chandra babu naidu

చంద్రబాబు, లోకేశ్ ఓట్ల నమోదు

Updated By ManamFri, 11/02/2018 - 23:42
  • కృష్ణా-గుంటూరు పట్టభద్రుల ఎమ్మెల్సీ ఎన్నిక 

cmఅమరావతి: రాష్ట్ర ముఖ్యమంత్రి చంద్రబాబు నాయుడు, మంత్రి లోకేశ్ పట్టభద్రుల ఓటర్లుగా నమోదు చేసుకున్నారు. కృష్ణా,గుంటూరు పట్టభద్రుల ఎమ్మెల్సీ ఎన్నిక కోసం ఓటరు నమోదు కార్యక్రమంలో భాగంగా ఉండవల్లిలోని నివాసంలో గుంటూరు కలెక్టరు కోన శశిధర్, కృష్ణా, ఎమ్మెల్సీ ఎన్నికల నిర్వహణ అధికారి శ్రీలతలు సీఎంను కలుసుకున్నారు. ముఖ్యమంత్రి చంద్రబాబు, లోకేష్‌ల నుంచి ఓటరు నమోదు వివరాలు సేకరించారు. 1-11-2015 కు ముందు డిగ్రీ పొందిన ప్రతి ఒక్కరినీ కృష్ణా,గుంటూరు పట్టభద్రుల ఎమ్మెల్సీ ఎన్నిక కోసం సీఎం, మంత్రుల నుంచి ఓటరు నమోదు కార్యక్రమం జరిగింది. ఈ సందర్భంగా సీఎం చంద్రబాబు మాట్లాడుతూ కృష్ణా, గుంటూరు పట్టభద్రుల ఎమ్మెల్సీ ఎన్నికలో ఓటు వేసేందుకు ప్రతి ఒక్క డిగ్రీదారు ఓటు నమోదు చేయాల్సిన ఆవశ్యకత ఎంతైనా ఉందని పేర్కొన్నారు.



గూడపాటి కుటుంబం వితరణ 

Updated By ManamFri, 11/02/2018 - 23:42
  • తిత్లీ బాధితులకు, అన్నా క్యాంటీన్లకు విరాళం

  • ముఖ్యమంత్రి చంద్రబాబుకు చెక్ అందజేత 

babuఅమరావతి: రాజకీయా లకు ఆర్థిక విధానాలను మేళవించి, పరిపాలనా నిర్ణయాలు తీసుకోవడం మూలంగానే అభివృద్ధికి ఆస్కారమేర్పడిందని ముఖ్యమంత్రి చంద్రబాబు పేర్కొన్నారు. ఉండవల్లి నివా సంలో విజయవాడకు చెందిన గూడపాటి నాగేశ్వర రావు, రామమోహనరావు సోదరులు, ఇతర కుటుంబ సభ్యులు సీఎం చంద్రబాబును కలుసుకున్నారు. ముఖ్యమంత్రి సహాయనిధి, తిత్లీ తుపాను బాధితుల కు, అన్న క్యాంటీన్ల నిర్వహణకు గూడపాటి కుటుంబ సభ్యులు ఉదారంగా విరాళాలిచ్చారు. తిత్లీ తుపాను బాధితులను ఆదుకునేందుకు దాతృత్వం చూపుతూ గూడపాటి కుటుంబ సభ్యులు, ప్రవాసాం ధ్రుల తరఫున ముఖ్యమంత్రి సహాయనిధికి విరాళాలను అందించారు. తిత్లీ తుపాను బాధితుల సహాయార్థం వ్యక్తిగతంగా 3400 డాలర్ల(2.5లక్షలు) విరాళాన్ని చంద్రబాబుకు డా.గూడపాటి రామ్మోహన రావు, లక్ష్మీభారతి దంపతులు అందజేశారు. తిత్లీ తుపాను బాధితుల సహాయార్థం ఫ్లోరిడా తెలుగు అసోషియేషన్ సభ్యుల నుంచి సేకరించిన 1500 డాలర్లు (సుమారు లక్షా తొమ్మిది వేలు) విరాళాన్ని చంద్రబాబుకు అందజేశారు. ముఖ్యమంత్రి సహాయనిధికి భార్య భారతీదేవి, కుమారుడు రామకోటయ్యల జ్ఞాపకార్థం రూ.5 లక్షల విరాళాన్ని గూడవల్లి నాగేశ్వరరావు ఇచ్చారు. ముఖ్యమంత్రి సహాయ నిధికి మాజీ శాసనసభ్యులు, అత్తామామలు చెన్నుపాటి ఇంద్రావతి, రామకోటయ్యల జ్ఞాపకార్థం రూ.3 లక్షల విరాళాన్ని గూడపాటి నాగేశ్వరరావు అందజేశారు.  అన్న క్యాంటీన్ల నిర్వహణ నిమిత్తం అత్తామామలు చెన్నుపాటి ఇంద్రావతి, రామకోటయ్యల జ్ఞాపకార్థం రూ.2 లక్షల విరాళాన్ని గూడపాటి నాగేశ్వరరావు అందజేశారు. తిత్లీ తుపాను బాధితుల సహాయార్థం రూ.2.5 లక్షల వ్యక్తిగతంగా విరాళాన్నితాత, తండ్రులు గూడపాటి శేషయ్య, సుభ్రహ్మణ్యం జ్ఞాపకార్థం ముఖ్యమంత్రి చంద్రబాబుకు డా.గూడపాటి నాగేశ్వరరావు, డా.రామమోహనరావు సోదరులు అందజేశారు.



గిరిజనేతర ఇళ్లకు 50 వేలు

Updated By ManamMon, 10/29/2018 - 23:05
  • 49,106 కుటుంబాలకు అదనంగా లబ్ధి

  • ప్రభుత్వంపై రూ. 245.53 కోట్ల భారం

  • పోలవరం నిర్వాసితులకు చంద్రబాబు వరం

  • ప్రాజెక్టు నిర్మాణం పనులు 60 శాతం పూర్తి

  • నెలలో 2 లక్షల క్యూ.మీ. కాంక్రీట్ పనులు

  • పోలవరం ప్రాజెక్టు పనులపై సీఎం సమీక్ష

babuఅమరావతి: పోలవరం ప్రాజెక్టు నిర్వాసిత కుటుంబాలకు ముఖ్యమంత్రి చంద్రబాబు మరో వరం ప్రకటించారు. ప్రస్తుతం ముంపుప్రాంతాల్లోని గిరిజన కుటుంబాలకు నిర్మిస్తున్న ఇళ్లకు అదనంగా రూ.75 వేలు ఇస్తున్నట్టుగానే, గిరిజనేతర కుటుంబాల ఇళ్ల నిర్మాణానికి రూ. 50 వేలు ఇవ్వాలని అధికారులకు ముఖ్యమంత్రి నిర్దేశించారు. గిరిజనేతర కుటుంబాలకు నిర్మించే మొత్తం 49,106 ఇళ్లకు గాను రూ. 245.53 కోట్లు అదనంగా ఖర్చు భరించాలని ఆదేశించారు. ప్రతి నిర్వాసిత కుటుంబం సంతోషంగా ఉండటమే తనకు ముఖ్యమని, ఇందుకోసం ఎన్ని కోట్లు ఖర్చు చేసేందుకైనా వెనకాడేది లేదని స్పష్టం చేశారు. సోమవారం సచివాలయంలో జరిగిన పోలవరం ప్రాజెక్టు సమీక్షలో ముఖ్యమంత్రి మాట్లాడుతూ.. దీంతో పాటు ప్రతి ఇంటికి మరుగుదొడ్డి నిర్మాణం కోసం రూ. 15 వేలు అదనంగా ఇవ్వాలని సూచించారు. పోలవరం ప్రాజెక్టు నిర్మాణం కారణంగా ఉభయగోదావరి జిల్లాల్లో మొత్తం 1,66,423.23 ఎకరాలు ముంపునకు గురవుతున్నాయి. అలాగే తూర్పుగోదావరి జిల్లాల్లో 167 గ్రామాలు, పశ్చిమ గోదావరి జిల్లాలో 55 గ్రామాల ప్రజలు, అంటే మొత్తం 222 గ్రామాలు-371 నివాసప్రాంతాల్లో ప్రజలు నిర్వాసితులు కానున్నారు. 1,05,601 కుటుంబాలు ముంపుబారిన పడతాయి. ప్రాజెక్టు నిర్మాణం ప్రాంతంలోని 8 గ్రామాలలోని 3,992 నిర్వాసిత కుటుంబాలకు 2014లో పునరావాసం పూర్తయ్యింది. ముంపు గ్రామాలకు పునరావాస కార్యక్రమం రెండు దశలు వారీగా జరుగుతున్నాయి. మొదటి దశలో ప్రాజెక్టు 41.15 మీటర్ల ఎత్తు మేరకు నిర్మాణం చేపట్టడం వల్ల తలెత్తే ముంపుతో 113 నివాస ప్రాంతాల నుంచి మొత్తం 74 కాలనీలకు తరలిస్తున్నారు. మొత్తం 19,970 కుటుంబాలను ఈ కాలనీలకు తరలించాల్సి ఉంది. వీటిలో 26 కాలనీల నిర్మాణం పూర్తి చేసి 3,922 కుటుంబాలకు పునరావాసం కల్పించారు. ఇంకా 16,048 నిర్వాసిత కుటుంబాలను తరలించాలి. వీరికోసం 48 కాలనీల నిర్మాణం కొనసాగుతోంది. ఈ కాలనీల నిర్మాణం తూర్పు గోదావరి జిల్లాలో 39%, పశ్చిమ గోదావరి జిల్లాలో 43% పూర్తయ్యింది. 

డిసెంబరులో పోలవరం గేట్ల బిగింపు 
పోలవరం ప్రాజెక్టు నిర్మాణం పనులు 60% పూర్తయినట్టు ముఖ్యమంత్రి చంద్రబాబు నాయుడు వెల్లడించారు. ప్రాజెక్టు నిర్మాణంలో తొలిసారిగా ఒక నెలలో రెండు లక్షల క్యూబిక్ మీటర్లకు పైగా కాంక్రీట్ పనులు జరిగాయని, లక్ష్యాన్ని చేరుకున్నందుకు అధికారులకు, నిర్మాణ సంస్థలకు ముఖ్యమంత్రి అభినందనలు తెలిపారు. ఇకమీదట ఇదే వేగంతో పనులు సాగించి పోలవరం ప్రాజెక్టును నిర్దేశిత సమయానికి పూర్తి చేయాలన్నారు. డిసెంబర్‌లో పోలవరం ప్రాజెక్టు గేట్ల బిగింపు ప్రక్రియ ప్రారంభమవుతుందని తెలిపారు. 

30 శాతం వర్షపాతం లోటు 
రాష్ట్ర వ్యాప్తంగా 30% వర్షపాతం లోటు ఉందని. శ్రీకాకుళం, విజయనగరం, తూర్పుగోదావరి జిల్లాలు మినహా అన్ని జిల్లాలలో లోటు ఉందని చంద్రబాబు తెలిపారు. నవంబర్ 1 నుంచి ఈశాన్య రుతు పవనాల ప్రభావం ఎక్కువగా ఉంటుందని, 3వ తేది వరకు వర్షాలు పడనున్నాయని, నెల్లూరు, కడప జిల్లాలలో 6వ తేది వరకు వర్షాలు పడే అవకాశం ఉందని వెల్లడించారు. ఖరీఫ్‌లో 91% సేద్యం జరిగిందని, రబీలో కూడా సేద్యం ముమ్మరంగానే జరగనుందని చెప్పారు. రబీలో విత్తనాలు, ఎరువులు, పంటరుణాల కొరత లేకుండా చూడాలని అధికారులను ఆదేశించారు. కౌలు రైతులకు రూ.3,425కోట్లు పంట రుణాలు ఇచ్చామని, రబీలో కలిపి ఐదారు వేల కోట్లు ఇవ్వాలని సూచించారు. 



రౌడీయిజం నియంత్రణకు చర్యలు

Updated By ManamSat, 10/27/2018 - 02:09
  • శాంతిభద్రతలపై సీఎం సమక్షంలో డీజీపీ ప్రజెంటేషన్ 

babuఅమరావతి: రాష్ట్రంలో శాంతిభద్రతలపై ముఖ్యమంత్రి చంద్రబాబు నాయుడు సమక్షంలో డీజీపీ ఆర్పీ ఠాకూర్ ప్రెజెంటేషన్ ఇచ్చారు. ఈ సందర్భంగా ఠాకూర్ మాట్లాడుతూ.. నేర వార్తలపై ఎప్పటికప్పుడు బులెటన్లు విడుదల చేసి, మీడియా ద్వారా ప్రజలకు తెలియజేసి అప్రమత్తం చేస్తున్నామని అన్నారు. ప్రజలకు దగ్గర కావడానికి ‘చేరువ’ పేరుతో వివిధ అంశాలపై చర్చా వేదికలను నిర్వహిస్తున్నామని తెలిపారు. రౌడీయిజాన్ని పూర్తిగా నియంత్రించడానికి అన్ని చర్యలూ తీసుకుంటున్నామని వెల్లడించారు. ఈ ఏడాదిలో 532 ఆందోళళనలు జరిగాయని, తూర్పుగోదావరి, పశ్చిమగోదావరి జిల్లాలో 50కి పైగా జరిగాయని తెలిపారు. ముఖ్యమంత్రి చంద్రబాబు మాట్లాడుతూ.. ఉభయ గోదావరి జిల్లా ప్రజలు అభివృద్ధి కాముకులని, రాజకీయపరమైన ఆందోళనలతో నాయకులు రెచ్చగొట్టే ధోరణి కనిపిస్తే సమర్థంగా తిప్పికొట్టాలని ఆదేశించారు. రాష్ట్రంలో రౌడీయిజం కార్యకలాపాల్లో పాల్గొంటున్న 17,477 మందిని గుర్తించామని, వారి వివరాలను ఆన్‌లైన్‌లో అందుబాటులో ఉంచామని ఠాకూర్ పేర్కొన్నారు. ఏపీలో  దోపిడీలు 23% తగ్గాయని, దొంగతనాలు 17%, హత్యలు 35% తగ్గాయని వివరించారు. గత ఏడాది పదినెలలు, ఈ ఏడాది పది నెలల్లో నేరాలపై డీజీపీ విశ్లేషించారు. చంద్రబాబు మాట్లాడుతూ.. నిర్భయ కేసులు ఒకటి రెండు నమోదయితే, అత్యాచార నేరస్థులలో భయం ఉంటుందని అన్నారు. రాష్ట్రంలో రోడ్డు ప్రమాదాల సంఖ్య 12% తగ్గాయని, మృతుల సంఖ్య 8%, క్షతగాత్రుల సంఖ్య 16% తగ్గాయని డీజీపీ ఠాకూర్ తెలిపారు.



ఈ సారైనా న్యాయం చేయండి

Updated By ManamSat, 10/27/2018 - 02:08
  • హుదూద్ అప్పడు మోదీ మాట తప్పారు

  • తిత్లీ తుపానుతో దసరా కూడా చేసుకోలేదు

  • 12 రోజుల్లో సాధారణ పరిస్థితులు తెచ్చాం

  • కేంద్ర బృందంతో ముఖ్యమంత్రి చంద్రబాబు

babuఅమరావతి: తిత్లీ తుపాను ప్రభావంతో లక్షలాది చెట్లు కూలిపోయాయని, వందల సంఖ్యలో మూగజీవాలు మరణించాయని, పెద్ద సంఖ్యలో ఇళ్లు దెబ్బతిన్నాయని, రహదారి-విద్యుత్ వ్యవస్థకు తీవ్ర నష్టం జరిగిందని కేంద్ర బృందానికి ముఖ్యమంత్రి చంద్రబాబు వివరించారు. హుదూద్ తుపాను వచ్చినపుడు ఉదారంగా ఆదుకుంటామని ప్రధాని నరేంద్ర మోదీ మాట ఇచ్చి తప్పారని, ఈసారైనా న్యాయం చేయాలని కోరారు. శుక్రవారం ఉండవల్లిలో సీఎం చంద్రబాబును కేంద్ర బృందం కలిసింది. తిత్లీ ప్రభావం వల్ల ఏర్పడ్డ నష్టం గురించి వారికి తెలియజేశారు. శ్రీకాకుళం అత్యంత వెనుకబడిన జిల్లానే కాకుండా, తలసరి ఆదాయం తక్కువని, కిడ్నీ పీడిత ప్రాంతమని, తిత్లీతో కోలుకోలేనంత నష్టం జరిగిందన్నారు. తుపాను హెచ్చరికలు రావడంతోనే ప్రజలను అప్రమత్తం చేశామని, ప్రాణ నష్టం భారీగా జరగకుండా టెలీ కాన్ఫరెన్సుల ద్వారా అధికార యంత్రాంగాన్ని సన్నద్ధం చేశామని తెలిపారు. తుపాను అనంతరం సహాయక చర్యలు పెద్దఎత్తున చేపట్టి 12 రోజుల్లోనే సాధారణ పరిస్థితులు నెలకొనేలా చర్యలు తీసుకున్నామన్నారు. తిత్లీ తుపాను నష్టంపై ప్రధానితో ఫోన్లో మాట్లాడానని, ఆదుకోవాలని నష్టం వివరాలతో లేఖ రాశాననని, అయినా కేంద్రం నుంచి స్పందన లేదన్నారు. తిత్లీ తుపాను బాధితులను పరామర్శించడానికి సమయం కేటాయించని కేంద్ర హోం శాఖ మంత్రి రాజ్‌నాథ్ సింగ్.. రాష్ట్రంలో పార్టీ కార్యాలయం ప్రారంభానికి మాత్రం సమయం కేటాయించడం బాధ కలిగించిందన్నారు. దసరా పండుగ కూడా జరుపుకోకుండా అందరూ కలిసి శ్రమించామన్నారు. గతంలో ఎన్నడూ లేనట్టుగా తుపాను వచ్చిన 20 రోజుల్లోనే బాధితులకు పరిహారం అందించే ఏర్పాట్లు చేశామన్నారు. 

రాష్ట్ర ప్రభుత్వం ఇంత చేస్తున్నా కేంద్రం తుపాను బాధితులను పూర్తిగా పట్టించుకోకపోవడం దారుణమన్నారు. హుదూద్ తుపాను సమయంలో విశాఖ వచ్చిన ప్రధాని మోదీ రూ. వెయ్యి కోట్లు ఇస్తామని మాటిచ్చి తప్పారున్నారు. రూ. 650 కోట్లు మాత్రమే ఆనాడు సాయంగా అందించారని తెలిపారు. ఇచ్చిన మాటను కూడా ప్రధాని నరేంద్ర మోదీ నిలబెట్టుకోలేకపోయారని తెలిపారు. ఈసారైనా న్యాయం జరుగుతుందని ఆశిస్తున్నానని సీఎం చంద్రబాబు తెలిపారు. మొత్తం రూ. 3,673.10 కోట్ల నష్టం వాటిల్లిందని చెప్పారు. మానవతా ధృక్పదంతో కేంద్రం తక్షణం స్పందించి సమయానికి సాయం అందించాలని కేంద్ర బృందం సభ్యులను ముఖ్యమంత్రి కోరారు. ముఖ్యమంత్రిని కలిసిన కేంద్ర బృందంలో కేంద్ర హోం మంత్రిత్వ కార్యాలయ సంయుక్త కార్యదర్శి సంజీవ్ కుమార్ జిందాల్ ఆధ్వర్యంలో సభ్యులు బీకే శ్రీవాత్సవ, దీనానాథ్, మానిక్ చంద్ర పండిట్, ఓపీ సుమన్, ఎస్‌కే సింగ్, రాజీవ్ సింఘాల్ ఉన్నారు. కాగా తిత్లీ తుపాను నష్ట తీవ్రతను పరిశీలించడానికి వచ్చిన కేంద్ర బృందం గురువారం శ్రీకాకుళం జిల్లాలో పర్యటించింది. తుపాను ప్రభావిత ప్రాంతాల్లో పర్యటించి బాధితులు, అధికారులు, ప్రజా ప్రతినిధుల నుంచి వివరాలు తెలుసుకుంది. తుపానుతో సిక్కోలు వాసులు సర్వం కోల్పోయారని, బాధితులను ఆదుకోవాలని ప్రజాప్రతినిధులు, అధికారులు.. కేంద్ర బృందాన్ని కోరారు.
 
నేడు ఢిల్లీకి చంద్రబాబు 
ముఖ్యమంత్రి చంద్రబాబు నాయుడు శనివారం ఢిల్లీకి వెళ్లనున్నారు. కేంద్ర ప్రభుత్వ తీరును దేశ రాజధాని వేదికగా ఎండగట్టనున్నట్టు సమాచారం. మీడియా సమావేశంలో మాట్లాడనున్నారు. విభజనతో నష్టపోయిన ఆంధ్రప్రదేశ్‌కు కేంద్రం మొండిచేయి చూపడం, తిత్లీ తుపానుపై స్పందించకపోవడం తదితర అంశాలను ప్రస్తావించనున్నారు. 

తుపాను బాధితులకు 10 కోట్ల విరాళం
తిత్లీ తుపాను బాధితులకు భూగర్భ గనుల శాఖ అండగా నిలిచింది. ముఖ్యమంత్రి సహాయనిధికి 10 కోట్ల రూపాయల విరాళాన్ని భూగర్భ గనుల శాఖ మంత్రి సుజయ్ కృష్ణ రంగారావు అందించారు. తమ సొంత నిధుల నుంచి ఈ మొత్తాన్ని అందజేశారు. ముఖ్యమంత్రి చంద్రబాబును కలసి సుజయ్ కృష్ణ రంగారావు, ఎ.పి.ఎమ్.డి.సి-ఎమ్.డి. వెంకయ్య చౌదరి, భూగర్భ గనుల శాఖ కార్యదర్శి శ్రీధర్ చెక్కును అందించారు. తుపాను బాధితులకు అండగా నిలిచి భారీ విరాళం అందించిన మంత్రి సుజయ్, అధికారులను ఈ సందర్భంగా చంద్రబాబు అభినందించారు.



సీబీఐనీ భ్రష్టుపట్టించారు

Updated By ManamFri, 10/26/2018 - 00:33
  • పటిష్ట వ్యవస్థను పతనం చేస్తారా?

  • విచారణ భయంతోనే మార్పులు

  • కేంద్రంపై విరుచుకుపడ్డ చంద్రబాబు 

  • ఐటీ దాడులపై ముఖ్యమంత్రి ఆగ్రహం

babuఅమరావతి: సీబీఐ లాంటి ఉన్నత వ్యవస్థలను కేంద్ర ప్రభుత్వం భ్రష్టు పట్టించిందని ముఖ్యమంత్రి చంద్రబాబు నాయుడు విమర్శించారు. బీజేపీ నేతల మీద ఉన్న ఆరోపణలపై విచారణ చేస్తారనే భయంతోనే, సీబీఐ డైరెక్టరును మార్చేశారని ఆయన ఆరోపించారు. వీలైతే మంచికోసం వ్యవస్థలను బలపరచాలేగానీ, ఉన్న వ్యవస్థలను పతనం చేయడం సరికాదని ముఖ్యమంత్రి హితవు పలికారు. నియమాల్ని, నిబంధనల్ని కాలరాసి అర్ధరాత్రి నిర్ణయాలు కేంద్రం తీసుకుంటుందని నిప్పులు చెరిగారు. ఇలా కేంద్రంలోని ఉన్నత వ్యవస్థలను భ్రష్టుపట్టిస్తే ,భావితరాలు వాటి దుష్ఫరిమాణాల్ని అనుభవించాల్సి వస్తుందని చంద్రబాబు ఆవేదన వ్యక్తం చేశారు. గురువారం ఆయన రెండు రోజుల కలెక్టర్ల సమావేశంలో కేంద్రం తీరుపై మండిపడ్డారు. అమరావతిని అత్యుత్తమ నగరంగా నిర్మిస్తున్నామని, అయినా ఆరోపణలు చేస్తూ ఇవ్వాల్సిన నిధులు ఇవ్వడం లేదని ముఖ్యమంత్రి చంద్రబాబు విమర్శించారు. ‘మీరు నిధులు ఇవ్వడం లేదు. మైనింగ్ తదితర వ్యవహారాలు మాకు అప్పగించండని అడిగితే వాటికి అడ్డం పడుతున్నారు’ అని సీఎం అన్నారు. అభివృద్ధిని నిలిపివేసే ధోరణి కనిపిస్తోందని, నాయకుడు సరిగ్గా లేకపోతే ఇలాంటివి వస్తాయని, ఆదాయపు పన్ను దాడుల పేరుతో వేధింపులకు దిగారని విమర్శించారు. ‘ఎవరొస్తారో రండి, సాదరంగా ఆహ్వానిస్తాం. ఏపీలో దొంగ వ్యాపారాలు చేసే వారు లేరు’అని చంద్రబాబు సవాల్ విసిరారు. 

ఆవిష్కరణలను ప్రోత్సహించాలి
‘‘ఆవిష్కరణ అనేది నిరంతర ప్రక్రియ. ఆవిష్కరణ అంటే వినూత్న అభివ ద్ధికి సరికొత్త మార్గం. మనం చేసే ఆలోచనల్లో నుంచే వినూత్న ఆవిష్కరణలు వస్తాయి. క్షేత్రస్థాయి పర్యటనల్లోనే వినూత్న ఆలోచనలు చేయగలం. మేలైన విధానాలను రూపొందించగలం. నూతన ఆవిష్కరణలను ప్రోత్సహించాలి. జాతీయంగా, అంతర్జాతీయంగా మేలైన పద్ధతులను అధ్యయనం చేయాలి వాటిని అనుసరించాలి’’ అని  ముఖ్యమంత్రి చంద్రబాబు కలెక్టర్ల సదస్సులో అన్నారు. సరైన సమయంలో సరైన పరిష్కారం ఇవ్వగలిగినప్పుడే అన్ని సమస్యలను సకాలంలో అధిగమించగలమని, తిత్లి తుపాన్ బాధిత ప్రాంతాలలో అదే అనుసరించామని ముఖ్యమంత్రి గుర్తు చేశారు. కేంద్రం సహకరించనంత మాత్రాన కాకినాడ పెట్రో కెమికల్ కారిడార్ ఆగిపోదని, కాకినాడ పెట్రో కెమికల్ కారిడార్‌ను  అభివృద్ధిని ప్రైవేటు రంగంలో చేపడుతామని చంద్రబాబు స్పష్టం చేశారు. కేంద్రం ముందుకు రాకపోయినంత మాత్రాన ఆగిపోమని తెలిపారు. జక్కంపూడి తరహాలో మరిన్ని ఆర్థిక నగరాలను అభివృధ్ధి చేస్తామన్నారు.



జగన్‌పై దాడిని ఖండించిన చంద్రబాబు

Updated By ManamThu, 10/25/2018 - 18:32
  • దాడితో ప్రభుత్వానికి సంబంధం లేదు: సీఎం

jagan

అమరావతి : ప్రతిపక్ష నేత వైఎస్ జగన్ మోహన్ రెడ్డిపై దాడి ఘటనను ముఖ్యమంత్రి చంద్రబాబు నాయుడు ఖండించారు. ఆయన గురువారం అందుబాటులో ఉన్న మంత్రులతో భేటీ అయ్యారు. వైఎస్ జగన్‌పై దాడి, తాజా పరిణామాలపై చంద్రబాబు చర్చించారు. ‘ఇలాంటి చర్యలను ఉపేక్షించేది లేదు. ఈ దాడితో రాష్ట్ర ప్రభుత్వానికి ఎలాంటి సంబంధం లేదు. దాడిని అడ్డుపెట్టుకుని అల్లర్లకు దిగితే సహించేది లేదు’ అని చంద్రబాబు హెచ్చరించారు.

మరోవైపు మంత్రి కాల్వ శ్రీనివాసులు మాట్లాడుతూ... వైఎస్ జగన్‌పై దాడి చేసినవారు ఎవరైనా కఠినంగా శిక్షించాల్సిందేనని అన్నారు. దాడి వెనక ఎవరి ప్రోద్బలం ఉందో, ఎవరున్నారనేది తేలాలని ఆయన పేర్కొన్నారు. విమానాశ్రయం కేంద్ర బలగాల ఆధీనంలో ఉంటే తమని ఎలా విమర్శిస్తారని కాల్వ సూటిగా ప్రశ్నించారు. అందరినీ విచారిస్తాం, కుట్ర కోణాలు బయటపెడతామని అన్నారు. జగన్‌పై దాడి జరిగిన వెంటనే కేంద్రమంత్రి అంత వేగంగా ఎలా స్పందిస్తారన్నారు. ఘటనపై ఢిల్లీ నుంచి కొందరు చేస్తున్న ప్రకటనలు అనుమానాలకు తావిస్తోందని కాల్వ శ్రీనివాసులు వ్యాఖ్యలు చేశారు.



కూటమి గెలుపే ముఖ్యం

Updated By ManamTue, 10/23/2018 - 06:58
  • మన సీట్ల సంఖ్య చూడొద్దు.. గెలిచే స్థానాలనే ఆశించండి

  • విజయం సాధిస్తే నామినేటెడ్ పదవులొస్తయ్

  • సర్వశక్తులూ ఒడ్డి పోరాడండి.. తమ్ముళ్లకు చంద్రబాబు దిశానిర్దేశం

  • తమ్ముళ్లకు చంద్రబాబు దిశానిర్దేశం

babuహైదరాబాద్: ఎక్కువ స్థానాల్లో పోటీ చేయడంకంటే.. గెలిచే నియోజకవర్గాల్లో పోటీ చేయడమే ఉత్తమమని, ఆ మేరకే టికెట్లు ఆశించాలని టీటీడీపీ నాయకత్వానికి టీడీపీ జాతీయ అధ్యక్షుడు చంద్రబాబునాయుడు సూచించారు. సీట్లపై ఎక్కువ ఆశలు పెట్టుకోవద్దని, తొలుత కూటమి గెలుపునకు కృషి చేయాలని దిశానిర్దేశం చేశారు. కూటమి అధికారంలోకి వస్తే నామినేటెడ్ పదవులు దక్కుతాయని ఆశావాహులకు సర్దిజెప్పే ప్రయత్నం చేశారు. ఇక్కడ ప్రజాకూటమి గెలుపు, జాతీయ స్థాయిలో బీజేపీకి వ్యతిరేకంగా ఏర్పాటయ్యే ఫ్రంటుకు తోవ చూపినట్లవుతుందని ఆయన వ్యాఖ్యానించారు. ఈ మేరకు సోమవారం హైదరాబాద్‌లోని పార్టీ కార్యాలయంలో టీటీడీపీ పొలిట్‌బ్యూరో, రాష్ట్ర, జిల్లా పార్టీ నాయకులతో ఆయన సమావేశమయ్యారు. తొలుత పొలిట్‌బ్యూరో సభ్యులతో బాబు భేటీ అవగా, రాష్ట్రంలోని తాజా రాజకీయ పరిస్థితులను, కూటమిలో సీట్ల సర్దుబాటు సమస్యను టీటీడీపీ అధ్యక్షుడు ఎల్ రమణ ఆయనకు వివరించారు. అనంతరం నాయకులతో విడివిడిగా, బృందాలవారీగా బాబు చర్చలు జరిపారు.

మరో ఆరింటికి ప్రయత్నిస్తా...
టీటీడీపీకి 12 సీట్లు ఇచ్చేందుకు కాంగ్రెస్ ఇప్పటికే అంగీకరించగా, మరో 6 సీట్ల కోసం తాను ప్రయత్నిస్తానని బాబు చెప్పినట్లు సమాచారం. జంట నగరాల్లో పార్టీకి పట్టున్న సీట్లను వదులుకోవద్దని, గత ఎన్నికల్లో టీడీపీ గెలిచిన స్థానాలు, ప్రస్తుతం బీజేపీ సిట్టింగ్ ఎమ్మెల్యేలున్న పలు నియోజకవర్గాల్లో టీడీపీ బలాబలాలను ఆయన గుర్తు చేశారు. గత రెండు సాధారణ ఎన్నికల్లో వరసగా టీడీపీ గెలిచిన స్థానాలు, స్వల్ప తేడాతో రెండో స్థానంలో నిలిచిన స్థానాల నుంచి టికెట్ ఆశిస్తున్న వారి వద్ద బాబు బయోడేటాను స్వీకరించారు. టీటీడీపీ తరపున ప్రచారానికి సైతం బాబు అంగీకరించినట్టు పార్టీ వర్గాలు వెల్లడించాయి. పార్టీ పోటీజేసే స్థానాల్లో 4 భారీ బహిరంగ సభలను నిర్వహించాలని ఆయన సూచించనట్టు తెలిసింది. మహబూబ్‌నగర్, హైదరాబాద్ సహా మరో రెండు జిల్లాల్లో ఈ సభలు జరగనున్నాయి.

పెద్దిరెడ్డికి కూకట్‌పల్లి టికెట్!
ఉప్పల్, కూకట్‌పల్లి, శేరిలింగంపల్లి స్థానాలు టీడీపీకే ఖరారైనట్టు తెలుస్తోంది. కూకట్‌పల్లి నుంచి మాజీ మంత్రి, టీటీడీ సభ్యుడు పెద్దిరెడ్డికి, శేరిలింగంపల్లి నుంచి భవ్య సిమెంట్స్ అధినేత ఆనంద్‌ప్రసాద్‌కు బాబు అవకాశమిచ్చినట్టు సమాచారం. ఉప్పల్ నుంచి మాజీ మంత్రి దేవేందర్‌గౌడ్ కొడుకు వీరేందర్‌గౌడ్‌కు టికెట్ కేటాయిస్తారని పార్టీ వర్గాలు చెబుతున్నాయి. జూబ్లిహిల్స్, ఖైరతాబాద్ టికెట్లు కూడా టీడీపీకి దక్కే అవకాశముందని బాబు వ్యాఖ్యానించినట్లు తెలిసింది.

మూడు దశల్లో చర్చలు
సీట్ల సర్దుబాటుపై కూటమి భాగస్వామ్య పక్షాలతో ఎల్ రమణ, నామానాగేశ్వర్‌రావు చర్చలు జరుపుతున్నారని పొలిట్‌బ్యూరో సభ్యుడు రావుల చంద్రశేఖర్‌రెడ్డి తెలిపారు. ఈ చర్చలు మూడు దశల్లో ఉంటాయన్నారు. తొలుత ఏ పార్టీ ఎన్ని సీట్లలో పోటీజేయాలన్న దానిపై స్పష్టత వచ్చాక, ఏయే సీట్లను ఎవరు తీసుకోవాలన్నదానిపై చర్చిస్తామన్నారు. చివరి దశలో ఆ సీటులో పోటీజేసే అభ్యర్థిని ఆయా పార్టీలు ఖరారు చేస్తాయని చెప్పారు. ప్రస్తుతం చర్చలు తొలి దశలో ఉన్నాయన్నారు.



తుపాన్లు.. కరువు

Updated By ManamTue, 10/23/2018 - 06:28
  • ఆంధ్రప్రదేశ్‌లో విపత్తులు అధికం

  • విభజన జరిగినప్పుడే హెచ్చరించా

  • ఏపీని ప్రత్యేక రాష్ట్రంగా చూడాలి

  • కేంద్రం సహాయ నిరాకరణ చేస్తోంది

  • పట్టుదలతో విపత్తులను అధిగమిస్తున్నాం

  • నీరు-ప్రగతిపై చంద్రబాబు టెలికాన్ఫరెన్స్

babuఅమరావతి: రాష్ట్ర విభజన జరిగినప్పుడే ఆంధ్రప్రదేశ్‌లో విపత్తుల గురించి హెచ్చరించానని, తుపాన్లు, వర్షాభావం, కరవు అధికమని అప్పుడే చెప్పానని ముఖ్యమంత్రి చంద్రబాబు నాయుడు పేర్కొన్నారు. నాలుగేళ్లలో రెండు తుపాన్లు వచ్చాయని, రెండేళ్లు కరవు పరిస్థితులు ఏర్పడ్డాయని అన్నారు. సోమవారం నీరు-ప్రగతి పురోగతిపై ప్రభుత్వ ప్రధాన కార్యదర్శి పునేఠాతో కలసి చంద్రబాబు టెలికాన్ఫరెన్స్ నిర్వహించారు. ఇందులో జిల్లాల కలెక్టర్లు, వివిధ శాఖల అధికారులు పాల్గొన్నారు. ఈ సందర్భంగా చంద్రబాబు మాట్లాడుతూ.. భౌగోళిక ప్రత్యేకత దృ ష్ట్యా ఏపీని ప్రత్యేక రాష్ట్రంగా చూడాలని కోరానని, కానీ కేంద్రం సహాయ నిరాకరణ చేస్తోందని అన్నారు. పట్టుదలతో మనకున్న వనరులతో పనులు చేస్తున్నామని, విపత్తులను అధిగమిస్తున్నామని, ప్రజల బాధలను తగ్గిస్తున్నామని, అనుకున్న ఫలితాలను సాధిస్తున్నామని చెప్పారు. మిషన్ అంత్యోదయలో అత్యధిక అవార్డులు ఏపీకే దక్కాయని, దేశంలో 224 గ్రామాలు ముందుంటే అందులో 132 రాష్ట్రానివేనని చంద్రబాబు వివరించారు. దేశంలో ఆదర్శ గ్రామాలలో 55 శాతం మన రాష్ట్రానివేనని తెలిపారు. దీనిని 70 శాతం నుంచి 80 శాతానికి తీసుకెళ్లాలని సూచించారు. నరేగా కింద ఇప్పటివరకు 17.4 కోట్ల పనిదినాలు పూర్తిచేశాంమని, నరేగా పనిదినాల సంఖ్య 22 కోట్లకు మార్చారని, పట్టుదలగా కృషి చేస్తే 25 కోట్ల పనిదినాలకు చేరుకోవచ్చని అన్నారు. ఈ ఏడాది నరేగా నిధులు రూ.10 వేల కోట్లు వినియోగించుకోవాలని ముఖ్యమంత్రి ఆదేశించారు. 295 కరవు మండలాల్లో 50 అదనపు పనిదినాలు వచ్చాయని, తిత్లీ తుపాను ప్రభావిత మండలాల్లో 50 అదనపు పనిదినాలు వస్తాయని ముఖ్యమంత్రి చంద్రబాబు వెల్లడించారు. ఘన వ్యర్ధాల నియంత్రణ షెడ్లు 4 వేలు పూర్తయ్యాయని ప్రభుత్వ ప్రధాన కార్యదర్శి పునేఠా వివరించారు. మరో 4 వేల షెడ్ల నిర్మాణం పూర్తి చేయాల్సి ఉందని తెలిపారు. అంగన్ వాడీ భవనాల నిర్మాణాన్ని ముమ్మరం చేయాలని అధికారులకు సూచించారు. స్వైన్ ఫ్లూ పట్ల జిల్లాలలో అప్రమత్తంగా ఉండాలని, అవసరమైన మందులు సిద్ధం చేసుకోవాలన్నారు. ఖరీఫ్ సీజన్‌లో 36 లక్షల హెక్టార్లలో పంటలు వేశారని, రబీలో కూడా 26 లక్షల హెక్టార్ల సాగు లక్ష్యం చేరుకోవాలని పేర్కొన్నారు. రబీలో పంట రుణాల లక్ష్యం రూ.42,530 కోట్లకు చేరాలని, కౌలురైతులకు పంట రుణాలు పెద్ద ఎత్తున ఇవ్వాలన్నారు. ఖరీఫ్‌లో కత్తెర పురుగును నియంత్రించగలిగామని, రబీలో కూడా కత్తెర పురుగును నియంత్రించాలని అన్నారు. అనంతపురం, కర్నూలు, పశ్చిమ గోదావరి, గుంటూరు జిల్లాలలో అప్రమత్తంగా ఉండాలని సూచించారు. 



శ్రీకాకుళం అంటే ఎన్టీఆర్‌కు ప్రాణం 

Updated By ManamMon, 10/22/2018 - 01:23
  • అభిమానులు ఆదుకోవాలి: బాలకృష్ణ 

  • చంద్రబాబుకు 25 లక్షల చెక్కు అందజేత 

balakrishnaఅమరావతి: తిత్లీ తుపాను బాధితులకు హిందూపురం ఎమ్మెల్యే, సినీ హీరో నందమూరి బాలకృష్ణ ప్రకటించిన రూ. 25 లక్షల విరాళాన్ని ముఖ్యమంత్రి చంద్రబాబు నాయుడకు అందజేశారు. ఆదివారం ముఖ్యమంత్రి నివాసానికి వెళ్లి బాలకృష్ణ చెక్కును అందించారు. సిక్కోలు ప్రజలకు ఎన్నడూ లేనివిధంగా, కనీ వినీ ఎరుగని విపత్తు వచ్చిందని, రూ.3,120 కోట్లు నష్టం వాటిల్లిందని, సాయం కోసం కేంద్రానికి రెండు లేఖలు రాసినా పట్టించుకోలేదని బాలకృష్ణ విమర్శించారు. తక్షణమే సిక్కోలు బాధితులకు కేంద్రం సహాయం ప్రకటించి, జాతీయ విపత్తుగా ప్రకటించాలని డిమాండ్ చేశారు. ముఖ్యమంత్రి సహాయనిధికి విరివిగా విరాళాలు పంపాలని అభిమానులకు విజ్ఞప్తి చేశారు. శ్రీకాకుళం జిల్లా అంటే ఎన్టీఆర్‌కు ప్రాణం లాంటిదని, సిక్కోలు బాధితులను ఆదుకోవాల్సిన భాద్యత నందమూరి అభిమానులు, తెలుగుదేశం కార్యకర్తల అందరిపైన ఉందని తెలిపారు. కేంద్రం సహకరించక పోయినా రాష్ట్ర ప్రభుత్వం యుద్ధ ప్రాతిపదికన ముందుకొచ్చి చేపట్టిన సహాయ పునరావాస చర్యలను బాలకృష్ణ ప్రశింసించారు. శ్రీకాకుళం పునర్ నిర్మాణానికి అందరూ సహకరించాలని కోరారు. 





Related News