telangana assembly elections

కేసీఆర్ చివరి ప్రయత్నం.. గెలుపు కోసం యాగం

Updated By ManamSun, 11/18/2018 - 16:11
  • వ్యవసాయ క్షేత్రంలో చండీయాగ కార్యక్రమాలు

  • ఫామ్ హౌస్ చుట్టూ భారీ భద్రత.. నో ఎంట్రీ 

KCR, TRS, Telangana assembly elections, Farm house, Chandi yagamహైదరాబాద్: మూఢనమ్మకాలను విశ్వసించే ముఖ్యమంత్రులలో మొదటి  స్థానంలో ఉండే కేసీఆర్ ఇప్పుడు గెలుపు కోసం యాగం చేస్తున్నారు. పూర్తిగా చేతులెత్తేయాల్సిన పరిస్థితి రావడంతో చివరి ప్రయత్నంగా ఫామ్ హౌస్‌లో యాగం చేస్తున్నారు. ఎర్రవల్లి గ్రామ సమీపంలోని తన వ్యవసాయ క్షేత్రంలో ఆది సోమ వారాల్లో ఆయన చండీయాగం కార్యక్రమాలు జరిపిస్తున్నారు. మొత్తం 120 మంది రుత్వికులు ఈ కార్యక్రమంలో పాల్గొననున్నారు. విశాఖ స్వరూపానంద స్వామి ప్రత్యక్ష పర్యవేక్షణలో రెండు రోజుల పాటు రాజశ్యామల హోమం నిర్వహిస్తున్నారు. ఆదివారం ఉదయం 40మంది రుత్వికులు ప్రారంభించారు. కేసీఆర్ ఆదేశం మేరకు ఆయన సన్నిహితులు ఇటీవల స్వరూపానంద జన్మదినోత్సవానికి వెళ్లి ఫామ్ హౌస్‌లో రాజ శ్యామల హోమం జరపాల్సిందిగా విజ్ఞప్తి చేశారు. మరోవైపు ఇదే సమయంలో శృంగేరి ఆస్థాన పండితులు పనిషశంక శర్మ, గోపి కృష్ణ శర్మ ఆధ్వర్యంలో 72 మంది ఋత్విక్కులు మహారుద్ర సహిత చండీ యాగం నిర్వహించారు.

వైదిక కార్యక్రమాలు నిర్వహించే రుత్వికులు శనివారం సాయంత్రానికి ఫామ్ హౌస్‌కి చేరుకున్నారు. కేసీఆర్ కూడా కుటుంబ సభ్యులతో కలిసి ఫామ్ హౌస్‌కు చేరుకొని ఏర్పాట్లను పర్యవేక్షించారు. కానీ ప్రజలకు మంచి చేసి ఉంటే ఈ యాగాలతో పని ఏముంటుందని కొంతమంది విమర్శలు చేస్తున్నారు. కానీ కేసీఆర్‌కు ప్రజలకు మంచి చేయడం అంటే తన కుటుంబానికి మంచి చేయడమే అనుకుంటారని, అందుకే యాగాలు తప్పడం లేదని సన్నిహితులు చెబుతున్నారు. ఈ సందర్భంగా ఫామ్ హౌస్ చుట్టూ భారీ భద్రత ఏర్పాట్లు చేశారు. ఎవర్ని లోపలికి అనుమతించడం లేదు.



19 మంది అభ్యర్థులతో బీజేపీ మరో జాబితా

Updated By ManamSun, 11/18/2018 - 15:57

BJP, Telangana assembly elections, 19 candidates listహైదరాబాద్: 19 మంది అభ్యర్థులతో కూడిన మరో జాబితాను ఆదివారం బీజేపీ విడుదల చేసింది. తాజా జాబితాలో చొప్పదండి నుంచి బిడిగే శోభ, బాన్సువాడ నుంచి నాయుడు ప్రకాశ్ బరిలో దిగనున్నారు. జుక్కల్ నుంచి అరుణ్ తార, బాల్కొండ స్థానం నుంచి రాజేశ్వర్ పోటీ చేయనున్నారు.

మంథని నుంచి సనత్ కుమార్, మహేశ్వరం నుంచి శ్రీరాములు యాదవ్, వికారాబాద్ నుంచి సాయి కృష్ణ, జడ్చర్ల నుంచి మధుసుదన్ యాదవ్, కొల్లాపూర్ నుంచి సుధాకర్ రావు, దేవరకొండ నుంచి కల్యాణ్ నాయక్ పోటీ చేయనున్నారు. మిర్యాలగూడ నుంచి ప్రభాకరరావు, కోదాడ నుంచి వెంకటేశ్వరరావు పోటీ చేయనున్నారు. 



కేటీఆర్ సవాల్‌ను స్వీకరిస్తున్నాం: షబ్బీర్ అలీ

Updated By ManamSun, 11/18/2018 - 15:24

Shabbir ali, ktr, trs, Massive alliance, KCR rule, Telangana assembly electionsకామారెడ్డి: టీఆర్ఎస్ అధినేత కేసీఆర్‌ను గద్దె దించడమే మహాకూటమి లక్ష్యమని కాంగ్రెస్ పార్టీ అభ్యర్థి, శాసనమండలిలో ప్రతిపక్ష నేత షబ్బీర్ అలీ స్పష్టం చేశారు. ప్రజాస్వామ్యాన్ని కాపాడేందుకే మహాకూటమిగా ఏర్పడినట్టు తెలిపారు. ఆదివారం ఆయన మీడియాతో మాట్లాడుతూ కేసీఆర్‌ పాలనపై తీవ్రస్థాయిలో ధ్వజమెత్తారు. నాలుగన్నరేళ్లలో తెలంగాణలో ప్రగతి లేదన్నారు.

కేటీఆర్ సవాల్‌ను స్వీకరిస్తున్నామని చెప్పారు. టీఆర్ఎస్ గెలవకపోతే రాజకీయ సన్యాసం తీసుకోవాలని ప్రతి సవాల్ విసిరారు. కేసీఆర్, కేటీఆర్‌లవి పచ్చి అబద్ధాలని మండిపడ్డారు. తెలంగాణలో మహాకూటమి అధికారంలోకి వస్తే.. ప్రతిరైతుకు రూ.2 లక్షల రుణాలు మాఫీ చేస్తామని హామీ ఇచ్చారు. 



'కూటమి కుమ్ములాడుకుంటే కేసీఆర్‌కే లాభం'

Updated By ManamSun, 11/18/2018 - 14:18
  • మహాకూటమిని గెలుపించుకుందాం: వీహెచ్

  • ప్రతి ఒక్కరికీ న్యాయం చేయాలి.. 

  • కూటమి వల్లే సీట్లు త్యాగం చేయాల్సి వచ్చింది

V Hanumantha rao, Telangana assembly elections, Rebal leaders, Massive allianceహైదరాబాద్: తెలంగాణ అసెంబ్లీ ఎన్నికల్లో పోటీచేయాలని భావించిన భాగస్వామ్య పక్ష నేతలకు టికెట్లు దక్కకపోవడంతో అసంతృప్తితో రగిలిపోతున్నారు. ఆశించిన స్థానాల్లో టికెట్ దక్కని అసంతృప్తి నేతలంతా రెబల్స్ మారి పోటీ చేసేందుకు సిద్ధమయ్యారు. ఈ నేపథ్యంలో రంగంలోకి దిగిన కాంగ్రెస్ పెద్దలు అసంతృప్తి నేతలను బుజ్జగించేందుకు స్పెషల్ టీమ్‌ను ఏర్పాటు చేసి రెబల్స్‌ను దారికి తెచ్చుకునే ప్రయత్నాల్లో నిమగ్నమయ్యారు. ఈ సందర్భంగా ఆ పార్టీ సీనియర్ నేత వి. హనుమంతరావు మాట్లాడుతూ.. మహాకూటమిని గెలిపించుకోవాలని పిలుపునిచ్చారు. కూటమి వల్ల కొన్ని సీట్లు త్యాగం చేయాల్సి వచ్చిందని అన్నారు. అన్యాయం జరిగిన ప్రతిఒక్కరికీ న్యాయం జరగాలని డిమాండ్ చేశారు. రెబల్‌గా పోటీచేస్తే కూటమి లక్ష్యం నెరవేరదని హితవు పలికారు. కూటమి ఆధికారంలోకి వచ్చాక అసంతృప్తులకు న్యాయం చేయాలని వీహెచ్ కోరారు. 

మహాకూటమిలో మనమే కుమ్ములాడుకుంటే కేసీఆర్‌కే లాభం చేకూరుతుందని వీహెచ్ అభిప్రాయపడ్డారు. పొన్నాలకు కూడా ఆలస్యంగా టికెట్ ఇచ్చారని, టీజేఏస్ అధినేత కోదండరాం కూడా త్యాగం చేశారని చెప్పారు. మర్రి శశిధర్ రెడ్డికి న్యాయం జరుగుతుందని తెలిపారు. వెంకటస్వామి లబ్ధి పొందినట్టు ఎవరూ లాభపడలేదన్నారు. శంకరరావు పార్టీ మారడం వెనుక ఆయన బామ్మర్దుల హస్తం ఉందని, కొత్తగా పార్టీలోకి వచ్చేవారికి సీట్లు ఇవ్వమని చెప్పి ఇప్పుడు ఇచ్చారని వీహెచ్ అసహనం వ్యక్తం చేశారు. కాంగ్రెస్ చైర్ పర్సన్ సోనియా గాంధీ షెడ్యూల్‌కి ముందే తెలంగాణకు వస్తే బాగుండేదని, కానీ కొన్ని శక్తులు అడ్డుకున్నాయని వీహెచ్ పేర్కొన్నారు. 



‘రెబల్స్’ అలక పాన్పు దిగుతారా?

Updated By ManamSun, 11/18/2018 - 13:35
  • కాంగ్రెస్ పెద్దల బుజ్జగింపులు ఫలిస్తాయా?

  • అసంతృప్తి నేతలు అలక పాన్పు దిగుతారా?

  • రెబల్స్‌ను బుజ్జగిస్తున్న స్పెషల్ టీమ్

  • అసంతృప్తుల్ని చల్లార్చే పనిలో కాంగ్రెస్ పెద్దలు

  • ఓ హోటల్‌లో కాంగ్రెస్ బుజ్జగింపుల కమిటీ సభ్యులు

  • నారాయణ స్వామి, కృష్ణారావు, డికె శివకుమార్‌తో భేటీ

Congress Highcommand, Telangana assembly elections, Rebal leaders, TRS, Congress, Prajakutami, Special teamమనం ఇంటర్నెట్ డెస్క్:  తెలంగాణ రాష్ట్రంలో అధికార పార్టీ టీఆర్ఎస్‌ను గద్దె దించేందుకు ప్రజాకూటమిగా ఏర్పడిన అన్ని పార్టీలు ఎన్నికల ప్రచారంలో దూసుకెళ్తున్నాయి. నామినేషన్ల పర్వం ముగియనున్న తరుణంలో ప్రచారానికి కూడా కొన్నిరోజులే గడువు ఉండటంతో ప్రచారంలో జోరు పెంచేందుకు భాగస్వామ్య పక్షాలు రంగం సిద్ధం చేస్తున్నాయి. మహాకూటమిలో మొన్నటివరకూ సీట్ల కేటాయింపులో తర్జనభర్జన పడినప్పటికీ ఎట్టకేలకు పొత్తులు, సీట్ల సర్దుబాటు వ్యవహారం కొలిక్కి వచ్చిన పరిస్థితి కనిపిస్తోంది. కానీ, పార్టీలోకి వచ్చిన కొత్త నేతలకు టికెట్లు ఇవ్వాలా? లేక ఎప్పటినుంచో పార్టీనే అంటిపెట్టుకొని ఉన్న సొంతపార్టీ నేతలకు సీట్లు కేటాయించాలా? పాలుపోక కాంగ్రెస్ పెద్దలు తలలు పట్టుకోవాల్సిన పరిస్థితి ఎదురైంది. ఈ క్రమంలో తాము ఆశించిన స్థానాల్లో టికెట్లు దక్కని ఆశావహులంతా అసంతృప్తితో రగిలిపోతున్నారు. కొందరు మరో పార్టీలో చేరుతుంటే  మరికొంతమంది అసంతృప్తి నేతలు రెబల్స్ ఫ్రంట్‌గా ఏర్పడి పోటీ చేస్తామని తేల్చిచెబుతున్నారు.

బుజ్జగించేందుకు స్పెషల్ టీమ్..
తెలంగాణలోని మహాకూటమిలో బుజ్జగింపుల పర్వం కొనసాగుతోంది. భాగస్వామ్య పక్షాలకు సీట్ల కేటాయింపుతో సొంత పార్టీలో టికెట్లు దక్కని అసంతృప్తి నేతలను బుజ్జగించేందుకు ఇప్పటికే కాంగ్రెస్ పెద్దలు రంగంలోకి దిగారు. అసంతృప్తుల్ని చల్లార్చే పనిలో నిమగ్నమయ్యారు. ప్రధానంగా రెబల్స్ నేతలను బుజ్జగించేందుకు ఓ స్పెషల్ టీమ్‌‌ను ఏర్పాటు చేశారు. ముగ్గురు సభ్యుల ఉన్న ప్రత్యేక కమిటీలో కమిటీలో కర్ణాటక మంత్రి డీకే శివకుమార్, పుదుచ్చేరి సీఎం నారాయణ స్వామి ఉన్నారు. హైదరాబాద్‌లోని పార్క్ హయత్ హోటల్  కాంగ్రెస్ కమిటీ సభ్యులు అసంతృప్తుల్ని బుజ్జగించే పనిలో పడ్డారు. అసంతృప్తి నేతలందరిని హోటల్‌కు పిలిపిస్తున్నారు. ఈ సందర్భంగా కమిటీ సభ్యులను పొన్నాల లక్ష్మయ్య, వీహెచ్, పొంగులేటి శ్రీనివాస రెడ్డిలు కలిశారు. త్రిసభ్య కమిటీని టీపీసీసీ చీఫ్ ఉత్తమ్ కుమార్ రెడ్డి కూడా కలిసి చర్చించారు. దుబ్బాక టీజేఎస్ అభ్యర్థి రాజ్ కుమార్ కాగా, నాయిని రాజేందర్ రెడ్డి వరంగల్ వెస్ట్ సీటు అడుగుతున్నారు. కాంగ్రెస్ పెద్దలు ఎవరి ఏ సీటు కేటాయిస్తారు అనేది సర్వత్రా చర్చనీంశయమైంది.

అధికారంలోకి వస్తే.. అసంతృప్తులకు ప్రాధాన్యం..
ఎన్నికల్లో మహాకూటమి గెలిస్తే.. తప్పకుండా అసంతృప్తి నేతలకు చోటు కల్పిస్తామనే హామీలు కూడా ఇస్తున్న పరిస్థితి నెలకొంది. మహాకూటమిలో అసంతృప్తి నేతలు అలక పాన్పు దిగకపోతే మాత్రం అది ప్రజాకూటమికి నష్టమే కాదు.. టీఆర్ఎస్‌కు బాగా కలిసివస్తుందనే ఊహాగానాలు కూడా వినిపిస్తున్నాయి. ఇప్పటికే పార్క్ హయత్ హోటల్‌కు వరంగల్ జిల్లా కాంగ్రెస్ పార్టీ అధ్యక్షుడు, వరంగల్ వెస్ట్ అభ్యర్థి నాయిని రాజేందర్ రెడ్డి, ఎఐసిసి కార్యదర్శులు సలీమ్, శ్రీనివాస కృష్ణన్, ఏఐసీసీ కార్యదర్శి వి హనుమంత రావు, దుబ్బాక టీజేఎస్ అభ్యర్థి చిందం రాజ్ కుమార్ చేరుకున్నారు. దుబ్బాక సీటును టీజేఎస్‌కు కాకుండా కాంగ్రెస్ పార్టీ తరపున మద్దుల నాగేశ్వర్ రెడ్డికి ఇవ్వాలని దుబ్బాక నేతలు బుజ్జగించనున్నారు. కాంగ్రెస్ పెద్దలు బుజ్జగింపులకు రెబల్స్ నేతలు నీరుగారిపోతారా లేదా రెబల్స్‌గా పోటీచేసేందుకు సిద్ధమవుతారా? కాంగ్రెస్ పెద్దల బుజ్జగింపులు ఫలిస్తాయా?ఎంత మేరకు ఫలిస్తాయనేది చూడాలి మరి. 



కాంగ్రెస్‌కు మరో షాక్.. మాజీ మంత్రి గుడ్‌బై!

Updated By ManamSun, 11/18/2018 - 10:57
  • నేడు మధ్యాహ్నం శంకర్ రావు ప్రెస్‌మీట్

Congress party, Former Minister, Sankar rao, Telangana assembly electionsహైదరాబాద్: తెలంగాణ అసెంబ్లీ ఎన్నికల నేపథ్యంలో రాజకీయ సమీకరణాలు వేగంగా మారిపోతున్నాయి. తాము ఆశించిన స్థానాల్లో టికెట్లు దక్కని అసమ్మతి నేతలంతా ఒక పార్టీలో నుంచి మరో పార్టీలోకి మెల్లగా జారుకుంటున్నారు. పార్టీ అధినేతలు బుజ్జగించిన అసంతృప్తి నేతలు కొందరు అలక వీడుతున్నా.. మరి కొంతమంది ఆశావహులు మాత్రం మరో పార్టీలోకి జంప్ అవుతున్నారు. తాజాగా కాంగ్రెస్‌ పార్టీకి మరో షాక్ తగిలింది. మాజీ మంత్రి శంకర్ రావు కాంగ్రెస్‌కు గుడ్‌బై చెప్పారు. ఈ మేరకు ఆదివారం పార్టీ అధ్యక్షుడు రాహుల్ గాంధీకి ఆయన బహిరంగ లేఖ రాశారు. తనను బలిపశువును చేశారంటూ ఆవేదన వ్యక్తం చేశారు. కాంగ్రెస్‌కు మూలస్థంభాలైన చెన్నారెడ్డి , వెంకటస్వామి కుటుంబాలకు పార్టీలో చోటులేకుండా చేస్తారా అంటూ లేఖలో ప్రస్తావించారు.

రెడ్లకు కేటాయించినన్ని సీట్లు బీసీలకు ఇవ్వరా? అని ఆయన కాంగ్రెస్ అదిష్ఠానం వైఖరిపై అసంతృప్తిని వెలిబుచ్చారు. విధేయులకు పార్టీలకు చోటు లేదని శంకర్ రావు అసహనం వ్యక్తం చేశారు. కాంగ్రెస్‌పై అసంతృప్తితో ఉన్న శంకర్ రావు ఈరోజు మధ్యాహ్నం రెండు గంటలకు హైదరాబాద్‌లో మీడియాతో సమావేశం కానున్నారు. ఈ సమావేశంలో కాంగ్రెస్ వీడటానికి గల కారణాలను ఆయన వెల్లడించే అవకాశం ఉంది. అలాగే తన భవిష్యత్తు కార్యాచరణ, ఏ పార్టీ వైపు అడుగులు వేయనున్నారో సమావేశంలో ప్రకటించే అవకాశం ఉంది. 



తెలంగాణలో ప్రచారానికి మోదీ.. సోనియా..

Updated By ManamSat, 11/17/2018 - 20:49
  • తెలంగాణలో మోదీ ప్రచార తేదీలు ఖరారు

  • 23న సోనియా గాంధీ పర్యటన.. రెండు సభల్లో ప్రసంగం 

  • ఈ నెల 25, 27, 28 తేదీల్లో అమిత్ షా ప్రచార సభలు 

Telangana assembly elections, Narendra modi, election campaign, Sonia gandhi, TRS, Congress, Amith shahహైదరాబాద్: తెలంగాణలో అసెంబ్లీ ఎన్నికల నేపథ్యంలో రాష్ట్రంలో ప్రధాని నరేంద్ర మోదీ ఎన్నికల ప్రచార తేదీలు ఖరారయ్యాయి. డిసెంబర్ 3,5 తేదీల్లో మోదీ.. బీజేపీ తరపున ప్రచారం నిర్వహించి నాలుగు సభల్లో పాల్గొననున్నారు. మోదీ ప్రచారానికి ముందుగానే బీజేపీ జాతీయ అధ్యక్షుడు అమిత్ షా ప్రచార సభలు ఈ నెల 25, 27, 28 తేదీల్లో నిర్వహించనున్నారు. తెలంగాణలో టీఆర్ఎస్ ప్రభుత్వానికి వ్యతిరేకంగా టీడీపీ, టీజేఎస్, కాంగ్రెస్, సీపీఐ పార్టీలు ఏకమైన మహాకూటమిగా ఏర్పడిన సంగతి తెలిసిందే. మహాకూటమిలో సీట్ల సర్దుబాటు కొలిక్కి రావడంతో ఇప్పటికే పలు పార్టీలు ఎన్నికల్లో పోటీ చేసే అభ్యర్థుల జాబితాను ప్రకటిస్తున్నాయి.

మరోవైపు 107 అభ్యర్థుల జాబితాను ముందుగానే ప్రకటించిన అధికార పార్టీ టీఆర్ఎస్ ప్రచారాలతో జోరుగా ముందుకు దూసుకెళ్తోంది. టీఆర్ఎస్‌కు గట్టి పోటీ ఇచ్చేందుకు కాంగ్రెస్ కూడా ప్రచారాలతో హోరెత్తి్స్తోంది. తెలంగాణలో 23న సోనియా గాంధీ పర్యటించనున్నారు. రెండు సభల్లో సోనియా గాంధీ తెలంగాణ ప్రజలను ఉద్దేశించి ప్రసంగించనున్నారు.    



'70 వేల ఓట్ల మెజార్టీతో గెలుస్తా'

Updated By ManamSat, 11/17/2018 - 19:48
  • శనివారం నామినేషన్ వేసిన టీపీసీసీ అధ్యక్షులు 

  • హుజూర్‌నగర్ ప్రజలు నా బిడ్డలతో సమానం

Uttam kumar reddy, Nomination, Huzurnagar, TPCC president, Telangana assembly electionsహుజూర్‌నగర్‌: హుజూర్‌నగర్‌ ప్రాంత ప్రజలంతా తనకు బిడ్డలతో సమానమని టీపీసీసీ చీఫ్‌ ఉత్తమ్‌కుమార్‌ రెడ్డి అన్నారు. శనివారం ఆయన సూర్యాపేట జిల్లా హుజూర్‌నగర్‌లో నామినేషన్‌ దాఖలు చేశారు. ఈ సందర్భంగా నిర్వహించిన భారీ ర్యాలీ ఆయన మాట్లాడారు. దాదాపు 70వేల కోట్ల మెజార్టీతో గెలుస్తానని విశ్వాసం వ్యక్తం చేశారు. పీపుల్స్‌ ఫ్రంట్‌ అభ్యర్థిగా నామినేషన్‌ వేసినట్టు తెలిపారు.

‘నాకు పిల్లలు లేరు.. హుజూర్ నగర్ ప్రజలే నాకు పిల్లలని భావించి పనిచేశాను’ అని ఉత్తమ్‌ తెలిపారు. నామినేషన్ వేయడానికి ముందు హుజూర్‌నగర్‌లోని గణేశ్‌ దేవాలయం వద్ద తన నామినేషన్‌ పత్రాలకు ఉత్తమ్ పూజలు చేయించారు. భారీ ఎత్తున కార్యకర్తలు, తన అనచరులు, పార్టీ కార్యకర్తలతో కలిసి భారీ ర్యాలీగా రిటర్నింగ్‌ అధికారి కార్యాలయం వద్దకు చేరుకొని నామినేషన్ దాఖలు చేశారు. 



టీజేఎస్ తొలి జాబితా.. అభ్యర్థులు వీరే..

Updated By ManamSat, 11/17/2018 - 19:31

TJS, TJS first list candidates, Telangana assembly electionsహైదరాబాద్‌: తెలంగాణ అసెంబ్లీ ఎన్నికల నేపథ్యంలో మహాకూటమిలో భాగస్వామ్యపక్షంగా ఉన్న తెలంగాణ జనసమితి(టీజేఎస్) ఎట్టకేలకు తమ అభ్యర్థుల తొలి జాబితాను విడుదల చేసింది. తొలి జాబితాలో నాలుగు స్థానాల్లో పోటీ చేసే అభ్యర్థులను ప్రకటించింది. శనివారం ఉదయం పార్టీ కోర్‌ కమిటీతో చర్చించిన అనంతరం నలుగురుతో కూడిన తొలి జాబితాను విడుదల చేశారు. మిగతా స్థానాల్లో రెండో జాబితాను రేపు (ఆదివారం) ప్రకటిస్తామని టీజేఎస్ పేర్కొంది. మాజీ ఎమ్మెల్సీ, టీజేఎస్ నేత కపిలవాయి దిలీప్‌కుమార్‌కు మల్కాజ్‌గిరి స్థానాన్ని కేటాయించారు.

అదేవిధంగా దుబ్బాక స్థానాన్ని రాజ్‌కుమార్‌కు, సిద్దిపేట స్థానాన్ని భవానీరెడ్డికి, మెదక్ స్థానాన్ని జనార్దన్ రెడ్డికి కేటాయించినట్టు టీజేఎస్ తెలిపింది. మహాకూటమి సీట్ల సర్దుబాటులో భాగంగా కాంగ్రెస్‌ 94, టీడీపీ 14, టీజేఎస్ 8, సీపీఐ 3 స్థానాల్లో ఎన్నికల బరిలో దిగనున్నాయి. కాగా, కోదండరాం పోటీ చేసే అంశంపై  టీజేఎస్ పార్టీ అధికారికంగా ఎలాంటి ప్రకటన చేయలేదు. 



బెల్లంపల్లిలో టీఆర్ఎస్‌కు గట్టి షాక్.. 

Updated By ManamFri, 11/16/2018 - 20:42
  • రెబల్‌గా బరిలోకి దిగనున్న గడ్డం వినోద్ 

  • స్వతంత్ర అభ్యర్థి పోటీ చేసేందుకు సిద్ధం

TRS, Bellampalli, Rebal candidate, Gaddam Vinod, Telangana assembly electionsబెల్లంపల్లి: బెల్లంపల్లిలో టీఆర్ఎస్‌కు గట్టి షాక్ తగిలింది. ఆశించిన టికెట్ దక్కకపోవడంతో టీఆర్ఎస్ నేత గడ్డం వినోద్ రెబల్‌గా పోటీ చేసేందుకు సిద్ధమయ్యారు. స్వతంత్రంగా నామినేషన్ దాఖలు చేసేందుకు తాను సిద్ధమని వినోద్ ప్రకటించారు. శుక్రవారం ఆయన మీడియాతో మాట్లాడుతూ.. టీఆర్ఎస్ అధిష్టానం తనకు చెన్నూర్ టికెట్ కేటాయిస్తుందని అనుకున్నానని అన్నారు.

తనకు టికెట్ ఇచ్చే విషయంలో టీఆర్ఎస్ పెద్దలతో సంప్రదింపులు జరిపినట్టు చెప్పారు. కానీ కేసీఆర్, కేటీఆర్‌ల నుంచి తనకు ఎలాంటి హామీ లభించలేదని వాపోయారు. దాంతో తాను స్వతంత్రంగా పోటీ చేసేందుకు నిర్ణయం తీసుకున్నట్టు స్పష్టం చేశారు. తమ నియోజకవర్గ కార్యకర్తల ఇష్టంతోనే తాను బెల్లంపల్లి నుంచి స్వతంత్ర అభ్యర్థిగా పోటీ చేయాలని భావించినట్టు గడ్డం వినోద్ తెలిపారు. 





Related News