telangana assembly elections

నామినేషన్ల దాఖలులో గందరగోళం

Updated By ManamMon, 11/19/2018 - 20:37

Election candidates, Confusion process, Nomination, Telangana assembly electionsహైదరాబాద్: తెలంగాణలో అసెంబ్లీ ఎన్నికల్లో పోటీ చేసే అభ్యర్థులు తమ నామినేషన్లను దాఖలు చేసేందుకు సోమవారమే చివరి రోజు. దాంతో రాష్ట్రంలోని పలు నియోజకవర్గాల్లోని పార్టీల అభ్యర్థులంతా నామినేషన్లు వేసేందుకు రిటర్నింగ్ అధికారి కార్యాలయానికి క్యూ కట్టారు. ఈ నేపథ్యంలో అభ్యర్థుల నామినేషన్లలో గందరగోళం నెలకొంది. దాంతో కొన్ని నియోజకవర్గాల్లో చివరి వరకు కొందరు అభ్యర్థులు నామినేషన్లు దాఖలు చేయలేని పరిస్థితి నెలకొంది. ఆర్వోలను స్వతంత్ర అభ్యర్థులు ఇబ్బంది పెట్టినట్టు తెలుస్తోంది. రాజేంద్రనగర్ నియోజకవర్గంలో 2.15 నిమిషాలకు ఒక అభ్యర్థి ముగ్గురు సాక్షుల్ని లోపలికి పంపారు.

తాను మధ్యాహ్నం 3 గంటలకు రిటర్నింగ్ అధికారి దగ్గరకు వెళ్లే ప్రయత్నించడతో గందరగోళం ఏర్పడింది. ఈ క్రమంలో అధికారులు వారిని లోపలికి అనుమతించలేదు. మహబూబ్ నగర్‌లోని ఓ నియోజకవర్గంలో నామినేషన్ వేయడానికి వస్తే.. పోలీసులు బయటకు పంపారని స్వతంత్ర అభ్యర్థి ఆరోపించాడు. హైదరాబాద్‌లోని ఓ నియోజకవర్గంలో కూడా రెండు నిమిషాలు ఆలస్యంగా అభ్యర్థి రావడంతో సమయం ముగిసిందని నామినేషన్‌ను అధికారులు స్వీకరించలేదు. 



టీఆర్ఎస్ ప్రచార పాటలకు ఈసీ అనుమతి

Updated By ManamMon, 11/19/2018 - 20:11
  • మొత్తం ఆరు పాటలు.. రెండు పాటలను రాసిన సీఎం కేసీఆర్

  • అనుమతి ఇచ్చిన రాష్ట్ర ఎన్నికల ప్రధానాధికారి రజత్‌కుమార్

TRS campaign songs, Election commission, Telangana assembly elections, Rajat kumar హైదరాబాద్: టీఆర్‌ఎస్ పార్టీ ప్రచారం కోసం రూపొందించిన పాటలకు రాష్ట్ర ఎన్నికల ప్రధానాధికారి రజత్‌కుమార్ అనుమతి ఇచ్చారు. మొత్తం ఆరు పాటలకు రజత్ అనుమతి ఇచ్చారు. సీఎం కేసీఆర్ స్వయంగా రెండు పాటలను రాశారు. తెలంగాణలో నామినేషన్ల ప్రక్రియ ఈ రోజుతో ముగిసింది. దాంతో సీఎం కేసీఆర్ మలివిడత ఎన్నికల ప్రచారంపై దృష్టి పెట్టారు.

టీఆర్‌ఎస్ ప్రభుత్వం అమలు చేసిన పథకాలు, అభివృద్ధి, సంక్షేమ కార్యక్రమాలను ప్రజలకు పాటల ద్వారా వినిపించేందుకు టీఆర్ఎస్ ప్రణాళికలు సిద్ధం చేసింది. మరోవైపు టీఆర్ఎస్ పార్టీ అభ్యర్థులు ఇప్పటికే తమ నియోజకవర్గాల్లో ప్రభుత్వ పథకాలు, సంక్షేమ పథకాలపై ప్రచారం చేస్తూ ముందుకు దూసుకెళ్తున్నారు. 



నేను కరెంట్ పోనివ్వను: కేసీఆర్

Updated By ManamMon, 11/19/2018 - 19:51
  • పాలకుర్తి నియోజక వర్గ టీఆర్ఎస్ ప్రజాఆశీర్వాద సభ 

  • సీఎం కేసీఆర్ ప్రసంగం ముఖ్యాంశాలు 

KCR, Palakurthi TRS meeting, TRS meeting, Power cut, 24 hours current, Telangana assembly electionsపాలకుర్తి: తెలంగాణ అసెంబ్లీ ఎన్నికల ప్రచారంలో భాగంగా పాలకుర్తి నియోజక వర్గంలో టీఆర్ఎస్ ప్రజా ఆశీర్వాద సభను నిర్వహించింది. ఈ సభకు ఆపద్ధర్మ ముఖ్యమంత్రి కేసీఆర్ హాజరయ్యారు. ఈ సందర్భంగా ఆయన ప్రజలనుద్దేశించి మాట్లాడుతూ.. పాలకుర్తి సభకు వచ్చిన జనం చూసి కడుపు నిండి పోయిందన్నారు. అరవై వేలకు పైగా సభకు జనం రావడమే దయాకర్ రావు భారీ మెజారిటీతో గెలుస్తారనడానికి నిదర్శనమని చెప్పారు. కాంగ్రెస్ వస్తే కరెంటు పోతుందని, తాను వస్తే కరెంటు పోనివ్వనని కేసీఆర్ హామీ ఇచ్చారు. చంద్రబాబు ప్రపంచ మేధావి అయితే  కరెంటు సరిగా ఎందుకు ఇవ్వలేక పోయారో చెప్పాలన్నారు. కాంగ్రెస్ వాళ్లు మేధావులు అయితే ఎందుకు 24 గంటల కరెంటు ఇవ్వలేదని మండిపడ్డారు. డబుల్ బెడ్ రూం ఇళ్లు టీఆర్ఎస్ కార్యకర్తలకు ఇవ్వలేదన్నారు. పూర్తి పారదర్శకతతో పథకాలు అమలు చేస్తున్నామన్నారు. పైరవీలు లేవని, రైతులకు నయా పైసా ఖర్చు లేకుండా పాస్ బుక్ లిచ్చామని తెలిపారు. 

దయాకర్ రావు గెలుపు ఖరారయింది..
సంపద పెంచాం.. పేదలకు పంచాం..దేశంలో ఎక్కడా లేని విధంగా సంక్షేమ పథకాలు అమలు చేస్తున్నామన్నారు. తాను అసత్యం చెప్పనన్నారు. చేసేదే చెబుతానని స్పష్టం చేశారు. తాము కడుపు కట్టుకుని నోరు కట్టుకుని పని చేశామన్నారు. తాము కుంభ కోణాలు ,లంబ కోణాలు చేయలేదని చెప్పారు. ప్రజా ధనాన్ని దొబ్బి తిన లేదన్నారు. మేనిఫెస్టోలో లేని 70 పైగా పనులు చేసి చూపించామని గుర్తు చేశారు. అడ్డం పొడుగు మాటలు చెప్పి ఎగ పెట్టడం కాంగ్రెస్, టీడీపీ నైజమని కేసీఆర్ విమర్శించారు. దయాకర్ రావు గెలుపు ఖరారయిందన్నారు. అత్యధిక మెజారిటీ ఇవ్వాలని ప్రజలను కోరారు. దయాకర్ రావు కోరిన పనులు చేసి పెడతానని, మల్లా పూర్ రిజర్వాయర్ పూర్తి చేస్తామని, దేవాదుల నుంచి వంద టీఎంసీ ల నీళ్లు తీసుకొస్తామని కేసీఆర్ హామీలు ఇచ్చారు. 



'మూడింతల రెట్టింపు మెజార్టీతో గెలుస్తా'

Updated By ManamMon, 11/19/2018 - 18:34
  • గద్వాలలో నామినేషన్ వేసిన డీకే అరుణ 

DK Aruna, tripule majority, Telangana assembly elections  గద్వాల: గద్వాల నియోజకవర్గంలో తాను మూడింతల రెట్టింపు మెజార్టీతో గెలుస్తానని కాంగ్రెస్ పార్టీ అభ్యర్థి డీకే అరుణ ధీమా వ్యక్తం చేశారు. సోమవారం గద్వాలలో డీకే అరుణ నామినేషన్ వేశారు. అనంతరం కాంగ్రెస్ ఎన్నికల ప్రచారంలో పాల్గొన్నారు. ఈ సందర్భంగా అధికార టీఆర్ఎస్‌పై తీవ్రస్థాయిలో ధ్వజమెత్తారు.

టీఆర్ఎస్ నేతలంతా తిష్ట వేసినా తన గెలుపును అడ్డుకోలేరని స్పష్టం చేశారు. పాలమూరు జిల్లాలో 12 స్థానాల్లో కాంగ్రెస్ గెలుస్తుందని చెప్పారు. తెలంగాణ అసెంబ్లీ ఎన్నికల్లో టీఆర్ఎస్ ఓటమి ఖాయమని డీకే అరుణ నొక్కివక్కాణించారు. 



'మధిర పౌరుషం ఏంటో చూపిస్తాం' 

Updated By ManamMon, 11/19/2018 - 17:45
  • మధిర గేటును కూడా కేటీఆర్ ముట్టుకోలేడు: భట్టి విక్రమార్క

TRS party, Batti Vikramarka mallu, Congress elections campagin, TRS rule, KCR, Telangana assembly electionsఖమ్మం: నగరంలోని మధిరలో కాంగ్రెస్ ఎన్నికల ప్రచారంలో దూసుకెళ్తోంది. ఇప్పటికే అధికార పార్టీ టీఆర్ఎస్ అభ్యర్థులు ఖమ్మంలో ఎన్నికల ప్రచారంలో దూసుకెళ్తుంటే.. మహాకూటమిలోని భాగస్వామ్య పక్షాలు కూడా ఎన్నికల ప్రచారంలో టీఆర్‌ఎస్ పాలనపై విమర్శలు గుప్పిస్తున్నారు. సోమవారం మధిర కాంగ్రెస్ అభ్యర్థిగా నామినేషన్ వేసిన అనంతరం ఏర్పాటు చేసిన బహిరంగసభలో ఆయన మాట్లాడారు. ఈ సమావేశంలో భట్టి మాట్లాడుతూ... ఈ మధ్య ఒక పిల్లకాకి ఇక్కడకు వచ్చి నేను ఎమ్ చేశానని ప్రశ్నించాడు.

నేను ఏమి చేసానో తెలియాలంటే.. జాలిముడి ప్రాజెక్టు, కట్టలేరు జలాలు, కుదుమూరు-వందనం లిఫ్ట్ ఇరిగేషన్ చెబుతాయి అని భట్టి అన్నారు. నువ్వు వచ్చిన ఆర్ఓబీ కూడా నేను కట్టించిందే.. నువ్వు  నడిచిన రహదారులు కూడా నా హయాంలో వేయించిందే అని భట్టి చెప్పారు. ఇక్కడ పొలాల్లో పారె నీళ్లు నేను ఏమి చేసానో చెబుతాయని విక్రమార్క చెప్పారు. ఇక్కడ విద్యా సంస్థలు ఏర్పాటు చేసింది ఎవరో తెలుకుని మాట్లాడాలని పరోక్షంగా కేటీఆర్ పై భట్టి విక్రమార్క విమర్శలు గుప్పించారు. 

ఈ సందర్భంగా ఆయన టీఆర్ఎస్ పాలన తీరును ఎండగట్టారు. తానెంటో మధిర ప్రజలకు తెలుసునని, మధిర పౌరుషం ఏమిటో చూపిస్తామన్నారు. మధిర గేటును కూడా కేటీఆర్ ముట్టుకోలేడని భట్టి విమర్శించారు. రైతుల కోసం అనేక జల పథకాలు తెచ్చింది తానేనని భట్టి చెప్పారు. అవినీతి సొమ్ముతో ఓటర్లను కొనాలని చూస్తున్నారని భట్టి విక్రమార్క మండిపడ్డారు.  ఈ సమావేశంలో భట్టి విక్రమార్క మల్లుతో పాటు ఏఐసీసీ కార్యదర్శి సలీమ్ అహ్మద్, వర్కింగ్ ప్రెసిడెంట్ జెట్టి కుసుమ్ కుమార్, తెలుగుదేశం పార్టీ మధిర ఇంచార్జి డాక్టర్ వాసిరెడ్డి రామనాథం, ఇతర సీనియర్ నేతలు పాల్గొన్నారు.



'ఆ పథకాలే నన్ను గెలిపిస్తాయి'

Updated By ManamMon, 11/19/2018 - 17:26

Govt schemes, Telangana assembly elections, Sanat nagar people, TRS candidates, Talasani Srinivasహైదరాబాద్: తెలంగాణ రాష్ట్రంలో టీఆర్ఎస్ ప్రభుత్వం ప్రవేశపెట్టిన పథకాలే తనను గెలిపిస్తాయని ఆ పార్టీ నేత, సనత్ నగర్ అభ్యర్థి తలసాని శ్రీనివాస్ ధీమా వ్యక్తం చేశారు. ఎన్ని జన్మలెత్తినా సనత్ నగర్ ప్రజల రుణం తీర్చుకోలేను అన్నారు. అనైతిక పొత్తులతో ప్రజల ముందుకు వస్తున్నారని విమర్శించారు.

119 స్థానాల్లో పోటీ చేస్తామన్న తెలంగాణ ప్రజా సమితి (టీజేఎస్) మూడు సీట్లకే పరిమతమయిందని తలసాని విమర్శించారు. ఇప్పటికే మహాకూటమిలోని భాగస్వామ్య పక్షాలు ప్రచారంలో దూసుకెళ్తుంటే అధికార పార్టీ టీఆర్ఎస్ అభ్యర్థులు కూడా తమ నియోజకవర్గ ప్రజల నుంచి ఓట్లను కోరుతూ ప్రచారంలో ముందుకు వెళ్తున్నారు.



అందుకే ఎన్నికల్లో పోటీ చేయడం లేదు: పవన్

Updated By ManamMon, 11/19/2018 - 17:00
  • పార్లమెంట్ ఎన్నికల్లో తెలంగాణ నుంచి జనసేన పోటీ

  • పార్లమెంట్ ఎన్నికల కోసం పార్టీ సమాయత్తం :  పవన్ కల్యాణ్

Pawan Kalyan, Janasena party, Parliament elections, Telangana assembly electionsహైదరాబాద్: తెలంగాణ ముందస్తు ఎన్నికల్లో అధికార పార్టీ టీఆర్ఎస్‌తో టీడీపీ, కాంగ్రెస్, టీజేఎస్, సీపీఐ పార్టీలు పోటీపడుతున్న నేపథ్యంలో జనసేన పోటీ చేసే పరిస్థితి కనిపించడం లేదు. తెలుగు రాష్ట్రాల్లో సినీహీరోగా ఎంతో ఫ్యాన్ ఫాలోయింగ్ ఉన్న పవన్‌‌ తెలంగాణలో ముందస్తు ఎన్నికల్లో పోటీ చేసేందుకు ఇది సరైన సమయం కాదనే అసెంబ్లీ ఎన్నికలకు జనసేన దూరంగా ఉన్నట్టుగా కనిపిస్తోంది.

తాజాగా తెలంగాణలో జనసేన పోటీ చేసే విషయంపై ఆ పార్టీ అధినేత పవన్ కల్యాణ్ వివరణ ఇచ్చారు. తెలంగాణలో అసెంబ్లీకి ముందస్తు ఎన్నికలు రావడంతో పోటీ ఇబ్బందిగా మారిందని ఆయన అన్నారు. అందుకే తెలంగాణలో పార్లమెంట్ ఎన్నికల్లో పోటీ చేస్తామని పవన్ స్పష్టం చేశారు. తెలంగాణ ఎన్నికలపై పార్టీలోని నాయకుల సమావేశం జరిగిందని, శాసనసభ ఎన్నికల్లో కాకుండా షెడ్యూల్‌ ప్రకారం జరగబోయే లోక్‌సభ ఎన్నికల్లో పోటీ చేయాలని సమావేశం ఏకగ్రీవంగా నిర్ణయించిందని చెప్పారు. పార్లమెంట్ ఎన్నికల కోసం జనసేన సమాయత్తం అవుతోందని పవన్ పునరుద్ఘాటించారు. 



'ఖమ్మంలో 10కి 10 స్థానాలు గెలవబోతున్నాం'

Updated By ManamMon, 11/19/2018 - 15:53
  • ఖమ్మం జిల్లాలో టీఆర్ఎస్ భారీ బహిరంగ సభ

  • రాష్ట్రం బాగుండాలని ‘రాజశ్యామల హోమం’ చేశా

  • ఖమ్మం తలపండిన రాజకీయ నేతలున్న జిల్లా

  • ఎన్నికల ప్రణాళికలో వందకు వంద శాతం హామీలు పూర్తి చేశా

KCR, TRS, Telangana assembly elections, Duble bed room houses, Tummala Nageswara raoపాలేరు(ఖమ్మం): తెలంగాణ అసెంబ్లీ ఎన్నికల ప్రచారంలో భాగంగా సోమవారం ఖమ్మంలో టీఆర్ఎస్ భారీ బహిరంగ సభను నిర్వహించింది. ఈ సభకు ఆపద్ధర్మ ముఖ్యమంత్రి కేసీఆర్ హాజరయ్యారు. ఈ సందర్భంగా ఆయన మాట్లాడుతూ.. రాష్ట్రం బాగుండాలని ‘రాజశ్యామల హోమం’ చేశానన్నారు. ఖమ్మం తలపండిన రాజకీయ నేతలున్న జిల్లాగా ఆయన అభివర్ణించారు. ఖమ్మం జిల్లాలో 10 స్థానాలకు 10 నియోజకవర్గాల్లో టీఆర్‌ఎస్ గెలవబోతున్నామని కేసీఆర్ ధీమా వ్యక్తం చేశారు. తెలంగాణ ఉద్యమం సమయంలో కూడా తాను చాలాసార్లు ఖమ్మం జిల్లాకు వచ్చినట్టు ఈ సందర్భంగా ఆయన గుర్తు చేశారు. ఎన్నికల ప్రణాళికలో ప్రజలకు ఇచ్చిన హామీలను వందకు వంద శాతం పూర్తి చేశామన్నారు. 

డబుల్ బెడ్‌రూం ఇళ్ల పథకం అసలు ఉద్దేశం ఇదే..
డబుల్ బెడ్ రూం, దళితులకు మూడెకరాల భూమిపై విమర్శలు చేస్తున్నారని మండిపడ్డారు. ఒక్క డబుల్ బెడ్ రూం ఇళ్లు.. కాంగ్రెస్, టీడీపీ కట్టిన ఏడు ఇళ్లకు సమానమని చెప్పారు. ఒక్కసారి ఇళ్లు కట్టిస్తే రెండు తరాల వరకు మళ్లీ ఇళ్లు కట్టుకోవద్దన్నారు. డబుల్ బెడ్‌రూం ఇళ్ల పథకం అసలు ఉద్దేశం ఇదేనని స్పష్టం చేశారు. డబుల్ బెడ్‌రూం ఇళ్లకు 6 నెలలు ఆలస్యం అయితే కొంపలేం అంటుకోవని కేసీఆర్ పేర్కొన్నారు. అత్యధిక జీతాలు తీసుకొనే ఆశావర్కర్లు, అంగన్‌వాడీలు తెలంగాణలో ఉన్నారని గుర్తు చేశారు. కంటివెలుగు కార్యక్రమం రాష్ట్రమంతటా ఘనంగా జరుగుతోందని కేసీఆర్ చెప్పారు.

కాంగ్రెస్ హయాంలో జల దోపిడి.. 
తెలంగాణ ఉద్యమపరంగా చైతన్యం ఉన్న జిల్లాగా ఆభివర్ణించారు. రాజకీయంగా జిల్లాలో ఫలితాలు వచ్చేవి కావన్నారు. డబుల్ బెడ్‌రూమ్ ఇళ్లకు నూరుశాతం సబ్సిడీ ఇస్తున్నామన్నారు. ఒక్కసారి ఇళ్లు వస్తే దశాబ్దాలపాటు ఉండేలా నిర్మాణం చేపట్టారు. ముసుగులో వచ్చేవారికి ప్రజలు చెంప చెల్లుమనేలా సమాధానం ఇవ్వాలన్నారు. కాంగ్రెస్, టీడీపీ ప్రభుత్వాలు ప్రాజెక్టులను విస్మరించారని విమర్శించారు. కాంగ్రెస్ హయాంలో జల దోపిడి జరిగిందన్నారు. రూ.43వేల కోట్లతో అమలు చేస్తున్న సంక్షేమ పథకాలు దేశంలో ఎక్కడా లేవని చెప్పారు.

మేం చెప్పేవి అబద్ధాలైతే.. ఓడించండి..
మేం చెప్పేవి అబద్ధాలైతే.. డిపాజిట్లు లేకుండా ఓడించండని పిలుపునిచ్చారు. కులంముసుగులో వచ్చినవారికి చెంపచెళ్లుమనిపించాలని చెప్పారు. తూర్పు, పశ్చిమగోదావరి జిల్లాల కంటే ఖమ్మం జిల్లా ఆర్థికంగా ఎదగాలని తెలిపారు. సీతారామ ప్రాజెక్టును ఆపాలంటూ చంద్రబాబు కేంద్రానికి లేఖ రాశారన్నారు. ఖమ్మం జిల్లా ప్రచారానికి ఏపీ సీఎం చంద్రబాబు వస్తే ప్రజలంతా నిలదీయాలన్నారు. సీతారామ ప్రాజెక్టును అడ్డుకుంటూ చంద్రబాబు లేఖ ఇచ్చింది నిజం కాదా? అని ఆయన ప్రశ్నించారు. లేఖ విరమించుకున్నాకే చంద్రబాబు తెలంగాణలో అడుగుపెట్టాలన్నారు.

చంద్రబాబు ఇక్కడికి ప్రచారానికి వస్తే.. సమాధానం చెప్పి రావాలని సూచించారు. ఖమ్మం జిల్లా టీడీపీ నేతలను ప్రజలు నిలదీయాలని చెప్పారు. ఏం ముఖం పెట్టుకొని టీడీపీ వాళ్లు ఓట్లు అడుగుతున్నారని విమర్శించారు. ఖమ్మం జిల్లా పచ్చగా మారాలంటే సీతారామ ప్రాజెక్టు పూర్తి కావాలని కేసీఆర్ స్పష్టం చేశారు. మీ కంట్లో మీ వేలు పెట్టే పార్టీలకు ఓటేస్తారా? అని ప్రశ్నించారు. ఖమ్మంలో ఉన్న ముగ్గురు టీడీపీ అభ్యర్థులను ప్రజలంతా నిలదీయండన్నారు.



కేసీఆర్ చివరి ప్రయత్నం.. గెలుపు కోసం యాగం

Updated By ManamSun, 11/18/2018 - 16:11
  • వ్యవసాయ క్షేత్రంలో చండీయాగ కార్యక్రమాలు

  • ఫామ్ హౌస్ చుట్టూ భారీ భద్రత.. నో ఎంట్రీ 

KCR, TRS, Telangana assembly elections, Farm house, Chandi yagamహైదరాబాద్: మూఢనమ్మకాలను విశ్వసించే ముఖ్యమంత్రులలో మొదటి  స్థానంలో ఉండే కేసీఆర్ ఇప్పుడు గెలుపు కోసం యాగం చేస్తున్నారు. పూర్తిగా చేతులెత్తేయాల్సిన పరిస్థితి రావడంతో చివరి ప్రయత్నంగా ఫామ్ హౌస్‌లో యాగం చేస్తున్నారు. ఎర్రవల్లి గ్రామ సమీపంలోని తన వ్యవసాయ క్షేత్రంలో ఆది సోమ వారాల్లో ఆయన చండీయాగం కార్యక్రమాలు జరిపిస్తున్నారు. మొత్తం 120 మంది రుత్వికులు ఈ కార్యక్రమంలో పాల్గొననున్నారు. విశాఖ స్వరూపానంద స్వామి ప్రత్యక్ష పర్యవేక్షణలో రెండు రోజుల పాటు రాజశ్యామల హోమం నిర్వహిస్తున్నారు. ఆదివారం ఉదయం 40మంది రుత్వికులు ప్రారంభించారు. కేసీఆర్ ఆదేశం మేరకు ఆయన సన్నిహితులు ఇటీవల స్వరూపానంద జన్మదినోత్సవానికి వెళ్లి ఫామ్ హౌస్‌లో రాజ శ్యామల హోమం జరపాల్సిందిగా విజ్ఞప్తి చేశారు. మరోవైపు ఇదే సమయంలో శృంగేరి ఆస్థాన పండితులు పనిషశంక శర్మ, గోపి కృష్ణ శర్మ ఆధ్వర్యంలో 72 మంది ఋత్విక్కులు మహారుద్ర సహిత చండీ యాగం నిర్వహించారు.

వైదిక కార్యక్రమాలు నిర్వహించే రుత్వికులు శనివారం సాయంత్రానికి ఫామ్ హౌస్‌కి చేరుకున్నారు. కేసీఆర్ కూడా కుటుంబ సభ్యులతో కలిసి ఫామ్ హౌస్‌కు చేరుకొని ఏర్పాట్లను పర్యవేక్షించారు. కానీ ప్రజలకు మంచి చేసి ఉంటే ఈ యాగాలతో పని ఏముంటుందని కొంతమంది విమర్శలు చేస్తున్నారు. కానీ కేసీఆర్‌కు ప్రజలకు మంచి చేయడం అంటే తన కుటుంబానికి మంచి చేయడమే అనుకుంటారని, అందుకే యాగాలు తప్పడం లేదని సన్నిహితులు చెబుతున్నారు. ఈ సందర్భంగా ఫామ్ హౌస్ చుట్టూ భారీ భద్రత ఏర్పాట్లు చేశారు. ఎవర్ని లోపలికి అనుమతించడం లేదు.



19 మంది అభ్యర్థులతో బీజేపీ మరో జాబితా

Updated By ManamSun, 11/18/2018 - 15:57

BJP, Telangana assembly elections, 19 candidates listహైదరాబాద్: 19 మంది అభ్యర్థులతో కూడిన మరో జాబితాను ఆదివారం బీజేపీ విడుదల చేసింది. తాజా జాబితాలో చొప్పదండి నుంచి బిడిగే శోభ, బాన్సువాడ నుంచి నాయుడు ప్రకాశ్ బరిలో దిగనున్నారు. జుక్కల్ నుంచి అరుణ్ తార, బాల్కొండ స్థానం నుంచి రాజేశ్వర్ పోటీ చేయనున్నారు.

మంథని నుంచి సనత్ కుమార్, మహేశ్వరం నుంచి శ్రీరాములు యాదవ్, వికారాబాద్ నుంచి సాయి కృష్ణ, జడ్చర్ల నుంచి మధుసుదన్ యాదవ్, కొల్లాపూర్ నుంచి సుధాకర్ రావు, దేవరకొండ నుంచి కల్యాణ్ నాయక్ పోటీ చేయనున్నారు. మిర్యాలగూడ నుంచి ప్రభాకరరావు, కోదాడ నుంచి వెంకటేశ్వరరావు పోటీ చేయనున్నారు. 





Related News