమంత్రి ప్రసంగం పూర్తిగా జిల్లాలోని కాంగ్రెస్ దిగ్దాజాలే టార్గెట్‌గా ఉంటుందని ఉత్కంఠతో ఎదురు చూస్తున్నారు. నల్లగొండలో జరిగే భారీ సభకు పెద్ద ఎత్తున జన సమీకరణ దిశగా పార్టీ నాయకులు సన్నాహాలు చేశారు. ప్రజా ఆశీర్వాద సభతో జిల్లాలోని నార్కట్‌పల్లి, హైద్రాబాద్‌లో, నకిరేకల్ నుండి నల్లగొండ రహదారి, కొదాడ, మిర్యాలగూడ జనం మిర్యాలగూడ రోడ్, గడియారం సెంటర్ మీదుగా సభకు తరలి రానుండగా దేవరకొండ, నాగార్జునసాగర్ నుండి వచ్చే జనం భాస్కర్ టాకీస్, గడియారం సెంటర్ మీదుగా చర్లపల్లి వరకు జనం బహిరంగ సభకు తరలివెళ్ల నున్నారు. ప్రజా ఆశీర్వాద సభతో జిల్లాలోని రహదారులన్నీ రద్దీగా మారనున్నాయి. నల్లగొండ జిల్లాలో జరిగే ప్రజా ఆశీర్వాద సభ ఏర్పాట్లను అపద్దర్మ మంత్రి జగదీష్‌రెడ్డి, శాసన మండలి విప్, ఎమ్మెల్సీ పల్లా రాజేశ్వర్‌రెడ్డిలు దగ్గరుండి చూసుకుంటున్నారు. సీఎం సభకు ఇచ్చిన టార్గెట్‌ల మేరకు జిల్లాలోని 12 నియోజక వర్గాల వారిగా అభ్యర్థులు జన సమీకరణలో నిమగ్నమయ్యారు.

వేలాదిగా జనాన్ని సభకు తరలిస్తే సీఎం ఉపన్యాసంతో వారంతా తమకు ఓటు వేసే అవకాశం ఉంటుందని, సభకు వచ్చేవారు ఆ విశేషాలను వారి గ్రామాల్లో, కుటుంబాలలో చర్చకు పెడితే ప్రయోజనం రెట్టింపుగా ఉంటుందన్న దృడ నిశ్చయంతో అభ్యర్థులు ఉన్నారు. ఈ మేరకు జన సమీకరణకు తీవ్రంగా శ్రమిస్తున్నారు. ప్రత్యేక వాహనాలతో పాటు సమీపంలో ఉన్న నియోజక వర్గాల నుండి బైకులు, ఆటోల ద్వారా భారీ ర్యాలీలు నిర్వహించేందుకు ప్రణాళికలు రూపొందిస్తున్నారు. సభ వేదిక ఏర్పాట్లు, పార్కింగ్ తదితర ఆంశాలను ఎమ్మెల్సీ పల్లా రాజేశ్వర్‌రెడ్డి, కర్నె ప్రభాకర్‌రెడ్డిలు చూసుకుంటుండగా జన సమీకరణ ఆంశాన్ని మంత్రి జగదీష్‌రెడ్డి పర్యవేక్షిస్తున్నారు.



నిజామాబాద్‌ను మరో న్యూయార్క్ చేస్తాం

Updated By ManamWed, 10/03/2018 - 02:56
  • కేసీఆర్ పాలన పై మాట్లాడే స్థాయి మధుయాష్కీకి లేదు..

  • నిజామాబాద్ సభతో విజయఢంకా మోగిస్తాం: కవిత, పోచారం

imageనిజామాబాద్ః టీఆర్‌ఎస్ పార్టీపై మాజీ ఎంపీ మధుయాష్కీగౌడ్ అనాలోచితంగా చేసిన ఆరోపణలను తీవ్రంగా ఖండిస్తున్నామని నిజామాబాద్ ఎంపీ కల్వకుంట్ల కవిత అన్నారు. మంగళవారం నగరంలోని ఎంపీ కార్యాలయంలో కవిత, ఆపద్ధర్మ మంత్రి పోచారం శ్రీనివాస్ రెడ్డి విలేఖర్ల సమావేశం ఏర్పాటు చేశారు. ఈ సందర్భంగా  కవిత మాట్లాడుతూ జిల్లాలో టిఆర్‌ఎస్ ప్రభుత్వం చేస్తున్న అభివృద్ధిని చూసి ఓర్వలేకనే మాజీ ఎంపీ మధుయాష్కీ గౌడ్ ఆరోపణలు చేస్తున్నారని ఆమె అన్నారు. ఆయన మిడిమిడి జ్ఞానంతో మాట్లాడిన తీరు సరిగా లేదని అన్నారు. నిజామాబాద్ జిల్లా ప్రజల అభివృద్ధి కోసం అహర్నిశలు కృషి చేస్తున్నామని ఆమె తెలిపారు.

లక్కంపల్లి సెజ్ లో పరిశ్రమల ఏర్పాటు కోసం పర్మిషన్ తీసుకుని 100 కోట్లు మంజూరు చేయించటం జరిగిందని అన్నారు. అలాగే పరిశ్రమల ఏర్పాటు కోసం కేంద్ర మంత్రులను, పారిశ్రామికవేత్తలను, బాబా రాందేవ్ ను తీసుకు వచ్చాముు అని అన్నారు. మధుయాష్కిగౌడ్ హయాంలో ఎంపీ ల్యాడ్స్ నిధులను ప్రజల కోసం వినియోగించుకోకపోతే వాపస్ వెళ్ళాయని, 2017వ సంవత్సరంలో పార్లమెంట్ లో మాట్లాడి మళ్లీ ఆ 3.5 కోట్ల నిధులను జిల్లా మంజూరు చేయించానని ఆమె తెలిపారు. రైల్వే పనులపై చేసిన ఆరోపణలకు వివరణ ఇస్తూ,గత కాంగ్రెసు హయాంలో చేయనటువంటి రైల్వే లైన్ అభివృద్ధి పనులకు కేంద్ర ప్రభుత్వం నుండి నిధులు నిధులు మంజూరు చేయించి, పనులను పూర్తి చేస్తామని తెలిపారు.

తాను ఎంపీ అయిన తర్వాత నిజామాబాద్ రైల్వే ప్రాజెక్టును టాప్-20లో పెట్టించి, ఐదు వందల కోట్లతో రైల్వే పనులను పూర్తి చేశామని రైల్వే శాఖ వెబ్‌సైట్‌లో పెట్టడం జరిగిందని ఆమె తెలిపారు. కేసీసిఆర్ మీద టిఆర్‌ఎస్ ప్రభుత్వం పైన,తనపైన దుమ్మెత్తిపోసే స్థాయి వారికి లేదని కవిత అన్నారు. రాజకీయ నాయకుడికి ఓడిపోతే ఒక నీతి గెలిస్తే ఒక నీతి అనే విధంగా ఉండకూడదని ఆమె ఈ సందర్భంగా తెలియజేశారు.అనంతరం ఆపద్ధర్మ మంత్రి పోచారం శ్రీనివాస్ రెడ్డి మాట్లాడుతూ రాజకీయ నాయకుడు అంటే హుందాగా వ్యవహరించాలని, నోటికొచ్చినట్లు మాట్లాడితే ప్రజలు సహించరని ఆయన అన్నారు.

గత 2011 ఎన్నికల్లో 9 ఉమ్మడి జిల్లాలోని 9 నియోజకవర్గాల్లో ఎమ్మెల్యేలను,ఇద్దరు ఎంపీలను,జెడ్పీ చైర్మన్ ను గెలిపించిన ప్రజల రుణం తీర్చుకునేందుకు అభివృద్ధి కార్యక్రమాలు చేపట్టడం జరిగిందని అన్నారు. రాష్ట్రంలో జిల్లాలో జరుగుతున్న అభివృద్ధిని చూసి ఓర్వలేక నే మాజీ ఎంపీ మధు యాస్కీ గౌడ్ టీఆర్‌ఎస్ ప్రభుత్వం పైన, ఎంపీ కవిత పైన అనాలోచిత ఆరోపణలు చేస్తున్నారని ఆయన అన్నారు. గడిచిన నాలుగేళ్ల పాలనను గూర్చి మాజీ ప్రధానమంత్రి మన్మోహన్ అభినందించారని గుర్తు చేశారు. కేసీఆర్ పాలన నిరంకుశ పాలన అని ఆరోపణలు చేస్తున్నారని, నిరంకుశ పాలనలో అభివృద్ధి జరుగుతేందా అని కాంగ్రెస్ నాయకులను ప్రశ్నించారు. కాంగ్రెస్ నాయకులపై ఉన్న కేసులకు టీఆర్‌ఎస్‌కు ఎంతమాత్రం సంబంధం లేదని ఆయన స్పష్టం చేశారు. రైతులకు సాగునీరు అందించేందుకు ప్రాజెక్టుల నిర్మాణం చేపడుతుంటే దాన్ని కాంగ్రెస్ నాయకుల అడ్డుకొని కేసులు పెట్టే దాకా వెళ్తున్నారని, తాము చేయరు ఇంకొకరిని చేయనియారని ఆయన మండిపడ్డారు. 

కేసులతో ప్రగతి చక్రాలు ఆగవని నిజామాబాద్ నగరాన్ని కచ్చితంగా న్యూయార్క్ పట్టణంగా తయారు చేస్తామని అన్నారు. నిజామాబాద్ జిల్లా ప్రజల సహృదయము కలిగినవారని అన్నారు. మిషన్ భగీరథ పనులు సక్రమంగా జరుగుతుంటే వాటి మీద కూడా అవాకులు చెవాకులు పేలుతున్నారని మండిపడ్డారు రాష్ట్రంలో 20 ప్రాజెక్టులను నిర్మిస్తున్నామని పనులు వేగవంతంగా జరుగుతున్నాయని ఆయన అన్నారు. నిజామాబాద్ ఉమ్మడి జిల్లాల బహిరంగ సభ నుండి టిఆర్‌ఎస్ పార్టీ విజయఢంకా మోగిస్తుందని ఆయన ధీమా వ్యక్తం చేశారు. ఈ కార్యక్రమంలో విజి గౌడ్ రాజు, బి బి పాటిల్, ఎమ్మెల్సీ రాజేశ్వర్, ఈగ గంగారెడ్డి టిఆర్‌ఎస్ నాయకులు తదితరులు పాల్గొన్నారు.



స్టేషన్ ఘన్‌పూర్‌లో రాజయ్యను మార్చబోం

Updated By ManamTue, 10/02/2018 - 03:10
  • తెరాస శ్రేణులకు తేల్చి చెప్పిన మంత్రి కేటీఆర్

trsహైదరాబాద్: స్టేషన్ ఘన్‌పూర్ టీఆర్‌ఎస్ అభ్యర్థిగా తాటికొండ రాజయ్యను ఎట్టి పరిస్థితిలో మార్చేది లేదని మంత్రి కేటీఆర్ స్పష్టం చేశారు. పార్టీ నిర్ణయానికి అంతా కట్టుబడి ఉండాలని సూచించారు. అసంతృప్తులను బుజ్జగించడానికి అభ్యర్థ్దులను మార్చుకుంటూ పోతే అంతం అంటూ ఉండబోదని అన్నారు. స్టేషన్ ఘన్‌పూర్ నియోజక వర్గానికి చెందిన తెరాస నేతలు సోమవారం ప్రగతి భవన్‌లో మంత్రి కేటీఆర్‌ను కలుసుకున్నారు. వారితో పాటు ఉపముఖ్యమంత్రి కడియం శ్రీహరి కూడా కేటీఆర్‌ను కలిసిన వారిలో ఉన్నారు. వచ్చేది టీఆర్‌ఎస్ ప్రభుత్వమే, ఇప్పుడు పార్టీ కోసం పని చేసిన వారిని అధికారంలోకి వచ్చిన తర్వాత ప్రభుత్వ హోదాలతో గౌరవించుకుంటామని కేటీఆర్ తెలిపారు. రాజయ్యను వ్యతిరేకించేదానికంటే కూడా గెలిపించడానికి అంతా కలిసికట్టుగా పని చేయాలని కోరారు. ఒక దశలో ఉపముఖ్యమంత్రి కడియం శ్రీహరిని ఉద్దేశించి కేటీఆర్ మాట్లాడుతూ, అసంతృప్తివాదులను కట్టడి చేయాలని పార్టీ అభ్యర్థ్దిని గెలిపించడానికి అందరితో కలిసి ఎన్నికల ప్రచార బరిలో దిగాలని సూచించారు. ఇందుకు స్పందించిన కడియం కార్యకర్తలల్లో ఎవరి అభిప్రాయం వారిదని, తానేల కట్టడి చేయగలని కేటీఆర్‌తో అన్నట్టు తెలిసింది. అనంతరం కేటీఆర్‌ను పలువురు జెడ్పీటీసీలు, ఎంపీటీసీలు, సర్పంచులు, సీనీయర్ నాయకులు కలిసారు. స్టేషన్‌ఘన్‌పూర్‌లో అభ్యర్థిని మార్చకపోతే పార్టీ ఓడిపోతుందని ఆయన దృష్టికి తీసుకొచ్చినట్టు సమాచారం. మంత్రి వర్గం నుంచి తొలగించబడ్డ వ్యక్తి తమకెలా నచ్చుతాడని కేటీఆర్‌తో అన్నట్టు సమాచారం. ఏదేమైనా అభ్యర్థిని మార్చబోమని కేటీఆర్ తేల్చడంతో నేతలు అసంతృప్తితో బయటకు వచ్చినట్టు పలువురు జెడ్పీటీసీలు తెలిపారు.

నిర్మల్ తెరాసలో కుదిరిన సయోధ్య
గృహ నిర్మాణ శాఖ మంత్రి ఇంద్రకరణ్‌రెడ్డి, నిర్మల్ జిల్లా టీఆర్‌ఎస్ సీనియర్ నేత శ్రీహరి రావుల మధ్య సయోధ్య కుదిరింది. సోమవారం ప్రగతి భవన్‌లో మంత్రి కేటీఆర్‌తో వీరిద్దరు భేటీ అయ్యారు.  టీఆర్‌ఎస్ గెలుపు కోసం సమిష్టగా కృషి చేయాలని ఈ సందర్భంగా వారికి  మంత్రి కేటీఆర్ సూచించారు. రానున్నది  టీఆర్‌ఎస్ ప్రభుత్వమేనని, ప్రతి ఒక్కరికి భవిష్యత్‌లో తగిన అవకాశాలు దొరుకుతాయని హామీ ఇచ్చారు. ప్రభుత్వం చేపట్టిన సంక్షేమ, అభివృ్దద్ది కార్యక్రమాలను  అందరూ సమష్టిగా ప్రజల్లోకి తీసుకెళ్లాలని కోరారు. పార్టీలో అసమ్మతికి తావు లేదని, విబేధాలు పక్కన పెట్టి  అందరూ కలిసి కట్టుగా పని చేయవలసిందేనని స్పష్టం చేశారు. నిర్మల్‌లో టీఆర్‌ఎస్ అభ్యర్ది ఇంద్రకరణ్‌రెడ్డిని గెలిపించేందుకు అందరం కలిసి పని చేస్తామని శ్రీహరిరావు తెలిపారు.



'కేటీఆర్ కాదు.. కారుకూతల రామారావు'

Updated By ManamMon, 10/01/2018 - 19:00
  • టీపీసీసీ నేత శ్రవణ్ దాసోజు తీవ్ర స్థాయిలో ధ్వజం

 Congress leader, Sravan Dasoju, KTR, TRS party, Uttam Kumar Reddy, Geetha Reddyహైదరాబాద్: విపక్షాలపై నోరుపారేసుకుంటున్న కల్వకుంట్ల తారకరామారావు తన పేరును కారుకూతల రామారావుగా మార్చుకుంటే బాగుంటుందని టీపీసీసీ కాంపైన్ కమిటీ కన్వీనర్, ముఖ్యఅధికార ప్రతినిధి శ్రవణ్ దాసోజు వ్యాఖ్యానించారు. సోమవారం మధ్యాహ్నం గాంధీ భవన్‌లో జరిగిన మీడియా సమావేశంలో మాట్లాడిన ఆయన కేటీఆర్‌పై విమర్శనాస్త్రాలు సంధించారు. బేకారు పార్టీలో ఉన్న కేటీఆర్ కారుకూతలు తప్ప మంచి మాటలు ఎలా మాట్లాడగలరన్నారు. బేకారు పార్టీ కారుకూతలు కూస్తే.. చెయ్యిగుర్తు పార్టీ ప్రజలకు మంచి పనులు చేతల్లో చేసి చూపిస్తుందని అపహాస్యం చేశారు.

టీఆర్ఎస్ అంటే తెలంగాణకు పట్టిన తెగులని, టీఆర్ఎస్ అంటే ట్రెయిటర్స్ సమితిని శ్రవణ్ దాసోజు ఎద్దేవా చేశారు. హామీలు నెరవేర్చకుండా ముందస్తు ఎన్నికలకు వెళ్లిన టీఆర్ఎస్‌కు కర్రుకాల్చి వాతపెట్టాలని శ్రవణ్ పిలుపునిచ్చారు. 60 ఏళ్లు కొట్లాడి తెచ్చుకున్న తెలంగాణాను 60 నెలలు పరిపాలించమని తెలంగాణా ప్రజలు అధికారం అప్పగిస్తే చేవలేక చాతకాక కాడి మధ్యలోనే వదిలేసిన సన్నాసులు టీఆర్ఎస్ పార్టీ నేతలని శ్రవణ్ దుయ్యబట్టారు. టీఆర్ఎస్ అంటే తెలంగాణాకు పట్టిన తెగులు సమితని, టీఆర్ఎస్ అంటే ట్రెయిటర్స్ రాష్ట్ర సమితని దాసోజు ఎద్దేవా చేశారు. 

టీఆర్ఎస్ పార్టీని నమ్మి ప్రజలు ఓట్లేస్తే..
తెలంగాణా ప్రజల రక్తమాంసాలను దోచుకుతిన్న దోపిడి దొంగలని విమర్శించారు. ప్రగతి భవన్ కోట గోడలో  తెలంగాణా ప్రజల రక్త మాంసాల రుచిమరిగిన ముసలి సింహం ఓవైపుంటే  దేశరక్షణ కోసం కంకణ బద్దులై  ప్రాణత్యాగానికి  సిద్దమైన వీరుడైన సైనికుడు కాంగ్రెస్ పార్టీకి సారదిగా పనిచేస్తున్నాడని వీరిద్దరిలో ఎవరు కావాలో ప్రజలు తేల్చుకోవాలని శ్రవణ్ పిలుపునిచ్చారు.

టీఆర్ఎస్‌కు ఎందుకు ఓటెయ్యాలి
రైతుల ఆత్మహత్యలు చేసుకుంటే  స్వాంతన కలిగించందుకు ఓటేయాలా లేక నిరుద్యోగులకు లక్ష ఉద్యోగాలిస్తామని మోసం చేసినందుకు ఓటేయాలా అని శ్రవణ్ ప్రశ్నించారు. విద్యార్ధులకు రీయంబర్స్ మెంట్ ఇవ్వకుండా మోసగించారని, కార్పోరేట్ విద్యను నియంత్రించకుండా పేద విద్యార్ధుల ఉసురు పోసుకుంటన్నారన్నారు. ఆరోగ్యశ్రీ అమలుచేయకుండా, శృతి సాగర్ లాంటి అమాయకులను ఫేక్ ఎన్ కౌంటర్ల పేరిట చంపేసినందుకు ఓటేయాలా అని కేటీఆర్‌ను సూటిగా ప్రశ్నించారు. మహిళకు క్యాబినెట్లో అవకాశం ఇవ్వలేదని, ధర్నాచౌక్ ఎత్తివేసి  ప్రజాస్వామిక గొంతులను పోలీసురాజ్యంగా మార్చి నొక్కేసారని దుయ్యబట్టారు. శ్రవణ్ తో పాటు మాజీ మంత్రి జె. గీతారెడ్డి సమావేశంలో పాల్గొన్నారు. ఆల్ ఇండియా ప్రొఫెషనల్ కాంగ్రెస్ సంస్ధ  ఛైర్మెన్ శశిధరూర్ బాధ్యతలు చేపట్టాక తొలిసారిగా హైదరాబాద్ కు రానున్నారని సౌత్ ఇండియా కో ఆర్డినేటర్ మాజీ మంత్రి జె. గీతారెడ్డి తెలిపారు.



దారికొస్తున్న రెబెల్స్

Updated By ManamMon, 10/01/2018 - 04:03
  • ఎమ్మెల్సీలు, నామినేటెడ్ పోస్టులిస్తామని పూచీ

  • తగ్గిపోతున్న పోటాపోటీ సభలు, ర్యాలీలు

  • టీఆర్‌ఎస్‌లో ఫలితాలిస్తున్న అగ్రనేతల చర్చలు

trsహైదరాబాద్: మరోసారి అధికారం దక్కించుకునేందుకు పక్కా వ్యూహంతో ముందుకు పోతున్న టీఆర్‌ఎస్ ప్రచారంలో దూకుడు పెంచింది. నాయకులు అట్టహాసంగా ఊరూవాడా కలియదిరుగుతు న్నారు. మళ్లీ గెలిపిస్తే తెలంగాణ రూపురేఖలు మారుస్తామని హామీలిస్తున్నారు. అయితే, టీఆర్‌ఎస్ అధినేత కేసీఆర్ సెప్టెంబర్ 6న 105 మంది తొలి జాబితా ప్రకటించిన విషయం తెలిసిందే. మిగతా 14 స్థానాల్లో అభ్యర్థులను ప్రకటిం చకుండా పెండింగ్‌లో పెట్టారు. కొన్ని స్థానాల్లో సిట్టింగ్ ఎమ్మెల్యేలతో పాటు ఇంఛార్జిలకు టిక్కెట్లు ప్రకటించలేదు. దీంతో పలు నియోజక వర్గాల్లో ఆందోళనలు మొదలైనాయి. టిక్కెట్లు దక్కని నేతలు తమ అనుచరులతో ప్రత్యేక సమావేశాలు ఏర్పాటు చేసి పార్టీ ప్రకటించిన అభ్యర్థులకు మద్దతు ఇవ్వలేమని బాహాటంగా చెప్పారు. స్వతంత్రంగా బరిలో దిగుతామని కొన్ని చోట్ల హెచ్చరించి ‘అధికార’ అభ్యర్థులకు పోటాపోటీగా సమావేశాలు, ర్యాలీలు నిర్వహించారు. ఇటువంటి వారిని అదుపు చేసేందుకు పార్టీ పెద్దలు కేటీఆర్, కవిత, సంతోష్‌కుమార్‌తో పాటు ఆయా జిల్లాల మంత్రులు కూడా అసమ్మతి నేతలతో చర్చలు జరిపారు. ప్రభుత్వం అధికారంలోకి వస్తే ఎమ్మెల్సీ, నామినెటేడ్ పోస్టు ఇస్తామని హామీలిచ్చారు. దానితో అధిష్ఠానం పంపిన దూతల హామీ మేరకు రెబెల్స్ కొంత వెనకడుగు వేసి పార్టీ నిర్ణయం ప్రకారం ముందుకు పోవాలని భావిస్తున్నారు.

నియోజక వర్గాల వారీగా చూస్తే ఉప్పల్ నియోజక వర్గంపై టికెట్ ఆశించిన మేయర్ బొంతు రామ్మోహన్ జాబితాలో తన పేరు లేకపోవడంతో అలక వహించారు. ఆయనకు ఐదుగురు కార్పొరేటర్లు మద్దతుగా నిలిచారు. బేతి సుభాష్‌రెడ్డికి టికెట్ ఇవ్వొద్దని, ఆయన కార్యకర్తలకు, ప్రజలకు అందుబాటులో ఉండరని తాము సహకరించమని భీష్మించారు. మంత్రి కేటీఆర్ రంగంలోకి దిగి కార్పొరేటర్లలతో మాట్లాడటంతో వారు శాంతించి అధిష్టానం ప్రకటించిన అభ్యర్థి వెంటే ఉంటామని పేర్కొన్నారు. అదే విధంగా శేరిలింగంపల్లిలో అరికెపూడి గాంధీ అభ్యర్థితత్వం ప్రకటించడంపై ఆశావహులు జగదీష్ గౌడ్, రాగం నాగేందర్ వంటి నాయకులు వ్యతిరేకంగా ప్రకటనలు చేసి స్థానికులకే ఇవ్వాలని డిమాండ్ చేశారు. వారం రోజుల పాటు పార్టీకి అంటిముట్టనట్లుగా వ్యవహారించారు. వెంటనే నగర మంత్రులు రంగంలోకి దిగి వారికి నచ్చజెప్పి పార్టీ లైన్‌లో నడవాలని సూచించడంతో వారు కూడా చల్లబడి అభ్యర్థికి  జై కొడుతున్నారు. కూకట్‌పల్లి మాధవరం కృష్ణారావుకు ఇవ్వడంపై ప్రజలు హర్షించరని, ప్రజాబలమున్న నాయకులకు ఇవ్వాలని డిమాండ్ చేస్తూ తాము బరిలో ఉంటామని కావ్య, హరీష్‌రెడ్డి పేర్కొన్నారు. వీరితో కూడ పార్టీ నాయకులు మాట్లాడి అసమ్మతి సద్దుమణిగేలా చేశారు. పటాన్‌చెరువులో గూడెం మహిపాల్‌రెడ్డికి టికెట్ ఇస్తే ఓటమి తప్పదని, గాలి అనిల్‌కుమార్ అనుచరులు వ్యతిరేకత  ప్రదర్శించారు. మహిపాల్‌కు తప్ప మరో నాయకునికి ఇవ్వాలని పెద్ద ఎత్తున సమావేశాలు నిర్వహించారు. జిల్లా మంత్రి హారీష్‌రావు వారికి నచ్చజెప్పి అనిల్‌కు ఎమ్మెల్సీ ఇస్తామని ఒప్పించడంతో ప్రస్తుతం ప్రచారం చేస్తున్నారు. షాద్‌నగర్‌లో సిట్టింగ్ అభ్యర్థి అంజయ్యయాదవ్‌కు వ్యతిరేకంగా శంకర్, అందెల బాబయ్యలు పోటాపోటీగా సమావేశాలు జరిపి మాఇద్దరిలో ఒకరికి ఇవ్వాలని హైకమాండ్‌ను కోరారు. మంత్రి మహేందర్‌రెడ్డి వారితో ప్రత్యేక సమావేశం జరిపి పార్టీ అభ్యర్థులపై సర్వే చేయించి టికెట్లు ఇచ్చిందని, దానిలో ఎటువంటి మార్పు ఉండదని, మీరంతా ఖచ్చితంగా అభ్యర్థికి సహకరించాలని స్పష్టం చేశారు. దీంతో విధిలేక రెబెల్స్‌గా ముద్రపడ్డ నేతలంతా పార్టీ అనుకూలంగా మారిపోయారు.

నల్లగొండ నియోజకవర్గం నుంచి వలస నేత కంచర్లభూపాల్‌రెడ్డికి కేటాయించారు. ఆగ్రహం వ్యక్తం చేసిన దుబ్బాక నర్సింహ్మారెడ్డి తాను రెబెల్‌గా పోటీ చేస్తానని ప్రకటించారు. ఐదురోజుల పాటు అనుచరులతో హంగామా చేశారు. ఇంతలోనే మంత్రి జగదీష్‌రెడ్డి ఆయనతో చర్చలు జరిపి అభ్యర్థికి ప్రచారం చేసేలా ఒప్పించారు. మునుగోడు సీటు కూసుకుంట్ల ప్రభాకర్‌రెడ్డికి ఇవ్వగా, అప్పటికే తాను పోటీ చేస్తానని చెప్పిన వేనేపల్లి వెంకటేశ్వరరావు ఒక్కసారిగా మండిపడ్డారు. ఏమాత్రం ప్రజాబలంలేని వారికి ఏవిధంగా టిక్కెట్ ఇస్తారని పార్టీ పెద్దలను ప్రశ్నించారు. తనకే  టిక్కెట్ ఇవ్వాలని, నిరాకరిస్తే బరిలో ఉంటానని కరాఖండీ చెప్పారు. ఆయన పోకడలను చూసిన మంత్రి కేటిఆర్ తన వద్దకు పిలుపించుకుని పార్టీ అధినేత మాటను దిక్కరించడం సరికాదు, ప్రభుత్వం అధికారం చేపట్టిన తరువాత మీకు ఆశించిన పదవి కట్టబెడుతానని హామీ ఇవ్వడంతో ఆయన మౌనంగా దాల్చారు. మిర్యాలగూడలో నల్లమోతు భాస్కర్‌రావుకు ఇవ్వడంపై నియోజకవర్గం ఇంచార్జీ అమరేందర్‌రెడ్డి ఆగ్రహం వ్యక్తం చేశారు. స్థానిక కార్పొరేటర్లు, ఎంపీటీసీలతో ఆందోళన కార్యక్రమాలు చేపట్టారు. భాస్కర్‌రావుకు మద్ధతు ఇచ్చేదిలేదని ప్రకటించారు. రోజురోజుకు వ్యతిరేకత పెరుగుతుండటంతో జిల్లా మంత్రి చొరవ తీసుకుని సమస్యకు పుల్‌స్టాప్ పెట్టారు. అందరు కలిసి పనిచేసేలా చేశారు. పాలకుర్తిలో టీడీపీ నుంచి వచ్చిన ఎర్రబెల్లికి ఇవ్వడంపై ఆనియోజకవర్గ ఇంచార్జీ తక్కలపల్లి రవీందర్‌రావు వ్యతిరేకించారు. తానుకూడా పోటీ చేస్తానని పేర్కొన్నారు. ఆసమ్మతి పెరగకుండా పార్టీ ఇద్దరికి మధ్య సయోద్య కుదిరించి వ్యతిరేక వర్గం లేకుండా చేసింది. స్టేషన్ ఘన్‌పూర్ రాజయ్యను అభ్యర్థిగా ప్రకటన చేయడంతో ఉపముఖ్యమంత్రి కడియం వర్గీయులు ఆయనకు ఇవ్వద్దని ధర్నాలు చేశారు. వారం రోజుల పాటు స్థానికంగా ఆందోళనలు చేశారు. మహబూబబాద్ శంకర్‌నాయక్‌కు టిక్కెట్ కేటాయించడంతో మాజీ ఎమ్మెల్యే కవిత జీర్ణించుకోలేకపోయారు. ఆయనపై అనేక ఆరోపలున్నాయని, బరిలో ఓటమి తప్పదని, ఆసీటు తనకే ఇవ్వాలని డిమాండ్ చేసి అనుచరులతో ప్రదర్శనలు నిర్వహించింది. జిల్లా పార్టీ పెద్దలు రంగంలోకి దిగి ఈసారి పార్టీకి సహాకరిస్తే నామినెటేడ్ పదవి ఆఫర్ ఇవ్వడంతో ఆమె మెటు దిగింది. మానకొండూరులో రసమయి బాలకిషన్ వ్యతిరేకంగా ఓరుగంటి ఆనంద్ పోటీ చేస్తానని పేర్కొని, క్యాడర్‌ను సమాయత్తం చేస్తున్నారు. ఇంతలో ఎంపీ వినోద్‌కుమార్ చొరవతీసుకుని అందరు కలిసిపోయేలా చేసి ఐక్యత రాగం వినిపించేలా చేశారు. మంథనిలో పుట్టమధుకు ఇవ్వడంపై సునీల్‌కుమార్‌రెడ్డి వ్యతిరేకించి, మరోవర్గంగా మారడంతో పార్టీ నాయకత్వం ఆయనను ఒప్పించి పార్టీలో పనిచేసే విధంగా చేశారు. జగిత్యాల్లో డాక్టర్ సంజయ్‌కుమార్ ఇస్తే ఓడిస్తానని జితేందర్‌రావు హెచ్చరించారు. వేములవాడలో చెన్నమనేని రమేష్‌ను తప్పించి జెడ్పీ చైర్మన్ తుల ఉమకు ఇవ్వాలని పట్టుబట్టారు. కేటీఆర్ మాట్లాడంతో అందరం ఏకతాటిపైకి వచ్చారు. రామగుండంలో సోమావరపు సత్యనారాయణ ఓడిపోతాడని, కోరుకంటి చందర్‌కు ఇవ్వాలని స్థానిక నాయకులు డిమాండ్ చేశారు .కానీ ఈటల వారితో మాట్లాడి పార్టీ లైన్‌లో వెళ్లాలని సర్ధి చెప్పారు. సత్తుపల్లిలో పిడమర్తి రవి టికెట్‌పై మట్టాదయానంద్ సీరియస్‌గా ఉన్నారు. తాను బరిలో ఉంటానని హెచ్చరించారు. మంత్రి తుమ్మల సర్ధిచెప్పడంతో అందరు ఒకటైయ్యారు. పినపాక సీటు పాయం వెంకటేశ్వర్లుకు ఇవ్వడంతో వట్టం రాంబాబు వ్యతిరేకించి పోటీ చేస్తానని కుండ బ్దదలు కొట్టారు. తుమ్మల ఆయనతో చర్చలు జరిపి పోటీనుంచి తప్పుకునేలా చేశారు. దాదాపు టీఆర్‌ఎస్ అసమ్మతుల బెదడ తగ్గి, ప్రచారంలో దూసుకెళ్లుతున్నారు.మరో ఐదారుగురు ఉంటే వారిని కూడా అందుబాటులోకి తీసుకుని రాజీ కుదిరిచేందుకు నేతలు చేస్తున్న ప్రయత్నాలు ఫలిస్తున్నాయి.



'అరాచకం సృష్టించేది టీఆర్ఎస్సే..'

Updated By ManamSat, 09/15/2018 - 19:32
  • ఎమ్మెల్యే బోండా ఉమ కౌంటర్ ఎటాక్.. 

MLA Bonda Uma Maheswara rao, TRS Leaders, Balka Suman, Palla Rajeswar reddy, TRS partyహైదరాబాద్: టీఆర్ఎస్ నేతలు బాల్కా సుమన్, పల్లా రాజేశ్వర్ రెడ్డి వ్యాఖ్యలపై విజయవాడ సెంట్రల్ నియోజకవర్గం టీడీపీ ఎమ్మెల్యే బోండా ఉమా కౌంటర్ ఎటాక్ చేశారు. పోలీసులను అడ్డుపెట్టుకొని అరాచకం సృష్టించేది టీఆర్ఎస్సేనని ఆయన ఆరోపించారు. శనివారం ఆయన మీడియాతో మాట్లాడుతూ టీఆర్ఎస్‌పై తీవ్రస్థాయిలో ధ్వజమెత్తారు. బాబ్లీ విషయంలో మహారాష్ట్రకు వంతపాడుతున్నట్టు టీఆర్ఎస్ వ్యవహరిస్తోందని విమర్శించారు. హైదరాబాద్ కామన్ క్యాపిటల్‌ అని బోండా ఉమ స్పష్టం చేశారు.

హైదరాబాద్‌పై 2024 వరకు తమకు సర్వహక్కులు ఉంటాయని చెప్పారు. విభజన చట్టం ద్వారా తమకు ఇచ్చిన హక్కు ఇదేనని ఉమా తెలిపారు. అంతకుముందు చంద్రబాబుపై టీఆర్ఎస్ నేతలు విమర్శలు గుప్పించారు. హైదరాబాద్‌లోని సెక్షన్ 8ని ఏపీ సీఎం చంద్రబాబు నాయుడు దుర్వినియోగం చేస్తున్నారని పల్లా రాజేశ్వర్ రెడ్డి ఆరోపించారు. ఏపీ డీజీపీ ఆఫీసు టీడీపీ ఆఫీస్‌ (పొలిటికల్ డెన్)గా మార్చారని విమర్శించారు. చంద్రబాబు తెలంగాణలో డబ్బుల సంస్కృతిని ప్రవేశపెడుతున్నారని బాల్క సుమన్ ఆరోపించారు. 



'మహాకూటమి.. మహావైఫల్యం తప్పదు'

Updated By ManamWed, 09/12/2018 - 21:17
  • తెలంగాణ భవన్‌లో మీడియా సమావేశం.. 

  • విపక్షాలపై మంత్రి జూపల్లి కృష్ణారావు ధ్వజం

Jupalli Krishnarao, Opposition parties, TRS party, KCR, Assembly elections, Massive allianceహైదరాబాద్: రానున్న ఎన్నికల్లో విపక్షాల మహాకూటమి మహా వైఫల్యం చెందబోతుందని మంత్రి జూపల్లి కృష్ణారావు జోస్యం చెప్పారు. రాష్ట్రం విశాల ప్రయోజనం కోసమే పొత్తులు కుదుర్చుకుంటున్నట్టు ప్రతిపక్షాలు ప్రకటించడం హాస్యాస్పదంగా ఉందన్నారు. బుధవారం తెలంగాణ భవన్‌లో ఏర్పాటు చేసిన మీడియా సమావేశంలో జూపల్లి మాట్లాడారు. ఈ సందర్భంగా జూపల్లి విపక్షాలపై తీవ్రస్థాయిలో విరుచకపడ్డారు. తెలంగాణ ఉద్యమం సందర్భంగా ఈ విశాల ప్రయోజనం ఎక్కడికి వెళ్ళింది ?  అని సూటిగా ప్రశ్న లేవనెత్తారు. కేవలం ఆపద్ధర్మ సీఎం కేసీఆర్‌ను గద్దె దించడం అనే అవకాశవాదం కోసం ఈ మహా కూటమి ఏర్పడుతుందని దుయ్యబట్టారు. ఉమ్మడి పాలమూరు జిల్లాలో మొత్తం 14 సీట్లు గెలవబోతున్నామని ధీమా వ్యక్తం చేశారు. తెలంగాణలో టీఆర్ఎస్ భారీ సంఖ్యలో సీట్లు గెలిచి మళ్ళీ అధికారంలోకి రాబోతోందని స్పష్టం చేశారు. సురేష్ రెడ్డి లాంటి వారు కాంగ్రెస్ టికెట్ ఖరారైనా దాన్ని కాదనుకుని టీఆర్ఎస్‌లో చేరారని జూపల్లి ప్రశంసించారు. 

వనపర్తిలో కాంగ్రెస్ నేత చిన్నారెడ్డి తాను ఘోరంగా ఓటమి పాలవుతున్నట్టు కార్యకర్తలతో అంటున్నారని, తనకు కాకుండా కాంగ్రెస్ టికెట్ వేరే వారికిచ్చినా బాగుండు అని చిన్నారెడ్డి అంటున్నారని మంత్రి జూపల్లి చెప్పారు. వనపర్తిలో ఈసారి నిరంజన్ రెడ్డి గెలవడం ఖాయమని తేల్చిచెప్పారు. టీఆర్ఎస్‌ను మహా కూటమి, ఏ మాయల కూటమి ఏం చేయలేదన్నారు. పాలమూరు రంగారెడ్డి ప్రాజెక్టుని అడ్డుకుంటున్న చంద్రబాబు పార్టీని మహబూబ్ నగర్‌లో తరిమి కొడతారన్నారు. విజయవాడలో పాలమూరు రంగారెడ్డికి వ్యతిరేకంగా తీర్మానం చేసిన బాబు పార్టీకి మహబూబ్ నగర్‌లో స్థానం లేదన్నారు. ఓట్లు అడిగేందుకు టీడీపీకి ఆ పార్టీతో కలుస్తున్న కాంగ్రెస్‌పై నిప్పులు చెరిగారు. ఎవరినో భయపెట్టి టీఆర్ఎస్ గెలవాలనుకోవట్లేదని, గతంలో ఉన్న ప్రభుత్వాలు భయ పెట్టినా ప్రజలు భయపడ లేదని, తెలంగాణ వాదానికే ఓటు వేశారని మంత్రి జూపల్లి స్పష్టం చేశారు. 



'టీఆర్ఎస్ కావాలో తేల్చుకునే సమయం..' 

Updated By ManamWed, 09/12/2018 - 18:08
  • తెలంగాణను అడ్డుకున్న శక్తులు ఒక్కటయ్యాయని విమర్శ

  • కొండగట్టు కారణంగా కేసీఆర్ రాలేకపోయారు... 

TRS-KTR, option, people, KCR, TRS party, Uttam kumar reddy, Congress party, Chandrababu naidu హైదరాబాద్: తెలంగాణలో ముందస్తు ఎన్నికల దృష్ట్యా రాష్ట్రంలోని పలు రాజకీయ పార్టీల మధ్య మాటల యుద్ధం నడుస్తోంది. రాష్ట్రంలో అధికారం దక్కించుకునేందుకు విపక్షాలు ఇప్పటికే కసరత్తును ప్రారంభించాయి. కాంగ్రెస్‌లో నుంచి టీఆర్ఎస్‌లోకి.. టీఆర్ఎస్ నుంచి కాంగ్రెస్‌లోకి వలసల పర్వం కొనసాగుతోంది. ఈ నేపథ్యంలో బుధవారం హైదరాబాద్‌లో ఏర్పాటు చేసిన సమావేశంలో మంత్రి కేటీఆర్ పాల్గొన్నారు. ఈ సందర్భంగా ఆయన మాట్లాడుతూ.. ముదిగొండ, బషిర్‌బాగ్‌లు ఒక్కటయ్యాయని వ్యాఖ్యానించారు. తెలంగాణను అడ్డుకున్న టీపీసీసీ చీఫ్ ఉత్తమ్ కుమార్ రెడ్డి, టీడీపీ జాతీయ అధ్యక్షుడు ఏపీ సీఎం చంద్రబాబు ఒక్కటయ్యారని కేటీఆర్ విమర్శించారు. ఓ స్పష్టమైన ప్రత్యామ్నాయం ప్రజల ముందుందని, ఇద్దరిని ఒకే దెబ్బతో కొట్టే అవకాశం లభించిందన్నారు. 60ఏళ్లుగా రాబందుల్లా ప్రజలను పీక్కుతున్న వాళ్లు కావాలా.. రైతుబంధుగా నిలిచిన టీఆర్ఎస్‌ కావాలో తేల్చుకునే సమయం వచ్చిందని కేటీఆర్ చెప్పారు. గడ్డం పెంచుకున్న ప్రతీ ఒక్కరూ గబ్బర్‌సింగ్‌లు కాలేరని దుయ్యబట్టారు. 

రాష్ట్రాన్ని అంధకారంలోకి నెట్టిన పార్టీలు ఒకవైపు.. 24 గంటల కరెంట్ ఇచ్చిన పార్టీ మరోవైపు ఉందని తెలిపారు. అపవిత్ర, నీచమైన పొత్తుతో ప్రజలకు ఓ మంచి అవకాశం లభించిందని చెప్పారు. తాగునీరు ఇవ్వకుండా చేసిన టీడీపీ, కాంగ్రెస్ ఇప్పుడు ఒక్కటయ్యాయాని, ఎన్టీఆర్ ఆశయాలకు తూట్లు పొడిచారని ధ్వజమెత్తారు. కరెంట్ ఇవ్వకుండా తెలంగాణ రైతుల్ని ముంచిన ఇద్దరు ఒక్కటవుతున్నారని విమర్శలు గుప్పించారు. కొండగట్టు ఘటన కారణంగా ఆపద్ధర్మ ముఖ్యమంత్రి కేసీఆర్ సభకు రాలేకపోయారని చెప్పారు. కాలంతో పోటీ పడుతూ కాళేశ్వరం పూర్తి చేస్తున్నామని చెప్పారు. జీహెచ్ఎంసీ ఎన్నికల్లో సెంచరీకి అడుగుదూరంలో నిలిచామన్నారు. కార్పొరేటర్ ఝాన్సీ రాకతో సెంచరీ కొట్టామని కేటీఆర్ స్పష్టం చేశారు.



ఇంటింటి ప్రచారానికి సమాయత్తం

Updated By ManamWed, 09/12/2018 - 01:23
  • అభివృద్ధి, సంక్షేమమే తెరాస ప్రధానాస్త్రాలు  

హైదరాబాద్: తెరాస  శ్రేణులు ఇంటింటి ప్రచారం నిర్వహించేందుకు సమాయత్తమయ్యాయి. ప్రతి పక్షాలు క్షేత్ర స్థ్ధాయికి చేరక ముందే తొలిదశ ప్రచారం ముగించాలనే ఆలోచనలో ఉన్నారు. ప్రచార సామాగ్రిని రాష్ట్ర పార్టీ కార్యాలయం నుండి పంపించే ఏర్పాట్లు జరుగుతున్నాయి. దాదాపు 426 ప్రచారాంశాల తో నియోజక వర్గాల వారిగా కరపత్రాలను ముద్రిస్తున్నారు.   ప్రచార రథాలు  త్వరలోనే అభ్యర్ధులకు అంద చేయబోతున్నాయి. దాదాపు 70 నుండి 80 మంది అభ్యర్ధులు ప్రత్యేకంగా ప్రచార రథాల ను సిద్ధం చేసుకుంటున్నారు. బలమైన కాంగ్రెస్ అభ్యర్థ్ధులు పోటీలో ఉన్న నియోజక వర్గాలపైన తెరాస నాయకత్వం ప్రత్యేక శ్రద్ధ్ద కనబ రుస్తోంది.

imageగత ఎన్నికల్లో అతి స్వల్ప మెజా రిటీతో ప్రతిపక్షాలు గెలిచిన నియోజక వర్గాల పైన దృష్టి కేంద్రీకరించబోతుంది.పోటీలో ఉన్న వారందరిని గెలిపించుకోవాలనే ఆలోచనలో కేసీఆర్  ఉన్నందున 100 రోజుల్లో 50 ఎన్నికల బహిరంగ సభలు జరిపేందుకు చర్యలు తీసుకుంటున్నామని పార్టీ వర్గాలు వెల్లడిం చాయి. ఇప్పటికే కొందరు అభ్యర్థ్ధులు ఎన్నికల ప్రచారం ప్రారంభించారు. మరి కొందరు వినాయక చవితి తర్వాత ప్రచారం ప్రారంభిం చాలనే ఆలోచనతో ఉన్నారు. అభ్యర్థ్ధులను ప్రకటించినప్పటికీ చివరి నిమిషం లో పేర్లు తారుమారవుతాయనే భయంతో ఉన్న కొందరు అభ్యర్థ్ధులు అయోమయంలో పడిపోయారు. ఇప్పటి వరకు రంగంలోకి దిగండని కొందరికి మాత్రమే సంకేతాలు అందాయి. కరీంనగర్, నిజామాబాద్, ఆదిలాబాద్, మెదక్ జిల్లాల్లో అత్యధికులు ప్రచార కార్యక్రమాల్లో భాగంగా సభలు, సమావేశాలు ఏర్పాటు చేస్తున్నారు. నల్లగొండ, ఖమ్మం, మహ బూబ్‌నగర్, రంగా రెడ్డి, హైదరాబాద్ జిల్లా పరిధిలో ప్రచారం కొంత ఆలస్యంగా ప్రారం భించే అవకాశం ఉంది.

మంత్రులు ఈటెల రాజేందర్, టి. హరీష్‌రావులు ఇప్పటికే జిల్లా నేతలతో సమావేశమయ్యారు. వరంగల్ జిల్లా నేతలు కూడా సమావేశం ఏర్పాటు చేసి తాజా పరిస్థితులను బేరీజు వేసుకున్నారు. ఆదిలాబా ద్ జిల్లాలో కూడా పలువురు అభ్యర్ధులు సీనియర్లను కలుసుకోవడం, ప్రజల మద్దతు ఉన్న నాయకులను ప్రచారంలో దింపడం జరు గుతుంది. పార్టీ అధినేత కేసీఆర్ ఎర్రవెల్లిలోని ఫామ్‌హౌజ్ నుండేఅభ్యర్థ్ధులు, రెబల్స్‌తో తాజా పరిణామాలపై చర్చిస్తున్నారు. ఐటీ శాఖ మంత్రి కేటీఆర్ కూడా నియోజక వర్గాల వారిగా పరిస్థితులను సమీక్షిస్తున్నారు. సీఎం కేసీఆర్ తదుపరి సభల తేదీలు త్వరలోనే ఖరారు చేస్తారని పార్టీ నాయకులు తెలిపారు. ప్రతిపక్షాలు అభ్యర్థ్ధులను ప్రకటించక ముందే తొలి దశ ప్రచారం ముగించాలనే ఆలోచనలో పలువురు అభ్యర్థ్ధులు ఉన్నారు. పెన్షన్లు, కల్యా ణలక్ష్మి, షాదీముబారక్, రైతు బంధు, కుల వృత్తులకు సాయం, వ్యవ సాయానికి ని రంతర విద్యుత్, పంచాయతీలుగా గిరి జన తండాలు, మైనార్టీ సంక్షేమం, మరమగ్గాల ఆధునీకరణతో పాటు దాదాపు 426 అంశాలను ప్రచారం కోస ం గుర్తించారు. నియోజక వర్గాల వారిగా వివిధ పథకాల అమలును ప్రచారంలో పెట్టడం ద్వా రా ఎన్నికల్లో ప్రజల మద్దతు పొందాలన్నారు.





Related News