PV Sindhu

పీవీ సింధూ సంపాదన ఎంతో తెలుసా?

Updated By ManamWed, 08/22/2018 - 13:07
  • ఫోర్బ్స్ జాబితాలో టాప్ టెన్‌లో పీవీ సింధు..

  • ఏడాదికి 85 లక్షల డాలర్లు సంపాదనతో ఏడో స్థానంలో...

PV Sindhu is worlds seventh highest paid

న్యూయార్క్ : భారత బ్యాడ్మింటన్ స్టార్ పీవీ సింధు టాప్‌లోకి దూసుకువెళుతోంది. ఆటలోనే కాదు సంపాదనలో కూడా. ప్రపంచంలో అత్యధిక మొత్తం సంపాదిస్తున్న మహిళా క్రీడాకారిణిల జాబితాలో సింధు చోటు దక్కించుకుంది. ఫోర్బ్స్ ఈ ఏడాదికి విడుదల చేసిన జాబితాలో టెన్నిస్ స్టార్ సెరెనా విలియమ్స్ అగ్రస్థానంలో ఉండగా, ఒలింపిక్స్‌లో పతకం గెలిచిన పీవీ సింధు సింధూ ఏడో స్థానంలో నిలిచింది.

ఆమె ఏడాది సంపాదన 85 లక్షల డాలర్లు (సుమారు రూ.59 కోట్లు)గా ఉంది. 23ఏళ్ల సింధూ ఓ వైపు బ్యాడ్మింటన్ ఆటతో పాటు మరోవైపు పలు ఉత్పత్తులకు బ్రాండ్ అంబాసిడర్‌గా వ్యవహరిస్తోంది. బ్రిడ్జ్‌స్టోన్, గాటోరేడ్, నోకియా, పానాసోనిక్,  రెక్కిట్ బెంకైసెర్‌తో పాటు డజనుకు పైగా ఉత్పత్తులకు బ్రాండ్ అంబాసిడర్‌గా ఉంది.

మరోవైపు సెరినా ఫస్ట్ ప్లేస్‌లో ఉంటే, ఆమె సోదరి  వీనస్‌ విలియర్స్‌ ఆరో స్థానంతో సరిపెట్టుకుంది. ఈ జాబితాలో ఇద్దరు తప్ప మిగిలినవారంతా టెన్నిస్ క్రీడాకారిణిలే కావడం విశేషం. అయితే  ప్రపంచంలో అత్యధిక మొత్తం సంపాదిస్తున్న 100మంది పురుషు అథ్లెట్ల జాబితాలో ఒక్క మహిళకు కూడా స్థానం దక్కలేదు.

ఫోర్బ్స్ ప్రకటించిన పది స్థానాల జాబితా..
1. సెరెనా విలియమ్స్‌ – టెన్నిస్‌
2. కరోలిన్‌ వొజ్నొకి- టెన్నిస్‌
3. స్లోనే స్టీఫెన్స్‌ – టెన్నిస్‌
4. గార్బిన్‌ ముగురుజ – టెన్నిస్‌
5. మరియా షరపోవా – టెన్నిస్‌
6. వీనస్‌ విలియర్స్‌ – టెన్నిస్‌
7. పీవీ సింధు – బ్యాడ్మింటన్‌
8. సిమోనా హలెప్‌ – టెన్నిస్‌
9. డానిక పాట్రిక్‌ – రేస్‌ కార్‌ డ్రైవర్‌
10. కెర్బర్‌ – టెన్నిస్‌



మహిళల ఈవెంట్‌లో కఠినమైన డ్రా

Updated By ManamSat, 08/18/2018 - 00:13

PV Sindhu Saina Nehwalజకార్తా: ఆసియా గేమ్స్‌లో భారత మహిళల బ్యాడ్మింటన్ బృందాన్నికి టీమ్ ఈవెంట్‌లో కఠినమైన డ్రా ఎదురైంది. 2014లో జరిగిన ఆసియా గేమ్స్‌లో భారత మహిళల జట్టు మూడో స్థానం సంపాదించి కాంస్య పతకం సాధించిన సంగతి తెలిసిందే. ఈ గేమ్స్‌లో భారత్ జట్టు టీమ్ విభాగంలో టాప్ ప్లేయర్స్‌తో పోటీపడనుంది. మొదటి హాఫ్‌లో హంగ్‌కాంగ్, కొరియా, ఇండోనేషియా, జపాన్ జట్లతో తలపడనుండగా, దిగువభాగంలో చైనా, థాయిలాండ్, చైనీస్ తైపీ జట్లతో భారత్ జట్టు పోటీపడనుంది. మహిళల సింగిల్స్ విభాగంలో జపాన్‌కి చెందిన ఒకుహర, యమగూచితో, యూకీ హిరోటా,మిసాకి, అయాకా తకాహషీతో, సింధు, అశ్విని పొన్నప్ప జోడి టీమ్ విభాగంలో తలపడనున్నారు. భారత పురుషుల టీమ్ ఈవెంట్‌లో శ్రీకాంత్, హెచ్ ప్రణయ్ ప్రారంభమ్యాచ్‌లో మాల్దీవుల ప్లేయర్స్‌తో పోటీపడనున్నారు. అనంతరం ఇండోనేషియాతో భారత్ తలపడుతుంది. డిఫెండింగ్ చాంపియన్ కొరియాతో థాయిలాండ్ జట్టు ఆదివారం మొదటి మ్యాచ్ ఆడనుంది.



ఫైనల్లో కూడా గెలవాలనే ఆడా: సింధు

Updated By ManamTue, 08/07/2018 - 13:31
PV snidhu

హైదరాబాద్ : ఫైనల్ ఫోబియాపై ప్రముఖ భారత స్టార్ షట్లర్, ఒలింపిక్ పతక విజేత, తెలుగు తేజం పీవీ సింధు పెదవి విప్పింది. అందరూ తనకు ఫైనల్ ఫోబియా అంటున్నారని, అయితే తనకు మాత్రం ఆ ఫోబియా లేదన్న సింధూ..... ఫైనల్ వరకు రావాలంటే ఎంతో కష్టపడాలని తెలిపింది. ప్రపంచ బ్యాడ్మింటన్ ఛాంపియన్‌షిప్‌లో రజిత పతకం సాధించిన సింధూ మంగళవారం గచ్చిబౌలిలోని పుల్లెల గోపీచంద్ అకాడమీలో మీడియాతో మాట్లాడింది.

‘సిల్వర్ మెడల్ సాధించడం ఆనందంగా ఉంది. ఫైనల్‌లో గోల్డ్ మెడల్ కోసం ఎంతో కష్టపడ్డా. నేను ఏకాగ్రత కోల్పోయానని కొందరు అంటున్నారు. ఫైనల్‌లో కూడా గెలవాలనే ఆడాను. అయితే  స్పెయిన్ స్టార్ కరోలినా మారీన్ తెలివిగా ఆడింది.  ఫైనల్లో ఎవరో ఒకరు మాత్రమే విజయం సాధిస్తారు. ఛాంపియన్‌షిప్‌లో నా ప్రదర్శనపై సంతృప్తిగా ఉన్నా. ఎలాంటి ఒత్తిడికి గురవ్వలేదు. ఈ ఏడాది రజతం సాధించాను..కచ్చితంగా భవిష్యత్‌లో స్వర్ణం సాధిస్తా’ అని ధీమా వ్యక్తం చేసింది. 

కాగా సెమీస్‌లో జపాన్ క్రీడాకారిణి యమగుచిని మట్టికరిపించి ఫైనల్‌కు దూసుకెళ్లిన సింధు...  46 నిమిషాల పాటు సాగిన హోరాహోరీలో పోరులో స్పెయిన్ క్రీడాకారిణి కారొలినా మారిన్‌ చేతిలో 19-21, 10-21 తేడాతో  పోరాడి ఓడింది. ఇప్పటివరకూ నాలుగు ప్రపంచ చాంపియన్‌షిప్ టోర్నీల్లో పోటీపడిన సింధు..రెండుసార్లు ఫైనల్ వరకు వెళ్లి.. రెండు కాంస్య పతకాలు (2013-2014), రెండు రజత (2017-2018)పతకాలను సాధించింది.    



పీవీ సింధును మెచ్చుకున్న చంద్రబాబు

Updated By ManamSun, 08/05/2018 - 18:07

CM Chandrababu Praised Shutler PV Sindhu

అమరావతి: ప్రపంచ బ్యాడ్మింటన్ చాంపియన్‌షిప్‌లో ప్రముఖ భారత స్టార్ షట్లర్, ఒలింపిక్ పతక విజేత, తెలుగు తేజం పీవీ సింధును ఫైనల్ ఫోబియా వీడటం లేదు. సెమీస్‌లో జపాన్ క్రీడాకారిణి యమగుచిని మట్టికరిపించి ఫైనల్‌కు దూసుకెళ్లిన సింధు.. స్పెయిన్ క్రీడాకారిణి, వరల్డ్ నెంబర్ వన్ కరోలినా మారిన్ చేతిలో పరాజయంపాలైన సంగతి తెలిసిందే. పీవీ సింధు ఓడినా దేశ వ్యాప్తంగా క్రీడాభిమానుల మనస్సును గెలుచుకుంది. ఆమె అహర్నిశలూ శ్రమించిన తీరును క్రీడాకారులు, మరీ ముఖ్యంగా తెలుగు రాష్ట్రాల ప్రజలు మెచ్చుకుంటున్నారు.

సింధు ఆట తీరుపై స్పందించిన ఏపీ సీఎం చంద్రబాబు నాయుడు ప్రశంసల వర్షం కురిపించారు. ‘శభాష్ సింధు.. ఓడినా నువ్ చాలా గ్రేట్’ అని సీఎం అభినందించారు. కరోలినా మారిన్ చేతిలో ఓడినప్పటికీ, అద్భుత ప్రదర్శనను ప్రదర్శించారని మెచ్చుకున్నారు. అంతర్జాతీయ స్థాయిలో తెలుగు ఘనతను ఘనంగా చాటిందన్నారు. ప్రపంచ ఛాంపియన్ షిప్‌లో సిల్వర్ మెడల్‌ను సాధించి భారత షట్లర్ల గొప్పదనాన్ని చాటిందని సీఎం చెప్పుకొచ్చారు. ఛాంపియన్ షిప్‌లో ఇప్పటి వరకు నాలుగు పతకాలు సాధించి సువర్ణాధ్యాయాన్ని సృష్టించిందని సింధును చంద్రబాబు ప్రశంసించారు. ప్రపంచ దిగ్గజ క్రీడాకారులను ఓడించి ఫైనల్ చేరిన సింధు మెగా టోర్నీలో అసామాన్య ప్రతిభ చూపిందని చంద్రబాబు ప్రశంసల జల్లు కురిపించారు. వరుసగా రెండు సార్లు ఫైనల్స్‌కు చేరుకుని ఘన చరిత్రకు శ్రీకారం చుట్టిందని బాబు చెప్పుకొచ్చారు.

కాగా.. కరోలినా మారిన్‌తో ఆడిన 12 మ్యాచ్‌ల్లో ఐదింటిలో సింధు గెలిచింది. కానీ.. 2014 ప్రపంచ బ్యాడ్మింటన్ సెమీస్‌లో సింధును కరోలినా ఓడించిన విషయం తెలిసిందే. గత రియో ఒలింపిక్స్‌లో సింధును ఓడించిన కరోలినా స్వర్ణాన్ని సాధించిన సంగతి తెలిసిందే.



పోరాడి ఓడిన పీవీ సింధు

Updated By ManamSun, 08/05/2018 - 16:09
  • ఫైనల్లో మారిన్ చేతిలో 19-21, 10-21 తేడాతో ఓటమి

  • వరుసగా రెండుసార్లు రన్నరప్‌‌గా నిలిచిన తెలుగుతేజం

  • బీడబ్ల్యూఎఫ్ చాంపియన్‌షిప్‌ టైటిల్ విజేత కరోలినా 

Badminton World Championships, PV Sindhu, Carolina Marin, silverనాంజింగ్ (చైనా): ప్రపంచ బ్యాడ్మింటన్ చాంపియన్‌షిప్‌లో ప్రముఖ భారత స్టార్ షట్లర్, ఒలింపిక్ పతక విజేత, తెలుగు తేజం పీవీ సింధును ఫైనల్ ఫోబియా వీడటం లేదు. సెమీస్‌లో జపాన్ క్రీడాకారిణి యమగుచిని మట్టికరిపించి ఫైనల్‌కు దూసుకెళ్లిన సింధు పోరాడి ఓడింది. బీడబ్ల్యూఎఫ్ చాంపియన్‌షిప్‌లో భాగంగా ఆదివారం మహిళల సింగిల్స్ విభాగంలో జరిగిన ఫైనల్ టోర్నీలో వరుసగా రెండోసారి 23ఏళ్ల సింధు రన్నర‌ప్‌గా నిలిచి రజతంతో సరిపెట్టుకుంది. 46 నిమిషాల పాటు సాగిన హోరాహోరీలో పోరులో స్పెయిన్ క్రీడాకారిణి కారొలినా మారిన్‌ చేతిలో 19-21, 10-21 తేడాతో సింధు పోరాడి ఓడింది. సింధు తొలిగేమ్‌లో బ్రేక్‌ సమయంలో 11-8 తేడాతో ఆధిక్యంలోకి దూసుకెళ్లి 14-9లో నిలిచింది. కానీ, వెంటనే పుంజుకున్న మారిన్ 15-15తో సింధును వెనక్కి నెట్టేసి 21-19తో తొలిగేమ్‌ను సొంతం చేసుకుంది. రెండోగేమ్‌లో కూడా అదే ప్రదర్శనతో ఆకట్టుకున్న మారిన్ 5-0 తో ఆధిక్యంలో నిలిచి సింధును ఒత్తిడిలోకి నెట్టేసింది. సింధుకు ఎక్కడా కూడా అవకాశం ఇవ్వకుండా భారీ షాట్లతో దూసుకెళ్తూ 11-2తో మ్యాచ్ మొత్తాన్ని తనవైపు తిప్పుకుంది. ఫలితంగా మారిన్ 21-10తో మ్యాచ్‌ను సొంతం చేసుకుంది.  

రెండుసార్లు ఫైనల్లోకి.. నాలుగు పతకాలు..
Badminton World Championships, PV Sindhu, Carolina Marin, silverకరోలినా మారిన్‌తో ఆడిన 12 మ్యాచ్‌ల్లో ఐదింటిలో సింధు గెలిచింది. కానీ, 2014 ప్రపంచ బ్యాడ్మింటన్ సెమీస్‌లో సింధును కరోలినా ఓడించింది. గత రియో ఒలింపిక్స్‌లో సింధును ఓడించిన కరోలినా స్వర్ణాన్ని సాధించిన సంగతి తెలిసిందే. ఈసారి కూడా అదే ఉత్సాహంతో ఫైనల్లో టోర్నీలో విజృంభించిన స్పెయిన్ క్రీడాకారిణి మారిన్  21-19, 21-10 తేడాతో సింధుపై గెలిచి మూడో ప్రపంచ బ్యాడ్మింటన్ టైటిల్‌ను దక్కించుకుంది. తద్వారా మూడుసార్లు ప్రపంచ బ్మాడ్మింటన్ టైటిల్‌ను సాధించిన క్రీడాకారిణిగా మారిన్ రికార్డు సృష్టించింది. రెండుసార్లు రజతం సాధించిన క్రీడాకారిణిగా సింధు.. మారిన్ తర్వాతి స్థానంలో నిలిచింది. ప్రపంచ నెంబర్ మూడో ర్యాంకర్, పీవీ సింధు 2017లో ప్రపంచ చాంపియన్‌షిప్‌ ఫైనల్ టోర్నీలో కూడా జపాన్ క్రీడాకారిణి నోజామి ఒకుహరా చేతిలో ఓటమిపాలైంది. 2014, 2015 ప్రపంచ చాంపియన్‌షిప్ టోర్నమెంటులో 25ఏళ్ల మారిన్ స్వర్ణాన్ని సాధించింది. ఇప్పటివరకూ నాలుగు ప్రపంచ చాంపియన్‌షిప్ టోర్నీల్లో పోటీపడిన సింధు..రెండుసార్లు ఫైనల్ వరకు వెళ్లి.. రెండు కాంస్య పతకాలు (2013-2014), రెండు రజత (2017-2018)పతకాలను సాధించింది.    



సింధు రెండోసారి

Updated By ManamSat, 08/04/2018 - 23:02
  • ఫైనల్‌కు చేరిన తెలుగు తేజం.. కరోలినా మారిన్‌తో తుదిపోరు 

  • వరల్డ్ బ్యాడ్మింటన్ చాంపియన్‌షిప్

Pusarla-Vనాంజింగ్ (చైనా): తెలుగు తేజం, హైదరాబాద్ రైజింగ్ స్టార్ పీవీ సింధు రెండోసారి వరల్డ్ బ్యాడ్మింటన్ చాంపియన్‌షిప్ ఫైనల్‌కు చేరుకుంది. శనివారమిక్కడ జరిగిన మహిళల సింగిల్స్ సెమీఫైనల్ మ్యాచ్‌లో సింధు 21-16, 24-22తో జపాన్‌కు చెందిన అకానె యమగూచిని వరుస సెట్లలో ఓడించింది. ఇక ఫైనల్లో స్పెయిన్‌కు చెందిన కరోలినా మారిన్‌తో సింధు ఆడనుంది. గతేడాది గ్లాస్గోలో జరిగిన ఎడిషన్‌లో సింధు జపాన్‌కే చెందిన నజోమి ఒకుహర చేతిలో ఓటమిపాలై రన్నరప్‌గా నిలిచిన సంగతి తెలిసిందే. ఈ మ్యాచ్‌కు ముందు యమగుచిపై సింధుకు 6-4 ముఖాముఖీ రికార్డు ఉండింది. గతేడాది దుబాయ్ సూపర్‌సిరీస్, ఈ ఏడాది ఆల్ ఇంగ్లాండ్ చాంపియన్‌షిప్ వంటి పెద్ద టోర్నీల్లో సింధుపై యమగుచి గెలిచింది. ఈ ఏడాది వీరిద్దరు రెండోసార్లు తలపడ్డారు. చెరొకసారి గెలుపొందారు. 2013, 2014 ఎడిషన్లలో 23 ఏళ్ల ఈ హైదరాబాదీ కాంస్య పతకాలను గెలిచింది. రియో ఒలింపిక్స్ ఫైనల్లో సింధు, మారిన్ తలపడ్డారు. ఆ ఫైనల్లో సింధును ఓడించి మారిన్ స్వర్ణం గెలిచింది.

ఓవరాల్‌గా సింధుపై మారిన్‌కు 6-5 ముఖా ముఖీ రికార్డు ఉంది. అయితే చివరిసారిగా జూన్‌లో జరిగిన మలేసియా ఓపెన్‌లో మారిన్‌పై సింధు గెలిచింది. పురుషుల విభాగంలో చైనాకు చెందిన రైజింగ్ స్టార్ షి క్వి వరల్డ్ బ్యాడ్మింటన్ చాంపియన్‌షిప్‌లో ఫైనల్‌కు చేరుకున్నాడు. శనివారమిక్కడ జరిగిన పురుషుల సింగిల్స్ సెమీఫైనల్ మ్యాచ్‌లో షి క్వి 21-11, 21-17తో సహచరుడు చెన్ లాంగ్‌ను చిత్తు చేశాడు. తది పోరులో జపాన్‌కు చెందిన కెంటొ మొమొటతో తలపడనున్నాడు. ఫైనల్‌కు చేరు క్రమంలో 22 ఏళ్ల ఈ యువ షట్లర్ షిక్వి చైనీస్ లెజెండ్ లిన్ డాన్‌పై గెలుపొందాడు. ఇప్పుడు ఒలింపిక్ చాంపియన్ చెన్‌ను ఓడించి కొత్త చరిత్రకు తెరలేపాడు.



ఫైనల్‌కు దూసుకెళ్లిన పీవీ సింధు

Updated By ManamSat, 08/04/2018 - 20:03
  • జపాన్ క్రీడాకారిణి యమగుచిపై గెలిచిన తెలుగుతేజం

  • బీడబ్ల్యూఎఫ్ ప్రపంచ చాంపియన్‌షిప్ టోర్నమెంట్  

BWF World Championships Highlights, PV Sindhu, Akane Yamaguchi, Face Marin In Finalనాంజింగ్(చైనా): ప్రముఖ బ్యాడ్మింట‌న్ క్రీడాకారిణి, ఒలింపిక్ పతక విజేత‌, తెలుగు తేజం పీవీ సింధు ఫైనల్లోకి దూసుకెళ్లింది. ప్రపంచ చాంపియన్‌షిప్ బ్యాడ్మింటన్ 2018లో భాగంగా మహిళల సింగిల్స్ విభాగంలో జరిగిన సెమీఫైనల్‌‌లో జపాన్ షట్లర్ అకనే యమగుచిపై సింధు విజయం సాధించింది. 55 నిమిషాల పాటు హోరాహోరీగా సాగిన టోర్నీలో ప్రపంచ మూడో నెంబర్ క్రీడాకారిణి యమగుచిపై సింధు 21-16, 24-22తో గెలుపొందింది.

ఆరంభం నుంచి సింధు నెమ్మదిగా ఆడుతూ 21-16తో తొలి గేమ్‌ను సొంతం చేసుకుంది. రెండో గేమ్‌లో ఆరంభంలో యమగుచి కాస్త గట్టి పోటీ ఇస్తూ ఆధిక్యంలో దూసుకెళ్లింది. ఒక దశలో సింధు ట్రైలింగ్‌లో 12-19 తో తడబడినప్పటికీ వచ్చిన అవకాశాలను సద్వినియోగపర్చుకుంటూ అద్భుతమైన ప్రదర్శనతో యమగుచి స్కోరును సమం చేసింది. దాంతో నేరుగా 8 పాయింట్లు సాధించిన సింధు యమగుచిపై విజయాన్ని సాధించింది. కాగా, ఆదివారం జరిగే ఫైనల్లో సింధు చిరకాల ప్రత్యర్థి స్పెయిన్ క్రీడాకారిణి కారొలినా మారిన్‌తో తలపడనుంది. 



మూడో రౌండ్‌లో సింధు, శ్రీకాంత్

Updated By ManamWed, 08/01/2018 - 23:12
  • హెచ్‌ఎస్ ప్రణయ్ అవుట్ 

  • వరల్డ్ బ్యాడ్మింటన్ చాంపియన్‌షిప్

వరల్డ్ బ్యాడ్మింటన్ చాంపియన్‌షిప్‌లో భారత్ షట్లర్ల హవా కొనసాగుతోంది. సైనా నెహ్వాల్‌తో పాటు పీవీ సింధు, కిదాంబి శ్రీకాంత్ తమ స్థాయి ఆటను ప్రదర్శించి ప్రీ క్వార్టర్స్‌కు చేరుకున్నారు. అయితే హెచ్‌ఎస్ ప్రణయ్‌కి నిరాశ ఎదుైరెంది. గత ఎడిషన్‌లో కాంస్య, రజత పతకాలు గెలిచిన సైనా, సింధు ఈసారి కూడా పతకాలు వేటలో నిమగ్నమయ్యారు.  
 
imageనంజాంగ్ (చైనా):
హైదరాబాద్ స్టార్ షట్లర్లు పీవీ సింధు, కిదాంబి శ్రీకాంత్ వరల్డ్ బ్యాడ్మింటన్ చాంపియన్‌షిప్‌లో ప్రీ క్వార్టర్ ఫైనల్‌కు చేరుకున్నారు. కానీ ప్రపంచ 11వ ర్యాంక్ షట్లర్ హెచ్‌ఎస్ ప్రణయ్ ఓటమిపాలై ఇంటిముఖం పట్టాడు. బుధవారమిక్కడ జరిగిన మహిళల సింగిల్స్ రెండో రౌండ్ మ్యాచ్‌లో సింధు 21-14, 21-9తో ఇండోనేషియాకు చెందిన ఫిట్రియాని ఫిట్రియానిపై సునాయాస విజయం సాధించింది. తొలి రౌండ్‌లో సింధుకు బై లభించిన సంగతి తెలిసిందే. గత ఎడిషన్‌లో రజతం గెలిచిన 23 ఏళ్ల సింధు తదుపరి మ్యాచ్‌లో 2015 వరల్డ్ చాంపియన్‌షిప్‌లో కాంస్య పతకం గెలిచిన కొరియాకు చెందిన సంగ్ జి హ్యున్‌తో ఆడుతుంది. ఇక పురుషుల సింగిల్స్‌లో జరిగిన రెండో రౌండ్ మ్యాచ్‌లో ఐదో సీడ్ శ్రీకాంత్ 21-15, 12-21, 21-14తో స్పెయిన్‌కు చెందిన పాబ్లో అబియన్‌పై పోరాడి గెలిచాడు. గతేడాది నాలుగు సూపర్ సిరీస్ టైటిళ్లు గెలిచిన శ్రీకాంత్ తదుపరి మ్యాచ్‌లో మలేసియాకు చెందిన డారెన్ ల్యూతో ఆడనున్నాడు. బి. సాయి ప్రణీత్ కూడా మూడో రౌండ్‌లో ప్రవేశించాడు. రెండో రౌండ్ మ్యాచ్‌లో ప్రణీత్ 2-18, 21-11తో స్పెయిన్‌కు చెందిన లూయిస్ ఎన్నిక్ పెనల్వెర్‌ను ఓడించాడు. దీంతో తదుపరి మ్యాచ్‌లో ప్రణీత్ డెన్మార్క్‌కు చెందిన హన్స్- క్రిస్టియన్ సోల్బర్గ్ విట్టింగస్‌తో ఆడనున్నాడు. అయితే 11వ సీడ్‌గా బరిలోకి దిగిన ప్రణయ్ మాత్రం ముందుకు సాగలేకపోయాడు. రెండో రౌండ్ మ్యాచ్‌లో ప్రణయ్ 21-8, 16-21, 15-21తో ప్రపంచ 39వ ర్యాంక్ షట్లర్ కొయెల్హో చేతిలో పోరాడి ఓడాడు. 

డబుల్స్‌లో మాత్రం భారత్‌కు తీవ్ర నిరాశ ఎదురైంది. ఎందుకంటే అన్ని విభాగాల్లో భారత డబుల్స్ జోడీలు ఈimage ప్రతిష్టాత్మక టోర్నీలో ఓటమిపాలయ్యాయి. కామన్వెల్త్ గేమ్స్ రజత పతక విజేత జంట సాత్విక్ సాయిరాజ్, చిరాగ్ శెట్టి జంట 18-21, 21-15, 16-21తో డెన్మార్క్‌కు చెందిన ప్రపంచ 8వ ర్యాంక్ ద్వయం కిమ్ ఆస్ట్రప్, ఆండర్స్ స్కారప్ రస్ముస్సెన్ చేతిలో ఓటమిపాలైంది. మహిళల డబుల్స్‌లో అశ్వినీ పొన్నప్ప, ఎన్. సిక్కిరెడ్డి జోడీ 14-21, 15-21తో రెండో సీడ్ జంట యుకి ఫకుషిమ, సయక హిరోట చేతిలో పరాజయం పాలైంది. ఇదిలావుంటే జాతీయ చాంపియన్స్ మను అట్రి, సుమీత్ రెడ్డి ద్వయంపై 24-22, 13-21, 16-21తో జపాన్‌కు చెందిన ఏడో సీడ్ సకుటో ఇనౌ, యుకి కనెకో జంట గెలిచింది. తొలి గేమ్‌లో విరామం సమయానికి సింధు 11-7 ఆధిక్యం సంపాదించింది. 

తర్వాత వరుసగా ఆరు పాయింట్లు సాధించి 17-7తో నిలిచింది. ఆ తర్వాత చాలా సౌకర్యవంతంగా తొలి గేమ్‌ను సింధు కైవసం చేసుకుంది. ఇక రెండో గేమ్‌లోనూ సింధు తన ఆధిపత్యాన్ని ప్రదర్శించింది. తొలుత 4-5తో వెనకబడిన సింధు విరామం సమయానికి 11-5తో నిలిచింది. ఆ తర్వాత ప్రత్యర్థి ఫిట్రియాని పుంజుకునేందుకు సింధు ఎటువంటి అవకాశమూ ఇవ్వలేదు. ఆ తర్వాత వీలైనంత త్వరగా గేమ్‌ను, మ్యాచ్‌ను కైవసం చేసుకుంది. ఇక శ్రీకాంత్ విషయానికొస్తే.. తొలి గేమ్ ఆరంభంలో 2-4తో వెనకబడిన భారత షట్లర్ తర్వాత ఆ తేడాను 6-8కి మెరుగుపరచుకున్నాడు. ఆ తర్వాత 16-13 ఆధిక్యాన్ని సంపాదించాడు. తర్వాత వరుసగా నాలుగు పాయింట్లు సాధించి గేమ్ పాయింట్‌కు చేరుకున్నాడు. ప్రత్యర్థి పాబ్లో మళ్లీ పుంజుకునేందుకు ప్రయత్నించాడు కానీ అంతలోపే శ్రీకాంత్ తొలి గేమ్‌ను సొంతం చేసుకున్నాడు. రెండో గేమ్‌ను శ్రీకాంత్ 6-3 ఆధిక్యంతో ప్రారంభించాడు. కానీ పాబ్లో వరుసగా ఆరు పాయింట్లు సాధించి ఆధిక్యంలోకి దూసుకెళ్లాడు. తర్వాత శ్రీకాంత్ 10-12తో మళ్లీ పుంజుకునేందుకు ప్రయత్నించాడు. కానీ ఈ స్పెయిన్ షట్లర్ వరుసగా ఏడు పాయింట్లు సాధించి తిరుగులేని ఆధిక్యంతో నిలవడంతో పాటు గేమ్‌ను కైవసం చేసుకున్నాడు. 

ఇక నిర్ణయాత్మక మూడో గేమ్‌లో విరామం సమయానికి పాబ్లో తిరుగులేని 11-9 ఆధిక్యాన్ని సంపా దించాడు. కానీ శ్రీకాంత్ మ్యాచ్ స్వరూపాన్నే మార్చేశాడు. ప్రత్యర్థికి ఏమాత్రం అవకాశ మివ్వకుండా గేమ్‌తో పాటు మ్యాచ్‌నూ సొంతం చేసుకున్నాడు. 

image‘బాగానే ఆరంభించాను. కానీ రెండో గేమ్‌లో చాలా తప్పులు చేశాను. అనేకసార్లు నా వ్యూహాన్ని మార్చాను. అయినా సాధ్యపడలేదు. బహుశా నేను ప్రయత్నించిన వ్యూహాలు, అనేక మార్పులు పనికిరాలేదనుకుంటున్నాను. వీటిపై కోచ్‌తో మాట్లాడతాను. రెండో గేమ్‌లో నేను తప్పులు చేయకుండా ఉండాల్సింది. వాటి గురించే నేను ఆలోచిస్తున్నాను. చివరి 10 పాయింట్లను సరిగా ఆడి సంపాదించానని అనుకుంటున్నాను. తదుపరి మ్యాచ్‌లు తప్పులు జరగకుండా చూసుకుంటాను’ అని శ్రీకాంత్ చెప్పాడు. ప్రణయ్ కూడా తప్పులు చేసినట్టు అంగీకరించాడు. ఈ ఓటమిని మరిచి ఆసియా గేమ్స్‌కు సిద్ధపడాలనుకుంటున్నట్టు చెప్పాడు. ‘రెండు, మూడు గేముల్లో పుంజుకునేందుకు ప్రయత్నించాను. కానీ సాధ్యపడలేదు. అతను కొట్టిన ప్రతి షాట్ సక్సెస్ అవుతోంది. నా డిఫెన్స్ సరిగా లేదు. నేను ఎన్నో అవకాశాలు ఇవ్వడం అతనికి సౌకర్యవంతంగా మారింది. తొలి గేమ్‌లో బాగా ఆడాననుకుంటున్నాను. కానీ నాకు కీలకమైన రెండో గేమ్ ఆరంభమే సమస్యగా మారింది. ప్రత్యర్థికి అనవసరంగా ఆధిక్యం ఇచ్చాను. ఆ ఆధిక్యం పొందడం వల్ల అతనిలోని ఆత్మవిశ్వాసం బలపడింది. అదే నేను చేసిన పెద్ద తప్పు. అయితే ఈ మ్యాచ్‌ను మరిచిపోయి ఆసియా గేమ్స్‌కు సిద్ధపడాలని అనుకుంటున్నాను’ అని ప్రణయ్ చెప్పాడు. 



వరల్డ్ చాంపియన్‌షిప్‌పై సింధు దృష్టి

Updated By ManamWed, 07/25/2018 - 22:17

imageన్యూఢిల్లీ: ఫైనల్ వరకు వచ్చి టైటిల్ గెలవలేకపోవడం హైదరాబాద్ స్టార్ షట్లర్ పీవీ సింధును ఎంతగానో బాధిస్తోంది. అయినప్పటికీ ఆ ఓటముల బాధను పక్కన పెట్టి తాజాగా చైనాలో జరగనున్న వరల్డ్ చాంపియన్‌షిప్, ఇండోనేషియాలో జరగనున్న ఆసియా గేమ్స్‌లో పతకాలపై సింధు దృష్టి పెట్టింది. 2016 రియో ఒలింపిక్స్‌లో రజతం గెలిచిన తర్వాత సింధు అద్భుతమైన ఫామ్‌ను కనబరుస్తోంది. గతేడాది ఆరు టోర్నీల్లో ఫైనల్‌కు చేరుకోగా మూడు టైటిళ్లు గెలిచింది. ఈ ఏడాది కూడా ఇండియా ఓపెన్, కామన్వెల్త్ గేమ్స్, థాయ్‌లాండ్ ఓపెన్‌లలో ఫైనల్‌కు చేరుకుంది. కానీ టైటిళ్లు గెలవలేకపోయింది. దీంతో ఆమెను ‘శాశ్వత తోడుపెళ్లికూతురు’ అని విమర్శించారు. ‘కొన్నిసార్లు నేను ఫైనల్లో ఓడిపోతున్నానని నాకు తెలుసు. ప్రతి చోటు పాజిటివ్, నెగెటివ్ అనేవి ఉంటాయి. క్వార్టర్‌ఫైనల్స్ లేదా సెమీఫైనల్స్‌లో ఓడిపోతే ఆ తప్పుల నుంచి అనేకం నేర్చుకుంటాం. బాగా ఆడినా ఓక్కోసారి ముందుకు వెళ్లలేం. దానిగురించి నేను పెద్దగా బాధపడటం లేదు. ఎందుకంటే ఫైనల్ చేరుకోవడం చాలా సంతోషించదగ్గ విషయం. నా ఉద్దేశంలో తొలి రెండు రౌండ్లలోనే ఓటమిపాలు కావడం దారుణం. అదే ఫైనల్ చేరుకుంటే ఏదైనా జరగొచ్చు’ అని సింధు వివరించింది. 

ఈ నెల 30వ తేదీన చైనాలోని నాంజింగ్‌లో ప్రారంభం కానున్న వరల్డ్ చాంపియన్‌షిప్ కోసం భారత జట్టుతో కలిసి సింధు శనివారం బయల్దేరనుంది. ‘వరల్డ్ చాంపియ న్‌షిప్‌లో సత్తా చాటాలనుకుంటున్నా ను. ఆ టోర్నీకి బాగా సిద్ధపడుతున్నా ను. తర్వాత ఆసియా గేమ్స్ కూడా ఉంది. అందులోనూ బాగా ఆడాలను కుంటున్నాను. వరల్డ్ చాంపియన్‌షిప్ లో నాకు కఠినమైన డ్రా ఎదురైంది. చాలా కష్టపడాల్సి ఉంటుంది. క్వార్డర్ ఫైనల్ వరకు ప్రశాంతంగా ఆడొచ్చు లే అనుకోవడానికి వీల్లేదు. ఇది 64 మందితో కూడిన డ్రా. తొలి మ్యాచ్ లో ఫిట్రియానితో ఆడాలి. ఆమెతో ఇంతకుముందు కూడా ఆడాను. ఆ మె చాలా బాగా ఆడుతుంది. ఏదైనా జరగొచ్చు’ అని సింధు చెప్పింది. 

గతేడాది గ్లాస్గో కామన్వెల్త్ గేమ్స్‌లో జపాన్‌కు చెందిన నజోమి ఒకుహరతో సింధు 110 నిమిషాలు జరిగిన హోరాహోరీ పోరు అత్యంత సుదీర్ఘ మ్యాచ్‌ల జాబితాలో చేరింది. అయితే ఈ వరల్డ్ చాంపియన్‌షిప్‌లో వీరిద్దరు క్వార్టర్ ఫైనల్లో 
తలపడే అవకాశముంది. ‘నాకు, నోజోమికి మధ్య మ్యాచ్ గురించే ప్రతి ఒక్కరు మాట్లాడుకుంటున్నారని నాకు తెలుసు. కానీ అంతదూరం నేను ఆలోచించడం లేదు. ఎందుకంటే అంతకుముందే సంగ్ జి హ్యున్‌తో ఆడాలి. ఈమెతో ఆడటం కూడా అంత సులువేమీ కాదు. 

ఇటీవల ఆసియా బ్యాడ్మింటన్ చాంపియన్‌షిప్‌లో నేను ఆమె చేతిలో ఓడాను. ఆమె స్ట్రోక్స్ అద్భుతం. ఆమెను కూడా నిర్లక్ష్యం చేయలేం. ఆ మ్యాచ్ కూడా చాలా ముఖ్య మైంది’ అని సింధు తెలిపింది.



సింధుకు కఠినమైన డ్రా

Updated By ManamWed, 07/18/2018 - 00:37
  • క్వార్టర్ ఫైనల్లో ఒకుహరతో తలపడే అవకాశం 

  • బ్యాడ్మింటన్ వరల్డ్ చాంపియన్‌షిప్ డ్రా విడుదల

imageన్యూఢిల్లీ: బ్యాడ్మింటన్ వరల్డ్ చాంపియన్‌షిప్ డ్రా మంగళవారం విడుదలైంది. ఇందులో హైదరాబాద్ రైజింగ్ షట్లర్ పీవీ సింధుకు కఠినమైన డ్రా ఎదురైంది. ఈ నెల 30 నుంచి ఆగస్టు 5వ తేదీ వరకు చైనాలోని నాన్‌జింగ్‌లో జరిగే ఈ టోర్నీ క్వార్టర్ ఫైనల్ మ్యాచ్‌లో నజోమి ఒకుహరతో సింధు తలపడే అవకాశముంది. గతేడాది గ్లాస్గో కామన్వెల్త్ గేమ్స్‌లో జరిగిన ఫైనల్ మ్యాచ్‌లో వీరిద్దరు తలపడిన ఘటన ఇప్పటికీ అభిమానుల కళ్ల ముందే కదలాడుతున్నాయి. ఈ సీజన్‌లో మోకాలి గాయంతో బాధపడిన ఒకుహర ఇటీవల జరిగిన థాయ్‌లాండ్ ఓపెన్‌లో సింధును ఓడించింది. దీంతో ఇప్పుడు ఒకవేళ క్వార్టర్ ఫైనల్లో ఒకుహరతో ఆడాల్సి వస్తే ఆమెపై ప్రతీకారం తీర్చుకునేందుకు సింధు సిద్ధమవుతోంది.

విడుదలైన డ్రా ప్రకారం సింధుకు తొలి రౌండ్‌లో బై లభించింది. రెండో రౌండ్ మ్యాచ్‌లో ఇండోనేషియాకు చెందిన ఫిట్రియానితో లేదా లిండా జెట్చిరితో ఆడుతుంది. అక్కడ కూడా సింధు గెలిస్తే మూడో రౌండ్ మ్యాచ్‌లో కొరియాకు చెందిన సంగ్ జి హ్యున్‌తో తలపడుతుంది. మరోవైపు సైనా నెహ్వాల్ మూడో రౌండ్, క్వార్టర్ ఫైనల్ మ్యాచ్‌ల్లో థాయ్‌లాండ్‌కు చెందిన రచనోక్ ఇంథనాన్‌తో, ఒలింపిక్ చాంపియన్ కరోలినా మారిన్‌తో తలపడే అవకాశముంది. పురుషుల సింగిల్స్‌లో కిదాంబి శ్రీకాంత్ తొలి మ్యాచ్‌లో ఐర్లాండ్‌కు చెందిన ఎన్‌హట్ ఎన్‌గుయెన్‌తో ఆడనున్నాడు.

అయితే మూడో రౌండ్ మ్యాచ్‌లో ఇండోనేషియాకు చెందిన జోనాథాన్ క్రిస్టీతో శ్రీకాంత్ తలపడనున్నాడు. ఈ అడ్డంకిని దాటితే మలేసియాకు చెందిన లీ చాంగ్ వీతో శ్రీకాంత్ అమీ తుమీ తేల్చుకోనున్నాడు. మరోవైపు హెచ్‌ఎస్ ప్రణయ్ ఆస్ట్రేలియాకు చెందిన అభినవ్ మనోటాతో టోర్నీతో ప్రారంభించనున్నాడు. క్వార్టర్ ఫైనల్‌కు చేరుకునే క్రమంలో శ్రీకాంత్‌కు హాంకాంగ్‌కు చెందిన వాంగ్ వింగ్ కి విన్సెంట్, చైనీస్ తైపీకి చెందిన చౌ టీన్ చెన్ ఎదురుపడే అవకాశముంది. అంతేకాదు ఆ తర్వాత ఆల్ ఇంగ్లాండ్ చాంపియన్ షి యుకితో శ్రీకాంత్ తలపడాల్సి రావచ్చు.





Related News