high court

దర్శకుడు శంక‌ర్‌కు కోర్టు షాక్‌

Updated By ManamTue, 09/04/2018 - 15:22

Shankarస్టార్ డైరెక్ట‌ర్ శంక‌ర్‌కు చెన్నై హైకోర్టు షాకిచ్చింది. వివ‌రాల్లోకెళ్తే.. శంక‌ర్ ద‌ర్శ‌క‌త్వంలో ర‌జ‌నీ కాంత్ న‌టించిన రోబో క‌థ త‌న‌దంటూ ఆరూర్ త‌మిళ‌నాడ‌న్ చెన్నై హైకోర్టులో కేసు వేశారు. పిటిషన్‌ను ప‌లుమార్లు ప‌రిశీలించిన కోర్టు శంక‌ర్‌ను కోర్టుక హాజ‌ర అవ‌మ‌ని కోరింది. అయితే శంక‌ర్ కోర్టుకు హాజ‌రు కాలేదు. దీంతో కోర్టు ఆయ‌న‌కు ప‌దివేల రూపాయ‌ల జ‌రిమానా విధించింది. 2010లో విడుద‌లైన రోబో క‌థ త‌న‌ది కావ‌డంతో త‌న‌కు కోటి రూపాయ‌లు న‌ష్ట ప‌రిహారం ఇవ్వాల‌ని ఆరూర్ త‌మిళ‌నాడ‌న్ కోరారు. ఇప్పుడు శంక‌ర్ దీనికి ఏకంగా సీక్వెల్‌గా 2.0ను తెర‌కెక్కిస్తుండ‌టం విశేషం. 



నా కుమారుడి చుట్టూ కుట్ర జరుగుతోంది

Updated By ManamMon, 09/03/2018 - 11:06

Simbuతన కుమారుడి చుట్టూ కుట్ర జరుగుతోందని శింబు తండ్రి, నటుడు, దర్శక నిర్మాత టీ.రాజేందర్‌ సంచలన వ్యాఖ్యలు చేశారు. రాజకీయ వనవాసం నుంచి ఇప్పుడు తనకు విముక్తి కలిగిందని అన్నారు. రాజకీయాల్లో తాను ఎంజీఆర్‌కు వ్యతిరేకంగా పోరాటం చేశానని, రాజకీయ పార్టీని ప్రారంభించడానికి చాలా సహనం అవసరం అని అన్నారు. 

పోరాటం తరువాతే కరుణానిధి డీఎంకే అధ్యక్షుడయ్యారని గుర్తు చేశారు. పార్టీ అధ్యక్ష పదవి అన్నది సాధారణ విషయం కాదని, తల చుట్టూ వేడెక్కించే మంట లాంటిదని పేర్కొన్నారు. తాను రాజకీయవాదినని చెప్పడం  కంటే ఆధ్యాత్మిక వాదినని చెప్పుకుంటానన్నారు. తాను ఆధ్యాత్మికంగానే నిర్ణయాలు తీసుకోవాలని నిర్ణయం తీసుకున్నానన్నానని పేర్కొన్నారు. అయితే ఫ్యాషన్ అనే నూతన నిర్మాణ సంస్థలో అరసన్‌ చిత్రంలో నటించడానికి శింబు 2013లో రూ.50 లక్షలు అడ్వాన్స్‌ పుచ్చుకున్నారు. అప్పటి నుంచి ఆ సంస్థలో చిత్రం చేయకపోవడంతో ఆ సంస్థ అధినేతలు చెన్నై హైకోర్టును ఆశ్రయించారు. కేసును విచారించిన న్యాయస్థానం నటుడు శింబు అడ్వాన్స్‌గా తీసుకున్న రూ.50 లక్షలకు వడ్డీతో కలిపి మొత్తం రూ.85లక్షలను నాలుగు వారాల్లోగా చెల్లించాలని ఆదేశించిన విషయం తెలిసిందే.



ప్రస్తుత భవనాన్ని ఏపీకి ఇస్తం 

Updated By ManamSat, 09/01/2018 - 06:18
  • హైకోర్టు విభజనపై సుప్రీంకు తెలిపిన తెలంగాణ

  • వెంటనే విభజన చేయాలంటూ విన్నపం

  • వాదనలకు ఏపీ న్యాయవాది గైర్హాజరు

  • కేసు విచారణ రెండు వారాలకు వాయిదా

highన్యూఢిల్లీ: ప్రస్తుతం ఉన్న హై కోర్టు భవనాన్ని ఏపీకి ఇచ్చి, బయటకు వెళ్లేందుకు సిద్ధంగా ఉన్నామని తెలంగాణ తరపు న్యాయవాది ముకుల్ రోహత్గి కోర్టు కు నివేదించారు. ఈ మేరకు శుక్రవారం ఆయన హైకోర్టు విభజన పై కేంద్రం దాఖలు చేసిన స్పెషల్ లీవ్ పిటిషన్ పై సుప్రీంకోర్టు లో జరిగిన విచారణలో ఇప్పుడున్న భవనం లో కానీ, వేరే భవనంలో కానీ తెలంగాణకు ప్రత్యేక హైకోర్టు ఏర్పాటు చేయాలని తన వాదనలు వినిపించారు. ప్రస్తుత భవనంలో 24 హాళ్లు ఖాళీగా ఉన్నాయని చెప్పారు. ఏపీ సర్కారు ఈ హాళ్లను వాడుకోవచ్చని... అవసరమైతే హైకోర్టు భవనం మొత్తాన్ని ఖాళీ చేసి, ఏపీకి అప్పగిస్తామని తెలిపారు. తెలుగు రాష్ట్రాలకు వేర్వేరుగా ఎందుకు హైకోర్టు లు ఏర్పాటు చేయకూడదంటూ కేంద్ర ప్రభుత్వం పిటిషన్ లో పేర్కొంది. కేంద్రం తరపున అటార్నీ జనరల్ వేణుగోపాల్ తెలంగాణ, ఏపీలకు ప్రత్యేక హైకోర్టు ఏర్పాటు చేయాలని తన వాదనలు వినిపించారు. కాగా, 2015 మే 1న హైకోర్టు డివిజన్ బెంచ్ ఇచ్చిన తీర్పును కొట్టివేయలని  విన్నవించారు. ముకుల్ రోహత్గి కేంద్రం వాదనలతో ఏకీభవిస్తున్నామని, రాష్ట్ర విభజన తర్వాత చట్ట సభలు, అధికారుల విభజన జరిగింది కానీ న్యాయ వ్యవస్థ విభజన జరగలేదని వివరించారు. వాదనలు విన్న అనంతరం ఉమ్మడి హై కోర్టు, ఆంధ్రప్రదేశ్ ప్రభుత్వానికి తమ అభిప్రాయాలను రెండు వారాల లోగా తెలియజేయాలని జస్టిస్ ఏకే సిక్రీ ధర్మాసనం నోటీసులు జారీ చేసింది. తదుపరి విచారణను రెండు వారాలకు వాయిదా వేసిన ధర్మాసనం.



హైకోర్టు, ఏపీ ప్రభుత్వాలకు నోటీసులు

Updated By ManamFri, 08/31/2018 - 13:44
supreme court

న్యూఢిల్లీ : హైకోర్టు విభజనపై శుక్రవారం సుప్రీంకోర్టులో వాదనలు జరిగాయి. ఈ సందర్భంగా హైకోర్టుతో పాటు ఆంధ్రప్రదేశ్ ప్రభుత్వానికి సుప్రీంకోర్టు నోటీసులు జారీ చేసింది. రెండు వారాల్లోగా అభిప్రాయం తెలపాలని ఆదేశించింది. తదుపరి విచారణ రెండు వారాలపాటు  వాయిదా పడింది.

ప్రస్తుత హైకోర్టు భవనాన్ని రెండుగా విభజించాలని ... తెలంగాణ న్యాయవాదులు ఈ సందర్భంగా సుప్రీంకోర్టును కోరారు. హైకోర్టులో 24 హాళ్లు ఖాళీగా ఉన్నాయని, ఒకవేళ ఏపీ ప్రభుత్వం వాడుకోవాలంటే ఖాళీగా ఉన్న ఆ హాళ్లను వాడుకోవాలని, లేకుంటే తామే ఖాళీ చేసి వెళతామని న్యాయవాదులు స్పష్టం చేశారు. 



ప్రగతి నివేదన సభకు లైన్ క్లియర్

Updated By ManamFri, 08/31/2018 - 11:49
High Court gives green signal for TRS Pragati nivedana sabha

హైదరాబాద్ : టీఆర్ఎస్ ప్రభుత్వం ప్రతిష్టాత్మకంగా తలపెట్టిన ప్రగతి నివేదన సభకు లైన్ క్లియర్ అయింది. సభ నిర్వహణకు హైకోర్టు శుక్రవారం గ్రీన్ సిగ్నల్ ఇచ్చింది. సభ ఆపమంటూ న్యాయవాది పూజారి శ్రీధర్ నిన్న హైకోర్టును ఆశ్రయించిన విషయం తెలిసిందే. కాగా  సెప్టెంబర్ 2న రంగారెడ్డి జిల్లా, కొంగర కలాన్ వద్ద 25 లక్షల మందితో ప్రగతి నివేదన పేరుతో టీఆర్ఎస్ భారీ బహిరంగ సభ నిర్వహిస్తోంది. దీన్ని సవాల్ చేస్తూ శ్రీధర్ కోర్టును ఆశ్రయించారు.

కాగా ప్రగతి నివేదన పేరుతో నిర్వహించునున్న భారీ బహిరంగ సభకు ఏర్పాట్లన్నీ పూర్తి కావస్తున్నాయి. సీఎం కేసీఆర్ ఆదేశాల మేరకు మంత్రి కేటీఆర్ ఆధ్వర్యంలో సభ ఏర్పాటుకు కావల్సిన పనులన్నీ యుద్ధ ప్రాతిపాదికన పూర్తి చేస్తున్నారు. మంత్రులు. ఎమ్మెల్యేలు, టీఆర్‌ఎస్ నాయకులు కొంగరకలాన్‌లోనే మకాం వేసి పనులను పర్యవేక్షిస్తున్నారు.

సభా ప్రాంగణంలో కనుచూపు మేరలో ఎక్కడ చూసినా గులాబీ జెండాలు, కటౌట్లు గుబాళిస్తున్నాయి. తెలంగాణ రాష్ట్రంలోని అన్ని జిల్లాల నుంచి ఈ భారీ బహిరంగ సభకు 30 లక్షలపై చిలుకు జనాభా తరలిరానుండడంతో ఈ సభ  దేశ రాజకీయ చరిత్రలోనే పెను సంచలనం సృష్టించి గిన్నిస్ బుక్ రికార్డుల్లోనికి ఎక్కుతుందని రాజకీయ విశ్లేషకులు చెబుతున్నారు. 

భారీ బహిరంగ సభ లను నిర్వహించడం వెన్నెతో పెట్టిన విద్య అయిన టీఆర్‌ఎస్ పార్టీ ఈ ప్రగతి నివేదన సభను ఎన్నికలకు ముందు నిర్వహిస్తుండడంతో సర్వత్రా ఆసక్తి నెలకొంది. సభకు అనుకున్న స్థాయిలో జనాభాను తరలించేందుకు ఇప్పటికే రాష్ట్ర వ్యాప్తంగా నాయకులు సమాయత్తం అవుతున్నారు. కాగా సభా ప్రాంగాణాన్ని ఇప్పటికే తమ ఆధీనంలోనికి తీసుకున్న పోలీసుశాఖ సభ జరుగబోయే రోజున 30 వేల మందితో భద్రతా ఏర్పాట్లను పర్యవేక్షించనుంది.

యుద్ధప్రాతిపాదికన పనులు పూర్తి
టీఆర్‌ఎస్ పార్టీ కొంగరకొలాన్‌లో నిర్వహించ నున్న భారీ బహిరంగ సభకు కేవలం రెండు రోజుల సమయం మాత్రమే మిగిలి ఉండడంతో సభా ప్రాంగణంలో పనులను యుద్ధ ప్రాతిపాదికన పూర్తి చేస్తున్నారు. సభా వేదికపై మంత్రులు, ఎమ్మెల్యేలతో పాటు 500 మంది పార్టీ ముఖ్యులు కూర్చునేవిధంగా ఏర్పాట్లు చేశారు. సభా వేదిక నిర్మాణ పనులు ఇప్పటికే పూర్తికాగా వర్షం వచ్చినా కుంగిపోకుండా ఉండేందుకు గట్టిదనం కోసం సభా వేదికను రెండు అడుగుల ఎత్తు వరకు కాంక్రీట్‌తో నిర్మించారు.

సుమారు 500 గజాల్లో ఏర్పాటు చేసిన సభా వేదిక వర్షం వచ్చినా తడిచేందుకు వీలు లేకుండా వాటర్ ప్రూఫ్ సూపర్ స్ట్రక్చర్ ఏర్పాటు చేశారు. అదేవిధంగా సభా ప్రాంగణంలో 70 వేల కుర్చీలతో పాటు 50 లక్షల మీటర్ల గ్రీన్ కార్పేంట్‌ను వేస్తున్నారు. సభకు వచ్చే తరలివచ్చే వారి సంఖ్య లక్షల్లో ఉండబోతున్నందున ఫోన్లలో సిగ్నల్  సమస్య తలెత్తకుండా ఎయిర్‌టెల్, రిలయన్స్, ఐడియాతో పాటు ఆయా నెట్‌వర్క్ సంస్థలు హై ఫ్రీక్వెన్సీని పెంచారు. సీఎం కేసీఆర్ ప్రసగించే సభా స్థలి ముందు భాగంలో బందోబస్తు కోసం బారికేడ్లను నిర్మించారు. సీఎం కేసీఆర్ సభకు హెలికాప్టర్‌లో చేరుకోనున్నందున సభ వేదిక వెనక వైపు హెలిప్యాడ్ నిర్మించారు.

హెలికాప్టర్ దిగిన వెంటనే ప్రత్యేక కాన్వాయ్‌లో సీఎం సభా వేదిక మీదకు చేరుకునేలా ఏర్పాట్లను సిద్ధం చేశారు. 1600 ఎకరాల భూమిని ప్రగతి నివేదన సభకు కేటాయించగా కొంగ రకలాన్ కలెక్టరేట్ పక్కన 480 ఎకరాల్లో ప్రగతి నివేదన సభ పరిసరాలు జాతరను తలపించనున్నాయి. ఇప్పటికే ఎక్కడ చూసినా సీఎం కేసీఆర్ కటౌట్లు, బెలూన్లు దర్శనమిస్తుడడంతో టీఆర్‌ఎస్ నాయకత్వంలో ఉత్సాహం మరింత రెట్టింపయింది.



సీసాలు,ప్యాకెట్లపై ‘ఫిర్యాదు’

Updated By ManamTue, 08/28/2018 - 23:45
  • వివరాలు ముద్రించాలి - హైకోర్టు  

imageహైదరాబాద్: ‘బహుళజాతి సంస్థలు ఉత్పత్తి చేసే మంచినీటి సీసాలను కొనుగోలు చేసి తాగాల్సిన దుస్థితి భారతీయులకు ఏర్పడింది. ఆ కంపెనీలు విక్రయించే మంచినీటి సీసాలు లేదా ప్యాకెట్లపై అభ్యంతరాలు తలెత్తినప్పుడు, వినియోగ దారుడికి ఫిర్యాదు చేసేందుకు వీలుగా పూర్తి వివరాల్ని ముద్రించాలి’ అని హైకోర్టు అభిప్రాయపడింది. చట్ట నిబంధనల్ని పరిశీలిస్తే మంచినీటి బాటిళ్లు, ప్యాకెట్లను కొనుగోలు చేసిన వినియోగదారుడు ఫిర్యాదు చేసేందుకు ఉపయోగపడేలా పూర్తి వివరాలు వాటిపై ముద్రించాలని అభిప్రాయపడింది.

ఇరుపక్షాల వాదప్రతివాదనలు ముగియడంతో తీ ర్పును తర్వాత వెలువరిస్తామని సోమవారం హైకోర్టు ప్రధాన న్యాయ మూర్తి జస్టిస్ టి.రాధాకృష్ణన్, న్యాయమూర్తి జస్టిస్ ఎస్.వి. భట్లతో కూడిన ధర్మాసనం తెలిపింది. మెదక్ జిల్లా పటాన్చెరులోని హిమజల్ బేవరేజెస్ సంస్థ సరఫరా చేసే కిన్లే వాటర్ బాటిళ్లపై వినియోగదారుడు ఫిర్యాదు చేసేందుకు వీలుగా వివరాలు ముద్రిం చకపోవడంతో రాష్ట్ర ప్రభుత్వం ఆరేడు లక్షల బాటిళ్లను సీజ్ చేసింది. టోల్ఫ్రీ నంబర్ ఇతర వివరాలు ఉన్నందున వాటిని విడుదల చేయాలని సింగిల్ జడ్జి ఆదేశించడాన్ని పౌర సరఫరాలశాఖ, తూనికలు కొలతల శాఖలు చేసిన అప్పీల్ వ్యాజ్యాలపై ధర్మాసనం ఎదుట వాదనలు ముగిశాయి.  



టీచర్ల ఏకీకృత సర్వీస్ రూల్స్‌‌కు బ్రేక్..

Updated By ManamTue, 08/28/2018 - 11:45
  • రాష్ట్రపతి ఉత్తర్వులు చెల్లవు..

High court Breaks Presidential Order for introduction of unified service rules.

హైదరాబాద్ : ఉపాధ్యాయుల ఏకీకృత సర్వీసు నిబంధనలకు హైకోర్టు బ్రేక్ వేసింది. ప్రమోషన్లు, బదిలీ ప్రక్రియలకు సంబంధించి పంచాయతీ రాజ్, ప్రభుత్వ టీచర్లకు ఒకే నిబంధన వర్తించబోవని న్యాయస్థానం మంగళవారం స్పష్టం చేసింది. టీచర్ల ఏకీకృత సర్వీస్ రూల్స్‌‌కు ఆమోద ముద్ర వేస్తూ గత ఏడాది రాష్ట్రపతి జారీ చేసిన ఉత్తర్వులు చెల్లవని హైకోర్టు ఉత్తర్వులు ఇచ్చింది. 

కాగా ఉపాధ్యాయుల ఏకీకృత సర్వీసు నిబంధనలకు ఆమోదం తెలుపుతూ రాష్ట్రపతి ఉత్తర్వుల్లో పలు అంశాలపై ప్రభుత్వ ఉపాధ్యాయులు న్యాయస్థానాన్ని ఆశ్రయించారు. ఏకీకృత సర్వీసు నిబంధనల పేరుతో పంచాయతీరాజ్ టీచర్లను (ఎంపీపీ, జడ్పీపీపీ) ప్రభుత్వ ఉపాధ్యాయులతో సమానంగా పరిగణించడం చెల్లుబాటు కాదని వారు తమ పిటిషన్‌లో పేర్కొన్నారు.

అంతేకాకుండా రాష్ట్రపతి ఉత్తర్వుల్లోని పేరా-2ఏ రాజ్యాంగపరంగా చెల్లుబాటు కాదని, వివాదాస్పదమైన పేరా-2ఏను సస్పెండ్ చేయాలని అభ్యర్థించారు. దీనిపై ఇవాళ విచారణ జరిపిన హైకోర్టు ... రాష్ట్రపతి ఉత్తర్వులు చెల్లవని పేర్కొంది. కాగా హైకోర్టు తాజా ఉత్తర్వులతో పంచాయతీ రాజ్ ఉపాధ్యాయులకు నిరాశ ఎదురైందని చెప్పుకోవచ్చు.
 



జనవరి నుంచి వేర్వేరు హైకోర్టులు..?

Updated By ManamFri, 08/24/2018 - 09:59

High Courtహైదరాబాద్: హైకోర్టు విభజన కోసం రెండు తెలుగు రాష్ట్రాలు చేస్తున్న ప్రయత్నాలు మొత్తానికి ఓ కొలిక్కి వచ్చాయి. జనవరి ఒకటో తేది నుంచే రెండు రాష్ట్రాల హైకోర్టులు వేరు అవ్వనుండగా.. సంక్రాంతి నుంచి పూర్తిస్థాయిలో వేర్వేరుగా పనిచేయనున్నట్లు తెలుస్తోంది. హైకోర్టు విభజనకు సంబంధించి రాష్ట్రపతి నోటిఫికేషన్ మరో రెండు రోజుల్లో విడుదలయ్యే అవకాశం ఉన్నట్లు సమచారం.

అయితే ముందుస్తు ఎన్నికలకు తెలంగాణ ప్రభుత్వం సిద్దమవుతున్న వేళ అంతకంటే ముందే హైకోర్టు విభజన, జోనల్ వ్యవస్థలకు ఆమోదం పొందాలని కేసీఆర్ ప్రభుత్వం కృ‌త నిశ్చయంతో ఉంది. అందులో భాగంగానే మంత్రి కేటీఆర్ ఢిల్లీకి వెళ్లినట్లు తెలుస్తోంది. దీనికి సంబంధించి అటార్నీ జనవర్‌ కేకే వేణుగోపాల్‌తో తెలంగాణ ప్రభుత్వ సలహాదారు రాజీవ్‌శర్మ మాట్లాడారు. ఈ సందర్భంగా నవ్యాంధ్రలో ఏర్పాట్లు పూర్తైన తరువాత హైకోర్టును విభజించాలని ఉమ్మడి కోర్టు గతంలో ఇచ్చిన తీర్పును వేణుగోపాల్ గుర్తు చేశారు.

మరోవైపు ఏపీ రాజధాని అమరావతిలోని నేలపాడు, తుళ్లూరు గ్రామాల పరిధిలో జుడీషియల్ కాంప్లెక్స్ పనులు శరవేగంగా జరుగుతున్నాయి. గత శనివారం నిర్మాణ పనులను పరిశీలించిన హైకోర్టు న్యాయమూర్తులు  జస్టిస్‌ సురేశ్‌ కైత్‌, జస్టిస్‌ సీతారామమూర్తి భవనంపై సంతృప్తి వ్యక్తం చేశారు. తాత్కాలికంగా హైకోర్టు ఏర్పాటుకు ఈ భవన సముదాయం సరిపోతుందని సుప్రీంకోర్టు కూడా అభిప్రాయపడింది. ఇక ఈ నిర్మాణ పనులు డిసెంబరు నాటికి పూర్తవుతాయి కాబట్టి జనవరి 1 నాటికి హైకోర్టును విభజించి, సంక్రాంతి తర్వాత పూర్తిస్థాయిలో కార్యకలాపాలు ప్రారంభించేలా ప్రణాళిక సిద్ధం చేస్తున్నట్లు తెలుస్తోంది.



విఐపి హారన్ వినియోగంపై ప్రభుత్వ వివరణ కోరిన హైకోర్టు

Updated By ManamWed, 08/22/2018 - 23:14

imageహైదరాబాద్: తెలంగాణ రాష్ట్రంలో ముఖ్యంగా రాజధాని హైదరాబాద్‌లో రాజకీయ నేతలు, ప్రముఖలు వినియోగించే వాహనాలు సైరన్, సౌండ్ హారన్ల వినియో గాన్ని అదుపు చేయాలనే ప్రజాహిత వ్యాజ్యంపై హైకోర్టు ప్రభుత్వాన్ని వివరణ కోరింది. ఏమేరకు సౌండ్ హారన్లు వినియోగించవచ్చునో, బుగ్గ కార్ల వినియోగం, ఎవరుపడితే వారు వినియోగించరాదని సుప్రీం కోర్టు తీర్పు మేరకు రూపొందిన మార్గదర్శకాల్ని తెలియజేయాలని ప్రభుత్వాన్ని వివరణ కోరింది. హైదరాబాదుకు చెందిన న్యాయవాది వినీత్ దన్దా దాఖలు చేసిన పిలును విచారించిన ప్రధాన న్యాయమూర్తి టీబీఎన్ రాధాకృష్ణన్, న్యాయమూర్తి వి.రామసుబ్రమణియన్లతో కూడిన డివిజన్ బెంచ్ విచారించింది. సుప్రీంకోర్టు తీర్పు. ఆ తర్వాత రూపొందిన గైడ్‌‌‌ైలెన్స్ తెలుసుకుని వివరాలు తెలియజేసేందుకు సమయం కావాలని ప్రభుత్వ లాయర్ కోరడంతో బెంచ్ పైవివరాలు సమర్పించాలని పేర్కొంది.

అభయ్‌సింగ్-ఉత్తరప్రదేశ్ రాష్ట్రాల మధ్య జరిగిన కేసులో సౌండ్ హారన్ల ఎర్ర బుగ్గ కార్లను గత ఏడాది మే 1 నుంచిimage రాజకీయనేతలు, వీఐపీలు వినియోగించరాదని సుప్రీంకోర్టు తీర్పు చెప్పింది. అయితే హైదరాబాద్లో  వీటిని ఇష్టానుసారంగా వినియోగిస్తున్నారు. ట్రాఫిక్ సిగ్నల్స్ వద్ద గ్రీన్ లైట్స్ వచ్చేలా ముందుగా హారన్స్ వేస్తూ రాజకీయనేతలు, వీఐపీల వాహనాలు వెడుతున్నాయి. సుప్రీంకోర్టు పరిమితులతోనే అనుమతి ఇచ్చింది. అందుకు విరుద్ధంగా జరుగుతున్నందున హైకోర్టు జోక్యం చేసుకోవాలి.. అని పిల్‌లో పేర్కొన్నారు. ఇందులో ప్రతివాదులుగా తెలంగాణ రాష్ట్ర ప్రభుత్వ ప్రధాన కార్యదర్శి, హోం/రవాణాల ముఖ్య కార్యదర్శులు, కాలుష్య నియంత్రణ మండలి కార్యదర్శి, డీజీపీ, హైదరాబాద్/సైబరాబాద్ పోలీస్ కమిషనర్లను చేశారు. 



తెలంగాణ ప్రభుత్వానికి ఊరట

Updated By ManamTue, 08/21/2018 - 12:24
high court

హైదరాబాద్ :  తెలంగాణ కాంగ్రెస్ ఎమ్మెల్యేల అనర్హత వేటు కేసులో రాష్ట్ర ప్రభుత్వానికి హైకోర్టులో ఊరట లభించింది.  కోమటిరెడ్డి వెంకటరెడ్డి, సంపత్ కుమార్‌ను ఎమ్మెల్యేలుగా గుర్తించాలంటూ సింగిల్ బెంచ్ ఇచ్చిన తీర్పుపై డివిజన్ బెంచ్ ...రెండు నెలల పాటు స్టే విధించింది. తదుపరి విచారణను 4 వారాల పాటు హైకోర్టు ధర్మాసనం వాయిదా వేసింది.

కాగా టీ కాంగ్రెస్ ఎమ్మెల్యేల అనర్హత కేసులో కోర్టు ధిక్కారం కింద హైకోర్టు చరిత్రలోనే తొలిసారిగా శాసనసభ స్పీకర్‌కు సింగిల్ బెంచ్ నోటీసులు ఇచ్చిన విషయం తెలిసిందే. దీనిపై రాష్ట్ర ప్రభుత్వం హైకోర్టును ఆశ్రయించింది. ప్రభుత్వం తరపున మాజీ అటార్నీ జనరల్ ముకుల్ రోహత్గీ వాదనలు వినిపించారు.





Related News